مدرس محاسبة بدولة البحرين

[geeemooo]

والله يا جماعة جالى عرض عمل فى دولة البحرين أول امس وبصراحة مش عارف اخد فيه قرار والسبب انى معرفش اى حاجة عن دولة البحرين بخصوص مستوى

المعيشة - الرواتب - نظام العمل وبجد الى عنده اى فكرة عن دولة البحرين يقولى عشان انا محتار جدا ومش عارف اخد قرار وظروف العرض كما يلى

مدرس محاسبة مالية فى مدرسة عبد الرحمن كانو الدولية بالبحرين -

- الراتب 600 دينار بحرينى

- تذكرة ذهاب وعودة سنويا

- سكن عازب-

عقد لمدة سنتان اجازة 45 ال 50 يوم سنويا -

شهر مدفوع الأجر

انا جالى العرض ده من مكتب سفريات كنت ارسلت له اوراقى من سنة واتصلوا عليا عشان كنت كاتب فى السيرة الذاتية بتاعتى انى اشتغلت مدرس مواد تجارية لمدة سنتان فى مصر مع انى انا بشتغل حاليا محاسب بس عندى خبرة بالتدريس معقولة

ارجوكم الى عنده معلومات عن البحرين ومستوى المعيشة فيها وهل الراتب ده كويس ولا لا؟ وهل لو بعد كدة استقدمت زوجتى واولادى مع توفير سكن عائلى ممكن اقدملهم فى مدارس حكومية ولا لا؟ وهل فيه هناك تأمين طبى للعائلة ولا مافيش ؟

وعن المدرسة لو حد يعرف اى معلومات عن المدرسة وسمعتهاوخصوصا انها قطاع خاص وانا هنا شغال محاسب فى شركة قطاع خاص يعنى مطلوب منى التفكير وعدم التسرع فى اتخاذ قرار السفر

وجزاكم الله خيرا

[أحمد سيف]

بصورة عامة الراتب كويس بالنسبة لمستويات المعيشة في البحرين ... هناك ممكن تلاقي سكن عائلي مناسب بـ 200-250 دينار شهريا ... والأسعار هنا أقل من قطر والامارات فممكن تعيش كويس

المدرسة سمعتها كويسه ... وأنا بكلمك كولي أمر مش كموظف فيها ... وأنا كنت ناوي أدخل بناتي بها لما كنت هناك لولا أني انتقلت الى الإمارات

كل صاحب عمل في البحرين بيأمن على موظفيه عند الحكومة ... بحيث لو احتجت رعاية صحية بتروح المركز الصحي الحكومي وتدفع مبلغ بسيط (3 دنانير) للكشف والأدوية ... لكن طبعا ممكن المدرسة تأمن عليك بشكل خاص بحيث تقدر تروح المستشفيات الخاصة ... حسب عقدك معاهم

الحاجه اللي المفروض تفكر فيها كويس هي إنك لو هتسيب شغلك كمحاسب وتتجه للتدريس ... هيبقى صعب عليك ترجع تشتغل محاسب وممكن تفضل طول عمرك مدرس ... هناك ناس بيحبوا مهنة التدريس (أنا مش منهم) وفي ناس بيستمتعوا بيها فده يعتمد عليك أولا وأخيرا

[geeemooo]

بصورة عامة الراتب كويس بالنسبة لمستويات المعيشة في البحرين ... هناك ممكن تلاقي سكن عائلي مناسب بـ 200-250 دينار شهريا ... والأسعار هنا أقل من قطر والامارات فممكن تعيش كويس

المدرسة سمعتها كويسه ... وأنا بكلمك كولي أمر مش كموظف فيها ... وأنا كنت ناوي أدخل بناتي بها لما كنت هناك لولا أني انتقلت الى الإمارات

كل صاحب عمل في البحرين بيأمن على موظفيه عند الحكومة ... بحيث لو احتجت رعاية صحية بتروح المركز الصحي الحكومي وتدفع مبلغ بسيط (3 دنانير) للكشف والأدوية ... لكن طبعا ممكن المدرسة تأمن عليك بشكل خاص بحيث تقدر تروح المستشفيات الخاصة ... حسب عقدك معاهم

الحاجه اللي المفروض تفكر فيها كويس هي إنك لو هتسيب شغلك كمحاسب وتتجه للتدريس ... هيبقى صعب عليك ترجع تشتغل محاسب وممكن تفضل طول عمرك مدرس ... هناك ناس بيحبوا مهنة التدريس (أنا مش منهم) وفي ناس بيستمتعوا بيها فده يعتمد عليك أولا وأخيرا

شكرا للرد أ/ احمد سيف والمعلومات القيمة هو فعلا انت كلامك مظبوط 100 % بس مهنة المدرس لما بتكون جايبة همها بتكون مهنة مريحة جدا عن مهنة المحاسبة عشان انا جربت الإثنين وعشان كدة انا فعلا بفكر كويس قوى فى العرض المقدم ومدام حضرتك طمنتنى من مستوى المعيشة وكمان المدرسة فاضل سؤال واحد مدة العقد سنتان هل لاقدر الله لو هما استغنوا عنى اقدر ابحث عن عمل فى البحرين ولا النظام زى السعودية لازم امزل وجيب فيزا ثانية وكمان هل هناك مدارس حكومية لأولادى ولا مافيش؟

وجزاك الله خيرا

[أحمد سيف]

شكرا للرد أ/ احمد سيف والمعلومات القيمة هو فعلا انت كلامك مظبوط 100 % بس مهنة المدرس لما بتكون جايبة همها بتكون مهنة مريحة جدا عن مهنة المحاسبة عشان انا جربت الإثنين وعشان كدة انا فعلا بفكر كويس قوى فى العرض المقدم ومدام حضرتك طمنتنى من مستوى المعيشة وكمان المدرسة فاضل سؤال واحد مدة العقد سنتان هل لاقدر الله لو هما استغنوا عنى اقدر ابحث عن عمل فى البحرين ولا النظام زى السعودية لازم امزل وجيب فيزا ثانية وكمان هل هناك مدارس حكومية لأولادى ولا مافيش؟

ممكن تنتقل من عمل لآخر بسهولة في البحرين طالما أوفيت ببنود عقدك مع صاحب العمل لأن البحرين ألغت نظام الكفيل

المدارس الحكومية موجوده ومتاحه لأبناء العاملين في الحكومة من الأجانب ... انما مش عارف هل هي متاحة لأبناء العاملين في القطاع الخاص ...حضرتك لازم تتصل بوزارة التربية والتعليم في البحرين (هتلاقي موقعها ورقم التليفون على الانترنت) علشان تسأل عن النقطة دي ... بس أنا ليا وجهة نظر في الموضوع ده ... حضرتك هتكون شغال في مدرسه كويسه فأكيد هيكون لابناءك أولوية وخصومات للدراسة بها ... فده في رأيي أحسن بكثير من الحاقهم بالمدارس الحكومية ... على الأقل هيكونوا أولادك أدام عينيك وهيتعلموا كويس

[geeemooo]

شكرا للرد أ/ احمد سيف والمعلومات القيمة هو فعلا انت كلامك مظبوط 100 % بس مهنة المدرس لما بتكون جايبة همها بتكون مهنة مريحة جدا عن مهنة المحاسبة عشان انا جربت الإثنين وعشان كدة انا فعلا بفكر كويس قوى فى العرض المقدم ومدام حضرتك طمنتنى من مستوى المعيشة وكمان المدرسة فاضل سؤال واحد مدة العقد سنتان هل لاقدر الله لو هما استغنوا عنى اقدر ابحث عن عمل فى البحرين ولا النظام زى السعودية لازم امزل وجيب فيزا ثانية وكمان هل هناك مدارس حكومية لأولادى ولا مافيش؟

ممكن تنتقل من عمل لآخر بسهولة في البحرين طالما أوفيت ببنود عقدك مع صاحب العمل لأن البحرين ألغت نظام الكفيل

المدارس الحكومية موجوده ومتاحه لأبناء العاملين في الحكومة من الأجانب ... انما مش عارف هل هي متاحة لأبناء العاملين في القطاع الخاص ...حضرتك لازم تتصل بوزارة التربية والتعليم في البحرين (هتلاقي موقعها ورقم التليفون على الانترنت) علشان تسأل عن النقطة دي ... بس أنا ليا وجهة نظر في الموضوع ده ... حضرتك هتكون شغال في مدرسه كويسه فأكيد هيكون لابناءك أولوية وخصومات للدراسة بها ... فده في رأيي أحسن بكثير من الحاقهم بالمدارس الحكومية ... على الأقل هيكونوا أولادك أدام عينيك وهيتعلموا كويس

شكرا لسرعة الرد يا استاذ احمد وانا متأسف لكثرة الأسئلة بس اعزرنى اصلى انا اجهل تماما معلومات عن البحرين وعشان كدة انا ما صدقت لاقيتك طيب هى ليه بتدرس مواد تجارية؟ اصلا

وهل بتدرس المناهج بالغة الإنجليزية فقط ولا فيه مناهج بالغة العربيه اصل انا بصراحة مدرس محاسبة بالغة العربية وبصراحة المدرسة مش باعتة مندوب عنها يعمل المقابلات الشخصية انا طالع بترشيح من شركة السفريات وشركة السفريات هى الى ارسلت السيرة الزاتية بتاعتى للمدرسة وهما اختارونى بناء على ترشيح المكتب وارسال السيرة الذاتية وانا بصراحة خايف من انى اروح هناك الاقيهم بيقولولى انك مش مناسب للوظيفة مع انى هاكتب العقد هنا فى مصر هل ده ممكن يحصل ولا لا؟ ولو حصل لاقدر الله ينفع ابحث عن عمل تانى ولا ايه ؟

انا فعلا حيران لو عندك نصيحة اومعلومة قولهالى من فضلك

[أحمد سيف]

شكرا لسرعة الرد يا استاذ احمد وانا متأسف لكثرة الأسئلة بس اعزرنى اصلى انا اجهل تماما معلومات عن البحرين وعشان كدة انا ما صدقت لاقيتك طيب هى ليه بتدرس مواد تجارية؟ اصلاوهل بتدرس المناهج بالغة الإنجليزية فقط ولا فيه مناهج بالغة العربيه اصل انا بصراحة مدرس محاسبة بالغة العربية وبصراحة المدرسة مش باعتة مندوب عنها يعمل المقابلات الشخصية انا طالع بترشيح من شركة السفريات وشركة السفريات هى الى ارسلت السيرة الزاتية بتاعتى للمدرسة وهما اختارونى بناء على ترشيح المكتب وارسال السيرة الذاتية وانا بصراحة خايف من انى اروح هناك الاقيهم بيقولولى انك مش مناسب للوظيفة مع انى هاكتب العقد هنا فى مصر هل ده ممكن يحصل ولا لا؟ ولو حصل لاقدر الله ينفع ابحث عن عمل تانى ولا ايه ؟

انا فعلا حيران لو عندك نصيحة اومعلومة قولهالى من فضلك

لأ أنا تحت أمرك

البحرين مطبقة نظام تعليم اسمه (توحيد المسارات) ... يعني الطالب بيختار مجموعة مواد يدرسها منها اللي في تخصصه ومنها اللي بره التخصص ... فممكن أوي طالب العلمي أو الأدبي يدرس مواد تجارية زي المحاسبه كمادة اختيارية

هتلاقي معظم المواد التجارية تدرس باللغة الانجليزية لإن دي هي لغة التجارة هنا ... وخصوصا إنك في مدرسة خاصة كل المواد تقريبا فيها (ماعدا الدين والعربي) بتدرس بالانجليزي

ممكن جدا طبعا في أي وقت يقولوا لك احنا لقيناك مش مناسب للوظيفة علشان نقطة الانجليزي ... وقانون العمل البحريني بيعطي حق لصاحب العمل في فصل العامل بإنذار يوم واحد خلال فترة التجرية أو بإنذار شهر بعد ذلك ... فالأحسن برضه تطّلع على قانون العمل من على الانترنت علشان تعرف ايه اللي لك وايه اللي عليك.

لكن عموما الحكاية دي بتحصل نادرا ومعظم الناس بتكمل مدة العقد وبيجددوا لها كمان ... طبعا عند إثبات كفاءتهم

نصيحة لو ربنا كتب لك الوظيفة استعد كويس للشغلانة الجديدة وارجع ذاكر ثاني بالانجليزي علشان تعرف تمشي فيها ... وانسى كل اللي عرفته عن التدريس في مصر لإن الطالب هنا هو محور العملية التعليمية وهو اللي على الحجر ... يعني لازم تسايسه وتريحه وتتعامل معاه بكل احترام وفي نفس الوقت تخليه يتعلم كويس

البحرين من الدول المتقدمة في مجال المعلوماتية ولذلك هتلاقي معلومات كثير عنها على النت ... أدخل موقع الحكومة الالكترونية وهيئة تنظيم سوق العمل ووزارة التربية واالتعليم والمدرسة نفسها علشان تعرف حقوقك ومسئولياتك ونظام التعليم والعمل هنا.

وما تنسانيش في التقييمات يا باشا.