ماذا تريد "المساء"؟

[Sherief AbdelWahab]

النهاردة قامت جريدة المساء بمهزلة مهنية.. بإنها فتحت على صدر رئيسيتها النهاردة مساحة لنواب العلاج اللي كانت هي وكل الصحف متسترة عليهم للدفاع عن نفسهم وإظهار نفسهم بمظهر البريء رغم التقارير اللي بتأكد شبهة التزوير في الحصول على تأشيرات..

فيه ناس حتقول الرأي والرأي الآخر.. وفيه ناس حتقول المتهم بريء حتى تثبت إدانته.. لكن النواب دول ارتكبوا جريمة سياسية مؤكدة وجريمة جنائية ظنية.. هل ح أعتبر صلاح النائب من فساده مقترن بارتكابه جريمة جنائية بس؟

حد يفهمني موقف المساء والصحف "القومية" إيه من الناس دي ؟ أنا حاسس بشبهة دفاع متعمد عن نواب العلاج رغم اللي بيتقال والله أعلم بصحته عن استبعادهم من الانتخابات وإن مفيش شخصية مكروهة حتترشح و..و...

خلص الكلام

[Howayda Ismail]

الانتخابات على الابواب بقى ودى سياسة المسامح كريم مع شعب مغلوب على امره

للاسف البلد اصبحت للهليبة والحرامية واصبح شعار تسرق اكتر تعلى اكتر هو السائد

كل سنة وحضرتك طيب وجميع اعضاء المنتدى بخير