مراتك ولا شغلك ... وجهة نظر رجالية

[Simba]

مراتك... ولا... شغلكمن وجهة نظر الرجل

تتهم كل نساء العالم الرجال بأنهم بيحبوا شغلهم اكتر ما بيحبوهمكزوجات أو كخطيباتأو كحبيبات

وأنا بالنيابة عنى أعترف بأن هذا صحيح... صحيح... صحيح ليه بقى؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل :

أولا... الشغل بيصرف عليا... بس أنا اللي بصرف عليها !!!

ثانيا... في الشغل ممكن تزعق براحتك و زعيقك يجيب نتيجة ...مع مراتك صعب انك تزعق براحتك... ومهما زعقت مش هييجى بنتيجة ...

ثالثا... ممكن تزوغ من الشغل في أي وقت من غير ماحد ياخد باله أوحد من الزملاء يغطيك... أنما تزوغ من مراتك... هيهات... أنسى...

رابعا... في الشغل عندك مدير ممكن ترضيه لو أشتغلت كويس ...... إنما مراتك لو عملت قرد... مش ممكن ترضيها !!! وإذا رضيت... عندك حماتك عمرها ما ها ترضى أبدا !!!!!!!

خامسا... في الشغل من حقك تاخد أجازه... عندك عارضه... واعتيادي... ومرضىدا غير يوم الجمعة... والعطلات الرسمية... بصراحة الشغل ريحه خفيف ع القلب... أنما مع مراتك... مش ممكن تاخد أجازه...بالعكس دانت لازم تلزقلها يوم الأجازة بتاعتك و إلا يبقى نهار اهلك مالوش ملامح...ليك أجازه واحده فقط... وطويلة جداً !!!!...

سادسا... في الشغل ممكن تترقى و تاخد منصب بيه... وباشا كمان ويبقى لك مكتب لوحدك ... وفراش... و سكرتيره خاصة... والكل يضرب لك تعظيم سلام...في البيت هاتعيش زوج... وتموت زوج... واللقب الوحيد اللي ممكن تاخده لما تنادى عليك مراتك وتقولك... يابو العيال...أو ......ياحاج...ولما تعجز وتسلم النمر... تقولك ......يا بركه

سابعا... الشغل لو زهقت منه ممكن تسيبه بدون مشاكل...أنما مع مراتك... لو روحك طلعت... لازم تحط ف بقك كوتشى وتفكر مليون مره... في المحاكم والمؤخر والنفقة... والعيال... وتلاقى نفسك في الآخر بتغني أنا اللي أستاهل كل اللي يجرالي... الغالي بعته رخيص...ولا أحسبوووووش غاااااالى... العزوبية طبعا.

ثامنا... في الشغل...لو سبته أو سويت معاشك... أو بلغت سن المعاش بتاخد مكافأة كبيره... ومعاش... وحفله تكريم...، أما مراتك لو سبتها قبل ما تموت... أنت اللي هاتدفع مكافأة ومؤخر ونفقه... وشقه كمان...وتتحبس لو مادفعتش...

تاسعا... ممكن تغير شغلك وتتنقل لغيره لو لقيت شغل أحسن منه...في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها... ظلم

عاشرا... في الشغل... متأمن عليك عشان لو حصل لك حاجه...ولو حصل لك حاجه... مراتك هي اللي ها تقبض التأمين

في النهاية... بتهوى مين أكتر... مراتك ولا شغلك.. .

الإجابة... أكيد مراتي طبعا !!!!!! :)

منقول

[Howayda Ismail]

اللى كتب الموضوع نسى يسأل نفسه

حتعمله ايه الفلوس فى صحراء جرداء مافيهاش بق مية كذلك الحياة بدون مشاعر ؟

حيعمله ايه شغله لما يتكهن ويقعد فى البيت زى قرد قطع من غير ونيس ولاجليس يؤنس وحدته

ويرد عليه نفسه؟

هيعمله ايه شغله لما يحاول يهرب من همومه واحزانه ومافيش قلب حنين يشيل عنه؟

الزواج نعمة مش بيحس بيها الا اللى عارف قيمتها

فى الشغل بياخد اجر دنيوى ممكن يزول من اول نفخة ريح لكن الزواج اجره غير ممنون

مش معنى كده ان الراجل يهمل شغله لا لكن هناك فى اولويات للاختيار

[yasser moustafa]

الله يسامحك يا سمبا ... حد يا راجل يفتح موضوع زى ده فى العشرة الأواخر من رمضان

وبالتالى لازم تكون اجابتى ان الزوجات نعمه واللى يكرها يعمى

واننا لازم نحمد ربنا فى السراء والضراء

ولكن لو سألتنى بعد العيـد ... ها قولك شعر من اللى بالى بالك :P

[Simba]

في النهاية... بتهوى مين أكتر... مراتك ولا شغلك.. .

الإجابة... أكيد مراتي طبعا !!!!!! :)

[اغابي]

حتى انت يا سميا

صاحب القلم الحساس ذو المشاعر الانسانية

دا انت معجبينك فى الشعر الستات مش الرجالة

- كدا حتخسر كتير اوى بعد الموضوع اللى كتبته داه

الحق نفسك وقدم جواب اعتذار فورا

وبعدين مالكم كدا شغالين هجوم انتحارى على الستات فى المحاورات - انتم متفقين ولا ايه

:blink:

عموما زى ما قالتك هند ايه حيعملك الشغل والفلوس مع الوحدة

- اوعى تفتكر ان العزوبية نعمة - بيتهيالك

العزوبية دى حاجة كدا ملل فى ملل وزى ما تصحى زى ما تنام - لا جديد تحت قبة السماء

بالاضافة ان الزواج ونس وعيال ولمة ومشاكل اه - بس اهو فى هدف فى حياتك

وكمان محوظة ما تنسهاش

- انك لو اعزب مش حتعرف تكتب حرف واحد من الاشعار الجميلة اللى بتكتبهالنا على صفحات المحاورات

لان الزوجة هى ملهمتك فى كتابة الشعر

وهى اللى بتمدك بالمشاعر

وتجدد احاسيسك

لتبدأ من جديد فى كتابات الشعرية المستمرة

لولا وجود المراة ما كان للشعر وجود

تحياتى

اغابي

[المهندسه]

في النهاية... بتهوى مين أكتر... مراتك ولا شغلك.. .

الإجابة... أكيد مراتي طبعا !!!!!! :)

مراتى ايه ياراجل ده انت خاليتها خل خالص

كرهتنى فى نفسى و صنف الستات كله .....ايه كميه الظلم البيتعرضه الرجله ده ..ده احنا الستات طلعنا عم الاشكيف يا راجل ..ايه جو يا رجال العالم اتحدوا ده

فين نساء المحاورات يردوا...قال يعنى انتوا الملائكه بجناحات بترفرفوا ...ده احنا لو كتبنا كتب عن خيانه الرجاله بس ورق الدنيا هيخلص و كلامنا مش هيخلص

الخيانه=راجل

الكدب=راجل

تكبير الدماغ فى البيت=راجل

و

و

و

ده حتى على رأى المثل المأثور"الاب يطفش و الام تعشش"

ده انتوا (هروح اهدى شويه من كلامك و ارجعلك تانى )

خد بنصيحه اغابى و قدم جواب اعتذار حالا بدل ما سيدات المحورات يتحدن و يقيمن عليك الحد وابقى خالى الشغل ينفعك يا حلو بقى و يخلصك من ايد عشماوى او ريا و سكينه

اختار طريقتك براحتك بس علشان تعرف ان الستات ديموقراطيات

[Simba]

مش معني اني نقلت الموضوع اني متفق معاه تماما

انا متفق معاه قالبا بس انما مضمونا حاشا وكلا ...كل النقاط العشرة فعلا واقعية وبتحصل لكنها بتحصل وعلي قلب الراجل زي العسل

( عسل اسود ) :lol:

الحاجة الوحيدة اللي مش قادر افهما ان اكتر النكت اللي بتضحك هي علي الصعايدة والمتجوزين نفسي افهم ايه الرابط المشترك بينهم wst::

طبعا انا مش مع المهندسة في الخيانة والكدب من سمات الرجل لانها ممكن تتفاوت بين الجنسين لكن تكبير الدماغ في البيت فده طبعا طبعا

الراجل في البيت دوره اشرافي واداري بس انما النواحي الفنية وخاصة اللي بتحتاج شغل يدوي فكلا البتة

ومتفق تماما مع اغابي ان لولا النساء ما كان الشعر ولا كان الحب ولا كان وراء كل مصيبة فتش عن المرأة

[Simba]

[عنبو]

الحاجة الوحيدة اللي مش قادر افهما ان اكتر النكت اللي بتضحك هي علي الصعايدة والمتجوزين نفسي افهم ايه الرابط المشترك بينهم

ههههههههههههههههههههههههههههههههه

كل راجل متزوج صعيدى وليس كل صعيدى راجل متزوج

على جنب كده

ده اعتراف منى

الحياه بدون نساء ملهاش اى طعم

تحياتى

عنبو

[اغابي]

ميرسي يا عنبــــــو

اضيف على تعليقك . . ان . . .

الدنيا من غير ستات

صحراء جرداء

بلا ماء

ولا كلمة

ولا همس

ولا طيور

ولا ربيع

ولا احساس

ولا ابتسامة

ولا فرحة

ولا ......اى حاجة خالص

المراه هى الـــ :roseop: للحيــاه ـــــ

والمراة هى بيت الشعر الازلى لمن اراد وهوى الاشعار

اغابي

اكيد مدامتك يا سمبا حتبعتلى جواب شكر

bv:-

[أبو حميد المسافر]

هههههههههههههههههههههه

:lol:

[masraweya]

يا ستات يا قمرات .. الموضوع هزار .. هما يقدروا يستغنوا عننا؟؟؟

على فكرة .. إحنا نقدر نصرف على نفسنا ..المهم المودة و الرحمة

[أبو حميد المسافر]

مراتك

يعني مش هتحوش شلن

يعني انسي تقرأ كتاب ولا تتهني بنص ساعة ع النت

يعني دماغك تبقي زي طبق الدش اللى عمال يستقبل اللى ملوش لازمة واللى ملوش لازمة برضه :lol:

يعني أفكارها أوامر وأمنياتك أحلام وسراب

[المهندسه]

الحياه بدون نساء ملهاش اى طعم

تحياتى

عنبو

يا سلام ياعنبو وعلشان الكلمتين الحلوين دول

كمان الستات ماتقدرش تعيش من غير الرجاله الدنيا من غيرهم ولاحاجه

وسمعنى موسيقى تيراراراه و انزل بتتر النهايه

[Howayda Ismail]

ده اعتراف منى

الحياه بدون نساء ملهاش اى طعم

تحياتى

عنبو

[/quot

ايوة كدة الاعتراف بالحق فضيلة