بناء كنيسة في السعودية

[eslam elmasre]

قوانين البلاد يجب ان تحترم سواء كنا في كندا او امريكا او السعودية ومن لا يعجبه قوانين بلد ما فعليه بمغادرتها فورا حتي لا يحس بالاضطهاد مثل ما قلنا من قبل عن المواطنة التي منعتها قوانين البلاد من ان ترتدي النقاب

استاذى الفاضل اسلام

القوانين تحترم طبعا لكن اين حرية العبادة

النقاب والمنقبات اللى حضرتك بتتكلم عليهم والقضية عموما تم مناقشتها بشكل واسع ومفصل على صفحات المحاورات منذ فترة قريبة

لكن اسالك سؤال - هل المنقبة دى ملهاش مكان عبادة تصلى فيه

كل دولة فى اروبا فيها مساجد ومراكز اسلاميه فخمة جدا

لكن برضوه ارجع واسال

السعودية قوانينيها بتمنع اى الست تنزل بدون عباءة او حجاب والاقليات الاجنبية بتحترم كدا كويس

وانتم عارفين ان السيدات الاوربيات لبسهم ايه فى السعودية ومحترمين القوانين هناك

والمنتقبة اللى بتتكلم عنها لو احترمت قوانينهم انها ممنوع تلبس نقاب - يبقى واحدة بواحد

لكن المنتقبة على الاقل بتروح المسجد تصلى لكن الاوربيات هل بيروحو كنيسة فى السعودية يصلوا

؟؟

لغاية النقطة دى ما بقاش اسمها قوانين

بقى اسمها تعسف والرجوع للخلف اكثر بافكارنا كشعب عربي

تحياتى

اغابي

الزميلة الفاضلة اغابي

اسمحي لي ان ارد علي مداخلتك

قلت

(لكن اسالك سؤال - هل المنقبة دى ملهاش مكان عبادة تصلى فيه

كل دولة فى اروبا فيها مساجد ومراكز اسلاميه فخمة جدا)

اه

كل اوربا مسموح لها ان تصلي فيها ما عدا مكان واحد وهي الفاتيكان فليس مسموح لها ان تمارس شعائرها فيها لان ممنوع فيها بناء المساجد

المهم المبدأ يا زميلة موجود وهو وجود اماكن في اوربا ممنوع بناء المساجد فيها ومش مهم المساحه او الظروف المهم ان فيه مكان علي وجه الارض ممنوع بناء المساجد فيه وياتري ماذا ستفعل المسلمة او المسلم المقيم في الفاتيكان تحت اي ظرف وكيف سيمارس شعائره في مسجده الغير مسموح ببناءه في هذه الرقعة

قد تقولين لي انهم اقليه وهنا سنرجع لنفس الرد ماهو الموجودين في السعودية بردوا اقليه بالنسبة والتناسب بين عدد المقيمين في الفاتيكان والسعودية

اذا عندما تكلمت عن الشعائر ولم يعجبك قرارات السعودية بعدم بناء الكنائس قمت ولم تقعدي وعندما واجهناك بمثله التمستي لهم الاعذار واخذت تبحثين عن المبررات الواهيه ايضا من وجهة نظري كما هي واهية بالنسبة لوجهة نظرك

(لغاية النقطة دى ما بقاش اسمها قوانين

بقى اسمها تعسف والرجوع للخلف اكثر بافكارنا كشعب عربي)

لا اسمها قوانين قد تعجبنا او لا تعجبنا لكنها في النهاية قوانين والاولي لك يا زميله يا موضوعية قبل ان تطالبي السعودية بالسماح ببناء المساجد ان تبدأي بنفسك وتطالبي الفاتيكان ايضا باظهار سماحة المسيحيه وقبولها للاخر وان تطالبيهم بان يبنوا مسجد

لاعضاء الجاليات المسلمة في بلادهم

هذا اذا جعلت من نفسي محاميا عن قضايا الاقلية المسلمة في الفاتيكان كما وضعت نفسك محامية عن الاقلية المسيحية في السعودية

عليك بتبني هذه القضية وعرضها علي الجهات الرسمية في السعودية ولهم الحق في قبولها او رفضها

قوانين البلاد يجب ان تحترم وهذا ما قلناه من قبل في كافة المواضيع الاسلاميه التي كان يعتبرها البعض تعصب وتعنت من حكومات الدول الغربية وقلنا انها قوانين يجب ان تحترم ونقولها الان يا زميلة هذه قوانين يجب ان تحترم

ولا السعودية مالهاش قانون يجب ان يحترم

الزميل الفاضل اسلام

انت مشكلتك الوحيدة انك ما قرتش مداخلاتى

داه اقتباس من المداخلة بتاعتى رقم 33

واخيرا كلمة حق

لو الفاتيكان كدولة مفيهاش مسجد انا ضد كدا طبعا لكن هل يوجد فيها مسلمون ؟؟

زى ما انا رافضة مبدأ عدم وجود كنيسة فى السعودية ينطبق الحال على الفاتيكان

لازم لو فيه جالية مسلمة يتعملهم مركز اسلامى او مسجد

اغابي

وكمان يا استاذى -

لما اقول رايي او وجهة نظرى اللى انا شايفاها وبعرضها فى موضوع مفتوح للكل انهم يتكلمو بحرية

ما يبقاش اسمها محامية عن الاقلية المسيحية - انا ليا وجهة نظر وما باتكلمش غير بالعدل والشي اللى بشوفوا انه مش ظلم

ليه انت زعلان - وبتهاجمنى - لو قارنا - موقفكم اصعب والمقارنة مش فى صالح موضوعكم صدقنى

وانا مع استاذ سكوربيون

الموضوع مش حرب ومش مقارنة ومش كل واحد متربص للتانى

احنا بنتكلم فى موضوع لكن من اوله تم استخدام الفاظ غير لائقة

وانا كمسيحية ما استحملتش انى ما اردش عليها ولا داه مش من حقى

كمان لو اتعرض الموضوع بهدوء وبفكر ارقى من كدا ما كنتش البداية حتبقى قنبلة موقوتة

زى ما فجرها صاحب الموضوع الاصلي باستخدامه الفاظ لا تليق

شكرا استاذ اسلام

ياريت تفهم رايي حتلاقيني معاكم مش ضددكم

انت بس ما قرتش مداخلاتى كويس

الحرية بوجه عام من حق كل شعوب الارض

اغابي

الفاضلة اغابي

لفت نظري كلمة موقفنا وموقفكم

من انتم ومن نحن هذا اولا

وان كنت انكر موقفنا وموقفكم لانها تحزب داخل الوطن الواحد

ان كان هذا نابع من غضبك فسألتمس لك العذر

اسلوب التعدي علي الاخر ليس اسلوبي يا استاذه وكل اعضاء المحاورات يعلمون ذلك

إن كان هناك لهجة تعالي من بعض الاعضاء تحسينها فنحن لا نؤيد ذلك ولا نرتضيه لغيرنا كما لا نرتضيه لانفسنا

لكن نحن في هذا الموضوع خرجنا خارج حدود الوطن وتكلمنا عن ان بابا الاسكندريه يناقش امر لا يخصه يناقش المطالبة بإنشاء كنيسة في دولة اخري غير دولتنا فكان يجب ان نضع النقاط فوق الحروف وان نتناقش بنفس المنطق ونطالب المعاملة بالمثل

كانت هذه نهاية الحوار الذي بدأه زميل لنا باسلوب لم نعهدة في محاورات المصريين الذي هو صورة مصغرة من مصر كما قلت

وبعيدا عن اسلوب الزميل كانت ردودي وانصبت مداخلاتي علي وجوب احترام قوانين البلاد وان الاولي بهذه المطالب هم اصحاب البلاد من شعوب او حكام والاولي ان نهتم بامورنا الداخلية وان نصلح ما افسدته السياسة

وإن كان رأيك هو المعاملة بالمثل بين دولة الفاتيكان والمملكة السعودية هنا ايضا افضل الاحتكام الي قوانين البلاد واحترامها وان الاولي بتلك الامور هم من يكتون بنارها او ان الامر يعنيهم

مع العلم ان المسيحيون الموجودين في السعودية ليسوا فقط ارثوزكس ولكنهم من كل طوائف المسيحية مثل المارون والكاثوليك والاصلاحيين والانجليين وغيرهم لا اعلمة فكيف نجعلها قضية للاقباط الارثوزكس فقط حتي يناقشها بابا الاسكندريه وتنتقل الي مرحلة جديده تكون فتيلا جديدا في تلك الفتنة المنتنة

عرفتي لماذا كانت مداخلاتي في هذا الموضوع

اتمني

[maramero]

صباح الفل يا مصراوية

ورقة بيلعبوها .....وتحددى كمان رئيس الكنيسة البابا مش فاضى للعب العيال

كل الما سا ة في اللي بيلعبوا بالنارلحرق الشعب الغلبان وهما عايشين في قصور وراكبين العربيات الفارهة واهى الدنيا تسالى واللى يقرا بداية الموضوع لازم يقول يا الف خسارة على المصريين

[مغتربة]

استميحكم عذرا

لكن ارى ان الجنازة حاره جدا و امتدت الى اكثر من اربع صفحات امتلئت معظمها بحوار متشنج و متوتر فى اغلبه بين معظم من شاركوا فى الحوار

اقول ان الجنازه حاره جدا

لكن عفوا

( الميت لم يمت بعد !!!!!!!!!!!!!)

فالامر يتعلق فى حقيقه الامر بجهتين فقط

جهه من المفترض انها تدرس تقديم طلبا ما

و جهه اخرى لها كل السياده و المرجعيه لحساب حساباتها الشرعيه و القانونيه لقبول او رفض هذا الطلب

بما يتلائم مع ظروفها و امنها و سيادتها

فالحاصل الان انه لا الجهه الاولى تقدمت باى طلب و لا الجهه الثانيه طلبت من اى شخصيه اخرى اعتباريه او حقيقيه ان تقرر بدلا منها

لذا فانا مشوشه قليلا عن ما الذى نتحاور بشانه هنا

فقد تعلمنا حكمه جميله قديماا تقول ان لكل مقاما مقال

لكنا الان اصبحنا نتبارى فى المقال قبل حتى حدوث المقام

مع ان ذلك لا يستقيم عقلا

رمضان كريم يا جماعه

[akramgroup]

اولا كل عام وانتم بخير

انا متابع الموضوع من الاول لكن بصراحه ليا رأى

انا شايف يااخوانا اننا نقفل التوبيك ده لان من بدايته اتفتح للنقاش

بطريقه خطأ وفعلا كان شويه مستفز لإخوانا المسيحين اللى هما طول عمرهم

عايشين معانا فى مصر من غير مجادلات ولانقاشات لاتجدى أى نفع .

فقط ممكن أن تشعل فتنة ليس لها داعى

وخصوصا ان احنا بنتكلم فى محاورات المصرين

(يعنى مسلمين واقباط)

وبعدين ممكن لو حابين تناقشوا الموضوع ده يبقى فى سياق تانى من الاول

على أن يكون الحوار بطريقه مختلفة

يااخوانا بجد مش عاوزين حد يضحك علينا ولا يقعد يقرا ويقول اهم المصريين

بيقطعوا فى بعض وطول عمرهم عندهم فتنه طائفيه والكلام اللى انتم عارفينه

اللهم بلغت اللهم فاشهد

ومستنين التهنئة بعيد الفطر من اخوانا المسيحين وبسرعه كمان :) :)

وفى نفس التوبيك ده زى مااتعودنا منهم مشاركتنا فى اعيادنا ومناسباتنا

كلهاكأخوة لينا.

تحياتى

أكرم,,,,

[اغابي]

اولا كل عام وانتم بخير

انا متابع الموضوع من الاول لكن بصراحه ليا رأى

انا شايف يااخوانا اننا نقفل التوبيك ده لان من بدايته اتفتح للنقاش

بطريقه خطأ وفعلا كان شويه مستفز لإخوانا المسيحين اللى هما طول عمرهم

عايشين معانا فى مصر من غير مجادلات ولانقاشات لاتجدى أى نفع .

فقط ممكن أن تشعل فتنة ليس لها داعى

وخصوصا ان احنا بنتكلم فى محاورات المصرين

(يعنى مسلمين واقباط)

وبعدين ممكن لو حابين تناقشوا الموضوع ده يبقى فى سياق تانى من الاول

على أن يكون الحوار بطريقه مختلفة

يااخوانا بجد مش عاوزين حد يضحك علينا ولا يقعد يقرا ويقول اهم المصريين

بيقطعوا فى بعض وطول عمرهم عندهم فتنه طائفيه والكلام اللى انتم عارفينه

اللهم بلغت اللهم فاشهد

ومستنين التهنئة بعيد الفطر من اخوانا المسيحين وبسرعه كمان :) :)

وفى نفس التوبيك ده زى مااتعودنا منهم مشاركتنا فى اعيادنا ومناسباتنا

كلهاكأخوة لينا.

تحياتى

أكرم,,,,

خـلاص يا اكرم باشا

وعلشان خاطرك وانت عارف ومتاكد انت غالي عندى جدا

وبعتبرك فعلا الاخ الذى لم تلده امى

وانا باسف جدا على حالى وان كلمة شتيمة بسيطة قدرت تستفزنى للدرجة دى

المفروض انى ما استفذش بسرعة

عموما لاخوانى اصحابي المسلمين

وانا منزلة تهنئـة فى موضوعين موضوع

- رمضان والعيد فى كندا - للاخت دامو

وموضوع كل سنة واحنا طيبين - للاستاذ سكوربيون

وكل سنة واحنا كلنا طيبين

وانتهز الفرصة واقدم شكر خاص جدا للاستاذ سكوربيون

واللى نفسي فعلا اتعلم طريقته فى الحوار الهاديء المتزن داه ومسيري حاتعلم برضوه

ومناقشة اى موضوع حتى لو مستفز بالهدوء الجميل داه

بس انا كان ليا وجهة نظر وبعرضها وبدافع طبعا عن حق انساني

وشكرا ليك يا اكرم لانك هديت النفوس بجد

وشكرا كمان لمغتربه

وللمهندسة الفاضله واللى بحترمها جدا

وصدقيني يا بشمهندسة المشاركة بتاعتك

عملت احاسيس وحاجات جوايا - -

مش حاقدر اوصفها بجد بجد - اخجلتيني

شكرا ليك ولمحبتك ولاسلوبك الراقى

تمنياتى بعيد سعيد

اختكم اغابي

:roseop: :roseop:

[yosef elmadysm]

كل الشكر لك يا اغابى

و على فكرة انا تلقيت هنا فى كندا كميه ايميلات و اتصالات من اصدقائى المسيحيين من مصر كتيرة للتهنئة بدخول رمضان

و متوقع فى العيد ايضا

و كذلك اراسلهك و اتصل بهم و اتواصل معهم فى جميع المناسبات الخاصه بهم

مساله العقيدة عندى (مع الفارق الكبير) مثل الاهلى و الزمالك

كل واحد له حريه اختيار العقيدة او النادى اللى بيشجعه

[المهندسه]

وللمهندسة الفاضله واللى بحترمها جدا

وصدقيني يا بشمهندسة المشاركة بتاعتك

عملت احاسيس وحاجات جوايا - -

مش حاقدر اوصفها بجد بجد - اخجلتيني

شكرا ليك ولمحبتك ولاسلوبك الراقى

تمنياتى بعيد سعيد

اختكم اغابي

ولا اخجلتك ولا حاجه يا اغابى دى مشاعر حقيقيه فعلا تجاه اخوانا المسيحيون...فديننا ودينكم يأمر بالتسامح

وكلانا لابد الا نغفل ان تعايشنا مع بعض هو واقع كتبه الله علينا ولابد ان نتجاوز اختباره لنا ونعيش ونموت سويا على

الحب و طاعه الله

اما كلامى عن راهباتى فى المدرسه فهو حقيقه جميله جدا وذكريات طويله الحمدلله لم تمت لاننا على علاقه ببعض كلنا نتجمع اصدقاء المدرسه سويا دائما

واكبرتجمع لنا يكون فى رمضان على الفطار سنويا واكن حب كبير للراهبات و المدرسين الافاضل الذين تلقينا منهم مع ابائنا وديننا الحنيف

افضل صور التربيه و الاساليب الراقيه التى اشدتى حضرتك بها

وكل سنه و نحن جميعا مصريين مسلمين ومسيحين بخير وامان فى مصر ولابد ان يشغلنا اصلاح حال مصر المتدهور اقتصاديا و سياسياالذى يحاولوا

ان يشغلونا عنه بأثاره الفتنه والشغب بيننا

والسلام عليكم يا مصريين

[masraweya]

السلام عليكم

فَلِذَٰلِكَ فَادْعُ ۖ وَاسْتَقِمْ كَمَا أُمِرْتَ ۖ وَلَا تَتَّبِعْ أَهْوَاءَهُمْ ۖ وَقُلْ آمَنتُ بِمَا أَنزَلَ اللَّـهُ مِن كِتَابٍ ۖ وَأُمِرْتُ لِأَعْدِلَ بَيْنَكُمُ ۖ اللَّـهُ رَبُّنَا وَرَبُّكُمْ ۖ لَنَا أَعْمَالُنَا وَلَكُمْ أَعْمَالُكُمْ ۖ لَا حُجَّةَ بَيْنَنَا وَبَيْنَكُمُ ۖ اللَّـهُ يَجْمَعُ بَيْنَنَا ۖ وَإِلَيْهِ الْمَصِيرُ ﴿١٥﴾ سورة الشورى

لا أعتقد أن أيا منا يتعامل بحساسية مع أي مسيحي .. هم جيراننا"من كان يؤمن بالله واليوم الآخر فليكرم جاره" و زملاؤنا .. ديننا يأمرنا أن نجادلكم بالتي هي أحسن "ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ ﴿١٢٥﴾" وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ ۖ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَـٰهُنَا وَإِلَـٰهُكُمْ وَاحِدٌ وَنَحْنُ لَهُ مُسْلِمُونَ ﴿٤٦﴾" لذلك دعوتكم للهدوء .. المشكلة أن الطلب نفسه سواء قدم أم لا فيه استفزاز لأن الرد معروف مسبقا .. لذا أعيد السؤال ,, لماذا لآن؟؟؟ لماذا أصبحت تصرفات الكنيسة تصادمية لا تراعي شيئا حتى في لغة الحوار .. لماذا الهتافات "يا جمال يا الي هتبقى الريس"؟؟ جملة "بنعملها غسيل للغسيل" صدرت من أحد رجال الكنيسة في التليفزيون

ما يحدث الآن و البحث عن مكاسب ضئيلة يهدد هذا الوطن .. يهددنا جميعا,, ليس من مصلحتنا أن نتظاهر ان كله تمام لأن هناك من يزيد من حالة الاحتقان مصرا على تعبئة الرأي العام ... لماذا؟؟؟؟

تم تعديل 9 سبتمبر 2010 بواسطة masraweya

[اغابي]

كل الشكر لك يا اغابى

و على فكرة انا تلقيت هنا فى كندا كميه ايميلات و اتصالات من اصدقائى المسيحيين من مصر كتيرة للتهنئة بدخول رمضان

و متوقع فى العيد ايضا

و كذلك اراسلهك و اتصل بهم و اتواصل معهم فى جميع المناسبات الخاصه بهم

مساله العقيدة عندى (مع الفارق الكبير) مثل الاهلى و الزمالك

كل واحد له حريه اختيار العقيدة او النادى اللى بيشجعه

استاذى الفاضل يوسف

اخترت اول يوم العيد لانتهز الفرصة وبشكل خاص ورسمي ان اهدى اليك باقة ورد

مع ارق امنياتى بالسعادة لحضرتك ولاسرتك الكريمة

:roseop: :roseop: :roseop:

شكرا على مرورك الذى فاجانى واسعدنى كثيرا

والله يعلم ما بداخلى من محبة للجميع

فانا سريعة النسيان ولا افتكر اى شخص اساء لى

- وكلنا اخوة وحال الوطن فى الوقت الحالى يحتاج الى صحوة عاجلة منا

سواء كنا كمصريين داخل ام خارج بلادنا -

كل منا ولو بكلمة يستطيع ان يساهم فى وحدة الوطن

وترابطه واصلاحه وعدم تشتيت وتفريق ابناؤه او زرع الفتن

كما كان حال المصريين سابقا ايام اباؤنا واجدادنا الترابط والاخوة

شكرا لكلمتك الطيبة يا استاذ يوسف

وتمنياتى لك بعيد سعيد

على جنب كدا

:blink:

ابقى اوصفلنا فى باب كندا شكل العيد فى كندا ايه

بالتفصيل وبتقضيه ازاى وبتصلى فين

اغابي

:roseop:

تم تعديل 10 سبتمبر 2010 بواسطة اغابي

[Egy Guy]

كل عام وانتم بالف خير يا جماعة وعيد مبارك عليكم وعلي المسلمين جميعاً

بس حبيت اوضح :: بغض النظر عن شرعية طلب الاقباط او تدخل البابا شنودة في السياسة الداخلية للسعودية

الا اني متأكد ان الخبر ده بلغة اليومين دول (فاكس 100 %) يعني مش صحيح بالمرة

وده عشان المصدر هو جريدة اليوم السابع صاحبة السقطات الاخبارية واشهرها النقل من موقع سيفون سبورت