السلام عليكم افيدونى افادكم الله

[البرادعى]

السلام عليكم قبل فتره وانا كنت معاكم هنا فى المنتدى كنت بسئلكم عن فيزة سائق الخاص وانها اتبعتتلى من الكفيل عشان اشتغل عنده بفيزه دى

ولما جيت هنا كان الاتفاق 1500 ريال + نسبه من المبيعات جيت لقيت المرتب 1000 ريال ومفيش نسبه ده غير ان الكفيل لما كلمته اتعصب عليه

وكمان انا داخل البلد يوم 13 رجب والمفروض الاقامة تطلع قبل ما الثلاث شهور تخلص حتى الان الاقامة لم تطلع ليه

وغير ده ولا ده التهديدات اللى كل يوم بسمعها وبيقولى انت لو فكرت تمشى همنعك من دخول السعوديه 5 سنيين وهرحلك

وانا عملت قبل كده فى واحد سودانى وكمان خليته يتجلد قبل مايمشى والاستهزاءات اللى بسمعها منه وانا بصراحه خلاص مش قادر استحمل منه تانى

وفكرت انى افاتحه فى انه يعملى خروج نهائى بس لقيت واحد صاحبى قالى ده عنده نيه انه يمنعك من دخول السعوديه خمس سنوات

وانا بصراحه معايه فيزه بمهنتى الاصليه حاليا ومربط عليها وعايز انزل وارجع تانى بيها وخايف انه يعمل كده ويمنعنى من دخولها

عشان هوه ليه وسايط فى الجوازات

افيدونى الله يباركلكم

ملحوظة

فيه صديق ليه قالى مدام انته لسه معكشى اقامة تبقى فى السليم بس لما ترجع تغير باسبورك او تروح لسفارة المصريه فى الرياض

وتقولهم باسبورى ضاع منى وانا كنت جاى عمره وهيطلعولك باسبور جديد وبعدين تروح للترحيلات وتقولهم انك كنت جاى عمره

وباسبورك ضاع منك وطلعت واحد تانى وعايز تروح هتترحل وتتمنع سنتين بس

ده ايه بقى الكلام ده

وجزاكم الله كل خير

[mondeza]

السلام عليكم .. انا قرأت المداخلات السابقه لحضرتك في المنتدي لما كنت لسه في مصر و كان لسه معروض عليك الشغل .. و رأيت ان الأخوه في المنتدي حذروك من القبول بهذا العرض لأنه اكثر من مهين .. اي شغلانه ب 800 او الف جنيه احسن مليون مره من العرض اللي كان معروض عليك.. و لكن للأسف واضح ان حضرتك ما اقتنعتش بالنصائح و حصل اللي حصل " اللهم لا شماته " بس من الواضح ان المعامله بينك و بين الكفيل وصلت لمرحله مهينه و طبعا أحد اسباب اللي حصل ده هو انك قبلت بالعرض بتاعه.. للأسف الشديد .. انا لا اعرف مخرج لوضعك و لا انصحك بالتفكير في عمل اجراءات كثيره و مكلفه حتي تضمن الرجوع للسعوديه في خلال سنتين بدل من خمس سنوات .. لأن أصلا اذا كانت نيتك الرجوع مره تانيه علي وضع مشابه يبقي انت لسه ما اتعلمتش الدرس . ..