كل سنة و احنا طيبين

[Scorpion]

بمناسبة اقتراب الإحتفال بعيد الفطر ,( إعاده الله عليكم بخير و البركات),

أقدم تهنئتى بهذه المناسبة الشريفة لجميع المصريين, و المسلمين عموما, و لإعضاء المنتدى الأفاضل بالتخصيص.

و أتمنى أن يحل مع العيد, هدوء فى قلوب المؤمنين , وراحة للمعذبين, و خلاص للمقهورين.

و كل عام و أنتم طيبيين.

الأفوكاتو

عندما يقترب أي عيد من أعيادنا انتظر دائمآ ... انتظر رؤية تهنئته علي صفحات المحاورات .. فدائمآ كان هو السباق بالتهنئة ... و بالرغم من مغادرته لنا و لكن تبقي سطوره دائمآ مشعة ..

وددت ان لا نقطع عادة بدأها معنا فلم أجد أفضل من كلماته تلك التي سبق و هنأنا بها كي أعيدها عليكم بدوري ...

إخوتي و زملائي الأعزاء .. أرق امنياتي القلبية اليكم جميعآ بالعيد ... بارك الله فيكم و منحكم الصحة و السعادة و راحة البال .. و الرضا منه و مع الحياة كلها .... انتم و جميع من تحبونهم ...

كل سنة و احنا كلنا طيبين ....

:wub:

[akramgroup]

كل عام وانتم بخير جميعا

ويارب تقبل منا جميعا صيامنا

وعيد سعيد على الجميع بإذن الله

[Howayda Ismail]

كل سنة وانتم طيبين وعيد سعيد علينا جميعا

ويارب يارب مصر دايما تبقى بخير وناسها الطيبين بخير

[اغابي]

كل سنة واحنا كلنا طيبين

احنا كمسيحيين بنعيد فى اعيادكم وبناخد الاجازة الجميلة الكبيرة

واللى فعلا بافرح بيها اوى

كل سنة وكل اخوانى المسلمين بالف صحة وخير

وكل سنة و منتدى المحاورات بخير

وباهدى ارق واجمل باقة ورد

وعلى راى استاذ سكوربيون

كل سنة واحنا كلنا طيبين

:roseop: :roseop:

:roseop:

:roseop:

[عبير يونس]

كل سنة و مصر كلها بخير

مش بس كل سنة

لا

كل يوم و كل ساعة و كل دقيقة و مصر بخير

بناسها الطيبين

بمسلميها وأقباطها

اللي عايشين فيها

و اللي متغربين عنها بس شايلينها في قلوبهم

يا محاوراتية مصر

ربنا يجعل أيامنا كلها خير

عيد سعيد

:roseop:

[shiko]

....كل سنة واحنا مجتمعين على الحب ...

ملىء قلوبكم حب ...وسعادة ...

كل عام ...وانتم فى حب ...

[doha]

كل سنة واحنا جميعا بالف خير وبعوده الايام ..

بالمناسبة ياجماعه حد يعرف وقت صلاة العيد في مصر السنة دي هيبقى امتى على وجه التقريب ؟؟ الساعة كام يعني ..

[مغتربة]

كنت اتمنى ان ادخل المحاورات لاهنىء و ابارك اخوتى فى المنتدى على قدوم عيد الفطر

كنت اتمنى ان ازرع صفحات المحاورات تهانى و اغانى و كروت معايده وبلالين

لكن للاسف لا استطيع

فقلبى حزين جدا جدا

فلسان حالى يقول باى حال اتيت لنا يا عيد

و فى اى توقيت

اتاتى فى وقت يخطط فيه من تجردوا من كل معانى الانسانيه لحرق كتاب ربنا عز و جل

اهو توقيت مقصود ام هى مفارقه لا تخلوا من التعجب

فى اى شرع و اى دين يتم الاعتداء على الكتب المقدسه بهذا الشكل المهين

اهكذا تاتى الشهره و تتدفق اموال التبرعات

باهانه كلمه الله

اى عيدا و مقدساتنا يخطط لها الاهانه و الحرق كما تحرق القاذورات

اي عقل مريض تفتا عن مثل هذه الفكره المخزيه

اعلم ان للبيت ربا يحميه

لكن فى القلب غصه لا تترك بجانبها اى مكان لفرحه عيد

اشكر كل من هنىء

و لكن اعذرونى فانا لا استطيع

و ان كانت لى دعوه مستجابه الان فانا ادعوا الله من كل قلبى ان يحرق قلوب كل من خطط لهذا العمل الخسيس اذا استمروا فى بغيهم و نفذوا ما املت عليهم خستهم

هم و كل من ساندهم

و حسبى الله و نعم الوكيل

[solimady]

كل عام و الأمه الأسلاميه و جميع رواد المنتدى بخير و سلام بمناسبة حلول عيد الفطر أعاده الله عليكم بكل خير

على فكرة أول مره من زمان قوى العيد يجى فى نفس التوقيت مع مصر

أنا مش حانسى عيد الأضحى قبل الماضى كان أول يوم العيد فى كل الدنيا الا سلطنة عمان كان وقفه طبعا ماتسالوش أزاى

على العموم كل عام وانتم طيبين

[سمارت]

السلام عليكم جميعاً و رحمة الله و بركاته

أحببت أن أتقدم إليكم جميعاً مهنئاً بقدوم عيد الفطر المبارك أعاده الله علينا و على سائر المسلمين بالخير و النماء و التحية موجهة أيضاً لمن بداخل مصر أو في أي بقعة من أرض الله

تقبل الله طاعاتكم و أعاد عليكم رمضان أعوام كثيرة

[أحمد سيف]

كل عام وحضراتكم جميعا بخير ... تقبّل الله صيامكم وقيامكم وصالح أعمالكم وأعاد عليكم هذه الأيام المباركة وأنتم في صحة وسعادة وهناء

أختي الفاضلة متغربة ... هوّني عليك فالزمان لم يخل أبدا من الجهلة والحاقدين والسفلة وكلاب الشوارع من نوعية هذا الموتور ... وخير ردّ عليهم أن نتجاهلهم ونحقّر من شأنهم لأن كل ما يسعون اليه هو لفت الأنظار عبر تصرفاتهم الهوجاء

وكما قال الإمام الشافعي رضي الله عنه:

إذا نطق السفيه فلا تجبه ... فخير من إجابته السكوت

فإن كلمته فرّجت عنه ... وإن خليته كمدا يموت

وأنا أتصور مقدار غيظ وكمد هذا الكائن عندما يجد أكثر من ملياري مسلم يحتفلون غدا بعيد الفطر بعد أن أدوا فريضة الصيام ونافلة القيام وختموا القرآن ملايين بل مئات الملايين من المرات ... ويشاركهم فرحتهم الشرفاء من إخواننا في الوطن والإنسانية ... ليحرق نسخ تراجم القرآن التي يحوزها فهي في النهاية مجرد أوراق ... أما القرآن الكريم فهو محفوظ ليس بنا بل بمشيئة الله ولن يستطيع هذا الكائن أو غيره أن يمسّه

ويوم الحساب قريب ...

تم تعديل 9 سبتمبر 2010 بواسطة أحمد سيف

[Simba]

لفتة جميلة منك استاذ سكوربيون ومشاركة اجمل منك اغابي :)

كل سنة وكلنا طيبين مسلمين ومسيحين :) :)

[Alshiekh]

كل عام وأنتم بخير وصحة وسعادة

http://www.youtube.com/watch?v=Q_Xk6wTDlfU

[MaYousof]

[عادل أبوزيد]

أهنئكم جميعا بعيد الفطر المبارك أعاده الله عليكم باليمن و البركات

الفاضل سكوربيون دمت لنا دائما سباقا بالفضل

[خالد شحاته]

كل عام وانتم جميعا بخير وربنا يديم علينا الايام

[لماضة مصرية جدا]

السلام عليكم و رحمة الله و بركاته

الي اخواني المحاورين

لو كنتوا زيي صاحيين

او زي اخواتي لسه نعسانين

بقولكم واحد واحد و اتنين اتنين

كل سنة و انتم طيبين

ومن الكحك واكلين

و بلمة حبايبكميا رب دايما متهنيين

صباحكم فرحة يوم العيد......اينعم انا بس اشتريت طرحة جديدة....بس برضه ليها طعم لبس العيد بتاع زمان

سؤال ع جنب بس عشان الذاكرة راحت خالص

البتاع اللي ف الصورة اللي تحت دوت.....ينفع عيدية.....و لا هكون حديث العائلة اللمضاوية

للاجابة ابعتوا الحل في جواب مسوكر علي مبني ماسبيرو

الصورة هي

صباحكم فرحة عيدية......بس لما تعدي الحتةام مية....(وش طفل مستغل اوي)

[arkan]

كل سنة والجميع بخير

وخليها علينا العدية يالماضة اذا كانت من البتاع اللى في الصوره ده

ربنا يجعل ايامنا كلها اعياد

[Abu Reem]

وأنت بألف خير اخونا الغالي وحبيب الكل ( سكوربيون ) وايضا كل التمنيات بالخير لجميع اعضاء المحاورات ولجميع مسلمي مصر وأقباطها

ويارب نرى مصر اجمل واحسن واحلى السنة الجاية

[أبوعمار]

إلى كل أعضاء المنتدى الجامدين

كل سنة وانتوا طيبين

عيد مبارك ونظيف وشريف

وكله سرور وجمال وكمال

مع تحيات الحزب الوطني