هل يتم غلق حساب البنك بمصر إذا لم يتوافر فيه رصيد ؟

[se_ Elsyed]

ده سؤال من واحد صاحبي ...

أنا قلت له لأ ... خصوصاً لو كانت الفترة بسيطة اللي ماكانش فيها رصيد مش سنين مثلاً ..

حد عنده فكرة مؤكده عن الموضوع ده يا شباب ؟

[dongol]

اللي اعرفه ان لو الحساب قل عن خمسين جنية الموظف لازم يسئلك تقفله و لا تخلي فيه خمسين جنية لان ده الحد المسموح بيه في الحساب

ده في بنك مصر البنوك التانية مش عارف ماشيين علي نفس الطريقة ولا لا

[shiko]

....بص ...هو السيستم ...بيختلف من بنك للتانى

هل هو حساب توفير

ولا حساب جارى ...؟؟

زمان كان بيقفل الجارى ويسيبلك التوفير ....

على اساس ان الجارى هو بس اللى بيدفعله مصلريف سنوية ..

انما دلوقتى لا

الاتنين بيتقفلوا ...لانه موش من اللوجيك انه يقلب احمر ...ويتراكم عليك مصاريف فتح الحساب بالكريدت ...وكمان حركة الحساب سبب بيتعلل بيه معظم البنوك ...يعنى الحساب اللى اقل من 100ج ينظر فى امره بيقولك الحركة اللى على الحساب فضلت سنة لا سحب ولا ايداع يغلق الحساب .....

تم تعديل 8 سبتمبر 2010 بواسطة shiko

[se_ Elsyed]

شكراً يا ولاد

هو حسابه في بنك القاهرة ... وبقى له شهر مصفر ....

[se_ Elsyed]

قَي الأمر الذي فيه تستفتيان

لي صديق شغال في بنك القاهرة باتصل به من الصبح لكن شكله كان نايم

رد عليه وقال لي إن الحساب حتى لو مافيهوش رصيد لا يغلق بهذه السرعة لكن على الأقل محتاج 3 شهور ... ويُستحسن سواء كان جاري أو توفير إن يتوافر فيه 100 ج حتى عشان ماحدش يقول نقفله أو غيره ..

شكراً لكم جميعاً

[nightmare]

كان لى حساب في بنك CIB في سنة 2006 , ولما سافرت سنة 2007 كان فيه مبلغ اقل من 50 جنيه لانى سحبت كل الفلوس علشان مصاريف السفر, وفي الأجازة بعدها بسنة ونص تقريباً , رحت قلت احط المبلغ اللى معايا في حسابي , فوجئت لقيت الموظف بيقولى نأسف "تم إغلاقه" , ليه يا سيدي قالى الحساب اللى اقل من 100 جنيه ولم يتم تسجيل اى حركات عليه سواء سحب أو إيداع لمدة سنة يتم إغلاقه أوتوماتيكياً.

قلتله شكراً وفتحت حساب تانى , بس مش عارف باقى البنوك كده والا CIB بس.

تم تعديل 8 سبتمبر 2010 بواسطة nightmare

[doha]

بالنسبة لي كان عندي حسابين في البنك الاهلي واحد بالمصري وواحد بالدولار .. فضيت الحسابين وتركت في كل واحد فيهم مبلغ تافه ورجعت من كام سنة عشان اشوف نظامهم ايه لقيت الاثنين تم اغلاقهم بمجرد ماوصل الرصيد 70 جنيه لان في مصاريف سنوية حوالي 35 على مااذكر بتخصم منه ..

معتقدش ان الحساب بيغلق فوري لكن هي المصاريف الي بتتسبب في اغلاقه خاصه لما ميكونش في حركه عليه ..

[Guest Sobhy]

كان لي حساب بالبنك الاهلي استخدمته مره واحده وبعد كده لا سحب ولا ايداع لمده ٥سنين وكل ٣شهور البنك يبعتلي مصادقه بالحساب أن رصيدي جنيه وربع. روحت البنك ع اقفله قالي عليك ٤٩٥اطلع تدفعهم وبعد كده يتقفل طلعت للموظفه ع ادفع قالت روح وسيبك منهم دول حراميه المفروض الحساب يتقفل اوتوماتيك طالما مفيش رصيد روحت

[Guest ali200]

انا كان عندي حساب ف بنك عودة من 4سنين واتفاجات من كام يوم انهم بعتين ليا جواب بالمصروفات بتاعت الحساب وانا كان كل علقتي بالبنك مرتبي بينزل عليه مش عارف ادفع المبلغ ولا مفيش مشكله لو مروحتش البنك وكبرت دماغي

[Guest محمود]

انا كمان عليا فلوس مش عارف ادفع ولا ايه؟

[tarek hassan]

17 دقائق مضت, Guest محمود said:

انا كمان عليا فلوس مش عارف ادفع ولا ايه؟

انا طلبت خدمة العملاء وقفلته واتاكدت انه مغلق ولن يتم تحصيل مبالغ الا اذا قمت بعمل حساب جديد هذا ما قالوه

[Basmaa]

السلام عليكم انا كنت فاتحه حساب في cib من ٢٠١١ ومن اخر ٢٠١٨كان فيه حوالي ١٠٠٠جنيه ومن ساعتها ما استعملتيش الحساب خالص وعرفت من خدمه العملاء ان تم اغلاق الحساب من ٢٠٢٠ سوال ايه حكايه الرسوم الاداريه واما سالت خدمه العملاء عن الرسوم الاداريه قبل اغلاق الحساب مقالش كام وهل عدم دفعها حتي الان. مشكله ولا ايه يعني البنك بيرفع قضايا علي العملاء ولا ايه. علشان الرسوم قبل اغلاق الحساب  يا ريت حد يرد ويقولي الرسوم الاداريه اللي هي سنه قبل اغلاق الحساب كام وفيه مشكله من عدم دفعها حتي الان ولا ايه