حملات للحج

[elrasy]

سعر 3900 ريال لفئة د هل سعر كويس ولا غالى؟؟

ده بيعتمد على حاجات كثير

انت من جدة و لا الرياض

ايه الخدمات المقدمة و اسم الحملة

بسى اغلب فئة د

من 4300 الى 3500

من جدة

والخدمات العادية زى الوجبات والمشروبات وحمامات وغيرة

والحملة مترخصة واتاكدت من موقع حجاج الداخل.

بس اعتقد 3500 قليل على فئة د لانى ملقتش السعر دة غير فى فئة هــ.

تم تعديل 17 أكتوبر 2010 بواسطة elrasy

[mekkawy]

السلام عليكم و رحمة الله و بركاته

إلى رفقاء البحث عن أداء الفريضة من جدة

نزلت مع أخويا حسام عبد الفتاح امبارح و أخدنا اللفة المتينة على جميع كل مكاتب الحج و إليكم تلخيص ما حصلنا عليها

الأسعار في فئة هاء ــــ> 3500 - 5200 و في ناس تقولك القطار شامل و في ناس تقولك مالناش دعوة بيه و في ناس تقولك الأطفال مستحيــــل و ناس تقولك هتدفعلهم نص

الأسعار في فئة دال ــــ> 3800 - 5600 و دي كويسة لكن عيبها انها بالكامل و غالباً الخيام على مرتفعات بتبدأ بـ 30 سلمة و حتى 80 سلمة .. و الفئة دي مالهاش قطار بأي حال من الأحوال .. قالوا ان الحكومة مانعاهم من القطار

بعد كدة بأة عندك فئة جيم و باء و ألف لتبدأ الأسعار من 5500 و حتى 9800

اللي وصلنا ليه ان جميع كل الخدمات واحدة .. لا تفرق المخيمات خالص كلهم ورونا نفس كل الصور و نفس الفيديوهات .. الموضوع في فرق السعر هو بس المكان .. و إن كنت أفضل لنفسي فئة هاء لأن يبدوا إنها أقل مشقة لأن هيكون فيها القطار اجباري ...

كمان جميع الحملات رافضة تماماً حجاج الزيارة و المقيمين بس مش معاهم تصريح .. ولا الهوا مهما حاولت و مهما دفعت رافضين رفضاً تاماً و معلقين قرار واضح انه من الحكومة .. لكن بيقولك عديهم و أنا في المخيم عنيا ليك

و لما بتاخد في فئة هاء بتتقاس ببعد المخيم عن محطة القطار و ده بدأ من 100-400 متر .. فأنا شايف انه مش حاجة ضخمة يعني

المفاجـــــــــــــــــأة

في آخر المطاف و كان اخر خيط تعلقنا بيه و كان أخونا حسام سايبه للآخر رحنا الحملة اللي هو طلع فيها السنتين اللي فاتوا و شكر فيها إنها كويسة .. و للأمانة مش واااااو يعني إنما كويسة .. و اسمها المهابة و موجودة تحت كوبري الستين مع شارع فلسطين في هناك شقق مفروشة مش فاكر اسمها انما يافطتها صفرا مضيئة كدة و واضحة جداً .. المهم

حملة المهابة فيها نفس كل الخدمات من أكل و شرب و خيام مكيفة و كل حاجة بس فيها ميزة انها سراير مش الكراسي اللي بتتفرد .. سراير بدورين و الخيمة فيها عشرة .. كله بيوريلك صور تفصيلية .. و كمان حسام أكد الكلام ده لأنه طلع معاهم مرتين اللي فياتوا .. المهم .. نيجي للسعر

المهابة حملتها بـــ 3000 شاملة القطار لغاية الجمرة الأولى .. بعد الجمرة الأولى (الجمرة الثانية و الثالثة يعني) محدش عارف لكن غالباً هتكون ع الحاج.. و بيقبلوا الأطفال عادي جداً و مبياخدوش عليهم أي حاجة .. بتكلم عن بنتي اللي هي سنة و نص و أظن ما بياخدوش لحد 3-5 سنين و ممكن حسام يفيد أكتر

أنا فكرت طب ليه السعر قليل .. قلت يمكن وحشة حسام قال لأ كويسة .. و أنا شفت الخدمات هي هي في كله ما بتفرقش .. القضية في المكان .. و الصراحة أفضل المكان البعيد اللي أتنقل فيه بالقطار عن مكان في النص و أمشي بمراتي و بنتي 3 ولا 4 كيلو .. عن نفسي قررت إن شاء الله أحجز فيها و اللي حابب يحجز من جدة يقول و نتقابل و نروح سوا مفيش ايتها مشكلة

و ربنا يا رب يعين الجميع يتمم للجميع على كل خير

مكاوى

[elrasy]

واضح كدة ان مفيش غير حملات العزيزية اللى بترضى بالزيارات

يا ريت الناس اللى جربت تقولنا عن مساوىء حملات العزيزية ومدى جدواها

[ozoozo]

انا حجزت فئه جيم التنقل بالقطار

الخيمه اربعه في اربعه فيها عشره النوم مراتب

الاكل سيت منيو او وجبات -مش اوبن بوفيه-

المقر الرئيسي مكه والفروع الرياض وابها

025315582

025315516

شركه محمد مرزا

[mekkawy]

بكام يا أوزو باشا و هل السعر شامل القطار ولا القطار على حسابك ؟

[ozoozo]

بكام يا أوزو باشا و هل السعر شامل القطار ولا القطار على حسابك ؟

باربعه

ورضيوا ياخدوا ابني بالمحايله -3 سنين- عشان هما مجانا لحد سنتين بس

والتنقل شامل القطار

بس يعني ايه القطار بفلوس هو هايكون في تذاكر وكده

انا لغايه دلوقتي مش فاهم اليه عمل القطر ازاي وهايمشي فين

[se_ Elsyed]

نسيبي لسه حاجز من 4 أيام لحماه وحماته ... اللي وصلوا زيارة اول أمس ..

زيارة ... واخدين بالكم

حجز لهم من الرياض عن طريق حملة إسمها " البركة " وقالوا له زيارة زيارة بس هات لنا صورة جوازاتهم فقط عشان التصاريح !!

طيران رايح جاي طيران ... والسكن في العمائر المجاورة للجمرات .. يعني فئة أ

بـ 11 الف ريال للفرد

سالته عن متوسط الأسعار اللي لقاها .. قال لي إنها بتبدأ من 3800 ريال للفئة هـ الموجودة في مزدلقه طبعاً ذهاب وعودة بالأتوبيس .. خد بقى وإنت طالع لحد ما توصل فوق 10 الاف

أنا نصحته يروح يسأل في حملة الشركة السعودية لأني مجربها في الحج والعمره

الظريف إنه راح لهم يوم الأربعاء الماضي ... قالوا له تعالى السبت عشان نكون حددنا السعر ....

راح لهم السبت لقاهم قافلين ومعلقين يافطه إن جالهم رزق واسع وأحدى الشركات أجرت منهم جميع المخيمات الخاصة بهم لوكشه واحده ... وريحوا نفسهم لحد الحج :lol:

[se_ Elsyed]

بكام يا أوزو باشا و هل السعر شامل القطار ولا القطار على حسابك ؟

باربعه

ورضيوا ياخدوا ابني بالمحايله -3 سنين- عشان هما مجانا لحد سنتين بس

والتنقل شامل القطار

بس يعني ايه القطار بفلوس هو هايكون في تذاكر وكده

انا لغايه دلوقتي مش فاهم اليه عمل القطر ازاي وهايمشي فين

صدقني يا حج أو أوزوز ... لو تعرفوا حد من قرايبكم من أصحابكم وتقدروا تسيبوا عندهم أزوز الصغير ... هاتبقى رحلة حج ممتعة

الأطفال في الحج والعُمرة عذاب عذاب عذاب

[ozoozo]

بكام يا أوزو باشا و هل السعر شامل القطار ولا القطار على حسابك ؟

باربعه

ورضيوا ياخدوا ابني بالمحايله -3 سنين- عشان هما مجانا لحد سنتين بس

والتنقل شامل القطار

بس يعني ايه القطار بفلوس هو هايكون في تذاكر وكده

انا لغايه دلوقتي مش فاهم اليه عمل القطر ازاي وهايمشي فين

صدقني يا حج أو أوزوز ... لو تعرفوا حد من قرايبكم من أصحابكم وتقدروا تسيبوا عندهم أزوز الصغير ... هاتبقى رحلة حج ممتعة

الأطفال في الحج والعُمرة عذاب عذاب عذاب

تسلم علي النصيحه

والله فكرت في كده بس للاسف قلبي مش مطاوعني اني اسيبه لوحده مع حد وهافضل مشغول عليه طول الفتره دي

ده غير الصدمه النفسيه اللي هايعشها لمده خمس او ست ايام ان اهله اللي يعرفهم مش موجودين

ده غير العاده السيئه اللي فيه وهي انه بيصحي مرتين تلاته بالليل عشان يشرب لبن بالشيكولاته وطبعا مفيش حد هايستجمل انه يصحيه من عز النوم عشان الشيكولاته غير ابوه وامه

بس انا أامل ان القطار يحل مشكله المشي جزئيا

هو هايبهدلنا في الطواف والسعي بس اهو نبقي ناجرلوا كرسي واهو بالمره انا وامه كل واحد يبقي يركب شويه-دول 200 ريال ياعالم-

[gooody]

بكام يا أوزو باشا و هل السعر شامل القطار ولا القطار على حسابك ؟

باربعه

ورضيوا ياخدوا ابني بالمحايله -3 سنين- عشان هما مجانا لحد سنتين بس

والتنقل شامل القطار

بس يعني ايه القطار بفلوس هو هايكون في تذاكر وكده

انا لغايه دلوقتي مش فاهم اليه عمل القطر ازاي وهايمشي فين

صدقني يا حج أو أوزوز ... لو تعرفوا حد من قرايبكم من أصحابكم وتقدروا تسيبوا عندهم أزوز الصغير ... هاتبقى رحلة حج ممتعة

الأطفال في الحج والعُمرة عذاب عذاب عذاب

تسلم علي النصيحه

والله فكرت في كده بس للاسف قلبي مش مطاوعني اني اسيبه لوحده مع حد وهافضل مشغول عليه طول الفتره دي

ده غير الصدمه النفسيه اللي هايعشها لمده خمس او ست ايام ان اهله اللي يعرفهم مش موجودين

ده غير العاده السيئه اللي فيه وهي انه بيصحي مرتين تلاته بالليل عشان يشرب لبن بالشيكولاته وطبعا مفيش حد هايستجمل انه يصحيه من عز النوم عشان الشيكولاته غير ابوه وامه

بس انا أامل ان القطار يحل مشكله المشي جزئيا

هو هايبهدلنا في الطواف والسعي بس اهو نبقي ناجرلوا كرسي واهو بالمره انا وامه كل واحد يبقي يركب شويه-دول 200 ريال ياعالم-

[dena donia]

السلام عليكم

الحمد للة ويارب استر بعد ما لقيت حملة كويسة قبلت تاخد زيارة وهى حملة من جدة فئة ب بسعر5500ودفعنا الفلوس وكل حاجة تمام اتصلت الشركة بينا امبارح وقالت لينا معلش الزيارة مش هانقدر ناخدهم ورجعنا لنقطة السفر يارب يسر ان شاء اللة

[elrasy]

هل يا جماعة موضوع التطيعم الحمى الشوكية بتاع الحج مهم ولا لآ

يعنى اخدة ولا اطنش بصرف النظر انة لازم علشام تصريح الحج

[ozoozo]

هل يا جماعة موضوع التطيعم الحمى الشوكية بتاع الحج مهم ولا لآ

يعنى اخدة ولا اطنش بصرف النظر انة لازم علشام تصريح الحج

انا عن نفسي ضربته عشان بخاف من الحقن

وكل اللي بيطلعه سلكاوي مابياخدهوش

[ozoozo]

تصريحك طلع

لسه

عايز تستعلم عن تصريحك

ادعس هون يازلمه ودخل رقم اقامتك

https://www.eserve.com.sa/hajj-check/

[moamana]

يا جماعة انا كنت هطلع فئة ب انا و ست اشخاص ب6200 من الرياض باص

بس مش ناويين نطلع و لا ننا حاجزين و مش عايزين الرجل يخصم اى حاجة من الحجز و الحملة قفلت و مش عايزة تفتح الحجز تانى فاى حد عايز يطلع يقولى لو عايز ياخد مكانى

الحملة مضمونة و كلها دكاترة مصريين

و مفيهاش اى مشاكل و تقدروا تتاكدوا من ذلك بس احنا اللى محصلش نصيب معانا