ياسر بتاريخ: 9 سبتمبر 2010 تقديم بلاغ مشاركة بتاريخ: 9 سبتمبر 2010 السلام عليكم, رمضان كريم علي الجميع و كل عيد و احنا و حبايبنا بالف خير و سعادة قولوا اميييين. بصراحة كدة و من غير خجل جة في راسي سؤال و ماعرفتش اجاوب علية. قلت لنفسي يا تري انت قلت لمراتك بحبك :unsure: ؟ ,,, لا و اللة عمرها ما حصلت,,, ,,طب لية يا معلم,,,,قعدت اخد و ادي مع نفسي ان الواحد ال اية راجل و ما ينفعش يقول الكلام دة و علي رأي اللي قال " انما تأسي علي الحب النساء " و بعدين هو انا لازم اقولها يعني,, ما هي الافعال ابلغ من الاقوال, و اهي ماشية و احنا زي الفل و الحمدللة,, wst:: قلت ياواد طب كبر السؤال شوية,,, يا تري قلت لوالدك انك بتحبة؟؟ طب والدتك؟؟ اخوك يمكن,, طب اختك,,, ,,, يانهارك مش فايت يابو اليسر,,, امال انت يابني عايش بتعمل اية :blink: ,, يا تري لية ماقلتلهمش,,, برضة راجل و ماينفعش و الاقوال مش عارف اية,,, لا ماياكلش الكلام دة يا معلم,,, و لان اخوكو مدمن افلام اجنبية من ايام اعدادي , كنت دايما بانبهر بكلمة بحبك اللي بيقولوها عمال علي بطال,,, العيال رايحة المدرسة,, يبوسو اهلهم و اي لوف يو اي لوف يو,, قبل ما ينامو,,, حاجة كويسة او حتي مش كويسة حصلت مافيش علي لسانهم الا اي لوف يو,,,, اللة ماهو انا عمري ما اصدق انهم اجدع مننا او مشاعرهم ارقي ولا ادفي مننا,,, استحالة,,,, و الدليل ان انا متاكد اني انا و حضرتك بنحب اهلنا و زوجاتنا و اولادنا حتي النخاع و اكتر من نفسنا,,, طب امال اية المشكلة,,,قبل ما اتكلم عن المشكلة’ خليني برضة اسأل,, هو مهمم موضوع اني اقول لزوجتي او ابوي او امي اني بحبهم,,ماهم عارفين,, اية لازمتة الاحراج يعني,, و بعدين ابقي راجل طويل عريض كدة و اروح اقول لمراتي بحبك يام هشام,,ولا اقول لابوي يا بابا علي فكرة بحبك,, يا حلاوتك,,, جاوبت علي نفسي و قلت ايوة ضروري انك تقولها,,,,, و خلوني اقول موقف بسيط حصل معايا.,,, قبل ما ربنا يكرمنا بتـقـي نزلنا نتمشي انا و هشام و ام هشام نجيب عيش ايراني ,, مشوار رفيع 3 دقائق لكن علي مشي الحامل يبقو 30 المهم المعلم هشام و احنا راجعين راسة و الف شوز الا لازم اشيلة,, و انا يابني اللة يهديك اسكت,, يابني الدنيا حر و امك بتمشي خطوتين كل 7 دقايق اسكت,,, اصر و الح و شلتة,,,يقعد ساكت,,, لا و دلع و تنطيط من اللي انتو عارفينة,, لاعبتو و مرجحتة وانا شايلة اتبسط و ضحك و قهقه و اذ فجأتن قام ماسك وداني الاتنين بايدة الاتنين و مديني بوسة هنا و بوسة هناك و قالي انا بحبك يا بابا :wub: ,,,,,,,,,,,,,,,,, طبعا اي كلام اقولة مايوصفش انا كنت اد اية سعيد و مبسوط و فرحان و عندي حالة من الرضي الذاتي,,اهي كلمة واحدة غيرت قرفي من الحر و زهقي من شيلة و تنطيطة لكل المشاعر الجميلة دي bv:- ,,,عرفتو لية بقي لية مهم ان الواحد يقول للي بيحبهم انة بيحبهم. طب امال اية المشكلة,, اما هي كلمة سهلة كدة و حلوة كدة و بتعمل عمايل لية مابقولهاش؟؟ وانت لية مابتقولهاش؟ للحديث بقية. رابط هذا التعليق شارك المزيد من خيارات المشاركة
nightmare بتاريخ: 9 سبتمبر 2010 تقديم بلاغ مشاركة بتاريخ: 9 سبتمبر 2010 مش كل الناس بتخجل منها , انا بقولها لوالدتى على طول واخواتى سواء الأولاد أو البنات . الوحيد المظلوم في القصة دي "بابا" , ما اعتقدش ابداً إنى قولتله بحبك في يوم من الأيام , بس عامة بعوضها بكلمات ثانيه "انتا الخير والبركة" , "ربنا يطولنا في عمرك" , "احنا من غيرك ولا نسوي" :D كده يعني , عامة دعوة حلوة وأحب أنتهز الفرصة وأقول لكل الناس هنا في المنتدي إنى بالفعل "بحبهم" بجد , وكل سنة وانتم طيبين جميعاً وعيد سعيد عليكم وعلى الأمة الإسلامية كلها يارب فداك أبي وأمي ونفسي ومالي يا رسول الله http://www.youtube.com/watch?v=yOblBbK5FqI&feature=related رابط هذا التعليق شارك المزيد من خيارات المشاركة
ياسر بتاريخ: 9 سبتمبر 2010 كاتب الموضوع تقديم بلاغ مشاركة بتاريخ: 9 سبتمبر 2010 وانت بالصحة و السلامة يا نايت مار,, و انشااللة عيد الخير عليك و علي احبابك,, و اسمحلي اختلف معاك ان كلنا بنخجل نقولها,,, و كون اني اقول لوالدي دعوات او امنيات طيبة دة شيئ ممتاز انا كمان بعمل كدة بس عمري ما قلتلة بحبك,, و دة بالظبط اللي انا اقصدة,, شكرا علي المشاركة و ربنا يباركلك رابط هذا التعليق شارك المزيد من خيارات المشاركة
أبو حميد المسافر بتاريخ: 9 سبتمبر 2010 تقديم بلاغ مشاركة بتاريخ: 9 سبتمبر 2010 الزوجات يمتن شوقا لسماعها رابط هذا التعليق شارك المزيد من خيارات المشاركة
خالد المسلم بتاريخ: 14 سبتمبر 2010 تقديم بلاغ مشاركة بتاريخ: 14 سبتمبر 2010 السلام عليكم ورحمه الله وبركاته والله موضوع مهم يا استاذ ياسر هوه ليه صحيح الواحد مش بيقول لمراته بحبك ... اجاوبك بصراحه عن نفسى طبعا لان الباب هوه موضوعات شخصيه انا بخاف انى تعبيرى عن الحب يتفهم غلط ايوه على انه ضعف مثلا وانا من الناس اللى بحب اظهر قوى على طول مش بحب حد يشوفنى فى اوقات الضعف ده اول حاجه حاجه تانيه ثقافتنا وعادتنا واللى اتربينا عليه يعنى تعبير الراجل الشرقى عن الحب بيكون بالافعال فى معظم الاحيان طب منا لما ارجع كل يوم مهدود الحيل وطالع عينى وشغال عشر ساعات فى مهنه مايعلم بيها الا ربنا مهو ده كلمه بحبك ولكن ابلغ ميت مره من الكلام لما يجى زبون يقل ادبه ويقول كلمتين ملهمش لازمه وانا استحمله عشان الموضوع مش يكبر وممكن افقد عملى لو تكرر فعشان يفضل البيت مفتوح بكبر دماغى مع انى بغلى مهو ده كلمه بحبك وفى الاخر انا راييى ان بحبك بالفعل وطبعا يا سلام لو بقت بالقول والفعل بس تقول لمين صباحبكم ابيض رابط هذا التعليق شارك المزيد من خيارات المشاركة
pocy بتاريخ: 15 سبتمبر 2010 تقديم بلاغ مشاركة بتاريخ: 15 سبتمبر 2010 أخوانى الافاضل اسمحولى ان اتكلم من وجهه نظرى النسائيه ساحكى عن موقف بسيط اولا قبل الخوض فى الموضوع ابن اختى عنده ست سنوات وبيحبنى جدا وكل ما يشوفنى لازم يحضنى ويدينى بوسه كبيره ويقلى بحبك ياخالتو كنت الاول بفرح بيها لكن بعد كده مليت منها لانها اتكررت كتير لدرجه انى فقدت معناها والاحساس بها وده صلب الموضوع والان اليكم هذا الحوار بين زوج وزوجته افترضته واريد رايكم فيه الزوجه : بتحبينى ............ الزوج : اكيد طبعا ......... الزوجه : ليه مش بتقلي بحبك الزوج : مانا ساعات بقلها الزوجه : لا افتكر اخر مره كده قلتلى فيها بحبك الزوج (يفكر قليلا ): اكيد قلتهالك قريب بس انا مش فاكر الزوجه : حبيبى اخر كلمه بحبك قلتها لى بعد ان ولدت طفلك الاول وطبعت قبله على جبينى الزوج (مستغرب ابنه الان عنده اكتر من سنه ): لالالا اكيد قلتها بعد كده وانتى مش فاكره الزوجه : حبيبى وزوجى العزيز انها كانت اخر مره تقولها لى بمشاعرك ولم تقولها بعد ذلك الا لما اطلبها انا منك طلبت منك ان تقولها وتكررها لى ولكنك كنت تقنعنى انها كلمه اذا تكررت تفقد معناها ولكنى انتظرها منك كل ليله انتظر انت تقولها وحدك وبدون طلب منى اريد ان احسها انها خارجه من اعماقك الزوج :( ينهى الحوار بقبله على الجبين ويقول ) أحبك يا زوجتى العزيزه ............أحبك منذ أول مره رأتك عينى فيها .............نعم أحبك ولا ادرى سر انجدابي اليكى ............... حبيبتى لن اكتفي بعد اليوم من قولها المهم ان لا تحزنى ابدا اريد وجهك نضرا كما كان ........... حبيبتى أحبك فى الله فهل انتهى الحوار أم لا زال له بقيه ................ الزوجه : حبيبى كلامك جميل ونابع من قلبك ولكنك لم تذكر لى كيف انك تحبنى وسارد انا عنك بها فانت تتعب وتكد فى عملك لارتاح انا وولدك فانت من تسارع بنا الى المستشفي اذا مرض احد منا انت من تشيل همى وهم طفلنا وهم بيتنا اثقلت عليك حبيبي بكلامى ولكنى اقوله حتى يظل الحب بيننا حتى لا نبعد عن بعضنا البعض حبيبي ارحنى كلامك ولا اريد منك الا ان اسمعها بين فتره واخرى فالكلمه لها مفعول السحر في فتجعلنى هادئه نظره الوجه وبشوشه الملامح تجعل قلبي ينبض فرحا وسعاده وبهجه لا اريدها ان تنتهى ............. الزوج : حبيبتى أحبك وسأظل احبك ابد الدهر وهنا انتهى الحوار واليكم الان هذه الكلمات وهى منقوله للامانه ولكنها مفيده عندما تقول احبك تتفتح اماامي ورود الغرام تتفجر امامي براكين الحنان عندما تقول احبك ارى في عينيك الدافئتين بريق يحكي عن شوق الغوالي عندما تقول احبك يسمعها قلبي قبل ان تسمعها اذاني ولكن يا حبيبي لم اعد اسمع هذه الكلمه منك وكأني في صحراء وبين يديك الماء وانت يا حبيبي تبخل علي فيه كأني فوق غيمه والمطر ينزل منها اراه بعيني ولا استطيع لمسه ان حاولت ان المسه وقعت وغرقت بين قطراته ورؤيتي له وهو يتناثر من حولي دون ان المسه بيدي يكاد يذبحني لا تعتقد ان هذه الكلمات محاوله مني استنزاف حبك ولا تعتقد انني احاول ضمك بين حروفي او بين قمة احساسي فان الغصن يا عزيزي الذي لا ينمو قطعه ارحم ربما ينمو غصن جديد واوراق جديده وانسى ذاك الغصن القديم ولكن الى ان انسى سوف ابوح بحبي الى اوراقي علها تفهمني اكثر منك واسفه جدا للاطاله وانا مش عارفه ليه فعلا بتبخلوا بيها على النساء والرسول صلي الله عليه وسلم وصاكم عليها واستوصوا بالنساء خيرا ولا ايه يا رجال الامه مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
خالد شحاته بتاريخ: 15 سبتمبر 2010 تقديم بلاغ مشاركة بتاريخ: 15 سبتمبر 2010 علي فكره يا بوسي عمرها ماكان بخل من الراجل ان يقولها لزوجته انما هم الدنيا انسي الراجل نفسه من العمل والكفاح لكي يوفر العيشه للاسره الان وفي هذا الزمن الناس بتروح شغلها وعلي راسهم هم الدنيا كلها رابط هذا التعليق شارك المزيد من خيارات المشاركة
لماضة مصرية جدا بتاريخ: 15 سبتمبر 2010 تقديم بلاغ مشاركة بتاريخ: 15 سبتمبر 2010 السلام عليكم و رحمة الله و بركاته انا قاعدة متابعة التوبيك دوت من ساعة استاذناياسر زغلل عينينا بالكلمة السحرية في الرايحة و الجاية و متابعة اكتر ردود كل اخوانا الرجالة....مع اني مش عارفة ليه واخدين موقف الدفاع...و الستات طبعا هتخش تقول ايون احنا بنحب الكلمة دي و مش عارفة ايه طب انا ممكن اتفضفض كده بكلمتين طابقين علي مراوحي....و ع فكرة يمكن انا صح و يمكن انا غلط.....بس هقولهم و خلاص اتهيالي زمان ان كل ارتباط انساني بين بني أدم و بني أدم مش هقول رجل و امرأة...بس بين البني آدمين بشكل عام بيبقي ليه حاجة كده نقدر نقول عليها كتالوج يعني ايه كتالوج يعني ارشادات الاستخدام.....طبعا انا كده هبوظ الجو الرومانسي خالص و انا محسساكم اني بتكلم عن واحد بيصلح غسالة بس اللي عايزة ااقوله ببساطة انت كطرف في اي ارتباط انساني....يا تري بتبذل اي مجهود عشان تقرا مفردات الطرف التاني اللي مكتوبه في الكتالوج بتاعه يا تري بتسال نفسك ايه اللي يبسطه ايه اللي يزعله.....(عادة بنبقي عارفينها و احيانا برضه بنعملها.....غلاااااااسة....وش عيل شرير) ايه اللي ممكن ينتزع الدهشة من ع ملامحه و يخليه طاير في السما ع فكرة انا مبحبش فكرة....كل الستات بتحب اللي يقولها "بحبك" او كل الستات...بتحب الورد طب انا فرضنا ان فيه كائن مكتوب في البوطاقة انه انثي بس مبيحبش الحاجت دي....يبقي ايه يترحل للخانة التانية ببساطة اعرف اللي قدامك ايه اللي بيبسطه و اعمله و الاهم ابذل مجهود انك تسعده و فوق ده اخلص النية لربنا و هتلاقي ربنا فعلا بييسر ليك طرق كتير تسعد بيها زوجتك...و تسعدي بيها زوجك هي اشياء حقا بسيطة جدا لينا في الرسول صلي الله عليه وسلم اعظم دروس الحب مش الرسول صلي الله عليه وسلم كان بينظر موضع من اين تشرب السيدة عائشة و بيشرب مكانها حركة في منتهي الحب عليه افضل الصلاة و السلام طب ممكن اسال سؤال تاني كام حد سال شريك حياته...."انت سعيد معايا و لا لا؟....انت راضي عني؟؟ مش من باب ان احنا نقعد نحاسب بعض و نقلب في القديم و الجديد و المستخبي السؤال في حد ذاته...لو هو طالع من القلب اوي الشريك في العلاقة الثنائية دي اللي بتكبر بينا احنا الاتنين بيحس انه مهم في حياة شريكه لدرجة انه فكر يساله مجرد السؤال...و مش مهم الاجابة هتبقي ايه حاجات بسيطة اوي.....صغيرة اوي....تقترب من انها تكون عفوية جدا.....و طفوليه جدا....بس انسانية جدا جدا جدا....و هو ده اللي بيخلي لكل ارتباط بين اتنين كتالوج خاص بيهم هما الاتنين متقدرشي تشيل من هنا و تلزق هناك فقط اخلصوا النية و ابذل مجهود....و صدقوني مش محتاجة كتير...لا وقت...و لا فلوس....بس شوية تفكير و سبحان الله....هتلاقي باب...بيتفتح......و لما السعادة تخبط.....افتح لها ع طول.....بلاش تفكر مساااااكم ابواب مفتحة علي قرة عين في الدنيا و الاخرة باذن الله رابط هذا التعليق شارك المزيد من خيارات المشاركة
لماضة مصرية جدا بتاريخ: 15 سبتمبر 2010 تقديم بلاغ مشاركة بتاريخ: 15 سبتمبر 2010 أخوانى الافاضل اسمحولى ان اتكلم من وجهه نظرى النسائيه ساحكى عن موقف بسيط اولا قبل الخوض فى الموضوع ابن اختى عنده ست سنوات وبيحبنى جدا وكل ما يشوفنى لازم يحضنى ويدينى بوسه كبيره ويقلى بحبك ياخالتو كنت الاول بفرح بيها لكن بعد كده مليت منها لانها اتكررت كتير لدرجه انى فقدت معناها والاحساس بها وده صلب الموضوع والان اليكم هذا الحوار بين زوج وزوجته افترضته واريد رايكم فيه الزوجه : بتحبينى ............ الزوج : اكيد طبعا ......... الزوجه : ليه مش بتقلي بحبك الزوج : مانا ساعات بقلها الزوجه : لا افتكر اخر مره كده قلتلى فيها بحبك الزوج (يفكر قليلا ): اكيد قلتهالك قريب بس انا مش فاكر الزوجه : حبيبى اخر كلمه بحبك قلتها لى بعد ان ولدت طفلك الاول وطبعت قبله على جبينى الزوج (مستغرب ابنه الان عنده اكتر من سنه ): لالالا اكيد قلتها بعد كده وانتى مش فاكره الزوجه : حبيبى وزوجى العزيز انها كانت اخر مره تقولها لى بمشاعرك ولم تقولها بعد ذلك الا لما اطلبها انا منك طلبت منك ان تقولها وتكررها لى ولكنك كنت تقنعنى انها كلمه اذا تكررت تفقد معناها ولكنى انتظرها منك كل ليله انتظر انت تقولها وحدك وبدون طلب منى اريد ان احسها انها خارجه من اعماقك الزوج :( ينهى الحوار بقبله على الجبين ويقول ) أحبك يا زوجتى العزيزه ............أحبك منذ أول مره رأتك عينى فيها .............نعم أحبك ولا ادرى سر انجدابي اليكى ............... حبيبتى لن اكتفي بعد اليوم من قولها المهم ان لا تحزنى ابدا اريد وجهك نضرا كما كان ........... حبيبتى أحبك فى الله فهل انتهى الحوار أم لا زال له بقيه ................ الزوجه : حبيبى كلامك جميل ونابع من قلبك ولكنك لم تذكر لى كيف انك تحبنى وسارد انا عنك بها فانت تتعب وتكد فى عملك لارتاح انا وولدك فانت من تسارع بنا الى المستشفي اذا مرض احد منا انت من تشيل همى وهم طفلنا وهم بيتنا اثقلت عليك حبيبي بكلامى ولكنى اقوله حتى يظل الحب بيننا حتى لا نبعد عن بعضنا البعض حبيبي ارحنى كلامك ولا اريد منك الا ان اسمعها بين فتره واخرى فالكلمه لها مفعول السحر في فتجعلنى هادئه نظره الوجه وبشوشه الملامح تجعل قلبي ينبض فرحا وسعاده وبهجه لا اريدها ان تنتهى ............. الزوج : حبيبتى أحبك وسأظل احبك ابد الدهر وهنا انتهى الحوار واليكم الان هذه الكلمات وهى منقوله للامانه ولكنها مفيده عندما تقول احبك تتفتح اماامي ورود الغرام تتفجر امامي براكين الحنان عندما تقول احبك ارى في عينيك الدافئتين بريق يحكي عن شوق الغوالي عندما تقول احبك يسمعها قلبي قبل ان تسمعها اذاني ولكن يا حبيبي لم اعد اسمع هذه الكلمه منك وكأني في صحراء وبين يديك الماء وانت يا حبيبي تبخل علي فيه كأني فوق غيمه والمطر ينزل منها اراه بعيني ولا استطيع لمسه ان حاولت ان المسه وقعت وغرقت بين قطراته ورؤيتي له وهو يتناثر من حولي دون ان المسه بيدي يكاد يذبحني لا تعتقد ان هذه الكلمات محاوله مني استنزاف حبك ولا تعتقد انني احاول ضمك بين حروفي او بين قمة احساسي فان الغصن يا عزيزي الذي لا ينمو قطعه ارحم ربما ينمو غصن جديد واوراق جديده وانسى ذاك الغصن القديم ولكن الى ان انسى سوف ابوح بحبي الى اوراقي علها تفهمني اكثر منك واسفه جدا للاطاله وانا مش عارفه ليه فعلا بتبخلوا بيها على النساء والرسول صلي الله عليه وسلم وصاكم عليها واستوصوا بالنساء خيرا ولا ايه يا رجال الامه السلام عليكم و رحمة الله و بركاته حماتي العزيزة.....اسمحيلي اضربك.....ايون....ضربة خفيفة كده ليه بقي عشان يا سيدتي الجميلة جدا......الحوار اللي انتي حطتيه فوق ده....معناه ان كل واحد فيهم بيتكلم لغة التاني مش فاهمها هي في عالم و هو في عالم تاني كنت سمعت مرة في التلفزيون ان كل شخص ليه لغة في التعبير عن مشاعره يعني ااقولك مثل لو احنا بنتفرج علي ماتش كورة...(ايه ده ده مثل مش حريمي خااالص...معلشي بقي) و جه جووون...تومام كل واحد فينا هيعبر بفرحته بطريقة معينة انا ممكن اقول هييييه و انط في نفس الوقت ابن اخويا ممكن تلاقيه جري في اتجاهات معاكسة لبعضها و في الاخر بالبوكس في وش اي حد....مع انه مبسوط و الله... :lol: بجد بقي كل واحد بيبقي ليه لغته في التعبير عن مشاعره الجميل اني مفرضشي اللغة اللي انا عايزاها علي اللي قدامي.....انا افهم اللغة بتاعته هو ايه....ايه اللي يمشي مع تروس مخه....عشان اعرف احرك المكنة يعني الراجل يا ولداه فوق....قاعد سنة متخيل انه مغرق زوجته حبا و حنانا و هي اديلها سنة عمالي تشيل و تحط في نفسها و اكيد طبعا عملت 70 الف مسلسل انه مش بيحبهاو انه اتغير و انه مش بعيد ابتدي يبص بره...اه يا قلبي اااانا....و الارجل يا عيني تلاقيه يا في شغله....يا شغله....(اونفسه يبص بره بس مش عارف الحقيقة.... :lol: ) عارفة يا بوسي هقولك علي حاجة تضحكك اوي انا بحب الشعر جدا جدا و ابتديت اقرا نزار و فاورة جودية من ايام مثلا اعدادي...(اعرتافات ليلية خطيرة اهه)...كنت متخيلة ان اول ما هرتبط بحد....كل يوم هيعشني في احد قصائد نزار قباني و خصوصا لما كان بيقول عن طائر كده اسمه السنونو....(ده طائر صغير رقيق) المهم اتخطبت في منعطف تاريخي علي الامةالبشرية....جمعاااااااااء و قولت بقي بس خلاص...يا بت يا لمضمض القصايد هتنزل علي راسك ترف مرة يا شابة بقوله.....ما تيجي نقرا قصيدة....كان فيها السنونو دوت اتصدقي قالي ايه قالي انا معرفشي غير ابو قردان صديق الفلاح :blink: طبعا الخطوبة مكملتش مش عشان السبب دوت خالص....مع اني ساعتها كرهت الطيور...ع السنونو...ع ابو قردان و الحمد لله بعدها جت انفلونزا الطيور قضت ع كل كل خيالاتي الطائرة القصد ايه يا حبيبة قلبي الراجل مبيكذبشي...هو عمال يرسلها اشارات.....مليانة مشاعر...بس من ناحيتها غطا الحلة اللي عاملاها طبق ارسال مش لاقط ليه...عشان هي مش مشفراه كويس ع التردد بتاع قناة الارسال و نفس الحكاية برضه للراجل...بس اغلب الوقت بنقول ان الست هي اللي عليها الدور الاكبر انها تظبط طبق الارسال و تفهم الترددات.....اكتر منه...بس مش بنعفيه من المسئولية...هي اكتر لانها هي فاهمة نفسها اكتر منه....عارفة ايه اللي يرضيها...ايه اللي كيفيها هو تلاقيه عينه في كل اتجاه....في شغله....في طموحه.....في البيت....في العيال.....في واحدة ست تانية.... :lol: مسااااكي سعادة...بكل الترددات و ع كل القنوات الارضية و المشفرة....بس اظبطي غطا الحلة رابط هذا التعليق شارك المزيد من خيارات المشاركة
لماضة مصرية جدا بتاريخ: 15 سبتمبر 2010 تقديم بلاغ مشاركة بتاريخ: 15 سبتمبر 2010 الزوجات يمتن شوقا لسماعها السلام عليكم و رحمة الله و بركاته معلشي اختلف مع حضرتك....محدش بيموت من قلة الحب....و لا من قلة التعبير عنه بس بتموت لمعة العينين بتموت الضحكة اللي طالعة من القلب بتموت الطبخة اللي معمولة بمزاج عالي بتموت المفاجاة اللي ممكن الزوجة تقعد مستنية جوزها بالساعات عشان بس تشوف رد فعله لما يفرح بتموت رغبتها انها تصحي كل يوم و تعمل نفس الروتين استاذي قلة الحب....مش بتموت بس الروح ممكن جدا جدا جد تنطفي و ده اقسي انها تنطفي.....و انتظاهر ان احنا لسه عايشين فرحانين....و احنا مش فرحانين بنخرج مع بعض صحيح....بس كل واحد في العربية باصص في ناحية صورة وسط صور ناس كتير تشبهنا....لكن احنا مبنبقاش نشبه نفسنا و دي وجهة نظري تحياتي رابط هذا التعليق شارك المزيد من خيارات المشاركة
pocy بتاريخ: 16 سبتمبر 2010 تقديم بلاغ مشاركة بتاريخ: 16 سبتمبر 2010 لماضه اللمضه وحشانى كل سنه وانتى طيبه ما سبق كان استهلاللا لابد منه بصي يا لمضمض انتى مش فهمتى قصدى يا قمر المغزى بتاع كلامى او المفروض انى عايزه اقوله فى الاول من قصه الطفل حبيت نستنتج ان التكرار الكتير بيفقد للكلمه معناها حتى لو كان التكرار بين الزوج وزوجته وفى الحوار اللى فرضته كانت الكلمه شحيحه ومش بتتقال نهائي وبالتالى ده ولد عندها تساؤلات كتير زى اللى انتى قولتيها وحست انهم ممكن يكونوا بيبعدوا عن بعض اكتر واكتر وحوارها جه بس علشان تقربه منها تانى وده اللى انتى قلتيه فى المداخله اللى قبلها وباختصار ان الوسطيه والاعتدال هى الافضل يعنى مش اغرقها بكلمه بحبك ومش اخليها برضه تشحتها منى وبس خلاص وبالنسبه لغطا الحله مش تقلقي انا شلته ههههههههههههه خالص ومركبه طبق ردار بيلقط اى حاجه طايره هههههههههههههههههه وعقبال شيكو ورضوى ما يرجعولنا تانى يارب وفرحنى جدا مشاركتك وحمد الله على السلامه مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
أبوعمار بتاريخ: 16 سبتمبر 2010 تقديم بلاغ مشاركة بتاريخ: 16 سبتمبر 2010 يا جماعة صباح الخير أو مساء الخير (حسب التوقيت المحلي) الحل با ختصار في كلمتين سحريتين (المودة والرحمة) يعني ما افتكرش واحد بيعامل زوجته بالمبدأ ده بمعنى الكلمة وتفتقد كلمة بحبك مع انها هاتطلع هاتطلع, لأن حسن العشرة بيولد حاجات جميلة جدا اقلها كلمة بحبك وبعدين فعلا دي حاجة بسيطة قوي, وطالما دي كلمة بتسعد زوجتي ليه ما أقولهاش؟ دي كلمة يا جماعة. كلمة مفعولها سحري فعلا, تقولها من هنا وربنا هايفتح عليك تلاقي بيتك جنة بمعنى الكلمة ويا حبذا لو معاها كلمة وحشتيني وانت راجع من الشغل مثلا. وفعلا الكلمة دي لو اتقالت كتير بتفقد معناها وتفقد معناها أكتر لو اتقالت من غير حرارة يعني لو اتقالت باللسان من غير ما تعدي ع القلب. آه يا قلبي بس ده مش معناه ان كل الستات بتفرق معاهم الكلمة دي,في ستات طبيعتها رومانسية بتفرق معاها الكلمة دي قوي في نوع تاني مالهاش في الرومانسية ولا الملوخية الرومانسية عندها انك تدخل عليها بهدية والا هاتبقى عطيةالمفترية ربنا ينعم علينا بالحب واللي بيقدره رابط هذا التعليق شارك المزيد من خيارات المشاركة
Howayda Ismail بتاريخ: 16 سبتمبر 2010 تقديم بلاغ مشاركة بتاريخ: 16 سبتمبر 2010 فى رأى الاحساس بالكلمة افضل كتير من سماعها يعنى لما تظهر فى المودة والعشرة الطيبة والاحترام المتبادل والايثار بين الطرفين يبقى تاثيرها اقوى وده منتهى الحب . يعنى كلمة بحبك من غير المعانى دى قلتها احسن وده سبب ارتفاع نسبة الطلاق بين شباب هذا الجيل لفقدان الكلمة مصداقيتها. خواطر swan رابط هذا التعليق شارك المزيد من خيارات المشاركة
أبو حميد المسافر بتاريخ: 16 سبتمبر 2010 تقديم بلاغ مشاركة بتاريخ: 16 سبتمبر 2010 الزوجات يمتن شوقا لسماعها السلام عليكم و رحمة الله و بركاته معلشي اختلف مع حضرتك....محدش بيموت من قلة الحب....و لا من قلة التعبير عنه بس بتموت لمعة العينين بتموت الضحكة اللي طالعة من القلب بتموت الطبخة اللي معمولة بمزاج عالي بتموت المفاجاة اللي ممكن الزوجة تقعد مستنية جوزها بالساعات عشان بس تشوف رد فعله لما يفرح بتموت رغبتها انها تصحي كل يوم و تعمل نفس الروتين استاذي قلة الحب....مش بتموت بس الروح ممكن جدا جدا جد تنطفي و ده اقسي انها تنطفي.....و انتظاهر ان احنا لسه عايشين فرحانين....و احنا مش فرحانين بنخرج مع بعض صحيح....بس كل واحد في العربية باصص في ناحية صورة وسط صور ناس كتير تشبهنا....لكن احنا مبنبقاش نشبه نفسنا و دي وجهة نظري تحياتي كلامك جميل ويعكس صورة رائعة لحياة المتزوجين الروتينية التي قتلتها اشياء كثيرة بداية من الهموم ، والظلم المحيط فى المجتمع ، وغيره كثييير بيد أني - حلوة بيد اني دي ياض ياابو حميد :lol: - أظن انك أسأت فهمي انا لم أقل أن النساء يمتن من قلة التعبير عن الحب ولكنهم يتضورون جوعا لسماعها - تمام كدة - ؟؟؟ رابط هذا التعليق شارك المزيد من خيارات المشاركة
ياسر بتاريخ: 19 سبتمبر 2010 كاتب الموضوع تقديم بلاغ مشاركة بتاريخ: 19 سبتمبر 2010 الزوجات يمتن شوقا لسماعها السلام عليكم و رحمة الله و بركاته معلشي اختلف مع حضرتك....محدش بيموت من قلة الحب....و لا من قلة التعبير عنه بس بتموت لمعة العينين بتموت الضحكة اللي طالعة من القلب بتموت الطبخة اللي معمولة بمزاج عالي بتموت المفاجاة اللي ممكن الزوجة تقعد مستنية جوزها بالساعات عشان بس تشوف رد فعله لما يفرح بتموت رغبتها انها تصحي كل يوم و تعمل نفس الروتين استاذي قلة الحب....مش بتموت بس الروح ممكن جدا جدا جد تنطفي و ده اقسي انها تنطفي.....و انتظاهر ان احنا لسه عايشين فرحانين....و احنا مش فرحانين بنخرج مع بعض صحيح....بس كل واحد في العربية باصص في ناحية صورة وسط صور ناس كتير تشبهنا....لكن احنا مبنبقاش نشبه نفسنا و دي وجهة نظري تحياتي كلامك جميل ويعكس صورة رائعة لحياة المتزوجين الروتينية التي قتلتها اشياء كثيرة بداية من الهموم ، والظلم المحيط فى المجتمع ، وغيره كثييير بيد أني - حلوة بيد اني دي ياض ياابو حميد :lol: - أظن انك أسأت فهمي انا لم أقل أن النساء يمتن من قلة التعبير عن الحب ولكنهم يتضورون جوعا لسماعها - تمام كدة - ؟؟؟ السلام عليكم, تحياتي لكل من رد و من قرأ و لم يرد. اما كتبت الموضوع كان همي الاول و الاخير اني اثير و احرك مارد الحب داخل كل واحد فينا,,و اعمل نوع من التعرية لمخاوفي او سميها محاذيري او اي اسم انت تحبة اللي يخليك تحبس شيئ جميل جواك, . و ان كان قصدي اني اطلق شعور الحب لكل من احب مش بس الزوجة,, لكن انا معجب جدا برد استاذ خالد المسلم, و السبب انة لم يخف و لم يخجل و قال بمنتهي الصراحة و الصدق انا " خايف " يتفهم غلط,,,و هو دة بالظبط قصدي,,, لية بخاف لما بعمل حاجة صح؟ لية بخاف لما بعبر عن شعوري,, ايا كان الشعور دة . استاذ خالد اسمحلي اسجل اعجابي بصدقك. ابو حميد المسافر, ربنا يردك بالسلامة, انا معاك تمااااما طبعا يمتن لسماعها, ,,,, و الرجال كمان,,, و دة لا عيب ولا ضعف الحب غريزة انسانية خليني ابقي متطرف شوية و اقول انها زي الحاجة للاكل او للنوم الخ,,, ابو عمار ,, ربنا يكفيني انا و انت شر عطية المفترية mfb: اختي هند علي اعتقد انك بعد الاستاذ خالد قلتي اكثر الكلمات اثارة للجدل,, ان الكلمة فقدت مصداقيتها,, كلام خطير جدا و محتاج صفحات . الست لمضمض هانم الف سلامة علي عيونك من الزغللة و علي مراوحك من الكتم,,, و كلامك كالعادة يستاهل تصفيق حاد,,, بس حكاية ماحدش بيموت من قلة الحب دي وقعت منك يا معلم,,,و اسمحيلي افكرك بكلمة قلتيها تستاهل تتحط في ديوان شعر,,, (((نتظاهر ان احنا لسه عايشين فرحانين....و احنا مش فرحانين بنخرج مع بعض صحيح....بس كل واحد في العربية باصص في ناحية صورة وسط صور ناس كتير تشبهنا....لكن احنا مبنبقاش نشبه نفسنا )) بذمتك دة كلام واحدة تقول ماحدش بيموت من غير حب! رابط هذا التعليق شارك المزيد من خيارات المشاركة
ياسر بتاريخ: 19 سبتمبر 2010 كاتب الموضوع تقديم بلاغ مشاركة بتاريخ: 19 سبتمبر 2010 الزوجات يمتن شوقا لسماعها السلام عليكم و رحمة الله و بركاته معلشي اختلف مع حضرتك....محدش بيموت من قلة الحب....و لا من قلة التعبير عنه بس بتموت لمعة العينين بتموت الضحكة اللي طالعة من القلب بتموت الطبخة اللي معمولة بمزاج عالي بتموت المفاجاة اللي ممكن الزوجة تقعد مستنية جوزها بالساعات عشان بس تشوف رد فعله لما يفرح بتموت رغبتها انها تصحي كل يوم و تعمل نفس الروتين استاذي قلة الحب....مش بتموت بس الروح ممكن جدا جدا جد تنطفي و ده اقسي انها تنطفي.....و انتظاهر ان احنا لسه عايشين فرحانين....و احنا مش فرحانين بنخرج مع بعض صحيح....بس كل واحد في العربية باصص في ناحية صورة وسط صور ناس كتير تشبهنا....لكن احنا مبنبقاش نشبه نفسنا و دي وجهة نظري تحياتي كلامك جميل ويعكس صورة رائعة لحياة المتزوجين الروتينية التي قتلتها اشياء كثيرة بداية من الهموم ، والظلم المحيط فى المجتمع ، وغيره كثييير بيد أني - حلوة بيد اني دي ياض ياابو حميد :lol: - أظن انك أسأت فهمي انا لم أقل أن النساء يمتن من قلة التعبير عن الحب ولكنهم يتضورون جوعا لسماعها - تمام كدة - ؟؟؟ السلام عليكم, تحياتي لكل من رد و من قرأ و لم يرد. اما كتبت الموضوع كان همي الاول و الاخير اني اثير و احرك مارد الحب داخل كل واحد فينا,,و اعمل نوع من التعرية لمخاوفي او سميها محاذيري او اي اسم انت تحبة اللي يخليك تحبس شيئ جميل جواك, . و ان كان قصدي اني اطلق شعور الحب لكل من احب مش بس الزوجة, زي ما قلت قبل كدة لية مابقولش الكلمة دي لامي او ابوي او اختي او اخوي , وبما انكم قصرتوها علي العلاقة الزوجية فماشي,, لكن انا معجب جدا برد استاذ خالد المسلم, و السبب انة لم يخف و لم يخجل و قال بمنتهي الصراحة و الصدق انا " خايف " يتفهم غلط,,,و هو دة بالظبط قصدي,,, لية بخاف لما بعمل حاجة صح؟ لية بخاف لما بعبر عن شعوري,, ايا كان الشعور دة . استاذ خالد اسمحلي اسجل اعجابي بصدقك. ابو حميد المسافر, ربنا يردك بالسلامة, انا معاك تمااااما طبعا يمتن لسماعها, ,,,, و الرجال كمان,,, و دة لا عيب ولا ضعف الحب غريزة انسانية خليني ابقي متطرف شوية و اقول انها زي الحاجة للاكل او للنوم الخ,,, ابو عمار ,, ربنا يكفيني انا و انت شر عطية المفترية mfb: اختي هند علي اعتقد انك بعد الاستاذ خالد قلتي اكثر الكلمات اثارة للجدل,, ان الكلمة فقدت مصداقيتها,, كلام خطير جدا و محتاج صفحات . الست لمضمض هانم الف سلامة علي عيونك من الزغللة و علي مراوحك من الكتم,,, و كلامك كالعادة يستاهل تصفيق حاد,,, بس حكاية ماحدش بيموت من قلة الحب دي وقعت منك يا معلم,,,و اسمحيلي افكرك بكلمة قلتيها تستاهل تتحط في ديوان شعر,,, (((نتظاهر ان احنا لسه عايشين فرحانين....و احنا مش فرحانين بنخرج مع بعض صحيح....بس كل واحد في العربية باصص في ناحية صورة وسط صور ناس كتير تشبهنا....لكن احنا مبنبقاش نشبه نفسنا )) بذمتك دة كلام واحدة تقول ماحدش بيموت من غير حب! طب عيني في عينك mfb: كل عام وانتو و احبابكم بالف خير و اسمعو الحتة دي و قضوها جو رومانسيكي http://www.youtube.com/watch?v=j-BY5w47ANo رابط هذا التعليق شارك المزيد من خيارات المشاركة
مصطفى يونس بتاريخ: 24 سبتمبر 2010 تقديم بلاغ مشاركة بتاريخ: 24 سبتمبر 2010 الزوجات بيسالو كتير انت اخر مره قولتلى بحبك طب هما ليه مش بيسالو نفسهم اما اما الازواج يجو يقولو كلمه حلوه يعنى فى يوم من الايام تيجى تقول بحبك تلاقيها تقولك بقولك ايه انا مش فيقالك ابنك مسهرنى امبارح طول الليل بلاش كلام فاضى او سيبنى انام او جو البيت ميساعدشى انك تقول كدا يعنى كمثال ريحه بصل او بتغسل وهدومها مبوله وتيجى تقول بحبك تقولك ده مابدل متاخد الهدوم منى تنشرها والله انت فايق رابط هذا التعليق شارك المزيد من خيارات المشاركة
لماضة مصرية جدا بتاريخ: 24 سبتمبر 2010 تقديم بلاغ مشاركة بتاريخ: 24 سبتمبر 2010 الزوجات بيسالو كتير انت اخر مره قولتلى بحبك طب هما ليه مش بيسالو نفسهم اما اما الازواج يجو يقولو كلمه حلوه يعنى فى يوم من الايام تيجى تقول بحبك تلاقيها تقولك بقولك ايه انا مش فيقالك ابنك مسهرنى امبارح طول الليل بلاش كلام فاضى او سيبنى انام او جو البيت ميساعدشى انك تقول كدا يعنى كمثال ريحه بصل او بتغسل وهدومها مبوله وتيجى تقول بحبك تقولك ده مابدل متاخد الهدوم منى تنشرها والله انت فايق السلام عليكم و رحمة الله و بركاته استاذي الفاضل مش عارفة اشكر حضرتك ازاي علي اللقطة ذات الرائحة النفاذة بتاعت ريحة البصل ديت بس ممكن اسال حضرتك سؤال...بس خليك معايا في اللقطة دي حضرتك...انطلب منك تقرير في شغلك....تمام...و انت قعدت طول اليوم تعمل فيه و تجري من هنا لهناك و في اخر اليوم ظبطت تقرير من وجهة نظرك حكاية دخلت ع المدير بتاعك...منتفخ الاوداج...(متسالنيش معناها ايه كنت بقراها كده في رجل المستحيل...بس تقريبا يعني مالي جاكتك)....و لسه هتقوله ايه رايك في التقرير....لقيته متعصب و متنرفز و زرابينه طالعة ايه بقي اللي حضرتك هتعمله ببساطة هتغير اتجاه الجزمة و تطلع من عند المدير....و تقول ابقي ايدله التقرير ده في وقت تاني الاحلي بقي من كده....انك بينك و بين نفسك و انت سايق العربية هتلتمس للمدير بتاعك الف مليون عذر ايون اكيد مضغوط....الله يكون في عونه اكيد مراته معصباه....ربنا ياخدهم هما الاتنين.... أكيد الجزمة ضيقة عليه و مش عايز يقول للموظفين و مليون اكيد بس بترجع تاني يوم الصبح و بتفتح الرادار بتاعك...لغاية ما تلقط اشارة تقدم بيها التقرير بتاعك سؤالي بقي.....لو لسه فاكر اني هسال حضرتك هو احنا ليه بنبقي في منتهي الانسانية....مع ناس تربطنا بيهم علاقة عمل..... و بنكون اقل انسانية مع ناس بتربطنا بيهم رابطة مقدسة؟؟ صدقني استاذي البنت في بيت اهلها مهما اتحملت مسئولية غير تماما لما بتبقي مسئولة عن بيت لوحدها....فيه تفاصيل كتيرة اوي بتمر بيها في يومها....و بتشيلها عن زوجها.....ابتداء من شراء البصل....و قبله التفكير هناكل ايه.....طب بيحب ايه....طب عندنا خزين كفاية....طب هروح اتسوق امتي.....بعد الشغل.....طب فيه فلوس.....طب اشتريت.....ملقتشي تاكسي.....طب روحت....مافيش غاز.....طب اتصرفت و طبخت.....ريحة البصل طلعت......ملحقتش اولع بخور....بس اكيد بوصل لمرحلة اني عايزة اولع في نفسي wst:: البنت لما بتبقي زوجة.....احساسها بزوجها بيتغير....زي الام....بتبقي عايزة تهتم بيه....و الاهتمام دايما....اول حاجة انه ياكل كويس طبعا في لقاء اخر هبقي اتكلم عن كواليس عالم التنضيف و المسح.....و الضربة القاضية بقي باذن الله هتكون في حملة رابسو للقضاء علي الملابس المتسخة.....اه يا ضهري يانا......(ليه عمالة تزن في وداني اغنيةلطيفة اوي اسمها....متحسبوش يا بنات ان الجواز راحة) شفت بقي استاذي....."ريحة البصل".....خلتني اقول البوقين دول و امري لله...وتقبل مني.....دي وجهة نظري ع جنب بقي هو ليه المشاعر بتبقي في كلمة بتبتدي بحرف الباء و تنتهي بالكاف......(أيون بفتيك...... :lol: ) المشاعر...الاحساس.....ممكن يبقي ابسط.....مش لازم ضوء شموع....مش لازم تسبيل عينين.....انا عندي ان زوجي يقف معايا في البلكونة و ننشر الغسيل سوا....(و غالبا هتريق عليه لانه هينشر البنطلون من الركبة....و كتاب نظيرة بيقول كده غلط خالص.....وش زوجة مفترية جدا) انا عندي ان احنا نشيل عفش البيت سوا.....و نتكلم سوا نغير توزيعه....و بعد ساعة من التغييرات... الجغرافية الخطيرة ينتهي بينا الحال لنفس الوضع الاول..... نروح للميكانيكي سوا....عشان نصلح العربية....و يقعد ساعة يشرحلي ازاي انه بيفهم احسن من الميكانيكي....و انا اهز في راسي اني فاهمةو لا انا فاهمة حاجة كل ده عندي......يساوي......مليون....بفتيك السعادة تفاصيل بسيطة.....بس المهم يلقطها القلب صح....في الوقت الصح مسااااك سعادة بكل تفاصيلها رابط هذا التعليق شارك المزيد من خيارات المشاركة
لماضة مصرية جدا بتاريخ: 24 سبتمبر 2010 تقديم بلاغ مشاركة بتاريخ: 24 سبتمبر 2010 بذمتك دة كلام واحدة تقول ماحدش بيموت من غير حب! طب عيني في عينك mfb: كل عام وانتو و احبابكم بالف خير و اسمعو الحتة دي و قضوها جو رومانسيكي http://www.youtube.com/watch?v=j-BY5w47ANo السلام عليكم و رحمة الله و بركاته ثانيا:حضرتك قولت عيني في عينك...و حطتلي ايقونة....جدو كان حولان.....طب انا ابص في انهي اتجاه يعني.... :lol: (وش طفل لمض جدا) أولا بقي انا من موقعي هذا باطالب لجنة حقوق الانسان بمصادرة الفيديو كليب...الغير واقعي دوت....خاااااااااااااااالص عارف ليه بقي يا استاذي عشان احنا اتربينا غلط اه و ربنا هو الحقيقة في موضوع الرومانسية....يمكن اصلا متربناش....لمؤاخذة يعني....كانت منطقة تابو....يعني ممنوع الاقتراب او التصوير و بالتالي عشنا فيها بخيالنا....زي ما يتهيء لينا...و افتكرنا بقي انا الرومانسية هي الجملة الخالدة.."ابقي اذكريني في المساء...يا سوسن"...(طب انا مش سوسن خاااااااااالص) او جملة...."ساحمل قلبك معي....حين تتقاذفني الامواج"....أه يانا.....انا عايزة احمل عوامة نجاة...لما تيتانيك بتغرق الرومانسية من وجهة نظري.... مافيش رومانسية معلبة جاهزة...ناخدها م ع الرف بتاع المشاعير لكن فيه حالة خاصة....بين اتنين...اتفقوا في يوم....انهم مش بس يكونوا مع بعض.... اتفقوا ان كل واحد فيهم يساعد التاني انه يطلع احلي ما فيه و يوم...ما نبقي بس جنب بعض عشان ضل راجل و لا ضل حيطة..... يبقي خلينا في الحيطةاحسن....عشان ع الاقل الحيطة هنقدر نجددها و نلونها و نغير ديكوراتها اما البني أدمين.....مينفعشي نعلق عليهم خيبات املنا المتكررة و دي وجهة نظر مساك.....مفردات....مش مهم نفسرها هي ايه...المهم نديها للي يستحقها.....من غير ما نستني انه يطلبها رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان