قيمة الجمارك بمصر لو سمحتم

[Smart Fox]

بسم الله الرحمن الرحيم

اولا كل عام والجميع بخير

بعد اذنكم استفسار لو سمحتم

ما هى قيمة الضرائب على التلفزيونات ال LCD و LED

انا مهندس عايش فالسعودية وعاوز انزل بيه لان حرام ابيعه حخسر كتير

وكيف تحتسب هل بالبوصة فقط ؟ ام بالمصنع سونى ال جى ..سامسونج ..الخ

وهل نوعيته تفرق من بلازما الى ال سى دى الى ال إى دى

وازاى اعرف من عالنت قيمة الجمارك لاى سلعة

اتمنى اجد منكم رد وافى اعزكم الله

[Aggressor]

http://www.customs.gov.eg/customs_ta...s/F%20(85).pdf

من موقع الجمارك المصرية

عليها 30% يا باشا

ومتوسط اللي هتدفعه من 150 الي 200 جنيه في البوصة

نصيحة شخصية الموضع مش مستاهل هم الشيل والحط ولو حسبتها هتلاقي انك لو جبته من مصر التكلفة هتبقي اقل

[doha]

البلازما مش عارفه بكام لكن الال سي دي العادي بيتحسب ( شروة ) يعني هيقولك المبلغ كذا ومن هنا لهنا بيخفضه طبعا ..

الـ 32 بوصه

السعر على مااذكر في حدود الف او الف وخمسمية جنيه مش هيزيد عن كده ..

بتفرق الصيني من الاوروبي وطبعا الصيني ارخص في الجمرك وطبعا تفرق كمان مستعمل ولا جديد ..

[shiko]

موش عارفة انا عندى معلومة قديمة شوية يرجى التاكد من صحتها ...

هو الواحد ممكن يرجع من اى بلد بعفش بيت واجهزة استعمال شخصى بدون جمارك ....

وده لو كان بقاله بالبلد دى اكتر من 6 شهور والله اعلم ...واتهيألى الحاجة دى بترجع برى

الكلام ده كان من سنين ..ماعرفش ايه الحال دلوقتى ...

يارب اكون افدتك ومازودتش حيرتك

[doha]

موش عارفة انا عندى معلومة قديمة شوية يرجى التاكد من صحتها ...

هو الواحد ممكن يرجع من اى بلد بعفش بيت واجهزة استعمال شخصى بدون جمارك ....

وده لو كان بقاله بالبلد دى اكتر من 6 شهور والله اعلم ...واتهيألى الحاجة دى بترجع برى

الكلام ده كان من سنين ..ماعرفش ايه الحال دلوقتى ...

يارب اكون افدتك ومازودتش حيرتك

لاالالالالالالا ياشيكو كده الراجل هيروح مننا في داهية ..

في فعلا حاجات ممكن ترجعي بيها بدون اي جمارك زي تسجيل مثلا ( هو لسه في حد بيستعمله ؟ ) او لابتوب او كمبيوتر او فرن .. مروحه .. مكنسه .. الخ

الحاجات البسيطه دي مش مشكلة لكن الا الال سي دي .. على راي واحد قريبنا كان جايب منه مؤخرا بيقول اول ماقلت معايا ال سي دي الدنيا انقلبت تقولش مخدرات !!

ده بالذات مفيهوش كلام هيتجمرك هيتجمرك يالينا ..

[dongol]

انا نزلت تليفزيون سامسونج السنة اللي فاتت 32 بوصة و دفعت 1600 جنية بعد فصال مع بتوع الجمارك

بس الواضح انهم فاهمين في الموديلات جدا و ما تقدرش تضحك عليهم

[أسد]

ماتنزلش بيه

إشحنه مع أي من شركات الشحن

حياخدوا منك مبلغ مقطوع عليه .. ويوصلوه لك لحد البيت

التكلفة ستكون أقل ..

هذه عصارة وخلاصة خبرات سنين

[se_ Elsyed]

غلطان اللي ياخد إل سي دي أو بلازما من هنا

الحاجات دي بقت ماليه مصر دلوقت وكمان أسعارها بقت ممتازة ...

العام الماضي كارفوا كان عارض شاشات بلازما إل جي 42 بوصة .. بـ 5 الاف جنية فقط

ده على سبيل المثال ... كمان لاحظ إن مش كل ماركة الضمان فيها بيبقى دولي ... يعني ممكن تشتري حاجه من هنا وتشربها لما يحصل لها حاجه ... خصوصاً إن السفر والنقل ممكن يعرضها لخطر الصدمات ...

[engmido]

غلطان اللي ياخد إل سي دي أو بلازما من هنا

الحاجات دي بقت ماليه مصر دلوقت وكمان أسعارها بقت ممتازة ...

العام الماضي كارفوا كان عارض شاشات بلازما إل جي 42 بوصة .. بـ 5 الاف جنية فقط

ده على سبيل المثال ... كمان لاحظ إن مش كل ماركة الضمان فيها بيبقى دولي ... يعني ممكن تشتري حاجه من هنا وتشربها لما يحصل لها حاجه ... خصوصاً إن السفر والنقل ممكن يعرضها لخطر الصدمات ...

تمام يا ريس bv:-

[egyptawy]

غلطان اللي ياخد إل سي دي أو بلازما من هنا

الحاجات دي بقت ماليه مصر دلوقت وكمان أسعارها بقت ممتازة ...

العام الماضي كارفوا كان عارض شاشات بلازما إل جي 42 بوصة .. بـ 5 الاف جنية فقط

ده على سبيل المثال ... كمان لاحظ إن مش كل ماركة الضمان فيها بيبقى دولي ... يعني ممكن تشتري حاجه من هنا وتشربها لما يحصل لها حاجه ... خصوصاً إن السفر والنقل ممكن يعرضها لخطر الصدمات ...

تمام يا ريس bv:-

طيب ياجماعة بالنسبة للعفش انا شفا هنا حاجت حلوة اوى فى ايكيا ما شفتش زيها فى مصر بنفس الاسعار

هل مجدى انى اجيب عفش من هنا واشحنه بعدين على مصر

ولو شحنته هيكلفنى كام

شكرا

[doha]

طيب ياجماعة بالنسبة للعفش انا شفا هنا حاجت حلوة اوى فى ايكيا ما شفتش زيها فى مصر بنفس الاسعار

هل مجدى انى اجيب عفش من هنا واشحنه بعدين على مصر

ولو شحنته هيكلفنى كام

شكرا

لو هتشتري من ايكيا وتخلي الحاجه في كرتونتها زي ماهي ( لان ايكيا بتبيع العفش مفكك عشان مياخذش مساحة ) ففي الحالة دي اشحنه مع شركات الشحن هيجوا عندك البيت ويوزنوا الحاجه وياخذوها ويوصلوها في خلال اسبوعين الى مصر لغايه باب شقتك هناك .. ولا جمارك ولا مصاريف زايده.. والكيلو بيكلف 3 ريال وطبعا لوهتبعت اشياء كتير بيكون في خصم .. والحد الادنى لاي شحن 150 ريال ..

اما لو هتبعت عفش حجمه اكبر من وزنه.. مراتب مثلا او مخدات او صوفا وماشابه دي بتبقى بالقطعه يعني هيتفقوا معاك على السعر ..

بالنسبة للاجهزة الكهربائية الكبيرة زي الال سي دي او التكييف وماشابه فمنصحش تبعتها مع الشركات دي لانهم هياخذوا منك جمرك مقدما وبيتفقوا معاك كمان ان لو الجمرك زاد عن كده هيحاسبوك على الزياده في مصر . اما لو حاجات تانية فهو المبلغ الي بتدفعه في السعودية مش هتدفع عنه اي شيء زياده في مصر الهم الا عشرة عشرين جنيه بقشيش لو عاوز ..

سألت قبل كده الشركات دي عن الال سي دي فقالي هاخذ 3 الاف واوصله لباب البيت .. مش فاكره المبلغ كان بالريال ولا الجنية بس اظن بالجنية وفي كل الاحوال ده اغلى كتير من انك تاخذه معاك وانت مسافر وتدفع جمركه وخلاص ..

[egyptawy]

طيب ياجماعة بالنسبة للعفش انا شفا هنا حاجت حلوة اوى فى ايكيا ما شفتش زيها فى مصر بنفس الاسعار

هل مجدى انى اجيب عفش من هنا واشحنه بعدين على مصر

ولو شحنته هيكلفنى كام

شكرا

لو هتشتري من ايكيا وتخلي الحاجه في كرتونتها زي ماهي ( لان ايكيا بتبيع العفش مفكك عشان مياخذش مساحة ) ففي الحالة دي اشحنه مع شركات الشحن هيجوا عندك البيت ويوزنوا الحاجه وياخذوها ويوصلوها في خلال اسبوعين الى مصر لغايه باب شقتك هناك .. ولا جمارك ولا مصاريف زايده.. والكيلو بيكلف 3 ريال وطبعا لوهتبعت اشياء كتير بيكون في خصم .. والحد الادنى لاي شحن 150 ريال ..

اما لو هتبعت عفش حجمه اكبر من وزنه.. مراتب مثلا او مخدات او صوفا وماشابه دي بتبقى بالقطعه يعني هيتفقوا معاك على السعر ..

بالنسبة للاجهزة الكهربائية الكبيرة زي الال سي دي او التكييف وماشابه فمنصحش تبعتها مع الشركات دي لانهم هياخذوا منك جمرك مقدما وبيتفقوا معاك كمان ان لو الجمرك زاد عن كده هيحاسبوك على الزياده في مصر . اما لو حاجات تانية فهو المبلغ الي بتدفعه في السعودية مش هتدفع عنه اي شيء زياده في مصر الهم الا عشرة عشرين جنيه بقشيش لو عاوز ..

سألت قبل كده الشركات دي عن الال سي دي فقالي هاخذ 3 الاف واوصله لباب البيت .. مش فاكره المبلغ كان بالريال ولا الجنية بس اظن بالجنية وفي كل الاحوال ده اغلى كتير من انك تاخذه معاك وانت مسافر وتدفع جمركه وخلاص ..

الف شكر يامدام حضرتك على الرد الوفى

طيب بخبرة حضرتك هل الموضوع يستاهل

هل فعلا العفش هنا احسن وارخص من مصر ولا اريح دماغى واجيب مستعمل ولما اجى اجهز فى مصر ان شاء

شكرا

تم تعديل 14 سبتمبر 2010 بواسطة egyptawy

[doha]

الف شكر يامدام حضرتك على الرد الوفى

طيب بخبر حضرتك هل الموضوع يستاهل

هل فعلا العفش هنا احسن وارخص من مصر ولا اريح دماغى واجيب مستعمل ولما اجى اجهز فى مصر ان شاء

شكرا

هقول لحضرتك ..

العفش الاساسي ( اوضة نوم , سفرة , انتريه .. الخ ) في السعودية ارخص من مصر بشكل مذهل خاصة لو هتجيبه مستعمل .. يعني ممكن جدا تجيب انتريه بالف ريال يعني الف وخمسمية جنيه ويكون شكله حلو ومودرن لكن في مصر انسى انك تلاقي حاجه كويسه بالسعر ده .. بس في المقابل الخامة نفسها مختلفة تماما ... يعني في مصر انت بتشتري اوضة نوم مثلا بعشرين الف كلها خشب حقيقي دي هتعيش عليها باذن الله العمر كله ..اما في السعودية فخشب الاوض كله حبيبي او مضغوط ده ان مكانش معظمها معمول من الخشب المغطى بالكرتون زي مابيحصل في الانتريهات ..

يبقى لو هتشتري عفش اشتري مستعمل وحافظ عليه ولما تيجي مسافر ارجع بيعه تاني .. ولما توصل مصر بالسلامة اشتري عفش جديد ـ من مصر ـ بس خلي بالك العفش في مصر حاليا غلي بشكل فظيع .. يفضل لما تنزل اجازه باذن الله تروح دمياط تاخذ فكره هناك هتلاقي احسن عفش في مصر كلها واسعارهم ممتازه كمان ..

نفس الشيء بالنسبة للاجهزه الكهربائية هات على قدر استعمالك بس ومتجيبش حاجه عشان تستخدمها وترجع تنزلها مصر .. لما تيجي نازل باذن الله هات معاك جديد وانزل بيه مرة واحده لان الحاجات دي بقى عمرها قصير مش زي الاول وفي نفس الوقت اسعارها بتنزل يوم عن يوم وفي نفس الوقت تقنيتها بتتحسن .. الاجهزه الكهربائية في السعودية احسن من مصر بلا منازع لو هنتكلم عن الاجهزه الخفيفة اما السلع المعمرة زي مابنسميها في مصر ( ثلاجه , غسالة , بوتاجاز .. الخ ) دي يفضل تجيبها من مصر لانهم بيصنعوها هنا دلوقت وسعرها هيبقى ارخص كتير جدا من برا لهذا السبب فوق عن توافر الصيانة وقطع الغيار باسعار زهيده نسبيا .. الالكترونيات وطالما الماركات واحده فهي نفسها من هنا او هناك لكن طبعا من السعودية ارخص ..

نيجي بقى للعفش الخفيف او الرفايع ( مكتب , مكتبة , جزامه , طاولات تقديم .. الخ ) دي ممكن اوي تجيبها من السعودية افضل .. للاسف الاذواق في مصر بقت ( بلدي شويه ) ـ اوبلدي اوي ان جيت للحق ـ فيما لو كنت عاوز تجيب حاجه سعرها مناسب اما لو مصر تجيب كماليات مودرن وشكلها على احدث صيحه للاسف هتلاقيها غالية جدا بشكل مبالغ فيه لان زبونها اصلا غالبا بيكون ميسور بينما عامة الشعب عاده بتشتري من الحاجات الي اذواقها شعبيه لان ده ذوقهم ..

الخلاصة لو عجبتك قطعه من الرفايع دي بشكل فردي يعني حاجه لفتت نظرك هاتها وحافظ عليها ونزلها مصر لكن متجيبش لمجرد انها لازم تيجي لانك على مافهمت كده لسه مجهزتش العفش الاساسي نفسه فمينفعش تجيب الكماليات قبل ماتجيبه ..

السجاد طبعا احسن في السعودية الف مرة بس هاته حاجه تستاهل تنزل بيها مصر يعني تستاهل الشيل والحط .. برضه لما تنزل اجازه يفضل جدا تلف على محلات السجاد زي النساجون الشرقيون او ماك وماشابه وتعرف شكل الاذواق في مصر والاسعار ايه .. نفس الامر ينطبق على الستائر في السعودية افضل بمالايمكن مقارنته مع مصر لكن طبعا اغلى كتير جدا في الغالب ..

تم تعديل 14 سبتمبر 2010 بواسطة doha

[egyptawy]

الف شكر يامدام حضرتك على الرد الوفى

طيب بخبر حضرتك هل الموضوع يستاهل

هل فعلا العفش هنا احسن وارخص من مصر ولا اريح دماغى واجيب مستعمل ولما اجى اجهز فى مصر ان شاء

شكرا

هقول لحضرتك ..

العفش الاساسي ( اوضة نوم , سفرة , انتريه .. الخ ) في السعودية ارخص من مصر بشكل مذهل خاصة لو هتجيبه مستعمل .. يعني ممكن جدا تجيب انتريه بالف ريال يعني الف وخمسمية جنيه ويكون شكله حلو ومودرن لكن في مصر انسى انك تلاقي حاجه كويسه بالسعر ده .. بس في المقابل الخامة نفسها مختلفة تماما ... يعني في مصر انت بتشتري اوضة نوم مثلا بعشرين الف كلها خشب حقيقي دي هتعيش عليها باذن الله العمر كله ..اما في السعودية فخشب الاوض كله حبيبي او مضغوط ده ان مكانش معظمها معمول من الخشب المغطى بالكرتون زي مابيحصل في الانتريهات ..

يبقى لو هتشتري عفش اشتري مستعمل وحافظ عليه ولما تيجي مسافر ارجع بيعه تاني .. ولما توصل مصر بالسلامة اشتري عفش جديد ـ من مصر ـ بس خلي بالك العفش في مصر حاليا غلي بشكل فظيع .. يفضل لما تنزل اجازه باذن الله تروح دمياط تاخذ فكره هناك هتلاقي احسن عفش في مصر كلها واسعارهم ممتازه كمان ..

نفس الشيء بالنسبة للاجهزه الكهربائية هات على قدر استعمالك بس ومتجيبش حاجه عشان تستخدمها وترجع تنزلها مصر .. لما تيجي نازل باذن الله هات معاك جديد وانزل بيه مرة واحده لان الحاجات دي بقى عمرها قصير مش زي الاول وفي نفس الوقت اسعارها بتنزل يوم عن يوم وفي نفس الوقت تقنيتها بتتحسن .. الاجهزه الكهربائية في السعودية احسن من مصر بلا منازع لو هنتكلم عن الاجهزه الخفيفة اما السلع المعمرة زي مابنسميها في مصر ( ثلاجه , غسالة , بوتاجاز .. الخ ) دي يفضل تجيبها من مصر لانهم بيصنعوها هنا دلوقت وسعرها هيبقى ارخص كتير جدا من برا لهذا السبب فوق عن توافر الصيانة وقطع الغيار باسعار زهيده نسبيا .. الالكترونيات وطالما الماركات واحده فهي نفسها من هنا او هناك لكن طبعا من السعودية ارخص ..

نيجي بقى للعفش الخفيف او الرفايع ( مكتب , مكتبة , جزامه , طاولات تقديم .. الخ ) دي ممكن اوي تجيبها من السعودية افضل .. للاسف الاذواق في مصر بقت ( بلدي شويه ) ـ اوبلدي اوي ان جيت للحق ـ فيما لو كنت عاوز تجيب حاجه سعرها مناسب اما لو مصر تجيب كماليات مودرن وشكلها على احدث صيحه للاسف هتلاقيها غالية جدا بشكل مبالغ فيه لان زبونها اصلا غالبا بيكون ميسور بينما عامة الشعب عاده بتشتري من الحاجات الي اذواقها شعبيه لان ده ذوقهم ..

الخلاصة لو عجبتك قطعه من الرفايع دي بشكل فردي يعني حاجه لفتت نظرك هاتها وحافظ عليها ونزلها مصر لكن متجيبش لمجرد انها لازم تيجي لانك على مافهمت كده لسه مجهزتش العفش الاساسي نفسه فمينفعش تجيب الكماليات قبل ماتجيبه ..

السجاد طبعا احسن في السعودية الف مرة بس هاته حاجه تستاهل تنزل بيها مصر يعني تستاهل الشيل والحط .. برضه لما تنزل اجازه يفضل جدا تلف على محلات السجاد زي النساجون الشرقيون او ماك وماشابه وتعرف شكل الاذواق في مصر والاسعار ايه .. نفس الامر ينطبق على الستائر في السعودية افضل بمالايمكن مقارنته مع مصر لكن طبعا اغلى كتير جدا في الغالب ..

كالعادة معلومات مفيدة وقيمة

الف شكر لزوق حضرتك

طيب معلش انا نزلت حراج بن قاسم عشان اشوف العفش الا بالف ريال

لقيت حاجات وحشة قوى ياترى فين ممكن الاقى الحاجات الحلوة الرخيصة

شكرا

[doha]

كالعادة معلومات مفيدة وقيمة

الف شكر لزوق حضرتك

طيب معلش انا نزلت حراج بن قاسم عشان اشوف العفش الا بالف ريال

لقيت حاجات وحشة قوى ياترى فين ممكن الاقى الحاجات الحلوة الرخيصة

شكرا

ابن قاسم اذواقه والكوالتي بتاعت العفش فيه تعبانة جدا على اساس انه في منطقة تعتبر فقيرة مقارنة بالمناطق التانية وعشان كده هتلاقي الحاجه المباعه فيه في نفس مستوى المساكن المحيطه بيه غالبا ..

لو عاوز حاجه نظيفة بجد روح حراج المستعمل في الشمال .. ده كله في منطقة فلل وقصور وهتلاقي معظم العفش المعروض فيه طالع من هناك .. حاجات خرافية وكلها مجدده او جديده فعلا لان الناس في المناطق دي بتشتري كتير حاجات مش عاوزينها ويرجعوا يرموها برخص التراب ..

مكانه بجوار سوق الشمال للخضار في شارع اظن اسمه ابن سينا .. يعني انت روح عند سوق الشمال واسال هناك يدلوك تروح له ازاي .. هتلاقي صف محلات جنب بعضها كلها بتبيع اثاث مستعمل بس راقي جدا واسعاره اكثر من ممتازه وفي كمان عندهم انتيكات وتحف واشياء زي كده وارد جدا تلاقي عندهم حاجه لقطه تستاهل تنزلها مصر ..

افضل وقت تروح فيه بعد العصر على اساس تقدر تعاين الاشياء صح بس هو بينشط بعد المغرب وعامة اسواق المستعمل بيكون افضل وقت لزيارتها ايام الخميس والجمعه بيكون سوق وقتها ..

وارد جدا انك تروح ومتلاقيش حاجه تعجبك لان المستعمل حظوظ وتوفيق في الاول والآخر. .. انا رحت هناك مرتين او ثلاثه من باب الفضول وبصراحه في المرتين تلاته دول الحاجه كانت اروع من بعضها مع العلم ان ذوقي صعب ومش اي حاجه بتعجبني لكن فعلا السوق ده اكثر من رائع خاصة للناس الي بتجد متعه في البحث والتنقيب واكتشاف الاشياء الثمينة من بين الركام ..

جرب وروح هناك مرتين على فترات متقاربة وشوف وباذن الله هتتوفق في حاجة كويسه ..