بسبب لعبة على الانترنت

[اغابي]

لفت انتباهى هذا الخبر ليس الا بسبب خوفى من تكرار احداثه فى منزلى

ولان زوجي اصبح الان لا يفارق لعبتة على الانترنت - ميدل اوف هونر - بالساعات - ودون مبالغة

قد يبدأ لعبته الساعة السادسة بعد عودته من العمل وحتى الثانية بعد منتصف الليل

فاصبح مدمن لعب انترنت ومن المفارقات انه بدأ منذ شهرين فى تاجيل كل

المشاوير التى من الممكن ان تطلب منه اثناء لعبته

و لا يفتح اى حوار او مناقشة فى اى موضوع بسبب تركيزه الشديد فى لعبته الجديدة

وبدأ ابنى ايضا فى تقليد ابيه والاب فرح جدا لانه سيجد حلفاء له فى هذه اللعبة

واصبح البيت اكثر من 6 ساعات يوميا العاب انترنت

اليكم الخبر

السجن لبريطانية أهملت أطفالها وقتلت كلابها بسبب لعبة على الإنترنت

لم تفارق الحاسوب طيلة شهرين

لندن - من عبدالإله مجيد

حُكم على امرأة بريطانية بالسجن مدة عام مع وقف التنفيذ ومنعها من استخدام الكمبيوتر بعد ادانتها بتهمة تجويع اطفالها واهمال كلابها لاستغراقها في اللعب على الانترنت

وكانت الأرملة البالغة من العمر 33 عاما مهووسة بألعاب الكمبيوتر حتى انها ظلت تطعم اطفالها الثلاثة فاصوليا باردة يأكلونها من المعلبات بأيديهم وتركت كلابها تموت من الجوع وتتعفن في غرفة المعيشة طيلة شهرين فيما كانت هي منهمكة في لعبة «سمول وورلد» على الانترنت.

وحين نظر جارها من فتحة القاء الرسائل في الباب وشاهد ظروف البيت المريعة اتصل بجمعية منع القسوة ضد الأطفال ثم دخلت مجموعة من افراد الشرطة بيت المرأة خائضين في القذارة والعفونة. واعترفت المرأة بثلاث تهم بالقسوة ضد الأطفال وتهمتين باهمال الحيوانات.

وأظهرت الأدلة التي قُدمت الى محكمة ميدستون في مقاطعة كنت جنوب شرقي انكلترا ان الأطفال الثلاثة البالغة اعمارهم 9 و10 و13 عاما عانوا من حالة الاهمال هذه ستة اشهر.

وقال المدعي العام ان المرأة ابلغت الشرطة لدى وصولهم ان البيت بحاجة الى شيء من الترتيب ثم رأوا النفايات تغطي الأرض والطعام المتعفن في كل ركن واسراب الذباب في كل غرفة وكان المرحاض في حالة مقرفة.

وحاولت المرأة منع الشرطة من دخول غرفة المعيشة وعندما سُئلت عن السبب قالت ان كلابها الميتة موجودة هناك وانها قتلتها جوعا لأنها كانت مستغرقة في العاب الكمبيوتر طول الوقت. وقالت صحيفة الديلي تلغراف ان المرأة أدمنت على لعبة الكمبيوتر بأقزامها وعمالقتها وتنافس لاعبيها للسيطرة على عالم أصغر من ان يستوعبهم كلهم بعدما تلقت دعوة للمشاركة من صديق على فايس بوك.

اغابي

تم تعديل 14 سبتمبر 2010 بواسطة اغابي

[akramgroup]

فعلا خبر غريب جدا

انا سمعت عن حالات ادمان للجايمز على النت بس مش للدرجة دى

عموما خلى بالك احسن تيجي رجلك فى الادمان ده

ولو ناويه يبقى جهزى الفاصوليا بكمية كبيرة فى البيت :D :D

أكرم,,

تم تعديل 14 سبتمبر 2010 بواسطة akramgroup

[yasser moustafa]

من شهرين كان نفس الموضوع عن زوجين فى كوريا الجنوبية أدمنوا اللعب على الانترنت لدرجة اهمال اطعام طفلهم الرضيع ... مما تسبب فى وفاته جوعاً

أعتقد الموضوع محتاج اهتمام ومعالجة قبل تفاقم حجم المشكلة وتحولها من الاستمتاع باللعب الى إدمان - لا قدر الله

[أبو حميد المسافر]

على فكرة بقي

ميدل اوف ونر لعبة جامدة جدا جدا وتستاهل

أسأل مجرب :lol:

[yasser moustafa]

على فكرة بقي

ميدل اوف ونر لعبة جامدة جدا جدا وتستاهل

أسأل مجرب :lol:

اللعب والاستمتاع شئ جميل ومطلوب ... ولكن فى الحدود المعقولة

الوسطية فى جميع شئون الحياة من سعادة وحزن وما بينهما مطلوبة وضرورية لاستقامة الحياة - ولا يوجد استثناء الا فى تحصيل العلم والدين

[اغابي]

فعلا خبر غريب جدا

انا سمعت عن حالات ادمان للجايمز على النت بس مش للدرجة دى

عموما خلى بالك احسن تيجي رجلك فى الادمان ده

ولو ناويه يبقى جهزى الفاصوليا بكمية كبيرة فى البيت :D :D

أكرم,,

على فكرة يا استاذ اكرم

جوزى امبارح كان اقل يوم فى عدد الساعات يتحسد

سجلتله 5.5 متواصل - هل فعلا جوزى بقى مدمن تبقى كارثة

وابنى كمان بدا ياكل تيك اوى او اى حاجة على السريع جنب نفس اللعبة

ربنا يستر وانا رجلى ما تتجرش معاهم

اغابي

[اغابي]

على فكرة بقي

ميدل اوف ونر لعبة جامدة جدا جدا وتستاهل

أسأل مجرب :lol:

طيب افهم من كدا انك كنت بتلعب نفس اللعبة و بطلت تدمنها صح

يعنى فى امل جوزى يسيبها بس انا شايفه انه بيزيد فيها وعرفها لجيرانا كمان فى العمارة

هى عبارة عن جيوش وحرب ومعاك فرق ضدك من كل حتة بالعالم عن طريق النت صح كدا

وتخيل كمان يا استاذ مسافر - الازعاج والصوت العالى اليوم كله وضرب الرصاص والدبابات

اللى بقى فيه جو البيت

اغابي

[اغابي]

على فكرة بقي

ميدل اوف ونر لعبة جامدة جدا جدا وتستاهل

أسأل مجرب :lol:

اللعب والاستمتاع شئ جميل ومطلوب ... ولكن فى الحدود المعقولة

الوسطية فى جميع شئون الحياة من سعادة وحزن وما بينهما مطلوبة وضرورية لاستقامة الحياة - ولا يوجد استثناء الا فى تحصيل العلم والدين

شيء مؤلم نفسيا يا ا/ياسر

بجد هل فى اى حلول يا جماعة للمشكلة دى

طب ازاى الحق ابنى اللى بقى فى اللعبة بيقعد وقت كبير

وكمان بتعلمهم العصبية بقوا عصبيين ومش عاوزين اى حد يقرب منهم

ايه الحلول اللى ممكن اعملها معاهم سواء ابنى او جوزى

اغابي

[yasser moustafa]

خلينا مع الطفل ... حيث التعامل معاه أسهل

أعتقد ممكن تغريه بالاندماج فى نشاطات هو بيحبها زى الخروج والفسح

طبعاً دا مجهد شوية ... ولكن لفترة حتى يبتعد عن هذه اللعبة ويفقد اهتمامه بها

ويا سلام لو تقدرى وانت خارجة تفسحى الولد تخدى باباه معاكم ... تكون فى الجون وتضربى عصفورين بحجر واحد

أدعو العزيز سى السيد ليدلو بدلوه ... حيث قرأت له سابقاً موضوع عن مروره بهذه التجربة مع ابنه عمر

[أبو حميد المسافر]

على فكرة بقي

ميدل اوف ونر لعبة جامدة جدا جدا وتستاهل

أسأل مجرب :lol:

طيب افهم من كدا انك كنت بتلعب نفس اللعبة و بطلت تدمنها صح

يعنى فى امل جوزى يسيبها بس انا شايفه انه بيزيد فيها وعرفها لجيرانا كمان فى العمارة

هى عبارة عن جيوش وحرب ومعاك فرق ضدك من كل حتة بالعالم عن طريق النت صح كدا

وتخيل كمان يا استاذ مسافر - الازعاج والصوت العالى اليوم كله وضرب الرصاص والدبابات

اللى بقى فيه جو البيت

اغابي

لالالالالا

هي مش جيوش خالص

هي شخصيات مختلفة فردية

يعني الواحد بيدخل بشخصية واحدة بس قصاد شخصيات فردية تانية كتييير - حسب العدد -

انا كنت بلعبها ع الوورك جروب فى الشغل - ساعة الترييح من الشغل اثناء السهر مع الاصدقاء -

واللى خلاني ابطلها انهم كلهم مشيوا من المكان واحد ورا التاني - عقبااااالي يا رب -

قولوا امييين

فالأمل الوحيد فى انهاء هذه المشكلة هى ان اللى بيلعبوا مع جوز حضرتك يموتوا :lol: :lol: :lol:

[aimen]

ممكن على جهاز ابن حضرتك تركبى برنامج مراقبة مثلا http://www1.k9webprotection.com/

دا مجانى وممكن من داخل البرنامج تحددى وقت الدخول على النت وتمنعى الدخول فى اوقات تانية

والبرنامج مالوش حل غير الدخول بكلمة السر اللى محدش يعرفها غيرك

ممكن يدخل على الكمبيوتر لكن النت لألألألألأ

تحياتى

[اغابي]

عاوزة اقولكم على اعراض بدات فى الظهور و ما كنتش موجودة قبل كدا

زى مثلا

لو عاوزة طلبات البيت - رد جوزى - روحى انت اشتريها -

وفعلا اروح انا الكارفور او سلطان سنتر

او يقولى انت مش معاكى عربيتك روحى انت

الطريقة دى جديدة

فى الكلام وما كنتش موجودة قبل كدا

كمان العشا اما بيقول ما تعملوش حسابي على العشا

واما يقوم بعد ما نكون اتعشينا وخلصنا

لو فتحت معاه اى موضوع - يردوه اجليه دلوقتى بعدين بعدين بعدين

وبقى عصبي - اى حاجة ممكن يسب ويشتم ويتعصب اوى

وطول الوقت يقول انا حاربيهم اولاد الـ.....ـ

اعراض مرضيه كلها

داه كله جوزى لسة ابنى بقي

ابنى لو قولتله اى حاجة هو بيحبها كارتون يرفض وباباه يشجعه جدا ويقولى كارتون ايه خليه معايا

علشان احنا بنحمى بعض فى اللعبة

واى مشوار انسي والخروج من البيت للاتنين بقى شبه مستحيل

ابنى عمره 8.5

اعتقد انا اتاخرت فى الحلول بس املى كبير ان اما المدارس حتغير نظام البيت

وداه اللى مخليني مش حابة اعمل مشاكل معاهم

او انهم فرحانين بيها علشان اكتشاف جديد وبكره يزهقو منها

اغابي

[اغابي]

ممكن على جهاز ابن حضرتك تركبى برنامج مراقبة مثلا http://www1.k9webprotection.com/

دا مجانى وممكن من داخل البرنامج تحددى وقت الدخول على النت وتمنعى الدخول فى اوقات تانية

والبرنامج مالوش حل غير الدخول بكلمة السر اللى محدش يعرفها غيرك

ممكن يدخل على الكمبيوتر لكن النت لألألألألأ

تحياتى

مش مسالة نت

باباه مشجعه جدا

وكمان بدأ يشجع الولد التانى الصغير عمره 4.5

وانا عندى 3 اجهزة كمبيوتر فى البيت كل واحد مستلم جهاز

دلوقتى ليهم يومين ابتدوا مع الولد الصغير يعلموه اللعبة علشان يبقوا فريق

يحموا بعضهم طب ياربي الولد الصغير 4.5 ازاى يعرف يلعب لعبة صعبة بالشكل داه

امبارح كان درس ازاى يغير السلاح ويجيب اصحاب ومش عارفة كلام غريب

كله من الاب فى البيت يا استاذ ايمن

جنون

هو مشجعهم انا من غير اقطع نت ممكن امنع الكمبيوتر خااالص

لكن انا ماسكة اعصابي ومش عاوزة انكد عليهم

اغابي

[أبو حميد المسافر]

أ / أغابي

من الطرق الفاشلة فى حل موضوع كهذا

العند وتصعيد الموقف

فالرفق الرفق أو حتي التغافل ان لزم الامر

كله سياخذ وقته وبعدين تعود الامور لسابق عهدها

اما ان تضع الزوجة نفسها فى جانب والانترنت او ال games فى جانب اخر

فهذا يولد العند ولا يتنازل الرجل بسهولة وتجد الزوجة رد فعل لا تتوقعه اطلاقا

لاعتباره متنفسا تحاول الزوجة منعه منه وتضييق الخناق عليه فى بيته موطن راحته

( الانترنت وال games مجرد مثال ويمكن تطبيقها على قراءة الكتب وغيرها )

هذه نصيحتي عن تجربة

تم تعديل 14 سبتمبر 2010 بواسطة أبو حميد المسافر

[اغابي]

أ / أغابي

من الطرق الفاشلة فى حل موضوع كهذا

العند وتصعيد الموقف

فالرفق الرفق أو حتي التغافل ان لزم الامر

كله سياخذ وقته وبعدين تعود الامور لسابق عهدها

اما ان تضع الزوجة نفسها فى جانب والانترنت او ال games فى جانب اخر

فهذا يولد العند ولا يتنازل الرجل بسهولة وتجد الزوجة رد فعل لا تتوقعه اطلاقا

لاعتباره متنفسا تحاول الزوجة منعه منه وتضييق الخناق عليه فى بيته موطن راحته

( الانترنت وال games مجرد مثال ويمكن تطبيقها على قراءة الكتب وغيرها )

هذه نصيحتي عن تجربة

انا فعلا يا استاذ مسافر مش عاوزة الموضوع يوصل لكدا

لكن زى ما قال الاخ ياسر - كل حاجة مطلوب الاتزان والعقل فيها

يعنى ايه مثلا - يبقى 7 او 8 ساعات متواصل بتلعب جيمز - ليه انت مش اب ومش مسؤال عن

متطلبات اسرة - يبقى ازاى الشخص يكون عبد للعبة

- كل الوقت داه وكمان بيحاول ينقل المرض لولاده بحجة انها بتقوى ذكاء الاطفال

وسرعة رد الفعل فى اى موقف

اعتقد كدا الموضوع زيادة ويبقى مرفوض

واحتمال الايام الجايا تكون جدت فى الامور امور وحابقى احكيلكم بالتفصيل اللى ممكن يحصل

تحياتى

اغابي

[akramgroup]

يامدام اغابى الحل واضح وصريح وبيفرض نفسه

الحل الوحيد هو انك تشتري كمبيوتر تانى فى البيت

وتلحقى تاخدى دروس من الاول كده مع ابنك الصغير عشان تلحقى تفهمى اللعبه

واهو بالمرة تخلى بالك منهم وتحميهم فى اللعبه

اسرة سعيده = تيم ورك واحد

وربنا معاكم فى اللعبه كلكم :D :D

ولو اتأخرتى فى دخول المنتدى اكتر من شهر هانبلغ البوليس :D :D

أكرم,,,

[اغابي]

يامدام اغابى الحل واضح وصريح وبيفرض نفسه

الحل الوحيد هو انك تشتري كمبيوتر تانى فى البيت

وتلحقى تاخدى دروس من الاول كده مع ابنك الصغير عشان تلحقى تفهمى اللعبه

واهو بالمرة تخلى بالك منهم وتحميهم فى اللعبه

اسرة سعيده = تيم ورك واحد

وربنا معاكم فى اللعبه كلكم :D :D

ولو اتأخرتى فى دخول المنتدى اكتر من شهر هانبلغ البوليس :D :D

أكرم,,,

ضحكتنى يا استاذ اكرم

:lol:

تصدق ان داه اسهل الحلول واخفها بجد

على الاقل يبقى بالمرة اللامبالاه تشتغل معايا انا كمان

ولا نروح شغل ولا نروح مدارس ونشترى بقى الفاصوليا بكميات فى البيت احتياطي

:lol:

مش بقول انا خايفة ان القصة دى تتكرر فى بيتي

ولو انجرت رجلى وهما بيحاولو يغرونى كتير بس انا برفض تماما

بيقولولى ان اللاب توب بتاعى ينفع فى اللعبة

صحيح مش للدرجة لكن برضوه - انا احيانا بحس انى عايشة

فى سايبر نت من كم الكمبيوترات اللى عندنا

جابولى اكتئاب اكتر ما هو موجود عندى

والمحرض الرئيسي وصاحب الافكار المحترمة دى هو اخويا الكبير

لانه مهندس كمبيوتر فجيبلهم قطع الغيار ومخلى الاجهزة على احدث مستوى

العيب الاخلاقى فى الموضوع

واللى حصل انهم بيقطعو النت من باقى العمارة لان الراوتر عندنا احنا فى الشقة

:lol: :lol: :lol:

حاجة كدا استهبال

وكمان يقولولهم ان النت فاصل من الشركة - هما يتصلوا بالشركة

- طب دي اخلاق بزمتكم توصل اننا نقطع النت من على الناس

لان قال ايه اللعبة بتحتاج نت سريع والجيران بيسحبو سرعته فى تحميل الافلام والمسلسلات كل يوم

ربنا يصبرهم جيرانا علينا

انا من ناحية بقفل على بركناتهم وعربياتهم تحت العمارة

وجوزى واولادى من ناحية يقطعوا منهم النت

اغابي

[عادل أبوزيد]

إدمان ألعاب الإنترنت مشكلة خطيرة و إن كان الأطباء فى أمريكا لم يتوصلوا بعد إلى إتفاق لتصنيفها من أنواع الإدمان.

ما سبق كان إستهلالا لابد منه

فى بداية الموضوع ... اقصد فى المداخلات الأولى لم ىخذ المشكلة بقدر كبير من الجدية ظننتها زوج "يلعب" على الكومبيوتر ربما فى الوقت الغير مناسب أو ربما فى الذى ترغب الزوجة فى الحديث معه ،

بعد عدة مشاركات شعرت كم الموضوع هام و جاد.

الأمر يحتاج لمساعدة طبية و نفسية ، و جدت مشكلة مشابهه و لكنها بالإنجليزية و أتصور اللغة ليست مشكلة بالنسبة لثقافتك سأضعها هنا و سأضع هنا رابط للبحث فى google news عن الإدمان على العاب الإنترنت :

http://news.google.com/news/search?aq=f&pz=1&cf=all&ned=us&hl=en&q=internet+games+addiction

رجاء إبلاغنا بأخبارك أولا بأول

الخطوة الأولى فى العلاج هى إدراك زوجك و أخاك أننا بصدد حالة مرضية

[اغابي]

شكرا استاذ عادل على الاهتمام

بس انا الموضوع زاد رعب عندى - فى تشابه كبير بين قصة زوجى وقصة زوج السيدة صاحبة المشكلة

اهمهم الوقت الكبير وخاصة يوم الاجازات اللى بيقضيه على اللعبة

وكمان العصبية يبقى كدا فعلا جوزى بدء الدخول فى مرحلة الادمان

وانا خوفى ان اللعبة تاثر على مذاكرة ابنى خاصة انه بيتعلق بيها يوم بعد يوم

وفعلا مش بيفكرو في الخروج من البيت انا اللى بتحمل بكل المشاوير الفترة دى

والاهتمام باى شيء قل حتى بالاكل - شيء غريب وكمان تفكير جوزى موقوف فى اى حاجة ولو موضوعاتنا

المهمة واهمها هجرة كندا - او مذاكرة امتحان الايلس - مش مهتم زى الاول

لو فعلا سمعنى ولو فى فرصة اتكلم معاه - حابقى اوعيه انه دخل فى مرحلة خطر وهى ادمان العاب الانترنت

وغالبا حتكون الفرصة دى على التليفون لما اكون انا فى شغلى وهو فى شغله - داه الوقت المسموح بيه فى الكلام

وخاصا اننا معندناش اى علاج نفسي لمثل هذه الانواع من الادمان فى بلادنا كما الغرب ولا الاهتمام بمثل هذه الامور

والايام الجايا انشالله نشوف حنوصل لايه

اغابي

[خالد شحاته]

المشكله الكبيره ان المدارس بعد كم يوم وممكن الاب يشجع الاولاد في اللعبه وينسي المسئوليه في الدراسه لانها حصلت كتير هنا في السعوديه يكون الاب في المكتب وابنه في البيت وعامل فريق وطول الليل بيلعب مع الابن وده في مكان والاخر في مكان اخر وفعلا العبه دي شي فظيع جدااااااااااااا