عندما سقطت الأهرام

[se_ Elsyed]

من أجل هذا تحولت الصحف القومية إلى مسخ وإلى شيء لا يستعنيه الناس أن يستخدموه حتى ورق تواليت

وإذا كان المنافقون بيغنوا للديكتاتور " علشان كده إحنا أخترناك "

فالديكتاتور بيغني أيضاً لرؤساء تحرير الصحف الصفراء القومية " الأهرام والأخبار والجمهورية " عشان كده أنا أخترتكم

تلك القمم الشامخة التي خرجت أجيال من العظماء .. لدرجة إن كان عيب نقول على الواحد صحفي ... زي مصطفى أمين وعلي أمين والعقاد ومصطفى محمود ومحمود السعدني وهيكل وأنيس منصور ومئات القمم اللي كانوا أدباء وليسوا مجرد صحفيين ينقلوا الأخبار أو يحللوهاوكانوا يشكلوان ثقافتنا ووجداننا

ها هي القمم إنحدرت وتحولت إلى ركام وتراب على يد ممتاز القط وأبو حديد وسرايا صفرا

شوفوا الأهرام عملت إيه وكإننا في عصور الظلام بتاعت عبد الناصر

ســياســة » مصر

صورة ''مفبركة'' تثير سخرية زوار ''فيس بوك'' من موقع جريدة الأهرام

دي الصورة اللي إتنشرت في جريدة الأهرام الغراء

ودي الصورة الحقيقية يا سادة

إيه في إيه ؟

كهل عجوز بلغ من العمر 83 سنة ... يعني يخلف الناس اللي ماشية معاه دي كلها ... مهما تعطوه مقويات أو منشطات .. سيظل كهلاً وسيظل باقي من عمره خطوات نحو القبر

أيها المنافقون اللي لعنهم الله في كل كتاب

صورة نشرها موقع جريدة الأهرام للرئيس مبارك يتقدم زعماء العالم سخرية وسخط زوار "فيس بوك" من أعضاء جروب كلنا خالد سعيد، حيث تم إنتاج الصورة باستخدام برامج الكمبيوتر.

جاءت الصورة "المفبركة" التي نشرتها الأهرام للرئيس مبارك متقدما الرئيس الأمريكي باراك أوباما ورئيس الوزراء الإسرائيلي بنيامين نتنياهو والعاهل الأردني الملك عبد الله الثاني والرئيس الفلسطيني محمود عباس، وذلك محاكاة أو ردا على نفس الصورة التي نشرتها بعض وكالات الأنباء العالمية، وأظهرت الرئيس مبارك سائرا في المؤخرة.

ونشرت الصورة مصاحبة لتقرير كتبه الدكتور عبد المنعم سعيد رئيس مجلس الإدارة، تناول فيه المفاوضات المباشرة بين الفلسطينيين والإسرائيليين، وبدا واضحا أن الصورة تم تركيبها وانها ليست حقيقية.

وعبر كثيرون عن عدم رضاهم عما يحدث في الأهرام مؤخرا معتبرين أن هذه الصورة هي استمرار لما اعتبروه سياسة الأهرام في تزييف الحقائق في بعض القضايا .

وطالب أحد أعضاء جروب خالد سعيد بوقف طبع الجريدة باعتبارها مطبوعة يتم الإنفاق عليها من أموال الشعب من دافعي الضرائب، ووصف آخر الجريدة بأنها يتم طباعتها لأهالي كوكب "المريخ"، واتهم آخرون الجريدة بأنها ناطقة باسم الحكومة ولا تعبر إلا عما ترضى عنه حكومة الحزب الوطني.

[se_ Elsyed]

أنا بعيني شاهدت مبارك وهو طالع على منصة الإجتماع الأخير في البيت الأبيض

والله العظيم ما كان قادر يطلع السلمتين وتلاقيهم عملوا دراسة جدوى ودراسات هندسة فراغية قبلها بشهور عشان يعرف يطلعهم ...

بالمناسبة دي حقيقة ....

وبتحصل عندنا في مصر ... وأتحدى في السنوات الأخيرة لو جابوا مشهد لمبارك في زيارة أو إجتماع وهو بيحاول يطلع درجة سلم واحده ...

ويقول لك : بيرلسكوني يصرح بإن زيارة مبارك الأخيرة لإيطاليا أكدت إنه يتمتع بكامل لياقته وحيويته "

كان ناقص يقول ده أحنا بنفكر نجوزه حته إيطالي من فوق القفص عشان الراجل مش عارف يودي الطاقة دي كلها فين ..

والمتحدث بإسم قصر الرئاسة المصرية الأخ عواد باع أرضه بيقول ك : ده أحنا بنلهث وراء الرئيس وما بنقدرش نحصله من نشاطة وحيويته

نافق وإكذب زي ما أنت عاوز ... إنت ناسي إن في أخره وفي يوم قيامة ... إبقى برر وأكذب على ربنا ساعتها

[أبو حميد المسافر]

هدي نفسك يا أ / سين سين شوية

مستني ايه يعني من المنافقين وكدابين الزفة ؟؟؟ md2:

[herohero]

مشكلة البلد عندنا ولالي تحسر وتخلي الواحد في حيرة من امره\\

هو مصر والمصريين وصلت لهذه الدرجه من الهوان

نبقى 80 مليون وفينا ناس ماليين العالم بنبوغهم وعلمهم والنتيجه عايشين ومش عارفين مين اللي هيحكمنا

يالهوي ياجماعه لسه عمالين بنحارب عوامل الزمن الراجل شطب خلاص كن المفروض من زمان سلم نمر عيني ع اهلينا\

اللي مستغرب منه هو ايه وجهة نظره ف حاله التوهان اللي البلد عايشه فيه

ياجماعه الاستثمارات واقفه وكله بيحوال يهدي اللعب ومفيش توسعات استثماريه لحد مايعرف ايه اللي هيحصل

الواحد قال ماشي مسكوا جمال مبارك فوجئنا لقيناهم بيقولك الجيش مش هيوافق

طب نعمل مسابقه نخمن مين حاكم مصر القادم

ياخيبة بالويبة

80 مليون ومش عارفين مين الليهيحكمنا

[أسد]

الحقيقة .. أنني مش قادر أفهم ..

ماذا طل برأس رئيس التحرير لنشر تلك الصورة ...

ماذا كان يدور في خلده وقتها عندما طلب فبركة تلك الصورة

ماذا كان يريد أن يقول

هل مثلاً كان سيقنع الرئيس بأنه هو من في الصورة

للأسف الشديد ...

الناس دي تفوقت على كل منافقوا التاريخ .. وأصبحوا مشايخ طريقة في النفاق

[engmido]

وارد انه يكون الصورة غير الصورة او اللقطة غير اللقطة

ولو لاحظتوا عوجة الجرافتة بتاعت مبارك واحدة شمال وواحدة يمين

او يكون التزوير مش متقن

ولاحظوا الصورة الاولى لا فيها ارضية سيراميك ولا العمود اللى ع الشمال المذهب

عموما شالو الدو جابوا شاهين .....الدو قال منتوش لاعبين

وشكرااااااا

[جسار]

من الذى يرعى مفاوضات السلام بين فلسطين واسرائيل ؟ طبعا الاجابة

هى الولايات المتحدة الامريكية ورئيسها أوباما ولابد أن يظهر فى مقدمة التشكيل وعلى يمينه نتنياهو

رئيس وزراء اسرائيل وعلى يساره محمود عباس ابو مازن رئيس السلطة الفلسطينية ، وياتى بعدهم بخطوة

متاخرة على اليمين حسنى مبارك رئيس مصر ويقابله من الناحية الاخرى ملك الاردن عبدالله بن الحسين

يعنى هذا الموكب من الرؤساء لم يأتى اعتباطا بل هو بروتوكول مرسوم ومدروس ومحدد لوزن كل طرف

مشارك فى هذه المفاوضات ، ولايمكن تغيير هذا الترتيب أبدا لانه وضع بناءا على توازنات القوى

وعلاقات الاطراف بعضها ببعض وهو يشبه الى حد كبير البروتوكولات القديمة فى قصور ملوك أوروبا

فى العصور الوسطى ، وكون أن البطحة على الرأس أو على الرئيس فترتيبه فى الموكب يظهر مدى

التبعية للنظام الامريكى برغم أنه صاحب الدار والاولى انه يتقدم الموكب علشان لو خالع راسه

وجريدة الاهرام لم يعجب هذا المشهد السادة رؤساء التحرير وفاكرينها حفلة عاملها الحزب الوطنى

فقاموا بهذا التزوير المضحك علشان يرفعوا رأس الدولة قليلا للأعلى ولكن من الصعب على من وضع

أنفه فى وحل التبعية أن يستطيع رفعها مرة ثانية للامام .

[yasser moustafa]

كنا بنحضر مقطع فيديو لعرضه اثناء فعاليات افتتاح أحد المشاريع بحضور رئيس الوزراء

وكان ضمن هذا الفيديو مقطع للرئيس وهو يشرب الشاى فى منزل أحد الفلاحين

وكانت ملاحظة مساعد الوزير هو ظهور ابتسامة غريبة للرئيس - يعنى نص نص

وقد تم عمل مونتاج لحذف هذه الابتسامة خوفا من أى تعليق عليها وحدوث ما لا يحمد عقباه

[aimen]

تسببت لافتتان كبيرتان أمام الجامع الكبير، الذى أدى فيه الرئيس مبارك صلاة عيد الفطر يوم الجمعة الماضى فى إثارة جدل واسع طوال الأيام الماضية بسبب ظهور عَلم مصر مقلوباً فى خلفية اللافتة التى وضع عليها صورتان للرئيس مبارك على طرفى كل لافتة ووضع أعلى اللافتتين شعار محافظة مطروح وأسفل الشعار جملة "حفظك الله لنا دوماً يا مبارك" فى الأولى وفى الثانية جملة "معاً من أجل مستقبل أفضل".

وقد أدى الخطأ الموجود باللافتتين اللاتى علقتا على مدخل نادى مطروح الرياضى الخلفى لتكونا فى مواجهة الرئيس مبارك أثناء دخوله المسجد استغراب وانتباه الأجهزة الأمنية والرقابية.

وقد أثير جدل كبير حول تفسير تعليق عَلم الدولة مقلوباً بين أهالى مطروح والذى كان صادماً لكثيرين، ففى الأعراف السائدة يشير تعليق العلم مقلوباً على أحد المواقع بحدوث نكبة أو انتكاسة.

وحسب مصادر مطلعة، ستشهد الأيام القادمة تحقيقات وتقارير من جهات مختلفة حول المتسبب فى هذا الخطأ الفادح، خاصة خلال زيارة الرئيس مبارك، وكذلك كيفية مرور هذا الخطأ أمام أعين المسئولين التنفيذيين بالمحافظة الذين أعدوا وعلقوا اللافتتين.

المصدر

http://www.youm7.com/News.asp?NewsID=278336

[سكر]

وادى صورة العلم المقلوب

[AhmedSalim]

من أجل هذا تحولت الصحف القومية إلى مسخ وإلى شيء لا يستعنيه الناس أن يستخدموه حتى ورق تواليت

وإذا كان المنافقون بيغنوا للديكتاتور " علشان كده إحنا أخترناك "

فالديكتاتور بيغني أيضاً لرؤساء تحرير الصحف الصفراء القومية " الأهرام والأخبار والجمهورية " عشان كده أنا أخترتكم

تلك القمم الشامخة التي خرجت أجيال من العظماء .. لدرجة إن كان عيب نقول على الواحد صحفي ... زي مصطفى أمين وعلي أمين والعقاد ومصطفى محمود ومحمود السعدني وهيكل وأنيس منصور ومئات القمم اللي كانوا أدباء وليسوا مجرد صحفيين ينقلوا الأخبار أو يحللوهاوكانوا يشكلوان ثقافتنا ووجداننا

ها هي القمم إنحدرت وتحولت إلى ركام وتراب على يد ممتاز القط وأبو حديد وسرايا صفرا

شوفوا الأهرام عملت إيه وكإننا في عصور الظلام بتاعت عبد الناصر

ســياســة » مصر

صورة ''مفبركة'' تثير سخرية زوار ''فيس بوك'' من موقع جريدة الأهرام

دي الصورة اللي إتنشرت في جريدة الأهرام الغراء

ودي الصورة الحقيقية يا سادة

إيه في إيه ؟

كهل عجوز بلغ من العمر 83 سنة ... يعني يخلف الناس اللي ماشية معاه دي كلها ... مهما تعطوه مقويات أو منشطات .. سيظل كهلاً وسيظل باقي من عمره خطوات نحو القبر

أيها المنافقون اللي لعنهم الله في كل كتاب

صورة نشرها موقع جريدة الأهرام للرئيس مبارك يتقدم زعماء العالم سخرية وسخط زوار "فيس بوك" من أعضاء جروب كلنا خالد سعيد، حيث تم إنتاج الصورة باستخدام برامج الكمبيوتر.

جاءت الصورة "المفبركة" التي نشرتها الأهرام للرئيس مبارك متقدما الرئيس الأمريكي باراك أوباما ورئيس الوزراء الإسرائيلي بنيامين نتنياهو والعاهل الأردني الملك عبد الله الثاني والرئيس الفلسطيني محمود عباس، وذلك محاكاة أو ردا على نفس الصورة التي نشرتها بعض وكالات الأنباء العالمية، وأظهرت الرئيس مبارك سائرا في المؤخرة.

ونشرت الصورة مصاحبة لتقرير كتبه الدكتور عبد المنعم سعيد رئيس مجلس الإدارة، تناول فيه المفاوضات المباشرة بين الفلسطينيين والإسرائيليين، وبدا واضحا أن الصورة تم تركيبها وانها ليست حقيقية.

وعبر كثيرون عن عدم رضاهم عما يحدث في الأهرام مؤخرا معتبرين أن هذه الصورة هي استمرار لما اعتبروه سياسة الأهرام في تزييف الحقائق في بعض القضايا .

وطالب أحد أعضاء جروب خالد سعيد بوقف طبع الجريدة باعتبارها مطبوعة يتم الإنفاق عليها من أموال الشعب من دافعي الضرائب، ووصف آخر الجريدة بأنها يتم طباعتها لأهالي كوكب "المريخ"، واتهم آخرون الجريدة بأنها ناطقة باسم الحكومة ولا تعبر إلا عما ترضى عنه حكومة الحزب الوطني.

السلام عليكم جميعا

انا لست مع الحكومة المصريه فى 99.9 % من سياستها و نهجها فى إدراه المحروسة بإذن الله تعالى

بس شهاده حق الصوره الى بتقولو عليها انها مفبركة هى حقيقة والصوره الى بتقولو عليها اصليه صوره خطأ مليون فى الميه بسب بسيط جدا

دقق النظر فى قدم السيد ابو مازن واليهودي النتن هتلاقيهم من غير أحذية الى فبرك الصوره إظاهر حب يعاقبهم فى الدنيا فقام قطع رجل ابو مازن من اليمن و الثانى الشمال

هذه فقط شهاده حق

تم تعديل 16 سبتمبر 2010 بواسطة AhmedSalim

[المهندسه]

انا مش قادره حدد اى صوره حقيقيه والمتفبركه بس لو فعلا متفبركه ده يبقى استخفاف بعقول الناس اوى ...مش كفايه الاستهانه

بطلبات الشعب والاستهتار بأحتياجاته الشعب ده غلبان ومش عارفه امتى هنرجع تانى احسن الشعوب ..فى ناس بتقول الواحد مابقاش

عارف وجود مبارك ده نعمه ولا نقمه الواحد يضمن منين ان اليجى بعده مايسرقش وينهب اكتر على الاقل ده شبع خلاص..وفى ناس بتقول

التغيير وخلاص اهو نخلص...

ربنا يكفى الشعب الغلبان شر المستخبى بعد الانتخابات

تم تعديل 16 سبتمبر 2010 بواسطة المهندسه

[herohero]

عارف وجود مبارك ده نعمه ولا نقمه الواحد يضمن منين ان اليجى بعده مايسرقش وينهب اكتر على الاقل ده شبع خلاص..وفى ناس بتقول

التغيير وخلاص اهو نخلص...

ربنا يكفى الشعب الغلبان شر المستخبى بعد الانتخابات

بالعكس انا متعاطف مع اللي هيجيهيلاقيها خربت

اراضي واتبعت

غاز واترهن بملاليم

فاضل ايه تاني ف البلد

شعب عنده خيرات ربنا من الامراض

فيروس سي فشل كلوي سرطانات

يعني شعب متهالك منتهي الصلاحيه

انا ف راي مفيش اوسخ من كده عشان كده الواحد مرتاح يعني صعب قوي يجي حد اسوا 30 سنة دمار هيحصل ايه

اتمنى مايونش عسكر لان بجد حكم العسكر فاشل والنماذج كتير لفشل نظامهم ف الحكم

اتمنى اي شخص يجي بس مش عسكري

يارب حد يجي نظام اهل الكفاءة مش اهل الثقة

وده نظام الجيش اهل ثقة مفيشاهل كفاءة واللي يتجوز امي اقوله يا بابا

[المهندسه]

على فكره انا حاسه ان الصورتين متفبركين بمعنى انهم جايبين كل واحد لوحده وهو ماشى ومجمعينهم مع بعض ...اصل من امتى بنشوف

الرؤساء ماشيين مع بعض بفواصل يعنى امريكاالاول و بعدين اسرائيل و بعدين مصر هى رتب و بالأقدميه ولا ايه؟؟؟؟مش منطقى و

بعدين فين الحراسات الوراهم حتى لو مفيش جموع وده مكان مغلق برضه بيبقى فى حراسات انا متأكده من كده؟؟؟؟ومفيش اى انطباع على

الوجه يجمعهم يعنى كل واحد فى وادى وبعدين يا جماعه الصوره متاخده من زاويه عاليه وبعيده وده معناه وجودكاميرات كبيره من

نوع خاص والسلم الخاص بالتصوير علشان الزاويه تبقى عاليه؟؟؟وطبعا ده ماينفعش فى تصوير الرؤساء ده مش فيلم

سينمائى!!!!تصوير الرؤساء دايما بيقى كاميرا فى اليد ذوحساسيه خاصه وسريعه مش كاميرا كبيره ابدااا!!!!!

شوفو تانى الصور وفكروا

تم تعديل 16 سبتمبر 2010 بواسطة المهندسه

[Sherief AbdelWahab]

إيه الغريب؟

كان فيه فضيحة زي دي متورط فيها صبي حزب الله السابق ورئيس تحرير مجلة الإذاعة والتليفزيون لما نشر من حوالي سبع شهور صورة لهيفاء وهبي نشرتها جريدة زهرة الخليج ، وكان شغل الفوتوشوب واضح في صورة الإذاعة والتليفزيون بشكل زاعق علشان تبان الصورة غير الصورة!

خلص الكلام

[aimen]

أسامة سرايا رئيس تحرير الأهرام يكتب.. صورة الزعماء تعبيرية والأهرام انفرد بكل صور المفاوضات

يبدو أن المناخ السياسى السائد حولنا فى مصر يتجه نحو الإثارة ومشتملاتها‏،‏ ومحاولة اللعب على كل الأوتار، مما أدى إلى تغييب الحقائق نفسها،‏ قبل أن يصاحبها تغييب القيم والضرب بعرض الحائط بأخلاقيات تعارفنا على تسميتها بالقيم المهنية وحدود اللياقة والزمالة‏.‏

ما أقصده أن البعض حاول الإثارة على الأهرام ومصداقيتها،‏ بحجة أنها لجأت إلى تغيير فى صورة خاصة باجتماعات قمة واشنطن التى جرت فى الأول من سبتمبر،‏ عندما انطلقت المفاوضات المباشرة بين الفلسطينيين والإسرائيليين فى حضور الرئيس حسنى مبارك،‏ وذهب البعض إلى تسميتها بمسميات مختلفة‏..‏ لن أذكرها لأنها تجرح أصحابها ذاتهم‏..‏ فكل صور القمة المذكورة نشرت بأكملها فى الأهرام ومواقعها الإلكترونية يوم الجمعة الماضى بلا أى تغيير أو فوتوشوب أو رتوش،‏ كما يتقولون‏..‏ وارجعوا إلى أهرام‏1‏ سبتمبر الحالى‏.‏

أما ما نشره الأهرام صباح يوم الثلاثاء‏14‏ سبتمبر فهو صورة تعبيرية جاءت بعد القمة بـ‏12‏ يوما‏..‏ ولم تكن هى التى نشرت بتاريخ‏1‏ سبتمبر تحت عنوان الطريق إلى شرم الشيخ..‏‏ الصورة‏ وضعت الرئيس مبارك فى موقع يقود المفاوضات الجديدة بعد القمة الافتتاحية فى واشنطن بـ‏12‏ يوما،‏ فالصورة التعبيرية تعبر عن مضمون الوثيقة المنشورة‏..‏ فضلا عن تعبيرها الموجز والحى والصحيح عن الموقف السياسى الدقيق لمكانة الرئيس مبارك وموقعه فى القضية الفلسطينية،‏ ودوره المتفرد فى قيادتها قبل واشنطن وغيرها‏..‏ برغم أهمية واشنطن ودورها‏.‏

الصورة التى يتكلمون عنها،‏ برغم أنها تضم القادة أنفسهم،‏ هى صورة تعبيرية وضعت فى صدر موضوع آخر بعيدا عن القمة وصورها،‏ فنحن لا نعيد نشر منتجاتنا الصحفية‏..‏ فهذه ليست من عاداتنا المهنية‏.‏

الصورة المنشورة تعبيرية حتى يفهم من لا يفهمون‏..‏ وحتى لا يضللوا غيرهم ويتكلموا ويقولوا إنهم اكتشفوا الخديعة أو الوهم،‏ أو إننا نزور أو نجمل،‏ فهم الذين يضللون ويكذبون ويصدقون أنفسهم ثم يتهموننا‏(!!)..‏

ونحن لا نغير الحقائق ولا نكذب ولا نتجمل مثلهم‏..‏ ولكننا نتحرى الدقة وتاريخنا خير شاهد‏..‏ ولسنا فى حاجة لهذه الأساليب،‏ فلدينا الكثير الذى نملكه ونفتخر به‏.‏ ‏

الصورة الأصلية

الصورة التعبيرية

المصدر

http://www.youm7.com/News.asp?NewsID=279146&SecID=12

ممكن يقولى يعنى ايه الصورة التعبيرية دى

تم تعديل 17 سبتمبر 2010 بواسطة aimen

[se_ Elsyed]

ممكن يقولى يعنى ايه الصورة التعبيرية دى

شوف ..

الصور التعبيرية حسب تعريف الفنان فاروخ خًسني .. هي اللي بتعبر عن الصراعات النفسية داخل الإنسان المعاصر ... زي لوحة " عندما تغرب الشمس على مزارع الأبقار في بئونه " ... وده كله بيحصل لما الإنسان بيدخل المرحلة الصفرا في حياته الفنية - آه والله .. فاروق حسني قال إنه دلوقت بيعيش في المرحلة الصفرا الفنية ... ربنا يشفية - بعيد عنك وبعيد عن السامعين ..

بإختصار يا أيمن وعشان ما أدخلش القرايء الغلبان في مصطلحات فنية مجعلصه .... الصورة دي أسامه سرايا صفرا قال إنها صورة تعبيرية دلالة على قيادة مصر لمفاوضات السلام .. وإبقى قابلني لو حصلت حاجه زي كل مره .

[عادل أبوزيد]

لا أستطيع إلا القول أنها "حركة بلدى جدا" و بلا معنى و لا مردود و هى سقطة لا يقع تلميذ فى مجلة حائط.

ما سيق كان إستهلالا لابد منه

تداعيات المسألة لا زالت فى تزايد و الدوامة تتزايد ففى الخارج هناك ضوابط صارمة للتعامل مع الصور و الصور الصحفية بالذات ... توقهوا عددا كبيرا من قضايا التعوضات ضد جريدة الأهرام.

[se_ Elsyed]

بري بيء .. بري بيء هيييييييييييء ..

دي ضحكة واحد مستلقي على قفاه من تعليق رئيس تحرير الأهرام السيد أسامه سرايا صفرا

أسامه سرايا: صورة الأهرام كشفت عن طابور خامس يريد تشويه صورة مصر

احفظ الخبراطبعأضف تعليق ارسل9/18/2010 11:19:00 PM

القاهرة- قال رئيس تحرير جريدة الأهرام أسامة سرايا إن الصورة المنشورة في جريدة الأهرام والتي توضح الرئيس حسنى مبارك وهو يتقدم الرؤساء المشاركين في مفاوضات السلام المباشرة بشرم الشيخ هي صورة في محلها.

وأضاف سرايا – خلال حواره مع برنامج العاشرة مساءً والذي أذيع مساء يوم السبت – أن الصورة جاءت لتناسب الخبر المنشور موضحاً أن وضع الرئيس مبارك في مقدمة الرؤساء المشاركين في المفاوضات المباشرة لا يعنى تزوير الصورة بقدر ما يعطى لمصر أهميتها ومكانتها في هذه المفاوضات لأنه لولا مصر لما حدثت هذه المفاوضات.

وتابع بقوله " الصورة المنشورة أظهرت وجود طابور خامس في مصر يريد تشويه سمعتها ومكانتها المعروفة مسبقا أن جريدة عريقة وجريدة عريقة مثل الأهرام لا يمكنها وضع مصر خلف إسرائيل".

ورفض رئيس تحرير الأهرام الاعتذار عن نشر الصورة مؤكداً انه يفتخر بنشرها.

فعلاً يا اخواننا .. أنا بأعترف إني طابور خامس داخل مصر

وده مش عيب ...

أصلي مره كنت رايح اشتري عيش .. فكان الطابور طووووووويل ..فأضطريت أقف في الطابور عشان أكل عيش

بس انا مش قصدي والله إني أشوه صورة مصر .. أنا أصلي مره لقيت لوحه فيها صورة مصر روحت جايب حتت قماش ومسحتها وكان قصدي أنضفها وكدهوت

[أبو محمد]

بري بيء .. بري بيء هيييييييييييء ..

ورفض رئيس تحرير الأهرام الاعتذار عن نشر الصورة مؤكداً انه يفتخر بنشرها.

وسع لى شوية يا سى السيد علشان أستلقى جنبك يا خويا

وإلى الجامد جدا أسامة كعب الغزال .. أهدى أغنية السلطانة منيرة المهدية :

ياعينك يـا جبـايرك

يانارى من وحايدك

يا"راجل" بُورِّيـــه

مع الاعتذار للرجال

السلطانة -يا عينك يا جبايرك.mp3