هزيمة منكرة لمنتخب مصر امام ساحل العاج

[زيزو]

http://news.bbc.co.uk/sport1/hi/football/africa/3826507.stm

Henri Michel: "The Egyptians played a world class game and we were lucky to beat them."

هنري ميشيل (مدرب ساحل العاج): "المصريون لعبوا مباراة عالمية وكنا محظوظون بإنتصارنا عليهم."

-----------------------------------------------------

معلش أصل الراجل منافق ومش بيفهم كورة!

[Guest Mohd Gramoun]

الحل الوحيد لضمان عالمية الكوووورة المصرية..

تسريح لاعبي الاهلي من المنتخب و إستبدالهم بالاشاوس من لاعبي الزمالك و النشامي من خط القناة.

[se_ Elsyed]

هنري ميشيل (مدرب ساحل العاج): "المصريون لعبوا مباراة عالمية وكنا محظوظون بإنتصارنا عليهم."

----------------------------------------------------

معلش أصل الراجل منافق ومش بيفهم كورة!

تاني يا زيزو ؟!!!

إحنا مش هانقلع العمه بقى عشان نشوف الدنيا كويس ؟

ماهم كانوا بيقولوا كده برضوا على المف المصري :

" جوزيف بلاتر سورق وأغمئن عليه إنبهاراً بالملف المصري "

" العالم كله يُشيد بقدرة مصر على تنظيم كأس العالم ويثق في قدرة الرئيس مبارك على قيادة المنتخب القومي "

" إطمنوا يا رجالة كأس العالم 2010 في مصر .. على مسئوليتي .. علي الدين هلال "

وزوووووو نصحى نلاقينا واخدين كحكة مدوره قــــــــــــــــــد كده ...

فالراجل هنري ميشيل مش عايز يخبط في الحلل .. وبعد ماخد غرضوا مننا .. قالك يا واد يا هنري الجماعة مكلومين .. فالحادث عظيم والمصاب جلل .. فطيب خاطرهم بكلمتين وسنجهم وقلوظ لهم إنت كمان العمه ولبسهم السلطنية .. ماحنا بقينا هنود حمر وأي حدا معدي بيلطش فينا .

[se_ Elsyed]

أي مدرب كرة قدم يتولى قيادة فريق او منتخب مصر ولا يفهم عقلية اللاعب المصري ويتعامل معه من هذا المنطلق .. يبقى أحسن له يروح بلدهم بدل ما يتبهدل ... ليه ؟

1- اللاعب المصري نساي ويحتاج لواحد يمسك إيده ويشربه طريقة اللعب .

2- اللاعب المصري لا يفهم شيء إسمه تغيير المراكز بين عشية وضحاها - مثلما فعل تارديللي - لأن قماشته لا تسمح بذلك .

3- الفرق المصرية لا تستطيع الإعتماد على رأس حربه واحد .. وذلك لعدم وجود المهاجم السوبر الذي يستطيع ان يتحمل مسئولية مبارة بمفردة .

4- اللاعب المصري يحتاج معالجاً نفسياً لشحذ همته قبل كل مباراة - وهذه كانت الحسنة الوحيدة الموجودة عند الجوهري .

[زيزو]

يا سي السيد إنت بتحسسني إننا متخلفين عقليًا.

انا حقولك حاجة، فيه فرق بين كلام الجرايد المصرية، وكلام بتقوله الـBBC. أفتكر لو كان الكلام ده إتقال في الأهرام أو الأخبار كنت حتفق معاك.

وبعدين ما إحنا كلنا شوفنا المباراة. الفريق لعب حلو وبيتقدم من مباراة لآخرى، والصفوف ما زالت ناقصة. اللي عاجبه أهلاً بيه واللي مش عاجبه حيخبط رأسه في الحيط. ببساطة علشان هو ده الفريق اللي حيكمل المشوار بإذن الله ومافيش مجال للتغيير.

ولا كان عاجبك فريق محسن اللي إتغلب من الجزائر 2:1 ومافكرش يعمل هجمة ضد الكاميرون؟؟؟؟ ولا نسيت الخمسة بتوع فرنسا؟