عــــــــــــاوز اســــــــــــــــافر كـــــــــــــــندا دراســــــــــــــــــــــــــــة

[yosef elmadysm]

اليوم تكلمت مع مسؤل فى احدى الكليات الكندية الخاصة عن شروط الحصول على فيزا دراسة

قال الرجل ان الشروط هى ك

500 دولار فقط تدفعهم للكلية من رسوم الكورس او الدبلومة تحصل بهم على خطاب القبول

امتحان تويفل فى الانجليزى

حساب البنك

تاخدهم و تروح السفارة

و مبروك

تم تعديل 15 سبتمبر 2010 بواسطة yosef elmadysm

[EmanRasmy]

معقوله؟!... بس كده!!... بس ينفع ده مع أي كليه و لا لازم كليات معينه... و بعدين نعمل دراسات عليا ازاي اذا كانوا أصلا مش معترفين بالشهادات بتاعتنا... و فيزا الدراسه دي ممكن تسرع المسائل في ورق الهجره مثلا... أنا بجد اللي نفسي أفهمه.. ازاي مثلا زمايلنا اللي راحوا بعثات لأي دوله زي كندا أو بريطانيا.. عملوا دراسات عليا من غير ما حد يقولهم عادلوا الشهاده!!... و هل الدراسات دي بعد كده ممكن تسمح لهم يشتغلوا؟ mfb:

[alaafrench m]

باشمهندس يوسف جزاك الله خيرا وبارك لك فى اهلك ومالك

يا ريت توضحلنا اكتر تفاصيل

او ايه الجامعات دى

وهل موجود زيها فى كيبك

وشاكرين مقدما

[moheltohamy]

توضيح بس عشان الناس هتصرف فلوس ع الفاضي لو صدقت إن الموضوع بالبساطة دي

الجامعة أو الكلية هتاخد مصاريف التسجيل للجامعة ، وهتدفعها أونلاين بالكريديت كارد ، وهيتعمل لك أكاونت على موقعهم من ضمن الطلاب بتوعها

وهتبعت لك بالبريد الدولي على عنوان ، أو على إيميلك موافقتها على تسجيلك فيها ، وتطبع الأوراق دي ، وتروح على سفارة كندا في بلدك ، وتقدّم كل الأوراق دي ، مع ما يُثبت قدرتك المالية على تغطية مصاريفك طوال فترة الدراسة ، أو بيان بحالة ولي الأمر المالية ، ويخضع الموضوع لتقدير الموظف في السفارة الكندية بالقاهرة مثلاً لحالتك ، ومدى اقتناعه بجدية الموضوع.

واحد صاحبي عمل نفس الموضوع ده بالتقديم لكورس لغة انجليزية للأغراض االأكاديمية ، كبداية للتسجيل بعده لدراسة إدارة شئون العاملين ، والكورس تابع لجامعة هامبر Humber College في تورونتو... وكان رد الموظف إن الموضوع بالكامل غير مُقنِع ، كان من الأولى الذهاب لانجلترا لو كان ناوي على دراسة اللغة الإنجليزية ، إيه اللي مودّيه آخر الدنيا. وتم رفض الطلب ، والاحتفاظ بصورة وبيانات باسبور زميلي ، وعدم رد مصاريف التقديم...

صابونة محترمة!

الناس اللي في السفارة دول يا حضرات مصريين ، وشافوا م الحركات دي كتيييييير

أقصر الخطوط يا سادة دايماً... الخط المستقيم.

[meyo]

السلم عليكم جميعا

بالتوفيق ان شاء الله

بس حبيت اوضح حاجة حتي الدارسين هنا بيقدموا على الهجرةمن هنا بنفس شروط الهجرة لان هنا لنا اصدقاء مبتعثين وتم رفض طلباتهم للهجرة لعدم انطباق الشروط عليهم والذين وافقوا عليه واخذوا البي ار علشان ياخدوا الجنسيةتحسبلهم الاقامةسنتين بسنةواحدةيعني الجنسيةالحصول عليها بعدفترةاطول من المهاجرمن بلده انامتهياليالمحاولةمرةواتنين من بلدك احسن بدل المصاريف