هل تخطط لرجوعك ؟ ما هى افكارك ؟

[mmaged]

:bsmal:

:aslam:

عاجلاً أم اجلاً يحين موعد العودة والتى أتمنى للجميع أن تكون على خير بعد أن يتم تحقيق الهدف من السفر والعودة بسلامة الله

فهل خطط كل واحد منا لرجوعه الى بلده وماذا تنوى أن تفعل وهل وضعت فى الإعتبار أنه ربما وغالباً ما يكون الرجوع فى أخر العمر

أى أن السبيل للعمل مرة أخرى صعب ، و غالبا ً لا يوجد معاش وأن كان... فهو بالطبع معدوم الفائدة !

ماهى أفكارك و أحلامك شاركنا اياها ..........

فربما أستفدنا من أفكارنا وتجاربنا وتبادلناها.

:waf:

[عادل أبو عمر]

السلام عليكم و رحمة الله و بركاته

صراحة أنا اضطريت اكتب رد لأني لقيت إن في 26 مشاهدة للموضوع ( و انا واحد منهم ) و لم يتم كتابة أي رد و من الواضح أن الموضوع أصعب ما يكون او يمكن نقول بيقلب المواجع لأن قرار الرجوع فعلا صعب و في رأيي الأصعب منه الاستمرار في مصر بعد الرجوع خصوصا لمن عاش فترة طويلة بالخارج و كانت معيشته نوعا ما مستريحة ،

المشكلة بعد الرجوع إنك بنسبة كبيرة مضطر تعيش بمستوى قريب من مستواك في الخارج من حيث الكماليات و الرفاهية واسلوب المعيشة و رغم إن ده صعب على الكثير إلا إنه حتى لو قدر .. مش هيقدر يعمل كدة على طول لأنه مش هيقدر يوفر الدخل اللي يسمح له بكدة بعد أن يكون استثمر مدخرات عمره في أي مشروع أو في شقة او سيارة أو حتى في تعليم مناسب للأولاد و بعدين يرجع يفكر تاني يا ترى رجوعي كان صح و لا انا استعجلت ؟؟؟؟

أسئلة كتيرة .. اعتقد إنها متاخرة لأن السؤال كان مفروض يكون قبل السفر ... أنا مسافر ليه ؟؟؟ يعني إيه الهدف .. فلوس طبعا .. ماشي فلوس لإيه ... جواز .. شقة .. الاتنين ... أكتر من كدة .. يعني المفروض الواحد قبل مايسافر أو حتى بعد ما سافر يعرف و يحسب مرتبه كام و يكفيه كام سنة على المرتب ده لغاية ما يحقق هدفه ...

الكلام سهل .. مش كدة ... بس أعتقد إن فعلا إن تحديد الهدف و مراجعته اول باول لتحديد ما تم إنجازه و اللي فاضل أد إيه ... دي أسهل طريقة لتحديد موعد الرجوع ...

لكن سؤال طب لما هارجع أعمل إيه أعتقد ده موضوع يختلف حسب السن و الوظيفة و الخبرة و علاقاته في مصر لكن الكسبان الحقيقي هو اللي يرجع و لسه سنة مش كبير علشان يعرف يعيش في مصر و يستمتع بحياته و يعرف يلاقي أي فرصة عمل

طب و اللي سافر و محطش هدف أو العملية تاهت منه أو أهدافه عايزة لسة كمان 100 سنة غربة .. ده يا ريت يلحق نفسه و يعيد حساباته و لو عرف ياريت يقولنا عمل إيه و ينوبه فينا ثواب :)

[engmido]

الموضوع ده طرح للمناقشة قبل كده فى اكثر من توبيك

ولكن برده العملية متجددة ولكل فترة ظروفها

نرجو من الاخوة الادلاء برظايهم

فينك يا س س

للرفع

[mmaged]

الاخ Marrow الله ينورعليك تقريبا افكارك واضحة واللى انت كتبته كنت بتمنى انه يطرح بس لسة الموضوع مفتوح ومحدش ادانا رأى شكراً لك على المشاركة

الاخ engmido انا عارف ان الموضوع طرح ولكن ضاع وسط زحمة !!!!!! المنتدى رغم انه من اهم المواضيع اللى المفروض يهتم بيها المغتربيين شكراً مشاركتك

ومازالنا فى الانتظار................

تم تعديل 18 سبتمبر 2010 بواسطة mmaged

[anis71]

زي ماقال الأخ مارو الموضوع بييجي على الوجع وتقيل قوي على النفس الكتابة فيه، وتلاقي مثبطات تمنعك للهروب من التفكير في الموضوع من نوع اللي يعيش لبكرة وادينا عايشين لما ربنا يفرجها ... وغيره

لكن ثار في نفسي سؤال: هل فعلاً في ناس بتخطط ترجع بعد فترة معينة، مش عارف انا ماشفتش أي مثال من هذا النوع، وهل هذا التفكير ينفع لأي شخص ولا لناس عندها ظروف معينة؟ وفي المقابل باشوف ناس بتحارب وتنتقل من عمل الى عمل في سبيل الاستمرار في الغربة.

طبعاً قليلين اللي بيحطوا هدف معين يرجعوا لمصر بعد تحقيقه، وأقل منهم اللي بينفذوا هذا، وأقل أقل اللي بيستمروا في التنفيذ

أنا هنا باتكلم على الناس اللي بتنفذ بارادتها مش مجبرين نتيجة ظروف أسرية او الاستغناء من قبل صاحب العمل.

ياترى هل تقدر في الوضع الحالي لمصر تلاقي عمل يحققلك نفس المستوى المعيشي؟؟ حاسس إنه صعب جداً لأن لو بصيت حواليك مافيش أمثلة من هذا النوع أو نادر جدا وفي المقابل هناك أمثلة كثيييرة لآخرين لا تجد أن لديهم أي نية للعودة طالما ماشية معاه و سالكة بمعنى اصح ومعندهوش أي مشاكل في وضعه خارج مصر.

طيب ليه؟ واحد قالي : أصل الأمر منطقي تلاقي نفسك تقولك إنت يابني هتهد كل اللي إنت فيه دلوقتي وتروح تلف بالسي في بتاعتك على مكاتب التوظيف والشركات أو تبعتها وتوصي أصحابك يدورولك، ده لو إنت راجل طول عمرك موظف.

أما لو كنت عامل قرشين طيب هتختار ايه من المشروعات أنفذها؟ وهل اللي هختاره انا بافهم فيه؟ ولا احط فلوسي في عب صديق او قريب وماليش دعوة هو اللي يدير ويتصرف؟ طب وبعدين عقعد في البيت؟ سلسلة طويلة من الاسئلة تنتهي أيضا بسؤال مثبط : طيب لو فشلت في مصر هلاقي فرصة تانية ارجع؟؟

وتبقى النهاية مفتوحة وياريت بجد نسمع رأي الأخوة في المنتدي وخاصة أهل الخبرة

[خالد شحاته]

المشكله ياجماعة ان الواحد كل مايفكر في النزول نهائي يروج يحصل الوضع كل يوم بسوء عن الا قبله علشان كدا العمر جري بنا هنا والان ليا 20سنه في السعوديه وكل ما اقرار النزول اعدل عن قراري لان بجد الوضع عمره مايشجع ان الانسان يستقر في بلده

[mmaged]

192 مشاهدة واربعة اللى استجابو للموضوع واضح ان الموضوع صعب جدا

الواحد كان نفسه يلاقى ناس بتفكر وتخطط ونتبادل الافكار لان الحياة بدون تخطيط صعبة جداً بأحس انها عبثية

لازم نعيد التفكير تانى ونواجه انفسنا.

الاخ anis71 و الاخ خالد شحاتة نورتوا الموضوع.

[anis71]

الاستاذ ماجد اشكرك ده نورك يا باشا

لكن موضوعك من الموضوعات اللي الواحد يحس انه عاوز ياخد الميكرفون ويتكلم فيها، لأن صعب تناقشها مع أي حد وخاصة مع الزوجة، تعرف انا لوفتحت الموضوع مع مراتي هتقوللي ( بعد ماكون كلت راسها ووديتها يمين وشمال) : طيب يعني انت دلوقت عاوز تعمل ايه؟ او بتفتح الموضوع ده دلوقتي ليه؟ هو انت عاوز تنزل وتبتدي سلسلة استجوابات لامنجى منها ولا ملاذ سوى عياط الواد الصغير اللي ينقذني الى حين :P

لكن بجد عاوز اشوف حد خطط كده ونفع ورجع بالسلامة لبلده ولقى عمل محترم ولو بدخل اقل 30% من دخله بره، مثلا بتاخد بره 6000 ريال هل تلاقي في مصر وظيفة ب 4000 ؟؟؟ مش عارف ماشفتش حد عملها، كله ينزل يجرب ويرجع او مايعرفش يرجع ويبقى نفسه يرجع، او يسافر تاني بس بلد جديدة وهكذا.

هتيجي ازاي بس وبلدك كل يوم في النازل ... والجباية في الضرايب شغالة ولا ايام الرومان في زمانهم.... ده غير نظرات الاشفاق أو التشفي في عيون الناس :sad: وتعليقات من قبيل .. طب وانت ايه رجعك ماكنت مستريح هناك .. او ياعيني طيب ماتجرب بلد تانية وهكذا

اتمنى حد تاني ييخش معانا في الحوار

[mmaged]

الاستاذ ماجد اشكرك ده نورك يا باشا

لكن موضوعك من الموضوعات اللي الواحد يحس انه عاوز ياخد الميكرفون ويتكلم فيها، لأن صعب تناقشها مع أي حد وخاصة مع الزوجة، تعرف انا لوفتحت الموضوع مع مراتي هتقوللي ( بعد ماكون كلت راسها ووديتها يمين وشمال) : طيب يعني انت دلوقت عاوز تعمل ايه؟ او بتفتح الموضوع ده دلوقتي ليه؟ هو انت عاوز تنزل وتبتدي سلسلة استجوابات لامنجى منها ولا ملاذ سوى عياط الواد الصغير اللي ينقذني الى حين :P

لكن بجد عاوز اشوف حد خطط كده ونفع ورجع بالسلامة لبلده ولقى عمل محترم ولو بدخل اقل 30% من دخله بره، مثلا بتاخد بره 6000 ريال هل تلاقي في مصر وظيفة ب 4000 ؟؟؟ مش عارف ماشفتش حد عملها، كله ينزل يجرب ويرجع او مايعرفش يرجع ويبقى نفسه يرجع، او يسافر تاني بس بلد جديدة وهكذا.

هتيجي ازاي بس وبلدك كل يوم في النازل ... والجباية في الضرايب شغالة ولا ايام الرومان في زمانهم.... ده غير نظرات الاشفاق أو التشفي في عيون الناس :sad: وتعليقات من قبيل .. طب وانت ايه رجعك ماكنت مستريح هناك .. او ياعيني طيب ماتجرب بلد تانية وهكذا

اتمنى حد تاني ييخش معانا في الحوار

للرفع