احكيلنا ايه اكتر موقف محرج مش قادر تنساه؟؟؟؟

[akramgroup]

ايه رأيكم ياجماعة اللى عنده موقف محرج حصلوا فى حياته ويكون مش قادر ينساه

يتفضل يحكهولنا ,,,,,

أكيد كل واحد فينا حصله موقف محرج وساعات الموضوع بيقلب كوميدي

بصراحه انا عندى موقف حصلى من حوالى 4 سنين وعمرى ماهقدر أنساه وكل ماأفتكرة أموت من الضحك على اللى حصل

بس يعنى هاتشجع وأقوله بس بعد كام مشاركة كده

أكرم,,,

[اغابي]

طب ابدأ انا يا اكرم

فى مرة واحنا فى ثانوية عامة - جه المدرسة عندنا مدرس جديد منقول

بس كان مدرس رخم جدا - وصعب فى التعامل معاه وكان مدرس لغة انجليزية

واحنا متعودين فى المدرسة على مدرسين الانجليزي والفرنساوي بيبقو اشيك وارق مدرسين -

في مرة واقفة مع اتنين صحباتى وواوحدة انضمت لينا بنت جديدة ووقفنا احنا الاربعة نحكي

وكل كلامى كان فى الاول عن المذاكرة وازاى نجيب شهادات مرضية مضروبة :lol: علشان ما نجيش المدرسة ونستفيد ونذاكر فى البيت

واتحول الكلام ما اعرفش ازاى عن انى قرفانة من المدرس الجديد

وان الثانوية العامة مش ناقصة رخامة

والمفروض نروح نذاكر مش نفتكر اللى حصل فى المدرسة ونتنرفز

والحاجات دى

والبنيين ساكتين لان انا حولت الكلام عن المدرس الجديد وشغالة ايه شتيمة فيه وربنا يرزقه بمدرسة غير دي

وهو بيعمل كدا علشان ناخد عنده دروس خصوصة من الاخر عاوزة اقولك ابدعت عن الراجل بهدلت الدنيا

فى الاخر واحدة من صديقاتى ابتسمت وقالتلى اعرفك على زميلتنا الجديدة

وطلعت بنت مدرس الانجليزي ولسة منقولة جديد اول يوم

وما كنش حد كتير يعرف ان مدرس الانجليزي الجديد داه يبقى باباها

والبنت ابتسمت وقالت ايوه يبقى بابا - انا حاوصله رسالتك

كان موقف محرج جدا بس مالوش تعقيب وانتهى الموضوع

ولاخر السنة كل ما اشوف المدرس او بنته

افتكر الكلام الفظييييع اللى قولته عليه -

بس برضوه

الكلام جاب نتيجة لانه اتغير شوية معانا

تحياتى

اغابي

[لماضة مصرية جدا]

السلام عليكم و رحمة الله و بركاته

ايه الحلاوة دي.....حلو اوي مواقف و طرائف بيفكرني ببرنامج بتاع حد اسمه جلال علام....كان انتيكة خالص

طب انا هحكي....و بعدين انسوا بقوا اني حكيت ....ماشي....(وش طفل ساذج اخر حاجة)

الاول....(وش نور الشريف في فيلم دايرة الانتقام)

الموقف ده كان حدث عالمي....و نقصد بالعالمي هنا هي زمام بيتنا ع العيلة الكريمة ع اصحابي في العمارة علي اصحابي في المدرسة

ايه اللي حصل بقي

انا كنت بحب اشارك اوي في الحفلات المدرسية....(وش صفاء ابو السعود و هي ضاربة ترتر علي راسها و بتقول العيد فرحة)

مرة المدرسة كانت عاملة احتفال بعيد الطفولة باين و لا ايه....و اصروا ان البنات تلبس لبس ملون كده....و انا طبعا كنت مصرة انا اكون مختلفة.....و سبحان الله فعلا كنت مختلفة بشكل عجيب

انا امي اصلا عندها بعض المحاولات الفزيعة في التفصيل و كنت انا الموديل الوحيد اللي بتلبس من ايدين امي الله يكرمها بقي

امي قعدت تمخمخ كدهوت.....و قالت بس احنا هنعمل اللبس بخامة مختلفة.....ايه بقي يا اولاد

عارف يا مواطن لما بتروح تشتري بوكيه ورد لخطيبتك....لمراتك...لعم عبده البواب....و بعدين يلفولك البوكيه في ورق اسمه ورق "كوريشة"

ايون

هو ده

ماما إيف سان لوران.....قالت بس احنا هنعمل الزي بتاعي لماضة ناعومي كامبل بالورق دهوت

انا اصلا كنت لا اوعي مين و لا فين

بس كان يهمني اني اكون مختلفة.....و زنيت علي ماما عشان ابقي مختلفة و يا ريتني ما عملتها

المهم الليلة دي انا فاكرة ان ماما يا عيني كانت سهرانة تعمل الزي و كده....و انا فاكرة اني اصريت انام مع بابا...يوه مش عيد الطفولة بقي

و هي يا عيني كانت سهرانة و عمالة تاخد المقاسات بتاعتي....(هي غالبا اخدت مقاسات بابا)

المهم صحيت الصبح لقيت الزي موجود

كان زاهي و الوانه حلوة....و العملية مية مية

ماما تقولي تعالي نقيسه و انا راسي و مليون صرمة لا.....عشان الحق المدرسة و الحفلة من اولها

المهم روحت المدرسة...ابتدت الحفلة عارفين انتوا اعياد الطفولة بقي...اطفال ابرياء...اطواق بيضاء...و اجنحة ملايكة...و كرانيش

و اذا فجأة يجي دوري في العرض....انا كنت كل اللي هعمله...اني هطلع.....اعمل حركة برجلي تقريبا نص دايرة....و دمتم

طبعا انا لابسة البتاع ابو الوان زي راقصي هاواي...و تقريبا كان حادف برضه ع الهنود الحمر و هم حاطين القربان...قدام النار و بيصوتوا عليه

طلعت بقي و كلي ثقة.....و دي الحاجة الوحيدة اللي فضلت متمسكة بيها لغاية آخر رمق

و جيت قدام الجمهور بقي....اللي هو كان عوبارة عن اصحابي و امهاتهم....و لسه بعمل الحركة.....هووووووووووووووووووب

الجيبة وقعت......

فاكرين هامني......و لا هامني...ما هو انا قولت من شوية....البني ادم ايه غير حبة ثقة فوق بعضيها

طبعا الحفلة الانسانية اتقلبت بقي كوميديا

ده غير انها بقت حديث الاجيال...اجيال و را اجيال بتعيش علي حلمنا (حد ينزلنا بالحلم العربي يا جدعان)

اه نسيت ااقولكم علي حاجة

الجيبة لما وقعت انا الحمد لله كنت حاجة.....هو تقريبا بنطلون.....بس ملزق شوية....وولاد الذوات بيقولوا عليه كولون زي بتوع البالية...يعني

و ربنا حليم ستار

بس خلاص

انا مش هنا بقي

[yasser moustafa]

كنا فى الصف الثالث الاعدادى

وفى الفسحة ... بنلعب انا وزميل لى

وكنا بنمثل الضرب اللى بيحصل بين فريد شوقى وافراد العصابة أو انور وجدى والاشرار

وكنت بمثل انى بضرب زميلى بالقلم على وجهه

لكن القلم نزل على وجه زميلى بمنتهى الاحكام والقوة

والمدرسة كلها تقريبا سمعت صرخته

واخدنا حوالى خمس ثوانى بنبرق لبعض حتى احمرت عيناه وهجم على وكان أطول منى بكتير

وبالضبط بالضبط نفس اللقطة بتاعة عباس فارس لما كان عايز يدبح عبد المنعم ابراهيم فى فيلم - السفيرة عزيزة

والأخير بينفخ فى السكينة عشان يبعدها

أنا ماعرفش ازاى هربت منه وقتها

[لماضة مصرية جدا]

وبالضبط بالضبط نفس اللقطة بتاعة عباس فارس لما كان عايز يدبح عبد المنعم ابراهيم فى فيلم - السفيرة عزيزة

والأخير بينفخ فى السكينة عشان يبعدها

أنا ماعرفش ازاى هربت منه وقتها

السلام عليكم و رحمة الله و بركاته

هو سؤال صغنتوت بس....عباس فارس مين؟؟؟

مكنشي في الفيلم خالص....هو الممثل التاني كان عنده شنب كدهون و لابس جزار؟؟؟

ايه ده

يا جماعة ده تراث سينما مش اي كلام....(وش عيل لمض اخر حاجة)

حمد لله ع السلامة من العلقة....و تعيش و تاخد غيرها... wst::

بس خلاص

[noureymo]

وبالضبط بالضبط نفس اللقطة بتاعة عباس فارس لما كان عايز يدبح عبد المنعم ابراهيم فى فيلم - السفيرة عزيزة

والأخير بينفخ فى السكينة عشان يبعدها

أنا ماعرفش ازاى هربت منه وقتها

السلام عليكم و رحمة الله و بركاته

هو سؤال صغنتوت بس....عباس فارس مين؟؟؟

مكنشي في الفيلم خالص....هو الممثل التاني كان عنده شنب كدهون و لابس جزار؟؟؟

ايه ده

يا جماعة ده تراث سينما مش اي كلام....(وش عيل لمض اخر حاجة)

حمد لله ع السلامة من العلقة....و تعيش و تاخد غيرها... wst::

بس خلاص

عدلي كاسب

[yasser moustafa]

وبالضبط بالضبط نفس اللقطة بتاعة عباس فارس لما كان عايز يدبح عبد المنعم ابراهيم فى فيلم - السفيرة عزيزة

والأخير بينفخ فى السكينة عشان يبعدها

أنا ماعرفش ازاى هربت منه وقتها

السلام عليكم و رحمة الله و بركاته

هو سؤال صغنتوت بس....عباس فارس مين؟؟؟

عدلي كاسب

طبعاً انا قصدى عدلى كاسب - بتاع كفار قريش

كون بقى لوحة المفاتيح لها رأى تانى ... فدى زى ما بيقولوا غلطة قلم - يعنى مش ذنبى خالص

:) وعموما شكرا للتصحيح - من لوحة المفاتيح

[yasser moustafa]

إنى اكون مكان هذا الضيف؟ حاجة فى منتهى الاحراج لدرجة انى سوف افقد نعمتى السمع والكلام ... زيه كده بالضبط

http://www.youtube.com/watch?v=ItHdPoiGfGw&feature=related

[عبير يونس]

يا خبر أبيض

ده أنا حياتي سلسلة من المواقف المحرجة

احكيلكم ايه بس و الا ايه

حأبدأ بموقف محرج لأي بنت في الدنيا:sad:

كنا يوم الوقفة بتاع العيد الكبير

و كنا في شقتنا في اسكندرية ( أنا من القاهرة بس بابا الله يرحمه كان بيعشق اسكندرية و انا طبعا عشان كده كان عندنا شقة في اسكندرية بنقضي فيها الصيف كله تقريبا)

المهم

كنت مع أختي و بنتها الصغيرة و كنا بنلف نجيب شوية حاجات لماما (لزوم العيد بقى كل سنة و انتم طيبين :lol: )

ما علينا

المهم انا كنت رايحة اولى ثانوي تقريبا و كنت لابسة جوب بنطلون و عليها بلوزة قصيرة شوية و ماشية بقى و كلي ثقة زي لموضتي أوختشي حبيبتشي

و كل ما امشي الاقي الناس بتبحلق فيا

و انا مش عارفة ايه السر؟؟

و كل شوية اسال اختي هو انا فيا حاجة غلط

تقولي لا

و بعدين البحلقة بقت غير طبيعية

و انقلبت لهمز و لمز من قبل الشباب اللي واقفين في طابور العيش :blink:

و انا عمالة افتش اذ فجأتن لقيت السوستة بتاعة الجوب بنطلون....................مفتوحةmfb:

جيت اقفلها لاقيتها بايظة

و البلوزة قصيرة ما تسرتش

و اختي جات لها كريزة ضحك و مش قادرة تمسك نفسها

و انا في الحالة المهببة دي لاقيت واحدة جاية تقوللي السوستة مفتوحة

غصبا عني صرخت فيها بصوت عالى و قلتلها ما أنا عارفة

الست يا عيني اتخضت و لاقيتها بتقوللي خلاص خلاص

بأضرب بعيني

لاقيت الكل هس هس و لا نفس وتسمع الابرة ترن و كله بص قدامه

مش عارفة بقى روحت ازاي

:ninja:

يبقى تفتكر حا ييجي يا بابا؟؟؟:blush2:

تم تعديل 18 سبتمبر 2010 بواسطة مصرية متغربة

[اغابي]

استاذ / اكرم

يعنى كلــنا حكينا وانت لسة مع اننا حكينا علشان نسمع قصتك

جه الدور عليك

منتظرينك

اغابي

:roseop:

تم تعديل 18 سبتمبر 2010 بواسطة اغابي

[اغابي]

إنى اكون مكان هذا الضيف؟ حاجة فى منتهى الاحراج لدرجة انى سوف افقد نعمتى السمع والكلام ... زيه كده بالضبط

http://www.youtube.com/watch?v=ItHdPoiGfGw&feature=related

بقولك يا ياسر

mfb:

هو الراجل سامع ومش سامع يعنى ولا

فعـلا ودنه اسنجت ؟؟

:blink:

داه سؤال محرج بجد - كبسة

وبعدين لولا انى مش عاوزة اشتت واغير مسار الموضوع الاصل لاكرم

انا كنت انفجرت دلوقتى فى مهازل جماعة فتح وحماس

خليني ساكتة احسن

اغابي

:roseop:

تم تعديل 18 سبتمبر 2010 بواسطة اغابي

[akramgroup]

بجد انا امبارح جالى هستيريا ضحك بعد ماقريت كام مشاركة كده

لدرجة ان مراتى كانت فى المطبخ وجت بتقولى بتضحك مع مين gsm::

بس انتوا مش ملاحظين ان معظم المواقف دى حصلت ايام المدرسة

وقلت كتير لما الواحد كبر

ياترى السبب فى ايه؟

1- عشان الواحد بقى حريص اكتر ومجرب

2- الواحد بقى مبيخدش بالو من حاجة

3- المدرسة بتقفل حمعة وسبت :P

متفكروش كتير الاجابة رقم 4

تم تعديل 18 سبتمبر 2010 بواسطة akramgroup

[akramgroup]

بقولك يا ياسر

mfb:

هو الراجل سامع ومش سامع يعنى ولا

فعـلا ودنه اسنجت ؟؟

:blink:

داه سؤال محرج بجد - كبسة

وبعدين لولا انى مش عاوزة اشتت واغير مسار الموضوع الاصل لاكرم

انا كنت انفجرت دلوقتى فى مهازل جماعة فتح وحماس

خليني ساكتة احسن

اغابي

:roseop:

الله ينور عليكى يااغابى

خلينا فى المواقف بتاعتنا مش بتاعة حماس

ويلا بقى ادينا موقف تانى من العيار التقيل زى بتاع امبارح

مخمخى كده وانتى فى المكتب واطلعى بالجامدة

أكرم,,

[جسار]

عندما كنت طالبا فى هندسة القاهرة ، زمان الله يرحم زمان وأيامه

كان لى صديق أبن ناس تعود على أحضار تذاكر سينما مجانية لى ولصديقنا الاخر وهذه التذاكر كانت والدته

تحصل عليها من اصحاب دور العرض بحكم منصبها فى بنك مصر ، وأستمر الوضع على ماهو عليه لمدة عام تقريبا

ونقلت والدته لتعمل فى فرع البنك فى الجامعة الامريكية ، وفوجئنا به فى أحد الايام يدعونا لحضور فيلم

قصة حب الجزء الثانى وقوام انا وصاحبى قمنا ناطين فى بنطلوناتنا ودقيقتين كنا معه فى السيارة

وعند دخولنا من بوابة الجامعة فوجئت بمنظر الامن الخاص وهذه اول مرة نرى مثل هذه النوعية لاننا كنا

فى مطلع الثمانينات وماكنش فيه سيكيوريتى فى مصر ايامها ، ووقفنا خلف مجموعة من الشباب اللذين

رفض الامن دخولهم لانتهاء فترة تصاريح نادى السينما بتاعتهم ، وزاغت عيناى ونظرت لصديقى الذى هز

راسه فى استهانة وأشار لى بالتقدم عابرين الامن يتجادلون مع مجموعة الشباب ، وفرحت جدا لدخولى

هذا الحصن المنيع وانتهزنا فرصة تاخر عرض الفيلم لمدة ساعة وذهبنا للكافيتيريا وطلبنا مشروبات

واخذنا نمتع اعيننا بالمناظر الحلوة قوى اللى محرومين منها فى الكلية ، وأنتهت مدة الساعة بسرعة

عجيبة وتحركنا للذهاب الى قاعة أيوارت وفى الممر وجدت رجل الامن يتحرك فى اتجاهى انا دون اصحابى

وتسمرت قدماى وريقى نشف وتقريبا اصبت بالصمم ولم اسمع ماكان الرجل يقوله لى وطافت فى ذهنى مشاهد

خناقة وضرب وشتيمة يعقبها شلوت لخارج المكان الذى لاننتمى اليه على الاطلاق ، وحاولت ان اتمالك نفسى

قليلا وركزت مع كلمات هذا القادم من لامكان : انا آسف حضرتك ما أقدرتش ارحب بك عند دخولك الكلية

لانى كنت مشغولا ، عموما أهلا وسهلا بك واى خدمة ... وبصعوبة بالغة فتحت فمى ورددت له التحية

وتركنا الرجل وألتفت الى صديقاى أستوضح منهم ماحدث فوجدتهم يقهقهون بصوت عالى ووقعوا على الارض

من شدة الضحك ، وبغضب شديد وببعض السباب سالتهم عن سر الفكاهة الى ألمت بهم فردوا على : أنت

ما شفتش منظرك ساعة ما راجل الامن كان بيكلمك ده أنت كان ناقص تنط فى كرشه وهاتك ياضحك

أما بالنسبة للفيلم فكان غير مترجم وقعدنا نلقط كلمة من هنا وكلمة من هناك وقضيناها ضحك

وكل عام وانتم بخير ...

[عبير يونس]

بجد انا امبارح جالى هستيريا ضحك بعد ماقريت كام مشاركة كده

لدرجة ان مراتى كانت فى المطبخ وجت بتقولى بتضحك مع مين gsm::

بس انتوا مش ملاحظين ان معظم المواقف دى حصلت ايام المدرسة

وقلت كتير لما الواحد كبر

ياترى السبب فى ايه؟

1- عشان الواحد بقى حريص اكتر ومجرب

2- الواحد بقى مبيخدش بالو من حاجة

3- المدرسة بتقفل حمعة وسبت :P

متفكروش كتير الاجابة رقم 4

بمناسبة ان المدرسة بتقفل جمعة و سبت

لما كنت في الكلية اشتركت في مجموعة تقوية و كانت ميعادها يوم الجمعة

يوم جمعة كده قررت اروح الجامعة مشي

(عملناها كتير من العباسية لتريومف)

المهم اني كنت لوحدي

و ماشية

و برضه الناس بتبحلق فيا:blink:

و انا باتجاهل نظراتهم

و الحقيقة كان في ايدي نوتة محاضرات طولي

يعني اي عيل صغير من بتوع لماضة حيعرف اني رايحة الجامعة

و بدأت البحلقة تتوغل وتزدهرو تستمر و تستمر....

لحد ما واحد مقدرش يمسك نفسه

صرخ في وشي بصوت جهوري

النهاردة الجمعة

الظاهر كان فاكرني مش واخدة بالي

[nightmare]

احكي على أجمل موقف حصلي في حياتى , مع والدي "ربنا يديله الصحة"

كنت في خامسة إبتدائي وكنت بحب جداً مشاهدة أفلام الفيديو "اميتاب اتشان" , "بروسلى" , "عادل امام", "جاكي شان" وكنت متعود اتفرج عليها في القهوة اللى في أول الشارع , اه القهوة وعلى ما اتذكر وقتها الفيلم كان ب 10 صاغ "بريزة" , كنت بحوشها من مصروفي , وبعد المدرسة اجري اروح اسمع الفيلم اللى في القهوة, وكعادة القهوة دي كل يوم خميس يجيبوا فيلم جديد ويعلقوا يافطة كبيرة على باب القهوة باسم الفيلم وفيلم يوم الخميس ده كان ب "25 قرش حتة واحدة".

المهم , وفي يوم خميس بعد ما والدتي حضرت العشاء وكلنا قاعدين هنتعشي بقي , اكتشفت فجأة ان الجبنة خلصت , ومحتاجين جبنة وبصفتى الإبن الأكبر , والدي قالى خد ال "150 قرش" دول وبسرعة على السوبر ماركت هات كيلو جبنة وتعالى .

أخدت الفلوس ونزلت جري علشان اشتري الجبنة , والسوبر ماركت بعد القهوة بكام عمارة كده فلازم تمر على القهوة وانتا رايح , وانا ماشي بصيت على القهوة لقيت يافطة كبيرة متعلقة مكتوب عليها "فيلم الموسم , الزعيم عادل امام في فيلمه الجديد "حنفي الأبهة" , قلت ادخل اتفرج 5 دقايق كده مش مشكلة يعني .

دخلت يا سادة والفيلم كان بدأ بقاله ربع ساعة كده , وشدنى الفيلم جداً ونسيت حاجة اسمها الجبنة , ومش بس كده , جالى الراجل العامل في القهوة قالى تطلب ايه, نسيت ان الفلوس دي فلوس الجبنة وقلتله هاتلى سحلب ورغيف حواوشي وبعدها ضربت شاي , المهم راحوا ال 150 قرش .

والدي وقتها بقي لقانى اتاخرت كثير جداً , قلق على , ونزل راح سأل صاحب السوبر ماركت قاله ما شفتوش وما جاش عندي خالص , وانا عادة والدي انه لا ينظر الى اى قهوة ابداً , وانا مندمج في الفيلم ومش شايفه وهو رايح جاى , المهم اتصل بعمي وجابه واتصلت والدتى بأخوالى وجم , وبدأت رحلة البحث عني في كل أرجاء الحى , وبعد حوالى ساعتين , خالى انتبه انهم لم يسألوا القهوة وجه سأل العامل اللى في القهوة قاله قاعد جوه في الصف الأخير , لقيت خالى داخل على القهوة وشايلنى من على الكرسي وانا بصرخ فيه واقوله سبنى الفيلم قرب يخلص فاضله 5 دقايق.

المهم والدي خدنى وشكر أخوالى وأعمامي وبعد ما مشيوا , عينيكوا ما تشوف الا النور , وصلة عزف منفرد على جسمي طول الليل , من ساعتها وكل اما اشوف فيلم حنفي الأبهة .. جسمي يقشعرmfb:

وفيه كمان كام موقف مع والدي , بس في المشاركة القادمة ان شاء الله

تم تعديل 18 سبتمبر 2010 بواسطة nightmare

[akramgroup]

استاذ / اكرم

يعنى كلــنا حكينا وانت لسة مع اننا حكينا علشان نسمع قصتك

جه الدور عليك

منتظرينك

اغابي

:roseop:

من 4 سنين كدة كنت نازل اجازة لمصر

وطبعا كانت تالت اجازة اضيع نصها فى التدوير على بنت الحلال (العروسة)وبلا أى جدوى وطبعا انا لو احكيلكم على كل موقف من المواقف دى عاوز اجازة من الشغل اسبوع

المهم فى مرة من المرات واحد من اصدقاء العيلة اشار علينا بعروسة وقال انهم عيله كويسه وناس تمام

مكدبتش خبر وخصوصا انه بقى فاضل على الاجازة 3 اسابيع وتخلص

روحت جيبت الجاتوة بتاع كلاسيك فى اسكندرية (وطبعا الراجل كنت متعاقد

معاه لانه كل 3 ايام يلاقينى جاى اخد الجاتوة ومتشيك وشكلى باين انى رايح

اخطب ويستغرب لما اجيله تانى - نفس الموقف بالظبط)

المهم عشان مطولش روحنا انا وابويا وامى وطلعنا عند الناس وباين من الاول

انهم ناس طيبين وكويسين وكان معانا صديق العائلة ربنا يكرمه ويدخل سجن ابو غريب

وانا قاعد كل شويه الاقى بنت طالع من جوة تسلم وتقعد وانا طبعا افضل

ابحلق فى عروسة المستقبل واشوف ايه النظام من تحت لتحت (قال يعنى مكسوف)

واقول خلاص تمام هى دى بنت الحلال

واتكرر الموقف ده مرتين او تلاته تطلع بنت تانيه تسلم وتقعد وانا فى نفس الحيرة المهم انفجرت مرة واحده وقولتلهم هى انهى واحده العروسة mfb: mfb:

قالولى وانت مستعجل كده ليه دول اخوات العروسة وضحكات بلهاء من ام العروسة وبعدين نادوا عليها

يا.... يا.... ماتيجى بقى تقعدى معانا

واذا بالصدمة (بنجوان يااخوانا طالع من جوة) طائر البطريق بعينه وياريتها ماطلعت ......طبعا اول واحد بيضحك عليا هو ابويا الله يمسيه بالخير

المهم قعدت ومفتحتش بوقها وشويه وصديق العيله( بتاع ابو غريب)قال نقرا الفاتحة

نط ابويا واقف وقاله فاتحة ايه يااستاذ فلان مش نشوف الاول فرد عليه وقاله يعنى ياباشمهندس دى فاتحه عشان يبقى بدايه كلامنا فى حب الله ؟؟؟

طبعا كل اللى قاعدين بيقروا الفاتحه وانا بدعى ان العمارة تنهار وانا اول واحد اموت بس اخلص من الموقف ده

المهم حد منه لله قال خلوا الاولاد بقى يقعدوا مع بعض شويه gjy::

وكانت الطامه الكبرى قعدت معاها فى صالون تانى وفتحت بقها فى اول كلمه وياريتها مافتحته قالتلى اسيك ( اللى هيا ازيك) بس بطريقتها واكتشفت ان نص كلامها مش فاهمه lo:: lo::

والكارثه طبعا انه كل شويه يجيلى ولد صغير طوله لايتعدى 12 سم يقولى انتا عريس خالتو وانا ابقى عاوز ارزعه قلم واقوله قطع لسانك انت وخالتك وفضل الحال ده يمكن ساعه ونص

واخوكم مش عاوز اقولكم موقفى ايه كان ساعتها ومدى الاحراج اللى انا فيه وخصوصا لما دخل علينا حد من عيلتها وبيقولى ان شاء الله انت ناوى تكتب الكتاب امتى وشقتك فين والكلام ده

بجد بجد موقف محدش ممكن يتخيله والبنت كانت قاعده خلاص متخيله انى هاكون عريسها كمان كام يوم

هو فى كده

أكرم,,,

[مسافر زاده الخيال]

:roseop:

من 4 سنين كدة كنت نازل اجازة لمصر

وطبعا كانت تالت اجازة اضيع نصها فى التدوير على بنت الحلال (العروسة)وبلا أى جدوى وطبعا انا لو احكيلكم على كل موقف من المواقف دى عاوز اجازة من الشغل اسبوع

المهم فى مرة من المرات واحد من اصدقاء العيلة اشار علينا بعروسة وقال انهم عيله كويسه وناس تمام

مكدبتش خبر وخصوصا انه بقى فاضل على الاجازة 3 اسابيع وتخلص

روحت جيبت الجاتوة بتاع كلاسيك فى اسكندرية (وطبعا الراجل كنت متعاقد

معاه لانه كل 3 ايام يلاقينى جاى اخد الجاتوة ومتشيك وشكلى باين انى رايح

اخطب ويستغرب لما اجيله تانى - نفس الموقف بالظبط)

المهم عشان مطولش روحنا انا وابويا وامى وطلعنا عند الناس وباين من الاول

انهم ناس طيبين وكويسين وكان معانا صديق العائلة ربنا يكرمه ويدخل سجن ابو غريب

وانا قاعد كل شويه الاقى بنت طالع من جوة تسلم وتقعد وانا طبعا افضل

ابحلق فى عروسة المستقبل واشوف ايه النظام من تحت لتحت (قال يعنى مكسوف)

واقول خلاص تمام هى دى بنت الحلال

واتكرر الموقف ده مرتين او تلاته تطلع بنت تانيه تسلم وتقعد وانا فى نفس الحيرة المهم انفجرت مرة واحده وقولتلهم هى انهى واحده العروسة

قالولى وانت مستعجل كده ليه دول اخوات العروسة وضحكات بلهاء من ام العروسة وبعدين نادوا عليها

يا.... يا.... ماتيجى بقى تقعدى معانا

واذا بالصدمة (بنجوان يااخوانا طالع من جوة) طائر البطريق بعينه وياريتها ماطلعت ......طبعا اول واحد بيضحك عليا هو ابويا الله يمسيه بالخير

المهم قعدت ومفتحتش بوقها وشويه وصديق العيله( بتاع ابو غريب)قال نقرا الفاتحة

نط ابويا واقف وقاله فاتحة ايه يااستاذ فلان مش نشوف الاول فرد عليه وقاله يعنى ياباشمهندس دى فاتحه عشان يبقى بدايه كلامنا فى حب الله ؟؟؟

طبعا كل اللى قاعدين بيقروا الفاتحه وانا بدعى ان العمارة تنهار وانا اول واحد اموت بس اخلص من الموقف ده

المهم حد منه لله قال خلوا الاولاد بقى يقعدوا مع بعض شويه gjy::

وكانت الطامه الكبرى قعدت معاها فى صالون تانى وفتحت بقها فى اول كلمه وياريتها مافتحته قالتلى اسيك ( اللى هيا ازيك) بس بطريقتها واكتشفت ان نص كلامها مش فاهمه

والكارثه طبعا انه كل شويه يجيلى ولد صغير طوله لايتعدى 12 سم يقولى انتا عريس خالتو وانا ابقى عاوز ارزعه قلم واقوله قطع لسانك انت وخالتك وفضل الحال ده يمكن ساعه ونص

واخوكم مش عاوز اقولكم موقفى ايه كان ساعتها ومدى الاحراج اللى انا فيه وخصوصا لما دخل علينا حد من عيلتها وبيقولى ان شاء الله انت ناوى تكتب الكتاب امتى وشقتك فين والكلام ده

بجد بجد موقف محدش ممكن يتخيله والبنت كانت قاعده خلاص متخيله انى هاكون عريسها كمان كام يوم

هو فى كده

أكرم,,,

لم اتمالك نفسي من الضحك.................قصة تنفع تتعمل حلقه كومدية...........:P ....

بس صاحبك دا مش فير على فكرهn2&(

[اغابي]

واذا بالصدمة (بنجوان يااخوانا طالع من جوة) طائر البطريق بعينه وياريتها ماطلعت ......طبعا اول واحد بيضحك عليا هو ابويا الله يمسيه بالخير

المهم قعدت ومفتحتش بوقها وشويه وصديق العيله( بتاع ابو غريب)قال نقرا الفاتحة

نط ابويا واقف وقاله فاتحة ايه يااستاذ فلان مش نشوف الاول فرد عليه وقاله يعنى ياباشمهندس دى فاتحه عشان يبقى بدايه كلامنا فى حب الله ؟؟؟

طبعا كل اللى قاعدين بيقروا الفاتحه وانا بدعى ان العمارة تنهار وانا اول واحد اموت بس اخلص من الموقف ده

المهم حد منه لله قال خلوا الاولاد بقى يقعدوا مع بعض شويه gjy::

وكانت الطامه الكبرى قعدت معاها فى صالون تانى وفتحت بقها فى اول كلمه وياريتها مافتحته قالتلى اسيك ( اللى هيا ازيك) بس بطريقتها واكتشفت ان نص كلامها مش فاهمه lo:: lo::

والكارثه طبعا انه كل شويه يجيلى ولد صغير طوله لايتعدى 12 سم يقولى انتا عريس خالتو وانا ابقى عاوز ارزعه قلم واقوله قطع لسانك انت وخالتك وفضل الحال ده يمكن ساعه ونص

واخوكم مش عاوز اقولكم موقفى ايه كان ساعتها ومدى الاحراج اللى انا فيه وخصوصا لما دخل علينا حد من عيلتها وبيقولى ان شاء الله انت ناوى تكتب الكتاب امتى وشقتك فين والكلام ده

بجد بجد موقف محدش ممكن يتخيله والبنت كانت قاعده خلاص متخيله انى هاكون عريسها كمان كام يوم

هو فى كده

أكرم,,,

سرد اكثر من رائع يا اكرم bv:-

واتفضحت فى الشغل بصوت عالى عمالة اضحك الله يسامحك حاتفنش بسببك وصوت ضحكى سمع الشركة كلها

:lol:

دورلى من دلوقتى وعلى ظيفة جديدة الله يخليك

:lol:

على العموم حمدالله على سلامتك وجات سليمة

والحمدالله ان ربنا انقذك بدون ما العمارة توقع

على راس حد :lol:

الا بصحيح نسيت اسالك -

اسيك يا عثل

:blink:

اغابي

تم تعديل 18 سبتمبر 2010 بواسطة اغابي

[akramgroup]

[

سرد اكثر من رائع يا اكرم bv:-

واتفضحت فى الشغل بصوت عالى عمالة اضحك الله يسامحك حاتفنش بسببك وصوت ضحكى سمع الشركة كلها

:lol:

دورلى من دلوقتى وعلى ظيفة جديدة الله يخليك

:lol:

على العموم حمدالله على سلامتك وجات سليمة

والحمدالله ان ربنا انقذك بدون ما العمارة توقع

على راس حد :lol:

الا بصحيح نسيت اسالك -

اسيك يا عثل

:blink:

اغابي

واللهى يااغابى عاوز اقولك انا اختصرت نص المواقف اللى حصلت يومها

عشان مقعدش اكتب لكن لو حكيت الموضوع بكل التفاصيل يبقى نفتح موضوعين على بعض عشان يكفوا

اصل ابطال القصه كانوا كتير وكل كاركتر فيهم عاوز كيبورد لوحده

وعموما الله يثلمك :D

أكرم ,,,

تم تعديل 18 سبتمبر 2010 بواسطة akramgroup