احكيلنا ايه اكتر موقف محرج مش قادر تنساه؟؟؟؟

[akramgroup]

أخي العزيز

رغم روعة السرد إلا أنني أشفقت على هذه البنت أن تصبح مادة للسخرية كانها زينات صدقي و أهلها عايزين يزوجوها

الاخت والزميلة العزيزة ام زايد

انا حاولت جاهدا انى اختصر فى الاحداث اللى حصلت واللى فعلا لو ذكرتها هاتكون منتهى السخرية بس هو اللى حصل كده وهو ده الموقف اللى انا اتعرضتله وفعلا كنت محرج جدا وصدقينى للاسف فى مجتمعاتنا الشرقيه اكيد المواقف دى بتتكرر كتير وبيحصل مهازل وانا شخصيا شفت ده بعينى اكتر من مرة

ولكن وجهة نظرك تحترم وفعلا فكرت فى كده قبل مااحكيلكم الموقف

على فكرة صحيتى ضميرى ولحقتينى قبل ماكنت ناوى احكيلكم جزء من الحديث اللى دار بينا انا والبنت

بجد كنتى هاتشوفى السخريه بعينها بس خلاص بقى ضميرى صحى

ومش عاوز حد من الاشرار hlwn: prt: اللى فى التوبيك ده يقولى احكى

تحياتى

أكرم,,

[engmido]

أخي العزيز

رغم روعة السرد إلا أنني أشفقت على هذه البنت أن تصبح مادة للسخرية كانها زينات صدقي و أهلها عايزين يزوجوها

الاخت والزميلة العزيزة ام زايد

انا حاولت جاهدا انى اختصر فى الاحداث اللى حصلت واللى فعلا لو ذكرتها هاتكون منتهى السخرية بس هو اللى حصل كده وهو ده الموقف اللى انا اتعرضتله وفعلا كنت محرج جدا وصدقينى للاسف فى مجتمعاتنا الشرقيه اكيد المواقف دى بتتكرر كتير وبيحصل مهازل وانا شخصيا شفت ده بعينى اكتر من مرة

ولكن وجهة نظرك تحترم وفعلا فكرت فى كده قبل مااحكيلكم الموقف

على فكرة صحيتى ضميرى ولحقتينى قبل ماكنت ناوى احكيلكم جزء من الحديث اللى دار بينا انا والبنت

بجد كنتى هاتشوفى السخريه بعينها بس خلاص بقى ضميرى صحى

ومش عاوز حد من الاشرار hlwn: prt: اللى فى التوبيك ده يقولى احكى

تحياتى

أكرم,,

ليه كده يا اكرم

احنا عايزين نعرف عشان نضحك ..لانه احنا ما نعرفش البنت ولا اسمها ولا اهلها

احنا بنضحك على موقف مضحك حصلك...وهو ده الغرض اللى فتح الموضوع عشانه

[شريف مان]

هتحكى يعنى هتحكى يا أكرم

فخليها تيجى منك

:lol:

[Om Zayd]

بس خلاص بقى ضميرى صحى

ومش عاوز حد من الاشرار hlwn: prt: اللى فى التوبيك ده يقولى احكى

تحياتى

أكرم,,

ربنا يكرمك

[akramgroup]

على فكرة صحيتى ضميرى ولحقتينى قبل ماكنت ناوى احكيلكم جزء من الحديث اللى دار بينا انا والبنت

بجد كنتى هاتشوفى السخريه بعينها بس خلاص بقى ضميرى صحى

ومش عاوز حد من الاشرار hlwn: prt: اللى فى التوبيك ده يقولى احكى

تحياتى

أكرم,,

ليه كده يا اكرم

احنا عايزين نعرف عشان نضحك ..لانه احنا ما نعرفش البنت ولا اسمها ولا اهلها

احنا بنضحك على موقف مضحك حصلك...وهو ده الغرض اللى فتح الموضوع عشانه

هتحكى يعنى هتحكى يا أكرم

فخليها تيجى منك

ادى اول اتنين من الاشرار

عاوزين التفاصيل

يااخوانا بلاش بقى احسن الكام علامه الخضر اللى عندى نص ساعة وهتلاقيهم 65 واحده احمر

ادخل انت ياشريف الدور عليك

أكرم,

[خالد شحاته]

والمفروض ان سيف اخرس يبقى لازم يتغاظ منها ويتعصب وفعلا سيف اتقمص الدور

واعووو اعووو وهبا هبااا - يعنى هاج واتنرفز واحنا نسكت فيه انا صدقت انه اخرس بجد الله يخرب بيتك يا سيف وسنينك - لا حرام الله يمسيه بالخير

والجروب بتاعى فى منهم اتنين رخمين كانو حيفضحونا مش ماسكين نفسهم من الضحك لان سيف مبدع الله يحظك يا شيخ

الواد المسكين سيف جمع اكبر مشاعر انسانية حب وشفقة ممكن تتخيلوها فى التاريخ

واد ايه كل اتوبيس الرحلة كان متعاطف معاه حتى سواق الاتوبيس حبه جدا جدا

المهم - سيف دفع التمن انه مش مستمتع باغانى الرحلة والهيصة

ولا انه يصرخ فى ملاهى السندباد ويقول يا بابا الحقنى يا ماما يالهوى زى ما كلنا صوتنا من الملاهى

ولا اللى احنا فيه - كل داه المفروض انه منطوى وما يضحكش من النكت اللى بتتقال والتعليقات جنبه لازم يمسك اعصابه كويس

- واد ايه جبار يا جماعة مش معقول فعلا كان ذهنه فى مكان تانى شارد مش معانا

وووو

فى نهاية اليوم الرائع اللى عمرى ما حنساه

اتجمعنا دايرة كبيرة قعدنا على الارض - باقتراح منى انا شخصيا

اننا نطلب كلنا من اجل سيف المسكين والدايرة حيلف على كل واحد فينا يطلب من ربنا امنية او يقول كلمة علشان سيف

وكلنا مسلمين ومسيحيين المجموعة كبيرة جدا - صلينا جوانا وطلبنا من ربنا ان سيف فى يوم من الايام يتكلم زينا .

لان كل الرحلة حبوه جدا هو شاب وسيم وشيك وملفت بجد وحرام انه يبقى اخرس واطرش

فى الاخر فجأه واحنا منسجمين فى الدعاء والطلبات من اجله - وقف سيف وسط الدايره يرقص ويقول - الحمدالله الحمدالله انا بتكلم انا ما بقتش اخرس

تصدقوا انتم اايه اللى حصل ؟؟؟؟

اولا انا من الضحك ضعت كنت حاموت حقيقي اعتبر نفسي فارقت الحياه للحظات

تعبت اوى عمرى ما ضحكت بالشكل داه

وكمان فى المقابل حصل حقيقي

وسط المجموعة 5 حالات اغماء – اغماء بجد - 2 منهم شباب و3 بنات من الصدمة

:lol: :lol: :lol:

وباقى يوم الرحلة قلب نكد واغماءات وترجيع وصداع وتعب وحاجات بشعة

سيف اتضرب ضرب ما اخدهوش حرامى فى مولد اللى ما اغماش عليهم جريو وراه اتلمو عليه يضربوه اولاد وبنات

وفى بنات بكت كتير اوى وانهارت من الصدمة – كانو بنات اخر رقة بجد

وانا مش عارفة السبب لغاية دلوقتى ومنهم اختى تهانى – هل لانها زعلت انى خبيت عليها حقيقته من اول الرحلة ولا لانها اتصدمت اوى .

فمش عارفة اختى ليه اتاثرت جدا و صعبت عليا يا حرام الطريق كله فى الاتوبيس اسكت فيها وهى تعيط

اسفة طولت عليكم

اغابي

المفروض يا اغابي كان نالك من الحب جانب وضربو فيكي انت كمان

[اغابي]

المفروض يا اغابي كان نالك من الحب جانب وضربو فيكي انت كمان

حرام عليك يا خالد انت عارف

انا زعلت اوى انى اتسببت فى حاجات وحشة وصعبة للجروب داه لانى مش بحب ازعل حد

او اضايق اى حد فلما لاقيت الموضوع وصل للنتيجة دى زعلت من نفسي جدا

وفضلت اائنب نفسي على الموقف داه وتوبة انى اعمل مقلب تانى و كان الاول والاخير

وكمان انى اتسبب فى جرح مشاعر حد كدا او انى ائذيه نفسيا دى حاجة صعبة

وانا بعتبرها اصعب من الضرب كمان - وما تنساش انا زعلت اوى على اختى لانها عيطت جامد كنت حعيط زيها

اغابي

تم تعديل 22 سبتمبر 2010 بواسطة اغابي

[اغابي]

:lol: :lol: :lol: انت جبارة يا اغابى ... بجد مش قادر اتخيل منظر الولاد والبنات بعد ما سيف اتكلم

بس دا اذا دل ... يدل اد ايه انت قلبك طيب ومالكيش فى المقالب

اه بجد انت عارف يا ياسر داه اول مقلب فى حياتي واخر مقلب

بس بصراحة ظبط جامد وطلع محبكوك اوى

كمان سيف فى وسط الدايرة عمل شوية حاجات فظيعة يضرب على بوقه زى اسماعيل ياسين

:lol: :lol:

ويقول داه بوقى وانا بتكلم ويلطش وشه بالاقلام وعمل حاجات فظيعة

واكتر واحد اتضايق كان احمد فضل باقى اليوم الكام ساعة

اللى باقيين وهو زعلان اوى لان احمد اذكي واحد

حتى هو اللى شك فى الاول ان سيف مش اخرس وعمله حركة تغيظه

احمد اتازم نفسيا اننا صدمناه وصدق الموضوع وهو مش بيحب حد يستهين

بذكاؤه ابدا فكونة ان يصدق كان زعلان بشكل غريب

انت عارف بعد ما انكشفت خدعة سيف

باقى اليوم كان كله نكد فى نكد

md2:

[akramgroup]

صباح الخير جميعا

هاقولكم على موقف بردو من المواقف المهببه اللى كان حظى فيها مش اد كده

يعنى ايام ثانوى انا كنت طالب محترم ( محترم بس مقولتش مجتهد)

المهم يعنى فى مرحلة الثانوى مكونتش من الطلبة بتوع التزويع ويروحوا كافيهات وسينيمات والكلام قليل الادب ده

وعدت سنة اولى بنفس الطريقة بمنتهى الاحترام

جت بقى سنة تانية وبدات الترم الاول ازوغ بس بطرقة مختلفة تماما عن باقى زمايلي وكانت طريقة انا بستغربلها لحد دلوقتى

وهى انى كنت بزوغ جوه المدرسة وده سبق محصلش قبل كده يعنى ايه طالب يزوغ جوة المدرسة

التفسير الوحيد يمكن عشان لو حصل اى مصيبه اعمل فيها انهم ظالمنى وانى موجود (صباح التخلف العقلى)

المهم جه الترم التانى وبدأت ابلطج حبتين وازوغ مع اصحابى ونخرج اى كافيه او نروح ننام فى بيت اى واحد من اصحابنا

المهم فى مرة من المرات اتفقنا انا و سته من اصحابى على اانا نروح نفطر فى اى كافيه والدنيا كانت بايظه خالص

والمدير مشدد على موضوع التزويغ ومتوعد لاى حد يزوغ وطبعا الكلام ده كان لاى حد غيري مش انا

المهم روحنا جمب مكتب المدير عشان السور واطى وارتفاعه معقول(انا قصدى على السور مش حد تانى)

وكلنا بدانا واحد ورا التانى يتسلق وينزل فى الشارع وكله خلع وكان حظى انى كنت اخر واحد

وطلعت ياحضرات وانا فوق السور ورجل برة المدرسة والتانيه جوة حصل ايه؟؟؟

برفع رجلى اللى جوة المدرسة والاقيها تقيله جدا ارفع وفى حاجه مسكانى بتشدنى لجوة وسمعت صوت المدير بيقول انزل ياجزمة ههههههههه ( اكيد مش انا) قصدة على رجلى يعنى)

طبعا انا حاولت بكل الامكان انى افضل حادف نفسى على برة عشان ميشوفش وشى ويعرف انا مين ( المدير بقى)

وهو يشد وانا اشد وبصراحه تقمصت دور ارنولد شوارزينجر فى فيلم (النداهه تقريبا) ومش عارف جاتلى الصحه دى من فين

لدرجة انى كنت هارفع المدير وهو متشعلق فى رجلى (كان قصدى ينط معانا ويروح يفطر ونخلص)

لحد ماالراجل يأس من انه ينزلنى وتمت العملية ورميت نفسى على برة واصحابى ( الرجاله اوى) كانوا خلعوا وسابونى لوحدى

المهم تمت العملية بنجاح والحمدلله المدير معرفش انا مين بس هو الشهادة لله يمكن لوقتنا هذا بيدور على الجزمة اللى كان حاضنها ونفسه يشوف مين صاحبها

لدرجة انه بقى ماشى فى المدرسة بيبص فى الارض ( اكيد مش من الخجل )

عشان نفسه يشوف الجزمه ( اكيد قصدة على الحذاء مش حد تانى)

وصباحكم نادى ( اكيد مش الزمالك - ومحدش يزعل )

أكرم

[Howayda Ismail]

اوعى تكون المدرسة اللى عندى حلوانى كلاسيك اللى اشتريت منه الجاتوه للعروسة

[akramgroup]

اوعى تكون المدرسة اللى عندى حلوانى كلاسيك اللى اشتريت منه الجاتوه للعروسة

:hysterical: :hysterical:

:hysterical: :hysterical:

اه بقى هو عشان انتى من اسكندرية شكلك عارفه كل المناطق

فكرتينى ليه بالعرووووووووووسة

تحياتى

أكرم,,

[Om Zayd]

لدرجة انه بقى ماشى فى المدرسة بيبص فى الارض ( اكيد مش من الخجل )

عشان نفسه يشوف الجزمه ( اكيد قصدة على الحذاء مش حد تانى)

وصباحكم نادى ( اكيد مش الزمالك - ومحدش يزعل )

أكرم

السلام عليكم

حيث انك فتحت موضوع التزويغ.. خد عندك

في الثانوي كنت في فصل المتفوقين .. و كنا مبنطيقش مدرس الرياضيات

في يوم عرفنا انه يعد الفسحة هيدينا حصتين ورا بعض .. نعمل إييييييييييييييييه؟؟؟

قفلنا باب الفصل بالقفل .. أصحابي كانوا عايزين ناخد الشنط و نزوغ بس كدة هنتكشف و يبقى كسبنا عداوته .. تفتق ذهني اننا نسيب شنطنا جوة و نقعد بمنتهى البراءة نستنى الأستاذ كأننا مش عارفين مين عمل المقلب السخيييييف ده! أول ما جه كان عايز يجيب النجار يكسر القفل!!! مصر يدينا الحصتين قلناله يرتاح هو واحنا هنحاول نجيب نسخة احتياطي من الوكيلة .. المهم قعدنا نلعب الحصتين و بعدين فتحنا و خدنا شنطنا و روحنا

[مصطفى يونس]

والله كنت هموت من الضحك

[nightmare]

بمناسبة الزوغان , حصلنا موقف جامد لن أنساه أبداً في الثانوية , كنا شلة من 5 افراد وكنا معلمين الفصل من الآخر احنا اللى بناخد الغياب وبنجيب التغذية ونوزع نصها وناخد نصها وكده . وكنا متعودين تقريباً كل يوم نزوغ من الحصة الثالثة وننط من على السور ونروح نسرح لحد الحصة السادسة ونرجع تانى.

حصلت مرة حادثة لعادل صاحبنا وربنا ستر والموضوع خلص على ان رجله اليمين اتكسرت وتم تجبيسها بالكامل, وبما اننا اصحابه كنا طبعا بنروح ناخده من البيت للمدرسة ونرجعه تانى ومعاه في كل مكان حتى في الحمام.

وفي اول يوم لرجوعه المدرسة وهو لسه متجبس جينا في الحصة الثالثة ورايحين نزوغ كالعادة , لقينا صاحبنا مصمم انه هيجي يزوغ معانا , واحنا نحاول نقنعه انه مش هينفع ينط السور, وهو راسه والف سيف انه هييجي يعني هييجي, خدناه ونزلنا على تحت واتفقنا ان فيه اثنين ينطوا ويقفوا بره المدرسة وواحد يطلع يقعد على السور والرابع يحاول يشيله على كتفه واللى قاعد على السور ياخده منه وبعد كده اللى واقف تحت يطلع يقعد على السور ويحاولوا الاثنين ينزلوه والاثنين اللى تحت يسندوه منهم.

المهم الخطة بدأت واثنين نطوا وبقوا بره المدرسه وانا طلعت على السور وصاحبنا الرابع شاله على كتفه وطلعه وانا سندته لحد ما قعد على السور وصاحبنا اللى شاله طلع على السور معايا علشان ننزله بقي للاثنيين اللى واقفين تحت .واحنا الثلاثة قاعدين على السور ويادوبك خرجنا رجله الشمال بره المدرسة الا وجاءت الصدمة الكبري , لقينا الناظر فوق دماغنا وبصوت هز المدرسة كلها لقيناه بيقول "اقف يا ؟؟؟ يا ابن ؟؟؟ انتا وهو اقف ياد " .

وبحركة لا إرادية نطينا انا وصاحبي على بره , وسبنا صاحبنا اللى متجبس قاعد على السور وهو رجل بره ورجل جوه.وبدأ صاحبنا يصرخ فينا انتا يا ندل انتا وهو اعمل ايه انا دلوقتى , وسامعين طبعا الناظر من بره وهو عمال يبستف فيه , ويقوله انتا ربنا هيعمل فيك ايه اكثر من كده علشان تتهد , واحنا من بره ميتيين من الضحك ومش عارفين نعمله ايه "ما باليد حيلة":lol:

الناظر جاب الفراشين ونزلوه من على السور , وما نعرفش طبعا ايه اللى حصل بعد كده , طبعا ما ارجعناش المدرسة تانى في اليوم ده بس استتناه بره علشان نوصله .

وهو خارج من الباب رحنا عليه , وفي صوت واحد ايه يا عادل , عمل معاك ايه , قال مفيش ادانى اسبوع فصل , بنقوله معلش ما تزعلش مش مشكلة وعلشان تريح برضه , رد عادل بكل براءة وقال انتوا اللى ما تزعلوش اتفضلوا جوبات فصلكوا انتوا كمان , بنقوله يا ندل اعترفت علينا . قال امال اقوله طلعت السور ازاى ومين اللى طلعنى.:lol:

تم تعديل 23 سبتمبر 2010 بواسطة nightmare

[Om Zayd]

وهو خارج من الباب رحنا عليه , وفي صوت واحد ايه يا عادل , عمل معاك ايه , قال مفيش ادانى اسبوع فصل , بنقوله معلش ما تزعلش مش مشكلة وعلشان تريح برضه , رد عادل بكل براءة وقال انتوا اللى ما تزعلوش اتفضلوا جوبات فصلكوا انتوا كمان , بنقوله يا ندل اعترفت علينا . قال امال اقوله طلعت السور ازاى ومين اللى طلعنى.:lol:

بجد تموت من الضحك

بس و نعم الأصحاب

[shawshank]

جميل الموضوع ده ... ربنا يسعدكم جميعًا. بجد مواقفكم كلها هايلة. بس والله ما فاكر أي موقف محرج، بجد لو افتكرت مواقف هحطها هنا.

دي موضوعات مشابهة، وكانت جميلة برضه. لو الإدارة تتكرم بضمهم في موضوع واحد بالترتيب الزمني يبقى هايل جدًا.

عندكم مواقف محرجة ... أحكوا وفضفضوا وسمعونا صوتكم .... !!!

مواقف مضحكة

ما هو اكتر موقف محرج اتحطيت فيه؟

مواقف وطرائف

[Mr MAGED]

هاحكيلكم اكتر موقف فعلا محرج في حياتي .. وماظنش اني مريت بموقف زيه بعد كده

أهمية الموقف مش لأنه كان محرج بس .. مهم لأني فعلا استفدت منه واتعلمت اني ماحكمش علي أي موقف

وانا متنرفز ... غير لما اعرف كل الظروف المحيطة بيه .. واني لازم اتحكم في ردود افعالي مهما حصل

يوم مناقشة الماجستير بتاعي .. واليوم طبعا للي لسة هيجربه ان شاء الله بيكون عامل زي يوم الفرح

يعني بتحجز قاعة ومطعم وغدا واتوبيس يوصل الضيوف والأهل والأصحاب اللي هيحضروا المناقشة

وكاميرات بتصور .. وقاعة بتتجهز ... وبتصرف فيه كأنه فعلا يوم فرح بالظبط

وكما ينص البروتوكول المفروض أجيب عربيات توصل المناقشين من وإلي الكلية مهما كان مكانهم

الماقشة كانت في بنها .. وكانوا أربعة اتنين منهم من الكلية يعني مش محتاجين توصيل

وواحد من المناقشين كان عنده مؤتمر في اسكندرية وقال انه هييجي بالقطر ع الكلية علي طول .. والأخير كان من القاهرة

وده اللي حصل معاه الموقف ... طبعا لانشغالي الشديد مكنش عندي وقت اجيب عربيات

وبما انه واحد بس واحد صاحبي حب يساعدني جابلي عربية بسواق يعرفه قاللي انه قريبه

طبعا لازم تكون عربية نظيفة .. وتقديرا مني للدكتور المناقش أو محاولة مني للتقرب له عشان يخف عليا في المناقشة قررت اني اطلع مع العربية نجيبه

وبما اننا طالعين من المنصورة وهنروح القاهرة وبعدين نرجع بنها .. فطلعنا بدري .. واستغليت الوقت في المراجعة

المهم جبنا الدكتور من القاهرة وفي رحلة العودة لبنها حصل مالا كنت أتوقعه

أول ما بدأنا نخرج من القاهرة .. لقيت السواق بدأ ينام وهو سايق ... بينام بينام يعني .. جد مش هزار

يا نهار مش فايت .. ايه ياعم .. انا قلت يمكن عشان طالعين من بدري .. بس عادي السواقين متعودين علي كده

طب يا عم خد بالك .. يا عم اصحي .. يا عم هتودينا فداهية ... طيب بس اصحي وفوق .. والعربية بدأت تروح بينا يمين وشمال

طبعا بدأت اتنرفز ومش عارف ازعق أو أقول أي حاجة والدكتور جانبي وبجد مبقتش عارف اعمل ايه

لحد ما قلتله بس عندك .. اقف علي جنب ... انزل اغسل وشك ... وفوق كده شوية ...

نزل غسل وشه .. وغسل راسه .. حسيت انه فاق شوية .. وفضلت أعتذر للدكتور .. والحمد لله طلع زوق وقدر الموقف اني ماليش ذنب

المهم ركب السواق وبدأ الموقف يتكرر تاني .. قلت ما بدهاش بقي .. رحت مزعق للسواق وقلتله انزل من العربية

واعتذرت للدكتور قاللي هتعمل ايه .. قلتله هاسوق انا ... قاللي انت معاك رخصة . .. قلتله لأ

قاللي خلاص خليك انت كمل مذاكرتك .. انا اللي هاسوق !!! .. طبعا كنت فنص هدومي .. وحاولت اخليه يرتاح واسوق انا مارضيش ابدا

وفعلا هو اللي ساق .. تخيلوا بقي الموقف .. الدكتور سايق وانا جنبه ورجع السواق قعد ورا ..

ولقيته راح في النوم !!!! ... انا فعلا مستغرب ومش عارف ايه اللي جراله

يكون بيشرب حاجة ولا بيشم حاجة سطلته ودماغي قعد يودي ويجيب .. وكان نفسي افتح بابا العربية وازقه من الاحراج اللي كنت فيه

وصلنا لحد الكلية وفضلت اصحي في السواق عشان يركن العربية ... صحي فعلا وخد المفتاح وطلعنا انا والدكتور

واول ما دخلت قعدت ادور علي صاحبي لقيته حكيتله اللي حصل بسرعة .. لقيته بيقولي يا خبر !!!!

ده عنده السكر !!!!!!! ... وسابني وطلع يجري عليه

تخيلوا عنده السكر ومخدش العلاج الصبح وهو خارج ... وكل النوم ده كان غيبوبة سكر مش نوم !!!!

طبعا انا مكنش عندي اي فكرة عن الموضوع ده ... وفعلا اتخضيت ... واستغربت هو ليه عمل كده وليه مخدش العلاج

وطبعا دخلت في الجلسة التحضيرية اللي بتكون قبل المناقشة علي طول .. لقيت الدكتور طبعا حكي لباقي الاساتذة

ولقيتهم بدل ما يتكلموا معايا في المناقشة واللي هيحصل فيها مسكوني اشتغالات ... طبعا اعتذرتلهم تاني وفهمتهم الوضع

وكنت في قمة الاحراج ...

بس الحمد لله ربنا ستر وعدت المناقشة علي خير وسلام

عشان كده باقول دايما .. حاول تتحكم في أعصابك لأقصي درجة مهما حصل ... حاول تفهم الموقف كويس قبل ما تحكم عليه

عذرا لو كنت طولت عليكم

سلام

تم تعديل 27 سبتمبر 2010 بواسطة INVESTOR

[akramgroup]

هاحكيلكم اكتر موقف فعلا محرج في حياتي .. وماظنش اني مريت بموقف زيه بعد كده

أهمية الموقف مش لأنه كان محرج بس .. مهم لأني فعلا استفدت منه واتعلمت اني ماحكمش علي أي موقف

وانا متنرفز ... غير لما اعرف كل الظروف المحيطة بيه .. واني لازم اتحكم في ردود افعالي مهما حصل

يوم مناقشة الماجستير بتاعي .. واليوم طبعا للي لسة هيجربه ان شاء الله بيكون عامل زي يوم الفرح

يعني بتحجز قاعة ومطعم وغدا واتوبيس يوصل الضيوف والأهل والأصحاب اللي هيحضروا المناقشة

وكاميرات بتصور .. وقاعة بتتجهز ... وبتصرف فيه كأنه فعلا يوم فرح بالظبط

وكما ينص البروتوكول المفروض أجيب عربيات توصل المناقشين من وإلي الكلية مهما كان مكانهم

الماقشة كانت في بنها .. وكانوا أربعة اتنين منهم من الكلية يعني مش محتاجين توصيل

وواحد من المناقشين كان عنده مؤتمر في اسكندرية وقال انه هييجي بالقطر ع الكلية علي طول .. والأخير كان من القاهرة

وده اللي حصل معاه الموقف ... طبعا لانشغالي الشديد مكنش عندي وقت اجيب عربيات

وبما انه واحد بس واحد صاحبي حب يساعدني جابلي عربية بسواق يعرفه قاللي انه قريبه

طبعا لازم تكون عربية نظيفة .. وتقديرا مني للدكتور المناقش أو محاولة مني للتقرب له عشان يخف عليا في المناقشة قررت اني اطلع مع العربية نجيبه

وبما اننا طالعين من المنصورة وهنروح القاهرة وبعدين نرجع بنها .. فطلعنا بدري .. واستغليت الوقت في المراجعة

المهم جبنا الدكتور من القاهرة وفي رحلة العودة لبنها حصل مالا كنت أتوقعه

أول ما بدأنا نخرج من القاهرة .. لقيت السواق بدأ ينام وهو سايق ... بينام بينام يعني .. جد مش هزار

يا نهار مش فايت .. ايه ياعم .. انا قلت يمكن عشان طالعين من بدري .. بس عادي السواقين متعودين علي كده

طب يا عم خد بالك .. يا عم اصحي .. يا عم هتودينا فداهية ... طيب بس اصحي وفوق .. والعربية بدأت تروح بينا يمين وشمال

طبعا بدأت اتنرفز ومش عارف ازعق أو أقول أي حاجة والدكتور جانبي وبجد مبقتش عارف اعمل ايه

لحد ما قلتله بس عندك .. اقف علي جنب ... انزل اغسل وشك ... وفوق كده شوية ...

نزل غسل وشه .. وغسل راسه .. حسيت انه فاق شوية .. وفضلت أعتذر للدكتور .. والحمد لله طلع زوق وقدر الموقف اني ماليش ذنب

المهم ركب السواق وبدأ الموقف يتكرر تاني .. قلت ما بدهاش بقي .. رحت مزعق للسواق وقلتله انزل من العربية

واعتذرت للدكتور قاللي هتعمل ايه .. قلتله هاسوق انا ... قاللي انت معاك رخصة . .. قلتله لأ

قاللي خلاص خليك انت كمل مذاكرتك .. انا اللي هاسوق !!! .. طبعا كنت فنص هدومي .. وحاولت اخليه يرتاح واسوق انا مارضيش ابدا

وفعلا هو اللي ساق .. تخيلوا بقي الموقف .. الدكتور سايق وانا جنبه ورجع السواق قعد ورا ..

ولقيته راح في النوم !!!! ... انا فعلا مستغرب ومش عارف ايه اللي جراله

يكون بيشرب حاجة ولا بيشم حاجة سطلته ودماغي قعد يودي ويجيب .. وكان نفسي افتح بابا العربية وازقه من الاحراج اللي كنت فيه

وصلنا لحد الكلية وفضلت اصحي في السواق عشان يركن العربية ... صحي فعلا وخد المفتاح وطلعنا انا والدكتور

واول ما دخلت قعدت ادور علي صاحبي لقيته حكيتله اللي حصل بسرعة .. لقيته بيقولي يا خبر !!!!

ده عنده السكر !!!!!!! ... وسابني وطلع يجري عليه

تخيلوا عنده السكر ومخدش العلاج الصبح وهو خارج ... وكل النوم ده كان غيبوبة سكر مش نوم !!!!

طبعا انا مكنش عندي اي فكرة عن الموضوع ده ... وفعلا اتخضيت ... واستغربت هو ليه عمل كده وليه مخدش العلاج

وطبعا دخلت في الجلسة التحضيرية اللي بتكون قبل المناقشة علي طول .. لقيت الدكتور طبعا حكي لباقي الاساتذة

ولقيتهم بدل ما يتكلموا معايا في المناقشة واللي هيحصل فيها مسكوني اشتغالات ... طبعا اعتذرتلهم تاني وفهمتهم الوضع

وكنت في قمة الاحراج ...

بس الحمد لله ربنا ستر وعدت المناقشة علي خير وسلام

عشان كده باقول دايما .. حاول تتحكم في أعصابك لأقصي درجة مهما حصل ... حاول تفهم الموقف كويس قبل ما تحكم عليه

عذرا لو كنت طولت عليكم

سلام

الحمدلله انها عدت على خير

ممكن ربنا يكون عمل كده عشان تتقرب اكتر من الدكتور اللى هايناقشك

المهم ان الراجل بقى كويس لاحسن ضميرك كان هايوجعك لو كان حصله حاجة

وفعلا عندك حق لما مسكت اعصابك مع السواق

أكرم,,

[engmido]

مش عايز تكمل اللى بالى بالك يا اكرم؟؟؟

اعترف الانكار مش هاينفعك

[pink rose]

هاحكيلكم موقف حصل مع ماما و هي صغيرة

بس كل ما تحكيه اقعد اتخيل المنظر و افطس من الضحك

كان ياما كان مامتي كانت في الاعدادية كده و في اجازة الصيف كانت بتروح تزور اختها المتزوجة

المهم جوز خالتي دا الله يرحمه كان بياخدهم الاتنين و يفسحهم كل اسبوع في مكان

مرة الهرم مرة خان الخليلي مرة المتحف المصري و مرة المتحف الزراعي و هو دا اللي هاتدور قصتنا فيه النهاردة يا حبيايبي يا حلوين

صحيوا من النوم بدري و لبسوا و اخدوا بعضهم و على المتحف الزراعي

المهم المتحف للي ما شافوش قبل كده مليان تماثيل بتماثل الحقيقة فعلا كانك شايف ناس حقيقية

المتحف كله كده من النوعية دي فلاحين لابسين جلاليب اللي موكب زفة عروسة و اللي فلاحات قاعدين قدام فرن بيخبزوا

مامتي حبيبتي ربنا يبارك في عمرها عمالة تتجول في المتحف و تتفرج و اذ بيها توقف قدام حاجه عجيبة

شوية فلاحين واقفين و في وسطهم واحد افندي ببدلة تقوم ماما ما يعجبهاش الالاطة بتاعت ابوبدلة دا اشمعنى هو الوحيد المتأنتك و لابس بدلة يعني مش زي اخواته بجلابية ايه مفتش الزراعه يعني مثلا

و هوب قامت رازعة التمثال بالقفا و هي بتقوله اشمعنى انت يعني اللي متأنتك و لابسلي بدلة

و هي رزعت التمثال القفا من هنا و لقيت التمثال بيتدور لها ببطئ شديد جدا و بيلف يشوف مين اللي هبده القفا دا

اتاريه كان واحد واقف بيتفرج على التماثيل بس كان واقف متنح شوية ماما افتكرته تمثال زيهم

طبعا هي لقيت الراجل بيلف و قالت يا فكيك بتقولي انا ما عرفتش انا كنت باجري ازاي و خرجت برة المتحف دا ازاي

و خالتي و جوزها ما شافوش الموقف كل اللي شافوه ماما و هي بتجري و بقوا يجروا وراها هما كمان عشان يلحقوها يشوفوها مالها لانها كانت مذعورة يا عيني

:lol: :lol: :lol: