احكيلنا ايه اكتر موقف محرج مش قادر تنساه؟؟؟؟

[شريف مان]

واذا بالصدمة (بنجوان يااخوانا طالع من جوة) طائر البطريق بعينه وياريتها ماطلعت ......

ههههههههههههههههههههههههههههههههههههههههههههههههههههه :lol:

أوعى يكون صاحبك دا توفيق الدقن

ويا منجى الوحش من الجحش :lol:

[akramgroup]

واذا بالصدمة (بنجوان يااخوانا طالع من جوة) طائر البطريق بعينه وياريتها ماطلعت ......

ههههههههههههههههههههههههههههههههههههههههههههههههههههه :lol:

أوعى يكون صاحبك دا توفيق الدقن

ويا منجى الوحش من الجحش :lol:

كانت صدمة ياشريف بس اهو الواحد كل مايفتكر افطس على نفسى من الضحك

يلا ياشريف احكيلنا موقف جامد من عندك

أكرم,,,

[engmido]

موقف ممتاز يا اكرم

بس ارجوك تكمل تفاصيل هذا الموقف

----------

موقف بسيط بس مش معايا بس اللى يتخيلوابجد يفطس من الضحك

عندنا فى البلد واحد محجوز فى مستشفى ..المهم الاخوة فى المستشفى اتصلوا بأهله وقالولهم فلان مات

طبعا الناس مكدبتش خبر....ونادوا عليه فى البلد وجهزوا نفسهم وطلعوا جرى ع المستشفى ....حالة وفاة بقى

المهم دول وصلوا المستشفى وطلعوا عند اوضته ..لقوا الميت اللى اتصلوا بيهم من شوية يقولوا انا مات

بيتمشى فى الطرقة قدام الاوضة.....وهما طبعا الصدمة زادت اكتر وكانوا هايتجننوا

وبعد كده طلع تشابه اسماء والراجل ماماتش ولا حاجة....وراحوا اتخانقوا مع بتوع المستشفى

[شريف مان]

يلا ياشريف احكيلنا موقف جامد من عندك

أكرم,,,

والله فى موقف محرج جدا وسخيف كمان

المهم ايام الثانوية العامية رحت درس كيمياء بدرى شوية ( قبل الميعاد بنصف ساعة تقريبا )مش عارف ليه !!!

المهم لقيت سكرتيرة جديدة زى القمر ( لهطة قشطة ) :lol:

فاتكلمت معاها شوية وبعدين دخلت قعدت مع واحد صاحبى لسوء حظى انى لقيته

فقولتله ايه رأيك فى الموززة دى !!

فكان رده

نظره أولا ثم دى أختى :wub:

بصراحة منطقطش بولا كلمة لحد ما الدرس خلص وروحت وكنت بتمنى الارض تنشق وتبلعنى

:sad:

تم تعديل 18 سبتمبر 2010 بواسطة شريف مان

[اغابي]

فظيع يا شريف

علشان تبقى فى حالك تانى مرة

على جنب كدا - تصدق ولا يبان عليك

:lol:

------------------------------

فين باقى المواقف

ايه انا مش عاوزة التوبيك داه يقفل ابدا عاوزة دايما منور كدا

انا متابعة فاصل وحارجعلكم بموقف من المواقف اياها

اغابي

:roseop:

تصبيرة كدا

[خالد شحاته]

انا جصلي موقف وانا في ثانوي

كنت جالس في البيت الساعه 2 الظهر وباب البيت خبط طلعت افتح انا لان كان ولدي لسه متوفي من كم اسبوع المهم شوفت واحد شكله غريب جدااا بيقول روح يابني نادي لخالد شيفني جسمي نحيف وصغير بقوله بقوله انا خالد التفلت ليا وكدا وقالي اكيد انت خالد قولته ايوه تعرف لما اسد مسك فريسه وده مسك يدي ومش عايز يفكها ياعم فيه ايه قال تعالي المامور عايزك مامور ايه انا هو انا عملت حاجه وده استحاله يفك يدي يالهوووي وخدني من علي وعرفت حد علشان اعرف فيه ايه الحمد لله وانا ماشي في الشارع قبنا ابن عمي الاخ ده مسك يدي اليمين ومشين وابن عمي مقبلني في الشارع ومش منتبه ليا وانا امسك يده بشمال ومش عايزه افكها يقولي فيه ايه اقول الراجل بيقول المامور عايزك انا لااعرف مامور ولا اعرف حاجه المهم وقف ساله قاله هو فيه ايه وانت هتخده ليه قاله محكوم عليه اسبوعين سجن و10 جنيه كفاله هو عمل والله معرفش بس انا اجي النفذ اقوله والله مش انا اكيد غلطان يقول لا اسمك كدا وكدا اقوله ايوه يقول خلاص المهم ابن عمي اخوه محامي رحمت الله عليه قولته تعالي وهات اخوك علشان اشوف المصيبه دي وانا ماش مع الاخ الا خدني يقولي وانت ماشي في الشارع كدا مقولتيش ياود يجميل كدا وانت رايح المدراسه اقوله والله عمري معكست حد ولا اتمسكت بمطوه قرن غزال اقول ياعمري انا عمري مشليت الحاجه دي ومفيش فايده المهم عدنا والمخبري معي بعد طبعا ماخد الا فيه النصيب علشان نروح الاول بيت ابن عمي المحامي نخده معنا بدل ماروح علي السجن علي طول المهم جه معنا ودخل للمامور وبقول موضوعه ايه قال كان مضراب ومحكومه عليه اسبوعين و10 جنيه كفاله اقوله انا عمري ما ضربت مع حد ودخلت اسم علشان يعملو قضيه وتحكم وانا معرفش المهم ابن عمي المحامي كان يعرف المامور معرفه شخصيا غير الشغل قاله طيب ممكن اخده يبت عندي في البيت والصبح اوديه النايبه يعمل معارضه الظروف دي موجود قاضي مع المامور في المكتب يرد القاضي يقول احنا مسكنا المجرم ونسيه سروح يبت في بيته للازم يبات في التخشيبه ومش هقولك كان شكل التخشيبه ايه في الايام ده وربي انا شفت شكلها وانا معدي رياح مكتب المامور قولت هو ده الموت الا بحق من غير زنب القاضي شويه كلام وابني عمي مع المامور وقال انامسئول وخد مني الضمانات بدل مايبت في السجن الساعه 7 هيكون في النيابه والحمد لله ربنا هدي المامور وقاله خده لو مجاش انا هعرف اجيبه انا اصلا مش نمتجالست طول الليل منتظر النهار يطلع وتسمع الكلام من كل الا حويل انت عكست بنات ولا عملت ايه بظبط واروح واقف امام وكيل النيابه واقوله انا معملتش حاجه يقولي مش انت فلان ابن فلان ابن فلان قولته لا مش انا وربي يخبط المكتب خبته بكف يده انا قلبي طب مني يقول انت مش طالب اقوله اه وقم البطاقه كدا وكدا اقوله لا بطاقتي غير ده خالص والاخر يطلع واحد سائق مكروبس بس بدل من خالد شحاته هو خالد الشحات يرد وكيل النايبه يقول معليش حصل غلط متاسفين علي الازعاج قولت في بالي ازعاج ايه لو كنت نمت في السجن كنت هعمل ايه المهم وانا طلع مروح شفت نفس الشخص راجع تاني بيقولي طيب احنا رايجين نجيبه لك اهو رديت بعفويه انت هتجيبه ليا ليه انت هتجيبه لنفسك ومن يومها عز الله افوت علي القسم الشرطه جسمي يشعر منه

[Howayda Ismail]

عندى موقفين لااحسد عليهم قمة الاحراج

الاول من زمان قبل زواجى لما اخويا نوى يخطب طلب منى اروح مع العروسة بيتهم عشان اعرفه وبعدين

يروح يتقدم لهافعلا رحت وعرفت البيت واتعرفت على اهلها وفى الميعاد المتفق عليه روحنا

اخويا اشترى الجاتوه والحلويات واتشيك عريس بقى واحنا لبسنا اللى حبل زى مابيقولوا

ولما وصلنا عند البيت وعشان هو فى مجمع سكنى تابع لاحدى الشركات اختلط على المكان

المهم طلعنا العمارة ورن اخوى الجرس وبمجرد فتح الباب حسيت بروحى انسحبت منى وتمنيت

الارض تشق وتبلعنى يانهار مش فايت الناس مش هم اللى احنا رايحين لهم اتارى طلعتهم عمارة

تانية لكن نفس الدور ونفس الشقة طبعا اخى ووالدى الله يرحمه اتأسفوا للناس ونزلنا الشارع

وعشان افتكر انه العمارة ابدا

طبعا اتنرفزوا عليا واخويا كان متهيأ له يخنقنى على الاحراج ده وخصوصا اللى رايح واللى

جاى يبص علينا ويسال انتم عاوزين مين ولما قالهم على اسم ابوها كان فى نفس الاسم متكرر

وطبعا اتاخرنا على الناس ومافيش رجا منى انى افتكر المهم اخدت كلمتيت حلوين فى جنابى

والدى قرر اننا نمشى ولكن فجأة لاقينا شاب بيحاول يلحقنا اتضح انه قريبهم بعتوه

لما حد من الجيران بلغهم ان فى ناس بتسال عليهم فى الشارع

طبعا طلعنا معاه وفهموا الموقف وتمت الجوازة على خير والحمد لله

شفتم المحمول دلوقت ممكن ينقذ موقف زى ده

[Howayda Ismail]

الموقف التانى حصل السنة اللى فاتت

واحنا فى مطروح كل يوم نروح شاطئ مختلف والدور المرة دى كان شاطئ الغرام وده فيه شاطئين

واحد كبير مفتوح وده البحر الاساسى لكنه خطر وشاطئ اخر يشبه الجونة يفصل بينهم جزيرة

وده اللى بنطمن على الاولاد فيه رغم انه ساعات بيكون السحب فيه جامد

ابنى الكبير بيعرف يعوم وكذلك ابوه وحتى بنتى علموها وابنى الصغير بيخبط الخيبة فى مين طبعا انا

المهم الاولاد طلعوا من المية قلت انزل انا بقى شوية كده وزوجى نزل معايا لكنى اصريت اخد العوامة

الكاوتش بتاعة اطار السيارة عشان كبيرة وعشان هو بيغوط جوة وانا صراحة بخاف وبيضحك على

هو والعيال بعد مدة قالى انا طالع اصلى الظهر جماعة اطلعى معايا قلته حطلع بعد شوية

عشان مش حانزل تانى وطلبت منه يسحبنى برة شوية حنب بعض السيدات واولاهم وتابطت العوامة

ورفعت رجلى عن المية وغطيت وشى بكفوف ايدى الاثنين من حر الشمس واسترخيت على الاخر

واظاهر انى غفوت مش عارفة قد ايه لكن الاصوات والدوشة اللى حواليا اختفت وفتحت عينى

يانهار اسود لاقيت الناس بعيدة قوى وشمسيتنا اللى اول صف ابعد وابعد الرعب تملك منى

لانى العوامة خفيفة جدا والسحب شغال قلت اشاور يمكن جوزى يشفنى ولا ابنى .. ابدا

طيب الناس اللى فى البحر برضه ابدا لانهم فاكرين انى باشاور لحد اعرفه

ولانى تعرضت للغرق قبل كده وانا عندى 10 سنين وشربت مية كتير فعندى فوبيا من الغرق

ووخيالى صور لى ان العوامة حتفرغ هوا وغرقانة غرقانة اشهدت وقرايت قران

وقلبى حيتخلع من مكانه واصابنى حالة صراخ هستيرى الحقونى باغرق باغرق(حلاوة الروح بقى)

خصوصا لما ما لقيتش لى طول نهائى لاقيت البحر كله بيبص على وفى نفس واحد واحدة بتغرق الحقوها

بعض السبيحة قالوا لى ماتخفيش واوعى تسيبى العوامة وطلبوا ان اللى له طول فى المية يحاول يدفع

العوامة من الخلف وهم يسحبوها بعد كده لكن كنت فى منتهى الاحراج من الموقف كله

[akramgroup]

ايه يااخوانا

اغابى وعدتنا بموقف من بتوعها وخليت بينا

نايت مير وعدنا وخلى بينا

والباقين محصلهمش غير موقف واحد بس :P :P

عاوزين التقايل بقى فين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أكرم

[Om Zayd]

بمناسبة ان المدرسة بتقفل جمعة و سبت

لما كنت في الكلية اشتركت في مجموعة تقوية و كانت ميعادها يوم الجمعة

يوم جمعة كده قررت اروح الجامعة مشي

(عملناها كتير من العباسية لتريومف)

المهم اني كنت لوحدي

و ماشية

و برضه الناس بتبحلق فيا:blink:

و انا باتجاهل نظراتهم

و الحقيقة كان في ايدي نوتة محاضرات طولي

يعني اي عيل صغير من بتوع لماضة حيعرف اني رايحة الجامعة

و بدأت البحلقة تتوغل وتزدهرو تستمر و تستمر....

لحد ما واحد مقدرش يمسك نفسه

صرخ في وشي بصوت جهوري

النهاردة الجمعة

الظاهر كان فاكرني مش واخدة بالي

موقف شبهه حصللي لما كنت رايحة المدرسة بالزي الرسمي يوم أجازة عشان نحضر لحفلة

مرة تانية كنت رايحة الشغل في الصيف لابسة طقم رمادي في أبيض و الاقي الكل في الشارع بيبصلي باستغراب .. أبص للبسي ..عادي .. كله تمام .. فجأة واحدة قربت مني و بمنتهى الجدية سألتني .... هي المدارس فتحت؟؟؟؟؟؟؟

تم تعديل 20 سبتمبر 2010 بواسطة Om Zayd

[se_ Elsyed]

تابع مواقف اليونيفورم المحرجه ...

مره من 4 سنين كده .. إكتشفت لما وصلت الشغل إني

إني

إني

لابس فردة جزمة بُني .. والأخرى سودا

والحمد لله ربنا ستر وماحدش خد باله ... ويوم كامل ما أتحركتش من ورا المكتب ولا نزلت أصلي جماعة وقلت أجعمز خلف المتاريس لحد الليلة ما تعدي ... وأستنيت الموظفين لما روحوا كلهم وبعدين أتسحبت وركبت العربية وجري عالبيت .. أعتقد غن دي أحدى أعراض مرض الهوسهوس

ولو إنها كانت ممكن تبقى موضه من أرقى بيوت الأزياء " سين سان لوران "

[اغابي]

والاخر يطلع واحد سائق مكروبس بس بدل من خالد شحاته هو خالد الشحات يرد وكيل النايبه يقول معليش حصل غلط متاسفين علي الازعاج قولت في بالي ازعاج ايه لو كنت نمت في السجن كنت هعمل ايه المهم وانا طلع مروح شفت نفس الشخص راجع تاني بيقولي طيب احنا رايجين نجيبه لك اهو رديت بعفويه انت هتجيبه ليا ليه انت هتجيبه لنفسك ومن يومها عز الله افوت علي القسم الشرطه جسمي يشعر منه

مسكين يا خالد اتخدت ظلم فى ظلم

اقولكم على حاجة حصلت معايا فظييييييييييعة مش معـــقـــولة بجد بجد

بس هى مش محرجة هى نقدر نعتبرها مقلب كدا وبعد اذنك يا اكرم مش حاغير المسار الاصلي للموضوع

انا واختى الكبيرة كل واحده فينا فى جامعة غير التانية فى يوم قررو الجروب بتاعها مع بعضهم شلة كبيرة بنات واولاد وكانو كليه تجارة جامعة عين شمس

انهم بيتفقو مع اتوبيس من وقت للتانى ويعملوا رحلة طلبة مع نفسهم كدا - مش تبع الجامعة ولا حاجة

فعرضت عليا اختى الموضوع وانى اجيب الجروب بتاعى وكان عددهم كبير لكن جم معايا من مجموعتى فقط 16 على اننا ننضم لمجموعة اختى ونروح معاهم الرحلة والرحلة كانت القناطر الخيرية وملاهى السندباد من 7 الصبح للساعة 11 باليل

طبعا اصحابي ما يعرفوش اصحاب اختى نهائي - لانهم جامعة تانية وكمان كليه مختلفة

انا اتفقت مع واحد جديد من الجروب اللى معايا كان اسمه سيف بس سيف داه ممثل موهوب وليه فى المقالب وكان منضم لمجمعتنا جديد ولازم يثبت ولاؤه وشطارته ليا لانى رئيسة العصابة .

- فقولتله انت تعرف لغة اشارة الصم والبكم - الخرس - قالى اه طبعا - فقولتله طيب الرحلة

اللى مع مجموعة اختى انا عاوزاهم يتبهدلوا - منك طول الرحلة تبقى اخرس بس

هابا هابا اعووووو

تقضيها اشارات من بتوع مامتك – هى مامته كانت بتشتغل مدرسة فى مدرسة من مدارس اللى زى اعاقات اطفال وحاجة كدا بس مش فاكرة اوى يعنى زى جمعية صم وبكم المهم وظبطنا كمجموعة كلنا ان سيف حيقوم بدور الاخرس فى الرحلة ولان اختى ما تعرفش اصحابي فحتى هى نفسها ما كنتش تعرف كل اصحابي لان كان ليا اصحاب كتير فى الجامعة وكانت بتقولى انت ازاى عارفة تصاحبي كل العدد داه

اتعرفنا كلنا فى الاتوبيس على بعضنا الجروبات كلها وكان عددنا كبير جدا

وطول الرحلة سيف - داه ممثل عبقرى وخسرته السينما المصرية

الواد شكله وسيم وجينتل وصوعب يا حبة عيني على بنات الرحلة اوى من مجموعة اختى

وكلهم حواليه يتكلموا على اساس انه اخرس واطرش ومش حيسمع بيقولو ايه والبنات يقولو ابه جنبو والله العظيم صعبان علينا اوى الواد قمر وشكله ابن ناس خالص وهو قاعد مستهبل ومزبهل فى القعدة و مطرش

وكان فى واحدة اتعلقت بيه جدا وهى كانت رقيقة اوى كدا وكانت لازقاله فعلا فعلا متعاطفة معاه جدا وتقوله انا حاتعلم لغة الاشارة مخصوص علشان اتكلم معاك وهو متنح قال يعنى مش فاهم حاجة

المهم سيف باشا - جاله واحد من جروب اختى تهانى اسمه احمد - احمد عمل اشارة معينة اى واحد اخرس لازم بيتغاظ منها

فاصل ونواصل

اغابي

تم تعديل 20 سبتمبر 2010 بواسطة اغابي

[اغابي]

والمفروض ان سيف اخرس يبقى لازم يتغاظ منها ويتعصب وفعلا سيف اتقمص الدور

واعووو اعووو وهبا هبااا - يعنى هاج واتنرفز واحنا نسكت فيه انا صدقت انه اخرس بجد الله يخرب بيتك يا سيف وسنينك - لا حرام الله يمسيه بالخير

والجروب بتاعى فى منهم اتنين رخمين كانو حيفضحونا مش ماسكين نفسهم من الضحك لان سيف مبدع الله يحظك يا شيخ

الواد المسكين سيف جمع اكبر مشاعر انسانية حب وشفقة ممكن تتخيلوها فى التاريخ

واد ايه كل اتوبيس الرحلة كان متعاطف معاه حتى سواق الاتوبيس حبه جدا جدا

المهم - سيف دفع التمن انه مش مستمتع باغانى الرحلة والهيصة

ولا انه يصرخ فى ملاهى السندباد ويقول يا بابا الحقنى يا ماما يالهوى زى ما كلنا صوتنا من الملاهى

ولا اللى احنا فيه - كل داه المفروض انه منطوى وما يضحكش من النكت اللى بتتقال والتعليقات جنبه لازم يمسك اعصابه كويس

- واد ايه جبار يا جماعة مش معقول فعلا كان ذهنه فى مكان تانى شارد مش معانا

وووو

فى نهاية اليوم الرائع اللى عمرى ما حنساه

اتجمعنا دايرة كبيرة قعدنا على الارض - باقتراح منى انا شخصيا

اننا نطلب كلنا من اجل سيف المسكين والدايرة حيلف على كل واحد فينا يطلب من ربنا امنية او يقول كلمة علشان سيف

وكلنا مسلمين ومسيحيين المجموعة كبيرة جدا - صلينا جوانا وطلبنا من ربنا ان سيف فى يوم من الايام يتكلم زينا .

لان كل الرحلة حبوه جدا هو شاب وسيم وشيك وملفت بجد وحرام انه يبقى اخرس واطرش

فى الاخر فجأه واحنا منسجمين فى الدعاء والطلبات من اجله - وقف سيف وسط الدايره يرقص ويقول - الحمدالله الحمدالله انا بتكلم انا ما بقتش اخرس

تصدقوا انتم اايه اللى حصل ؟؟؟؟

اولا انا من الضحك ضعت كنت حاموت حقيقي اعتبر نفسي فارقت الحياه للحظات

تعبت اوى عمرى ما ضحكت بالشكل داه

وكمان فى المقابل حصل حقيقي

وسط المجموعة 5 حالات اغماء – اغماء بجد - 2 منهم شباب و3 بنات من الصدمة

:lol: :lol: :lol:

وباقى يوم الرحلة قلب نكد واغماءات وترجيع وصداع وتعب وحاجات بشعة

سيف اتضرب ضرب ما اخدهوش حرامى فى مولد اللى ما اغماش عليهم جريو وراه اتلمو عليه يضربوه اولاد وبنات

وفى بنات بكت كتير اوى وانهارت من الصدمة – كانو بنات اخر رقة بجد

وانا مش عارفة السبب لغاية دلوقتى ومنهم اختى تهانى – هل لانها زعلت انى خبيت عليها حقيقته من اول الرحلة ولا لانها اتصدمت اوى .

فمش عارفة اختى ليه اتاثرت جدا و صعبت عليا يا حرام الطريق كله فى الاتوبيس اسكت فيها وهى تعيط

اسفة طولت عليكم

اغابي

تم تعديل 20 سبتمبر 2010 بواسطة اغابي

[masraweya]

تابع مواقف اليونيفورم المحرجه ...

مره من 4 سنين كده .. إكتشفت لما وصلت الشغل إني

إني

إني

لابس فردة جزمة بُني .. والأخرى سودا

والحمد لله ربنا ستر وماحدش خد باله ...

حصلت معايا -كنت بلبس في الضلمة- بس و لا همني

مرة تانية على البحر قال حبكت أغسل الجزمة و انا لابساها .. طبعا الموجة خدتها.. بقيت فردة و فردة .. يتحايلوا علي البس أي حاجة في رجلي .. أبدا

و روحت حافية .... بمنتهى الثقة

[مغتربة]

فى يوم صحيت متاخر على ميعاد المدرسه و انا فى ثانوى فقمت البس بسرعه و من الاستعجال مكنتش ببص بلبس ايه

المهم رحت على المدرسه و فضلت لغايه ما المدرسه انتهت و مفيش حاجه حصلت

و انا مروحه مع صحباتى ( المدرسه كانت قريبه من بيتا الى حدا ما فكنا بنروح متورجل )

لقيت واحده صحبتى و احنا بندردش بتيص على الارض و بعدين قالتلى مغتربه انتى لابسه شراب فليه لونه ايه بالضبط ( احنا كنا بنلبس شراب فليه و عليه شراب ابيض صغير )

ببص لقيت ان انا لابسه فردتين بنى مش نفس درجه اللون يعنى واحده افتح من التانيه

طبعا الكل بص مع بعض مره واحده و بعدين كلنا انفجرنا فى الضحك

طبعا من الاستعجال فى اللبس الصبح اتلخبطت و اخدت فرده مش بتاعه الدنيا

الحمد لله ان محدش لاحظ غير صحابى الى كانوا مروحين معايا

طبعا صحابى كلهم مسكونى تريقه على الموضوع دا لانى كنت مشهوره بنهم بمس مودا علشان كنت استحاله اهمل اى تفصيل و لو صغير من تفاصيل الشياكه فى اى وقت حتى لو رايحه المدرسه الصبح

و باخد بالى قوى من تفاصيل شياكه كل واحده فيهم و يا ويل الى الاقيها مكروته فى حاجه كنت مبسبهاش

فجت لهم على الطبطاب بقى

و فضلوا مسكنهالى فتره طويله

يالله ايام

[عبير يونس]

مبعرفش اخبي حاجة على زوجي ابدا

و مباحاولش اصلا عشان متجوزة المفتش كولمبو الأصلي اللي كان له بصة مرعبة ده فاكرينه

مرة كنت زعلانة منه و مش باكلمه و هو كمان كان متعصب مني

المهم

مرة كان برة البيت و مكنش معايا موبايل

مفيش غيرتيلفون البيت

طبعا انا كنت عاملة نفسي مقموصة و قاعدة في الاوضة مباخرجش

اول اما خرج

مسكت التيلفون و قعدت ارغي مع أخته في بلد تانية في السعودية

مكنش في خدمات جود و لا كان عندي دي اس ال و لا سكايب و لا كلام من ده

المهم خدني الكلام و لاقيت نفسي اتكلمت ساعة و نص :blush2:

طبعا مكنتش عايزاه يعرف

عشان ما يتهمنيش بعدم الاحساس بالمسئولية

فخطرت في رأسي فكرة شيطانية

اني امسح المكالمة من على التيلفون و لا من شاف و لا من دري

اول اما مسحتها

لقيته داخل البيت زي المجنون

و متوجه رأسا إلى التيلفون

كنتي بتكلمي مين ساعة و نص

بقى لي ساعة و نص بأطلبك و بيديني مشغول md2:

طب افرضي في مصيبة و الا حد بيستنجد بينا

انتي فعلا معندكيش أي إحساس بالمسئوليةmfb:

[pocy]

معلش يا جماعه مقدرتش امنع نفسي من الضحك والمشركه هتكون بعد ما اخلص ضحك ان شاء الله

gra:- :lol: :lol: :lol:

[nightmare]

تابع مواقف اليونيفورم المحرجه ...

مره من 4 سنين كده .. إكتشفت لما وصلت الشغل إني

إني

إني

لابس فردة جزمة بُني .. والأخرى سودا

والحمد لله ربنا ستر وماحدش خد باله ...

حصلت معايا -كنت بلبس في الضلمة- بس و لا همني

مرة تانية على البحر قال حبكت أغسل الجزمة و انا لابساها .. طبعا الموجة خدتها.. بقيت فردة و فردة .. يتحايلوا علي البس أي حاجة في رجلي .. أبدا

و روحت حافية .... بمنتهى الثقة

بصراحة يا جماعة المشاركات اللى فاتت دي خلت الواحد قلبه هيقف من كثر الضحك.:lol:

وبمناسبة لخبطة اللبس ده فاشكر ربنا يا سي السيد انك اكتشفت الموضوع بدري ومحدش شافك , وانتى يا مصراوية احمدي ربنا انهم كانوا لون واحد.

انا بقي في الدوام المسائي هنا رحت أصلى العصر جماعة مع زملائتنا المصريين والسعوديين وكل الجنسيات , ووصلت متأخر ركعة واحدة

وبعد ما دخلت في الصلاة بكل خشوع واحنا بنركع في الركعة الثانية

لقيت الشراب mfb:

فرده خضراء تماماً

والفردة الثانية رصاصي فاتح جداً

جاتلى صدمة وما بقتش عارف اعمل ايه , طب اخرج من الصلاة , الصف اللى ورايا اكتمل تماماً.

قلت اكمل وربنا يستر

الامام خلص الصلاة وانا فاضلى ركعة قمت اجبها , لقيت كل اللى خارج بيبحلق لرجلى :blush2:

وسمعت اصوات ضحكات بعض زملائي, لما اتمنيت وقلت ياريت الأرض تنشق وتبلعني هو ازاى ده حصل ( اخضر ورصاصي )

بعد الصلاة جريت على المكتب قلعت الفردتين خالص ولبست شبشب الحمام. واللى عاجبه بقي .:lol:

بس اليوم ده اتقلبت نكتة الشركة من كل الناس , والموضوع كله قلب هزار وضحك.

[yasser moustafa]

والمفروض ان سيف اخرس يبقى لازم يتغاظ منها ويتعصب

تصدقوا انتم اايه اللى حصل ؟؟؟؟

اولا انا من الضحك ضعت كنت حاموت حقيقي اعتبر نفسي فارقت الحياه للحظات

تعبت اوى عمرى ما ضحكت بالشكل داه

وكمان فى المقابل حصل حقيقي

وسط المجموعة 5 حالات اغماء – اغماء بجد - 2 منهم شباب و3 بنات من الصدمة

:lol: :lol: :lol:

وباقى يوم الرحلة قلب نكد واغماءات وترجيع وصداع وتعب وحاجات بشعة

سيف اتضرب ضرب ما اخدهوش حرامى فى مولد اللى ما اغماش عليهم جريو وراه اتلمو عليه يضربوه اولاد وبنات

وفى بنات بكت كتير اوى وانهارت من الصدمة – كانو بنات اخر رقة بجد

وانا مش عارفة السبب لغاية دلوقتى ومنهم اختى تهانى – هل لانها زعلت انى خبيت عليها حقيقته من اول الرحلة ولا لانها اتصدمت اوى .

فمش عارفة اختى ليه اتاثرت جدا و صعبت عليا يا حرام الطريق كله فى الاتوبيس اسكت فيها وهى تعيط

اسفة طولت عليكم

اغابي

:lol: :lol: :lol: انت جبارة يا اغابى ... بجد مش قادر اتخيل منظر الولاد والبنات بعد ما سيف اتكلم

بس دا اذا دل ... يدل اد ايه انت قلبك طيب ومالكيش فى المقالب

[Om Zayd]

واذا بالصدمة (بنجوان يااخوانا طالع من جوة) طائر البطريق بعينه وياريتها ماطلعت ......

ههههههههههههههههههههههههههههههههههههههههههههههههههههه :lol:

أوعى يكون صاحبك دا توفيق الدقن

ويا منجى الوحش من الجحش :lol:

كانت صدمة ياشريف بس اهو الواحد كل مايفتكر افطس على نفسى من الضحك

يلا ياشريف احكيلنا موقف جامد من عندك

أكرم,,,

أخي العزيز

رغم روعة السرد إلا أنني أشفقت على هذه البنت أن تصبح مادة للسخرية كانها زينات صدقي و أهلها عايزين يزوجوها