ها هي أرض بالم هيلز بعد مدينتي

[se_ Elsyed]

إيه الراجل الملاك اللي هبط علينا فجأة من السماء ده ؟

من هو المهندس حمدي الفخراني الذي نفخر إن مصر أنجبت شخص محترم مثلة أثار قضايا كانت محسومه بالتواطيء مع حيتان الحكومة ؟

محكمة القضاء الإدارى تقبل دعوى ببطلان عقد أرض "بالم هيلز"

الأحد، 19 سبتمبر 2010 - 14:21

حمدى الفخرانى مقيم الدعوى كتب محمد أسعد

قبلت محكمة القضاء الإدارى بمجلس الدولة اليوم الأحد دعوى قضائية جديدة ببطلان عقر بيع أراض اشترتها شركة بالم هيلز من هيئة المجتمعات العمرانية بمنطقة القاهرة الجديدة فى 23 أغسطس 2006 .

الدعوى أقامها حمدى الفخرانى الصادر لصالحه حكم ببطلان عقد أرض مدينتى من المحكمة الإدارية العليا مؤخرا وحملت رقم 49065 طالبت بإلغاء العقد المبرم ببيع هيئة المجتمعات العمرانية مساحة 966 ألف متر فى القاهرة الجديدة إلى شركة بالم هيلز" ش م م ".

اختصم الفخرانى فى دعواه كلا من رئيس مجلس الوزراء ووزير الإسكان ورئيس هيئة المجتمعات العمرانية الجديدة، وأشار فى عريضتها إلى أن البيع تم بالأمر المباشر ودون اتباع أحكام قانون المناقصات والمزايدات رقم 89 لسنة 1998 مستشهدا بحكم المحكمة الإدارية العليا الصادر بتأييد بطلان عقد بيع أراضى مدينتى.

وأضافت عريضة الدعوى أن العقد يحوى شروطا مجحفة حيث تم بيع المتر بمبلغ 250 جنيها وعلى أقساط سنوية بينما كان ثمن المتر فى هذا التوقيت يقدر بأكثر من 4 آلاف جنيه.

والجدير بالذكر بأن شركة بالم هيلز هي إحدى شركات الوزير أحمد المغربي وزير الإسكان .. شراكة مع إبن خالته الوزير محمد لطفي منصور وزير النقل السابق ورئيس مجلس إدارة مجموعة منصور .. ههههههههههههههههه

يعني زيتنا في دقيقنا والعملية ما بتروحش بعيد وأهالي مع بعضيهم

[وطني حر]

ايه الي حنا فيه .. اللي بيحصل دا مش في صالح مصر والا في صالح الاقتصاد المصري المنهار اصلا

نجي للواقع . طب بكدا ممكن اي حد مننا يشوف هل عقد الزواج رسمي والموظف الي مضي الورق موظف مختص ولديه السلطه اللزمه لذلك .

هل لما انا اشتري عربيه من التوكيل والموظف بيبعني العربيه . وبعد ما ادفع الفلوس واستلم العربيه . يجي لي بكره صاحب الوكاله يقول البيع باطل اصل دا مش من صلاحياته البيع بالثمن دا ..

انا لا اشك في القضاء المصري . ولكن المساله دي مساله قانونيه وليها اختلافات ووجهات نظر اخري مختلفه و دا يدخل في باب

هل يسال رجل السلطه عن صلاحياته الممنوحه له وايه حدود المساله .

مستحيل دا . انا لا اشك في القضاء المصري . مره تانيه اكررها . ولكنني اقول ان هناك اراء متباينه اخري في القضيه . ومش معقول يطلع منها وزير الاسكان زي الشعره .. واعتقد ممكن طلعت مصطفي او بالم يرفعو قضيه ضد الوزير .. لو كان هناك خساره ليهم .

صحيح هناك فساد . وفساد كبير . لكن اللسؤال اش معني الان بتدؤو ينكشو في الورق القديم .. .

هذا ضياع هذا اهدار للمال العام هذا سفه احكام مجنونه . تحت اي مسمي . انا مش مع الفساد ولكن ضد الفساد وما يحصل هو جزء من الفساد ..

[أسد]

أعتقد أنه مثل تلك النوعية من القضايا .. بالرغمن منإيجابيتها ... إلا أنها قد تخلق مناخ من عدم الثقة ..

بالطبع .. لايجب الدفاع عن حقوق الأغنياء وإهدار حقوق الفقراء .. ولكن أيضاً .. ينبغي عدم إهدار الثروات المستثمرة في مصر لإرضاء الرأي العام .. بدون أن تكون تلك الأمور محسوبة .. ومقدرة تقديراً دقيقاً .. وأنا لا أعتقد أن تقدير الأمور في تلك الحالة صحيح

الدولة تتعامل مع مثل تلك المتغيرات والمفاجآت ببطأ شديد .. وببرود أيضاً ..

هذا بسبب ضعف موقفهم بالقطع ..

ولكن ..

يجب أن يكون الحكم ليس بالبطلان .. وهذا رأيي ..

يجب أن يكون بتصحيح المسار .. أو بإعادة تعديل القيمة ..

وأن يتم محاكمة وسجن وتغريم الفاسدون ومن تثبت إدانتهم من الجهاز الإداري للدولة ...

وفوراً ...

[Howayda Ismail]

هل معنى الكلام ده انه هناك امكانية لاقامة دعاوى مماثلة لبطلان العقد المبرم مع اسرائيل

ووقف تصدير الغاز ؟!

وهل يجوز ايضا مع بعض شركات الخصخصةالتى بيعت اصولها ومنشآتها بمبالغ لاتتناسب مع ثمنها الفعلى ؟!

وكذلك الشركة الكويتية التى استولت على الاف الافدنة بنفس الطريقة

[raouf]

عندى طلب يا شباب ممكن حد يقول لى اسم واحد من اغنى 100 شخص فى مصر لم يتحصل على ثروته من مجرد امضاء بتحصيص ارض ؟ حتى اباطرة الصناعة اللى كان لعبتهم المصانع والاراضى الصناعية تركوا الصناعة وتوجهو الى تسقيع الاراضى اللى حصلوا عليها قى سهراتهم وبامضة مسئول واحد فقط او حنى نركوا مصانعهم واشتغلوا فى بناء الكمبواندز والقرى السياحية من امثال محمد فريد خميس وابو العنين ...... والكثير مثلهم الصراحة عندهم حق تشتغل فى مصنع وتضع له مليار جنيه وفى اخر السنة تكسب 100 مليون ولا تظبط مسئول وفى لحظة تجلى تاخد ارض ب 100 مليار بدون اى تعب ولا محاطرة اخر نقدير لتحويلات عدة ملايين مصرى يعملون بالخارج 9 مليار دولار ييجى شخص ياخد ويكسب فى ثانية واحدة وبامضاء واحد ياخد ما يساوى ما يجنيه عدة ملايين فى عام كامل وحسبى الله وتعم الوكيل

[engmido]

وكذلك الشركة الكويتية التى استولت على الاف الافدنة بنفس الطريقة

و كذلك ارض توشكى يا ا\ هند بالهبل ( عبدالرحيم بيه كبير الرحيمية)

سعر المتر ببلاش الا ربع

للباشا الوليد بن طلال....... واحنا بس وفقط نصور ونبحلق ونتحسر على ثروات واراضى مصر المنهوبة والبيزنس المعمول على قفا هذا الشعب المكافح

وحقنا الذى تنهبه البطون التى لا تبع ولا ترحم اناسا تريد ان تعيش ايضا

حسبى الله ونعم الوكيل

[nightmare]

هل معنى الكلام ده انه هناك امكانية لاقامة دعاوى مماثلة لبطلان العقد المبرم مع اسرائيل

ووقف تصدير الغاز ؟!

وهل يجوز ايضا مع بعض شركات الخصخصةالتى بيعت اصولها ومنشآتها بمبالغ لاتتناسب مع ثمنها الفعلى ؟!

وكذلك الشركة الكويتية التى استولت على الاف الافدنة بنفس الطريقة

فيه حكم فعلاً يا أ.هند ببطلان العقد المبرم مع إسرائيل ويقضي بوقف تصدير الغاز وفوراً .. لكن حكومتنا الكريمة طعنت عليه md2: , بدل ما يتحججوا بيه ويوقفوا التصدير ... حسبي الله ونعم الوكيل فيهم كلهم md2:

[pocy]

انا كل مره اقول انى مش هدخل اقرأ اى حاجه وحشه عن مصر بس مش بقدر كل اللى اقدر اقوله

حسبي الله ونعم الوكيل

[Mr MAGED]

مع تقديم وافر التحية لحمدي الفخراني ولكل واحد زيه عنده ضمير في مصر

لكن للأسف المستثمرين أو الحرامية اللي خدوا الأراضي دي مش هينضروا في شيء

لأنهم طبعا كانوا عاملين حسابهم علي اللي هيحصل ده سواء في مدينتي أو بالم هيلز أو غيرهم

قاموا طبعا باعوا جزء كبير من الارض دي لمستثمرين أجانب ... عشان لما يحصل اللي حصل يبدأ الضغط علي الحكومة

والمستثمرين الأجانب يطلبوا التحكيم الدولي ... اللي طبعا هيلاقي ان الحكومة المصرية هيا اللي غلط

لأنها هيا اللي باعت ... وهيا اللي عملت تعاقدات مخالفة للقانون ... والمستثمر الأجنبي يا حرام مالوش ذنب والحكومة ضحكت عليه

باعتله أرض وخدتها منه تاني ... وبالطبع يتم الحكم لهم بتعويضات بالمليارات تفوق تمن الأرض وتفوق ما دفعوه بمراحل

وطبعا أكيد كلنا لسة فاكرين أرض سينا اللي علي الحدود الاسرائيلية .. بعد ما اتباعت واتسحبت وصاحبها رفع قضية بعد ماخد الجنسية الأجنبية

اتحكمله تقريبا ب 47 مليار تعويض

يعني هما كسبانين كسبانين ... سواء فضلت الأرض معاهم أو خدتها الحكومة

[yasser moustafa]

صحيح يوجد سلبيات نتيجة هذه الأحكام ... خصوصا على بيئة الاستثمار وان غالبا اللى ها يدفع الثمن ها يكون عملاء هذه الشركات من أفراد الشعب

ولكن الايجابيات اكثر ... خصوصا على المدى الطويل، لأنها ها توصل رسالة ان لسه فى ناس بتحارب الفساد فى مصر - رغم حجمه المهول وانتشارة فى البلد حتى اصبح هو الأساس وما عداه هو الاستثناء

وكذلك يوجد قضاء مصرى شجاع ومحترم - الى حد كبير جدا

وكل أملنا ان يتم فتح جميع ملفات الفساد المسكوت عنها حتى ولو بعد حين

ولا ضاع حق ورائه مطالب

وحسبى الله ونعم الوكيل