مائة كيلومتر سيراً على الأقدام

[Mohammad Abouzied]

مائة كيلومتر سيراً على الأقدام (21-06-2004)

في مدينة لويدنشايد بوسط ألمانيا سارت امرأة ألمانية مائة كيلومتر حتى منزلها بعد أن اعتقدت أن زوجها تركها في استراحة على طريق سريع.

وقالت الشرطة الألمانية إن المرأة عادت إلى المنزل بعد أن أخفقت في العثور على زوجها وسيارته في استراحة على طريق سريع واعتقدت أن زوجها تركها هناك. وقد استغرقت رحلة السير إلى المنزل نحو 15 ساعة في الوقت الذي أبلغ زوجها وابنها الشرطة التي كادت تبدأ البحث عنها باستخدام مروحية عندما ظهرت. وكان الأمر كله خطأ حيث توقف زوجها لمساعدة قائد سيارة في إصلاح سيارته في جزء آخر من الاستراحة ولم تتمكن المرأة من العثور عليه.

[Cleo]

مائة كيلومتر سيراً على الأقدام (21-06-2004)

في مدينة لويدنشايد بوسط ألمانيا سارت امرأة ألمانية مائة كيلومتر حتى منزلها بعد أن اعتقدت أن زوجها تركها في استراحة على طريق سريع.

وقالت الشرطة الألمانية إن المرأة عادت إلى المنزل بعد أن أخفقت في العثور على زوجها وسيارته في استراحة على طريق سريع واعتقدت أن زوجها تركها هناك. وقد استغرقت رحلة السير إلى المنزل نحو 15 ساعة في الوقت الذي أبلغ زوجها وابنها الشرطة التي كادت تبدأ البحث عنها باستخدام مروحية عندما ظهرت. وكان الأمر كله خطأ حيث توقف زوجها لمساعدة قائد سيارة في إصلاح سيارته في جزء آخر من الاستراحة ولم تتمكن المرأة من العثور عليه.

هى ألمانيا مافيهاش تاكسيات ولا سوبر جيت..!!!

ولا الناس دى ربنا مباركلها فى صحتها أوى كدة..!!! sdm:

[ragab2]

هذا

وفاء الزوجات الألمانيات

يابخت الأزواج الألمان

[فــيــروز]

ولا فيش تليفون ولا نوبايل ups: تعمل له آلو ولا اى حاجه !! :lol:

[سقراط المصري]

لا اعتقد ان الخبر صيح للأسباب المنطقيه التاليه:

1-

مائة كيلومتر سيراً على الأقدام . وقد استغرقت رحلة السير إلى المنزل نحو 15 ساعة

بالآله الحاسبه اتضح ان السيده لو سارت بسرعه منتظمه فهتقطع كل كيلو في تسع دقائق. يعني السيده تقطع مسافة 100 متر في زمن دقيقه تقريباً............ومننساش انها تمشي ولاتجري .....ومننساش ان التعب ليس له اي عامل حتى بعد قطع 100 كيلو متر.

2- السيده الالمانيه لو قطعت اي 100 كيلو في خط مستقيم هيعني (تقريبا) انها حتوصل للحدود.

3- المانيا اراضيها خضراء مش صحراء .........والطرق السريعه كل كيلو متر فيه مكان للوقوف ومحطه بنزين ومش هتكلم عن اختراع جديد وحديث لم يصل الى الالمان بعد اسمه........التليفون.

4- دوريات الشرطه على الطرق كل ربع ساعه تقريبا (ويمكن اقل.)

5- اذا كان المتكلم مجنون يبقى المستمع عاقل ..........والله والله الفيل الهندى اللي على الباب مش بتاعي.

حاجه تفور الدم

ملحوظه: حتى لو ذاد صفر في الخبر اي انها قطعت فقط عشره كيلو على الطريق السريع ............زفهو غير منطقي ايضاً ...راجع السبب الرابع .

سقراط

[Mohammad Abouzied]

هو الخبر قرأته كدا الي معترض يروح يسئل الست الالمانيه

[Mohammad Abouzied]

على العسكري المستجد بيمشي في الجيش بالخطوة العسكرية سبعة كيلوا في الساعة ولما يتدرب على الماشية العسكرية بيمشي 6 كيلوا في الساعة فيمكن كان الطريق منحدر فساعدها على المشي بسرعة بدون تعب

[سقراط المصري]

هو الخبر قرأته كدا الي معترض يروح يسئل الست الالمانيه

يا استاذ محمد ما أنا عارف ، انا برد على اللي كاتب.

على العسكري المستجد بيمشي في الجيش بالخطوة العسكرية سبعة كيلوا في الساعة ولما يتدرب على الماشية العسكرية بيمشي 6 كيلوا في الساعة فيمكن كان الطريق منحدر فساعدها على المشي بسرعة بدون تعب

معلومه جيده .

طيب هل ممكن ان الست تمشي ال100 كيلو بدون تعب........برده برد على اللي كتب الخبر.

اهو خبر الست ده بيفكرني بنكته بلديتنا اللي خد 100 قلم على قفاه سهواً.

[kfaya]

تحذير لجميع السيدات .....

حذارى أن تنزلى من السيارة فى ماستر أو واحة عمر ...

خليكى فى العربية و اى حد يجيبلك اى حاجة من جوه ... ممكن تقولى رجليا منمله .

وبعدين فى الطريق الصحراوى لو أى واحدة شاورت , ألف من هيقف لها و هتوصل البت قبل جوزها .

[Mohammad Abouzied]

ابدا يا سقراط يا خويا قول الي انت عاوزه

انا بس بستغرب انك بتقول ان الفيل الهندي الي واقف على الباب دا مش بتاعك

انا لو منك اقول بتاعي حتى لو مش بتاعك لاني لسه سامع فاروق الباز في برنامج مطلوب التعقيب ان بلد صغيرة في الهند مثل السنبلاويين بتبيع سنويا برمجيات كومبيوتر لامريكا بسبعة مليار دولار mf-:

ادي يا سيدي الهنادوه fsh::

كتنا نيله في خيبتنا f((:

انا بقى هندي والفيل بتاعي dct::