مسلسل " أهل كايرو " ... عمل يستحق المشاهدة

[se_ Elsyed]

بصراحة بقى لي سنوات طويلة لما أتابع مسلسل بالكامل بهذا الشغف ...

وأكثر شيء شدني للمسلسل هو طريقة التصوير والإخراج الجديدة تقريباً على الدراما المصرية لمخرج مبدع قادم بقوة إسمه محمد علي

وبصراحة اللي ساعده على ذلك هو السيناريو والحوار الجامد لبلال فضل .. بلال فضل تفوق على نفسه

والظاهر إن بلال فضل كان بيجرب فينا :lol: .. وهلس شوية في بداياته الدرامية في خالتي فرنسا وصايع بحر وتلك والاعمال التافهه .. لحد ما نضج وبقى يخرج لنا أعمال محترمة وتعالج قضايا هامة .. ولا ننسى له فيلم جميل إسمه " واحد من الناس "

نرجع تاني للمسلسل ..

أكتملت الصورة بإختيار شخصيات العمل ...

بصرأحة .. أول مره أشاهد عمل درامي كل الادوار الموجودة به مكتوبة بعناية حتى لو دور صغير لا يتعدى حجمه دقائق ..

وعلى رأس كل هؤلاء المبدع " خالد الصاوي " في دور ضابط المباحث .. وكإنه بجد خريج كلية الشرطة ومارس هذه المهنة حتى وصل لرُتبة عقيد ... فهو في مسائل العمل ظابط ظابط يعني ... وفي المسائل العائلية إنسان مقهور امام زوجة متسلطة تعتمد على سُلطة أبوها اللواء المحافظ وأستولت منه على اولاده وحرمته من رؤيتهم .... وأمام أبوه وأمه هو أقل من طفل ... حتى لما أعطى لقلبة الحق بالحب .. فكان في منتهى العفوية والرومانسية اللي بالتأكيد سيغلب عليها الطابع الجاف لضابط الشرطة في بعض الأحيان ..

وكان في المسلسل قنبلتين لإتنين ممثلين .. شيء أكثر من رائع ..

القنبلة الأول : الممثلة السورية " كِنده علوش " في دور الصحفية ... يخرب بيت كده .. إيه النعومة والتمكن دي ؟ .... أنا شخصياً حبيتها ... بس مراتي ما خدتش بالها عشان المركب تمشي هههههههههه ....

والقنبلة التانية الممثل أعتقد إسمه " جميل برسوم " اللي أدى دور أبو صافي سليم .... الراجل ده يستحق أوسكار ... وبيتهيألي هايبقى خليفة " صلاح منصور " ولو إن سنه كبير لكن تعبير إيه وتمثيل إيه ...

وحتى كل دور صغير لو لعسكري أو لموظف أمن كما كان في الفندق ... كله أخد حقه من النجومية وعلم في الناس ..

بجد بجد .. أتمنى إنكم تتابعوا المسلسل اللي بيُُعاد على قناة المحور الساعة الخامسة مساءً بتوقيت القاهرة ..

وكمان أدخلوا على التشانل المخصصة للمسلسل على اليوتيوب وشوفوا لقطات منه

يييييييييييييييييييييه

نسيت أهم حاجه

إيه كلمات المقدمة والنهاية دي ؟

وإيه اللي أيمن بهجت قمر عمله ده ؟

وإيه الإنسان اللي خلص على مشاعرنا وكمل علينا بأداءة وإحساسه بالكلمات وهو المطرب الإماراتي " حسين الجسمي " ؟

هو في كده في الدنيا يا ناس

أغنية مقدمة المسلسل

ولنا عودة

[أسد]

فعلاً ..

هذا المسلسل كان يحبسني بعد العصر كل يوم من أيام رمضان لأشاهده علىقناة دريم ...

في العادة ..

أنا لا أتابع أية مسلسلات ..

تقريباً على الإطلاق ..

لكن هذا المسلسل .. ومسلسل آخر .. (أيام وبنعيشها) القصة الثانية لليلى علوي ..

عملان أكثر من رائعان ..

حاجة فعلاً .. تعيد للدراما التليفزيونية المصرية حقها ..

قصة ..

تمثيل ..

إخراج ..

تصوير ..

إبداع في كل شئ ..

[herohero]

مسلسل جميل ومات التتر تحفه فعلا

وياسلام ياسي السيد لو تبص ع مسلسل اسمه اكتوبر الاخر وبمناسبة التترات معك مسلسل قصه حب هيعجبك تتره

بيكلم ع حاجات ياما نوقشت ف منتدانا العزيز

http://www.youtube.com/watch?v=vi-jF7EXRnc

http://www.youtube.com/watch?v=Ue-BORI08E0

http://www.youtube.com/watch?v=S0d67vzd1bM&feature=related

بجد ارجع يازمان حن ياماضي

[yasser moustafa]

ما ننساش نضيف ليهم مسلسل ... شيخ العرب همام وأداء يحى الفخرانى الأكثر من رائع

وعبد العزيز مخيون

[مغتربة]

للاسف فاتنى فى رمضان و على بال ما عرفت بيه كان رمضان تقريبا شطب

انا بجد عايزه اتابعه بس من الاول يعنى من اول حلقه او بالكتير اول حلقتين تلاته

لانى لقيته على كايرو دراما بس للاسف دلوقتى فى الحلقه 12

فيا ريت لو حد عرف انه هيبدا على قناه يقولنا علشان اعرف اشوفه

[المهندسه]

مسلسل جميل ومات التتر تحفه فعلا

وياسلام ياسي السيد لو تبص ع مسلسل اسمه اكتوبر الاخر وبمناسبة التترات معك مسلسل قصه حب هيعجبك تتره

بيكلم ع حاجات ياما نوقشت ف منتدانا العزيز

http://www.youtube.com/watch?v=vi-jF7EXRnc

http://www.youtube.com/watch?v=Ue-BORI08E0

http://www.youtube.com/watch?v=S0d67vzd1bM&feature=related

بجد ارجع يازمان حن ياماضي

طبعا مسلسل اهل كايرو تحفه جدا كنت بتابعه بشغف فى رمضان لكن اخر حلقه مخدتش حقها شويه وال تابع المسلسل هيعرف قصدى يعنى

طول الحلقات مهتمين بالتفاصيل جدااوعلى اخر حلقه كروتوها بسرعه زى ما يكون حد بيجرى وراهم و الوقت خلص لكن فى المجمل هو

اكثر من رائع ودى عاده بلال فضلوكمان زى ما قال بشمهندس herohero مسلسل قصه حب رائع فعلا ياريت تتابعوه دلوقت على نايل

دراما الساعه 8 مساء ويعاد 2 صباحا و 2 ظهرا و8 صباحا...وكمان اغنيته حلوه جدا تحسسك بالرومانسيه فعلا انا متابعاه جدا

دلوقت لانى ماشوفتوش فى رمضان

ارجع يا زمان حن يا ماضى ايام الحب ماكان عادى ولا كان الشوق

للناس تهمه ولا نظره عين وحنين ازمه و لا عقل الناس خاوى وفاضى حن يا ماضى

فعلا زمان الحب كان عادى لكن دلوقت بقه عمله نادره الوجود

اما عن تناغم الادوار والاداء و الاخراج والقصه فمفيش جدال على مسلسل العار مع التحفظ على بعض الملابس لعلا غانم وفتيات

الليل لكن المسلسل هايل بكل الصورالماتبعوشيتابعه دلوقت على نايل دراما الساعه 6 مساء و الاعاده 12 ليلا و 12 ظهرا و6

صباحااصل انا بعد رمضان متابعه كل المسلسلات على نايل دراما 1 و 2 . التليفزيون تسليه حلوه للسيدات المحبوسين حبس انفرادى

مع العيال فى السعوديه

تم تعديل 20 سبتمبر 2010 بواسطة المهندسه

[ذهبية]

مسلسل اكثر من رائع بجد كنت بتابعة باهتمام من اول يوم و اللى شدنى لة بصراحة من الاول اغنية حسين الجاسمى فظيعة ما شاء الله على احلى صوت بجد

التميل كان رائع من كل الاطراف بصراحة اجادة فوق الممتازة و كل واحد فى مكانة بالضبطط

بس اللى ضايقنى و محبتوش النهاية و سبب القتل بصراحة مكنش يجب يكون السبب بالطريقة دى صدمنى المبرر جدااا

خاصة ان الاحداث من البداية كانت ماشية فى سكة تانية خالص

و فجاة المؤلف اخدنا لسكة مكنتش تخطر على بال حد مش عارفة حاسة انة مش موفق فى دى

[المهندسه]

بمناسبه بلال فضل ماحدش يعرف مدونته اسمها ايه؟؟؟لو حد يعرف يحط اللينك الخاص بها لو سمحتم

وشكرا للتعاونكم

[أبوعمار]

أقول لك على حاجة, والله هاتخليني أتفرج ع المسلسل فعلا من وصفك ده

بصراحة اسمحي لي أحييك يا سي السيد ع الوصف الرائع للمسلسل

وإيه موضوع كنده علوش ده؟ خللي بالك يا ابني العمر مش بعزقة

بصراحة تنفع ناقد فني بمستوى متميز وجميل

أحييك بشدة

[لولا]

للأسف انا مكنتش بتابع كل حلقات المسلسل لكن الحلقات البسيطه اللى شفتها كانت كافيه حقيقى

عشان اكتشف ان دوت عمل فعلا متميز بتفرد لا منافس له

اكتر شيء لأول مره يبهرنى جدا فى مسلسل هو اتقان التمثيل العااااالى لكل المشاركين وعدم السخافه

المنتشر فى بقيه المسلسلات..

فاكره قوى انى مره شفت حلقه كان فيها خالد الصاوى فى البيت وجيه مديره الظاهر يزوره فى البيت

بعد تسريب اخبار عن القضيه اللى بيحقق فيها.. مش عارفه اسم الممثل ده كمان كان رااائع بس مش ممكن الحوار اللى حصل

ولا الإبدااااااع فى التمثيل بشكل طبيعى جدا جدا من الطرفين لفت نظرى قوى استحاله تحس ابدا ان الناس دى بتمثل مشهد

كل اللى تحسه انك بطريقه ما بتشوف الحوار ده والأحداث من خلال بلوره سحريه مثلا !!

كمان مشاهد خالد الصاوى ووالده ووالدته تحفه تمثيليه حواريه وفى الإخراج بمعنى الكلمه

حاجه تدعوا للفخر بجد ان يصل الإتقان للمرحله دى بعد كم الإستخفاف بالمشاهد فى مسلسلات كتير جدا

متابعه المسلسل فعلا اختيار موفق جدا لكل اللى مقدروش يتابعوه فى رمضان.

تحياتى

لولا

[se_ Elsyed]

فاكره قوى انى مره شفت حلقه كان فيها خالد الصاوى فى البيت وجيه مديره الظاهر يزوره فى البيت

بعد تسريب اخبار عن القضيه اللى بيحقق فيها.. مش عارفه اسم الممثل ده كمان كان رااائع

لولا

إسمه ياسر علي ماهر يا فندم ....

أي خدمة

---------

بُصوا يا جماعة من حق كل واحد يعترض أو ينتقد نهاية أو حدث معين في عمل درامي

لكن المؤلف أو المُخرج مش مطالبين إنهم يبرروا هما عملوا كده ليه ... لإنها ببساطة رؤية فنية خاصة بصاحب العمل

وإلا كنا كلنا ألفنا وأخرجنا أو كما ننتقد ماتش كوره .. كنا نزلنا نلعب إحنا

لكن يظل لك واحد دوره .. سواء متفرج أو ناقد او مؤلف وكل واحد حُر يعبر عن رأيه كيفما شاء

لكن كنت عاوز بصراحة أشرككم معايا في نقد المسلسل ده بالذات زي ما قلت لكم من ناحية الأبهار في الأداء وإستخدام الأمكانات الفنية والتقنية والحوار العالي المباشر والمؤثر للمؤلف بلال فضل ..

على فكرة هو من نوعية الأعمال اللي صعب عليك كمشاهد إنك تشاهدها مرة ثانية .. لإنه عمل بوليسي في المقام الأول يعتمد على حل لغز جريمة قتل ... فبما إنك هاتبقى عارف القاتل .. فمش هاتتفرج وتتابع بشغف مرة اخرى عشان تعرف حل اللغز

على فكرة ... أنا حُر إني ما أتكلمش على أداء رانيا يوسف أو صافي سليم ... أصلي واخد منها موقف من ساعة ما أخدت محمد مختار من زوجته وأم عياله نادية الجندي بعش عشرة سنوات طويلة ... وأنا أساساً مستتقل دمها وشخصيتها وحاسس إنها داخلة الفن بواسطة أو بفلوس جوزها المُنتج .... أنا حر يا سيدي

[جويرية]

مسلسل جميل ، و كنت متبعاه

بس نهايته سيئة

الناس بتعشق التلفزيون و الفرجة علي المسلسلات

يا ريت يكون فيه حاجة زي الضرايب كدة، الفلوس دي تنفق في انتاج االمسلسلات

لأن ممولي المسلسلات او المنتجين بيفرضوا افكار فظيعة علي اصحاب العمل

و لا خالد الصاوي و لا بلال فضل بهذا السوء

[مغتربة]

عرفت المعلومه و قولت مضنش بيها عليكو smk: smk: smk:

المسلسل هيبدء على mbc1 بدايه من يوم الاحد المقبل 31/10/2010 الساعه سابعه بتوقيت الامارات يعنى خمسه بتوقيت القاهره و ليه اعاده مرتين كمان

الحاضر يعلم الغايب علشان الى سمع عن المسلسل و مكنش تابعه فى رمضان ( و الى انا منهم طبعا ) :wub: :wub: يلحق يتابعه

تحياتى :roseop:

[se_ Elsyed]

عرفت المعلومه و قولت مضنش بيها عليكو smk: smk: smk:

المسلسل هيبدء على mbc1 بدايه من يوم الاحد المقبل 31/10/2010 الساعه سابعه بتوقيت الامارات يعنى خمسه بتوقيت القاهره و ليه اعاده مرتين كمان

الحاضر يعلم الغايب علشان الى سمع عن المسلسل و مكنش تابعه فى رمضان ( و الى انا منهم طبعا ) :wub: :wub: يلحق يتابعه

تحياتى :roseop:

يا مغتربة أنا كل ما بامشي دلوقت باتكعبل فيه هههههههههههههههههه

بصراحة صعب قوي أتابع ولو حلقتين ورا بعض من اي مسلسل ..... الواحد هايجيب صح ووقت منين ..

عالعموم اللي هايتفرج على العمل ده مش هايندم .. ويركز قوي على نقطة التكنيك اللي مُستخدم يمكن لأول مره في المسلسلات العربية بالإضافة إلى أداء كثير من الممثلين طبعاً

[Howayda Ismail]

عرفت المعلومه و قولت مضنش بيها عليكو smk: smk: smk:

المسلسل هيبدء على mbc1 بدايه من يوم الاحد المقبل 31/10/2010 الساعه سابعه بتوقيت الامارات يعنى خمسه بتوقيت القاهره و ليه اعاده مرتين كمان

الحاضر يعلم الغايب علشان الى سمع عن المسلسل و مكنش تابعه فى رمضان ( و الى انا منهم طبعا ) :wub: :wub: يلحق يتابعه

تحياتى :roseop:

الله ينور عليك انا شفت جزء صغير من حلقة فى رمضان وكنت عاوزة اتبعه بس مش

عارفة بيتذاع فين ده كفاية الاغنية جميلة جداوصوت الجسمى سحر فيها

http://www.youtube.com/watch?v=rT2fvx3AmsQ

[الســـاري]

ممكن متابعة كل حلقات المسلسل عبر قناة شاهد التابعة لمجموعة ام بي سي التي تعرض كل حلقات البرامج الدرامية المذاعة عبر القناة

http://shahid.mbc.net/media/video/3092/أهل_كايرو_الحلقة_1

لكن بعيداً عن المسلسل .. سمعت ان الكاتب الكبير بلال فضل يمني الجنسية .. هل هذه معلومة صحيحة ؟