نوم العازب

[Abouhemeed]

بسم الله الرحمن الرحيم

قرداتي و مسلسل قرده

داير بجرجره و يشده

يقوله عجين روح لته

و العجن و اللت غاويه

و القرد مصدق نفسه

حر قال فاكر نفسه

و القيد كاتم على نفسه

بيحسب الدنيا فرجه ليه

و الناس تمصمص شفايفها

الفرجه مهياش على كيفها

يقولوا يا قرد و يمدوا كفوفها

بحسنه ما تجوزشي عليه

القرد ترضيه كام موزه

و في ليله يبات ماسك جوزه

يعمر الطاسه و ينام مع لوزه

نوم العازب أهي بتسليه

لوزه دي بقى معزه

علموها النشل في الغرزه

تلقى زبون تروح غامزه

للقرداتي يقلب فيه

في يوم القرد و المعزة إتفقوا

يهربوا منه و يحتفلوا

بهروبهم بعد ما سألوا

هي الحرية تبقى إيه

قالوا لهم من غير سلاسل

العيشة هنية ع الآخر

و تروح بعيد و تسافر

و تعمل كل اللي نفسك فيه

القرد في العتمه سحب لوزه

و طلع يتسحب و ف ايده الجوزة

يمكن يوم يكون لها عوزة

أصله كيف و عودوه عليه

في الطريق شافوا جماعة

حسبوا انهم من الباعة

يقضوا معامهم كام ساعة

و يأكلوا م اللي يجودوا بيه

الناس شافوهم قاموا صرخوا

قرد و معزة دا كلام برضوا

في نص الليل بيتمشوا

عفاريت دي و لا ايه

القرد من خوفه طلع يجري

و المعزة ع الغرزة وراه دوغري

أهو أي مكان ليهم يأوي

و لو نوم العازب يرجع ليه

أبو حميد المصري ‏22‏‏/‏06‏‏/‏2004‏

[Abouhemeed]

حد فهم حاجة ؟ ups:

[Abouhemeed]

ups:

[Abouhemeed]

خلاص ؟؟!

[White heart]

حد فهم حاجة ؟ :)

إحتمال يكون شئ مشابه لمسرح العرائس ....

عرايس مختلفة = مواطنين بمختلف طبقاتهم

فتل و حبال = حكومة و قيادة و (شريحة من العرايس، عفوا من المواطنين!)

محرك العرائس = قوى دولية صغرى نسبيا....

مصمم و مخرج و منتج الرقصات = قوى دولية كبرى.

ما وراء الكواليس = تداخل بين الحبال، و العرائس، و المحركين، مع ما يتبعه من خروج عن النص الرئيسي و مشاكل أثناء البروفات.....

المتفرجين = هذه هى الإضحوكة، فالمسرح الذى يجري به كل هذا لا يوجد به متفرجين!! العرض يشاهدة و يتفاعل معه متفرجين من مسارح أخرى!!! أو مجازا جميع العاملين فى هذا العرض يتفرجون بعضهم على بعض، بل أحيانا يتبادلون الأدوار!!!

أسف جدا يا عزيزي "Abouhemeed" قصيدتك ممكن كل واحد يفهما بشكل مختلف ... انا على مستوى فهمي أو فكري البسيط، هو دة المفهوم اللى وصلني، ( أو جايز يكون المفهوم اللى عاوزه يوصلني .... )

تم تعديل 2 يوليو 2004 بواسطة White heart

[guivara]

حلوة! :)

تقرأها و أنت مبتسم , و تنتهي منها بكثير من الشجن..

لا مفر!

[Abouhemeed]

لكم صح في فهمكم للقصيدة

و أميل لتفسير قلب أبيض ... فيه من الحقيقة أكثر مما قصدت ...

:lol: