Diab بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 (معدل) هو في حل جااااامد جدا ودواء ناجح يعني مثلا لو عاوز تدي حد ميعاد الساعة 6 وأنت عارف انه بيتأخر قوله تعالي الساعة 5 وابدأ بقي الزن من قبلها بنص ساعة كاملة هتلاقي بيجيلك 6 إلا ثلث يعني معقوله جربتها كتير ونفعت بس أوعي تكذب استخدم ألفاظ تنفع تتفهم بمعنيين عشان متاخدش ذنب واللبيب بالأشارة يفهم تم تعديل 21 سبتمبر 2010 بواسطة Diab أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
أسد بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 بما أني برضه عيان بداء المحافظة على المواعيد زي حبيبي سي السيد .. أعاني معاناة الأرملة في الحصول على المعاش مع الشعب المصري الغالي .. يعني لما واحد يديك ميعاد .. يقولك خلاص آهه .. مسافة السكة ... تقوله يعني إيه .. يقولك خلاص .. أنا في الطريق .. لما يتأخر عليك .. تتصل بيه وتسأله إنت فين .. يقوم يقولك .. طيب أعملك إيه .. الشوارع زحمة .. على الرغم .. من أني في مصر .. والشوارع بتكون زحمة جداً برضه .. إلا أني في 99% من مشاويري .. باظبط مواعيدي .. بحيث إني لا يمكن أتأخر على موعدي .. مالم يكون هناك ظرف قهري .. لدرجة إني في أغلب الأحوال باوصل قبل ميعادي .. وأنا إللي باقعد أستتنى .. بمناسبة الصنايعية .. أنا كنت باشطب منزلي الجديد .. والمفروض إننا نشتري أبواب للغرف من الشركة المصرية الإيطالية .. وهي شركة مهمة في هذا المجال .. وجدت الأبواب إللي عندهم .. صيني .. وقالولنا إلنه ممكن يصنعوا لنا أبواب في مصانعهم بجودة أعلى .. وطبعاً السعر حيكون أكبر .. المهم إتفقنا .. وتعاقدنا .. كان من شروطهم إننا ندفع كامل المبلغ عند التعاقد .. قلت مفيش مشكلة .. شركة محترمة ... وأكيد مش حيحصل منهم حركات نص كم .. كان موعد التسليم يوم 15 يوليو الماضي .. كنت عندهم قبل الميعاد ده بكام يوم .. لأني كنت في نفس هذا اليوم مسافر أمريكا .. وحاقعد هناك حوالي الشهر .. قابلت الشخص المسئول .. فتح الكمبيوتر .. وقاللي على ميعادنا إن شاء الله .. قلت له طيب ماينفعش قبل الميعاد بيومين علشان أنا مسافر وعايز أشوفهم قبل السفر .. قاللي بمنتهى التناكة .. إحنا مواعيدنا بالظبط .. وماينفعش أغير يوم واحد . حتى شوف .. كله على الكمبيوتر .. ميعادك يوم الخميس .. الشغل يكون بيركب عندك في البيت .. الحقيقة لما شفته بيتكم بالطريقة دي وبالثقة دي .. قلت خلاص .. أكيد كل حاجة حتبقى تمام .. المهم .. ماطولش عليكم .. أنا رجعت من أمريكا يوم 9 أغسطس .. والشغل الأبواب يعني كان موجود في المنزل .. صحيح .. حاجة زي الفل .. لكن إلى مهاية رمضان لم يكن التركيب قد تم بالكامل .. لأن النجار إللي هم باعتينه .. بييجي يوم ويغيب خمسة .. والباشمهندس إللي كان بيتنك علي .. لما المهندس إللي بيشطب لي المنزل بيكلمه .. يقعد يعتذر وطبعاً .. مفيش حاجة خلصت إلا بعد رمضان .. أي بتأخير شهرين عن موعد التسليم .. مع ملاحظة أن مدة التنفيذ إللي كانوا مقررينها هي شهر واحد .. إمتدت بفترة التأخير إلى ثلاثة شهور .. طبعاًالكلام ده كله بدون أن يتكلفوا أي شئ .. يعني فلوسهم واصلة والتأخير ده أنا المتضرر الوحيد منه .. على الجهة الأخرى .. وأنا في أمريكا .. كنت مسـتاجر سيارة .. لما جيت أرجعها .. رحت على الموعد تقريباً .. متأخر حوالي 10 دقائق.. لكن على ما ركنت في المكان .. وانتظرت دوري لأن الموظفة كانت مشغولة.. وعلى ما خلصت الورق وفحصت السيارة ... لقيتها بتطلب مني إني أدفع تأخير .. 35 دقيقة .. حاولت .. شوية من بتوعنا .. قالتلي .. مفيش حاجة إسمها كده .. السيستم هو إللي بيحسب الوقت .. لاحظ الفارق .. الإثنين .. في الشركة المصرية .. قاللي كله بالكمبيوتر .. وفي شركة تأجير السيارات قالتلي نفس الكلام .. ولكن شتان بين هنا وهناك في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
Howayda Ismail بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 يبقى انت اكيد فى مصر الشعار ده لم يعد متقتصرا على الدعاية السياحية لمصر ولكن تقدر تطلقه على كل السلبيات الموجودة هنا واكثر حاجة ممكن ناخد فيها الريادة هى عدم احترام المواعيد وعشق الفوضى بالصدفة انهاردة حصل حاجتين قدامى كنت ناوية اكتب عليهم وجدت حضرتك كاتب واحدة منهم مدير جديد لمدرسة ابنى شكله متشدد قوى وحنبلى من اول يوم منع اولياء الامور من دخول المدرسة مع اولادهم قال سيبوا الاولاد يدخلوا لوحدهم واحنا هنهتم بكل حاجة وموقف ميس مخصوص لاصطحاب اطفال الحضانة والكبار يدخلوا لوحدهم لكن ازاى الكلام ده معجبش الستات قبل الرجالة ولما فتحت بقى اتكلم ان ده كويس وفى مصلحة الاولاد عشان الزحمة والفوضى قالوا لا واحنا فى مدرسة حكومى حيمشيناعلى كيفه كل واحدة عايزة تدخل مع ابنها وتحضر الطابور وتروح معاه الفصل وتاخده على حجرها وتديله الببرونة كمان حتى لو فى اعدادى ماهو بفلوسهم بقى انهاردة اتأخرنا على ميعاد الطابور شوية طبعا كاان اوامر اللى يتاخر يقف على جنب بعيد وعمل الطابور فى اكتر من ربع ساعة لانه كان مصر على الاذاعة المدرسية و نشيد بلادى والراجل يعينى الظاهر عنده ضمير ووطنية معجبوش الاداء اصر يعيدوه والا محدش طالع الفصل والاهالى برة على اخرها عاوزة تتعارك معاه طابور ايه وقرف ايه وبعدين فين هى بلادى دى اللى لسة بيغنولها بعد الطابور ماطلع ذنب الاطفال المتأخرين ابتدائى واعدادى برفع ايدهم لفوق شوية وبعد كده امر يلموا كام ورقة فى الحوش كعقاب على التأخير عن نفسى انا مزعلتش عشان فيها يعنى لما العيل يتعلم حاجة صح وبعدين انا باخليهم ينظفوا فى البيت وبعلمه مافيش فرق بين نظافة البيت ولا نظافة الشارع ولا المدرسة ثوانى وقامت المعركة وزعيق واقتحام للمدرسة احنا مش بندفع عشان ولادنا ينظفوا ادخلوا فى الزمن المحدد للطابور والفسحة واخيرا كانهم على حق ايه يعنى اللى حصل لما الاولاد يتأخروا 5 دقايق او حتى نصف ساعة يجواالمدرسة بمزاجهم ومن غير عقاب يطلعوا فصولهم حاول يفهمهم ان ده نظام ودى سياسة مدرسة ولما ملقاش فايدة قالهم اللى مش عجبه ياخد ابنه يوديه مدرسة تانية يعنى الاهل هم اللى بيغرسوا فى اولادهم عدم احترام المواعيد والنتيجة تلاقى ان العيال شبت وهم فاقدين الاحساس بالزمن و قيمته خواطر swan رابط هذا التعليق شارك المزيد من خيارات المشاركة
Howayda Ismail بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 بمناسبة الموضوع اللى يغيظك ان فى المواصلات تلاقى واحد بيتكلم فى التليفون ويحلف للى بيكلمه انا خلاص وصلت وفاضلى 5 دقايق واكون عندك (رغم ان المسافة متقلش عن 20 دقيقة لوالطريق فاضى) انا فى المنشية (وهو كان لسة عند استاد الحرس ) لا لا اوعى تمشى خليك استنانى عند البنزينة اللى فى الازاريطة يعنى كداب وبصوت ايه ميكرفون (اداب استعمال المحمول) فكرنى بعم ايوب فى الجوكر اوعوا تكونوا مستعجلين ولا قلقلين انا كى اهو وغلاوتك لاكى طيب حيحصل ايه لو قاله انا فى المكان الفلانى دلوقت وقدامى وقت قد كده لو ظروفك تسمح استنى مستعجل شوف اللى وراك خواطر swan رابط هذا التعليق شارك المزيد من خيارات المشاركة
Howayda Ismail بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 بصوا انتم طلعتم الكبت اللى عندى بخصوص الموضوع ده استحملوا بقى بمناسبة الصنيعاية بيقى يومه مش فايت (مش عاوزة اقول ......) اللى يفكر يجيب صنايعى يعمله حاجة حتى لو تغيير جلدة حنفية هنا فى مصر حدث ولا حرج لكن لواشتغل فى الخارج ولا بلاش كان لينا واحدة صحبيتنا حبت تبيض الشقة وهى بتشتعل طبعا وجوزها مشغول برضه اتفقوا مع واحد سمعوا انه شغله سوبر فرحوا تاخد كام ياعم (يالهوى مبلغ دخل فى بواكى) عمل البحر طحينة اصل حاجيب واجيب ومش حاشتغل لوحدى وانتم بتقولوا عاوزين الشقة تخلص عشان عايشين فيها الاخر وافقوا بس ايه تدفعوا المبلغ كله عشان اشترى الخامات وادفع عربون للى جى معايا دا انا كرمكم وعامل بحق التكلفة خلاص ياعم موافقين ابتدا الشغل على طول فرحوا واتعشموا خير يومين تلاتة الشغل وقف معلش عندى ظروف طيب وجوزها اللى واخد اجازة جه كمل شوية وقعد عليه اسبوع اتصلوا ايه ياعم معلش فى ايدى شغلانة حاخلصها قوام واجى المهم العملية دخلت فى شهرين وزيادة والشقة لسة مخلصتش اخرها رايح جوزها اتعارك معاه ومسكوا فى بعض وصلت للقسم ومحاضر لما زوجى قرر نبيض الشقة حكيت له الحكاية دى قالى ياشيخة فى ناس كويسة كله مش زى بعضه انا حاجيب صنايعى جارنا قاله عليه من شطارته اسمه الدكتور بس جارنا قاله ماتستعجلش (الحكاية ان الصنايعى من دول بيتفق على 4 او 5 شغلانات فى وقت واحد يجى عندك يدهن جدار ويمشى يروح لغيرك يدهن اوضة ويمشى وهكذا تبص تلاقى الاسبوع بقى اتنين قلب على شهر شهرين وانت اللى محتاس فى البوية والكركبة والدنيا مقلوبة فوق راسك وعلى كده دافع مقدم لكن اكترهم لما بيخد معظم الفلوس بيطلع عينك لكن لو تنشف ريقه وياخد قد الحتة الى يخلصها حيخلص قوام عشان ياخد بقية فلوسه) فقررت اروحبالاولاد شقتنا التانية وهو يحاول ياخد اجازة ويستنى معاه يتابعه ويخلى باله من العفش ليتبهدل لكن الراجل كان امين قاله قدامى عملية حتقعد شهر اخلصها واجيلك لكن بقى من كتر الحكاوى ومن الشغل والتشطيب العك رغم الشقة جديدة لان ماحدش كان واقف على ايدهم قررنا نخوض التجربة فى اجازة المدارس زوجى وابنى راحوا اشتروا نوعيات كويسة من الدهانات واستفسروا عن طريقة الخلط وقاموا بشرا المعدات من فرش وسكاكين معجون وكده اتفقنا ابنى حيقوم بالشغل كله ونعطيه اجر بدل ما صنايعى غريب يجى وسطنا وابوه فى الشغل دا غير ما حيقرفنا ويمكن يخلص على امتحانات اخر السنة كان زوجى يقله اعمل كده وكده واشتغلنا كلنا فيها من سنفرة لتنظيف ارضية وغيرنا للالوان اللى احنا عاوزنها ومن غير مبالغة طلعت احلى من الدهان الاولانى وخلصنا بدرى ورحنا المصيف كمان والله ماحكاية توفير بس احنا بنحب نعمل حاجتنا بادينا اتعودنا على كده من صغرنا وخصوصا دلوقت ماعدش حد عنده ضمير فى الشغل الا من رحم ربى خواطر swan رابط هذا التعليق شارك المزيد من خيارات المشاركة
جسار بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 قابلت أحد الاطباء المتخصصين فى جراحة الاعصاب منذ بضعة سنوات مضت وذلك لمعاينة والدتى رحمها الله ، ومن المقابلة الاولى وبعد دردشة صغيرة فتح اللاب توب الخاص به وشاهدته يجرى عملية جراحية لمريض مصاب بمرض أركنسون أى الشلل الرعاش فى أحد مستشفيات ألمانيا ، حيث دراسته وحصوله على الدكتوراه منها وفال لى أنه أعجب جدا بالتزام الالمان بالدقة عموما ودقة الوقت بشكل خاص وأنه سوف يطبق هذا فى مجال عمله فى مصر ، ونظر الى فوجدنى فاغرا فاى وعلى وجهى أبتسامة بلهاء وتعجب الطبيب ولكى أنهى هذا الموقف قلت له مكررا هو أنت ناوى ان شاء الله تطبق اللى أتعلمته بخصوص تنظيم الوقت هنا فاجاب بكل ثقة والزهو يملاه طبعا طبعا ، فقلت له أنت تقدر تتحكم فى نفسك أى نعم لكن هل ستقدر على الاخرين من المرضى والتمرجية وموظفى المستشفيات وطلاب الجامعة وكله كله ده مناخ عام يادكتور ، فرد على أنه يستطيع بالتزامه أجبار الاخرين أن يفعلوا مثله وأنتهت المقابلة وراحت أيام وجات أيام وقابلته عند مدخل أحد المستشفيات كنت ذاهبا اليها لزيارة مريض ، وعرفته بنفسى وتذكرنى وقال لى آه أنت بتاع الوقت وحاولت أن أصحح له أنه هو بتاع الوقت مش أنا ولكنه لم يمهلنى وقال تصدق أنك عندك حق فى اللى قلته ده مفيش حد فى البلد دى بيحترم الوقت أبدا ده حتى أنا أتعديت منهم وباينى حارجع المانيا تانى ..... أبن حنبل قال لأ وأبو حنيفة قال يجوز مع الاعتذار للفنان الراحل شفيق نور الدين فى فيلم مراتى مدير عام . رابط هذا التعليق شارك المزيد من خيارات المشاركة
قلب ابيض بتاريخ: 21 سبتمبر 2010 تقديم بلاغ مشاركة بتاريخ: 21 سبتمبر 2010 واحد صاحبي بيحكي لي موقف خلاني وقعت على الأرض من الضحك بيقول لي واقف بالعربية في اشارة حمرا ... زي أي بني أدم لما بيحفظ الأغنية الشهيرة اللي خدناها في حضانة ومطلعها بيقول : الإشارة خضرا عدي الإشارة صفرا هدي الإشارة حمرا ستوب لقى واحد واقف وراه وعمال يزمر جامد وراح فالت منه وجاي جنبه وفاتح القزاز وقايل له " مش شايف الإشارة حمرا ... واقف ليه يا حيوان ؟ " وجري بالعربية الندل .. بيقول لي أنا شكيت في قوايا العربية وأتصلت بواحد صاحبي عشان اقول له : هما غيروا نظام الإشارات أثناء ما كنت نايم ؟ الموقف ده حصل معانا اكتر من مره وفعلا بقينا عاملين زى اللى حد ضربهم على راسهم والنجوم بتطير حوالينا وعنينا وبقنا " مفتوحين على الرابع " نظام توم وجيرى كده " حمرا تعدى خضرا توقف والله قاعدنا نراجع بصوت عالى مش الحمرا نوقف ؟؟؟ والناس تعدى؟؟؟ لاء هما اكيد غيروا الحمرا الناس توقف والعربيات تعدى الاجمل بقى لما تبقى فى شارع رئيسى واتجاه واحد وتلاقى اللى قاطع الطريق كله عكس اللاتجاه اقولكم والله ده حصل قدامى وركنت اعصر فى عنيه واهز دماغى عشان الرؤيه تتضح وافوق كنت بوصل ابنى الفجر تقريبا لالماظه يركب من هناك ولاقيت كوبرى اللى عند العباسيه والمعرض كده الكوبرى ده طالع....محدش يسالنى عربيه نازله من عليه ازااااااااااااااااااااى؟؟؟ والله حصل mfb: بمناسبة الموضوع اللى يغيظك ان فى المواصلات تلاقى واحد بيتكلم فى التليفون ويحلف للى بيكلمه كان عندى صنايعى فى البيت وجاله موبايل زبون تانى ...قال له والله يا بيه انا اصلى فى بورسعيد دلوقتى ومش هاوصل القاهره قبل بالليل اجيلك بكره بقى......... طبعا انا اديتله اللى فى القسمه من التعقيب المناسب وقلت له الله يسهللك انا هاجيب صنايعى من بورسعيد عشان يخلص لى الشغل اسرع اضافه ====== على السيكا النصايه الربعايه الشرذ توت ...وتنطق خاطفه تت بضم التاء الاولى ودى معناه اقل من السيكا بكتير لما بسمعها من ابنى بعرف انى لازم انسى عودته النهارده رابط هذا التعليق شارك المزيد من خيارات المشاركة
se_ Elsyed بتاريخ: 22 سبتمبر 2010 كاتب الموضوع تقديم بلاغ مشاركة بتاريخ: 22 سبتمبر 2010 الغريب بقى إن الأخوة المتسهبلين والمتسيبين مش عارفين أو حاسين إن السبهلله وعدم النظام بيؤثر على صحتهم وحياتهم ومجتمعهم الأول قبل ما نبدأ .. إذا كان من يحاول أن يحافظ على النظام ويكون محترم هو حنبلي فيا ترى هما على مذهب مين ؟ هههههههه إفتكرت دعابة قالها الشيخ كشك رحمه الله .... واحد جاي يسأله وبيقول له يا شيخ .. هو أنا لازم أدفع زكاة عن إمتلاكي جهاز تليفزيون ؟ قال له الشيخ : أيوه طبعاً حسب مذهب الأمام فريد شوقي . بمناسبة موضوع القهوة بتاع ضحى ... دي حقيقة .... الناس في السنوات الأخيرة بقى ليلها نهار ونهارها ليل ... وما بقناش عارفين مين الصح ... يعني طوال موسم الصيف عادي جداً إنك تلاقي إن مواعيد نوم الناس بقت بعد الفجر ... الغريبة إن حتى الأطفال والبيبيهات بيتعودوا على كده ... ولما تتكلم وتقول ده غلط صحياً ومادياً وجسدياً يتبص لك على إنك كائن أنوي متحول قادم من المريخ ... ولما تلاقي واحد قريبك إتصل بك الساعة واحده بالليل عارضاً أن تأتي أو يأتي هو لتناول وجبة العشاء مع إحتساء الجعه والمزه والمقبلات ( الجعه يعني عرقسوس خلوا بالكم :lol: ) ... يعني على ما تروح أو هو ييجي فيها لتلاتة الفجر ... وتبقى عاوز تشتمه أو تقول له : إنت صاحي ولا نايم ولا فايق ولا شارب جعه قبل الأكل ؟ تبقى أنت اللي حنبلي ومتشدد ورجعي المهم ندخل في الموضوع لإن الدنيا إتقلب موازينها ... فلقينا حتى أصحاب المحال التجارية والمصالح بقوا يناموا بعد الفجر .. وبالتالي يبتدوا شغل على بعد العصاري كده على ما يصحوا وياخدوا المورنينج شاور ... وعادي تلاقي بقالة أو محل عصير أو محل بيع إكسسوارات موبيل فاتح للفجر .... ولما تستغرب وتندهش .. يتقال لك : يا عم ما تحبكهاش ... أمام ده كله تكون النتيجة زيادة إستهلاك الكهربا وحدوث المصايب بتاعت انقطاع التيار كل صيف ويدفع المجتمع كله الثمن .. كمان حاول تصحى بدري وتقضي مشاوير قبل الضهر ... وإبقى قول لي حصل لك إيه والله العظيم بأتذل عشان ألاقي مكتبة أو حد بتاع تصوير مستندات فاتح قبل الضهر .. إنسى وتحس إن المجتمع كله تحول إلى عواطلية ما ورهمش شغلانه وبالتالي نايمين طول النهار وسهرانين طول الليل الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
أسد بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 وبما أننا حنابلة زي بعض ياسي السيد .. وكائنات أنوية نادرة منقرضة ... أزيدك من الشعر بيت .. إيه حكاية إن الناس في مصر كلها في اشارع .. يعني تحس إن الناس كلها هاجة من البيوت .. سواء رجالة .. أو ستات .. أو أطفال ... وحتى العواجيز ... مفيش حد بيقعد في البيت .. والدنيا زحام غير عادي .. والشوارع مفيهاش موقع لقدم .. شئ غريب عجيب ... أما بانوراما دراما .. والحياة مسلسلات .. وميلودي دراما والحاجات الحلوة دي .. معمولة علشان مين يتفرج عليها .. وحتسيب علامة في بيت مين .. لما مفيش حد قاعد في بيته أسطنبول .. مدينة مزدحمة جداً .. يسكن فيها 15 مليون نسمة ... يعني أقل من القاهرة بحوالي 25% فقط .. لكن الشوارع كثافة لاناس فيها أقل من كده بكتييييييييييييييييييييييييييييييييييييييييييييييير ... والناس بتنام بدري .. حتى المطاعم والمحلات إللي فيها عروض فنية بتبدأ الساعة الثامنة مساء .. وتقفل الساعة 12 منصف الليل .. وما يتبقى هناك إلا حياة الليل .. وهي مختلفةكلية عن حياة الليل الموجودة عندنا ... حياة الليل حاجة تانية خالص .. أما حياة المصريين في الليل .. هي الحياة الطبيعية .. من ثلاث سنوات كنت باشتري سيارة جديدة .. صاحب المعرض .. قاللي على التليفون تعالى لي بكره أي وقت بعد الساعة 12 ... قلت له يعني واحدة كويس .. قاللي ميت فل وأربعتاشر .. خدت بعضي .. وكنت عنده في المعرض الساعة واحدة بالضبط .. ملقيتش هناك صريخ إبن يومين .. غير صبي عمال يغسل السيارات ... فين يابني الناس .. قاللي محدش هنا .. أومال ؛ييجوا إمتى قاليي .. يعني إتنين .. ثلاثة .. قلت له والأستاذ (فلان) إللي هو صاحب المعرض .. قاللي مابيجيش دلوقت .. هو بييجي الساعة حداشر إتناشر كده .. ويقعد لحد الساعة ثلاثة بس قلت له طيب ما احنا الساعة واحدة .. قاللي ياباشا بليل .. إحنا دلوقت الصبح .. وقفت زي العبيط .. مش فاهم .. الساعة واحدة بعد الظهر .. يعني بقى لنا ساعة بنقول جود أفتر نون .. بقت إحنا لسه الصبح .. طيب .. هو اللي عايز يشتري عربية .. بيروح بعد منتصف الليل ليه ؟؟؟؟؟؟؟؟؟ مش فاهم حاجة ... قعدت أتصل بالناس وكده علشان حد يشرح لي .. فهمت منهم إن الدنيا إتغيرت ..وإن المجتمع يتطور .. وإن الغربة جعلتني وتخلفاً .. متقوقعاً متحجراً في الماضي .. يعني أنا إللي بقيت متخلف .. بانام باليل .. وباصحى بالنهار .. شفت التخلف إللي أنا فيه بقى في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
أحمد سيف بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 يا جماعه انتوا حارقين دمكم على ايه ... الناس اللي عايشه في مصر معظمهم اتأقلم على النظام ده وبيعتبره الصح وغير كده غلط وميت غلط. وهتلاقي ناس عماله تقرأ الموضوع ده وبتقول في بالها المصريين اللي في الخليج دول شكلهم اتجننوا ولا حصلهم غسيل مخ. ايه الحاجات الغريبه اللي بيتكلموا فيها دي ... لكن مسيرهم هيرجعوا مصر وينسوا النظام والكلام الفاضي اللي اتعلموه في الخليج ويعشوا زي البشر الطبيعيين. الخلاصه اللي وصلت لها من بدري يا جماعه هي إن اللي تجيله فرصه يخرج من مصر سواء لعمل أو هجرة ويعيش ويربي عياله في مجتمع محترم يبقى بيجرم في حق نفسه وعياله لو رفض. الأمل لإصلاح أحوال البلد هو في المصريين الذي تربوا على قيم تختلف عن السائدة في مصر حاليا وهؤلاء قلة قليلة في مصر والأغلبية خارجها. أما الأصناف اللي بتحكوا عنها فانا رامي طوبتها من زمان. إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف البرادعي 15/10/2011 رابط هذا التعليق شارك المزيد من خيارات المشاركة
Amr Radwan بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 يا جماعه انتوا حارقين دمكم على ايه ... الناس اللي عايشه في مصر معظمهم اتأقلم على النظام ده وبيعتبره الصح وغير كده غلط وميت غلط. وهتلاقي ناس عماله تقرأ الموضوع ده وبتقول في بالها المصريين اللي في الخليج دول شكلهم اتجننوا ولا حصلهم غسيل مخ. ايه الحاجات الغريبه اللي بيتكلموا فيها دي ... لكن مسيرهم هيرجعوا مصر وينسوا النظام والكلام الفاضي اللي اتعلموه في الخليج ويعشوا زي البشر الطبيعيين. الخلاصه اللي وصلت لها من بدري يا جماعه هي إن اللي تجيله فرصه يخرج من مصر سواء لعمل أو هجرة ويعيش ويربي عياله في مجتمع محترم يبقى بيجرم في حق نفسه وعياله لو رفض. الأمل لإصلاح أحوال البلد هو في المصريين الذي تربوا على قيم تختلف عن السائدة في مصر حاليا وهؤلاء قلة قليلة في مصر والأغلبية خارجها. أما الأصناف اللي بتحكوا عنها فانا رامي طوبتها من زمان. جميل جدا !!!! طيب و بعدين نهرب من بلدنا و هنرجع امتي ؟ لحد امتي !!! لما يتصلح حالها لوحدها ؟ "إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ" قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم رابط هذا التعليق شارك المزيد من خيارات المشاركة
Howayda Ismail بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 يا جماعه انتوا حارقين دمكم على ايه ... الناس اللي عايشه في مصر معظمهم اتأقلم على النظام ده وبيعتبره الصح وغير كده غلط وميت غلط. وهتلاقي ناس عماله تقرأ الموضوع ده وبتقول في بالها المصريين اللي في الخليج دول شكلهم اتجننوا ولا حصلهم غسيل مخ. ايه الحاجات الغريبه اللي بيتكلموا فيها دي ... لكن مسيرهم هيرجعوا مصر وينسوا النظام والكلام الفاضي اللي اتعلموه في الخليج ويعشوا زي البشر الطبيعيين. الخلاصه اللي وصلت لها من بدري يا جماعه هي إن اللي تجيله فرصه يخرج من مصر سواء لعمل أو هجرة ويعيش ويربي عياله في مجتمع محترم يبقى بيجرم في حق نفسه وعياله لو رفض. الأمل لإصلاح أحوال البلد هو في المصريين الذي تربوا على قيم تختلف عن السائدة في مصر حاليا وهؤلاء قلة قليلة في مصر والأغلبية خارجها. أما الأصناف اللي بتحكوا عنها فانا رامي طوبتها من زمان. والله زعلت من كلام حضرتك لان كده عندهم حق يقولوا ان احنا ضيوف فيها لما الكل عاوز يهرب منها زى ماحصل من ناس ايام نكسة 67 ولما انتصرنا73 هم اول ناس رجعوا وبالاحضان يابلادى على حساب دم الشهداء اللى ضحوا بنفسهم انا مش فاهمة عاوزين مين يضحى المرة دى سامحنى على كلامى ده لكن الناس دى تنجح ازاى الا بعقول مستيرة وواعية ومثقفة زى حضراتكم تفتكروا المتخلفين بيعرفوا يعملوا حاجة غير السمع والطاعة اعتبرونا ياعم متخلفين وخدوا بادينا مش تسبوها وهى خربانة وعايزنها تضمك لما ينصلح حالها خواطر swan رابط هذا التعليق شارك المزيد من خيارات المشاركة
أسد بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 <BR>يا جماعه انتوا حارقين دمكم على ايه ... الناس اللي عايشه في مصر معظمهم اتأقلم على النظام ده وبيعتبره الصح وغير كده غلط وميت غلط.<BR>وهتلاقي ناس عماله تقرأ الموضوع ده وبتقول في بالها المصريين اللي في الخليج دول شكلهم اتجننوا ولا حصلهم غسيل مخ. ايه الحاجات الغريبه اللي بيتكلموا فيها دي ... لكن مسيرهم هيرجعوا مصر وينسوا النظام والكلام الفاضي اللي اتعلموه في الخليج ويعشوا زي البشر الطبيعيين.<BR>الخلاصه اللي وصلت لها من بدري يا جماعه هي إن اللي تجيله فرصه يخرج من مصر سواء لعمل أو هجرة ويعيش ويربي عياله في مجتمع محترم يبقى بيجرم في حق نفسه وعياله لو رفض. الأمل لإصلاح أحوال البلد هو في المصريين الذي تربوا على قيم تختلف عن السائدة في مصر حاليا وهؤلاء قلة قليلة في مصر والأغلبية خارجها. أما الأصناف اللي بتحكوا عنها فانا رامي طوبتها من زمان.<BR><BR><BR><BR>بالتأكيد .. أنه من غير المعقول أن نترك بلادنا ونعيش في بلاد أخرى .. ستظل مصر هي الوطن .. حتى ولو كان بها بعض المشاكل . او الكثير من المشاكل .. صحيح ... أن مصر بها مشكلات كبيرة ... ولكن إن شاء الله الفرج قريب .. أما أن نترك بلادنا ونسافر أو نهاجر .. نحن نعمل في الخليج العربي من أجل أن نحسن أوضاعنا .. حتى نعود في وضع أفضل مما كنا نحن عليه .. ولم نكن قد تركنا بلدنا لنعود إليها بعد ما يتصلح حالها هي .. لأننا لما نكون في وضع أفضل سيمكننا أن نعمل لها بشكل أفضل .. وإذا أتيحت لنا أن نربي أولادنا بشكل أفضل .. فليس معنى هذا ان نرسل بهم إلى بلاد أخرى .. بل ان نعيدهم إلى مصر ليكونوا هم الجيل الجديد الذي سيبني مصر .. نحن للأسف الشديد نعيش في بلاد الخليج مواطنونمن الدرجة الثانية أو الثالثة .. ونتحمل هذا الوضع .. بالرغم من أن المحفظة بها مبلغ محترم .. والبنك به رصيد .. والسيارة فاخرة مكيفة 8 سلندر .. إلا أنهم في تلك البلاد يصرون على إعتبارنا مخلوقات من الدرجة الثانية أو الثالثة ... لا تنسى هذا .. كندا تستقبل مئات من المتقدمين سنوياً .. وكل دول العالم التي تقبل الهجرة .. أقصد الدول المتحضرة والكبرة يستقبلون عدة آلاف سنوياً .. من مصر .. لا يصلون إلى عشرة آلاف في كل الدول كندا وأمريكا واستراليا ونيوزيلندا ..... وأوروبا .. أقصد من يهاجر بصورة شرعية . فماذا عن باقي الثمانين مليون .. نحن ننتقد أوضاعاً غريبة .. إلا أننا مع ذلك لا نكره مصر .. بل نذوب فيها عشقاً .. النظام الحاكم محتاج يتغير .. والناس محتاجة مزيد من الإهتمام والتمدن والتحضر .. وده مش حيحصل لما نرمي طوبتها وطوبتهم ... في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
Diab بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 قشطة جدا الديك بيدن أنا فاكر بيت الشعر ده كان متعلق علي مبني رمسيس في مدرسة السعيدية ايام ثانوي دقـــات قلــب المــرء قائــلة لـه .. إن الحيــــاة دقائـــق وثـــواني الله يرحمه كان علي نياته قوي :happy: أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
Om Zayd بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 مدير جديد لمدرسة ابنى شكله متشدد قوى وحنبلى من اول يوم منع اولياء الامور من دخول المدرسة مع اولادهم قال سيبوا الاولاد يدخلوا لوحدهم واحنا هنهتم بكل حاجة وموقف ميس مخصوص لاصطحاب اطفال الحضانة والكبار يدخلوا لوحدهم لكن ازاى الكلام ده معجبش الستات قبل الرجالة ولما فتحت بقى اتكلم ان ده كويس وفى مصلحة الاولاد عشان الزحمة والفوضى قالوا لا واحنا فى مدرسة حكومى حيمشيناعلى كيفه كل واحدة عايزة تدخل مع ابنها وتحضر الطابور وتروح معاه الفصل وتاخده على حجرها وتديله الببرونة كمان حتى لو فى اعدادى ماهو بفلوسهم بقى انهاردة اتأخرنا على ميعاد الطابور شوية طبعا كاان اوامر اللى يتاخر يقف على جنب بعيد وعمل الطابور فى اكتر من ربع ساعة لانه كان مصر على الاذاعة المدرسية و نشيد بلادى والراجل يعينى الظاهر عنده ضمير ووطنية معجبوش الاداء اصر يعيدوه والا محدش طالع الفصل والاهالى برة على اخرها عاوزة تتعارك معاه طابور ايه وقرف ايه وبعدين فين هى بلادى دى اللى لسة بيغنولها بعد الطابور ماطلع ذنب الاطفال المتأخرين ابتدائى واعدادى برفع ايدهم لفوق شوية وبعد كده امر يلموا كام ورقة فى الحوش كعقاب على التأخير عن نفسى انا مزعلتش عشان فيها يعنى لما العيل يتعلم حاجة صح وبعدين انا باخليهم ينظفوا فى البيت وبعلمه مافيش فرق بين نظافة البيت ولا نظافة الشارع ولا المدرسة ثوانى وقامت المعركة وزعيق واقتحام للمدرسة احنا مش بندفع عشان ولادنا ينظفوا ادخلوا فى الزمن المحدد للطابور والفسحة واخيرا كانهم على حق ايه يعنى اللى حصل لما الاولاد يتأخروا 5 دقايق او حتى نصف ساعة يجواالمدرسة بمزاجهم ومن غير عقاب يطلعوا فصولهم حاول يفهمهم ان ده نظام ودى سياسة مدرسة ولما ملقاش فايدة قالهم اللى مش عجبه ياخد ابنه يوديه مدرسة تانية يعنى الاهل هم اللى بيغرسوا فى اولادهم عدم احترام المواعيد والنتيجة تلاقى ان العيال شبت وهم فاقدين الاحساس بالزمن و قيمته يعني أدخل الولد مدرسة إيه؟؟؟؟ أعلمه في البيت؟؟؟؟ محدش يقولي ارجعي انجلترا تاني تصدقوا بفكر جديا اعمل مدرسة -عايزاها فصل او اتنين لكل صف- أنقي التلامذة و اهاليهم كمان و اعلمهم فيها تاريخهم الحقيقي و دينهم بجد ,, ازاي يشتغلوا مع بعض مش ينافسوا بعض .. يقروا و يفكروا و ينقدوا و يبتكروا و الأهم ... ميخافوش غير من الله سبحانه و تعالى يمكن كدة أنا حنبلية أوي .. بس ده يشرفني رابط هذا التعليق شارك المزيد من خيارات المشاركة
Om Zayd بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 (معدل) يا جماعه انتوا حارقين دمكم على ايه ... الناس اللي عايشه في مصر معظمهم اتأقلم على النظام ده وبيعتبره الصح وغير كده غلط وميت غلط. وهتلاقي ناس عماله تقرأ الموضوع ده وبتقول في بالها المصريين اللي في الخليج دول شكلهم اتجننوا ولا حصلهم غسيل مخ. ايه الحاجات الغريبه اللي بيتكلموا فيها دي ... لكن مسيرهم هيرجعوا مصر وينسوا النظام والكلام الفاضي اللي اتعلموه في الخليج ويعشوا زي البشر الطبيعيين. الخلاصه اللي وصلت لها من بدري يا جماعه هي إن اللي تجيله فرصه يخرج من مصر سواء لعمل أو هجرة ويعيش ويربي عياله في مجتمع محترم يبقى بيجرم في حق نفسه وعياله لو رفض. الأمل لإصلاح أحوال البلد هو في المصريين الذي تربوا على قيم تختلف عن السائدة في مصر حاليا وهؤلاء قلة قليلة في مصر والأغلبية خارجها. أما الأصناف اللي بتحكوا عنها فانا رامي طوبتها من زمان. اسمحلي .. انا رجعت عشان ابني.. مش عايزاه يبني بلد غيره و يسيب مصر تخرب كمان مرضالوش انه يا إما يعيش هناك من غير جذور و غريب ,, يا إما يندمج في مجتمع غريب و ربنا وحده هو اللي يعلم عقيدته هو و أولاده يجرالها إيه حنبلية انا أوي تم تعديل 22 سبتمبر 2010 بواسطة Om Zayd رابط هذا التعليق شارك المزيد من خيارات المشاركة
se_ Elsyed بتاريخ: 22 سبتمبر 2010 كاتب الموضوع تقديم بلاغ مشاركة بتاريخ: 22 سبتمبر 2010 قشطة جدا الديك بيدن أنا فاكر بيت الشعر ده كان متعلق علي مبني رمسيس في مدرسة السعيدية ايام ثانوي دقـــات قلــب المــرء قائــلة لـه .. إن الحيــــاة دقائـــق وثـــواني الله يرحمه كان علي نياته قوي :happy: إنت قديم يا دبدوب .. وشكلك أخر مرة شوفت سور المدرسة كانت في أيلول سنة 74 ... لإن ذات هو نفس السور مكتوب عليه في الوقت الحالي دقات قلب المرء بتنادي له وبتقول له يادلعدي الوقت بقى بالكيلو مع تحيات المعلم عكوه .. إحنا مش لسه بنتكلم عن النصاية والربعاية والتُت والشرذ وكل مقاييس الأحجام .؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
لولا بتاريخ: 22 سبتمبر 2010 تقديم بلاغ مشاركة بتاريخ: 22 سبتمبر 2010 والله انت موهوب بجد مفيش كلام ولازم تتخصص فى الكتابات الساخره المبكيه فى نفس الوقت .. ماهو ده الواقع للأسف انا بقرا حكاياتك وقلبى بيوجعنى والله.. بفكر ديما اننا اتأخرنا فى كل شيء ودمرنا كل شيء جميل الوقت مبقاش ليه قيمه والإحساس مابقاش موجود والتشوه طال كل شيء.. السنه دى فى رمضان كنت بتفرج كل يوم على برنامج خواطر اللى بيأكد مفهوم "الإحسان" ومعناه العميق ياترى محتاجين كام الف سنه نصلح فيها كل اللى اتدمر واتشوه دوت ؟؟ وياترى هو اصلا هيتصلح ؟؟ لو كانت القيم ضايعه من اباء هذا الجيل اللى مفروض بيربوا جيل جديدالجيل اللى هيطلع دوت هيبقى شكله ايه اصلا وهيجيب الإلتزام منين والإحساس بقيمه الوقت من اساسه . كل سنه وانت طيب بقى ... متأخر طبعا زى كل حاجه :blink: :lol: لولا طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
se_ Elsyed بتاريخ: 22 سبتمبر 2010 كاتب الموضوع تقديم بلاغ مشاركة بتاريخ: 22 سبتمبر 2010 كل سنه وانت طيب بقى ... متأخر طبعا زى كل حاجه :blink: :lol: لولا لولا سلامك سبق كلامك ... كنت هبدتك إنذار كسر عظامك ... وإنتي طيبة يا شاعرة المحاورات الأولى مش عارف ليه بتفكريني بسومه العاشق حساس الجيل في فيلم طير إنت هههههههههههههه الوقت مبقاش ليه قيمه والإحساس مابقاش موجود والتشوه طال كل شيء.. شوفي اللي أنا بأركز عليه إن مش كل حاجه نلوم عليها الحكومة ونشتمها ... لإن إحنا كافراد حلقة من حلقات المشكلة وسبب من أسبابها وإن كان هناك عُذر يُلتمس لنا .. فهو " ردة الفعل الغير مباشرة في إتجاه أخر مختلف" هاشرح إزاي أنا دايماً بأضرب مثل ببهدلة ممتلكات الحكومة ... أو إني أركب الأتوبيس ومعايا موس صغير وأبتدي في الخباثة أقطع في الكراسي الأسفنج ... طب ليه يا عم المُفسد بتعمل كده ؟ ممكن ما تلاقيش إجابة .... لكن العقل الباطن بيحرك الواحد واللي بيخلية ينتقم من اي حاجه حكومية عشان هو متضايق من البطالة متضايق من تزوير الإنتخابات ... إلخ إلخ طب مخالفة النظام أو التخلي عن المباديء او عدم الإحساس بقيمة الوقت مرجعة إيه ؟ في رأيي ..... هو ردود أفعال من عينة " اللامبالاة " حتى بتوصل إلى إن الإنسان بيضُر نفسه بتلك الأفعال .. لكن مش فارقه معاه يعني حاجه كده زي ... إن شالله تولع ..... دي بلدهم مش بلدنا ... ضربوا الأعور على عينه ..... وخدي عندك حاجات كتير من هذا القبيل .... هاخرج شوية عن الموضوع وأرجع تاني بسرعه عشان الدنيا بره برد ومش عاوز أستهوى ههههه شوفتي يا لولا المزيج والتركيبة الأمريكية ؟ يا نهار أبيض هنود حمر على زنوج على لاتينيين على صينيين على أوروبيين من مختلف الأعراق على عرب ... مولد من الثقافات والمباديء والعادات والأخلاق.. ومع ذلك كل ده مضروب في الخلاط وموجود تحت نظام واحد ماشي على الكل دون تفرقة يعني ممكن نقول إن اليابانيين هم ملوك النظام ... لكن هانقول سهله ... جنس واحد ... ثقافة عامة واحدة ... تكوين واحد .. فسهل تطبق عليهم نظام واحد .. طب إيه سر النظام الأمريكي ؟ برضوا رؤيا شخصية ... السر يكمُن في مفهوم ( العدالة الإجتماعية ) أنا انتمي للمكان وأخاف عليه .. لما أحس إن المكان خايف علي ... ممكن نُستدرج إلى سبب بعيد ونادر برضوا وهو ..... أنا ممكن برضوا أكون ملتزم في بلد لا يحقق لي أمان أو عدالة كاملة .. لما يكون في نظام صارم لو خالفته ممكن الاقي نفسي ورا الشمس ... مش عارف ليه تذكرت النظام الروسي بعد الثورة البلشيفية ... لكن والله راجعت نفسي وقلت برضوا كان في شرذه عدالة .... وتوتة خوف على المواطن و سيكيت حياة نضيفة إلى حد ما .... فأتولد عند المواطن الروسي .. الخوف الأول من عقوبة مخالفة النظام ... وكمان إنتماءه لدولة بتحاول تعمل له حاجه وعلى الأقل أهي مخلياه رافع راسة وسط النجع العالمي لإنه بإمكانياته المحدودة وعيشته اللي على قدها دي .. قادر النظام يناطح الغول الأمريكي ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 22 سبتمبر 2010 كاتب الموضوع تقديم بلاغ مشاركة بتاريخ: 22 سبتمبر 2010 شوفتوا الإقتراح بتاع دياب ؟ مختصره .. لو عاوز تعمل حاجه الساعة 6 قول اللي جايلك تعالى الساعة 5 عشان يبقى عندك بفر ومتسع من الوقت ههههههههه حلوه يا دبدوب يا حبيبي إحنا هنا بقينا بنتكلم في أيام وكيلوهات وأوزان تقيلة .... ما هي لو ساعات كنا فعلاً بقينا متزمتين ومحنبلنها شويه .... زي الموقف بتاع أسد في تركيب الأبواب الخشب .. وفجاة تلاقي عُمرك بيروح هدر حصل لي موقفين من جهتين مختلفتين يبعدا عن بعض امتار قليلة تعد على أصابع اليد خلوني أفتخر إني حنبلي لما أكون على حق ... الموقف الأول مع الموزع الأول لتكييف كارير في مصر ... كلنا عارفينه ... ومعرضهم الكبير في شارع مكرم عبيد ... وهدلوني بهدلة حرامي الغسيل اللي أتمسك واتسحب على قسم الوايلي ..... خلاص إحنا جايين نركب التكييفات يا بيه وفي الطريق ........ وشكله كان طريق الهلاك .. او طريق قادم من مجرة أخرى غير تابعة للمجموعة الشمسية .... والموضوع ده أخد عدة أيام .. أضطريت أروح مقر الشركة وأفرج عليهم اللي رايح واللي جاي بالبلدي كده فرشت لهم الملاية ... لإن بوعودهم المتكررة كل مرة وإنهم في الطريق كنت باضطر أقعد زي ست أبوها في البيت منتظرهم وما أعملش أي مصلحة ... منتهى قلة الأدب الجهة الثانية ... معرض محجوب للأدوات الصحية في مكرم عبيد مع تقاطع مصطفى النحاس ... بصراحة شياكة وذوق ونظام وألتزام يخليك تبقى عاوز تبوس كل اللي شغالين هناك - ما عدا البنات عشان عندهم بنات كتير وكده هايبقى تحرش :lol: - بيتهيألي إنهم عرفوا سر الخلطة وإزاي تتعامل مع الزبون وتكسب إحترامه بإحترامك له ولوقته ... تخيلوا بقى صدق المثل بتاع الصيت ولا الغنى ... فالمسافة بينهم وبين السلاب خطوات ... لكن السلاب تحس إنك بتتعامل مع جهة حكومية لا تسعى لتحقيق الربح أو الزبون جاي جاي فهانتعب نفسنا ليه ... إذن الإلتزام والحنبلة مش بس بيريح .. لأ ده بيحقق ربح أهو كمان .... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان