بحيرة البجع - مفاجأة لكل من شاهدها من قبل

[عادل أبوزيد]

وصلتنى فى رسالة على الإيميل و شاهدتها و لم أستطع أن أقاوم إشراككم معى فى هذه المتعة.

الرابط http://www.nzwide.com/swanlake.htm

[aimen]

ممتاز جدا يا استاذ عادل

شكرا على الهدية الجميلة دى

ياترى هل هناك مواقع على النت بها تلك الباليهات

[se_ Elsyed]

أنا لو مش عقلاني ومش بأحب أعطي عقلي لأحد يلعب به

كنت قلت ده " سحر "

مش ممكن يكون في إبداع وتمكُن لهذه الدرجة

الواحد لو جرب يشيل شكارة رز 5 كيلو لمدة 5 دقائق .. دراعه بيتملخ

ما بالنا بالشقلطة والشقلبة دي كلها

شكراً يا أستاذ عادل على الجرعة الفنية العالية دي

[nightmare]

ممتعة ومبهرة فعلاً يا أ.عادل

وعلى الرغم انى واحد من الناس اللى ما بتقدرش تقرأ مخزي الحركات التعبيرية في الفن ده عموماً , لكن بيشدنى جداً درجة اللياقة البدنية العالية والمرونة الرهيبة لمؤدين هذه الأعمال , بصراحة لياقة وقدرة ذهنية وعقلية وبدنية تدعوا للدهشة والمتعة في وقت واحد.bv:-

[se_ Elsyed]

حاولت دلوقت اعمل حركه من دول كإني أقف على طراطيف صوابعي أو أطير في الهوا زي البجعه ... روحت متكعور وواقع على بوز الكرسي والأباجورة وقعت فوق راسي وكان نفوخي هايتفتح وكويس إن العيال نايمين كانوا قالوا بابا إتجنن ..

تفتكروا طريقة رص الحاجات دي في الشقة بتفرق ؟

يعني لو جبت الأباجورة مكان الكرسي ..... والترابيزة بقت على جنب .... ممكن يبقى في أمل وأطير وأرفرف في الفضا ؟

[أبو محمد]

عندما يدعى الصينيون أن سيركهم هو سيرك "عظيم" يجب أن نصدقهم .. لأنهم ناس "جد" .. الإبداع هنا هو تمرين أعضاء السيرك على رقص الباليه .. واختيار أشهر الباليهات لتقديمها بهذا الأسلوب الساحر

أنا معجب جدا بهذا الشعب الذى نهض من تحت الصفر : بعد حرب الأفيون - ليصل إلى تصدير عبد المطلب والثلاثى المرح فى فوانيس رمضان إلينا :blink:

[nightmare]

حاولت دلوقت اعمل حركه من دول كإني أقف على طراطيف صوابعي أو أطير في الهوا زي البجعه ... روحت متكعور وواقع على بوز الكرسي والأباجورة وقعت فوق راسي وكان نفوخي هايتفتح وكويس إن العيال نايمين كانوا قالوا بابا إتجنن ..

تفتكروا طريقة رص الحاجات دي في الشقة بتفرق ؟

يعني لو جبت الأباجورة مكان الكرسي ..... والترابيزة بقت على جنب .... ممكن يبقى في أمل وأطير وأرفرف في الفضا ؟

هههههههههههههههه , موتني من الضحك يا سي السيد , انصحك ما تحاولش تانى , دا الواحد من كثر القعدة على المكتب بدون حراك بقي عامل زي "البجعة" , ده الواحد بيشيل قارورة المياه من العربية للاسانسير وبيقعد ربع ساعة جنبها على ما ياخد نفسه.

ممكن على فكرة تغير وضع الشقة وتحاول الطيران من فوق الدولاب بس افرش الأرض بكام شكارة رمل او كام مرتبة اسفنج نضيف , وياريت كمان تلبس "سترة نجاة" من اجل حماية اكبر , احنا ما نقدرش نستغني عنك .

[عادل أبوزيد]

تصادف وأثناء وجودي فى لندن تواجد تلك الفرقة الصينية و رغم أنه كان رمضان إلا أني حرصت على حضور العرض و كان هناك حفلة ماتينيه وحيدة حضرتها و زوجتي و إبني و زوجته

ما سبق كان إستهلالا لابد منه

لا أستطيع أن أحكي على كم الإبهار فى هذا العرض و المسرح كان كامل العدد رغم أنه حفلة صباحية الساعة إثنين و نصف بعد الظهر و مرت فترة العرض و الجميع يحبس أنفاسه.

فاتني أن أقول أن المجلات و الجرائد هناك إحتفلت بهذا العرض و كان هناك أكثر من ريبورتاج عن "بحيرة البجع الأكروباتية"