تفتكروا مين هيكون رئيس الجمهورية السنة الجاية ؟؟

[doha]

بغض النظر عن رأيك الشخصي في المرشح الي هتختاره فيما لو ذهبت للتصويت ..تفتكر مين هيفوز برئاسة مصر لفترة الرئاسة القادمة .. بغض النظر الفوز هيكون بارادة شعبية حرة او بانتخابات مشكوك في نزاهتها ..

انت ( تتوقع ) مين السنة الجاية هنقول عليه سيادة الرئيس ؟..

ملاحظة :

ياريت محدش يصوت سلبا اوايجابا لاي مشاركه تحتوي على اسم مرشح ما والي عاوز يقول رايه يختار الاسم من التصويت الموجود في الموضوع ..

رايي تلاقوه في المداخلة الجاية ..

تم تعديل 24 سبتمبر 2010 بواسطة doha

[doha]

بغض النظر عن رايي الشخصي في العملية الانتخابية كلها فانا واثقة بنسبة 99 في المائة من فوز جمال مبارك بالانتخابات القادمة او لنقل من ( اعتلاءه ) عرش مصر السنة الجاية على اقصى تقدير ..

قد يكون ماساقوله الآن صادما للبعض خاصة ممن يعولون على البرادعي دفع عجلة التغيير في مصر ..

لا اعتقد ولا بنسبة واحد في المائة ان البرادعي قد يكون الرئيس المصري القادم تماما كما كان اعتقادي في ايمن نور وقت ترشيحه في الانتخابات الماضية .. ليس لان اي منهما لا يصلح او ان قوى خفية ستقف امام وصوله للرئاسة وانما ولانه وكما كان الصباحي او حتى جمعة مجرد ( كومبارس ) صامت في العملية الانتخابية فقد كان نور الذي لم يزد فرقا عن الآخرين الا في كونه ( متكلم ) !! .. في السيزون الجديد لمسلسل الانتخابات المصرية تم اضافة دور جديد لكومبارس متكلم آخر لااظنه ابدا سيحصل في يوم ما على دور البطولة ( اتمنى لو اني مخطئة ) ..

وضعت علامة على اسم جمال مبارك وانتظر ان ارى توقعاتكم ..

ملاحظة : لا يمكن التصويت لاكثر من مرشح كما ان نتيجه التصويت سرية بمعنى لن يعرف احد من تتوقع مالم تعلن انت عن ذلك في مداخلة مستقلة .. خذوا راحتكم ياجماعه ..

[nightmare]

لو استمر هذا الوضع للسنة القادمة بنفس السيناريو الهزلى الحالى , من تزوير ومنع الدستور للأشخاص المحترمين أمثال "محمد البرادعي" و "عمرو موسي" وغيرهم من الترشح من الاساس للإنتخابات .

فلنتيقن تماماً ان الرئيس القادم هو "جمال مبارك" , لان التعديلات الدستورية التى تمت كانت من اجل تمهيد الطريق له وكذلك تولى كافة اتباعه من رجال المال والاعمال الوزارات واستحواذهم بشكل كبير على الإقتصاد المصري , وكذلك اطلاق يده بشكل كبير في الحزب الوطنى ليتولى امين السياسات. كلها دلائل لإعتلائه عرش "الملكية المصرية"

وهذا مالا اتمناه بكل تأكيد.

وأدعو الله لمصرنا الحبيبة بالأمان والإستقرار وأدعو الله أن لا ندخل في دوامة الصراعات السياسية.

مع تحياتى

[se_ Elsyed]

أنا أخترت أبويا الحاج حُسني

لسبب بسيط جداً

حُسني وأوركسترا القاهرة السيفوني اللي حواليه بيعزفوا ويراهنوا على رهان واحد وهو ... إن الراجل عايش أهو بقدرة ربنا طبعاً بدون شك ... ثم عمليات الشد والتجميل والتلزيق اللي بيعملوها له ... وبالتالي هو أجدر بالكرسي اللي بقى جزء من مكونات جسمه

تخيلوا واحد يقعد على نفس الكرسي لمدة 30 سنة ... ده يبقى حته منه

لكن في حالة إن السر الإلهي طلع ... يبقى الدستور برضوا بتاعنا ... والوحيد اللي تنطبق عليه الشروط هو جمال مبارك

لكن برضوا .... تظل هناك أوراق يملكها الجناح العسكري في مصر متمثلة في القوات المسلحة والشرطة .. لأن دول صعب يقبلوا حد من خارج الوسط العسكري لإنه مش هايحس بيهم ... دي حاجه ... والحاجه الاهم هي الياغمه اللي عايشين فيها دلوقت من إمتياازت مادية .. ونفوذ وسلطة بدون رادع ولا رقيب ... ... فأي لواء شرطة أو جيس بيقرب يطلع عالمعاش لازم بينفحوه نفحه ترم عضمه ... فيا إما يمسكوه محافظ يا إما حاجه في المحليات .. وربنا ما بينساش حد ... وكل هذا تحت غطاء " الولاء للحاكم "

يعني بالبلدي إطعم الفم تستحي العين بدل ما حد فيهم يقل عقله ويعمل فيها تنظيم العساكر الأحرار او يلعب في دماغ عيال غلابة زي بتوع الأمن المركوي وينزلوا يحتلوا البلد في ثواني كما حدث في الثمانينات ...

وبالتالي فرصة جمال ضعيفة ...

حتى جمال سليمان نفسه لا تنطبق عليه شروط الترشيح .. فلا هو رئيس حزب . ولا هو عضو هيئة برلمانية عليا في حزب ....

بالمختصر المفيد ... الصورة ضبابيية .... وهذا المبارك خلق حالة من عدم الأستقرار السياسي .... ودمر كل الجسور المؤدية إلى مستقبل محترم ومشرق للبلد

[Sinator]

حسني مبارك

و بعدين لما يموت و علشان ميحصلش بلبلة و يحافظ الكيان الجمهوري على نفسه

سيتولى شخص من الحسب الوطني الرئاسة لفترة مؤقته و هيكون

جمال مبارك

و خلال الفترة دي هينعنشوا الشعب شوية بحيث يكون أفضل أختيار هو بقاء جمال مبارك

سهلة يعني مش معضلة

تم تعديل 24 سبتمبر 2010 بواسطة Sinator

[ozoozo]

اظن انه قله ادب ومن عدم اللياقه نتكلم عن رئيس اخر غير مبارك وهو مازال علي رأس السلطه.........................وش مفيد شهاب:happy:

[matzakos]

يا جماعه احنا ضيوف عليهم و كتر خيرهم إنهم مستحملين الشعب الرخم ده

ال 84 مليون دول لازم يتعلموا الادب شوية وهما بيتكلموا عن الزعيم القائد .... الشعب هوا اللي في خدمته مش هوا و العياذ بالله اللي يخدم الشعب ....

الله يخربيت أوباما على دافيد كاميرون على ميركل على ساركوزي على بيرلسكوني عالكل كليلة ...... الناس دي فاهمه غلطة .....شعوبهم بتختارهم و هما بيفهموا انهم موظفين عند الشعوب دي ...... في حين المفروض يتعلموا مننا ويبقى الشعب هو اللي موظف لخدمة هؤلاء الكبار

أأأأأأأأه

[mamdowh]

الإجابة لما سيادته يموت (برضك الناس مقامات)أفكر

[أبوعمار]

بسم الله الرحمن الرحيم الإجابة رقم 2

"ومبارك" علينا الحفاظ على مكانتنا العظيمة بين الدول, والمستوى الاقتصادي للمواطن الذيتحسدنا عليه الدول المتقدمة والنامية, الأسلوب الآدمي الذي يعامل به المواطن في كل مكان وبالذات أقسام البوليس,

"مبارك" علينا كل النعيم اللي احنا فيه يا قلبي

تم تعديل 25 سبتمبر 2010 بواسطة أبوعمار

[raouf]

انا اتوقع عكس ما توقعتم تماما

ولا حد من دول هيمسك

اتوقعه شخص لم يتوقعه احد

يمسك فترة انتقالية حتى يغير جمال مبارك الابن صورته مع الشعب ومع امريكا

او ان تظهره الصورة على هيئة المنقذ

وعندى سؤال ليه محدش توقع ان وزير الدفاع او فتحى سرور يمسك الرئاسة بصر النظر عن موضوع الدسنور لان ممكن يتفصل على اى منهم فى يوم وليلة ؟

السيناريو اللى مخوفتى فعلا هو ادخال البلد فى حالة فوضى واحتفان طائفى وشدة ودن مع اسرائيل لايضاح ان الافضل لامريكا واسرائيل الا يخرج الجكم عن الرئيس مبارك او ابنه

تم تعديل 25 سبتمبر 2010 بواسطة raouf

[Mr MAGED]

يا أخت ضحي

البرادعي ونور وعمر سليمان مش من حقهم يترشحوا

ده طبعا بسبب الدستور اللي اكيد مش هيتغير

وطبيعي مافيش غير ابن مصر هو اللي هيتولاها

انا بس خوفي من الاستفتاء بتاعك ده ... ان الصحف القومية تطلع بكرة وتقول

ان محاورات المصريين بتأيد ترشيح ابن مصر

تحياتي

تم تعديل 25 سبتمبر 2010 بواسطة INVESTOR

[جسار]

قال يعنى فيه أختيارات ، الأجابة طبعا معروفة اللى حيمسك الريس هى أم جلجل

لان لو الراجل مات حتبقى هى الملكة اللأم ، ولو ربنا نفخ فى صورته حتبقى ملكة

زى ماهى ، والفرق بينها وبين نازلى أن معاها دكتوراة فخرية مش أى كلام يعنى

[المهندسه]

انا لسه ما فكرتش بصراحه كل ما جى افكر احس بخوف عارفين ليه؟؟؟

مصر دايما مطمع جامد وده احنا متأكدين منه...انهم ما هيصدقوا يدخلوها ...لكن مصر فى امان بقالها كتير بغض النظر عن السبب

اذا كان رئيسنا يتمتع بدبلوماسيه و شخصيه قويه قادره على صدهم او انه مطاطى للريح و الطوفان علشان يصدهم

المهم ان النتيجه واحده ان مصر فى امان مفيش حروب مع ان الغرب نفسه فى كده ..

بغض النظر عن حسن الرئيس او سوءه فياريت اليجى بعده يكون قادر على صد اعداء مصر و الاحتفظ بأمان مصر

هفكر شويه و اقولكم

[sarmar]

قال يعنى فيه أختيارات ، الأجابة طبعا معروفة اللى حيمسك الريس هى أم جلجل

لان لو الراجل مات حتبقى هى الملكة اللأم ، ولو ربنا نفخ فى صورته حتبقى ملكة

زى ماهى ، والفرق بينها وبين نازلى أن معاها دكتوراة فخرية مش أى كلام يعنى

[/quote

بكرة يخيب ظنكم وهتكون انتخابات نزيهة جدا وسيكون فوزا ساحقا وباغلبية لم يسبق لها مثيل من كافة قوى الشعب 99.99% لصالح فتى الامة ومستقبل المصريين الابن البار اننى ادعوكم جميعا لانتخاب سيادتة رئيسا على كل ربوع مصر

وخلوها بيدى لابيد عمر فاهمين ؟؟؟

[شريف مان]

لو حسنى دخل يبقى هوا

لو جيمى دخل بقى هوا

لو سوزان دخلت تبقى هيا

المهم واحد من الاسرة المالكة

وبعدها تبقى مملكة مبارك العربية

[hOuSsAm]

انا شايف ان حسنى مبارك هو الريس السنة الجاية باذن الله

ده لو احنا عشنا وقدرنا نشوف

[المهندسه]

قال يعنى فيه أختيارات ، الأجابة طبعا معروفة اللى حيمسك الريس هى أم جلجل

لان لو الراجل مات حتبقى هى الملكة اللأم ، ولو ربنا نفخ فى صورته حتبقى ملكة

زى ماهى ، والفرق بينها وبين نازلى أن معاها دكتوراة فخرية مش أى كلام يعنى

والنبى عندك حق يا اخويا ههههه

حلوه بجد

[shawshank]

أتوقع حدوث فوضى كبيرة في العام 2011، واغتيال جمال مبارك، ثم هروب الفاسدين وعلى رأسهم حسني مبارك خارج مصر. ويتنهي الأمر بالبرادعي أو عمرو موسى رئيسًا.

[doha]

قال يعنى فيه أختيارات ، الأجابة طبعا معروفة اللى حيمسك الريس هى أم جلجل

لان لو الراجل مات حتبقى هى الملكة اللأم ، ولو ربنا نفخ فى صورته حتبقى ملكة

زى ماهى ، والفرق بينها وبين نازلى أن معاها دكتوراة فخرية مش أى كلام يعنى

بجد فاجئتني الخيار ده عمره مادار في مخيلتي واعتقد برغم ( منطقية ) الفرضية الا انها تبقى بعيده عن التطبيق في بلد زي مصر .. برغم اننا في بلد العجائب بس العجيبة دي اظنها مازالت بعيده ..

بالمناسبة وبما ان التصويت اظهر تفوق حسني مبارك وبوضوح عن ( منافسيه ) .. عندي تساؤل

هل حد من الي متوقع استمرار حسني مبارك في الرئاسة شاهد بتأمل صوره الاخيرة والي بتنشرها من وقت لآخر وسائل الاعلام ( العالمية) بل وبعض صحفنا احيانا ..

مش عارفه بس بيتهيء لي ان الحالة الصحية اصبحت حرجة جدا والاستمرار فيه مجازفة جامده خاصة والموضوع هيمتد عدة سنوات قدام معتقدش ان حسني مبارك ممكن يترشح مرة تانية للرئاسة الا اذا تم تعيين جمال مبارك بشكل رسمي نائب له ..

ومازلت في انتظار مزيد من التكهنات ...

[aimen]

وحدوه

لا دايم غير الدايم

انا من رأى الرفيق shawshank