تفتكروا مين هيكون رئيس الجمهورية السنة الجاية ؟؟

[اغابي]

طبعا جيمي حبيب الملايين

ما تفهمنيش غلط جيمي داه مش اسم

.....

لا داه اسم الدلع لجمال مبارك

هو الرئيس القادم لا مفر

وياريت نفوق من الاوهام دى

مفيش غيره رئيس قادم

:P

جيمي حبيب الملايين

اغابي

[engmido]

هناك سؤال اهم يطرح نفسه

هو ....طبعا الاعمار بيد الله..ولا احد يعلم من يعيش ومن يموت ولا متى يموت

ولكن هل الحكومة والناس اللى فى الحزب عاملين سيناريو لما بعد وفاة مبارك

انا اتكلم عن السيناريو الخاص بهم والذى سينفذونه رغم انف الجميع وليس الانتقال الامن للسلطة والوضع القانونى والدستورى

ايه هو السيناريو المتوقع...وكيف يتم تنفيذه ؟؟؟..... لانه وارد فى اى وقت ان يحدث ذلك وربنا يستر

اعتقد هذا السؤال هو الاهم فى هذه الاونة

[Sinator]

قال يعنى فيه أختيارات ، الأجابة طبعا معروفة اللى حيمسك الريس هى أم جلجل

لان لو الراجل مات حتبقى هى الملكة اللأم ، ولو ربنا نفخ فى صورته حتبقى ملكة

زى ماهى ، والفرق بينها وبين نازلى أن معاها دكتوراة فخرية مش أى كلام يعنى

بجد فاجئتني الخيار ده عمره مادار في مخيلتي واعتقد برغم ( منطقية ) الفرضية الا انها تبقى بعيده عن التطبيق في بلد زي مصر .. برغم اننا في بلد العجائب بس العجيبة دي اظنها مازالت بعيده ..

بالمناسبة وبما ان التصويت اظهر تفوق حسني مبارك وبوضوح عن ( منافسيه ) .. عندي تساؤل

هل حد من الي متوقع استمرار حسني مبارك في الرئاسة شاهد بتأمل صوره الاخيرة والي بتنشرها من وقت لآخر وسائل الاعلام ( العالمية) بل وبعض صحفنا احيانا ..

مش عارفه بس بيتهيء لي ان الحالة الصحية اصبحت حرجة جدا والاستمرار فيه مجازفة جامده خاصة والموضوع هيمتد عدة سنوات قدام معتقدش ان حسني مبارك ممكن يترشح مرة تانية للرئاسة الا اذا تم تعيين جمال مبارك بشكل رسمي نائب له ..

ومازلت في انتظار مزيد من التكهنات ...

لا طبعا أنتي مش واخدة بالك واللا أيه ؟

مش بتقري جرايد واللا أيه؟؟

دة الريس حسني مبارك بيروح أيطاليا و تركيا و روسيا يعمل شغل جامد هناك

و بيروح شرم الشيخ يستضيف ناس مهمه

و بيعمل نشاط كبييييييير جدا جدا

و بيصدر قرارات جمهورية كتيييييييييير ( بنفسه) و بيزور في المناسبات و الطهور

دة الريس نشيط جدا

و رياضي

[ozoozo]

يصراحه انا زهقت ونفسي يكون في استفرار وبس

فاي واحد يمسك ويخلصنا فلو كان جمال هو الحل لكل مشاكلنا هاتوه ونخلص بقي لاني بجد..........تعبت

[shawshank]

حتى جمال سليمان نفسه لا تنطبق عليه شروط الترشيح .. فلا هو رئيس حزب . ولا هو عضو هيئة برلمانية عليا في حزب ....

والأهم من كده إنه مش مصري :D

[herohero]

جمال مبارك

وهو اخف الضررين يعني كل الخيارات

اما طويل العمر او جمال او حد من المؤسسة العسكرية

يبقى جمال مبارك ارحم اهو نرتاح من هم المؤسسة العسكرية

رغم انها خربانة يعني بفكر اللي هيحكم مصر هيلاقي فاضل فيها ايه

غاز ولا زراعه ولا تعليم ولاصحه ولا ايه بالظبط

انا ومحدش يقولي متشائم بس هو فاضل شيئ لم يدمر حتى احنا بقينا مهزومي نفسيا وصحيا طبعا لا ينكر احد معدل السرطانات والكبد الوبائي والكلي والسكر

بحس كده اننا هنبقى بعد سنوات معدودة شعب مريض محتاج شعب تاني يشتغل وينتج

[doha]

طيب سؤال ثاني دار في ذهني وهو عكس الاولاني ..

بما اننا معتادين ـ ومن فترة طويلة ـ ان اصحاب المناصب اصبحوا يهبطون عليها ( بالباراشوت ) .. يعني مين مثلا كان يتوقع ان ابن زكي بدر ـ مع احترامي . هيكون مرشح كوزير للتعليم فضلا عن انه يمسك المنصب فعلا ..

منين هبطت علينا حكومة رجال الاعمال بدئا من المغربي ومرورا بمنصور وانتهاء بعز ..

اعتقد ان ايا منا مكانش يتوقع ابدا او على الاقل كان يستبعد اسماء الشخصيات دي كمسؤولين في الحكومة ده ان كان عارفهم اصلا من قبل توليهم للمنصب ..

طيب لو افترضنا ان نفس الامر ممكن يحصل مع الرئاسة المصرية ..

تفتكروا مين ابعد شخص في الدنيا لايمكن يجي تفكير حد انه يكون رئيسنا.. على اعتبار يعني ان ابعدهم عنها هو في الواقع الاقرب على توليها ..

عن نفسي بقول ابعد اسم ممكن اتوقعه هو بطرس غالي .. تفتكروا ؟

طيب انتم تتوقعوا مين الريس ومين ابعد مايكون عن الرئاسة ..

ارموا مراهناتكم هنا برضه ..

[م تيمور المراغي]

اتمنى عمر سليمان ,,

[doha]

اتمنى عمر سليمان ,,

تتمنى ولا تتوقع ؟ اصلها تفرق ..

بالتاكيد كل واحد فينا او لنقل الاغلبية لديها امنيات لشخص بذاته سواء من المطروح في القائمة اعلاه او على الاقل ميكونش منهم .. بس طبعا موضوعنا هنا مش عن مانريده وانما مانتوقع او ( ننتظر ) حدوثه ..

على كل حال ربنا يخيب الظن الوحش ويولي علينا الي فيه الخير سواء كان عمر او حتى جمال بس يكون خير ..

تم تعديل 28 سبتمبر 2010 بواسطة doha

[شريف مان]

هوا فى حد أصلا على الساحة

أى حد الناس تحبه لازم يتفور

وعمرو موسى ابسط مثال لما ضحكوا عليه بكلية الدول العربية

فبالتالى مفيش حد نقدر نختاره

عندى احساس ان ربنا هينقذنا وياخد جمال فى حياة ابوه

عشان نستريح من الاثنين

وساعتها يحكم مصر الرجل الكفء صفوت الشريف

mfb:

[م تيمور المراغي]

اتمنى عمر سليمان ,,

تتمنى ولا تتوقع ؟ اصلها تفرق ..

بالتاكيد كل واحد فينا او لنقل الاغلبية لديها امنيات لشخص بذاته سواء من المطروح في القائمة اعلاه او على الاقل ميكونش منهم .. بس طبعا موضوعنا هنا مش عن مانريده وانما مانتوقع او ( ننتظر ) حدوثه ..

على كل حال ربنا يخيب الظن الوحش ويولي علينا الي فيه الخير سواء كان عمر او حتى جمال بس يكون خير ..

ليكي حق الموضوع عن التوقعات وليس الاماني ,, :blush2:

حيكون مين غيره !!! ’’هو بشكله ب ( تيييت ) بوشه العكر ,,, ههههه طبعا

تم تعديل 28 سبتمبر 2010 بواسطة architect

[م تيمور المراغي]

هوا فى حد أصلا على الساحة

أى حد الناس تحبه لازم يتفور

وعمرو موسى ابسط مثال لما ضحكوا عليه بكلية الدول العربية

فبالتالى مفيش حد نقدر نختاره

عندى احساس ان ربنا هينقذنا وياخد جمال فى حياة ابوه

عشان نستريح من الاثنين

وساعتها يحكم مصر الرجل الكفء صفوت الشريف

mfb:

اي ي ي ي ي ي :sad:

ابوس ايدك بلاش ده,, اي حد يحكم حتى لو جمال الغندور بس بلاش صفصف هههههه

[shawshank]

... ومين ابعد مايكون عن الرئاسة ..

حسن أحمد عبد المجيد فكري ... أي مواطن عادي بسيط صالح ماشي في الشارع.

[Diab]

أتوقع حدوث فوضى كبيرة في العام 2011، واغتيال جمال مبارك، ثم هروب الفاسدين وعلى رأسهم حسني مبارك خارج مصر. ويتنهي الأمر بالبرادعي أو عمرو موسى رئيسًا.

سيناريو مخيف :unsure:

[م تيمور المراغي]

... ومين ابعد مايكون عن الرئاسة ..

حسن أحمد عبد المجيد فكري ... أي مواطن عادي بسيط صالح ماشي في الشارع.

بكره زوار الفجر حيمسكوا حسن احمد عبد المجيد ده وحيكسروا دماغه وحيدغدغووووه ,, ههههههه swar:: mf( mc:

ذنبه في رقبتك يا شاوشانك

[shawshank]

أتوقع حدوث فوضى كبيرة في العام 2011، واغتيال جمال مبارك، ثم هروب الفاسدين وعلى رأسهم حسني مبارك خارج مصر. ويتنهي الأمر بالبرادعي أو عمرو موسى رئيسًا.

سيناريو مخيف :unsure:

الواقع طلع أجمل من التوقعات