انت ساكن فى الادوار العالية - طب تعالى احكيلك

[اغابي]

اصل انا كمان من سكان الادوار المرتفعة انا ساكنة فى الدور الخامس

وبما ان المفروض حالا وبعد الخبر اللى سمعته داه انى ادور على سكن فى الدور الارضي

فقررت انى ادردش معاكم عن استاذنا انشتاين ونظريته

اللى بتقول من الاخر كدا

اللى ساكن الادوار العالية حيعجز بسرعه

الخبر بيقول

آينشتاين كان على حق: العيش في الأماكن المرتفعة خطر

أبرزت صحيفة «الاندبندنت» البريطانية، خبرا يثبت صحة «النظرية النسبية»

للعالم الألماني ألبرت آينشتاين، حيث أظهرت تجارب علمية دقيقة أخيراً مخاطر العيش في الأماكن المرتفعة حيث يؤدي ذلك الى التقدم في العمر بشكل سريع.

ووفقا لما جاء في الصحيفة فقد أظهرت أكثر ساعات العالم دقة كم كان البرت آينشتاين على صواب قبل مئة عام، حين خرج بنظريته التي مفادها أن الوقت هو مفهوم نسبي وانه كلما عشت في مكان اكثر ارتفاعاً من مستوى سطح البحر، تقدمت بالسن بشكل أسرع.

وأظهرت التجارب مخاطر العيش في منزل بالطابق العلوي وذلك تأكيدا لما أشارت اليه النظرية النسبية من أن الزمان والمكان ليسا ثابتين كما تفترض الحياة اليومية، وأن الثابت الوحيد الحقيقي هو سرعة الضوء، بمعنى أن الوقت يمكن أن يمر بشكل أسرع أو أبطأ استناداً الى مدى ارتفاعك، ومدى سرعتك في السفر.

وبرهن علماء من المعهد الأميركي الوطني للمعايير والتكنولوجيا في بولدر بولاية كولورادو على أن الطبيعة الحقيقية لنظرية آينشتاين للمرة الأولى بواسطة ساعة ذرية دقيقة للغاية قادرة على الحفاظ على الوقت بثانية واحدة في نحو 7.3 مليار سنة، وهو طول الوقت نفسه تقريباً لوجود الحياة على الأرض.

آينشتاين

[nightmare]

وانا بقول برضه الواحد بقي عامل زي الكهل كده ليه مع انى في عز شبابي:lol:

مشكلة الأدوار العالية فعلا في حالة التقدم بالعمر ولو لاقدر الله الاسانسير معطل او شيء , المشكلة دي بيعانى منها عمى جداً وبشكل مستمر , عمره 62 عام وعنده النقرس "ربنا يعافينا جميعا" ولما الأسانسير يعطل بيقعد لغاية لما يتصلح , حلنى بقي يوم او اثنين او اسبوع , هوه مربوط في شقته ولاعارف يروح يمين ولا شمال.

علشان كده نصحنى وقالى اخرك لما تيجي تشتري شقة يبقي الدور الثانى على أقصي تقدير. انما حكاية العمر دي بإيد ربنا عز وجل, لما الادورا العالية هتنقص العمر والسجاير بتنقص العمر والزهق والزعل ينقص العمر , طب وبعدين اعمل انا ايه دلوقتى هو العمر فيه قد ايه علشان كل واحد ييجي ياخد منه شوية.

مع تحياتى

[osama akwi]

بصراحة دي موضوع جديد وأنا غير نادم علي قراءة المعلومة التي أسمعها لأول مرة ، لأني بالفع إشتريت قريبا شقة بالدو الثاني عشر ، وأنا سعيد بهذا واما بخصوص عواقب السكن في الأدوار العليا فهو متواضع بالنسبة الي المخاطر التي نعيشها في مصر كل ثانية مثل التلوث البيئي والسمعي والي أخرة ، فتكون الأدوار العليا رحمة من مخاطر في نظري أشد وأقوي من زيادة العمر ، تحياتي للجميع وصباحكم نادي

[akramgroup]

طيب بردوا انا مش فاهم اى حاجة وجهة النظر دى يعنى غريبة اوى

يعنى حاولى تبسيط الفكرة حبتين

احسن انا شقتى فى مصر فى الدور ال16

وانا خايف انزل اجازة طويلة شوية الاقينى عجزت فيهم :)

تحياتى

اكرم,,

[اغابي]

وانا بقول برضه الواحد بقي عامل زي الكهل كده ليه مع انى في عز شبابي:lol:

مشكلة الأدوار العالية فعلا في حالة التقدم بالعمر ولو لاقدر الله الاسانسير معطل او شيء , المشكلة دي بيعانى منها عمى جداً وبشكل مستمر , عمره 62 عام وعنده النقرس "ربنا يعافينا جميعا" ولما الأسانسير يعطل بيقعد لغاية لما يتصلح , حلنى بقي يوم او اثنين او اسبوع , هوه مربوط في شقته ولاعارف يروح يمين ولا شمال.

علشان كده نصحنى وقالى اخرك لما تيجي تشتري شقة يبقي الدور الثانى على أقصي تقدير. انما حكاية العمر دي بإيد ربنا عز وجل, لما الادورا العالية هتنقص العمر والسجاير بتنقص العمر والزهق والزعل ينقص العمر , طب وبعدين اعمل انا ايه دلوقتى هو العمر فيه قد ايه علشان كل واحد ييجي ياخد منه شوية.

مع تحياتى

ايه يا نايت انت بوظت النظرية خااالص

:lol:

هما مش قصدهم الاسانسير ولا خشونة الركبة ولا السجاير

وميرسي على توقيك - خواطر مغترب

انا قريته 4 مرات وعاوزة اقولك انها خواطرى انا كمان لانى مغتربة

تحياتي يا نايت

وشكرا لمشاركتك

اغابي

[اغابي]

بصراحة دي موضوع جديد وأنا غير نادم علي قراءة المعلومة التي أسمعها لأول مرة ، لأني بالفع إشتريت قريبا شقة بالدو الثاني عشر ، وأنا سعيد بهذا واما بخصوص عواقب السكن في الأدوار العليا فهو متواضع بالنسبة الي المخاطر التي نعيشها في مصر كل ثانية مثل التلوث البيئي والسمعي والي أخرة ، فتكون الأدوار العليا رحمة من مخاطر في نظري أشد وأقوي من زيادة العمر ، تحياتي للجميع وصباحكم نادي

ايوه بس مشكلة التقدم بالعمر بسرعة جدا اصعب من التلوث بكتير

يعنى انا راى ان التلوث السمعى اللى حضرتك بتقول عليه ارحم من انى اعجز قبل الاوان

فكر شوية ولو فيه مجال تغير الشقة للادوار اقل يبقى ارحم

تحياتى

اغابي

تم تعديل 25 سبتمبر 2010 بواسطة اغابي

[أبوعمار]

المعلومة دي جديدة عليا فعلا

بس مع الانفجار السكاني والتوسع الرأسي والأفقي اللي كنا بنسمع عنه واحنا في المدرسة كحلول

لأزمة الاسكان, هانعمل ايه يعني؟ ماعندناش حل تاني

حتى ّإذا كان الوقت بيمر بشكل أسرع على سكان الأدوار العليا

أو العكس, في رأيي المهم الواحد بيعيش كل ثانية في عمره ازاي

في ناس كانت معمرة وخرجت من الدنيا زي ما دخلتها

وفي علماء كتير ماتوا وهما في عز الشباب وسابوا وراهم كتب وانجازات أفادت البشرية كلها

يعني يا سكان الأدوار العليا اطمنوا, ماحدش عارف أجله امتى

بس المهم نعيش حياتنا بطريقة ترضي خالقنا وتسعدنا

وتخللي لنا ذكرى حلوة بعد ما ننتقل الى دار الخلود

[اغابي]

طيب بردوا انا مش فاهم اى حاجة وجهة النظر دى يعنى غريبة اوى

يعنى حاولى تبسيط الفكرة حبتين

احسن انا شقتى فى مصر فى الدور ال16

وانا خايف انزل اجازة طويلة شوية الاقينى عجزت فيهم :)

تحياتى

اكرم,,

اشرحلك انا يا اكرم بطريقة اسهل وباختصار وحسب فهمى للنظرية

النظرية بتقول الزمان والمكان مش ثابتين بمعنى انهم

بيتغيرو اسرع او ابطي حسب ما تسكن فى ادوار عليا او حسب ما تسافر مسافات

>> حساب طول الوقت او قصره بالنسبة للارتفاع <<

اذا سكنت فى ادوار مرتفعة الزمان او الوقت حيمر بشكل اسرع من انك تسكن فى ادور اقل ارتفاعا

يعنى كل ما تسكن فوق الوقت بيمر اسرع وبرهنو على النظرية دى باستخدام ساعة ذرية وهى الادق

وحاجمعلكم معلومات تانية عن النظرية بشكل اوضح من مجلات اجنبية

فاصل

اغابي

[Mr MAGED]

ليه بس كده يا أغابي

طب انا شقتي في مصر في الدور التاسع .. أعمل ايه بقي

والمفروض ان طلوع السلالم رياضة والرياضة بتطول الفترة اللي يعيشها الانسان بصحة كويسة

وطبعا نظرا ً لجو مصر الكويس فكل ما تطلعي لفوق تقل نسبة التلوث في الجو

وكمان تبعدي نظرك عن أي حاجة مش كويسة تشوفيها

راجعي بس أينشتاين يمكن يغير رأيه تاني

صباح الخير

تم تعديل 25 سبتمبر 2010 بواسطة INVESTOR

[Diab]

ليه بيجي احساس للواحد لما بيبص من مكان عالي انه عاوز ينط :blush2:

[Howayda Ismail]

ايه ده يابنتى انت خلتينى اقوم ابص على نفسى فى المراية ههههههههههههههه

انا من سكان العاشر لكن الحمد لله مش حاسة باثر الكلام ده على وحتى لو فيه مش ممكن

حتنازل انى اشوف البحر 24 ساعة اوانى اشوف الشمس وهى طالعة من الارض الصبحية ولاهى فى حضن المية المغربية

فيو يااغابى يرجعك شباب 20 سنة ورا(رغم اللى حصلى اول ماسكنت فيها لو عاوزة تعرفى احكيلك فى توبيك

للكبار فقط بتاع الاشباح)

العجز ده شئ نسبى من شخص لاخر حسب العوامل المؤثرة فيه واهمها الوراثة يعنى عندك ناس شعرها

بيبض فى سن مبكرة لان اهلهم كانوا كده فى حين اقرانهم فى نفس السن عكس ذلك

وقيسى على كده الامراض فى ناس بتعانى امراض شيخوخة مبكرة من نقرس وخشونة ركبة وهشاشة

عظام........ فى وقت الاكبر منهم سنا ناس طبيعية وبيكون السبب الاكبر هنا السمنةوالوراثة

واهم من كل ده الحالة النفسية لما الانسان بيكون متسامح و راضى عن نفسه واحواله بينعكس

ده على شكله كتير غير الانسان النكدى اواللى دايما بيبص على حال غيره ده اعوز بالله

بيعجز بدرى بدرى وانا قدامى النماذج دى وبحكيلك من خلالها واول واخر هو احساس داخلى

نهارك شباب دايم

[وطني حر]

مرحبا اغابي

يا ايناش تاين جبها ازاي

على كدا الناس الساكنه في البدروم عمرها اطول

وهو فرق السن كم اللي يستاه التضحيه عشانه

تحياتي

[المهندسه]

ليه بيجي احساس للواحد لما بيبص من مكان عالي انه عاوز ينط :blush2:

اعقل يا دياب المحورات محتجاك ههههههه

طيب دى نظريه اينشتاين طيب نظريه الزلازل بتقول لما تبقى فى الادوار التحت هتتفعص و هيبقى صعب انقاذك خليك فوق علشان تبقى على وش القفص

قصدى على وش الانقاض ...طيب لا العالى ينفع علشان الواحد ما يعجزش بسرعه و يموت والواطى ما ينفعش علشان الزلازل لما تشرف ما نموتش برضه

يعنى الواحد يروح فين يعنى ننام على الرصيف و لا ايه؟؟؟ّّّههههههههه

تم تعديل 25 سبتمبر 2010 بواسطة المهندسه

[ozoozo]

وانا اقول كبرت كده ليه

اصلي عايش في بلد علي ارتفاع 3000 متر فوق سطح البحر

يعني المفروض دلوقتي عمري مايزيدش عن 15 سنه

[شريف مان]

ياجماعة الموضوع مش كده

آينشتاين كان ساكن فى البدروم هوا وولاده وكان عدد اولاده 3

المهم قالوله احنا عايزين نسكن فى شقة زى باقى الناس

فحب يخرج من الموقف دا بطريقة ذكية

فقالهم ان السكن فى الادوار العليا يقصر العمر

انتوا مبتقروش تاريخ ولا ايه :blink:

[hOuSsAm]

تصدقى انتى خلتينى اخد بالى من حاجة مكنتش واخد بالى منها قبل كدة

انا طول عمرى ساكن فى الدور الاول

شقة والدى كنا فى الدور الاول

والشقة اللى فيها حاليا فى السعودية بردوا فى الدور الاول

وشقتى فى مصر فى الدور الاول

مع انى هتجنن ولو اغلط مرة واسكن فى الدور الاربعين

بجد انا بحب الادوار المرتفعة مهما يقول اينشتين

وكل مرة بغير فيها السكن اقول هسكن فى شقة فى ادوار مرتفعة بس مش بلاقى بتضطر اقبل بالدور الاول

بس بصراحة انجاز فى الوقت هما 10 سلمات وابقى فى شقتى وعلى سريرى مش هستنى اسانسير ولا اى حاجة

فيها عيب كبير اوى انا لما ببقى فى البلكونة مقدرش ابص لفوق للسما

يمكن كلامك صح عن الادوار المرتفعة مع انه كلام نسبى جدا..... بس الادوار المرتفعة ليها روشنتها ومتعتها وراحة اعصبها وعلى راى مدام هند كفاية انك شايفة البحر 24 ساعة

محدش ياخد شقة الدور الاول دى ويجبلى شقة فى الدور الخمسين

[doha]

فكرة غريبة جدا وتنعش في الواحد ملكة التفكير ..

بعد تقليب للموضوع اكتشفت ان تقريبا ان لم يكن كل المعمرين الي قابلتهم في حياتي ( ممن تجاوزوا الثمانينات او التسعينات من العمر كمان ) كلهم بلا استثناء يقطنون في الدور الاول او الثاني على اقصى تقدير ..

تفتكروا الحكايه دي بجد فعلا ؟

ياريت حد يقلب في معمري العائلة كده ويقولنا هل كان من بينهم حد ساكن في ادوار عليا ؟

[Diab]

ليه بيجي احساس للواحد لما بيبص من مكان عالي انه عاوز ينط :blush2:

اعقل يا دياب المحورات محتجاك ههههههه

طيب دى نظريه اينشتاين طيب نظريه الزلازل بتقول لما تبقى فى الادوار التحت هتتفعص و هيبقى صعب انقاذك خليك فوق علشان تبقى على وش القفص

قصدى على وش الانقاض ...طيب لا العالى ينفع علشان الواحد ما يعجزش بسرعه و يموت والواطى ما ينفعش علشان الزلازل لما تشرف ما نموتش برضه

يعنى الواحد يروح فين يعنى ننام على الرصيف و لا ايه؟؟؟ّّّههههههههه

علي رأيك لا العالي بينفع ولا المتين ع الأصل دور flrt:

تم تعديل 25 سبتمبر 2010 بواسطة Diab

[المهندسه]

فكرة غريبة جدا وتنعش في الواحد ملكة التفكير ..

بعد تقليب للموضوع اكتشفت ان تقريبا ان لم يكن كل المعمرين الي قابلتهم في حياتي ( ممن تجاوزوا الثمانينات او التسعينات من العمر كمان ) كلهم بلا استثناء يقطنون في الدور الاول او الثاني على اقصى تقدير ..

تفتكروا الحكايه دي بجد فعلا ؟

ياريت حد يقلب في معمري العائلة كده ويقولنا هل كان من بينهم حد ساكن في ادوار عليا ؟

عارفه يا ضحى حما اختى ابو جوزها يعنى الله يحرقه بجاز :old: bsh:) "حماها طبعا مش جوزها" عنده 70 سنه وساكن فى الدور ال12 بقاله 25 سنه

وصحته احسن منى ومنك وكمان لسه متجوز الشهر الفات واحده عندها 45 سنه ...

طيب ايه رأى عم اينشتين فى الحاله دى؟؟؟ i*:

طبعا هيرد يقول لكل قاعده شواذ!!

[اغابي]

شكرا يا جماعة لمشاركتكم

انا تابعت مشاركاتكم الاكثر من رائعة واللى كل واحد عبر فيها عن وجه نظره بطريقته صحيح فى منكم عمل نظرية لوحده

وفى منها عكس تاثير الحياه اليومية والمشاكل واعتبرها انها هى السبب الاول والاخير فى الشيخوخة المبكرة

وفى اللى كان خياله خصب جدا وعمل فلم سينمائي لحياه انشتاين واولاده

بجد انا حاسة ان اينشتاين لو موجود ف الدنيا كان استفاد ويمكن كان غير وجه نظره تماما وعمل نظرية جديدة

للشيخوخة والتقدم بالعمر

لكن انا اعتمدت فى تصديق النظرية على ان كل اقاربي اللى هما كبار

فى السن عمرو فترات طويلة يعنى وصل 94 سنة اعمارهم اصل احنا عيلة معمرة جدا

وفعلا كلهم فى بيوت دور واحد او اتنين فانا علطول ربطت

بين النظرية وبين الصورة اللى فى ذهني عن اجدادى المعمرين دوول

تقريبا وجهة نظرنا انا وضحي واحدة

ليه مش عاوزين نصدق النظرية دى - هل لانها ضد الواقع بتاعنا

ياريت اللى لسة ما اشترو شقق تمليك يشتروها فى ادور اقل شوية واتاكدو ان التلوث والضوضاء حيوصلولكم

انشالله تسكنوا فوق السحاب حتى - لا مفر

اغابي

:roseop:

تم تعديل 25 سبتمبر 2010 بواسطة اغابي