كيف تكون محترما فى الغربة

[magentron]

سؤال غريب فعلا ..

يعنى ايه اللى بيخلينا نقول على واحد انه محترم

وواحد ثانى انه مش محترم ؟

يعنى مثلا انا كان ليا واحد صاحبى من ثانوى

فرقتنا الايام والليالى وكل واحد فينا شالته بلاد الله

و اخونا لف على اوروبا بالطول والعرض

و ربنا كرمة وخد الجنسية الألمانية

و بعدين التقينا ..

بالصدفة جه يشتغل فى السعودية .. و فى نفس الشركة معايا

و بعد السلام و الأحضان واخبارك و أعمالك

كان بيسألنى عن أجراءات الشغل و الاقامة والذى منه

و أول ما سمع أن الكفيل بيشيل عنده الباسبور .. لقيته اتنطر من مكانه

يشيلو مين .. عند فين ؟!!

ثوانى اتصل بانجليكا ..

من أنجيليكا دى ياد..

دى مسئولة من السفارة الالمانية .. قبل ما انزل أعطونى رقمها وقالولى ان حصلك أى حاجة اتصل بيها

الرقم بتاع موبالها شغال فى أى وقت .. معرفتش تتصل ابعت مسج بمكانك ورقم باسبرك الألمانى

قلت والله برافو يا المانيا .. كدة الدول اللى بتحافظ على مواطنيها بصحيح

بس ريح نفسك يا حلو .. باسبورك حيتحجز يعنى حيتحجز

قاللى والله فى سماه ما تحصل .. انت مش محترمنى ولا إيه ؟؟

صراحة اتفاجئت برد فعلة

ايه علاقة الاحترام بالموضوع ؟؟

بس ياعم

هو اتصل بانجيلكا دى و فتح السبيكر عشان نسمع

بصراحة فى راجل رد بدال انجيليكا .. قلت يالله يا عم .. أدى انجيلكا بتاعتك مش بترد

بس .. بعد شوية كلام المانى مافهمتش منه شىء

لقيت وش صاحبنا اتغير

وحتى هو حسيت انه بيدى عنوان الشركة للى بيكلمة و قفل الخط

-ايه يا أبو هيمة حصل ايه

- قالولى خليك زى مانته .. احنا حنعتلك واحد من طرفنا

- يانهار .. ليه بس ..

- ...

شوية ولقينا واحد جاى من السفارة الالمانى .. بيسأل عن مدير الشركة ومدير ال اتش ار (كان موظف عربى)

و لقيناة مطلع جواب و اداهلهم مع شوية كلام كثييير

الراجل بتاع الاتش ار اترعب حقيقة .. و شخط فى الموظف يجيب الباسبو بتاع صاحبى و يرجعة له

و انا مذهول ....

بعد كام يوم رحت على القنصلية المصرية فى جدة

و كلمت القنصل

ووريته صورة الجواب .. وقلتلة ..فى كدة ؟؟

قاللى لا .. احنا حاجة تانية .. اللى مش عاجبة نظام الكفيل يسيب البلد .

- أيوة بس فى الجرايد بيقولوا ما فيش حاجة اسمها كفيل .. فى صاحب عمل وقانون عمل

- لا يا حبيبى .. انت يعنى مش عارف ؟؟

- طيب انتوا ما بتقولوش حاجة ليه .. ماهو صاحبى خد باسبورة والا يعنى عشانه ألمانى

- يابنى دول محترمين!

تم تعديل 25 سبتمبر 2010 بواسطة magentron

[raouf]

ههههههههههههههههههه

اسلوبك رائع يا استاذ مجنيترون

طيب وايه كان رد سيادتك على الموظف اللى فى السفارة ؟

وليه ماكلمتش مدير الموارد البشرية وقلت ليه انا عايز بسبورى زيه ؟

[mondeza]

طبعا الدول احجام .. و العلاقات بين الدول بتعتمد علي المصالح بالدرجه الأولي.. و أكيد المواطن الألماني مش حايكون محترم بالشكل ده في الخارج و هو في الداخل مفروم و كرامته لا تساوي أي شيء .. و لكن هناك ايضاّ إعتبارات الظاهر ان بتوع السياسه بس هما اللي عارفينها .. يعني مثلا قرأت من كام يوم حادثة الفتاه السعوديه التي كانت تعمل مترجمه في سفارة استراليا بالرياض .. و كيف ان السفير الاسترالي أهانها و كاد ان يضربها ( حسب كلامها ) عندما رفضت مصافحته و أكتفت بوضع يدها علي صدرها و الانحناء له قليلا .. و لم أسمع حتي الأن عن أي رد فعل من الخارجيه السعوديه .. و هذا يحيرني .. ماذا يضير السعوديه إذا طردت هذا الشخص و ليكن عبره لغيرة ؟ إسرائيل ترسل طيرانها الحربي إلي أي مكان يحدث فيه إحتجاز لرعاياها و تقوم بعمل كل ما يمكن لتحريرهم .. و حادثة مطار عنتيبي معروفه و غيرها الكثير ... ماذا يفعل وزير الخارجيه و من قبله وزير الداخليه حتي نكون مثل هؤلاء ؟؟ قالك اللي حايعدي الحدود حأكسر رجله !! احسن حاجه ريح نفسك و شوف الجنسيه الالماني بتتاخد ازاي !!

[الفقير الى الله]

السلام عليكم ورحمة الله وبركاتة

عجبنى جدا التوبيك بتاع الاخ الفاضل بصراحة حاجة محترمة جدا من ناس محترمين ههههههههههههههههه نفسى نتعامل بنفس الطريقة ويكون عندنا انجليكا بردة بس بالمصرى ان شاء الله حتى يكون اسمها ام احمد

[magentron]

السلام عليكم ورحمة الله وبركاتة

عجبنى جدا التوبيك بتاع الاخ الفاضل بصراحة حاجة محترمة جدا من ناس محترمين ههههههههههههههههه نفسى نتعامل بنفس الطريقة ويكون عندنا انجليكا بردة بس بالمصرى ان شاء الله حتى يكون اسمها ام احمد

أخذتها من على لسنانى يا استاذى

أنا برضة أول ماسمعت سيرة أنجليكا و المشوار ده

افتكرت على طول الست اللى لسة قايمة من على الطشت

و افتكلات عزة الواد صاحبى المعفن وهو بيقول "والله فى سماة ما تحصل"

وافتكرت ذل الخدامين والعبيد

و افتكرت المقطع ده

http://www.youtube.com/watch?v=DpUXdyvutmE

وافتكرت الخبر ده

http://starmisr.blogspot.com/2009/11/blog-post_2247.html

تفتكر أم أحمد ممكن تنفعنا فى موضوع الإحترام ده ؟

تم تعديل 25 سبتمبر 2010 بواسطة magentron

[أبو حميد المسافر]

يا ابني دول محترمين

هههههههههههههههههههههههههههه للصبح :lol: :lol: :lol:

[magentron]

طبعا الدول احجام .. و العلاقات بين الدول بتعتمد علي المصالح بالدرجه الأولي.. و أكيد المواطن الألماني مش حايكون محترم بالشكل ده في الخارج و هو في الداخل مفروم و كرامته لا تساوي أي شيء .. و لكن هناك ايضاّ إعتبارات الظاهر ان بتوع السياسه بس هما اللي عارفينها .. يعني مثلا قرأت من كام يوم حادثة الفتاه السعوديه التي كانت تعمل مترجمه في سفارة استراليا بالرياض .. و كيف ان السفير الاسترالي أهانها و كاد ان يضربها ( حسب كلامها ) عندما رفضت مصافحته و أكتفت بوضع يدها علي صدرها و الانحناء له قليلا .. و لم أسمع حتي الأن عن أي رد فعل من الخارجيه السعوديه .. و هذا يحيرني .. ماذا يضير السعوديه إذا طردت هذا الشخص و ليكن عبره لغيرة ؟ إسرائيل ترسل طيرانها الحربي إلي أي مكان يحدث فيه إحتجاز لرعاياها و تقوم بعمل كل ما يمكن لتحريرهم .. و حادثة مطار عنتيبي معروفه و غيرها الكثير ... ماذا يفعل وزير الخارجيه و من قبله وزير الداخليه حتي نكون مثل هؤلاء ؟؟ قالك اللي حايعدي الحدود حأكسر رجله !! احسن حاجه ريح نفسك و شوف الجنسيه الالماني بتتاخد ازاي !!

يعنى يا سيدى عايز تفهمنى ان المكسيك و فنلندا و رومانيا و شيلى علاقة المصالح بينهم وبين السعودية افضل من علاقتها بمصر .. على أساس ايه الكلام ده

بعدين انا مش شايف ان السعودية غلطانة .. و لا حتى شركتى غلطانة .. مع أنها شركة شبه حكومية إلا ان مدير الاتش ار قاللى اجيب جواب من السفارة زى زميلى وهو يرجع لى الباسبور .

الغلط فين ؟؟

حاجة ثانية .. بالنسبة لخبر السفير الاسترالى ده .. لا مؤاخذة مالوش أصل و حتى بالعقل كدة ماتجيش

طيب دة كان فى شركتنا خبير مخاطر استرالى .. لما جه زيارة ثلاث ايام بس كانت الخارجية الاسترالية مدياله ورقة بروشور كدة فيها انه ما يمسكش ايد مراته فى الشارع و ما يسلمش على حريم وماياكلش بالشمال و ما يايشيلش معاة كحول وكلام من ده .. تقوللى "السفير" ضرب موظفة عشان ما سلمتش .. السفير ما يضربش حد يا باشا حى لو كان سفير جمهورية الموز الاخضر انتا فاكرة بقى سفير بالكوسة وهو اصلا عربجى حنطور .. مش كدة ولا ايه

[شريف مان]

رحم الله امرئ عرف قدر نفسه

احنا مصريين وراضيين والحمد لله

ايه لزمته الطمع والنظر الى الناس

:wub:

[شريف مان]

http://www.youtube.com/watch?v=DpUXdyvutmE

***************************************

تم حذف تعبير غير لائق

كتابة هذا التعبير بالإنجليزية لا يجعله مقبولاً أبداَ

عن فريق الإشراف

أسد

تم تعديل 29 سبتمبر 2010 بواسطة أسد
حذف تعبير غير لائق

[شريف مان]

على فكرة يا سيد أسد

التعبير اللى حضرتك معترض عليه

كان صفحة اولى فى احدى الجرائد المصرية الشهيرة من سنتين بالضبط

تحياتى

[mondeza]

طبعا الدول احجام .. و العلاقات بين الدول بتعتمد علي المصالح بالدرجه الأولي.. و أكيد المواطن الألماني مش حايكون محترم بالشكل ده في الخارج و هو في الداخل مفروم و كرامته لا تساوي أي شيء .. و لكن هناك ايضاّ إعتبارات الظاهر ان بتوع السياسه بس هما اللي عارفينها .. يعني مثلا قرأت من كام يوم حادثة الفتاه السعوديه التي كانت تعمل مترجمه في سفارة استراليا بالرياض .. و كيف ان السفير الاسترالي أهانها و كاد ان يضربها ( حسب كلامها ) عندما رفضت مصافحته و أكتفت بوضع يدها علي صدرها و الانحناء له قليلا .. و لم أسمع حتي الأن عن أي رد فعل من الخارجيه السعوديه .. و هذا يحيرني .. ماذا يضير السعوديه إذا طردت هذا الشخص و ليكن عبره لغيرة ؟ إسرائيل ترسل طيرانها الحربي إلي أي مكان يحدث فيه إحتجاز لرعاياها و تقوم بعمل كل ما يمكن لتحريرهم .. و حادثة مطار عنتيبي معروفه و غيرها الكثير ... ماذا يفعل وزير الخارجيه و من قبله وزير الداخليه حتي نكون مثل هؤلاء ؟؟ قالك اللي حايعدي الحدود حأكسر رجله !! احسن حاجه ريح نفسك و شوف الجنسيه الالماني بتتاخد ازاي !!

يعنى يا سيدى عايز تفهمنى ان المكسيك و فنلندا و رومانيا و شيلى علاقة المصالح بينهم وبين السعودية افضل من علاقتها بمصر .. على أساس ايه الكلام ده

بعدين انا مش شايف ان السعودية غلطانة .. و لا حتى شركتى غلطانة .. مع أنها شركة شبه حكومية إلا ان مدير الاتش ار قاللى اجيب جواب من السفارة زى زميلى وهو يرجع لى الباسبور .

الغلط فين ؟؟

حاجة ثانية .. بالنسبة لخبر السفير الاسترالى ده .. لا مؤاخذة مالوش أصل و حتى بالعقل كدة ماتجيش

طيب دة كان فى شركتنا خبير مخاطر استرالى .. لما جه زيارة ثلاث ايام بس كانت الخارجية الاسترالية مدياله ورقة بروشور كدة فيها انه ما يمسكش ايد مراته فى الشارع و ما يسلمش على حريم وماياكلش بالشمال و ما يايشيلش معاة كحول وكلام من ده .. تقوللى "السفير" ضرب موظفة عشان ما سلمتش .. السفير ما يضربش حد يا باشا حى لو كان سفير جمهورية الموز الاخضر انتا فاكرة بقى سفير بالكوسة وهو اصلا عربجى حنطور .. مش كدة ولا ايه

لم أقصد ذلك و لكني قصدت ان الدول هي من تصنع الكرامه لرعاياها .. أما بالنسبه لواقعة السفير الاسترالي و ان كنت قد استخدمت هذا المثال للأستشهاد به فقط .. إلا انك تستطيع البحث عن هذا الخبر و هو منشور في جرائد كثيره

شكرا

[engmido]

لم أقصد ذلك و لكني قصدت ان الدول هي من تصنع الكرامه لرعاياها

تمام جداا يا ريس

والدليل على كده دول تكسف ولا نسمع عنها خير ولكن فى حقوق المواطن..لااااااااااا

[mmaged]

بسم الله الرحمن الرحيم

(إن تنصروا الله ينصركم ويثبت أقدامكم)

قال عمر بن الخطاب

إنا كنا أذل قوم فأعزنا الله بالإسلام فمهما نطلب العز بغير ما أعزنا الله به أذلنا الله.

[magentron]

بسم الله الرحمن الرحيم

(إن تنصروا الله ينصركم ويثبت أقدامكم)

قال عمر بن الخطاب

إنا كنا أذل قوم فأعزنا الله بالإسلام فمهما نطلب العز بغير ما أعزنا الله به أذلنا الله.

والله ما فى حاجة بتقتلنى زى مشاركات الجماعة الى زى حضرتك

ماهو يا إما مشاركتك ملهاش علاقة بالموضوع من اساسة

يا إما انت شايفنا مجوس ولا بنعبد البقر

تم تعديل 7 أكتوبر 2010 بواسطة magentron