الالام الظهر ..... ماهى الاسباب ..... وهل من حل وعلاج ووقايه؟؟؟؟؟

[pocy]

ظهرى يؤلمنى من يومين ويزداد الالم الان ولا اعلم ماذا افعل فهو يؤلمنى عندما اقف او اركع واسجد فى الصلاه ويؤلمنى وانا قاعده ويؤلمنى وانا نائمه فماذا افعل مع العلم انى قد ذهبت من عده شهور للطبيب لنفس الوجع تقريبا وهو وجع اسفل الظهر واعطانى الدكتور دهان كان يسكنه ولكنه يعود مره اخرى فهل اكرر العلاج ام اذهب للطبيب ؟؟؟؟؟؟؟؟؟؟؟؟؟؟؟

[اغابي]

آلام الظهــر معظمــها أوهـــام

Quote

التفكير الإيجابي يمكن أن يخفف من آلام الظهر.

هذا ما تؤكده المنظمة الألمانية «حملة الظهر السليم»، بقولها إن من بين صور التفكير المفيد لآلام الظهر بصورة خاصة قول المرء لنفسه «سأحافظ على نشاطي البدني»، أو «لست

مضطرا إلى العناية بظهري طويلا»، و«أمتلك قدرات كبيرة على الاستشفاء الذاتي».

وهناك صور أخرى من التفكير يمكنها تخفيف الألم، كأن يقول المرء لنفسه «لن أتخلى عن موقفي الإيجابي تجاه الحياة»، و«سأحافظ على اتصالاتي الاجتماعية». وتشير المنظمة إلى أن ألم الظهر غير ضار عادة، ويختفي تلقائيا في غضون أربعة أسابيع في معظم الأوقات.

وأوضحت المنظمة أن آلام أسفل الظهر التي تدوم لفترة أطول ترجع في المقام الأول إلى «ذاكرة الألم» في الدماغ، والتي تساهم الأفكار الشخصية وموقف المرء من الألم في الجزء الأكبر منها.

سلامات يا بسبوسة - انشاءالله الناس الوحشين - الف الف سلامة عليكي

اغابي

تم تعديل 26 سبتمبر 2010 بواسطة اغابي

[أبو حميد المسافر]

الجلوس لفترة طويلة ( كمهنة المحاسب - السائق .... )

البدانة

عدم ممارسة الرياضة

دي الاسباب اللى يلاقي العلاج ياريت يقولى ( انا قربت اموت بسبب ضهري )

[Howayda Ismail]

ظهرى يؤلمنى من يومين ويزداد الالم الان ولا اعلم ماذا افعل فهو يؤلمنى عندما اقف او اركع واسجد فى الصلاه ويؤلمنى وانا قاعده ويؤلمنى وانا نائمه فماذا افعل مع العلم انى قد ذهبت من عده شهور للطبيب لنفس الوجع تقريبا وهو وجع اسفل الظهر واعطانى الدكتور دهان كان يسكنه ولكنه يعود مره اخرى فهل اكرر العلاج ام اذهب للطبيب ؟؟؟؟؟؟؟؟؟؟؟؟؟؟؟

الف سلامة عليك يابوسبس

[akramgroup]

اولا الف سلامة عليكى يااخت بوسي

ثانيا اسباب الام الظهر حاجات كتير جدا من ضمنها

1- بعض الالتهابات فى الضهر يعنى ممكن تكون اربطة او عضلات او اى حاجة زى كده

ودى بيتم علاجها بالمراهم والكلام ده وممكن حقنة فولتارين تظبط الالم بسرعة وبردو ممكن شوية

برد من المكيف ولا حاجة ودى هاتتظبط بدهان من اللى بيعملو سخونه فى منطقة الضهر وتطلع البرد

ولو انتى مقيمة فى مصر فى نوع من انواع اللزقات اسمه النمر وسعرها ممكن 3 جنية بس اعوذ بالله منها مرة كان ضهرى فيه برد وانا فى احدى الاجازات وحطيتها ومش قادر اقولك على الحرارة اللى عملتها (اكيد هاتعرفى بنفسك) md2:

2- الام بيكون سببها بعض مشاكل فى الفقرات نفسها زى اعوجاج فقرة او اكثر وممكن انضغاط

فى الفقرات او حركات من دى وممكن ساعات تسبب تنميل فى احدى الارجل او بعض الحركات الغير معتادة فى الرجل ومعظم العلاجات بتكون عن طريق المسكنات فقط وبينصح فى هذه الحالات بتقليل الوزن وممارسة الرياضة وعدم الجلوس لفترات طويلة والنوم بطريقة صحيحة والخ..

3- الام ناتجة عن وجود شد عضلى فى احد عضلات الضهر او تراخى فى بعض العضلات الاخرى مما يزيد من تحميل الوزن على العمود الفقرى ودى بردوا بينصح فيها بممارسة الرياضة لتقوية العضلات

وبعض الادوية لفك الشد فى العضلات والخ..

4-يوجد بعض الاسباب النفسية كما ذكرت اغابى بس الحقيقة معنديش عنها معلومات كتير غير ان فى بعض الناس لما بيكون اعصابها متوترة او مشدودة وبتفكر وقلقانه يجيلها الام فى الضهر على طول

يعنى من الاخر العلاج المشترك فى كل الحالات دى هو تقليل الوزن وممارسة الرياضة

دى معلوماتى وارجوا انها تفيدك

تحياتى

أكرم,,,

[pocy]

الله يسلمكم جميعا يا جماعه وبجد مشكورين جدا على ردودكم

انا هجرب الدهان النهارده اللى هو بيعمل سخونه فى الظهر لو نفع خلاص هكمل عليه لو مش نفع يبقي مضطره اروح الدكتور

والحمد لله انا مش بدينه نهائيا بس يمكن اكون محتاجه اعمل شويه رياضه علشان العضلات مش تضعف وربنا ييسر ان شاء الله

وبجد مشكورين جدا جدا جدا

[sindbad]

الله يسلمكم جميعا يا جماعه وبجد مشكورين جدا على ردودكم

انا هجرب الدهان النهارده اللى هو بيعمل سخونه فى الظهر لو نفع خلاص هكمل عليه لو مش نفع يبقي مضطره اروح الدكتور

والحمد لله انا مش بدينه نهائيا بس يمكن اكون محتاجه اعمل شويه رياضه علشان العضلات مش تضعف وربنا ييسر ان شاء الله

وبجد مشكورين جدا جدا جدا

الف سلامه عليكي اخت بوسي... تروحي لدكتور ليه بس

هو الاشعه مهمه جدا بس الاشعه العاديه لن تفيد بشيء

اللي بيفيد هنا هو اشعه الرنين المغناطيسي MRI ودي للكوايته فقط وللمقيمي ب 180 دينار!!!

شوفي بقى

بالنسبه لالام الظهر فدي مشكلتها او سببها العيشه بتاعتنا في الخليج اللي هي

المراتب الاسفنج

انا اعرف ناس كتير لم تفلح اي ادويه معهم وفقط تحسنوا لما استخدموا مراتب قطن او مراتب طبيه وهذه الحاله تصيب من ينام على ظهره بالاخص اكثر من الناس الاخرى

جربي الادويه دي ولو منفعش يبقى لازم مراتب طبيه

ماسكادول حبوب قرص كل 8 ساعات

ممكن فولتارين دهان موضعي 3 مرات

تمنياتي بالشفاء

[قلب ابيض]

;) بسبوسه عسى ماشر ياعمرى

بصى كل اللى قالوه الجماعه زى الفل

وبما ان موضوع الضهر ده معايا من سنيييين مش قادره احسب عددها وللاسباب اللى ذكرت من قبل جميعا

والله بدون مبالغه جربت كل شىء من اول المراهم والحقن مرور بالطب الشعبى وانتهاءا بالردم فى سيوه

الخلاصه يا بوسى حاجتين مهمين جدا

اولا تغيرى المرتبه بتاعتك ضروووورى جدا ...فى فرشات طبيه عند البغلى تقريبا بـ90 دينار لسرير 160

ثانيا والاهم ممارسه الرياضه هاااام جدا لو تقدرى تمشى يوميا بس مشى صحى مش باللب والرغى ...لاء مشى للعلاج

فارده ضهرك وشده جسمك وتنظمى الشهيق والزفير

لو شويه سويدى على خفيف ...صدقنى هاتحسى الفرق

مش عاوزه اقولك سباحه لانك فاهمه قصدى وهاتقلبوا على تااااااااااانى

الف سلامه عليك انت لسه صغننه

[sindbad]

;) بسبوسه عسى ماشر ياعمرى

بصى كل اللى قالوه الجماعه زى الفل

وبما ان موضوع الضهر ده معايا من سنيييين مش قادره احسب عددها وللاسباب اللى ذكرت من قبل جميعا

والله بدون مبالغه جربت كل شىء من اول المراهم والحقن مرور بالطب الشعبى وانتهاءا بالردم فى سيوه

الخلاصه يا بوسى حاجتين مهمين جدا

اولا تغيرى المرتبه بتاعتك ضروووورى جدا ...فى فرشات طبيه عند البغلى تقريبا بـ90 دينار لسرير 160

ثانيا والاهم ممارسه الرياضه هاااام جدا لو تقدرى تمشى يوميا بس مشى صحى مش باللب والرغى ...لاء مشى للعلاج

فارده ضهرك وشده جسمك وتنظمى الشهيق والزفير

لو شويه سويدى على خفيف ...صدقنى هاتحسى الفرق

مش عاوزه اقولك سباحه لانك فاهمه قصدى وهاتقلبوا على تااااااااااانى

الف سلامه عليك انت لسه صغننه

تمام الله ينور

مش بقولكوا

دي لعنه الخليج المراتب الاسفنج

ناوي اجرب البغلي ده

بس بفكر اجيب مرتبه قطن من مصر wst::

[لماضة مصرية جدا]

السلام عليكم و رحمة الله و بركاته

مليون الف خمشاشر سلامة حماتي العزيزة...

هو حضرتك تاخدي بعضك كدهون و تروحي للدكتور بتاعك....و تستفهمي منه يعني السبب و العلاج و ان شاء الله خير

بس ع جنب بقي

اخبار الوزن ايه

متهيالي لو الوزن زاد بيأثر ع الركب و ع الضهر

مبسوطة كتير من كل اللي قالوا ع الرياضة....بجد بتفرق جامد في كل حاجة في لياقتك بشكل عام و في مودك و في دماغك....و كلك كده ع بعض...(طبعا عتساليني انا بلعب ايه....حاليا بركب عجل.....و فيه رياضة كده ابقي ااقولك عليها ع جنب)

سؤال بقي لتانت قلب ابيض

ايه المرتبة البغلي دي؟؟؟

يعني تبقي ضخمة كده شبه البغل....و لا دي ماركة و لا ايه....(معلشي انا مش اعرف و عايزة استفهم احسن انا كل ما اروح مكان ينضحك عليا....تقريبا كده شكلي عبيط)

مليون سلامة ليكي و ابقي طمنينا عليكي

مسااااكي تمارين.....هوبا تيتو مامبو... :lol:

[لماضة مصرية جدا]

أه معلشي انا تاني

بس سؤال

انتي بتشربي لبن كويس و لا لا....عشان فيه حاجة كده بيقولك عليها الهشاشة في البشاشة

انا اعرف برضه لما الست بتحمل و بتولد....مستوي الكالسيوم بيقل و ده بياثر ع العضم...(و احيان سنانهم بتقع....اه و ربنا شفت حصل...بس نفتكر خير)

كفاية عليك بقي كده كتاب التدبير المنزلي اللي انا فتحته في وشك

ديري بالك علي حالك

و طمنينا عليكي

كان معكم

لماضة....دكتوراة في الهشاشة- جامعة خالتي حموقة

[قلب ابيض]

السلام عليكم و رحمة الله و بركاته

مليون الف خمشاشر سلامة حماتي العزيزة...

هو حضرتك تاخدي بعضك كدهون و تروحي للدكتور بتاعك....و تستفهمي منه يعني السبب و العلاج و ان شاء الله خير

بس ع جنب بقي

اخبار الوزن ايه

متهيالي لو الوزن زاد بيأثر ع الركب و ع الضهر

مبسوطة كتير من كل اللي قالوا ع الرياضة....بجد بتفرق جامد في كل حاجة في لياقتك بشكل عام و في مودك و في دماغك....و كلك كده ع بعض...(طبعا عتساليني انا بلعب ايه....حاليا بركب عجل.....و فيه رياضة كده ابقي ااقولك عليها ع جنب)

سؤال بقي لتانت قلب ابيض

ايه المرتبة البغلي دي؟؟؟

يعني تبقي ضخمة كده شبه البغل....و لا دي ماركة و لا ايه....(معلشي انا مش اعرف و عايزة استفهم احسن انا كل ما اروح مكان ينضحك عليا....تقريبا كده شكلي عبيط)

مليون سلامة ليكي و ابقي طمنينا عليكي

مسااااكي تمارين.....هوبا تيتو مامبو... :lol:

يا لمضمض يا بنت اختى ..البغلى ده زى يانسن فى مصر او تاكى مثلا ...مش من البغل لا موأخذه وحجمه ؟؟؟؟

وموضوع العجل ده جااااامد...بس عاوز مكان مخصوص عشان العيال مايحدفوناش بالطوب :lol:

المهم الرياضه الرياضه الرياضه

أه معلشي انا تاني

بس سؤال

انتي بتشربي لبن كويس و لا لا....عشان فيه حاجة كده بيقولك عليها الهشاشة في البشاشة

انا اعرف برضه لما الست بتحمل و بتولد....مستوي الكالسيوم بيقل و ده بياثر ع العضم...(و احيان سنانهم بتقع....اه و ربنا شفت حصل...بس نفتكر خير)

كفاية عليك بقي كده كتاب التدبير المنزلي اللي انا فتحته في وشك

ديري بالك علي حالك

و طمنينا عليكي

كان معكم

لماضة....دكتوراة في الهشاشة- جامعة خالتي حموقة

طب واللى مابيشربش اللبن بوتيتن الا على الشاى ؟؟؟

عالبا هو ده اهم الاسباب اللى دهورت حالتى كده

:blush2: الحمد لله ..ده انا فله

[pocy]

السلام عليكم احب ان اطمئنكم والحمد لله لم استطع ان استحمل وجع ظهرى وذهبت امس للمستشفي والحمد لله على كل شئ

ليس لدى اى شئ والحمد لله غير ضعف فى العضلات ناتج من قله الحركه وقله المجهود وده اللى ظهر فى الاشعه لذا امرنى الطبيب بعمل بعض التمرينات البسيطه فى البيت وبعد ان ينصلح ظهرى سأقدم بأذن الله فى معهد صحى هنا وبالنسبه للوزن انا وزنى مثالي جدا لطولى والحمد لله ولا اعانى من اى سمنه دانا انفسي هههههههههههههههه

وبجد اا مش عارفه اشكركم جميعا ازاى على المعلومات القيمه اللى افدتونى بها

وبالنسبه للمرتبه اللى عندى ياماما مرتبه طبيه ومن البغلي وجبتها من تلات سنين بعد ما ظهرى وجعنى جدا ونصحنى الدكتور بها فأول ما تزوجت وسبت السكن وانا بشترى حاجاتى اشترتها طبيه مخصوص لهذا السبب

بس نصيحه منى يا جماعه وخصوصا اللى قاعدين فى البيت او اللى بيتشغلوا مكاتب وبيقعدوا كتير ع الكمبيوتر الرياضه مهمه جدا جدا جدا جدا

ودى تانى مره اروح فيها للدكتور ويقلي نفس السبب وربنا ييسر الامر يارب اللهم امين

بجد مش عارفه اشكركم ازاى غير بدعاء بسيط ليكم بتيسير الامور والشفاء العاجل لكل مرضانا يارب اللهم امين

[akramgroup]

طيب الحمدلله دى اقل انواع الام الضهر فى الخطورة

وزى ماقولتلك ده السبب رقم 3 فى مداخلتى

وفى تمارين خاصة لعضلات الضهر تقدري تعمليها فى البيت

او ممكن تطلعيها من على النت

وحمدلله على السلامه

وشفاكي الله وعافاكي

تحياتى

أكرم,,