لغز فقر و رفاهية المصريين فى مصر

[ابو محمود]

على فكرة لو سأل اى واحد منكم ترك مصر من اجل تجميع المال نفسة هو لما بينزل مصر بيتصرف ازاى او بيتفسح فين او بيحاول يكون من اهل اى موقع بيعيش فية مصريين هيعرف بسرعة ان مصر بها من الفقراء ما يدمى القلب بمعنى لما سعادتكم تنزلو فى فنادق او تعملو شوبنج فى احدى المولات الكبيرة بالعاصمة او المدن الجديدة اكيد هتلاقو ناس تعرفوها بس ماتعرفوش دخلها وانها ممكن تبيع اى شيء ؟ اي شيء من اجل التنعم بالمعيشة وما تزعلوش اوى من المصريين لانهم بيشتكو من الفقر ماحدش مد ايدو لحضراتكم يشحت بلاش تعالى واظهار الطبقية عيشو مع الناس اللى تحت وانتو تعرفو الفارق بين ما تسطرونة من كلمات وحكايات والواقع الدامى هناك لا زال شرفاء لا يأكلون الربا او يتعاملون بالغش وعلى قد ما قسم الله لهم ويتم اهانتهم من الجميع خارج وداخل ومعايرتهم بالفقر رغم ان الدنيا ليس لها ضمان فربما نتكلم عن غنى جمع مالة وعددة ونهايتة انة أفقرة الله واصبح معدومآ فلا تتباهو بما لديكم لان الله قادر على التغيير وانزلو الى الارض ولفو مصر او القاهرة لتعرفو ولتشاهدو ابناء الفقراء وهم يعملون فى الاسواق حمالين لبضائع الاغنياء ستجدونهم فى اسفل الدرك او السلم لكنكم ترون من يرتدى اجمل الملابس ويركب السيراتو او غيرها ولم تأخذكم اعينكم الى ما دون ذلك وهذا ليس عيبآ فيكم لكنها الحياة الانسانية الغنى يرى الناس جميعآ اغنياء لانة يرتاد اماكنهم ولا يشعر بالفقراء لانة لا يدوس احيائهم

اعزائى الاغنياء من اموال الخارج ارجو لكم ان توفقو فى جمع الاموال واتمنى ان تكونو ميسورين الحال ويغنيكم الله ويهدى بالكم

اما فى مصر والمصريين المقيمين داخلها من الفقراء ان يعينهم الله على ما يحسدهم على فقرهم وعدمهم ويساووهم بأغتيائها رزقنا الله واياكم الى الصواب والمكسب الحلال والبعد عن الربا والسفة لانها رحلة مهما جمعنا من متاعها فألى زوال رحم الله الجميع وعلى مصر السلام

سيدي من هم اغتربو هم قليلين البخت الي نمالوقوشوسايط تعينهم ف البترول او معاهم فلوس يدفعوا رشوة ورفضوا وفضلوا يعملوا نفسهم بنفسهم سيدي كل اصحبي لطشت معانا ف مصر واحنا مش فشله كلنا مهندسين يعن ماغلطناش النتيجه رفضنا ندفع فلوسنتعين ف المصرية للاتصالات ولمااشتغلنا ف الكهرباء مارضوش يثبتونا

والبترول مالناش واسطة فيه غلطتنا سيدي لما سافرنا

ناخد رشاوي واحنا ف الاحياء غلطنا لما زهقنا من الفساد غلطنا لما حينا نرتاح من قرف الزحمة

بس اللي بنستغرب منه لا ننزل ونلاقي ناس ولا فارق معاها هموم الشعب يا اخي صحابي ف مصر اللي ظبطوا نفسهم الخليج بالنسبة لهم زباله

صحابي ف القريه الذكية حدث ولا حرج والحمد لله مرتباته مستحيل يخوها ف الخليج لو جود الهندي والفلبيني ف ظل انعدام المنافسه ف مصر

نحن لسنا كانزين للمال بل اننا مهتمين بالشان الوطني وغيورين ع وطنا لكننا نعيب ع نغمه الشكوى والتي نتعجب لما نراه سيدي انا نزلت قرى فيها وفيها لكن اسمح لي اقولك مظاهر الثراء بقت واضحه اما مظاهر الفقر فمصر طول عمرها فقيرة

اما مظاهر الرفاهيه الحاليه تضع علامات استفهام

هي البلد بتسرق نفسها بنفسها كل واحد حاطط ايده ف جيب التاني

والضحيه الشرفاء سيدي لم ينظر احد من برج عاجي لانك متاكد من هم ف الخليج قليلي الحيلة

لان لو ابويا ف البترول ولا الاتصالاات ولا المطار ولا ياسيدي حتى الري

والله بقت وراثه وانا شايف بام عيني فشلة ثانوية عامه دخلوا حقوق بتقدير مقبول دور نوفمبر واتعينوا ف النيابة

سيدي نحن لم نتكلم وكاننا من كوكب اخر لقد انكوينا بنار الفساد ولذنا بالفرار

ف البلد لاتحتاج الشرفاء الان للاسف وليعترض من يعترض الشريف ف مصر ف حرب ويعاني معاناة

الحرام بقى سهل قووووووووووووووووي ف مصر ف كل شيئ

وربنا يسترها مع الجميع

انا اسف نسيت اكتب بقلم ,,,محمود مصطفى

عزيزى هيرو هيرو انا لا اتهم احدآ بل من العجيب الوم ان نجد من الاعلاميين والصحفيين والكتاب من يمشلى فى طابور التوريث وسبوبة جمال مبارك الكل يتهافت لأظهار الولاء وكاتب هذة المقالة خائن لبدة ويريد ان يغير الدم فى عيون قارءية الى لبن ومن اسود الى ابيض فوجد من ينقل عنة سيدى العزيز انا كنت احلم بالخروج من وطنى الى الخارج فى اوج الشباب وانا احمل معى خبرة وعمل مردودة من المال كبير جدآ لكنى اخترت مصر لاننى شاهدت وتعلمت بها ولابد من تقديم العون لها ببناءها ولا ننظر الى افساد ونهيل التراب على رؤسنا ونيأس ونخرج منها

عزيزى .. لى موضوع عن ما تتحدثون عنة وهو موضوع لكل ريفى وكل فلاح وكل من يعيش فى مدينة كيف يكون ثرى وان يكون مكافح ولا ييأس والله الرازق وعندة مفاتيح الخير ولو تصفحت مواضيعى هنا لتتعرف على شخصيتى منها ستجد الكثير منها يتكلم عن استغلال ارض هذا الوطن كى نرتفع بة ويرفعنا الى درجات الرقى والغنى دون مشقة الغربة انة الكفاح والعمل والصناعة التى خربها شعب تركها ولمم يسابر ويقاوم بل تركها تنهار

الموضوع كبير جدآ والفقر فى مصر يذدهر بمقياس الفساد يوجد فقر ان كان افساد كبير كان وجة الفقر اكبر وعدد الفقراء اكثر

عزيزى ارجو ان تسامحنة على غلظة حديثى لكنى اثارتنى كلمات الكاتب بأن المصريين كذابين او بمعنى ناكرى الخير وهذا عكس طبيعتهم

وصدقنى مهما تم من استغلال للحيل الشيطانية لتغيير اوضاع هذا الشعب والتلاعب فى موروثاتة لتغييرها فالقادم خيرآ ان شاء اللة واتمنى ان يردكم الله الى مصر ردآ كريمآ فهى امآ كريمة لنا جميعآ من تركها ومن ثبت على ترابها

[Howayda Ismail]

العيب الكبير فى البلد هى الواسطة والمحسوبية يعنى اصحاب الكفاءات بيظلموا لان فى

ناس فاشلة( كل مؤهلاته تعليم خاص مدعوم بالواسطة ) بتاخد فرصتهم وفى مبدأخطير متبع

فى كتير من الشركات اسمه بند ابناء العاملين يعنى مثلا خريج اداب او زراعة ممكن

يشتغل ايه فى شركة بترول او كيماويات

انا لسة سامعة قريب ان فى ناس بتستحدث وظايف فى الشركات عشان تعين اقرابهم

بتخصصات غير مؤهلة لطبيعة العمل فيها

لكن مش حنعمم الموضوع فى ناس كفاءتها والظروف بتساعدها احيانا من غير واسطة لكن للاسف

دى فئة قليلة مش عاوزة اقول التعيين فى البلد بقى انت وحظك

الفقر زاد لزيادة البطالة وزيادة معدل التضخم ومن ساعة مالحكومة قلت عقلها وقامت بتعويم

الجنيه وماترتب عليه من اثار

[أسد]

الحقيقة أن هذا الموضوع يلامس الحقيقة في كثير من نواحيه ...

فعلاً المصريون أدمنوا الشكوى ..

وهناك البعض - للأسف - أدمن الشحاته

هذه حقيقة ... لا يجب أن نخجل منها ..

عندما تسير بسيارتك في شوارع لاقاهرة .. تجد عمال النظافة في الشوارع .. يرتدون ملابس مهلهلة ويتسولون ..

ترى لماذا يتسول هؤلاء .. مع العلم أنهم قادرون على العمل .. لا بل هم بالفعل يعملون .. وفي أوقات العمل الرسمية ...

هل تعلم أن راتب هذا العامل هو أكثر من 1000 جنيه شهرياً ..

نعم ...

أكثر من ألف جنيه شهرياً ..

أقرأ هنا ....

http://news.egypt.com/arabic/permalink/548475.html

رفع راتب عمال النظافة فى القاهرة لـ ١١٠٠ جنيه وجمع القمامة من المنازل يومياً

Wednesday 21st of يوليو 2010 08:03:00 AM ALMasry حجم الخط:

أعلن الدكتور عبدالعظيم وزير محافظ القاهرة، عن بدء المحافظة، خلال الأيام المقبلة، تنفيذ منظومة جديدة للنظافة بعد تعديل بنود عقد شركة «أما العرب» للنظافة التى تخدم ١٤ حياً تمثل نصف أحياء العاصمة.

وأوضح أن العمل وفقاً للمنظومة الجديدة سيبدأ فى ٣ أحياء هى «باب الشعرية والموسكى والشرابية»، مشيراً إلى أن التعديلات تشتمل على عدة عناصر لم تكن العقود القديمة تتضمنها، بما تسبب فى وجود ثغرات وعدم وصول النظافة إلى المستوى المأمول.

وأكد المحافظ أن وزارة المالية ستتحمل الالتزامات المادية التى ستضيفها التعديلات الجديدة بالعقد، وأن التعديلات تشمل تنظيف الشوارع الرئيسية والفرعية بالتساوى، وتنفيذ الخدمة وبدء العمل بالورديات مبكراً، وإلغاء الإجازات فى العطلات الرسمية والمناسبات الدينية، وزيادة أعداد العمال والمعدات، ورفع أجور العمالة لتصل إلى ١١٠٠ جنيه، بدلاً من ٤٥٠.

وهنا أيضاً لمزيد من التأكيد

قال «عبدالعظيم وزير» ـ محافظ القاهرة ـ إنه تم رفع أجر عمال النظافة في الشوارع إلي 1100 جنيه شهرياً لعدم وجود إقبال علي العمل في هذه المهنة لدي شركات النظافة العاملة بالقاهرة. وأكد خلال مؤتمر صحفي في عيد القاهرة القومي عقده أمس ـ الخميس ـ بحديقة الأزهر أنه اكتشف وجود بنود معيبة في العقود المبرمة بين المحافظة والشركات الأجنبية العاملة بالقاهرة تم تعديلها ولن نحمل المسئولين السابقين مسئوليتها لأن كل واحد منهم عمل ما يستطيع. وأضاف: تم استحداث وسائل جديدة للمراقبة علي عمل هذه الشركات في الشارع بحيث يتم تسجيل المخالفة بالصوت والصورة والإبلاغ عنها لحظة حدوثها. وعن أزمة مسرح جلال الشرقاوي قال «وزير»: أي محافظ لا يستطيع تحمل مسئولية أرواح الآلاف من زوار المسرح بعد أن أكدت ثلاث وزارات عدم وجود حماية مدنية بالمسرح.. مضيفاً: أنا شخصياً أحترم وأقدس كثيراً هذا الرجل ـ يعني الشرقاوي ـ لكن أرواح الناس أغلي من أي شيء. وأوضح المحافظ أنه تمت إعادة النظر في النقل النهري بالقاهرة وإعداد دراسات عديدة للوصول به إلي مستوي أفضل، وطرح تطويره علي القطاع الخاص مع شرط أساسي هو أن الأولوية لمن يعطينا أكبر إيجار للمراسي وأقل قيمة للتذكرة، مشيراً إلي تزويد النقل النهري بنحو 60 مركبة حديثة وإنشاء مواقف جديدة. كما أعلن عن افتتاح عدد من المحاور المرورية الجديدة بالقاهرة التي تؤدي إلي حل أزمة المرور بالقاهرة.

http://dostor.org/politics/egypt/10/july/8/21715

أتفق أن الحال مختلف في القاهرة والاسكندرية والمدن الكبرى عن باقي انحاء الجمهورية ...

ولكن هذه طبيعة الأمور ....

ففي القاهرة وحدها يعيش 25% من سكن مصر ...

وإذا ذهبت إلى بلد مثل السعودية ..

أغنى دولة عربية .. وأكبر منتج للنفط في العالم

ستجد أيضاً أن هناك فارق هائل ومهول مابين الحياة في الرياض .. وفي جيزان أو نجران أو سكاكا مثلاً ..

بل أن هناك فارق رهيب مابين الحياة في حي الحمراء مثلاً في جده ومابين الحياة في حي الجامعة .. في نفس المدينة

هذه هي طبيعة الأمور .. هناك فقراء في كل العالم .. وهناك أثرياء .. وهناك نسبة عالمية هي

20 / 80

بمعنى أن هناك 20% يحصلون على 80% من الأشياء

و80% لا يحصلون إلى على 20%

هل تعلمون أن 14% تقريباً من الأمريكان يعيشون تحت خط الفقر

وهذه أكبر دولة في العالم

43.6 مليون شخص تحت خط الفقر في أمريكا

واشنطن :د ب أقال مكتب الإحصاء الأمريكي إن عدد الفقراء في الولايات المتحدة قفز بنحو 10% في 2009 ليصل إلى 43.6 مليون شخص.

ويشكل هذا العدد نحو 14.3% من السكان أو واحد من بين كل سبعة أشخاص في الولايات المتحدة. وقالت الحكومة إن 13.2% أو 39.8 مليون شخص كانوا تحت خط الفقر عام 2008.

وهذه هي الزيادة السنوية الثالثة على التوالي في عدد الفقراء هناك.

كما ارتفعت نسبة الذين يعيشون بدون تأمين صحي من 15.4% من نسبة السكان في 2008 إلى 16.7% في 2009 بسبب ارتفاع معدل البطالة خلال العام الماضي.

وبصفة عامة، كان هناك نحو 50.7 مليون شخص بدون مثل هذا التأمين خلال فترة ما في 2009.

يذكر أنه تم تحديد متوسط معدل الفقر بنحو 22 ألف دولار سنويا لأسرة مكونة من أربعة أشخاص، رغم أن ذلك المعدل يتباين حول البلاد بناء على تكلفة المعيشة.

http://www.aleqt.com/2010/09/17/article_443318.html

لا يوجد مكان في العالم ليس به فقر .. وفقر شديد .. وأثرياء في نفس الوقت

هذه هي طبيعة الأمور ...

إذا لم نكن نريد أن نرضى بها .. فيجب أن نعمل على تغييرها .. هكذا يجب أن نكون

إقرأوا هنا عن الفقر في العالم كله .. ونسبه ..

قائمة الدول حسب نسبة الفقر من السكان

[president]

عزيزى هيرو هيرو انا لا اتهم احدآ بل من العجيب الوم ان نجد من الاعلاميين والصحفيين والكتاب من يمشلى فى طابور التوريث وسبوبة جمال مبارك الكل يتهافت لأظهار الولاء وكاتب هذة المقالة خائن لبدة ويريد ان يغير الدم فى عيون قارءية الى لبن ومن اسود الى ابيض فوجد من ينقل عنة سيدى العزيز انا كنت احلم بالخروج من وطنى الى الخارج فى اوج الشباب وانا احمل معى خبرة وعمل مردودة من المال كبير جدآ لكنى اخترت مصر لاننى شاهدت وتعلمت بها ولابد من تقديم العون لها ببناءها ولا ننظر الى افساد ونهيل التراب على رؤسنا ونيأس ونخرج منها

عزيزى .. لى موضوع عن ما تتحدثون عنة وهو موضوع لكل ريفى وكل فلاح وكل من يعيش فى مدينة كيف يكون ثرى وان يكون مكافح ولا ييأس والله الرازق وعندة مفاتيح الخير ولو تصفحت مواضيعى هنا لتتعرف على شخصيتى منها ستجد الكثير منها يتكلم عن استغلال ارض هذا الوطن كى نرتفع بة ويرفعنا الى درجات الرقى والغنى دون مشقة الغربة انة الكفاح والعمل والصناعة التى خربها شعب تركها ولمم يسابر ويقاوم بل تركها تنهار

الموضوع كبير جدآ والفقر فى مصر يذدهر بمقياس الفساد يوجد فقر ان كان افساد كبير كان وجة الفقر اكبر وعدد الفقراء اكثر

عزيزى ارجو ان تسامحنة على غلظة حديثى لكنى اثارتنى كلمات الكاتب بأن المصريين كذابين او بمعنى ناكرى الخير وهذا عكس طبيعتهم

وصدقنى مهما تم من استغلال للحيل الشيطانية لتغيير اوضاع هذا الشعب والتلاعب فى موروثاتة لتغييرها فالقادم خيرآ ان شاء اللة واتمنى ان يردكم الله الى مصر ردآ كريمآ فهى امآ كريمة لنا جميعآ من تركها ومن ثبت على ترابها

أستاذ محمود . أعتز بأراءك وكتابتك جدا ولكن اسمحلى ان أختلف معك . الموضوع راح فى حته تانيه خالص بعيده أوى .

الموضوع مابيقلوش ان مفيش فى مصر فقرا ولا يدعوا للفساد والسرقه ولا يدعو اننا نقول ان مصر زى الفل عشان كده عصر جمال مبارك هيبقى من أزهى العصور

الموضوع مابيقلوش اننا نسيب البلد ونغترب عشان نجيب فلوس . والموضوع مش اتهام المصريين بالكذب .

كل الحكايه ان كاتب الموضوع عنده وجهة نظر ويتبناها كثير جدا ان هناك كثيرين فى مصر يلعنون الحال والفقر برغم انهم يملكون أكثر من نظرائهم فى الخارج

بل وفى بعض الأحيان ينصحونهم بالغربه حتى يبعدوا عن الفقر !!!

هذا هوا بيت القصيد .. وجهة نظر بحته مفيهاش لا خيانه ولا موالاه ولا توريث لمواطن مصرى مش سياسى محنك يهدف الى مؤامره ..

وجهة نظر من حقنا ان نختلف معها او نتفق كما حدث من كثير من الزملاء.

بس اللى حسيت ان تقيل انه مش عشان حضرتك مختلف مع صاحبها تقول عليه كل الصفات اللى حضرتك قولتها .

وعلى فكره ياأستاذ محمود مش كل واحد مبسوط فى مصر يبقى حرامى أو أكل ربا .. لأ فى ناس كتير ربنا مديها وبالحلال ومابيردوش بغير الحلال.

يمكن الموضوع من وجهة نظر الكاتب فى رأى كان واخد احتمالين .

الأحتمال الأول : هل التصوير الفظيع للفقر فى مصر وحالة البؤس التى يعيشها الناس والتى تصورها برامج التوك شو هى الأنعكاس الحقيقى

لما يحدث فى كل المحروسه . يعنى زى ماعلق بعض الزملاء ان فى نسب رفاهيه بس الفقر أكتر . هل معنى كده لما نشوف حالآت فى التلفزيون فيها فقر شديد

يبقى كده بنعبر عن حال كل مصر عشان كده لمانزلنا فى أجازات لمصر نفاجأ باللى احنا بنتكلم عنه .

وأعتقد الأحتمال التانى من وجهة نظر الكاتب : ياترى الغربه جايبه همها اذا كان فى ناس كتير فى مصر عايشه أحسن من المغتربين .

حته على الجنب لهيرو هيرو

انا عشت فى السعوديه مع والدى تقريبا 15 سنه وزوجتى عاشت تقريبا مع والدها نفس الفتره فى الكويت .

لما استقرينا فى مصر محسناش ان فى مشكله او ان الأمور صعبه علينا بالعكس كنا مستمتعين جدا فى مصر وأسلوب حياة مصر برغم مشاكلها .

حتى لما سافرنا تانى كان عشان فرصة عمل أحسن ومستقبل وظيفى بس مش أسلوب حياه . تفرق كتير لأنى انا

شخصيا اسلوب حياة مصر بكل بلاويها هو المفضل بالنسبالى .

تحياتى للجميع .

[president]

الحقيقة أن هذا الموضوع يلامس الحقيقة في كثير من نواحيه ...

فعلاً المصريون أدمنوا الشكوى ..

وهناك البعض - للأسف - أدمن الشحاته

هذه حقيقة ... لا يجب أن نخجل منها ..

كلام صحيح تماما أدمنا الشكوى وأدمنا الشحاته مع اننا نملك مايكفينا ويفيض .

[Howayda Ismail]

بالنسبة للشحاتة فى مصر فموال تانى خالص

اصبح التسول مهنة لايمارسها الفقراء بل اناس محترفون

وانت ماشى فى طريقك ممكن يصادفك 4 او 5 شحاتين فى المرة الواحدة واحد بس منهم مسن

هو اللى بيحتاج المساعدة والباقى سواء رجالة او ستات فيهم صحة عنك وممكن يشتغل

ويعف نفسه حوجة السؤال ولكن عشان هى بقت مهنة ومربحة اكتر من اى وظيفة يقرف نفسه

ويشتغل ليه طالما فى ناس بتساعده يتمادى

اللى يضايقك فى الموضوع انهم بيستغلوا اطفال ربما عيالهم او ماجرينهم وساعات

بيكونوا خطفينهم ليدروا عطف الناس عليهم وفى منهم بجح لو اعطيته بما تيسر لك

مش بيعجبه وممكن يتطاول عليك لانه كان عشمان فى اكتر من كده

فى بيوت بنعرفها جار عليهم الحال ولايملكون قوت يومهم بيخبى عن الناس ظروفه

حفاظا على كرامته فى حين ناس قلعت برقع الحياة بيكون معاها وتلاقيها عند

المساجد بتطلب م الناس من غير كسوف والناس دى ظهر منها كتير فى رمضان عند

توزيع بعض المساجد لشنط رمضان وصلت لحد الخناقات والبلطجة العفيف عمره مابيطلب

لو حيموت من الجوع الصدقة بقت تروح دلوقت لمحترفى هذه المهنة اللى حصيلته فى

يومين تلاتة ممكن تعادل مرتب موظف حكومة

ونرجع نقول الشكوى والشحاتة مش بتخرج الا من الناس الطماعة اللى مش بتشبع

[ابو محمود]

بالنسبة للشحاتة فى مصر فموال تانى خالص

اصبح التسول مهنة لايمارسها الفقراء بل اناس محترفون

وانت ماشى فى طريقك ممكن يصادفك 4 او 5 شحاتين فى المرة الواحدة واحد بس منهم مسن

هو اللى بيحتاج المساعدة والباقى سواء رجالة او ستات فيهم صحة عنك وممكن يشتغل

ويعف نفسه حوجة السؤال ولكن عشان هى بقت مهنة ومربحة اكتر من اى وظيفة يقرف نفسه

ويشتغل ليه طالما فى ناس بتساعده يتمادى

اللى يضايقك فى الموضوع انهم بيستغلوا اطفال ربما عيالهم او ماجرينهم وساعات

بيكونوا خطفينهم ليدروا عطف الناس عليهم وفى منهم بجح لو اعطيته بما تيسر لك

مش بيعجبه وممكن يتطاول عليك لانه كان عشمان فى اكتر من كده

فى بيوت بنعرفها جار عليهم الحال ولايملكون قوت يومهم بيخبى عن الناس ظروفه

حفاظا على كرامته فى حين ناس قلعت برقع الحياة بيكون معاها وتلاقيها عند

المساجد بتطلب م الناس من غير كسوف والناس دى ظهر منها كتير فى رمضان عند

توزيع بعض المساجد لشنط رمضان وصلت لحد الخناقات والبلطجة العفيف عمره مابيطلب

لو حيموت من الجوع الصدقة بقت تروح دلوقت لمحترفى هذه المهنة اللى حصيلته فى

يومين تلاتة ممكن تعادل مرتب موظف حكومة

ونرجع نقول الشكوى والشحاتة مش بتخرج الا من الناس الطماعة اللى مش بتشبع

والله يا هند دة الى انا بحاول ان اوصلة من خلال الرد على كاتب المقالة وليس ناقلها يا جماعة لو تعرفو مصر بها قد اية من فقراء ستنزعجون بلاش فقراء نقول محتاجين اولآ دار الايتام وهم يعدون بالاف الدور وبهم اعداد مهولة من اولاد يحتاجون لكن لا نجد رعاية بل تهميش الا من رحم ربى من بعض الاغنياء او القادرين وبعدين بلاش اغنياء لان الغنى هو الله الارامل والمطلقات واصبحت 40%من بنات مصر مطلقات بسبب هروب الرجل من التزاماتة وواجباتة بسبب البطالة الغبية ودور الدولة فى تهميش الاجور ومعاملة اصحاب الأموال والمشاريع للعامل

اطفال الشوارع وعددهم فى القاهرة يعادل المليون ويمكن رصدهم من خلال خط نهر النيل واماكن تجمع القمامة والمناطق العشوائية (الصفيح)

ناهيكم عن عمال التراحيل (السخرى ) وهنا اطلق عليهم لانهم من قرى حول القاهرة والمدن ويتم استعمالهم فى مشاريع الحفر ويعاملون معاملة غير سوية ناهيكم عن غيرهم من العمال الموسميين ياترى بقى مصر بها فقراء ولا عايزين امثلة اخرى ؟؟؟

ياسادة ماتشاهدونة فى القاهرة هى نتاج بالون كبير ينتفخ من الاقساط وتجارات مخربة وفاسدة واعمال وهمية وسياحة نصب واستغلال للسائح الغربى والعربى والداخلى اننا نعيش فى مصر وليس خارجها ولا نزورها لشهر ونتركها لكننا نلمس ترابها بأيدينا واحاسيسنا ياسادة الموضوعمحتاج الى تنقيح او اظهار الحقيقة بكل وضوح وبلا تكبير لصورة جميلة مرسومة على صفحة من الماء او على الرمال ؟؟

اعتذر لكل من فهم ردى خطآ والتمس العذر لنفسى لانى اغير على مصر مثلكم واحب ان تكون خير بلاد الارض وليس بها مشاكل لكنى احيانآ يكون ردى بدون تجميل او تذويق لانى لا اجد الوقت حين اكتب فسمحونى ان كنت قد قسوت على احد وتمنياتى لكم بالتوفيق

[Diab]

الناس في مصر معاها فلوس اه بس خايفة

[الغريب]

بصراحة موضوع مميز جدا جدا جدا يا president وتسلم إيدك بجد

النهاردة ثالث يوم ليا في الكويت بعد أجازة لمدة 50 بمصر وتحديدا في القاهرة تجولت فيها كثيرا بين المناطق العشوائية والمتوسطة والراقية بطبيعة تنقلاتي ، وأكاد أجزم بأن المقال الذي نقله الزميل يلامس الواقع بنسبة لا تقل عن 95 % ، سيارات كثيرة ، أنتشار للتاكسي الأبيض ودوما ممتلأ بعكس وضع التاكسي في الماضي الذي كان لا يركبه إلا البهوات ، إرتفاع ملحوظ في الرواتب قد لا يتناسب مع إرتفاع الأسعار ولكن مع "تسليك الحال" يستقيم الأمر ، إنتشار واسع للمدارس والجامعات الخاصة وإرتفاع نسب المقدمين بها ، إنتشار أكلات كانت مهجورة بالسابق لإرتفاع أسعارها والآن سارت منتشرة حتى في الأحياء الشعبية مثل الجمبري.

ولكن أيضا بالرغم من ذلك فلا يزال هناك من يسكنون في المقابر ويعانون من ويلات الفقر ربما بسبب ظروف قهرية مثل عدم وجود العائل أو لأسباب نفسية مثل وجود العئل ولكنه متكاسل أو باللفظ العامي "فقري ومش بتاع شغل" ،

ولكن ما يمكن أن نتفق عليه أن كل مجتهد في مصر يجد مقابل مادي ،و أن المعاناة الحقيقية في بلدنا من أمور تأتي في مرتبة قبل المادة مثل الفوضة والإذدحام وقلة التخطيط وعدم إحترام الإنسان وما إلى ذلك.

تحياتي

[مغتربة]

ترى ما هى رده فعلك ان استلمت الايميل هذا مرسل لك من قائمه بريديه غير مصريه و اغلب اعضائها من العرب غير مصريين

بيان التنحي

بقلم: طارق عبد المعز

لأ لأ ماحدش يفهمني غلط. انا لا رحت مكتب أمن الدولة ولا اتقرصت في وداني ولا جاني تهديد من جانب أي حد لا سمح الله. إنها الحقيقة العارية البلبوص التي أدركتها بعد سنوات التيه والضياع في بحر إبراهيم عيسى ووائل الإبراشي ومنى الشاذلي ومعتز الدمرداش ومحمود سعد. لقد انجلت الغشاوة من على بصيرتي وهاأنذا أعلن من منبري هنا من الرياض الحبيبة التي هاجرت إليها باختياري ورغبتي منذ ثلاث سنوات، أنني أتنحى تمامًا ونهائيًا عن الاهتمام بالشأن العام المصري ومتابعة ما يجري على لسان الفضائيات الخاصة والعامة وما تكتبه جرائد المعارضة والمستقلة ، وأن أعود إلى صفوف المصريين النابهين أجمع المال واعزل نفسي عن كل ما يدور حولي مثلي مثل أي مصري آخر مقيم في كومباوند مغلق في القطامية هايتس أو أكتوبر والشيخ زايد أو مدينتي والرحاب والقاهرة الجديدة.

لقد اكتشفت أيها الإخوة أننا نحن المصريون المقيمون في الخارج بلهاء وقليلي الذكاء فبدلًا من أن نركز جهودنا في جمع المال والإكثار منه تحسبًا للأيام التي لا يعلم إلا الله كيف ستكون إذا عدنا إلى بلدنا للتقاعد قبل الحصول على باسبور كندي أو أسترالي أو نيوزلندي (لا قدر الله) ، بدلًا من ذلك نستغل أوقات الفراغ القليلة في الاهتمام بالشأن العام ورفع الضغط والسكر والكولسترول بالمناقشات العقيمة والبكاء على أحوال مصر واللي جرالها، بينما عندما زرت مصر في إجازتي الأخيرة وجدت المصريين على النقيض التام من ذلك كله، ولربما خضنا في مقال آخر عن سبب اهتمام المغتربين بالوطن أكثر من اللازم، لكن دعوني أصف لكم كيف كان شكل الثمانين مليون داخل الوطن.

هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن السيارات السيراتو ذات المائة ألف جنيه أصبحت السيارة الشعبية الأولى في مصر ويمكن أن تقول بملء فمك أنها أخذت مكان الفيات بأرقامها 128 و127 الهاتشباك. إذا وقفت في شارع الملك فيصل، وهو شارع عشوائي يلعن كل ساكن فيه الساعة التي جعلته يسكن بالقرب منه، إذا وقفت في ذلك الشارع دقيقة واحدة ستمر أمامك على الأقل عشر سيارات سيراتو ماشاء الله تبارك الله. سألت موظف محترم في سوبرماركت بنزينة شل هو أيه حكاية العربية السيراتو في مصر؟ قاللي كل العربيات دي قسط يابيه، سألته وياترى قسطها يعمل كام؟ قاللي: ألفين ألفين ونص، كبرت وهللت الله الله الله كل دول ماشاء الله مرتباتهم بتعدي الست آلاف جنيه وبيدفعوا القسط بسهولة كده قاللي: ده نصهم كمان موظفين في الحكومة ! ...إذن يبقى كلام أحمد عز وجمال مبارك صح، يبقى فعلًا فيه تنمية في البلد والناس اتزبطت. أمال الناس في مصربتصرخ ليه لما تلاقي كيلو اللحمة بستين جنيه؟ وما فيش بيت فيكي يا مصر دخلته مالقيتش فيه لحمة على السفرة!!

التقسيط الآن ملأ بيوت المصريين بأرقي أثاث وأفخم ديكورات وأكسسورات وأحدث أجهزة منزلية والكترونية، وبالطبع ملأ شوارع المصريين بأحدث العربيات على الزيرو، حتى السياحة بقت بالتقسيط، وكل ما أتصل بواحد صاحبي عشان نتقابل اللي يقوللي معلهش مش فاضي أصلي طالع تركيا أعمل شوبنج الأسبوع الجاي، والثاني يقوللي أنا في ماليزيا مع المدام بنجدد شهر العسل، واللي يقوللي أصلي لسه راجع من اسبانيا وهلكان. أما اللي وقته (مش جيبه) مايسمحش يسافر بره بيأجر أسبوع في الساحل، بأعيد وأؤكد إني بأتكلم عن أصحابي ولاد الطبقة المتوسطة ، لأن طبقة موظفي الحكومة والقطاع العام "المعدمين" بيصيفوا في أسكندرية ومرسى مطروح. الصدمة الكبرى إن أم عزة اللي ساكنة فوق سطوح بيتنا بقالها ثلاث سنين كل سنة بتصيف في نيو جيرسي عند ابنها المقيم هناك بصورة غير شرعية من سبع سنوات ... وبتحكي للجيران إن لولا عزة وأخواتها الصغار لسه في المدارس كانت قعدت في أمريكا على طول!!

بلاش العربيات والعفش والسفر، تعالى نتكلم عن الدروس الخصوصية، أصدقائي وقرايبي بيحلفوا أن أي أسرة لديها 3 أطفال في المدارس الحكومية لن يتكلفوا أقل من عشرة آلاف جنية في السنة دروس، تتضاعف 3 مرات لو إن أحد العيال في الثانوية العامة، ولو العيال في مدارس خاصة عادية تصل مصاريف المدارس مع الدروس لخمسين ألف جنية في السنة، ولو مدارس خاصة أجنبية لن تقل مصاريف الثلاث عيال مع دروسهم عن مائة ألف جنية في السنة، أما الدراسة الجامعية الخاصة والحكومية فحدث ولا حرج فالميزانية مفتوحة بدون سقف. الظريف إن جحافل العيال طوال السنة صيف شتاء رايحة جاية بين المدارس والدروس في سوق تعدى حجمه المليارات (إذا كان اللي بيدخلوا امتحان الثانوية العامة بس 15 مليون عيل !!!)، يا عالم ياهوه المليارات دي كلها بتيجي منين إذا كنتم فقراء؟! مافيش إجابة غير إن المصريين بيستعبطوا وكهنة وبيدّعوا الفقر.

هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن حسب الإحصائيات السعودية فإن أكبر عدد معتمرين في العالم كله يأتي من مصر (أكثر من ستمائة ألف معتمر في السنة) أكثر من دول تعدي مسلميها المائة مليون مثل إندونيسيا وماليزيا وباكستان والهند والصين، وهذا الشعب المؤمن المتدين هو اكبر مستهلك للحشيش في العالم وأكبر مستهلك للمخدرات المستوردة في الشرق الأوسط بحجم تجارة مليارات (أقل بقليل من حجم تجارة الدروس الخصوصية).

هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن الشباب اللي قاعد على القهاوي في الثلاث الطوابق ودي من المناطق الغارقة في العشوائية والعبث وكل الألفاظ اللي نفسك فيها، الشباب دول ما شاء الله تبارك الله لابسين جزم نايكي وساعات سواتش ونضارات شمس أوكسيدو أصلي مش مضروبة، وأنسى الموبايلات فآخر إحصائيات عدد الخطوط اللي نزلتها الثلاث شركات المشغلة في مصر تعني أن المتوسط لكل مصري فوق عمر ستة عشر سنة هو موبايلين!! ...أمال أيه حكايات الفقر والبؤس والإضرابات وقلة الأدب اللي قرفونا بيها دي؟

بصراحة كده ومن خلال احتكاكي بكل اللي قابلتهم في مصر من أقارب وأصدقاء ومعارف تيقنت وآمنت أن الناس كلها مزبطة حالها على كافة المستويات وبكافة الطرق سواء حلال أو حرام لأن الحلال والحرام أصبح مصطلح مطاطي في مصر كل واحد بيعمل قانون الحلال والحرام على راحته. وأصبح متوسط الدخل في مصر مقارب للدخل في الخليج ، والكلام ده مش اعتباطي والدليل موجود ، فإذا كانت أسعار الاحتياجات الأساسية من مأكل ومشرب وملبس ووقود في مصر أعلى (أؤكد مرة أخرى أعلى) من مستوى أسعارها في الخليج بينما مازال المصريين بيأكلوا ويشربوا ويلبسوا ويشتروا سيارات جديدة بل ويسيحوا في بلاد الله فلا بد وان الدخل في مصر مقارب للدخل في الخليج. أما الفقر فأنا ماشفتش فقراء وإذا كان فيه فقير في مصر فده بسبب غباؤه ليس إلا بدليل إني لما كنت بادور على مكان لركن عربيتي الحقيرة الآفيو في شارع القصر العيني عشان أقضي مصلحة شاور لي شاويش طيب وقاللي تعالى هنا وركنت صف تالت في شارع جانبي قريب من مجلس الشعب.المهم إني قضيت مصلحتي ورجعت لقيت فيه ورقة على زجاج العربية بما يفيد المخالفة مسكتها وبصيت للشاويش وقلتله بقى كده يا حضرة الصول؟! قاللي يا بيه أنا اللي حاططها وانت نازل،انت ماختش بالك ولا ايه؟ طب بص يابيه في الورقة هاتلاقيها مكتوبة بخط اليد مافيش فيها حاجة مطبوعة عشان بس لو عدى الونش ولا حاجة تبقى محمية بالمخالفة، انفجرت في نوبة ضحك هيستيري وقررت أعطيه عشرة جنيه مش عشان كان بيحمي عربيتي لأ عشان ذكاؤه في تزبيط حاله.

إذا كان صاحب العربية الحقيرة اللي هو أنا بيديه عشرة جنيه أمال اللي راكب سيراتو ولا باسات ولا بي أم ولا مرسيدس هايديله كام؟ ألا يجمع هذا الشاويش بنهاية كل يوم ورقة بمائة جنيه على الأقل يعني ألفين ونص في الشهر غير مرتبه الكحيان يبقى يدفع قسط السيراتو ولا لأ؟ ....يبقى من حقي أصدق جمال وأحمد وعز ولا لأ يا شعب يا كهين ياللي بتستعبط.؟

[لماضة مصرية جدا]

السلام عليكم و رحمة الله و بركاته

الحقيقة يا مغتربة هي عدت عليا قبل كده...بس اللي قدرت افهه منها انها بتبين حجم التناقضات الرهيبة اللي بنعيش فيها في مصر

و دي حقيقة لا جدال فيها....يعني المغترب بتكون عينه اسرع للالتقاط لانه بعيد عن الوطن و كل مصدر معلوماته بتكون وسائل الاعلام الغرقة في تعرية الفساد...و لما بننزل مصر بنكتشف واقع تاني

الواقع التاني دوت مش بس بنقارنه بالبلد الخليجي اللي احنا عايشين فيه لا

بنقارنه بحاجات كتير....يعني مثلا كل ما ننزل لازم نسمع ان الناس مش لاقية تاكل كويس...و تعالي عند اي موسم مناسبات تلاقي المطاعم ما شاء الله شغالة لغاية الفجر....و هتلاقي نفسك في موقف حد بيتساءل هي الناس في مصر بتجيب فلوس منين و اصلا عايشة ازاي

و يا تري احنا متغربين علي الفاضي و لا ايه؟؟؟

دي وجهة نظري في المقال السابق...

بس لو تقصدي مثلا لانه جالك عن طريق جموعة بريدية غير مصرية....طب ما يمغتربة اعلامنا بيساهم بشكل فظيع في زرع الصورة الغامقة عن اوضاع مصر....صح و لا لا

انا فاكرة مرة الصحفي دوت اللي خطفوه و حدفوه في الصحرا من غير هدوم...(مش فاكرة اسمه دلوقتي)

قال ان النظام ماسبشي قدامنا اي حل غير "تعريته"...معرفشي هو كان بيقصد اللي حصله و لا بيقصد ان الوضع في مصر فيما يتعلق بالفساد اصبح حله المواجهة الصادمة

و جزء من المواجهة الصادمة هي ما ورد في الرسالة اعلاه

[ريمون]

فيه ناس غلابه كتير فى مصر

بس بصراحه المستوى المادى للمصريين بيتحسن شويه بشويه

زمان محدش كان بيعمل فلوس الا لو كان مهندس بترول

دلوقتى فيه شغلانات كتير بتدفع كويس

مهندسين اتصالات كتير بيشتغلوا فى شركات عالميه

مهندسين الكومبيوتر (مبرمجين) شغالين زى الفل بردوا

فيه مصانع كتير اتفتحت و بتقبض كويس

و ده فتح السوق الخدمى على البحرى

و فتح باب رزق لناس كتير

بس لسه فيه ناس عايشه على الستر كتير

[Ahmed Anwer]

المقال ده اتناقش قبل كده هنا في المنتدي ،،

و أنا رديت في الموضوع السابق

أنا كان فيه نقطة ممكن تضايق اعضاء كتير في المنتدي

يمكن عشان كتير من الأعضاء مغتربين و كاتب المقال نفسه مغترب

مش عارف بحس إن المغتربين معتبرين نفسهم مضحيين و إنهم بيشقوا شقا ما بعده شقا ،،

فبالتالي بيستغربوا لما يرجعوا مصر و يشوفوا ناس عايشة في مصر و مستوريين

يعني المفروض يرجعوا يلاقوا الناس كلها مش لاقيه تاكل !!!و إلا هما سافروا و اتغربوا و استحملوا ليه

العربية السيراتو ( الكوري ) و الساعات السواتش و الأكل في كنتاكي

ده مهما كان مش هيخرج حد عن الطبقة المتوسطة ،،، دي حياة عادية مش حياة رفاهية يعني

و الرزق مالهوش بلد ،، طب ما فيه خليجين و عرب و اجانب ،، عايشين و بيشتغلوا و يكسبوا في مصر

[masraweya]

حبيبتي مغتربة

المقالة دي ناقشناها من فترة بس مش عارفة افتكر الموضوع فين

و الرد عليه مقالة لشاب موريتاني زار مصر اتنشرت في المصري اليوم

الموريتاني الشاب ببساطة شاف ان فيه اكثر من مصر

مصر اللي اتكلم عنها المقال ده و مصر المطحونة و مصر شديدة الرفاهية

يمكن عشان العدد فحتي لو فيه 10% مرتاحة ماديا و أغلبهم في القاهرة و ما حولها

و انت ما شفتش غير دول

هتقول ايه النعيم اللي فيه المصريين ده

المشكلة ان ناس كثير رافضة تشوف مصر على بعضها

الصورة الكلية شيء غائب عنا

من غيرها مفيش تخطيط صح

[مغتربة]

السلام عليكم و رحمة الله و بركاته

الحقيقة يا مغتربة هي عدت عليا قبل كده...بس اللي قدرت افهه منها انها بتبين حجم التناقضات الرهيبة اللي بنعيش فيها في مصر

و دي حقيقة لا جدال فيها....يعني المغترب بتكون عينه اسرع للالتقاط لانه بعيد عن الوطن و كل مصدر معلوماته بتكون وسائل الاعلام الغرقة في تعرية الفساد...و لما بننزل مصر بنكتشف واقع تاني

الواقع التاني دوت مش بس بنقارنه بالبلد الخليجي اللي احنا عايشين فيه لا

بنقارنه بحاجات كتير....يعني مثلا كل ما ننزل لازم نسمع ان الناس مش لاقية تاكل كويس...و تعالي عند اي موسم مناسبات تلاقي المطاعم ما شاء الله شغالة لغاية الفجر....و هتلاقي نفسك في موقف حد بيتساءل هي الناس في مصر بتجيب فلوس منين و اصلا عايشة ازاي

و يا تري احنا متغربين علي الفاضي و لا ايه؟؟؟

دي وجهة نظري في المقال السابق...

بس لو تقصدي مثلا لانه جالك عن طريق جموعة بريدية غير مصرية....طب ما يمغتربة اعلامنا بيساهم بشكل فظيع في زرع الصورة الغامقة عن اوضاع مصر....صح و لا لا

انا فاكرة مرة الصحفي دوت اللي خطفوه و حدفوه في الصحرا من غير هدوم...(مش فاكرة اسمه دلوقتي)

قال ان النظام ماسبشي قدامنا اي حل غير "تعريته"...معرفشي هو كان بيقصد اللي حصله و لا بيقصد ان الوضع في مصر فيما يتعلق بالفساد اصبح حله المواجهة الصادمة

و جزء من المواجهة الصادمة هي ما ورد في الرسالة اعلاه

الى مضايقنى يا لماضه مش الفكره الى بيناقشها اد الاسلوب الى استخدمه

فكره تكراره للفظ ان المصريين بيستعبطوا حسسنى ان هو الى بيستعبط

فى ناس اغنيه فى مصر اكيد لان مصر فيها تمانين مليون و اكتر

فبالتالى فى زحمه فى اى حته يعنى لو رحتى مطعم هتلاقى زحمه بس برضه اكيد لو رحتى منطقه عشوائيه اكيد برضه فى زحمه

لكن اصراره على اختزال كل الكلام الى عن المعاناه الى برضه بيقابلها مصريين عايشيين فى مصر و هى معاناه حقيقيه للبعض فى انها مجرد استعباط او خزى عين مثلا من المصريين مستفز

كنت اتمنى انه يراعى التوازن فى كلامه بدل ما يطلقه بشكل عام عاطل فى باطل و يحدد هو بيتكلم عن انهى شريحه فى مصر بدل التعميم

مشوفتش حد بيتكلم على شعبه او اهله بالطريقه دى قبل كدا

صحيح ان فى ناس كتيره عايشه فى 6 اكتوبر زى ما بيقول لكن برضه قدامهم اد ايه عايشيين فى اماكن غير ادميه بالمره

الى بينكره على الناس و هو المبالغه وقع هو نفسه فيه فى معالجه الموضوع

و اكيد ان يوصلنى الاميل دا من مجموعه غير مصريه كانهم بيقولولك شوفوا انتوا بتتكلموا على نفسكم ازاى حاجه مش لطيفه بالنسبه لى

[مغتربة]

فيه ناس غلابه كتير فى مصر

بس بصراحه المستوى المادى للمصريين بيتحسن شويه بشويه

زمان محدش كان بيعمل فلوس الا لو كان مهندس بترول

دلوقتى فيه شغلانات كتير بتدفع كويس

مهندسين اتصالات كتير بيشتغلوا فى شركات عالميه

مهندسين الكومبيوتر (مبرمجين) شغالين زى الفل بردوا

فيه مصانع كتير اتفتحت و بتقبض كويس

و ده فتح السوق الخدمى على البحرى

و فتح باب رزق لناس كتير

بس لسه فيه ناس عايشه على الستر كتير

متفقه معاك استا ريمون لكن فى حاجه كمان ساعدت فى الموضوع و هى تسهيل شروط القروض البنكيه الامر الى مكن شريحه كبيره من المجتمع المصرى من التمتع بمزايا كانت اعلى منها فى السابق و بشكل عام منها السيارات

[مغتربة]

استاذ احمد انور

استاذه مصراويه

سعدت بتشريفكم و تنبيهكم ليا لان الموضوع سبق مناقشته عن نفسى للاسف مشوفتوش لما اتناقش هنا

لكن معنديش مانع ان الاداره تضم الموضوعين على بعض

تم تعديل 17 ديسمبر 2010 بواسطة مغتربة