يا ما أنت كريم يارب .. زيدان هايبقى أب

[se_ Elsyed]

هي بقت كده دلوقت ؟

يعني عادي الواحد يصاحب واحده كده وتبقى حامل والواد ييجي يلاقي بابا صاحب ماما والدنيا تبقى زبادي في الخلاط كده ؟

بالرغم من إني ما بأحبش اتكلم عن الحياة الشخصية لفنانين أو لعيبة كورة لإنهم أحرار إن شالله يولعوا في نفسهم

لكن ما توصلش لدرجة المجاهرة الزبالة دي ...

الأخ محمد زيدان المصري المسلم إبن بورسعيد المحترم ... عايش مع صاحبته دي من سنين طويلة من ايام ما كان محترف في الدنمارك وكان شاري حتت فيلا عايشين فيها هما الإتنين سافا سافا . .. إنما تهبل .. الفيلا بصراحة والبت شتينا دي يهبلوا ... وبعدين في مره شكله ظبطها مع نطع غيره في أحد الخمارات هناك راح مسكها ضربها علقه لما قالت بس قدام الناس يعني فيه ييجي مليون شاهد .... وطبعاً ما قدرش يقعد في الدنمارك ساعتها وأتهبد حكم محترم وشكلها إتنازلت عن المحضر اللي عملته في قسم الوايلي بتاع كوبنهاجن .. .... وطفش وساب الدنمارك وراح أحترف في ألمانيا وعمل شغل كويس ...

وتألق طبعاً في بطولتي أفريقيا 2008 و 2010 .... وشكله قال عاوز أستقر بقى وأكمل نص ديني الضايع فراح خطب الفنانة مي عز الدين ... والجميع بلا إستثناء توقع فشل الموضوع في أسرع وقت .. فلا هو هايسيب الإحتراف في أوروبا عشان ييجي يتحوز ويقعد جنبها في مصر .. وهي مستحيل تعتزل وتسيب الفن وتروح ألمانيا

وبالفعل ما فيش أيام إلا والموضوع إتفركش ...

وفريرة رجع زيدان ألمانيا .. ولقى الصاروخ الدنماركي منتظرة في المطار وأتصوروا هما الإتنين صوره حاره مش ظريفة بالمرة ... أيوه هي نفس البنت اللي طرقع لها .. والظاهر القط ما بيحبش إلا خناقه ...

من الأخر يعني

بعد قصة الحب العنيفة دي ...

مبروك ... شتينا حامد ... قصدي شتينا حامل ... وزيدان هايبقى أب ... وكله في الخلاعون ومن غير جواز ولا قايمه ولا التنجيد عالعروسة والستاير على العريس وعربيات نقل شايله العفش او ينزل دمياط يتبهدل على ما ينقي أوضة الجلوس المدهبة ..... وسمعينا زغروطه يا خالتي أم زيدان يا اللي هاتنزلي إنتخابات مجلس الشعب في بورسعيد .

على فكرة .. زيدان من وهو صغير عايش مع والدته في الدنمارك عشان الحاجه بتتاجر في قطع غيار السيارات المستعملة وبتبعت من أوروبا على المنطقة الحره في بورسعيد ..

ينتظر النجم الدولي المصري محمد زيدان حادثا سعيدا في الربيع المقبل بحسب ما أكده موقع ألماني شهير.

وقالت صحيفة ديرفيستين الألمانية في سياق خبر ينقله سوبركوره إن زيدان أكد على استدامة العلاقة مع صديقته الدانمركية شتينا رودي حيث ينتظر مولوده الأول في الربيع المقبل.

وتحت عنوان (زيدان بابا) قالت الصحيفة إن اللاعب يستعد للعودة للملاعب في أكتوبر المقبل حسب البرنامج التأهيلي الموضوع له، وبعيدا عن الملعب يبدو أن زيدان وطد العلاقة مع صديقته شتينا حيث ينتظر الاثنين حادثا سعيدا في عام 2011..

وتابع الموقع: الفتاة الدانمركية حامل وينتظر الاثنين مولودا في الربيع المقبل.

يذكر ان زيدان أصيب في الرباط الصليبي في أبريل الماضي وأجرى اللاعب عملية جراحية ومن المتوقع أن يعود للملاعب في نهاية أكتوبر المقبل.

[Mr MAGED]

لا حول ولا قوة الا بالله

تصدق زعلتني يا سين سين

انا كنت باحب الواد ده

بس ع العموم ده مش بعيد علي واحد قضي كل سنين عمره في أوروبا

مش عارف هنشجعه ازاي بعد كده

[hOuSsAm]

ان لم تستحى فافعل ماشئت

اللى واجع قلبى زى ما انفزتور قال ان الواد ده كنا بنحبه وهتلاقى شباب كتيرة واخدينه قدوة (ماهو من ضمن فريق الساجدين اللى بنعملهم تماثيل من دهب بعد كل ماتش)

وهتلاقى شباب كتير يكرروا الموضوع ده على اساس انه بيس يا مان وعادى يعنى زيزو احسن مننا فى ايه وهو ده رتم الحياة والدين والاخلاق تتنسى فى نص الموضوع

ياريت بجد لو الناس تبدا تفكر فى القدوة اللى ولادهم بيتبعوهم ميبقاش اى حد مقضيها لعب وفسح وخلاص

من قبله عمله احمد الفيشاوى والموضوع عدى عادى (احمد الفيشاوى بردوا الناس كانت بدات تحبه عشان كان بيقول انا بحب اسمع عمرو خالد وبحضر محاضراته)

وهتلاقوا حجات كتيرة من هذا القبيل

اللى بيوجع كمان ان المجتمع بيستقبل مثل هذه الاخبار بالتهانى

[اغابي]

بصراحة اول مرة اسمع الخبر داه ولا باين عليه الولد السهونة

بس الاجمل والاجمل اسلوبك الرائع يا استاذ س س - انت بتجيب طريقة الحوار الجميلة دى منين

بس فعلا اللى اعرفه ان الشباب المصري فى اى بلد بره مصر ما بيحبش يمشي فى موضوع امشي مع صاحبيتى واخلف منها

- دى جديد على الشباب المصري

وبعدين الخوف ان ممكن يبقى فاتحة على الكل ويقلدووه يعنى تبقى مشكلة جديدة احنا كشعب مصري فى غنى عنها بصراحة

ربنا يستر من اللى جاى

اغابي

:roseop:

[المهندسه]

الاختشوا ماتوا خلاص مافيش منهم خلصوا من زمان...الله يحرقه بكره الشباب الهيس هتعمل زيوه...اصل لاعيبه الكوره دلوقت بقوا قدوه للشباب

والاطفال وللاسف الاعلام بيعزز الموضوع ده فى دماغهم يقولولك "اللاعب الخلوق" و "منتخب الساجدين" انتم مش فاكرين الاعلام قال ليه المنتخب

خسرامام امريكا فى جنوب افريقيا و يقولولك متبليين عليهم ..اشك..

و الاعلام يسلط الضوء عليهم لغايه ما العيال بقت مهووسه بيهم..الواد ابن اختى فى رابعه ابتدائى مش عاوز يروح المدرسه و عاوز يروح

نادى وادى دجله و ينضم لفريق الارسينال الانجليزى ومتصل بيا يقولى هاتيلى معاكى وانتى جايه السنه الجايه طقم لاعبى الارسينال من نايك (قال يعنى احنا لاقيين ناكل بسلامته)علشان عاوز يبقى زى ميدو ويلعب فى الدورى الانجليزى لما يكبر...يا فرحتى قصدى يا خبتى على العيال يحرق ميدو على زيدان على الكل كليله هوسوا العيال و حسسوهم انهم قدوه ومثل يحتذى بيه ...بكره نلاقى الواد داخل البيت و معاه صديقته فى الkg علشان

يعمل زى زيدان ويبقى زيوه..ربنا يسترها على عيالنا..وبعدين منتظرين ايه من زيدان هو مش لما نزل المانيا وطى و باس ارضها وقال انه

كان مخنوق اوى فى مصر وماصدق رجع...داهيه لا ترجعه

[nightmare]

انا مش عارف يا جماعة انتوا مستغربين الموضوع ده قوي ليه كده, هو حضرتكوا ما تعرفوش انه منتشر في مصر بشكل كبير جداً في أوساط الشباب وفي الجامعات وخاصة في أوساط الناس المرتاحة قليلاً مادياً.

اه منتشر ومش زي الأول مثلا لما واحد يكلم واحدة زميلته في الجامعة او يعزمها على سندوتش جبنة نيستو, لأ الموضوع بقي يقولك دي "رفيقتى" , يعني ايه يا ابنى يقولى ان احنا بنعامل بعض كأزواج بس احنا مش متزوجين, ازاى طب فسرلى اصل انا جاهل والحاجات دي ما كنتش على أيامنا, يقولى عادى بتجيلى الشقة او بناخد شقة ونقضي مع بعض طول اليوم , تطبخ بقي وتوضب الشقة الهانم ويقعدوا ياكلوا مع بعض ويحكوا ويلعبوا Games وعلى المغرب كده ينزل يوصلها .

اه في مصر ما بتوصلش انها تبقي علنية كده ومازلنا محتفظين ببعض قيمنا وعاداتنا , بس ما احنا في مصر برضه اعطينا للزنا شرعية وسميناه "الجواز العرفي" , ومعروف في الإسلام أن أي إمرأة نكحت نفسها بدون إذن وليها فهي زانية, وشوفوا احصائيات عدد الأطفال المولودين والمجهولين النسب إحصائيات كبيرة على مجتمع شرقي المفترض عليه أن يكون محتفظاً بتقاليده السمحة.

ما فعله زيدان لا أبرره وهي فعلة نكراء وشيء مقزز ومقرف , بس لابد أن ندق ناقوس الخطر لان الظاهرة دي تفشت في مجتمعنا في شكل "الزنا العرفي" أو الجواز العرفي كما يطلقون عليه.

مع تحياتى

تم تعديل 27 سبتمبر 2010 بواسطة nightmare

[Mr MAGED]

حتي لا نكون قد تجنينا علي زيدان .. وحتي لا نكون قد اغتبناه وقذفنا في عرضه بالغيب

خاصة ان الخبر هو خبر صحفي ولا يوجد لدينا دليل اثبات مؤكد علي صحته

وخاصة بعد أن قرأت نفس الخبر في جريدة الاسبوع ولكن بصيغة مختلفة

حيث أكدت الأسبوع أن اللاعب بعد أن انفصل عن الفنانة مي عز الدين

عاد لصديقته السابقة وتمت الخطبة وأعلن الزفاف

رابط الخبر بجريدة الاسبوع

لذا فنحن لا يوجد لدينا سبيل للتأكد من مدي صحة أي من الخبرين

لذا فأنا أبرأ بنفسي أن أكون قد قذفت في عرضه بدون علم مني

تحياتي

تم تعديل 29 سبتمبر 2010 بواسطة INVESTOR

[engmido]

حتي لا نكون قد تجنينا علي زيدان .. وحتي لا نكون قد اغتبناه وقذفنا في عرضه بالغيب

خاصة ان الخبر هو خبر صحفي ولا يوجد لدينا دليل اثبات مؤكد علي صحته

وخاصة بعد أن قرأت نفس الخبر في جريدة الاسبوع ولكن بصيغة مختلفة

حيث أكدت الأسبوع أن اللاعب بعد أن انفصل عن الفنانة مي عز الدين

عاد لصديقته السابقة وتمت الخطبة وأعلن الزفاف

رابط الخبر بجريدة الاسبوع

لذا فنحن لا يوجد لدينا سبيل للتأكد من مدي صحة أي من الخبرين

لذا فأنا أبرأ بنفسي أن أكون قد قذفت في عرضه بدون علم مني

تحياتي

بارك الله فيك وعليك

[شريف مان]

اه منتشر ومش زي الأول مثلا لما واحد يكلم واحدة زميلته في الجامعة او يعزمها على سندوتش جبنة نيستو, لأ الموضوع بقي يقولك دي "رفيقتى" , يعني ايه يا ابنى يقولى ان احنا بنعامل بعض كأزواج بس احنا مش متزوجين, ازاى طب فسرلى اصل انا جاهل والحاجات دي ما كنتش على أيامنا, يقولى عادى بتجيلى الشقة او بناخد شقة ونقضي مع بعض طول اليوم , تطبخ بقي وتوضب الشقة الهانم ويقعدوا ياكلوا مع بعض ويحكوا ويلعبوا Games وعلى المغرب كده ينزل يوصلها .

اله ما التعليم بقى سهل اهو

هههههههههههههههههههههههههه

ربنا يستر علينا

[شريف مان]

عايش مع صاحبته دي من سنين طويلة من ايام ما كان محترف في الدنمارك

قول كده

دا أنا مقدرش أقاوم مع شتينا 3 دقايق

:lol: