توقيع عقد «المواقف الذكية» في مصرـ بـ100 مليون جنيه

[اغابي]

هو الخبر لفت انتباهى لانى حسيت ان مبالغ فيه

يعنى هو حيعملوا مدينة ملاهى مثلا - داه هو بس موقف سيارات تحت الارض ممكن تكلفته توصل 100 مليون جنيه

كمان حاجة

ليه فى منطقة روكسي ومصر الجديدة ما هو فى ازمة مرورية فى مناطق كتير فى مصر ليه المنطقة دى علشان بيسكنها المواطن المصري اللى مش عادي

طب المواطن المصري العادى اللى زى انا كدا - ما هو انا مش ساكنة فى روكسي امتى البلد تهتم وتعملنا مشروع زى داه يخفف الزحمة من حوالينا

اليكم الخبر

«كابيتال العربية» توقع في مصر عقد «المواقف الذكية» بـ 100 مليون جنيه

أعلن رئيس مجلس إدارة شركة المواقف الذكية، إحدى شركات كابيتال العربية للتمويل والاستثمار، محمود فراج أنه تم التوقيع النهائي مع محافظة القاهرة ويمثلها الأستاذ الدكتور الوزير المحافظ عبد العظيم وزير عقد عملية إنشاء وتشغيل والانتفاع بمشروع كراج أوتوماتيكي متعدد الطوابق تحت سطح الأرض بمنطقة روكسي - مصر الجديدة، والذي ستتم ينظام الـ«بي أو تي» لمدة خمس وعشرين سنة وبطاقة استيعابية قدرها 1700 سيارة وبتكلفة تقديرية تبلغ 100 مليون جنيه مصري. وعليه سيتم الانتهاء من تنفيذ المشروع خلال عام 2012.

وأثنى الوزير المحافظ على العرض المقدم من الشركة ووصفه بالعرض المميز وأن مثل هذه المشروعات من شأنها حل أزمة المرور في القاهرة واعتبر أن المشروع «هو الأول من نوعه بهذا الحجم في منطقتنا العربية».

جانب من توقيع العقد

تم تعديل 27 سبتمبر 2010 بواسطة اغابي

[Howayda Ismail]

هو انت يعنى ياختى يااغابى بنت وزير من اياهم لاسمح الله ولاحتى معاك جنسية امريكانى

عشان يعملوا لك انت ولا غيرك حاجة زى دى احنا علينا ندفع الضرايب واحنا ساكتين

عشان الناس دى ترتاح اصل ياعينى كل واحد فيهم عنده يجيى 5 عربيات له ولعياله

والدنيا بقت زحمة عليهم قوى فلازم يريحوهم

هم فكروا فى حل لسكان الدويقة ولا الناس اللى خدوا شقة 26 متر ولا حتى الناس اللى اضررت

من الزلزال اللى لسة عايشين فى اماكن الايواء ماخدوش شقة لحد دلوقت

دول ربنا يورينا فيهم يوم ويكون قريب ان شاء الله

[اغابي]

فعلا يا هند عندك حق

على فكرة فى مناطق فى مصر زحمة لدرجة ممكن التاكسي يبقى متعطل واقف بيكى 20 دقيقة علشان يمشي خطوتين

انا شايفة ان روكسي من المناطق اللى مفيش يعنى زحمة ولا انفجار مرورى يعنى مش للدرجة وكمان الشوارع واسعة عن باقى المناطق

لو فكرو شوية انهم يعملوا المشروع داه يخدم الشريحة الاكبر فى المجتمع من المواطنين اللى بيروحو شغلهم ومعتمدين على وسايل مواصلات عادية

مش عربية خاصة ولا الكلام داه كان ممكن المشروع يتعمل فى منطقة تانية

انا مش معترضة على روكسي كمنطقة يتعمل فيها المشروع انا معترضة على انها منطقة مش لها الاولوية اطلاقا فى مشروع زى داه وبالتكلفة دي

ولا يمكن هما معتبرين ان الزوار والاجانب وكل الكلاس بتوع مصر هما اللى لازم تكون مصر واجهة ليهم ومنظرة ان يتعمل مشروع زى كدا

وينبسطو ويقولوا دى مصر دى فيها اول مشروع فى المنطقة العربية شفناه هناك

اكيد فى مواطن عادى ومواطن مش عادى

اغابي

[Diab]

مش عارف ايه لازمه الحشر والتفعيص في الهد والبناء

مايروحوا في حتة تانية واسعة

يعني في مكة والمدينة عارفين ليه المشاريع فوق بعض لأن بيبنوا حولين أماكن مقدسة

لكن ايه بقي المقدس في القاهرة

مايروحوا في الوسع شوية بجد والله ناس عقلها قليل

تم تعديل 27 سبتمبر 2010 بواسطة Diab

[مصري أصيل]

( p.o.t) المشروع مبني بنظام حق الأنتفاع

يعني الدوله مش هيه اللي هتدفع لأ المستثمر هو اللي هيدفع التكلفه و ياخد ارباح المشروع لمدة

25 سنه

و بعدها يسلمه للدوله تديره و ممكن الدوله بعد كده تديره زي ما حاصل في الكويت يعني ابسط مثال المدينه المائيه الاكوابارك مبنيه بنفس النظام و بعد ما هتكمل 20 سنه هتتسلم للحكومه و كذلك منتجع ابو حليفه و كمان الافنيوز بس دي مش متأكد منها بس علي ما سمعت.

عموماً الفكره أظنها جيده اذا مش داخل فيها نظام البيزنس و نفع و استنفع و اذا قدرت الدوله او محافظة القاهره تحط تسعيره للوقوف في هذه المواقف و عدم مبالغة الشركه المنفذه لرسوم الوقوف يبقي اظن ان الموضوع كويس جداً لأن الدوله ما دفعتش فلوس

و في نفس الوقت حلت مشكلة الوقوف في مكان مزدحم كميدان روكسي

و كمان اختيار روكسي لأنه عارف ان المنطقه راقيه و ان الناس ممكن تدفع نظير ما هتوقف عربيتها

ده رأيي المتواضع

تقبلوا تحياتي

تم تعديل 27 سبتمبر 2010 بواسطة مصري أصيل

[أسد]

بالعكس ... المنطقة المزمع إقامة الجراج فيها منطقة هامة وحيويةبل ومحتاجة

فهناك العديد من البنوك والمؤسسات الهامة في تلك المنطقة

هذا أولاً ...

أما ثانياً ..

فهذا مشروع إستثماري سيقوم به القطاع الخاص

وتلك منطقة غالية ومرتفعة القيمة .. وروادها سيدفعون بسهولة أجرة الموقف ..

وعليه فقد قام المستثمر بالتأكيد بدراسة الجدوى ووجد أن يبدأ بمثل تلك المنطقة حتى يضمن جدوى المشروع إقتصادياً ..

أما ثالثاً ..

فأرض مصر كلها بالنسبة لنا واحد

وأي مشروع متطور سيسعدنا ويبشرنا بالخير ...

مثلاً .. ميدان التحرير .. أمام مجمع التحرير .. تم إفتتاح منذ فترة ليست بالقصيرة موقف متعدد الطوابق تحت الأرض هناك

رائع .. ويخدم الناس هناك بشكل كبير ... تنقصه الآلية الحديثة التي ترشد قائد السيارة عن الأماكن الخالية بدلاً من إضاعة الوقت في البحث

أعتقد أن مدينة مثل القاهرة .. تحتاج كثير من تلك المشروعات حتى تسير الشوارع بصورة طبيعية .. لأن جزء كبير من زحام الطرق سببه إشغالات الطريق سواء بركن السيارات على الجانبين أو بشكل مخالف أو بإشغالات الطريق الأخرى

ونحتاج نحن كناس .. أن نقبل أن ندفع أموالاً مقابل إيقاف السيارة .. فلن يظل كل شئ مجانياً ..

[عطر الجنة]

ايوة حق انتفاع لكن بعد 25 سنة هل الجراش حالته ستسمح باستخدامه بعد كده

انا شفت امام عينى نظام شبه ده

شفت شركة بولندية من حوالى 20 سنة جائت الى مصنع كفر الدوار للغزل و النسيج و عملت مصنع للملابس الجاهزة

بحيث الشركة تورد الاقمشة و الشركة البولندية المعدات و تاخذ الشركة الانتاج مجانا لمدة 3 سنوات بعدها يصير المكن ملكا لنا

تفتكروا ايه حصل

المكن بعد الانتاج الغزير المتواصل اصبح بعد 3 سنوات خردة و كترت اعطاله

يعنى دولة اوربية متخلفة ضحكت علينا و خدت الاقمشة ببلاش

تحياتى

[Howayda Ismail]

للاسف لحكومة مش بيبقى لها اى وصاية على المستثمر بتسيبه منه للشعب يتحكم فيه

وده اللى حصل فى حالات الخصخصة وادى الى احتكار اهم سلعتين فى البلد الحديد والاسمنت

المستثمر مش عبيط هو عارف انه حيدفع قرش حيخده عشرة وبمباركة الحكومة بس مين اللى بيدفع

الجمرك اتباع بحق الانتفاع برضه تعالوا شوفو الكوارث والمخالفات اللى بتم فيه والحكومة

ولاحس ولاخبر ماحدش يكره التنمية ولاالتطور لكن مابقاش فى ثقة فى اى حاجة تعملها الحكومة

[مهندس تحكم]

تفتكرو مشروع جراج تحت الارض بتكلفة تقديرية 100 مليون جنية.. تسعيرة الوقوف فية هاتبقي كام...وياتري الشركة المالكة ناوية تسترجع قيمة استثمارها في المشروع في كام سنة..

علشان كدة كان من المنطقي والطبيعي انة يتعمل في مصر الجديدة وروكسي.......

[اغابي]

تفتكرو مشروع جراج تحت الارض بتكلفة تقديرية 100 مليون جنية.. تسعيرة الوقوف فية هاتبقي كام...وياتري الشركة المالكة ناوية تسترجع قيمة استثمارها في المشروع في كام سنة..

علشان كدة كان من المنطقي والطبيعي انة يتعمل في مصر الجديدة وروكسي.......

فعلا وجهة نظر برضوه يا بشمهندس

لكن افرض انه كان من ضمن مشروعات الدولة كاى مشروع بيخدم المواطن - مش كان يبقى افضل انه يكون فى اى منطقة تعانى الازدحام المرورى

وتبقى التسعيرة عادية بالساعة - يعنى هنا فى الكويت اى باركن تحت الارض فيه ماكينة بتحسب الساعة يما يعادل 2 او 3 جنيه مصري

او انك تعمل اشتراك شهرى اذا كنت بتضطر انك تركن يوميا لاي اسباب فليكن مثلا شغلك فى نفس المنطقة

اعتقد لو فى نية الدولة انه يبقى مشروع للمواطن العادي كنت حتلاقى حلول كتير اوى لمشكلة التسعيرة

تحياتى

اغابي

[مهندس تحكم]

تفتكرو مشروع جراج تحت الارض بتكلفة تقديرية 100 مليون جنية.. تسعيرة الوقوف فية هاتبقي كام...وياتري الشركة المالكة ناوية تسترجع قيمة استثمارها في المشروع في كام سنة..

علشان كدة كان من المنطقي والطبيعي انة يتعمل في مصر الجديدة وروكسي.......

فعلا وجهة نظر برضوه يا بشمهندس

لكن افرض انه كان من ضمن مشروعات الدولة كاى مشروع بيخدم المواطن - مش كان يبقى افضل انه يكون فى اى منطقة تعانى الازدحام المرورى

وتبقى التسعيرة عادية بالساعة - يعنى هنا فى الكويت اى باركن تحت الارض فيه ماكينة بتحسب الساعة يما يعادل 2 او 3 جنيه مصري

او انك تعمل اشتراك شهرى اذا كنت بتضطر انك تركن يوميا لاي اسباب فليكن مثلا شغلك فى نفس المنطقة

اعتقد لو فى نية الدولة انه يبقى مشروع للمواطن العادي كنت حتلاقى حلول كتير اوى لمشكلة التسعيرة

تحياتى

اغابي

الفاضلة / اغابي

تفتكري ان مشروع باريكنج تحت الارض ....ياخد اولاوية كام من 10 في مشاريع محتاجها المواطن في مصر....او مشاريع تفكر الحكومة انها تقوم بيها

يعني مستشفي جديد ولا حتي ترميم قديم ولا باركنج

مدارس ومعاهد وجامعات ولا باركنج

مساكن للناس يعيشوا فيها بدل المقابروالشوارع ولا باركنج

امداد طرق وصرف صحي ومياة وكهرباء ولا باركنج

هاتلاقي حجات كتير قوي اهم من الباركنج في مصر

ولولا ان المشروع استثماري ما كانش اتعمل من اصلة

لانة مش حاجة ملحة وذات اهمية قصوي

المشكلة المرورية في مصر 100 باركنج بـ 100 مليار مش هايحلوها لسبب بسيط جداا ان ممكن الناس في الاخر ما تحبش تركن بفلوس وساعتها يقولك ادفع لية 3 جنية في الساعة لما اقدر اركن في الشارع ببلاش وانتي عارفة ان مخالفة القوانين مزاج في مصر

مشكلتنا المرورية هي انعكاس صغير لمشكلتنا الاساسية في النظام واحترام القانون واحترامنا بعضنا لبعض

تحياتي

تم تعديل 29 سبتمبر 2010 بواسطة مهندس تحكم

[اغابي]

شكرا يا بشمهندس لردك

انا اديتك نقطة خضرا لانك تستاهلها

روؤية مميزة ووجهة نظر تحترم ( بضم التاء

انا كنت عاوزة ان يتعمل المشروع داه بطريق مش استثمارى بالمرة - بطريقة مشروع قومي

وفعلا لو حضرتك ركزت على الاولوية والاهمية ال 100 مليون حيبنوا مستشفى وممكن يبنو مدرستين

وممكن يبنو ويبنو - المبلغ مش بسيط للدرجة

لكن واضح ان الموضوع استثمارى - حاجة كدا ترفيهيه ولناس ناس وارجع اقول انها مش للمواطن العادي

المشروع داه مخصوص للمواطن اللى مش عادى - للمواطن اللى على راسه ريشة

فاكر الريشة يا بشمهندس

تحياتى

اغابي

:roseop:

تم تعديل 29 سبتمبر 2010 بواسطة اغابي

[مهندس تحكم]

شكرا يا بشمهندس لردك

انا اديتك نقطة خضرا لانك تستاهلها

روؤية مميزة ووجهة نظر تحترم ( بضم التاء

انا كنت عاوزة ان يتعمل المشروع داه بطريق مش استثمارى بالمرة - بطريقة مشروع قومي

وفعلا لو حضرتك ركزت على الاولوية والاهمية ال 100 مليون حيبنوا مستشفى وممكن يبنو مدرستين

وممكن يبنو ويبنو - المبلغ مش بسيط للدرجة

لكن واضح ان الموضوع استثمارى - حاجة كدا ترفيهيه ولناس ناس وارجع اقول انها مش للمواطن العادي

المشروع داه مخصوص للمواطن اللى مش عادى - للمواطن اللى على راسه ريشة

فاكر الريشة يا بشمهندس

تحياتى

اغابي

:roseop:

الفاضلة / أغابي

أشكرك علي سعة اُفقك وتقبلك الرأي الآخر...ومنحي هذة النقطة الخضراء..

خالص تحياتي