قام احد البنوك بعمل الإعلان التالي.

[nightmare]

قام احد البنوك بعمل الإعلان التالي

نهيب بالسادة العملاء أن البنك قد قام بعمل ماكينات جديدة

لكي يتمكن العملاء من سحب النقود دون الحاجة منهم إلى مغادرة عرباتهم.

هذا وبعد مباحثات استمرت عدة شهور

تم الاتفاق على وضع إرشادات لكيفية استخدام الماكينة لكل من الذكور والإناث.

" نرجو من السادة العملاء إتباع الطريقة الملائمة لكل نوع"

أولا : الذكور

قف بالسيارة إلى جوار الماكينة

افتح نافذة السيارة

ضع البطاقة في المكان المخصص ثم أدخل الكود السري

أدخل المبلغ المطلوب سحبه

اسحب المبلغ, البطاقة و الإيصال

أغلق النافذة

قد السيارة

ثانيا : الإناث

قودي السيارة إلى الماكينة

عودي للخلف قليلا حتى تصبح النافذة بمحاذاة الماكينة

ارفعي فرامل اليد, افتحي النافذة

افرغي محتويات حقيبتك على المقعد المجاور إلى أن تجدي البطاقة

أنهى مكالمتك التليفونية مع وعد محدثك بإكمال المكالمة في وقت لاحق

حاولي إدخال البطاقة في الماكينة

افتحي الباب لمحاولة الوصول إلى الماكينة لبعد سيارتك عنها

أدخلي البطاقة

عاودي إدخال البطاقة بطريقة صحيحة

ابحثي في حقيبتك عن مفكرتك و التي بها الكود السري

أدخلي الكود

اضغطي إلغاء ثم أدخلي الكود الصحيح

أدخلي المبلغ المطلوب سحبه

تأكدي من تمام زينتك في مرآة السيارة

اسحبي المبلغ و الإيصال

أفرغي محتويات حقيبتك مرة أخرى حتى تجدي حافظة نقودك وضعي المبلغ المسحوب بها

دوني المبلغ المسحوب في مفكرتك و ضعي الإيصال في الحقيبة

أعيدي التأكد من زينتك

قودي السيارة لمسافة 0.5 متر فقط

عودي للوراء إلى الماكينة مرة أخرى

اسحبي البطاقة

أفرغي محتويات الحقيبة مرة ثالثة و ضعي البطاقة في الحافظة الخاصة بها

ارمقي الرجل المنتظر وراءك بنظرة ازدراء

شغلي المحرك

أعيدي مكالمة محدثك على الهاتف

قودي سيارتك لمسافة 2-3 كم

أنزلي فرامل اليد

مع تحياتى

تم تعديل 28 سبتمبر 2010 بواسطة nightmare

[yasser moustafa]

الكلام دا جـد ولا هـزار ولا منقول؟؟؟؟؟ mfb:

[المهندسه]

ارمقي الرجل المنتظر وراءك بنظرة ازدراء Posted Image

صح جداااااهههههه

ابحثي في حقيبتك عن مفكرتك و التي بها الكود السري

دى بقه مش صح لان الستات ذاكرتهم حديديه

بس حلوه اوى

[Simba]

:lol: :lol:

حلو خالص وجاي علي الوجيعة

امبارح بعد ما سقطت بجدارة في امتحان المرور حسيت اني محبط قولت اروح افرغ شحنة الاحباط في سيتي سنتر وانا راكب التاكسي شفت واحدة الساعة 8 بالليل والدنيا ضلمة واقفة علشان تلف اليوتيرن ومخرج راسها كله من شباك العربية ولابسة نضارة شمس واكلة نص وشها اه والله نضارة شمس واكلة نص وشها في وسط ضلام الليل وموقفة وراها جيش عربيات علشان هي تقريبا مش عارفة هتلف اليوتيرن ده امتي smk:

[اغابي]

حراااااام عليكم - بجد انتم بهدلتونا خالص

cr((:

انا مش حانكر فى شوية حاجات بتحصل معايا زى مثلا بعد ما اوصل عند المكينة افتكرا انى نسيت البطاقة اصلا

اروح ارجع للعربية اخد منها البطاقة وافضي كل الشنطة لانها زحمة وكدا

ومكياج وابص فى مرايه العربية اللى على الجنب علشان اطمن على شعري لحق يبوز

مسافة الكام متر دوول ولا لسة وممكن الامر ما يسلمش رشتين او تلات رشات

من البرفان اللى مرمى باستمرار على الكرسي اللى جنبي

كمان برضوه حاجة تانية ممكن لو مستعجلة ممكن انزل من العربية وانسي اشد فرامل اليد

هه :lol: ههه

وكمان حاجة بتتكرر معايا باستمرار لو اولادى معايا باحرسهم لبعضهم واقولهم خلو بالكم من بعض يا ولادى بس ثانية وارجع

وانزل من العربية وممكن بعد ما اسحب الفلوس انسي اسحب البطاقة علشان بيتهيئ ليا

انا وجوة كابينة السحب الالى ان اولادى حد خطفهم طب ازاى وهما من ازاز العربية قاعدين جوة العربية قدامى وبيضربوا فى بعض اهم

bk:

لا برضوه التهيئوات دي بتجيلى لدرجة ممكن انسي الفيزا جوة الكابية واخرج اطمن على اولادى اذا كانو فعلا اتخطفو ولا لسة

cr((:

كمان حاجة اخيرة غريبة جدا جدا

بتتكرر الحاجات دى فى طلبات ماكدونالد - خدمة السيارات اول ما اوصل عند الشباك وتطلب منى الجرسونة ايه الوجبة اللى عاوزاها

pps:

الاقى نفسي بجمع فى وقت طويل وازل كل السيارات اللى ورايا فى الدور بزلهم بجد وممكن اتكلم فى الموبايل قبل ما اطلب اى طلبات من المطعم

:waving:

بس برضوه انتم بتظلموا اوى اوى الستات بالشكل داه

هو شعرنا ومكالماتنا ومكايجنا واولادنا مش مهمين عندنا ولاايـــــــــه ؟؟؟

:sofa:

[nightmare]

الكلام دا جـد ولا هـزار ولا منقول؟؟؟؟؟ mfb:

احنا في باب دعوة للإبتسام ياعم ياسر , يعني هزار في هزار ومنقول طبعاً , بس بصراحة جالى على الجرح أصل مفقوع منهم قوي بخصوص الموضوع ده بالذات.

تروح تسحب فلوس تلاقي اثنين اصحاب مع بعض وواقفين معطلين الدنيا ومصالح الناس وراهم.

وتطلع كارت وتدخله تانى , لأ مش هو ده , ههههههههههه , بيضحكوا على ايه ما تعرفش

وتدخل الرقم السري , غلط , ههههههههههه , مش بقولك مش ده الرقم ما انا غيرته.

وبعد ما تدخله لازم تقعد تقرأ القائمة كلها من الأول " سحب" , "استعلام" وبصوت عالى يعصب الواحد.

وتعمل "استعلام" , وتقول اه فعلا هو ده , وصاحبتها تقولها ليه نزل كده , تبدأ تحكيلها بقى اصل انا امبارح رحت عملت Shopping انا ما قولتلكيش واشتريت كذا وكذا.

وانا واقف هفرقع من الغيظ md2:وبدعى ربنا انه يصبرنى في الحر والرطوبة دي.

المشكلة بقي ان ربنا رزقنى بالجوز دائماً , مفيش مرة رحت ماكينة ولقيت واحدة بتسحب لوحدها.:blush2:

ربنا يعينا عليهم, مع خالص تحياتى