اول يوم لمريم في المدرسة

[pink rose]

السلام عليكم و رحمة الله و بركاته

كل سنة و انتم طيبين بمناسبة رمضان و العيد و دخول المدارس

معلش المعايدة متأخرة اد شهر و نص كده

لاني كنت في مصر و قعدت هناك شهرين و شوية كده

و انتم عارفين مصر بقىىىىىىىىىىىىى الايام بتعدي بشكل غير عادي و الاحداث كتير فا الواحد ما بيعرفش ياخد نفسه حتى او يفكر في اي حاجه

المهم اديني رجعت الرياض و ما بقاش في غير النت و المحاورات

بس المرة دي في حدث جديد في حياتي

مريم اول يوم تدخل المدرسة النهاردة

حبيبتي كبرت ربنا يحميها ويحافظ عليها اللهم آمين

اول مرة اسيبها في مكان غريب عنها و امشي

اول مرة نبعد عن بعض كده بالساعات

حاولت استعبط و اقعد في المدرسة النهاردة معاها بس رفضوا و قالولي كلنا سيبنا ولادنا يعني اتفضلي من غير مطرود بس بذوق اللبنانيات بقى

مشيت و سيبتها و انا جوايا احاسيس كتير داخلة في بعضها و في نفس الوقت متناقضة جدا

يعني فرحانة اوي انها كبرت و رايحة المدرسة و هاموت من الزعل اني مش شايفاها قدامي

مبسوطة عشانها جدا انها هايبقى ليها معارف و اصحاب و حياة مليانة احداث تشغلها عن وحدتها و في نفس الوقت خايفة عليها من حاجات ممكن تكون تافهة جدا بس انا حاساها حاجات كبيرة

دخلتها الكلاس بتاعها و مشيت و انا قلبي متعلق هناك و طالعة من المدرسة باعيط و مش عاوزة اروح البيت خالص كان نفسي اقعد هناك ان شالله جنب الحارس لحد ما اليوم يعدي

الوقت بيعدي بطئ جدا من ساعتها و لسا فاضل ساعتين كمان من ساعة ما رجعت و الله ما عارفه اركز و لا اعمل اي حاجه مفيدة

حاسة اني تايهة كده

اللطيف بقى انها هي فرحانة اوي و بتصحى اول ما انادي عليها و بتلبس لوحدها و تجري تصحي باباها

و تقوله هاتأخرني كده على المدرسة و الميس هاتزعل مني و هي و لا تعرف الميس اصلا و لا شافتها قبل كده

لما رجعنا من مصر كانت بتكلم (فرح) بنت اختي في التليفون فا فرح زعلانة اوي ان مريم سافرت و بتقولها كده تسيبيني مش قولتلك تاخديني معاكي

فا مريم بقى بتقولها ايه: معلش يا اختي يا حبيبتي انا جيت عشان مدرستي هاتبدأ يرضيكي يعني المدرسة تبدأ و انا ما ادخلش هو انتي مش عاوزاني ابقى دكتورة عشان لو بعد الشر عنك تعبتي انا اعالجك يا حبيبتي"

مش باقولكم هي فرحانة و ما صدقت يا عيني تلاقي اطفال في سنها و يبقى ليها اصحاب

ربنا يسعدها و يفرح قلبها و يحافظلي عليها و يحميهالي

اللهم آمين

حد هنا حاسس نفس احساسي دا ؟

يالا احكولي و يا ريت الناس الخيرة اللي عندهم اطفال دخلوا المدرسة قبل كده يحكولنا كان ايه شعورهم و اتغلبوا على القلق ازاي

[المهندسه]

انا يا ريمو مدرسه ليلى هتبدأ السبت القادم وبعد الساعات علشان تروح ...مش علشان هى مدوخانى حبتين تلاته ميه لكن

ليلى تعبانى جدااا فى السعوديه هنا من اول لما اتولدت وللاسف ربنا ما ايدلناش اصحاب او جيران هنا من 4 سنين وده

نتيجته كانت سيئه جداا جداا ...هى مش اجتماعيه خالص مش بتاكل خالص لان مفيش ما يشجعها يعنى اطفال او حتى امل

فى مقابله اطفال لدرجه انها عندها فقر دم كامل دى حاجه اكتر من الانيميا بكتييييير...حتى لما كنا بنروح الملاهى كانت

مش عارفه تتعامل مع الاطفال خالص واقفه مكانها مش عارفه تتعامل مع الناس وطبعا عدوانيه فى ال يقرب من حاجتها

تعبت معاها جدااا اناو باباها لدرجه انى استشرت دكاتره نفسيين و قالولى انها هتتعدل بنسبه كبيره جدااا لما تتدخل المدرسه

وتشوف اطفال بيلعبوا و بياكلوا وبيتفاعلوا مع بعض ...علشان كده مستعجله تدخل المدرسه و مش هكون زعلانه لانها هتخرج

الطاقات الجواها ال ظروف ما ساعدتهاش تخرجها ...

ياريت يا ريمو لو سمحتى لما ترجع مريومه تحكيلنا عملت ايه انهارده بس بالتفصيل ty:)

تم تعديل 28 سبتمبر 2010 بواسطة المهندسه

[pink rose]

انا يا ريمو مدرسه ليلى هتبدأ السبت القادم وبعد الساعات علشان تروح ...مش علشان هى مدوخانى حبتين تلاته ميه لكن

ليلى تعبانى جدااا فى السعوديه هنا من اول لما اتولدت وللاسف ربنا ما ايدلناش اصحاب او جيران هنا من 4 سنين وده

نتيجته كانت سيئه جداا جداا ...هى مش اجتماعيه خالص مش بتاكل خالص لان مفيش ما يشجعها يعنى اطفال او حتى امل

فى مقابله اطفال لدرجه انها عندها فقر دم كامل دى حاجه اكتر من الانيميا بكتييييير...حتى لما كنا بنروح الملاهى كانت

مش عارفه تتعامل مع الاطفال خالص واقفه مكانها مش عارفه تتعامل مع الناس وطبعا عدوانيه فى ال يقرب من حاجتها

تعبت معاها جدااا اناو باباها لدرجه انى استشرت دكاتره نفسيين و قالولى انها هتتعدل بنسبه كبيره جدااا لما تتدخل المدرسه

وتشوف اطفال بيلعبوا و بياكلوا وبيتفاعلوا مع بعض ...علشان كده مستعجله تدخل المدرسه و مش هكون زعلانه لانها هتخرج

الطاقات الجواها ال ظروف ما ساعدتهاش تخرجها ...

ياريت يا ريمو لو سمحتى لما ترجع مريومه تحكيلنا عملت ايه انهارده بس بالتفصيل ty:)

مريم نفس الحكاية كده

لا جيران و لا اصحاب و الاكل دا اخر حاجه ممكن تفكر فيها

تعبت في مصر شوية الدكتور قالي وزنها مش مناسب لسنها و ضعفية جدا

عموما انا مستنياها ترجع من المدرسة باباها بيجيبها دلوقتي اهو

هاقررها و احكيلكم عملت ايه

يا رب تكون راجعة مبسوطة زي ما دخلت الصبح

تم تعديل 28 سبتمبر 2010 بواسطة remo

[se_ Elsyed]

فعلاً ..

أول يوم مدرسة كان يوم قاسي جداً علينا في البيت ...

لإننا أنا ومامة عُمر ودناه الصبح والدموع في أعيننا .. عشان خايفين يرجع لنا تاني

وفعلاً الساعة 2 لقيناه راجع وهو بيتنطط ... القرش الحلال عُمره ما يضيع

مع إننا كنا أرتاحنا من دوشته .. :lol: :lol: :lol:

إنتو بس عشان عندكو بنات ومشاعركم مرهفه وأحساسيكم جياشة بتعملوا كده .. إنما لو عندكو أوغاد زي اللي عندي كان زمانكم بتقولوا حقي برقبتي . وتخبوا منهم الأكل في البيت عشان ما ياكلوش الأخضر واليابس ..

وهانروح بعيد ليه ... روحت أمبارح من الشغل .. لقيت عندي 25 % إصابات ..

البهوات التلاتة جايبين مراتب .. ورصينها في أوضتهم ... وقالبين كرسي الأنترية اللي عندهم على قفاه .. وبيطلعوا فوقية وهووووووووووووب " دابل سامرزولد " في الهوا من بتاع الجمباز ..

طبعاً عُمر أفندي في شقلبظايه فلتت منه ووقع على دماغه على البلاط ولقيته متكوم عالسرير ..

وعلي بيه مظهر لقيته واخد ضربة مطوة في إيده .. وكدمه في ضهرة ومامته قاعده جنبه طول الليل تعمل له في لزقات للضهر .

وعبد الرحمن الحمد لله كويس وعنده إصابتين من الدرجة الأولى في عينه بس.. وحاجه حمرا كده في أرنبة مناخيرة

حد ياخد العيال دي باكدج على بعضها ومعاهم مروحة سقف ودي في دي ... ويديني بنتين بدالهم ؟

[مغتربة]

حبيبتى عقبال ما توصليها من ايديها لعريسها باذن الله و تفرحى بيها و باولادها باذن الله تعالى

سين سين انت مش ممكن المداخله بتاعتك قعد اضحك عليها لما الى فى الشغل افتكرونى اتجننت

ربنا يحميهم ليك يا رب و تفرح بيهم

[pink rose]

فعلاً ..

أول يوم مدرسة كان يوم قاسي جداً علينا في البيت ...

لإننا أنا ومامة عُمر ودناه الصبح والدموع في أعيننا .. عشان خايفين يرجع لنا تاني

وفعلاً الساعة 2 لقيناه راجع وهو بيتنطط ... القرش الحلال عُمره ما يضيع

مع إننا كنا أرتاحنا من دوشته .. :lol: :lol: :lol:

إنتو بس عشان عندكو بنات ومشاعركم مرهفه وأحساسيكم جياشة بتعملوا كده .. إنما لو عندكو أوغاد زي اللي عندي كان زمانكم بتقولوا حقي برقبتي . وتخبوا منهم الأكل في البيت عشان ما ياكلوش الأخضر واليابس ..

وهانروح بعيد ليه ... روحت أمبارح من الشغل .. لقيت عندي 25 % إصابات ..

البهوات التلاتة جايبين مراتب .. ورصينها في أوضتهم ... وقالبين كرسي الأنترية اللي عندهم على قفاه .. وبيطلعوا فوقية وهووووووووووووب " دابل سامرزولد " في الهوا من بتاع الجمباز ..

طبعاً عُمر أفندي في شقلبظايه فلتت منه ووقع على دماغه على البلاط ولقيته متكوم عالسرير ..

وعلي بيه مظهر لقيته واخد ضربة مطوة في إيده .. وكدمه في ضهرة ومامته قاعده جنبه طول الليل تعمل له في لزقات للضهر .

وعبد الرحمن الحمد لله كويس وعنده إصابتين من الدرجة الأولى في عينه بس.. وحاجه حمرا كده في أرنبة مناخيرة

حد ياخد العيال دي باكدج على بعضها ومعاهم مروحة سقف ودي في دي ... ويديني بنتين بدالهم ؟

كالعادة بكل سعادة

س س انت مالكش حل

ربنا يخليهم ليك و لمامتهم و يهديهم يا رب

بس سؤال كده حازز في نفسيتي الله يباركلك شعورك بيبقى ايه في المواقف اللي زي كده و الاهم رد فعل معاليكم بيكون عامل ازاي؟

[المهندسه]

حد ياخد العيال دي باكدج على بعضها ومعاهم مروحة سقف ودي في دي ... ويديني بنتين بدالهم ؟

عندى بنتين مجنننى خصوصا ليلى الكبيره دى مع انى طول عمرى كنت اعتقد ان الكبير بيبقى غلبان وبياخد على قفاه من اخواته لكن العكس عندى

صحيح...خد البنتين و كمان حلال عليك المروحه وال دى فى دى وعليهم سندوتش حلاوه بس خلصنى منهماااا

[pink rose]

حبيبتى عقبال ما توصليها من ايديها لعريسها باذن الله و تفرحى بيها و باولادها باذن الله تعالى

سين سين انت مش ممكن المداخله بتاعتك قعد اضحك عليها لما الى فى الشغل افتكرونى اتجننت

ربنا يحميهم ليك يا رب و تفرح بيهم

مغتربة حبيبتي

الله يعزك يا رب و يحققلك كل اللي بتتمنيه

وحشتيني جدا بجد

[عبير يونس]

أخيرا ظهرتي يا ريمو

الحمد لله ع السلامة يا قمر

ما سبق كان استهلالا لابد منه

بالنسبة لإبنتنا الغالية مريومة هانم

ألف ألف مبروك على المدرسة

و ربنا يوفقها و يبارك فيها و عقبال الجامعة و العريس

كلامك خلاني أعيط يا ريمو

حسيت بيه انه طالع فعلا من قلب أم أول مرة تفارق بنتها اللي متعودة على وجودها جنبها كل لحظة

عموما هي عدة ساعات 5 أيام في الأسبوع

مش مدرسة داخلية مثلا:blink:

بس احاسيسك طبيعية جدا جدا

و حتروح مع الوقت

و حتتقلب لسعادة لما تلاقيها بتتعلم و تتعرف على الناس و تبتدي تكون مجتمع جديد مختلف عن البيت

حتنبسطي جدا و هي كل يوم بتحكيلك على الميس و البنات

عالمها حيتملي حكايات تتعلم منها

و انتي كمان حتتعلمي معاها

كل تجربة جديدة محتاجة وقت عشان نتكيف معاها

و تصبح جزء من روتين حياتنا

و بكرة حتفتحي لنا توبيك بعنوان

مغامرات مريومة الذكية في المدرسة اللبنانية:lol:

[عبير يونس]

سين سين

ربنا يكرمك ببنوتة حاوة

و الا اقولك خليهم اتنين

عشان العصابة اللي عندك ما يستفردوش بيها:lol:

ربنا يبارك لك في اولادك يارب و ينبتهم نباتا حسنا و يجعلهم قرة عين لك في الدنيا و الآخرة

آمين

[pink rose]

حد ياخد العيال دي باكدج على بعضها ومعاهم مروحة سقف ودي في دي ... ويديني بنتين بدالهم ؟

عندى بنتين مجنننى خصوصا ليلى الكبيره دى مع انى طول عمرى كنت اعتقد ان الكبير بيبقى غلبان وبياخد على قفاه من اخواته لكن العكس عندى

صحيح...خد البنتين و كمان حلال عليك المروحه وال دى فى دى وعليهم سندوتش حلاوه بس خلصنى منهماااا

لالالالالالا انتي فاهمة غلط خالص

انا كبيرة اخواتي و كنت و مازلت مفترية عليهم -_-

[pink rose]

أخيرا ظهرتي يا ريمو

الحمد لله ع السلامة يا قمر

ما سبق كان استهلالا لابد منه

بالنسبة لإبنتنا الغالية مريومة هانم

ألف ألف مبروك على المدرسة

و ربنا يوفقها و يبارك فيها و عقبال الجامعة و العريس

كلامك خلاني أعيط يا ريمو

حسيت بيه انه طالع فعلا من قلب أم أول مرة تفارق بنتها اللي متعودة على وجودها جنبها كل لحظة

عموما هي عدة ساعات 5 أيام في الأسبوع

مش مدرسة داخلية مثلا:blink:

بس احاسيسك طبيعية جدا جدا

و حتروح مع الوقت

و حتتقلب لسعادة لما تلاقيها بتتعلم و تتعرف على الناس و تبتدي تكون مجتمع جديد مختلف عن البيت

حتنبسطي جدا و هي كل يوم بتحكيلك على الميس و البنات

عالمها حيتملي حكايات تتعلم منها

و انتي كمان حتتعلمي معاها

كل تجربة جديدة محتاجة وقت عشان نتكيف معاها

و تصبح جزء من روتين حياتنا

و بكرة حتفتحي لنا توبيك بعنوان

مغامرات مريومة الذكية في المدرسة اللبنانية:lol:

الله يسلمك يا مصرية

اه ظهرت الحمدلله انتي عارفه البدر ما بيظهرش الا كام يوم في الشهر كده تفاريح للناس :closedeyes:

عموما انتي بتقولي فيها قلبي كان متقطع لحد ما جت و فضلت قاعدة على السلم مستنياها لما تطلع و كان لقاء لطيف بقى كاننا ما شوفناش بعض من سنتين كده :wub: :wub:

بس الحمدلله لقيتها راجعة مبسوطة و اتعرفت على بنات و ولاد معاها في الكلاس و لعبت معاهم فا جاية مستمخية من المدرسة

بس انتي ما حكتيش اول يوم عندك في المدرسة لاول بيبي كنتي عاملة ازاي؟

تم تعديل 28 سبتمبر 2010 بواسطة remo

[Howayda Ismail]

ربنا يباركل لك فيها وتشوفيها فى الجامعة وعروسة كمان

على العموم البنات حلوة بس لحد سن المراهقة واتفرجى بقى على العصيان والتمرد

على كل كبيرة وصغيرة وخصوصا لو كانت هادية طول عمرها سيبيها تطلع طاقتها دلوقت وخرجيها

من العزلة اللى كانت فيها وحاولى تكونى لها صدقات مع جيران او زملاء فى المدرسة

بكرة لما ربنا يكرمك وتخويها حتتمنى السنة كلها دراسة خصوصا لو صبيان

عندى عبدالله فى الجامعة ربنا يهديه ويصلح حاله رغم اننا اصحاب حيخلينى انتحر قريب

وايات ثاثة اعدادى حلوة وجميلة وهادية صحاب قوى بس لماامشير يقلب ببقى عاوزة اخنقها

عبد الرحمن رابعة ابتدائى كارثة الكوارث حيدخلنى مستشفى المجانين قريب

واه لما يجمعوا التلاتة وضرب بالشلط والمخدات وجرى فى الشقة ساعتها عفاريتى تقوم

واتحول لحد بيبقى البيت مرستان

بصى الكلام ده بيحصل مع اول واحد بعد كده قلبك حيقوى شوية شوية هى اول طلعة بس اللى صعبة

ربنا يفرحك بها وصحبيها من دلوقت وخليها تحكى لك كل حاجة عشان تريحك لما تكبر

[pink rose]

ربنا يباركل لك فيها وتشوفيها فى الجامعة وعروسة كمان

على العموم البنات حلوة بس لحد سن المراهقة واتفرجى بقى على العصيان والتمرد

على كل كبيرة وصغيرة وخصوصا لو كانت هادية طول عمرها سيبيها تطلع طاقتها دلوقت وخرجيها

من العزلة اللى كانت فيها وحاولى تكونى لها صدقات مع جيران او زملاء فى المدرسة

بكرة لما ربنا يكرمك وتخويها حتتمنى السنة كلها دراسة خصوصا لو صبيان

عندى عبدالله فى الجامعة ربنا يهديه ويصلح حاله رغم اننا اصحاب حيخلينى انتحر قريب

وايات ثاثة اعدادى حلوة وجميلة وهادية صحاب قوى بس لماامشير يقلب ببقى عاوزة اخنقها

عبد الرحمن رابعة ابتدائى كارثة الكوارث حيدخلنى مستشفى المجانين قريب

واه لما يجمعوا التلاتة وضرب بالشلط والمخدات وجرى فى الشقة ساعتها عفاريتى تقوم

واتحول لحد بيبقى البيت مرستان

بصى الكلام ده بيحصل مع اول واحد بعد كده قلبك حيقوى شوية شوية هى اول طلعة بس اللى صعبة

ربنا يفرحك بها وصحبيها من دلوقت وخليها تحكى لك كل حاجة عشان تريحك لما تكبر

ميرسي يا مدام هند على الدعوات الحلوة الله يعزك

و ربنا يفرحك باولادك و يهديهملك و يبعد عنك مستشفى المجانين و فكرة الانتحار

انتي بس انزلي اقعدي على البحر و هاتلاقي نفسك روقتي

:roseop:

[عبير يونس]

الله يسلمك يا مصرية

اه ظهرت الحمدلله انتي عارفه البدر ما بيظهرش الا كام يوم في الشهر كده تفاريح للناس :closedeyes:

عموما انتي بتقولي فيها قلبي كان متقطع لحد ما جت و فضلت قاعدة على السلم مستنياها لما تطلع و كان لقاء لطيف بقى كاننا ما شوفناش بعض من سنتين كده :wub: :wub:

بس الحمدلله لقيتها راجعة مبسوطة و اتعرفت على بنات و ولاد معاها في الكلاس و لعبت معاهم فا جاية مستمخية من المدرسة

بس انتي ما حكتيش اول يوم عندك في المدرسة لاول بيبي كنتي عاملة ازاي؟

اصلي وضعي مختلف خالص يا ريمو

لما روقة ابني الكبير كان في حضانة كان عندي بنتين غيره و كنت حامل كمان:blink:

فملحقتش احس بغيابه

بس طبعا كنت خايفة عليه و هو لوحده

و كان في مدرسة هنود كمان

و كان المشوار بعيد و الباص كان بياخده و النهار لسه ما طلعش:ninja:

هو قعد تيرم بالشكل ده

بعد كده نقلته مدرسة قريبة من البيت و اشتغلت مدرسة معاه

برضه تيرم

و بعدين اشتغلت في معهد فرجعته الحضانة الأولانية تيرم برضه

و بعدين رحت انا و هو واخته مدرسة باكستانية تيرم برضه

طبعا احنا في مكة معندناش مدارس انترناشيونال غير بتاعة الهنود و الباكستانيين بس

فكنت كل مرة اروح مدرسة و متعجبنيش اروح غيرها

طبعا كان كل واحدة فيها مزايا و فيها عيوب

المهم استسلمت اني اوديه مدرسة سعودي

بس أهلية طبعا

و تعتبر من أحسن المدارس في مكة

و بعدين قعدت في البيت لأني كنت حامل wst::

و راح هو و البنات مع باباه في مدرسة أهلية

هو في اولى ابتدائي

و البنات في كيجي ون و تو

يعني من الآخر ملحقتش احس بحاجة

و هنا كمان مقدرش اروح معاه المدرسة السعودي

مع البنات بقى

البنتين راحوا مع بعض

فده كان مطمني

متهيألي تجربتي مش حتفيدك الا في حاجة واحدة بس

انك لو حابة تحاولي تدوري على شغل معاها في نفس المدرسة لو قدرتي

منه تبقي معاها و عينك عليها و منه تستفيدي بالخصم

لو مفيش امكانية

او لو انتي مش حابة تشتغلي

يبقى شوية كده و حتتعودي على الوضع

و حتستغلي الوقت اللي هي فيه في المدرسة في حاجات كتير تانية لحد ما ترجعلك بسلامة الله