الفرق جامد جدا بين ابن رئيس شريف و ابن رئيس !!!!!!

[ذهبية]

صحيفة: الابن الأصغر لرئيس مصر الأول يعمل سائق تاكسي

اضغط للتكبير

رئيس مصر الأول اللواء محمد نجيب

احفظ الخبراطبعأضف تعليق ارسل9/30/2010 12:45:00 AM

القاهرة: نتيجة للأوضاع الاقتصادية الصعبة، أضطر يوسف نجيب؛ الابن الأصغر لرئيس مصر الأول اللواء محمد نجيب الذي حكم مصر في أعقاب ثورة يوليو 1952، للعمل سائق على تاكسي بالقاهرة.

وبحسب صحيفة ''عكاظ'' السعودية فإن يوسف يعمل سائقاً بالنهار لدى شركة مقاولات، ونتيجة لظروف المعيشة الصعبة يعمل سائقاً على تاكسي أجرة لتحسين أحواله المالية ومواجهة الأوضاع المعيشية الصعبة.

ونقلت الجريدة السعودية عن مصادر إعلامية في مصر مطالبتهم بتخصيص راتب شهري لابن أول رئيس لجمهورية مصر العربية احتراماً لتاريخ أبيه.

والرئيس محمد نجيب هو أول رئيس لمصر بعد قيام ثورة يوليو 1952، وبقى بعيداً عن السياسة طيلة ثلاثين سنة حتى صعدت روحه إلى بارئها سنة 1984. وله من الأبناء ثلاثة مات الأول بمصر وقتل الثاني بألمانيا ويعمل الثالث سائق تاكسي.

:

[ذهبية]

الخبر مش محتاج منى تعليق بس بجد وجع قلبى مش علشان مهنة السواقة لان اى عمل شريف ناتج من مال حلال انا احترمة و اى رجل يجرى على رزق عيالة من مال حلال ينال الاحترام

الفرق جامد قوى بين اول رئيس لمصر و بين التانى و بين التالت و بين الرابع هتلاقى كدة لو مشينا بالهرم من اولة الى اخرة الفرق شاسع قوى

سؤال بقى

هو لية الفرق بيزيد كدة بالتدريج ؟؟؟؟

سؤال اخبث من الى قبلة

ياترى بقى الفرق دة ناتج عن العز اللى مصر بقت فية و الازدهار و التقدم بالتالى بيبان على كبيرناوعلى ابنائة وعلى احفادة و احفاد احفادة

خلص الكلام

[Howayda Ismail]

انا قريت الخبر ده والمعروف ان محمد نجيب لم يكن ثرى وخاصة بعد تحديد اقامته

بالصدفة كان فى ايدى من شوية كتاب دراسات خاص بالمرحلة الابتدائية فيه صورة

تجمع الاهرامات وعبد الناصر والسادات ومبارك يعنى بالبلدى كده محمد نجيب

خرجوه من حسبة الرؤساء اصلا فما مش حتفرق معاهم ابنه يشتغل سواق ولاحتى زبال

وده مصدر فخر ليه انه يعيش شحات على انه يعيش حرامى

عبد الناصر لما مات ملاقوش له ارصدة فى بنوك لابرة ولاجوة

مش معنى كده ان البلد كانت فقيرة فى الوقت ده بالعكس بدليل الثراء الفاحش والبذخ

اللى كانت عايشة فيه العيلة المالكة وكان سهل قوى النهب من هذه الثروات بعد تاميمها

لكن الشرف والامانة وعزة النفس كانت اخلاق موجودة زمان ومابقتش متوفرة دلوقت

استبدلوها بالفساد وخراب الذمم وانعدام الضمير

عشان كده المليارات حتلقيها متستفة فى بنوك سويسرا والنعمة حتبان على سابع حفيد

[sindbad]

ياترى املاك اولاد عبدالناصر ولا السادات كام

كفايه على جمال مروان قنوات ميلودي

اقول ايه بس!!

[شريف مان]

جمال السادات عايش فى مصر ورجل أعمال له أسمه وكمان محبوب

لو الرئيس القادم من خارج عائلة مبارك والعياذ بالله

ياترى جيمى وعلاء هيقدروا يعيشوا فى مصر

وعايزك يا ذهبية تجاوبى على السؤال لانك اللى فتحتى الموضوع وعايزه تودينا ورا النجوم mfb:

[جسار]

مصطلح أولاد الناس تم أطلاقه أيام حكم المماليك والمقصود به أبناء وزوجات المماليك

السابقين الذين قتلوا أما فى الحروب أو فى الأقتتال الداخلى بينهم نزاعا على السلطة

والمال والأقطاعيات وهى كانت معارك كثيرة جدا لايكاد عام يمر ألا وتجد الدماء تسفك على

أى سبب مما ذكر بالاضافة للأسباب الشخصية كالغيرة والحقد والوقيعة...ألخ ، ولكن الشئ

المستغرب هو أنهم وفى ظل هذا المناخ الدموى المتعصب كانوا لايأخذون جريرة أبناء الخصوم

بجريرة آباؤهم وكانوا يصرفون لهم مخصصات مالية منتظمة من بيت المال حتى تقيهم شر الفقر

والعوز وبعضهم كانت تنتابه مشاعر العطف والحنان فيتولى الانفاق على أسر الراحلين من خصومه

السابقين وآخرين كانوا يتبنوا أبناؤهم ويتولوا تربيتهم فى قصورهم بجوار أولادهم ويقربوهم

منهم ويولوهم مناصب كبيرة حينما يكبروا ويصبحوا قادرين على تولى المسئولية

وقالوا زمان الكلبة ما بتاكلش عيالها ...

[aimen]

اسف

خلطت بين جمال وجمال

تم تعديل 6 أكتوبر 2010 بواسطة aimen