اضحك مع عائشة عبدالهادى

[aimen]

أكدت عائشة عبد الهادى، وزيرة القوى العاملة والهجرة، أن مصر ليس لديها بطالة ولا تعانى منها واستندت على حد قولها بفرص العمل التى تبحث عن الشباب فى مجال الصناعة، وقالت أنها أكدت للعالم أن لدينا شبابا لم يقبل على العمل داخل بلده، وتهكمت على الشباب الذى يعمل بالخارج بأنه راجع بشنطة "هلاهيل" واسمه يشتغل بره.

وأضافت خلال الاجتماع الذى عقد مساء أمس بقاعة المجلس التنفيذى ببورسعيد بحضور المحافظ اللواء مصطفى عبد اللطيف سعيد، ومجلس إدارة جمعية المستثمرين ببورسعيد وبعض رجال الأعمال والمستثمرين، أن هناك ضوابط لفصل العمال وقوانين تحميهم من التلاعب، حيث إن القانون 125 يضمن حقوق العمال فى حالة التصفية، لافتة إلى أن هناك فى كل مصنع أو مؤسسة مبالغ تساوى حقوق العمال وهو حق أصيل لهم، مؤكدة أن هناك آليات وقواعد ثابتة لم تؤثر فيها الأزمات ولدينا مصانع لم تغلق بسبب الأزمة المالية وأصحاب العمل حريصون على العمالة.

وأكدت عبد الهادى أن لجموع المستثمرين الوسيط بين الإدارة والعمال، ولابد أن يكون أمينا، وأنها مع حقوق العمال وقالت "اللى يلعب بذيله ضد العمال نقصه".

وأوضحت الوزيرة أن صندوق الطوارئ يساعد المنشآت المتعثرة بدفع جزء من الأجر، وأشارت إلى أن فى أزمة شركة طنطا للكتان تم تسديد 36 مليون جنيه أجور للعمال لمدة عام كامل ومرت الأزمة بسلام، واستطعنا تسويتها بكل ما نملك لصالح العمال.

وقالت عبد الهادى إنها ليست ضد الصناعة أو ضد المستثمر أو ضد الصناع نحن فى منظومة عمل واحدة تدفع مصر إلى الأمام، من خلال المرونة والتوازن مع المستثمر وهناك قضايا نستطيع حلها لأننى لا أومن بالمستحيل، ولدينا 600 ألف فرصة عمل لاستكمال برنامج الرئيس مبارك الانتخابى، مؤكدة أن فتح البيت المصرى هو هدفها الذى تنشده أولا وأخيرا.

وأكدت عائشة أنها خففت الأعباء عن كاهل المستثمر فيما يتعلق بتراخيص مزاولة المهنة، وأكدت أنها لم تفرض عليهم تنظيمات نقابية ولم أحمل المستثمر أية أعباء، لأنها ليست وزارة جباية لجمع المال.

وأضافت أنها لم تصنف بورسعيد ضمن المحافظات التى تتظاهر ضد أصحاب العمل وكل ما لديها شكاوى فردية، وعن فتح مكتب للعمل داخل منطقة الاستثمار جاء برضا من الطرفين دون أدنى ضغوط لمصلحة العمال.

http://www.youm7.com/News.asp?NewsID=284193&

[engmido]

س س

مطلوب للتعقيب على وجه السرعة

مع قرينتك عائشة ع الهادى

[شريف مان]

ركزوا فى الكلام يا جماعة

هوا فعلا الكلام بجد .... البلد مليانة فرص عمل

يعنى الدكتور والمهندس والمحاسب والمحامى لو مالقوش شغل فى مجالهم البلد مليانة فرص فى مجالات أخرى

زى الحلاقة والزبالة والمعمار ومحلات البقالة ...................................... الخ الخ الخ

وضباط أمن كمان ومش بعيد يطلبوهم فى شغل المباحث

تم تعديل 30 سبتمبر 2010 بواسطة شريف مان

[nightmare]

الست لم تخطئ لكنها غير أمينة في استكمال المعلومة.

نعم مصر مليانة شغل في كل مكان ولكل الطوائف , بس بكام يا حاجة ؟؟؟؟؟؟

الشاب دلوقتى يوم ما يتمعظم هما من 400 الى 600 جنيه , انا بتكلم هنا على الشريحة العظمي من الشباب وليس الدكتور او المهندس.

طب الشاب يعمل بيهم ايه دول , يدوبك يصرفهم مواصلات وفطار وشاي وقهوة , وكإنك يا أبو زيد ما غزيت, برضه قاعد مع والده في الشقة ووالده هو اللى بيأكله ويشربه (غداء وعشاء ) ولو احتاج لبس بياخد من والده برضه, يبقي يشتغل ليه ؟؟؟

انا بتكلم على واقع شفته بعينى , اخويا الأصغر مني لسه متخرج من سنتين وبعد ما شاف الجيش , لف مصر كلها على شغل ولقي شغل كثير بس كان أكثر راتب اتعرض عليه 400 جنيه, لدرجة انه راح مصنع يشتغل في شئون العاملين الراجل قاله مرتبك 300 قاله ازاى ياعم ده العامل بياخد 800 , قاله اه ده العامل :blink: , قاله خلاص اشتغل عامل , قاله ما ينفعش , فسابه ومشي.

وانا بكلمه في التليفون بقوله يا ابنى كنت قبلت واخدت الخبرة وكده , قالى لأ , الوظايف دي مالهاش لازمة , اللى هجيبه مش هيكفينى مواصلات , انا هفتح مشروع يجيبلى اضعاف كده وانا قاعد لا بروح ولا باجي ولا حد يقولى اتاخرت ليه او يتمنظر على , وفعلا فتح سايبر نت وصيانة وشغال كويس ما شاء الله.

طب الشاب اللى مفيش معاه فلوس ولا فيه حد يساعده يفتح مشروع يعيش بالمبلغ ده ازاى يا ستى. ويفتح بيت ازاى ويجهز نفسه من اين او بعد كام سنة ؟؟؟ يسرق والا يشتغل بلطجي ويبقي مجرم.

الشاب دلوقتى علشان يدوبك يعرف يجيب مبلغ نقول عليه آدمي شوية ويحوش منه او لو متزوج يكفي مصاريف بيته منه لازم يشتغل ما لايقل عن 16 ساعة في اليوم, طب ده حرام والا حلال.

وكفاية كده علشان انا بطنى وجعنى بجد.

مع تحياتى

[doha]

مش عارفه ليه عندي شوبه يقين ان الست دي بالشخصية دي والاهم العقلية دي هتمسك منصب كبير اوي في الوزارة الجاية .. والله ما استبعد توصل لرئيس وزارة كمان ومش عاوزه اقول اعلى من كده ..

وبكرا افكركم ..

[aimen]

دا على اساس رضا اولى الأمر منكم

طبعا يا مدام ضحى مش كده

ولا يكونش الحاجه الكبيرة حتحتاجها فى عمايل كعك العيد مثلا محدش عارف الظروف ايه

اللهى ربنا يأخدها ويأخد فريق المطبلاتية هلال وسرور و شهاب وباقى فريق الهليبة

[doha]

دا على اساس رضا اولى الأمر منكم

طبعا يا مدام ضحى مش كده

ولا يكونش الحاجه الكبيرة حتحتاجها فى عمايل كعك العيد مثلا محدش عارف الظروف ايه

اللهى ربنا يأخدها ويأخد فريق المطبلاتية هلال وسرور و شهاب وباقى فريق الهليبة

لا ياسيدي الفاضل بس لما تكون المنظومة كلها فساد فيبقى النماذج دي هي الاصلح لادارتها ..

[شريف مان]

مش عارفه ليه عندي شوبه يقين ان الست دي بالشخصية دي والاهم العقلية دي هتمسك منصب كبير اوي في الوزارة الجاية .. والله ما استبعد توصل لرئيس وزارة كمان ومش عاوزه اقول اعلى من كده ..

وبكرا افكركم ..

عشان دا

http://www.youtube.com/watch?v=DpUXdyvutmE

[doha]

مش عارفه ليه عندي شوبه يقين ان الست دي بالشخصية دي والاهم العقلية دي هتمسك منصب كبير اوي في الوزارة الجاية .. والله ما استبعد توصل لرئيس وزارة كمان ومش عاوزه اقول اعلى من كده ..

وبكرا افكركم ..

عشان دا

http://www.youtube.com/watch?v=DpUXdyvutmE

لاه .. اصل ( مسح الجوخ ) لوحده مش كفايه ..

هو ممكن يديلك ( دفعة ) للوصول لكن الامر محتاج مميزات اخرى عشان تستمر .. وتترقى في مكانتك على القمة ..

انا شايفه ان عائشة عبد الهادي هي ( رجل العصر ) وملائمة جدا كقيادية في المرحلة القادمة ..

ربنا يستر من الي جاي ..

[shawshank]

انا شايفه ان عائشة عبد الهادي هي ( رجل العصر ) وملائمة جدا كقيادية في المرحلة القادمة ..

يمكن، خصوصًا في مسلسل الانحدار، حتى في الفساد (على رأي إبراهيم عيسى: فين أيام زمن السرقة الجميل)، واللي يخلي أسامة سرايا ييجي مكان إبراهيم نافع. لكني برضه مش شايف خالص إنها تنفع أكتر من اللي هي فيه. واللي هي فيه ده كتير عليها ومش هيطول.

حضرتك بتفكريني بصديق لي في الحزب الوطني بيقول: سوزان مبارك كانت بتقعد في قعدات المرأة والطفولة الظريفة دي مع مشيرة خطاب وفرخندة حسن والستات اللطيفة دي ... فشافت عائشة عبد الهادي، قالت دي حاجة (حرشة) كويسة ... هاتوها (نحدق) بيها في القعدة الكلاس دي :D

[ياسر]

السلام عليكم,

واللة يا جماعة الزمن اللي فية واحد زي ممتازالقط يبقي رئس تحرير جريدة كانت عظيمة زي الأخبار,,, و عبداللة كمال يمسك روز اليوسف بجلالة قدرها و كيلو الطماطم يبقي ب 5 جنية,, الزمن اللي زي دة يخلي است الوزيرة تقول براحتها,, و يجعلة عامر,, ما هي بلدهم

بالمناسبة يا اخ شاوشانك

في فيلم اسمة shawshank redemption

شفتة؟؟ لو ماشفتوش انصحك تشوفة لو غاوي افلام اجنبية

تم تعديل 30 سبتمبر 2010 بواسطة ياسر

[شريف مان]

السلام عليكم,

واللة يا جماعة الزمن اللي فية واحد زي ممتازالقط يبقي رئس تحرير جريدة كانت عظيمة زي الأخبار,,, و عبداللة كمال يمسك روز اليوسف بجلالة قدرها و كيلو الطماطم يبقي ب 5 جنية,, الزمن اللي زي دة يخلي است الوزيرة تقول براحتها,, و يجعلة عامر,, ما هي بلدهم

ب 7 و 8

:wub:

[ياسر]

السلام عليكم,

واللة يا جماعة الزمن اللي فية واحد زي ممتازالقط يبقي رئس تحرير جريدة كانت عظيمة زي الأخبار,,, و عبداللة كمال يمسك روز اليوسف بجلالة قدرها و كيلو الطماطم يبقي ب 5 جنية,, الزمن اللي زي دة يخلي است الوزيرة تقول براحتها,, و يجعلة عامر,, ما هي بلدهم

ب 7 و 8

:wub:

يا راجل!!!! معلش اصلي سمعت ما اشتريتش,,,

مالناش غير اننا نقول

май Аллах защищает Египет