أبو الغيط: الرئيس مبارك سيكون مرشح الرئاسة في 2011

[م تيمور المراغي]

أكد وزير الخارجية أحمد أبو الغيط على أن الرئيس القادم لمصر هو الرئيس حسني مبارك، معرباً عن ثقته بأن الرئيس مبارك سيرشح نفسه في انتخابات الرئاسة المقرر إجرائها السنة المقبلة، وقال في حواره مع جريدة الحياة اللندنية يوم الخميس إن الرئيس مبارك ''سيكون موجوداً ومرشحاً رئيسياً في الانتخابات المقبلة، وعندما ننتخب رئيس الجمهورية المصرية في 2011 سننتخب رئيس الجمهورية المصرية في 2011، وأثق أنه سيكون الرئيس مبارك''.

ورأى أبو الغيط ان الشعارات والإضرابات التظاهرات التي تشهدها البلاد وإزالة ملصقات المرشحين ما هي إلا الحرية التي يريدها الإنسان المصر لنفسه، ورفض وصف الأوضاع على الساحة الداخلية المصرية بالتخبط والتوتر بسبب أزمة التوريث، وقال ''لا يوجد توتر ولا جمود، ولا يوجد أصلاً توريث في مصر''، ملفتاً إلى أدوار مصر على الساحة الدولية والإقليمية متحدياً وصفها بالجمود.

[شريف مان]

طبعا لازم يترشح

مش محقق 100 % من برنامجه الانتخابى الدورة اللى فاتت

مالناش غير ربنا

اللهم اهلك الظالمين بالظالمين واخرجنا من بينهم سالمين

[م تيمور المراغي]

بيني وبينك يا شريف فيه مثل بيقول حافظ على قردك لا يجيلك اللي اقرد منو :)

هههههه

مين في رايك مرشح قوي يقف امام مبارك ؟؟

[nightmare]

بيني وبينك يا شريف فيه مثل بيقول حافظ على قردك لا يجيلك اللي اقرد منو :)

هههههه

مين في رايك مرشح قوي يقف امام مبارك ؟؟

فيه كثير يا architect يا أخويا , بس هل تضمن لهم إنتخابات نزيهة بدون تزوير.

وهل تضمن لهم أن يعيشوا بسلام وبأمان بعد إنتهاء الإنتخابات والا هتلفق لهم القضايا ويزج بهم في السجون ؟؟؟

ثم ان انا مش عارف الناس دي فاكره ان الموت بعيد عليهم , طب يقول ان شاء الله حتى .md2:

واحنا شوفنا القرد يا architect .. وعاوزين نشوف الأقرد منه بقي , اصل القرد مسخ قوى وبقي دمه ثقيل.

حسبي الله ونعم الوكيل في كل جبلاية القرود دي.

مع تحياتى

[شريف مان]

بيني وبينك يا شريف فيه مثل بيقول حافظ على قردك لا يجيلك اللي اقرد منو :)

اى قرد تانى هيبقى احسن

فاضل ايه يعمله تانى فى الناس

فيروس سى - سرطان ( بقوا زى البرد دلوقتى )

الناس بتشرب مية مجارى - الاسعار نار - البطالة زى الفل - الفساد بقى شعارنا بدل الصقر - قتل الشباب فى المعتقلات - بقينا ملطشة الدول - 30 سنة مفيش غير طرق وكبارى ( بايظة عشان نخلص من الزيادة السكانية )

والله لو البلد من غير حكومة ليبقى وضعها أحسن

بزمتك اللى هايجى فى ايه تانى ممكن يعمله

أظن لو شارون قام من نومته وحكم مصر هيبقى أحسن !!

وملناش غير ربنا

[م تيمور المراغي]

اتمنى واحد زي عمر سليمان يحكم مصر ,,

حكم مصر مش بالامر الهين ,, والبلد كلها على حافة الهاويه ومبارك والله اعلم فاضل له في عمره كام شهر بسبب المرض اللعين

الله يحفظ مصر المحروسة واهلها ,,, من كل سوء

[Howayda Ismail]

يدينا ويديكم طولة العمر ادينا قاعدين مستنين الفرج

[أحمد عيد]

هذا هو المتوقع و الطبيعي و المنطقي فلا يتم التوريث إلا بعد الوفاة و إعلام الوراثة و السيد محمد حسني مبارك ما زال حي يرزق يبقى توريث إيه يا جماعه؟

[المهندسه]

يدينا ويديكم طولة العمر ادينا قاعدين مستنين الفرج

خدينى جنبك يا هند...يا مسهل

فيه مثل بيقول حافظ على قردك لا يجيلك اللي اقرد منو :)

على كده الشعب بيقى يروح الانتخابات المركزها فى الجبلايه وفى ايده شويه موز وسودانى على الخفيف كده

تم تعديل 2 أكتوبر 2010 بواسطة المهندسه

[shawshank]

أكد وزير الخارجية أحمد أبو الغيط على أن الرئيس القادم لمصر هو الرئيس حسني مبارك ...

جميلة جدًا دبلوماسية - قصدي شفافية - وزير الخارجية دي. "الرئيس القادم هو الرئيس حسني مبارك"؟ وكمان "أكد"؟ ده احنا كده تجاوزنا كمان مرحلة الانتخابات الديكورية وبقى كله على المكشوف. طب قول هو مرشح الحزب ... قول نتوقع إن الشعب يختاره ... قول نتوقع يكتسح في الانتخابات، أي حاجة من دي. لكن "هو الرئيس القادم" صعبة شوية في ظل إننا عايزين شكلنا يبقى حلو وديمقراطية وانتخابات نزيهة وبتاع. انتخابات نزيهة ازاي اذا كنت انت قبلها بسنة بتأكد نتيجتها؟!

لو أن ورق الشجر كشاكيل، ومياه النيل حبر، مايكفوش تسجيل الكوميديا اليومية في مصر.

[mamdowh]

والله يا أخى فرحتنى كنت هازعل قوى لو حد تانى اترشح خليها تكمل كده اقدر اموت وانا مطمئن على مصير البلد

[ابو محمد بن مصطفي]

ياخبر ابيض هو احنا نقدر نعيش من غيره

هو الريس لغاية باب القبر

ومحدش يفهم غلط انا قصدي قبرنا

هو زي الجبنة القديمة (المش بدوده)

هو زي ؟؟؟؟؟ (اللي تسبها علي باب الجامع وتدعي ان حرامي يكون اعمي يلطشها)

[shiko]

بحق إللي بينّا يا ريِّس وبـينك وحَق اليَمِين و” ألكتاب ” فى يمينك

بحق الشهيد .. إللي رافع جبينك وجيش إنتصارك فى يوم العبور

وجيل حُر طالع .. وعدته بدور

لملم عيالك .. وجمَّع فـ مالك وإسحب ” جمالك ”

وسيبنا وغور

انتظرونا فى نكسة 2011 ...الفيلم القادم