كم يوما تستغرقها الاوراق في السفاره السعوديه ؟؟

[م تيمور المراغي]

السلام عليكم احبتي ورحمة الله وبركاته ,,

معلش اني فتحت توبيك جديد لكن ده اهم موضوع بالنسبه لي حاليا ,, وارجوا منكم افادتي ,,

المكتب قدم الاوراق الثلاثاء الماضي 28 سبتمبر في السفاره السعوديه في القاهره ,, ومن شويه فوجئت باتصال من المكتب بيقولوا لي ان التاشيره حستلمها بكره عشان ارتب نفسي ,,

طيب انا كنت قريت هنا في المحاورات ان الورق بياخذ 10 ايام في السفاره وكنت عامل ترتيباتي على كده وبصراحه الان كل ساعه حتفرق معايا جدا وكنت عاوز اعرف القول الفصل في الموضوع ده هل هم 10 ايام ام 4 ايام ؟؟

ولكم والله كل حبي ومودتي واحترامي ,,,

[Mr MAGED]

أخي الفاضل ... بالتوفق ان شاء الله

حسب معلوماتي ان الورق يدخل الأحد يطلع الثلاثاء أو الاربعاء بحد أقصي

ويدخل الثلاثاء يطلع الاثنين

وطالما ان المكتب اتصل بيك يبقي طلعت فعلا

مش هيكونوا بيشتغلوك متخفش

توصل بالسلامة ان شاء الله .. وبالتوفيق دايما

تحياتي

[خالد شحاته]

الاخ الفاضل

بعد موقع انجاز في تاشيرات كتير بتخرج نفس اليوم وفيه تاني يوم بس طبعا اصحاب الشركات الا بعيد عن القنصليه بتقسمه ايام تروح تسلم وتستلم فيها

[م تيمور المراغي]

جزاكم الله اخوتي الكرام خير الجزاء ,,

واشكركم على ااهتمامكم وسرعة ردكم ,,

تم تعديل 2 أكتوبر 2010 بواسطة architect

[anis71]

مبروك وامنى لك التوفيق...

طيب انت قلقان ليه؟؟

بكل احترام اتصل بمدير شركتك وحدد لهم الميعاد الذي تريد الوصول فيه.. إحنا فكرتنا غلط عن الالتزام إن صاحب العمل ده ماسك مشنقة ولازمن حتمن يجرك من ديلك اول ماتطلع التأشيرة... ابداً الناس بتتفهم الأمور دي وعارفين إن اللي هاييجي ده مش هيشوف اهله غير بعد سنة على الأقل ويمكن اكتر واكيد بيحاول يرتب امورهم ...

نصيحتي ماتحاولش تزنق نفسك والشغل مش هايطير ..رتب احوالك وماتسبش اي حاجة ملخبطة وراك.

[م تيمور المراغي]

مبروك وامنى لك التوفيق...

طيب انت قلقان ليه؟؟

بكل احترام اتصل بمدير شركتك وحدد لهم الميعاد الذي تريد الوصول فيه.. إحنا فكرتنا غلط عن الالتزام إن صاحب العمل ده ماسك مشنقة ولازمن حتمن يجرك من ديلك اول ماتطلع التأشيرة... ابداً الناس بتتفهم الأمور دي وعارفين إن اللي هاييجي ده مش هيشوف اهله غير بعد سنة على الأقل ويمكن اكتر واكيد بيحاول يرتب امورهم ...

نصيحتي ماتحاولش تزنق نفسك والشغل مش هايطير ..رتب احوالك وماتسبش اي حاجة ملخبطة وراك.

اشكرك والله انيس على اهتمامك وردك الكريم ,,

انا ادبيا كنت مستعجل لانهم في بن لادن بيكلموني من قبل رمضان عشان مشروع مطار الملك فهد و بيتصلوا تقريبا كل يومين بيستعجلوني ,,

الحمد لله انيس انا اتفقت معاهم اني انزل مصر اسبوع كل شهرين عشان اشوف اهلي وحبيت احكيلك الكلام ده عشان تكون مطمن على اننا واخدين وضعنا كمصريين اوي هناك والحمد لله يارب smk:

[anis71]

ايوه كده تبقى تمام يا هندسة ... توصل بالسلامة ونشوفك على خير

يابختك هتنزل كل شهر .. ده اتفاق هايل .. ابقى اديني رنة وانت نازل بقى :P يمكن نحتاج حضرتك

[م تيمور المراغي]

تسلم انيس على دعواتك الكريمه

وانا تحت امرك يا باشا في اي وقت ,, ان شاء الله