مهندس مصري يبتكر حلا لأزمة المرور في مصر

[م تيمور المراغي]

القاهرة - انسيابية المرور.. اختفاء الزحام .. إلغاء الإشارات.. هي نتائج لواحدة من أكبر المشكلات في مصر، والتي سيحققها ابتكار توصل إليه مهندس مصري، والذي ينتظر تبنيه رسميا من قبل الأجهزة المسئولة لتحقيق الصالح العام.

الابتكار الجديد مصري ‏100%‏، ومعروف باسم "زهرة البرسيم‏"، ويقدم حلولا جذرية لهذه المشكلة المعقدة يشمله حلولا متكاملة لمشاكل الطرق وانتظار السيارات وكباري وأنفاق المشاه والمطبات الصناعية والدورانات وغيرها‏.‏

يذكر أن الإدارة العامة للمرور قدرت عام ‏2007‏ عدد السيارات في شوارع القاهرة بمليوني سيارة‏،‏ يضاف إليها‏10%‏ سنويا‏..‏ بينما القدرة الاستيعابية لشوارع القاهرة هي‏600‏ ألف سيارة بما يعني أن أكثر من‏30%‏ من أعداد السيارات الحالية فوق قدرة واستيعاب الشوارع مما أدي إلي أن يصبح متوسط سرعة السيارة داخل القاهرة لاتتعدي‏10‏ كيلو متر‏.‏

عمرو عبده، مهندس مصري متخصص في مجال التصميم والابتكار لوسائل النقل، اأبتكر نظاما مدمجا للتقاطعات الحرة في عام ‏2001‏ وقام بتسجيله بهدف إعادة انسيابية المرور بشوارع القاهرة والمحاور الرئيسية والفرعية‏.‏

وكما يعرف ابتكاره فإنه نظام دمج للتقاطعات الحرة يلغي تماما الاشارات المرورية في التقاطعات الرباعية والثلاثية ويصلح للاستخدام داخل المدن دون الحاجة إلي اللجوء لنزع الملكيات‏،‏ وهو بذلك يتفوق علي أشهر أنواع التقاطعات الحرة المعروفة منذ عشرات السنين والتي كان يقتصر استخدامها خارج المدن فقط لضخامتها وارتفاع تكلفة وزمن انشائها‏.‏

وعن بداية اهتمامه بحل أزمة المرور يقول‏:‏ كنت دائما من المعجبين بنظام التقاطعات الحرة العالمي المسمي بـ"زهرة البرسيم‏":‏ نظرا لتحقيق انسيابية تامة للمرور في ‏16‏ اتجاها في التقاطعات الرباعية‏،‏ وقد لاحظت لاحقا بعض القصور في هذا النظام حيث دائما مايقام خارج المدن نظرا لضخامته ولاحتياجه إلي مساحات مربعة الشكل‏(500*500‏ متر‏)‏ يصعب تواجدها داخل المدن إلا باللجوء إلي أسلوب نزع الملكيات‏،‏ ومايتبعه من مشكلات زيادة التكلفة ووقت التنفيذ‏.‏

وكذلك لاحظت أيضا ـ يضيف ـ احتواء التصميم على مساحات شاسعة من الأراضي تمثل تكلفة اضافية غير مستغلة‏،‏ ويسهل تحويلها إلى خرابات أو مقالب غير صحية للقمامة‏،‏ وهذه كانت نقطة البداية في تصميم فكرة التقاطعات المدمجة وكان ذلك عام‏2001‏ وتم عرضها على كل من شركة المقاولون العرب وكذلك الاستشاري ممدوح حمزة فنالت الاستحسان لأنها ببساطة تهدف إلى تطبيق أسلوب التقاطعات الحرة المعروفة عالميًا ولكن بعد تعديلها لتصبح للتطبيق داخل المدن‏،‏.

ويتكمل تصلح أيضًا لنوعين من التقاطعات الثلاثية والرباعية وهي عبارة عن برج معدني سابق التجهيز مربع الشكل طوله مساوي عرضه حوالي ‏17‏ متر وارتفاعه لايزيد عن ‏15‏ مترا يتم تركيبه وسط أي ميدان يصل بين ‏4‏ اتجاهات رئيسية وهذا البرج يتم عليه تركيب كوبريين معدنيين متعامدين على ارتفاعين منفصلين ‏6‏ أمتار‏،12‏ مترا من سطح الأرض وكل كوبري عرضه ‏15‏ مترا عبارة عن حارتين في كل اتجاه لخدمة الاتجاهات الرئيسية الأربعة‏،‏ بينما يترك الميدان السطحي أسفل البرج والمساحات أسفل الكوبريين لخدمة باقي الاتجاهات‏..‏ وهذا الحل يصلح للانشاء بين أي شارعين متقاطعين داخل أو خارج المدينة شرط ألا يقل عرض نهر أي منهما عن‏23‏ مترا‏.‏

ويضيف المهندس عمرو أنه بالاستعانة بآراء خبراء تنفيذ الكباري يمكن القول إن هذا الشكل لايأخذ أكثر من ‏6‏ شهور للتنفيذ بدلا من عدة سنوات‏،‏ كما أن الأماكن التي تصلح للإنشاء بها لا تعد ولاتحصي مثال تقاطعي شارع الطيران مع طريق الاتوستراد عند جامع رابعة العدوية‏،‏ وتقاطع شارع إسماعيل الفنجري مع الاتوستراد‏،‏ وتلاقي شارعي محيي الدين أبو العز‏،‏ وشهاب مع جامعة الدول العربية‏،‏ وتقاطع محيي الدين أبو العز مع نادي الصيد‏،‏ وكلها تقاطعات أصبح التكدس فيها يحتاج إلي حلول سريعة وجذرية‏.

‏

ولأن حق المواطن في التنقل بأمان ويسر يتطلب طرقا حرة بقدر الإمكان تتوافر فيها مواصلات عامة آدمية‏،‏ وأماكن انتظار وكباري وأنفاق ومشاه بسلالم كهربائية مراعاة لكبار السن والعجزة والأطفال ويوتيرن مدروسة ومطبات صناعية قانونية‏.‏

ولتوفير هذا الحق يقترح المهندس عمرو عدة حلول منها التقاطعات الحرة المدمجة‏،‏ التي تهدف إلي إلغاء الاشارات المرورية للتقاطعات داخل المدن‏،‏ علاوة علي الأنظمة الذكية لانتظار السيارات‏،‏ وتهدف لمضاعفة مساحات انتظار السيارات في أسرع وقت ممكن‏.‏

ويدعو المهندس عمرو أيضا للأتوبيس المفصلي المطور‏،‏ الذي يعتبر الحل الأمثل والفوري للمواصلات علي الطرق الدائرية والمدن الجديدة والكباري لأنفاق المشاه المطورة‏،‏ بهدف تشجيع المشاه علي استخدامها بعبور الطريق‏،‏ واستخدام اليوتيرن في المناطق النائية فقط ومطبات صناعية قانونية بهدف تخفيف سرعة السيارات بطرق آمنة‏.‏

[Howayda Ismail]

الكلام جميل جدا لكن التنفيذ اخباره ايه

مئات من الافكار والطروحات من خبراء ومهندسين والحكومة ودن من طين وودن من عجين وابسطها

النانو تكنولوجى الذى تبنت افكاره دول من الخليج

كذلك للمهندس المحترم ممدوح حمزة افكار ممتازة فى مجالات شتى ضرب بها عرض الحائط

للاسف هناك مناطق على الطرق السريعة فى امس الحاجة لانشاء كبارى علوية للمشاة لتفادى

الحوادث اليومية المتكررة وشكاوى واحتجاجات ولامجيب وقيس على ذلك المطبات الاصطناعية

فى حالة اتساع حارات مرور السيارات ومغامرة المواطنين فى عبور الشوارع

لكن الظاهر ده كل ضمن منظومة لتقليص الكثافة السكانية زى الاكل المسرطن وماء المجارى

وغيره وغيره

اسفة لتغيير مجرى الحديث لكنها منظومة مربوطة ببعضهامافيش ضمير

[م تيمور المراغي]

الفرج قريب ان شاء الله

والشعب هو اللي باقي مش الحكام ,,

اشكرك على مداخلتك الكريمه اختي هند ,,

[اغابي]

طيب انا خايفة من حاجتين

اولا

ان العقلية دي تشتريها بسرعة امريكا او كندا او المانيا

ثانيا

ان فى مصر ما ينفذوش كلامه لا ممكن انهم يحجموه ويلجموه ويحسسوه بالشلل النصفى فى انه ينفذ الخطة دى

مع ان مشكلة المرور فى مصر بما انها من 40 سنة اتاسست الطرق بشكل غلط يبقى الاول لازم نعمل شبكة طرق صح

تكون بمواصفات عالمية - داه شبكة الطرق اللى فى الكويت رقم 4 على مستوي العالم بعد امريكا واستراليا والبلاد دى

يعنى شبكة الطرق هى الحل الامثل والحل داه من الدولة بالتعاون مع افكار مميزة ومبتكرة

لازم ناسس صح لاننا كان المفروض من خمسين سنة ورا كنا خططنا صح وعملنا شبكة طرق وكبارى

مدروسة لتخطيط 50 سنة لقدام زى ما كل الدول بتعمل وما كناش بقينا فى المعاناه دى

كمان ملحوظة تانية

السيارات القديمة اللى فى مصر واللى هى مضرة بالبيئة وكلنا عارفين ان السيارات دى كتير جدا وغير صالحة للاستعمال

وبتعرض حياه السائق والركاب للخطر لازم كل داه يتنسف مش بس الزحام فى اسس تتبع الاول وبعدين الزحمة حتفك لوحدها

تحياتى للجميع

اغابي

[sarmar]

المشكلة عندنا فى ادارة القطر المصرى هى ادارة عشوائية لان نظام الحكم قايم على نظام الغزب ( جمع عزبة ) وعلى جميعالفلاحين ( الموظفين ) الذين يعملون فى كل عزبة ان يدينوا بالنفاق والرياء وعدم مخالفة الاوامر والطاعة العمياء والولاء والبراء لناظر العزبة حتى ان كل خولى فى قطاع معين بيحول المطوعية بتاعتة الى عزبة مصغرة

وعلى الخولى او ناظر العزبة انة يقرررب اكثر الناس نفاقا ورياءا الية وممكن انة يستصدر لة شهادات اشادة رسمية على حسن تعاونة وانجازاتة فى الكذب والنفاق ويمطرة بوابل من الكرامات والحوافز حتى اصبح الشغل الشاغل والهدف الاقصى لاى واحد هو ان ينال الرضا السامى من رئيسة اما ان الموظف يفكر يعمل شىء او ينجز شىء فهذا ليس تخصصة وبالتبعية الرئيس مباشر هو موظف فى حلقة اكبر وهو ايضا كل مايهنة هو رضاء من هو اعلى منة وكيف يسخر وقتة للمصلحة النقدية لجيوبة ةهكذا حتى نيجى لاعلى سلطة فى الجهاز التنفيذى للدولة هو ايضا لايملك انة يعمل الاشىء 00000

وهكذا تصبح مصر ليس بها دولة ولا حكم ولا اى شىء يستطبع القيام بمثل هذا العمل القومى الممتاز لان مثل هذا العمل عندما يتم دراستة بطريقة صحيحة فانة ان شاء الله سيوفر على الاقتصاد المصرى مئات الملايين ان يكن مليارات مهدرة فى ساعات العمل المباشرة والغير مباشرة وتوفير فرص عمل وتوفير استهلاك للطاقة والوقت والجهد

فين الدولة ؟؟؟؟؟ اتخنقنا من الزحام

[عادل أبو عمر]

قواعد المرور في مصر </STRONG>القاعدة الأولى:

لو عربيتك كبيرة أو قديمة،أستخدم المبدأ القانوني: اللي خايف على عربيته يوسع!!

ملحوظة: ابعد عن سكةالعربيات المخرشمة ، بيسوقوا بنظرية ضربوا الأعور على عينه .

القاعدة الثانيه:

البوز بيز Booze Base : اللي يدخل ببوز عربيته الأول للتقاطع هو صاحبأولوية المرور!

احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس .

القاعدة الثالثة:

الإشارات تكشف نواياك للأعداء، أياك أن

تستخدمها

القاعدة الرابعة:

لا تترك مسافة للأمان بينك و بينالسيارة التي أمامك فهذا له عدة مخاطر:

1. عربية ثانية حتملا الفراغ في ثواني وبرضوه ما يبقاش فيه مسافة بينك و بين الي قدامك، كل الي كسبته انك اتأخرت لوراشوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهمو يعدوا من الحته دي.

4. الي وراك حيقعد يزمر - لو كان مؤدب - أو تسمع شويةأسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.

الإشارات مش معمولة علشان تنظم المرور ، معمولةعلشان شكل القاهرة يبقى متحضر بس!

اعتمد على العساكر ( مع تحملك كامل المسؤليةلو واحد منهم شاورلك تعدي و بلدياته الناحية الثانية فتح السكة للوري ) أو يفضل أنتستعمل البوز بيز ( راجع القاعدة الثانية )

القاعدة الخامسة :

اذا كنت مش واقف في الصف الأول في الاشارة اعمل حسابك تزمر بشكل متواصل وهستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!!!

القاعدة السادسة:

معظم الحوادث تحدث في التقاطعات أول الأشارةما تحمر، كل ما عديت الإشارة الحمراء أسرع كل ما قلت فرصة انك تتخبط !

القاعدة السابعة:

الشارع مكان مقرف، سوق بأسرع ما يمكنحتى تتخلص من هذا الهم بسرعة،

الناس الي ماشيين بالراحة مرضى نفسيين بيستمتعوابالعذاب ، يستاهلوا الي يجرى لهم .

القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه،

اذا سبقك واحد و ركن قدام الباب، فمن حقك أن تقفل عليه و تركن صف ثاني أو ثالث،و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان ؟

القاعدة التاسعة :

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً،راجع البند السابق.

القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات للمنازل 3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني !!

القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحاجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية .

القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك .

القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحدبموتوسيكل معدي جنبك ( علشان يحرم يعمل غرز ).

القاعدة الرابعة عشر:

من حقك أن تعبر الشارع في أي وقت و من أي مكان .

القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودينفسه في داهية ؟

القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت .

القاعدة السابعة عشر :

حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟

وريه عرض قفاك و سيبه يتفلق .

القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائليين و المحلات... الخ،

لذلك يحق للمشاة السير في وسط الشارع، لمزيد من الأمان، راجع القاعدة السابقة.

القاعده الاخيره والاهم

دايما اشرب سفن اب وخليك لذيذورايق ولا يهمك من اى حد ومحدش واخد منها حاجه ومتعصبش نفسك عشان اى حد

------------------------

فعلا ده من نوع الهم اللي يضحك ... إن في قواعد فعلا معمول بيها ... بس المتضرر و المظلوم الوحيد هو الانسان المحترم في بلدنا العزيزة و ما أكثرهم و في غياب النظام في إدارة مصالح العباد تسمع الحكمة الفرعونية الخالدة المساوة في الظلم عدل و ما هي من الحكمة و لا من العدل في شيء .

المرور هو المؤشر الأول للحكم على أي دولة هل فيها نظام (إدارة ) أم لا

ومش هنروح بعيد صفر المونديال أكبر دليل على تقييم العالم لما يجري في شوارع مصر

تحياتي

أبو عمر

[م تيمور المراغي]

اغابي

سارمر

ابو عمر

اثريتم الموضوع بمداخلاتكم الكريمه

تقبلوا كل ودي واحترامي وتقديري

تيمور ,,,

[م تيمور المراغي]

الفرج قريب ان شاء الله

والشعب هو اللي باقي مش الحكام ,,

اشكرك على مداخلتك الكريمه اختي هند ,,

حتة تنبؤيه كده قبل الثورة بشهرين :happy: