الحزام الاخضر ..والبلوه السودا...

[قلب ابيض]

لجأت اليكم بعد الله لعلى اجد لديكم ضالتى

الموضوع يتلخص فى انه فى يوم من الايام من حوالى 7سنوات نزل اعلان فى جريده رسميه بالكويت عن اراضى يناء فى منطقه الحزام الاخضر بالسادس من اكتوبر ...

الاراضى دى كانت تابعه لجهاز التعمير والاستصلاح الزراعى فى 6 اكتوبر

الجهاز باعها لجمعيات زراعيه مساحات تقدر بالالاف الافدنه

وبالتالى الجمعيات باعتها للاهالى على سبيل انها اراضى استصلاح زراعى

بعض هؤلاء المشتريين من الاهالى باعها لشركات عقاريه هنا بالكويت على هيئه قطع كل قطعه فدان

وقد تم بيعها للمقيمين بالكويت بعد اعلان فى الجريده موثق من السفاره المصريه بختم بصحه العقو والبناء على 10% من المساحه

وبعد ان تم تسديد المبالغ كامله تراجع المالك الاصلى فى التسليم او التسجيل بحجه ان الارض سعرها طلع فووووق اوى لانها بقيت مبانى مش استصلاح

من هنا لهنا حاولنا الوصول لنقطه تلاقى للبناء او البيع تعسف المالك الاصلى مطالبا بفرده على حد قوله بلطجه يعنى مقابل التسجيل ...قبل البعض ودفع وما كان الا انه نصب عليهم وقال حطوا راسكم مطرح رجليكم انا مستشار الريس ومحدش يقدر يعمل لى حاجه

وحتى الان ومن 7 سنوات لا قادرين نسجلها عشان نبنى او نبيع ولا عارفين نواجهه موقف الراجل ده ازاى ؟؟؟

هل من راى او حل ؟؟

جزاكم الله خيرا

[قلب ابيض]

يا جماعه محتاجه رايكم

[raouf]

للاسف طالما فيه ناس فوق القانون والباشا مستشار للريس يبقى انسى ولا تقدرى تعملى حاجة الا الدعاء عليه والدفع له

او حل اخر فيه ناس يقدوا يسلكوا مع اللى زيه شوفى حد منهم قوى وبيعى له الارض

وربنا يكون فى عونك

فيه حل لو انا مكانك هاعمله وهو

هجمع عدد من المشترين وقضية وبعدها تليفونين فى برامج زى العاشرة مساءا والحياة اليوم

اول ما هايحس ان هايتفضح وتجيلوا مشاكل وهتبقى قضية عامة هيحاول يخلص الموضوع

الحل ده محتاج وجود عدد من المشترين معاكى

[قلب ابيض]

الف شكر على ردك يا استاذ رؤوف وعلى اهتمامك...يبددو انك الوحيد اللى قدر يعقب مش عارفه ليه؟؟؟

ليه محدش عقب؟

الموضوع صعب اه بس حتى بارائكم ؟؟

المهم راى حضرتك فى محله ..وبالفعل اتصلنا بعدد من الملاك كبدايه وجايز نقدر نعمل اى حاجه ماتضييعش حقوقنا وشقانا فى الهوا

مره تانيه الف شكر لرد سيادتك المحترم

[Mr MAGED]

انا باتفق مع رؤوف في الحل التاني

لو لجأتي للحل الأول المشتري أكيد هيعرف ان عليها مشاكل

وياخدها برخص التراب

الحل انك تاخدي حقك بالقانون حتي لو هيطول شوية

المهم يكون فيه محامي شاطر من بتوع اليومين دول

زي اللي طلع هاني سرور براءة .. وقريب هيطلع طلعت مصطفي

تمنياتي بالتوفيق ان شاء الله

[Howayda Ismail]

قلبى عند حضرتك مش عارفة اقول لحضرتك ايه لكن الظاهر مافيش حل غير اللى ذكروه

الاخوة الافاضل

[Diab]

لقضية دي عايزة محامي عقر من اللي يعرف القرد مخبي ابنه فين

بس دول اتعابهم حراقة قوي

[raouf]

الف شكر على ردك يا استاذ رؤوف وعلى اهتمامك...يبددو انك الوحيد اللى قدر يعقب مش عارفه ليه؟؟؟

ليه محدش عقب؟

الموضوع صعب اه بس حتى بارائكم ؟؟

المهم راى حضرتك فى محله ..وبالفعل اتصلنا بعدد من الملاك كبدايه وجايز نقدر نعمل اى حاجه ماتضييعش حقوقنا وشقانا فى الهوا

مره تانيه الف شكر لرد سيادتك المحترم

لا شكر على واجب بس حاجة انبهك ليها الا وهى

جو وموضوع الاراضى التخصيص هذه الايام

لان الارض الراجل متملكها بصوره غير قانونية وهيبقى عليها وهلى الاراضى اللى زيها مشاكل الايام الجاية

رايى لا تقومى باى تصرف للفترة القادمة لحد ما نعرف هيغملوا ايه واعتقد ان كل الامور هتنام بعد الانتخابات