قصائد سياسية

[المهندسه]

بكلمك من مصر ...(كلماتها بسيطه لكن روعه)

http://www.youtube.com/watch?v=c9WzeEo6qyE&feature=related

تم تعديل 6 أكتوبر 2010 بواسطة المهندسه

[المهندسه]

اسمعوا دى تحفه على ضمانتى

ابليس كفر من حال مصر

http://www.youtube.com/watch?v=vh8qFVFnfVw&feature=related

[المهندسه]

شكرا يا هند و يا nightmare اصل انتوا جيتوا على الجرح ..انا بعشق القصائد دى وماوريش غيرها على طول.

[nightmare]

شكرا يا هند و يا nightmare اصل انتوا جيتوا على الجرح ..انا بعشق القصائد دى وماوريش غيرها على طول.

تصدقى بإيه يا باشمهندسة , انى قاعد مش قادر افتح عينى من التعب , بس أ.هند جابت موضوع على الجرح والوجع بتاعى كمان وشيء بعشقه , بس هيا برضه حجمتنا بسياسة داخلية , ده فيه شوية قصائد معايا روعة بس سياسة عامة وعربية واسلامية وخلافه.

وتسلم ايدك على فيديوهات على سلامة , كنت ناسيه بصراحة بقاله فترة مختفي.

مع تحياتي

تم تعديل 6 أكتوبر 2010 بواسطة nightmare

[Howayda Ismail]

شكرا يا هند و يا nightmare اصل انتوا جيتوا على الجرح ..انا بعشق القصائد دى وماوريش غيرها على طول.

شكرا لحضرنك يابشمهندسة على الروائع دى وكويس لاقيت زميلة لى بتحب الحاجات دى

[المهندسه]

شكرا يا هند و يا nightmare اصل انتوا جيتوا على الجرح ..انا بعشق القصائد دى وماوريش غيرها على طول.

تصدقى بإيه يا باشمهندسة , انى قاعد مش قادر افتح عينى من التعب , بس أ.هند جابت موضوع على الجرح والوجع بتاعى كمان وشيء بعشقه , بس هيا برضه حجمتنا بسياسة داخلية , ده فيه شوية قصائد معايا روعة بس سياسة عامة وعربية واسلامية وخلافه.

وتسلم ايدك على فيديوهات على سلامة , كنت ناسيه بصراحة بقاله فترة مختفي.

مع تحياتي

انا كمان مش قادره افتح عينى من التعب بس قولت احط الحاجات دى على السريع ونكمل بكره ان شاء الله

وياريت القصائد ال معاك تحطها فى القسم المخصص لها و ما تحرمناش منها

وتصبح على خير بقه كده كفايه ...وغدا القاك على رأى الست

[Howayda Ismail]

شكرا يا هند و يا nightmare اصل انتوا جيتوا على الجرح ..انا بعشق القصائد دى وماوريش غيرها على طول.

تصدقى بإيه يا باشمهندسة , انى قاعد مش قادر افتح عينى من التعب , بس أ.هند جابت موضوع على الجرح والوجع بتاعى كمان وشيء بعشقه , بس هيا برضه حجمتنا بسياسة داخلية , ده فيه شوية قصائد معايا روعة بس سياسة عامة وعربية واسلامية وخلافه.

وتسلم ايدك على فيديوهات على سلامة , كنت ناسيه بصراحة بقاله فترة مختفي.

مع تحياتي

انا قلت بس خلينا فى خبيتنا الاول ويمكن تكون حملة تضامنا مع الدعوة للتغيير

شكرا لك nightmare

[المهندسه]

شكرا يا هند و يا nightmare اصل انتوا جيتوا على الجرح ..انا بعشق القصائد دى وماوريش غيرها على طول.

شكرا لحضرنك يابشمهندسة على الروائع دى وكويس لاقيت زميلة لى بتحب الحاجات دى

شكرا ليكى يا هند انك فتحتى موضوع حلو كده وانا خلاص نمممممممت تصبحى على خييير احسن دماغى لفت ups:

[Howayda Ismail]

[quote name=المهندسة

شكرا ليكى يا هند انك فتحتى موضوع حلو كده وانا خلاص نمممممممت تصبحى على خييير احسن دماغى لفت ups:

وانت من اهل الخير ونتقابل بكرة ان شاء الله

[nightmare]

صباح جديد عليكم جميعاً , اسيبكم مع أروع القصائد السياسية.

قصيدة ( أمي ملهاش في السياسة ) -- عمرو إسماعيل

http://www.youtube.com/watch?v=vAw0C1FGSp8

مع تحياتي

[المهندسه]

تحفه جداااا جداااا يا nightmare تستاهل عليها 10000نقطه خضرا

[المهندسه]

صباح فل يا NIGHTMARE خد القصيده دى ..من ارتجالى هههه

انا عاوزه اعرف ماحدش غيرنا بيكتب فى الموضوع ده ليه.

..هى الناس خايفه ولا ايه.

.ولا الناس لسه نايمه.طيب ليه!!

ولا عامله نايمه و خايفه منها يا بيه

ال اسمها امن دوله ال فى السيده زينب عارفها ولا ايه...

طبعا السيده هو انت فهمت ايه؟؟؟

بس طمنى يا NIGHTMARE هو فى اتفاقيه هنا فى السعوديه مع مصر فى تقفيش المجرمين الوحشين الزينا كده وبيكتبوا الحاجات ال كوخه دى

http://www.youtube.com/watch?v=LqcNV9zIaes&NR=1

[Howayda Ismail]

السلام عليكم

المرة دى قصيدة للابنودى وهى طويلة شوية بس مناسبة عشان ذكرى اكتوبر

---------------------------------------------------

اكشف غطا وجهك ومزع القناع

بلا حكومة - بلا حكومة

بى بطولة بلا بتاع

ياأسمر يأبو القلب الحديد

ياللي واجهت الموت ... في كل اتساع

ياأسمر يأبو الوجه العنيد

يا مصري ... ولحد النخاع

كله طلع كلام يا خال !!

والحال .. رجع تاني حال

أتاري الحرام ..... هوه الحلال

وأتاري الهدى هوه الضلال

شموا نفسهم من جديد

والمرة دي

بدمك أنت يا بطل .... مع الأسف

وبعجنة اللحم اللي تتسمى الشهيد

ويعملوها عيد بليد

تعرفشيه غير م الصحف

واعترف

العيد بييجي

لاجل ما تموت من جديد

ولو ان موتك ريح بتغلب الرياح

لكنه ما حركش ليه أسن الحياه؟

ويا صاحبي

ما حركش ليه ألم الجراح؟

راح اللي راح

فلا انتظار ولا أمل

الحرب خلصت يابطل

والفرحة هبت في الوطن ياصاحبي

من كل اتجاه

وزي ما قالوا: طلع نور الصباح

ورفرف العلم العظيم العالي

على كل الجباه

لكنه...

ليه من غير حياه؟

والنصر ليه على رقاب كل اللي عملوه

اتكى ؟

وليه في أرض المعركه

نسينا كل اللي بلغناه

بالمعاناه

والعرق وبالفخار ..وبالبكا

لما يا صاحبي ع الحلم اللي ضاع

ونصرك اللي راح وما عادلوش شهود

وما عادش داخل الحدود

غير اللي سمسر

واللي قرقر

واللي وفر ... واللي باع

****

تابع

[Howayda Ismail]

اللي هوى الوطن .....هوى

بالعشق ولع وانكوى

من قبل ما يفتح ..... ذوى

يا أحلا أبناء الوطن

نرحل عليل......... بلا دوا

ترحل وحيد مجهول ...حزين

نرحل سوا

****

نرحل سوا. أنا وانت والوطن الحبيب

ونسيبها للوطن الغريب

نسيبها للوطن المريب

لديب .. بيحرس الجياع

والوهم اذا كشكش

..

بيزداد اتساع

وانت العريس اللي بنيت المجد

بايديك الجمال

وبقيت دريس طاو في الخيال

وكئن حربك النبيله

لعبه لعبوها العيال

لعبوها ع الساكت

اتمرمغت الصفحة اللي فيها اسمك

حدوته

...!

وشط الحواديت تاهت

الاسم مشطوب

والتاريخ ....باهت

ما فضلشي منه شيء يا عبد العاطي

لم العو دباباته بعيد عن سينا

نسونا.............. فنسينا

والاسم

كان لازم في سكة الخيانه

يتردم

واللي كتب عنك ندم

واللي وقف جنبك ندم

اضطر يفضح لعبة التبديد

وحاصروه بالوصم والتهديد

صبح الشريف موصوم

هوه الشريف اللي تمللي يتوصم

وبقى السليم مجزوم

يستعملوا وياه ياخال

لغة الجزم

وبقى الجبان صنديد

فارحل حزين مظلوم

ارحل سفيه موصوم

ارحل مريض ساكت

ارحل الى أبعد بعيد

***

[nightmare]

تحفه جداااا جداااا يا nightmare تستاهل عليها 10000نقطه خضرا

الله يكرمك يا باشمهندسة, هي فعلا جامدة بس على فكرة دي موسيقي عمرو إسماعيل وإنتاج الوطنية للتغيير.

صباح فل يا NIGHTMARE خد القصيده دى ..من ارتجالى هههه

انا عاوزه اعرف ماحدش غيرنا بيكتب فى الموضوع ده ليه.

..هى الناس خايفه ولا ايه.

.ولا الناس لسه نايمه.طيب ليه!!

ولا عامله نايمه و خايفه منها يا بيه

ال اسمها امن دوله ال فى السيده زينب عارفها ولا ايه...

طبعا السيده هو انت فهمت ايه؟؟؟

بس طمنى يا NIGHTMARE هو فى اتفاقيه هنا فى السعوديه مع مصر فى تقفيش المجرمين الوحشين الزينا كده وبيكتبوا الحاجات ال كوخه دى

مساء الفل يا هندسة , ضحكتينى بالقافية الإرتجالية دي , السؤال ده انا سألته لنفسي برضه , بس مفيش غير إجابة واحدة منطقية "السكوت علامة الرضا":lol:

ياريت والله تكون فيه اتفاقية يبقي ريحونا بدل ما ندفع فلوس التذاكر jmb-) , بس زيادة في الحرص خلينا نغير ال Location نخليه كينيا والا الصومال.

والقصيدة اللى فاتت دي رائعة , الراجل بيتكلم بحرقه شكله شاف الويل في المعتقل .

مع تحياتي

[nightmare]

صبح الشريف موصوم

هوه الشريف اللي تمللي يتوصم

وبقى السليم مجزوم

يستعملوا وياه ياخال

لغة الجزم

وبقى الجبان صنديد

فارحل حزين مظلوم

ارحل سفيه موصوم

ارحل مريض ساكت

ارحل الى أبعد بعيد

عوداً حميداً يا أ.هند , الأبنودي الرائع clp:: وكويس اننا بدانا اليوم من بدري النهارده:lol: .

تسلم إيدك

مع تحياتي :flr1:

تم تعديل 7 أكتوبر 2010 بواسطة nightmare

[Howayda Ismail]

مصر المهيبه بتنحدر للواطي

هل كنت تتخيل في يوم

السرعة دي في الموت يا عبد العاطي

حتى وانت . قصاد صفوف الدبابات ؟

سامحني أنا ماعرفش كام عندك

من الأولاد وم البنات

.

هل كنت تتخيل خيانة الوطن؟

!

هل كنت تتخيل عبير هذا الزمن؟

!

وهو صاعد للعلا نتن..؟

!

وقول بحق

.

ان كان قلبك خاف

والأر بي جي

مسنود على الأكتاف

ساعة اغتيال عساف؟

وهل خطر ع البال يا عبد العاطي

ان الخيانه حتسكن الآتي؟

!

وان ملعوب لاتفاق ملعوب ؟

وان اكتوبر حيتباع ويا مصر؟

ــ الاتنين ــ في سوق العصر..؟

والمؤمنين

حيطردوا من صيغة المستقبل

ويصعد الخاطي ؟

!!

دلوقت ايه اللي مضيق

صدرك الوسيع؟

وبتفهم ازاي الفروق

بين اشترا الوطن الأسير

والبيع؟

النصر تمنه اشتروا بيه قصر

تمن الوطن

اذن لدخول السمسره

ماكنتش حرب

ماكنش نصر

واللي رفضناه لاجل نتقدم

حدفنا بعيد ورا

***

ما تقولش زيي كان وكان

كان حيلة لاجل يموت فقيرها

في طوابير الهوان

وطنك يا صاحبي كان زمان

واللي احنا فيه

زمن العفاريت السمان

***

اصمد يا صاحبي لموتك العبثي

باعوا الوطن ياصاحبي بالمجان

مجان لكن ما نقدروش أتمان

ما راح زمان(الشاذلى والجمسى)

وشمس سينا يوم ماعششت

فى صدرك العريان

غابت فانسى الحرب ي غلبان

اعداء وطنا صاروا احبابه

مستمتعين بالوطن والوقت خان الوقت ــ

بيسلكوا وكأنهم أصحابه

أنت العدو دلوقت

أنت نشاز اللحن

أما احنا يا بطلي الحزين

فمدينا لهم للحياه

شريان ورا شريان

زعيقي وسط الخلق زي سكاتي

وتفاؤلي بقى جزء من احباطي

اتغيرت كل العقول

واتبدلت كل الفصول

واتعفرت كل الشموس

واتغبرت كل النفوس

وزي ما تقول قول

!!

اسمك بهت

وكأن عمره ماكان

اتباع كأنه بضاعه ف الدكان

في الانفتاح على عورة الأوطان

آدي الجناة أبرار

...

وانت الخاطي

.

وانت غلطة الوطن

في صفقة الشيطان

يا عبد العاطي

أنت نويت

وأتاري فيه غيرك نوى

ناس عليو فوق

وسابوك بتبحث في الفتات

عن الدوا

لكبدك اللي ما احتملش فانشوى

يا صاحبي موت أرجوك

وموت الغضب

الاسم كان هوه الهدف

رفرف على مرمى النيران

وكأنه قاصد ينضرب

الاسم ضلم وانشطب

ومصر مصرين

مصر احنا وهمه

لهم الغنايم والبهايم احنا

صوتهم وجع مسموم

بيسكن العصب

ويلهب اللهب

ياصاحبي موت أرجوك وموت الغضب

لعينيك ياصاحبي بانتمي

كان صدرك هوه صدر بلادي

من الهجير باجري عليه

واترمي

وأنا قصدي أغسل همي.. بازداد هم

عفوك ياعبد العاطي

الوطن عمي

( بكسر العين والميم )

وامشي وهملنا يابن العم

واسمك المشطوب

مازال هناك مكتوب

في قلب سينا في سرها الدفين

في صدور جميع المخلصين

المرضى زيك ياوطن

واللي حيغلبوا المحن

واللي حيجلو عنه عار الغبار

عشان يشع اسمك كأنه نهار

الاسم ـــ رمز العزة ـــ

بيصيبهم بداء

ينسوك ما ينسوك . الضمير متذكرك

هنا مش هنا ــ صدقني ــ

بكره حافكرك

مين اللي قال يامصر ابنك ضاع؟

دحنا حنعلن ع المشاع

اسم اللي باع حلمك ياعبدالعاطي

للشرق أو للغرب

للأهل أو للغرب

( بضم الغين )

ولحد داك اليوم

سيب الحياه تمشي لورا بالورب

مين ده ياعبد العاطي

أبو جته جامده وكرش؟

اللي بيحدف بالمتين مليار

ويعز ع الناس قرش؟

!!

هل شفته يوم الضرب؟

هل كان معاك في الحرب؟

أتاري دم الشهدا له أتمان

تمن الشهيد مابيقبضوش والدب

انهب وصيع بينهبو المقاطيع

ويالله بيع كل اللي شلناه للزمان

ويكون شعار بلدك

وبدال ماتبني بيع

.

هنا تكتشف ان الخراب

هوه الربيع

بيع المصانع والصحاري واشتري

آخر حدود الأرض والشواطيء

وهكذا

مصر اللي كانت ملكنا

واللي حميناها بصدرك عننا

انسحبت واحنا في عز النوم

انسحبت في السر وف كام يوم

هربت كده علنا يا عبدالعاطي

****

مش دي البلاد اللي حاربت عشانها

ولا هم دول ياصاحبي حكامها

ولا مصر دي اللي رفعت أعلامها

ورميت بروحك في خضم الحرب

ونيرانها

.

فين احنا دلوقت ياعبد العاطي

مين اللي وطى العالي ياصاحبي ؟

!!

وعلى الواطي

( بتشديد اللام في على )

مين اشترى بتمنك الصحرا والشاطي

وطاطي

فاكرنا وراه حنطاطي

وصالح القاتل وعادانا

وادانا ضهره وسابنا ببلاهه

نعد قتلانا

وهرب بمصر وخبى عنوانها؟

!!

****

ارحل ياعبد العاطي

يابن الطيبين ارحل

ارحل وحيدمظلوم حزين أسهل

كل القصص ماتت

كل المثل ماعت

كل الحقوق ضاعت

البياعين باعت

أهل القيم صاعت

وأهل الحقوق جاعت

حتى اللي صابت

من جديد خابت

كله اتمسح والزور

هوه اللي شادد خطوته

وثابت

والنصر كان ياعم عبد العاطي

أهم أغلاطك وأغلاطي

ارحل بتتفرج على عشوش اللصوص

المحروسين ببدله ظباطي

!!!

*****

ياللي كسرت القانون

وحاولت وطنك يكون

مات الوطن

ورجعت الميه تاني تمشي في الواطي

يابطل زمانه فات

ياصياد الدبابات

يامجسد الحسرة

فى أسوأ معانيها

ماعدش غير الموت حرية

ارحل ياعبد العاطي

لا أكل ولا ميه

لاحلم بالألوفات ولا الميه

الحسرة وطنية

الحسرة وطنية

دواها لا من صبر ولا من نوم

انت الشهيد اللي ضل وعاش

لحد اليوم

ماعدش شيء ينباع

يا مزعج اللي تاجروا في النسيان

في وطن بيشم بالصمت

وما عادش لازمه سماع

****

عارفك ما متش علة

مت تعب

ماهو كام سنة يا صحابي

يحتمل الحطب... نار الغضب؟

وكل ما تبرق صور في الذاكرة

للدبابات اللي حرقت

( بفتح الحاء والراء )

أو الجنود اللي قتلت

ولما م الضحك اتمزعت

بفرحة النصر اللي كان ابداع

كل اللي ضاع منك

مع اللي ضاع

تخمدها بكفوفك بصمت رهيب

من غير ما تعتب ع الوطن

وتودي وياه في الألم

وتجيب

كلمنا وانت في السرير عيان

عن اللي ولى ...وخان

وعن اللي باع النصر ف الدكان

مش ده الوطن

اللي اتفقت معاه ياصاحبي زمان

تئن والأنين مرير

وانت بتتقلب على السرير

سرير فقير

تطلق زفير الحزن في النفس الأخير

ولا الشاشات بكيت

ولا المذياع أذاع

فاكشف غطا وجهك

ومزع القناع

بلا حكومة

بلا رئاسة

بلا معارضة

بلا بتاع

!!

[Alshiekh]

القصيدة كاملة

قصيدة " الإسم المشطوب " للشاعر عبد الرحمن الأبنودي

وهى مهداة الى صائد الدبابات فى حرب أكتوبر 1973 " عبدالعاطى "

وهى ايضا آخر أشعار الأبنودى السياسية

نشرت بجريدة الدستور 18 من يونيو 2008

=================================================

اكشف غطا وجهك ومزع القناع

بلا حكومة . بلا حكومة

بى بطولة بلا بتاع

ياأسمر يأبو القلب الحديد

ياللي واجهت الموت ... في كل اتساع

ياأسمر يأبو الوجه العنيد

يا مصري ... ولحد النخاع

كله طلع كلام يا خال !!

والحال ..رجع تاني حال

أتاري الحرام..... هوه الحلال

وأتاري الهدى هوه الضلال

شموا نفسهم من جديد .

والمرة دي ..

بدمك أنت يا بطل .... مع الأسف

وبعجنة اللحم اللي تتسمى الشهيد

ويعملوها عيد بليد

تعرفشيه غير م الصحف .

واعترف ....

العيد بييجي ...

لاجل ما تموت من جديد

ولو ان موتك ريح بتغلب الرياح

لكنه ما حركش ليه أسن الحياه؟

ويا صاحبي ....

ما حركش ليه ألم الجراح؟

راح اللي راح

فلا انتظار ولا أمل

الحرب خلصت يابطل

والفرحة هبت في الوطن ياصاحبي

من كل اتجاه

وزي ما قالوا: طلع نور الصباح

ورفرف العلم العظيم العالي

على كل الجباه

لكنه...

ليه من غير حياه؟

والنصر ليه على رقاب كل اللي عملوه

اتكى ؟

وليه في أرض المعركه

نسينا كل اللي بلغناه

بالمعاناه

والعرق وبالفخار ..وبالبكا

لما يا صاحبي ع الحلم اللي ضاع

ونصرك اللي راح وما عادلوش شهود

وما عادش داخل الحدود

غير اللي سمسر

واللي قرقر

واللي وفر ... واللي باع

****

اللي هوى الوطن .....هوى

بالعشق ولع وانكوى

من قبل ما يفتح ..... ذوى

يا أحلا أبناء الوطن

نرحل عليل......... بلا دوا

ترحل وحيد مجهول ...حزين

نرحل سوا

****

نرحل سوا. أنا وانت والوطن الحبيب

ونسيبها للوطن الغريب

نسيبها للوطن المريب

لديب .. بيحرس الجياع

والوهم اذا كشكش ..

بيزداد اتساع

وانت العريس اللي بنيت المجد

بايديك الجمال

وبقيت دريس طاو في الخيال

وكئن حربك النبيله

لعبه لعبوها العيال

لعبوها ع الساكت

اتمرمغت الصفحة اللي فيها اسمك

حدوته...!

وشط الحواديت تاهت

الاسم مشطوب

والتاريخ ....باهت

ما فضلشي منه شيء يا عبد العاطي

لم العو دباباته بعيد عن سينا

نسونا.............. فنسينا

والاسم

كان لازم في سكة الخيانه

يتردم

واللي كتب عنك ندم

واللي وقف جنبك ندم

اضطر يفضح لعبة التبديد

وحاصروه بالوصم والتهديد

صبح الشريف موصوم

هوه الشريف اللي تمللي يتوصم

وبقى السليم مجزوم

يستعملوا وياه ياخال

لغة الجزم

وبقى الجبان صنديد

فارحل حزين مظلوم

ارحل سفيه موصوم

ارحل مريض ساكت

ارحل الى أبعد بعيد

*********

مصر المهيبه بتنحدر للواطي

هل كنت تتخيل في يوم

السرعة دي في الموت يا عبد العاطي

حتى وانت . قصاد صفوف الدبابات ؟

سامحني أنا ماعرفش كام عندك

من الأولاد وم البنات .

هل كنت تتخيل خيانة الوطن؟!

هل كنت تتخيل عبير هذا الزمن؟!

وهو صاعد للعلا نتن..؟!

وقول بحق .

ان كان قلبك خاف

والأر بي جي

مسنود على الأكتاف

ساعة اغتيال عساف؟

وهل خطر ع البال يا عبد العاطي

ان الخيانه حتسكن الآتي؟!

وان ملعوب لاتفاق ملعوب ؟

وان اكتوبر حيتباع ويا مصر؟

ــ الاتنين ــ في سوق العصر..؟

والمؤمنين

حيطردوا من صيغة المستقبل

ويصعد الخاطي ؟!!

دلوقت ايه اللي مضيق

صدرك الوسيع؟

وبتفهم ازاي الفروق

بين اشترا الوطن الأسير

والبيع؟

النصر تمنه اشتروا بيه قصر

تمن الوطن

اذن لدخول السمسره

ماكنتش حرب

ماكنش نصر

واللي رفضناه لاجل نتقدم

حدفنا بعيد ورا

*******

ما تقولش زيي كان وكان

كان حيلة لاجل يموت فقيرها

في طوابير الهوان

وطنك يا صاحبي كان زمان

واللي احنا فيه

زمن العفاريت السمان

*****

اصمد يا صاحبي لموتك العبثي

باعوا الوطن ياصاحبي بالمجان

مجان لكن ما نقدروش أتمان

ما راح زمان ( الشاذلي والجمسي )

وشمس سينا يوم ماعششت

صدرك العريان

غابت فانسى الحرب يا غلبان

أعداء وطننا صاروا أحبابه

ـــ مستمتعين بالوطن والوقت خان الوقت ــ

بيسلكوا وكأنهم أصحابه

أنت العدو دلوقت

أنت نشاز اللحن

أما احنا يا بطلي الحزين

فمدينا لهم للحياه

شريان ورا شريان

زعيقي وسط الخلق زي سكاتي

وتفاؤلي بقى جزء من احباطي

اتغيرت كل العقول

واتبدلت كل الفصول

واتعفرت كل الشموس

واتغبرت كل النفوس

وزي ما تقول قول!!

اسمك بهت

وكأن عمره ماكان

اتباع كأنه بضاعه ف الدكان

في الانفتاح على عورة الأوطان

آدي الجناة أبرار ...

وانت الخاطي .

وانت غلطة الوطن

في صفقة الشيطان

يا عبد العاطي

أنت نويت

وأتاري فيه غيرك نوى

ناس عليو فوق

وسابوك بتبحث في الفتات

عن الدوا

لكبدك اللي ما احتملش فانشوى

يا صاحبي موت أرجوك

وموت الغضب

الاسم كان هوه الهدف

رفرف على مرمى النيران

وكأنه قاصد ينضرب

الاسم ضلم وانشطب

ومصر مصرين

مصر احنا وهمه

لهم الغنايم والبهايم احنا

صوتهم وجع مسموم

بيسكن العصب

ويلهب اللهب

ياصاحبي موت أرجوك وموت الغضب

لعينيك ياصاحبي بانتمي

كان صدرك هوه صدر بلادي

من الهجير باجري عليه

واترمي

وأنا قصدي أغسل همي.. بازداد هم

عفوك ياعبد العاطي

الوطن عمي ( بكسر العين والميم)

وامشي وهملنا يابن العم

واسمك المشطوب

مازال هناك مكتوب

في قلب سينا في سرها الدفين

في صدور جميع المخلصين

المرضى زيك ياوطن

واللي حيغلبوا المحن

واللي حيجلو عنه عار الغبار

عشان يشع اسمك كأنه نهار

الاسم ـــ رمز العزة ـــ

بيصيبهم بداء

ينسوك ما ينسوك . الضمير متذكرك

هنا مش هنا ــ صدقني ــ

بكره حافكرك

مين اللي قال يامصر ابنك ضاع؟

دحنا حنعلن ع المشاع

اسم اللي باع حلمك ياعبدالعاطي

للشرق أو للغرب

للأهل أو للغرب ( بضم الغين)

ولحد داك اليوم

سيب الحياه تمشي لورا بالورب

مين ده ياعبد العاطي

أبو جته جامده وكرش؟

اللي بيحدف بالمتين مليار

ويعز ع الناس قرش؟!!

هل شفته يوم الضرب؟

هل كان معاك في الحرب؟

أتاري دم الشهدا له أتمان

تمن الشهيد مابيقبضوش والدب

انهب وصيع بينهبو المقاطيع

ويالله بيع كل اللي شلناه للزمان

ويكون شعار بلدك

وبدال ماتبني بيع.

هنا تكتشف ان الخراب

هوه الربيع

بيع المصانع والصحاري واشتري

آخر حدود الأرض والشواطيء

وهكذا

مصر اللي كانت ملكنا

واللي حميناها بصدرك عننا

انسحبت واحنا في عز النوم

انسحبت في السر وف كام يوم

هربت كده علنا يا عبدالعاطي

****

مش دي البلاد اللي حاربت عشانها

ولا هم دول ياصاحبي حكامها

ولا مصر دي اللي رفعت أعلامها

ورميت بروحك في خضم الحرب

ونيرانها.

فين احنا دلوقت ياعبد العاطي

مين اللي وطى العالي ياصاحبي ؟!!

وعلى الواطي ( بتشديد اللام في على )

مين اشترى بتمنك الصحرا والشاطي

وطاطي

فاكرنا وراه حنطاطي

وصالح القاتل وعادانا

وادانا ضهره وسابنا ببلاهه

نعد قتلانا

وهرب بمصر وخبى عنوانها؟!!

****

ارحل ياعبد العاطي

يابن الطيبين ارحل

ارحل وحيدمظلوم حزين أسهل

كل القصص ماتت

كل المثل ماعت

كل الحقوق ضاعت

البياعين باعت

أهل القيم صاعت

وأهل الحقوق جاعت

حتى اللي صابت

من جديد خابت

كله اتمسح والزور

هوه اللي شادد خطوته

وثابت

والنصر كان ياعم عبد العاطي

أهم أغلاطك وأغلاطي

ارحل بتتفرج على عشوش اللصوص

المحروسين ببدله ظباطي!!!

*****

ياللي كسرت القانون

وحاولت وطنك يكون

مات الوطن

ورجعت الميه تاني تمشي في الواطي

يابطل زمانه فات

ياصياد الدبابات

يامجسد الحسرة

فى أسوأ معانيها

ماعدش غير الموت حرية

ارحل ياعبد العاطي

لا أكل ولا ميه

لاحلم بالألوفات ولا الميه

الحسرة وطنية

الحسرة وطنية

دواها لا من صبر ولا من نوم

انت الشهيد اللي ضل وعاش

لحد اليوم

ماعدش شيء ينباع

يا مزعج اللي تاجروا في النسيان

في وطن بيشم بالصمت

وما عادش لازمه سماع

****

عارفك ما متش علة

مت تعب

ماهو كام سنة يا صحابي

يحتمل الحطب... نار الغضب؟

وكل ما تبرق صور في الذاكرة

للدبابات اللي حرقت ( بفتح الحاء والراء )

أو الجنود اللي قتلت

ولما م الضحك اتمزعت

بفرحة النصر اللي كان ابداع

كل اللي ضاع منك

مع اللي ضاع

تخمدها بكفوفك بصمت رهيب

من غير ما تعتب ع الوطن

وتودي وياه في الألم

وتجيب

كلمنا وانت في السرير عيان

عن اللي ولى ...وخان

وعن اللي باع النصر ف الدكان

مش ده الوطن

اللي اتفقت معاه ياصاحبي زمان

تئن والأنين مرير

وانت بتقلب على السرير

سرير فقير

تطلق زفير الحزن في النفس الأخير

ولا الشاشات بكيت

ولا المذياع أذاع

فاكشف غطا وجهك

ومزع القناع

بلا حكومة

بلا رئاسة

بلا معارضة

بلا بتاع .!!

[Howayda Ismail]

قصيدة اخرى للابنودى

_______________________

الله يجازيك يا عم عبد الناصر

الليل ملليل والألم عاصر

لسه اللي بيبيع أمته كسبان

وكل يوم أطلع أنا الخاسر

الله يجازيك يا عم عبد الناصر

أما أنت خميت مصر دي خمة

يوم ما ناديت بالعشق للأمة

ورطتنا نعشق خريطة عبيطة

وبشر ما نعرفهاش

وبلاد ما بنزرهاش إلا فواعلية وبنايين

وسواقيين وخدامين وطباخين

بلاد أسافرها سعيد .. أرجع حزين

حبيتها زي ما قلتلي … وأكتر

عالأجنبي ما أستكترتش .. عليا تستكتر

عالأجنبي ما تنأورتش .. عليا تتنأور

تطمع في دمعي وفي تعاسة راتبي

ملهم أنا .. وأعمل غبي

---

و أدي الألم يا عم عبدالناصر .. زاحف وبيحاصر

و أدي الجميع خاسر

و أدي فجر أمتنا الجميل مغلوب

و أدي إنتحار الأمة بالمقلوب

وأنا غريب الدار

لابسني توب العار

ساكن في وطني بالإيجار

قاعد انا عالجسر في القيالة

من قلب اللهيب...من قلب اللهيب منشالة

وقلبي ساقية حزن سيالة

بغني معرف مغنى ولا عديد

زي افتكار الميتين في العيد

بعاني وحداني

شياطيني لابساني

والأمة قدامي مفرقاني

يا رب

يا رب ما تحببني في الناس الملاح تاني

يا رب ماترجعني اعشق ضحكة اخواني

يا رب كرهني في اوطاني

---

ماأخيبك امة

ما اتعسك امة

لا عقل ولا همة

لا مصدقة فعلك ولا تحفظي كلمة

امة تدور وتلف

تقيلة مش هتخف

حماسية وحماسها كتيرة ساعة ويجف

امة بتتخابط

امة بتتعابط

امة ومالهاش لا زابط ولا رابط

ولا كبير عيلة

ولا قرابة دم

وفكرة وهمية ما تورث الا الهم

ماتحل عني يا عم

احنا ورثنا كلام

احنا تاريخنا كلام

علشان كده لما تقول

على طول اقول وبكام؟

هو حب؟... دبرني

تاريخ؟ ...فكرني

طريق؟... نورني

مصير؟ ...بصرني

دة انا بقيت عربي من قبل ما القى اللي يمصرني

انا انتمائي لأمتي ممسخرني

محسوبة في الأحزان عليا

في الفرح بتنكرني

ياللي انتي لا امة ولا انتي ام

في ام ماتعرفش ساعة الألم تضم

قد ما ننورها هي مضلمة

قد ما نعلمها مش متعلمة

كل ليلة بايتة مظلومة

وهي الظالمة

---

اَخرة السكك الوعار

مجد متلطخ بعار

قد ما نحجمها

تفلت من الإطار

السلاح من صنع برة

والكلام من صنع برة

والماَكل والملابس

والهوا البارد في بيتي صنع برة

لا نسجت الهدمة ولا زرعت ولا اكتفيت

شفتها جريت...اشتريت

جلابيتي

عمامتي

سجادتي

وحواديت الصغار

والحلاوة حلوة مرة

شغل برة

---

ايه يهم؟

ان مت من اجل البشر ولا سبت الديب يصرخ

واتغابيت او نسيتها او اتناسيت

الشهادة مجانية

والبطولات نفحات استعراضية

والليل مليل والألم عاصر

لسه اللي بيبيع أمته كسبان

وكل يوم أطلع أنا الخاسر

الله يجازيك يا عم عبد الناصر

[المهندسه]

القصيده تحفه يا هند تستحقى عليها 1000نقطه خضرا انتى كمان ...ايه الحلاوه دى بتجيبى الحاجات الحلوه دى منين؟؟؟

الاخ MOHAMED اخيرا لقينا زميل لينا ...اهلا بيك عضو جديد فى ساقيه هند و NIGHTMARE ,والمهندسه للقصائد السياسيه

وصيتكوا العيال و النبى علشان انا عارفه ان دى اخرتنا :hang: