قصائد سياسية

[nightmare]

بلاد الأي حاجة

مع تحياتي

[Howayda Ismail]

قصيدة سياسية ساخرة

للشاعر الكبير أحمد فؤاد نجم

أنا مابخفش وحفضل أقول

كلمة حق عليها مسؤل

إن الريس راجل طيب وبشعبه دايماًَ مشغول

مشغول إنه يلم فلوسهم

بره سويسرا يحوشهلنا

وف حسبات سريه يشلها .....نفسه يأمن مستقبلنا

شفتوا إزاي بقه قلبه رحيم

عنده إيمان وضميره سليم

بيجوعكوا لجل تخسوا

آه يا شعب محتاج لرجيم

من جهلكوا بتقولوا بطالة

وإن الأحوال مش شغاله

دا الراجل نفسه يريحكم

هي الراحه تبقي عواله ؟؟

أما حكاية المنتجعات

ليه بتسموها معتقلات ؟؟؟؟

ليه الظن...... وسوء النيه

نفسه يفسحكوا يا بهوات

أما الكرسي واللى تقال

دا كلام مش محتاج لسؤال

الغلطه دي غلطتنا يا عالم

إن مجبناش كرسي تيفال

والله إنتوا ظالمين الراجل

ضيع عمره ومين يستاهلffffffffffffffffffff

حتى الأكل بيكله بدالنا

طالع واكل نازل واكل

ماله الريس بعد دا كله ؟؟؟

[nightmare]

قصيدة سياسية ساخرة

للشاعر الكبير أحمد فؤاد نجم

أنا مابخفش وحفضل أقول

كلمة حق عليها مسؤل

إن الريس راجل طيب وبشعبه دايماًَ مشغول

مشغول إنه يلم فلوسهم

بره سويسرا يحوشهلنا

وف حسبات سريه يشلها .....نفسه يأمن مستقبلنا

ههههه , القصايد عندك بدأت تدخل في بعضها يا أ.هند

سبقتك ليها في المشاركة رقم 9 , عاوزين جديد

مع تحياتي

[Howayda Ismail]

معلش بقى العتب على الزهايمر اللى وصل بدرى

[Howayda Ismail]

تساءلوا: كيف تقول: هذى بلاد لم تعد كبلادى؟!

فأجبت: هذا عتاب الحب للأحباب

لا تغْضَبـِى من ثـَوْرَتِى.. وعتــابـــى

مازالَ حُّبــــكِ محنتى وعــــــــذابى

مازالتِ فى العين الحزينــــةِ قبلـــــة ً

للعاشقين بسحْـــركِ الخَـــــــــــلاَّبِ

أحببتُ فيكِ العمرَ طفــــلا ً باسمــــًا

جاءَ الحيــاة َ بأطهـر الأثـــــــــوابِ

أحببتُ فيكِ الليلَ حيــــن يضمنـــــــا

دفءُ القلــوبِ.. ورفـْقــَة ُ الأصحابِ

أحببتُ فيـكِ الأم تـَسْكـــُنُ طفلهَــــــا

مهما نأى.. تلقــاهُ بالتــَّـــرْحَـــــابِ

أحببتُ فيكِ الشمسَ تغسلُ شَعْــــرها

عنـدَ الغروبِ بدمعها المُنـْسَــــــابِ

أحببتُ فيكِ النيلَ يجــرى صَاخبــــًا

فـَيَهيمُ رَوْضٌ..فى عنــــَـاق ِ رَوَابِ

أحببتُ فيكِ شموخَ نهــر جامـــــــح ٍ

كم كان يُسكرنــى بــغيـر شَــــرَابِ

أحببتُ فيكِ النيلَ يسْجُــد خاشعِــــــا

لله ربــــًّــــا دون أى حســــــــابِ

أحببتُ فيكِ صلاة َ شعــبٍ مُؤْمــــن

رسمَ الوجـودَ على هُدَى مِحْـــرَابِ

أحببتُ فيكِ زمانَ مجـــدٍ غَابـــــــــر ٍ

ضيَّـعتــِـهِ سفهـــــًا على الأذنـــَـابِ

أحببتُ فِى الشرفـــاء عهدًا باقيــــــًا

وكرهـتُ كلَّ مُقـــــامر ٍ كـــــــذابِ

إِنى أحبــــكِ رغــــــم أَنى عاشــــقٌ

سَئِم الطوافَ.. وضـاق بالأعْـتـابِ

كم طاف قلبى فى رحابـــِـكِ خاشعًا

لم تعرفى الأنـْقـى.. من النـصـــَّابِ

أسرفتُ فى حبــــى.. وأنت بخيلـــــة ٌ

ضيعتِ عمرى.. واسْتـَبَحْتِ شَبَابى

شاخت على عينيكِ أحلامُ الصبـــــا

وتناثرت دمعـــا على الأهــــــــدابِ

من كان أولـَى بالوفاء ؟!.. عصابة َُ

نهبتكِ بالتدليـــــس.. والإرهـــــابِ ؟

أم قلبُ طفـل ذاب فيــــك صبابـــــة ً

ورميتهِ لحمًـــا على الأبــــــــوابِ ؟!

عمر من الأحزان يمـرح بيننــــــــا..

شبحُ يطوف بوجهـــهِ المُرْتــــــــَابِ

لا النيلُ نيلـُكِ.. لا الضفافُ ضفافهُ

حتى نخيلـُك تاهَ فى الأعشـــــــابِ !

باعُوكِ فى صخبِ المزادِ.. ولم أجد

فى صدركِ المهجور غيرَ عـــذابى

قد روَّضُوا النهرَ المكابـِرَ فانحنــــــَى

للغاصبيـــــــن.. وَلاذ بالأغْــــرَابِ

كم جئتُ يحملنى حَنِينٌ جــــــــــارفٌ

فأراكِ.. والجلادُ خلـفَ البَــــــــابِ

تـَتـَرَاقـَصين علـَى الموائـــــد فرحة ً

ودَمِى المراقُ يسيل فى الأنخــــابِ

وأراكِ فى صخب المزاد وليمــــــة ً

يلهو بها الأفـَّاقُ.. والمُتصـــــــابى

قد كنتُ أولى بالحنان ِ.. ولم أجـــــدْ

فى ليلِ صدرك غيرَ ضـوءٍ خــابِ

فى قِمة الهَرَم ِ الحزين ِ عصابـــــة ٌ

ما بين سيفٍ عاجز ٍ.. ومُـــــــرَابِ

يتعَبَّدُون لكــــل نجــــــــم ٍ سَاطِــــع ٍ

فإذا هَوَى صاحُوا: «نذيرَ خَرَابِ»

هرمُ بلون ِالموت ِ.. نيلٌ ساكــــــنٌ

أسْدٌ محنطـــــــــــة ٌبلا أنـْيَــــــــابِ

سافرتُ عنكِ وفى الجوانح وحشــــة ٌ

فالحزنُ كأسِى.. والحَنِينُ شَــرَابى

صوتُ البلابـِل ِغابَ عن أوكــــــاره

لم تعبئى بتشــــــردى.. وغيــــابى

كلُّ الرفاق رأيتـُهـــم فى غربتـــــــى

أطلالَ حُلم.. فى تـِلال ِ تـــــُرَابِ

قد هاجروا حُزْنـًا.. وماتوا لوعـــــة ً

بين الحنين ِ.. وفـُرقةِ الأصحــابِ

بينى وبينك ألفُ ميــــــل ٍ.. بينمـــــــا

أحضانـُك الخضراءُ للأغْــــرَابِ!

تبنين للسفهــــــــاء عشـًّـــــا هادئـــــا

وأنا أموتُ على صقيع شبابــــى !

فى عتمةِ الليل ِ الطويـــل ِ يشــــــدنى

قلبى إليكِ.. أحِنُّ رغم عــــــذابى

أهفو إليك.. وفى عُيُونِكِ أحتمـــــــى

من سجن طاغيةٍ وقصفِ رقــابِ

هل كان عدلا ً أن حبَّـكِ قاتـــلـــــــى

كيف استبحتِ القتلَ للأحبــــــابِ؟!

ما بين جلادٍ.. وذئــــــــــب حاقــــــدٍ

وعصابةٍ نهبتْ بغير ِ حســــــــابِ

وقوافلٍ للبُؤس ِ ترتـــــــــعُ حولنــــــا

وأنين ِ طفلٍ غاص فى أعصــابى

وحكايةٍ عن قلبِ شيــخ عاجــــــــــٍز

قد مات مصلوبًا على المحـــــرابِ

قد كان يصرخ: «لى إلـــــهٌ واحــدٌ

هو خالق الدنيـا.. وأعلـــمُ ما بى»

ياربِّ سطـَّرت الخلائـــقَ كلهَّـــــــا

وبكل سطـر ٍ أمــــــة ٌ بكتــــــــابِ

الجالسونَ على العروش توحَّشُــوا

ولكل طاغيـةٍ قطيــــــــعُ ذئـــــابِ

قــد قلـــــــتُ:إن الله ربٌّ واحـــــدٌ

صاحوا:"ونحن" كفرتَ بالأرْبَابِ؟

قد مزَّقوا جسدى.. وداسُوا أعظـُمى

ورأيتُ أشلائى على الأبــــــــوابِ

ماعدتُ أعرفُ أيْنَ تهدأ رحلـتـــى

وبأى أرض ٍ تستريـــح ركـــــَابى

غابت وجوهٌ.. كيفَ أخفتْ سرَّها ؟

هرَبَ السؤالُ.. وعز فيه جوابى

لو أن طيفـَا عاد بعـــد غيــــابــــه

لأرى حقيقة رحلتــــــى ومآبـــــى

لكنه طيفٌ بعيــــــدٌ.. غامـــــضٌ

يأتى إلينــــــا من وراء حجـــــــابِ

رحل الربيعُ.. وسافرت أطيــــارُه

ما عاد يُجدى فى الخريفِ عتــابى

فى آخر المشوار تبدُو صورتـــى

وسْط َ الذئاب بمحنتى وعــــــذابى

ويطل وجهُك خلفَ أمواج ِ الأسى

شمسًا تـُلـَوِّحُ فى وداع ِ سحــــــابِ

هذا زمانٌ خاننى فى غفـــــلــــــةٍ

منى.. وأدْمى بالجحــودِ شبـــــابى

شيَّعتُ أوهامـــى.. وقلتُ لـَعَلـَّنـى

يوما أعودُ لحكمــتـى وصـــــــوابى

كيف ارْتضـــيتُ ضلالَ عَهْدٍ فاجر

وفسادَ طاغيةٍ.. وغـــــــدرَ كِلابِ؟!

ما بين أحـــــلام ٍ تـَوارى سحْــرُها

وبريق ِ عُمر صارَ طيـــفَ سَرَابِ

شاختْ ليالى العُمر منـــى فجـــــأة ً

فى زيف حلم ٍ خــادع كـــــــــذابِ

لم يبق غيرُ الفقر يسْتـُر عَوْرَتـــــى

والفقرُ ملعونٌ بكـــل كِتــــــــــــــابِ

سِربُ النخيل ِعلى الشواطئ ينـْحَنى

وتسيلُ فى فــزع ٍ دِمـــــــاءُ رقاب ِ

ما كان ظنى أن تكونَ نهايتــــــــــى

فى آخر المشـــوار ِ دَمْعَ عتــــــابِ!

ويضيعُ عمرى فى دروبَ مدينتـــى

ما بين نار القهر ِ.. والإرْهـــــابِ

ويكون آخرَ ما يُطلُّ على المــــدى

شعبٌ يُهــــرْولُ فى سوادِ نقـــــابِ

وطنٌ بعَرض ِالكون ِيبـــــدو لعبـــة ً

للوارثين العرشَ بالأنســـــــــــابِ

قـَتـْــــــلاكِ يـــا أمَّ البلادِ تفرقـُــــــوا

وتشردُوا شِيَعًا على الأبْــــــــــوَابِ

رَسَمُوكِ حُلما..ثم ماتـوا وَحشـــــة ً

ما بين ظـُلـْم ِ الأهل ِ.. والأصْحَابِ

لا تخجلى ِ إن جئتُ بابَكِ عاريـــــًا

ورأيتِنى شَبَحــــًا بغيــــــر ثيــــــابِ

يَخْبُو ضياءُ الشمس ِ.. يَصغُر بيننا

ويصيرُ فى عَيْنى.. كعُودِ ثقـــــــــابِ

والريحُ تزأرُ.. والنجومُ شحيحـــــة ٌ

وأنا وراءَ الأفق ِ ضوءُ شهــــــــابِ

غضبٌ بلون العشق ِ.. سخـط ٌ يائسٌ

ونزيفُ عمر ٍ.. فى سُطـُور كتـابِ

رغْمَ انطفاءِ الحُلِم بين عيـــــــــــوننا

سيعودُ فجرُكِ بعدَ طول غيـــــــابِ

فـَلـْترحمى ضعْفِى .. وقلـَّة َ حِيلتــى

هذا عِتابُ الحُبِّ.. للأَحْبـــــــــــاب

قصيدة للشاعر الكبير فاروق جويدة عن هجرة المصريين: هذي بلاد .. لم تعدْ كبلادى

[nightmare]

من أجلك أنت

من أجلك أنت احنا بنشقى

و بنتعب جدا في السرقة

و جهودنا عشانك جبّارة

و الا انت نسيت العبّارة

و رغيف العيش و الأنبوبة

والانتخابات المضروبة

كلها في الآخر سبّوبة

بلا حب وطن بفى بلا خنقة

******

من أجلك أنت بندّاين

و بنعلف فيك و يا ريت باين

و داوشنا بشكاويك الهايفة

و عينيك يا مواطن مش شايفة

غير نص الكبّاية الفاضي

و تمللي بحالك مش راضي

بقى عايز ع الصندوق قاضي

بتشك في ذمّتنا يا خاين

*******

من أجلك أنت بنأيّد

فكره السبّاق المتجدّد

و لأنتا أدرى بمصلحتك

و بنحرص جدا عى راحتك

مش ممكن حنسيب مناصبنا

ولا رش الخيرعلى محاسيبنا

و اذا كنت بتحلم تحاسبنا

فوق من أوهامك دي يا سيّد

*******

من أجلك أنت و ده انجاز

لولاد عمّنا صدّرنا الغاز

و فتحنا أبواب التطبيع

من بيزنس لسياحة لمشاريع

أمّا عن دور مصر الرائد

طلّع له يا عم بدل فاقد

كان ينفع في العهد البائد

انما دلوقت حيبقى نشاز

*******

من أجلك أنت الحرية

معتقلة لأسباب أمنية

و العقل الواعي و الباطن

طبعا متراقب يا مواطن

و يوماتي عنهم بتجينا

تقارير و تروح لأفندينا

و طواريء من أيام مينا

بتطبق بس بحنية

******

من أجلك أنت فتحنا الباب

و سمحنا بتكوين الأحزاب

تتكلم حبّة عن التغيير

تشتم في محافظ و لّا وزير

و كمان سبناك بمزاجنا تفك

في الفضائيات أو ع الفيسبوك

انما اياك لو لحظة تشك

انها حرية و لها أنياب

*******

من أجلك أنت في التصويت

سبناك مرتاح قاعد في البيت

طب قوللي حتتعب روحك ليه

و مجيّك يعني حيفرق ايه

و الله كأنك جيت و اكتر

حيقفل مأذونّا الدفتر

انما لو راح نعمل عنتر

على نفسك تبقى بجد جنيت

*******

من أجلك أنت يا فلّاح

حققنا ألف نجاح و نجاح

فيعا ايه لو يعطش يعني الغيط

راسك اخبطها في أقرب حيط

الجولف ملاعبه أكيد أولي

بالدعم الكامل من دولة

عايزينك تزرعها فراولة

بلا قطن يا راجل بلا أقماح

*******

من أجلك أنت بقى يا عامل

عندنا برنامج متكامل

سبنالك خمسين في المية

في مجالس أصلا وهمية

شركات اتباعت و مصانع

عمال اتحدفت في الشارع

و لا حد بيسأل و يراجع

و البلد اتنهبت بالكامل

*******

من أجلك أنت يا محدود

الدخل آدينا عليك بنجود

و ريتنا بنسلم من قرّك

مالنا احنا بس و مال فقرك

عمال بتقطّع فروتنا

و عينيك بتبص لثروتنا

و برغم ده كله في عزبتنا

سايبينك على أرضها موجود

******

من أجلك أنت يغور الشعب

أمريكا هي ّالرقم الصعب

من امتى الشعب و له لزمة

و ان عارض ياخد بالجزمة

يا مفجّر ثورة و صانع عز

هز هلال المستقبل هز

و اديها لحمة و بط و وز

و ارمي الفتافيت لولاد الكلب

*******

مع تحياتي

تم تعديل 12 أكتوبر 2010 بواسطة nightmare

[nightmare]

ايه الأخبار يا أعضاء الساقية نكمل والا احنا زودناها شوية , سيبني بقالى صفحتين انا بس اللى بكتب لولا الأستاذة هند لحقتني النهاردة بمشاركة , انتوا هتبيعونى وتسيبوني لوحدي :hang:

مع تحياتي

[أبوعمار]

عمرنا ما هانبيعك يا معلم

وعلى فكرة بأحييك ع القصيدة الأخير"من أجلك إنت"

جامدة بصراحة ... عجبتني جدا

وخد دي مشاركة معدينة مني

أنا مصرى أبن مصرى وليا الشرف

...............................................................

شعبيات عم أحمد فواد نجم

أنا مصرى

أنا مصرى أبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط أنحرف

برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف

برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف

برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطظ فيهم ودا آخر كلام

[nightmare]

عمرنا ما هانبيعك يا معلم

وعلى فكرة بأحييك ع القصيدة الأخير"من أجلك إنت"

جامدة بصراحة ... عجبتني جدا

وخد دي مشاركة معدينة مني

الحمد لله لقيت واحد :hang: معايا , انا فرحت بالقصيدة دي "من أجلك انت" لانى عرفت معناها ايه ومن اجل ايه بالضبط, وتسلم انت على قصيدة عمنا احمد فؤاد اللى بعشقه جداً

انا هشارك بأربع قصائد دفعة واحدة , بس أمانة عليك يا أبو عمار يا أخويا لو غبت عن المنتدي يومين بعدهم ابقي اسأل عني بسندوتشين عيش وحلاوة ده لو كنت لسه على قيد الحياة يعني.:cry1:

خد عندك

قصيدة أول مرة

http://www.youtube.com/watch?v=ttT4TrPc7Yg

قصيدة دستور جديد

http://www.youtube.com/watch?v=UxfK6ukIe_o&feature=related

يتبع

v

v

v

[nightmare]

قصيدة لأ

http://www.youtube.com/watch?v=-8Ph5O3npXU&feature=related

قصيدة السبنسة

http://www.youtube.com/watch?v=T4U07cv2HGc&feature=player_embedded

حد بقي يخبينى اليومين دول :sofa:

مع تحياتي والوداع

[Howayda Ismail]

قصة شعب..قصيدة عامية..محمد الخطيرى

---------------------------------------------

اسمعوا منى أنا راح احكى لكم ... قصة شعــــب عاش مقهور

نبضه بيصرخ بالحريــــــــــة ... نفســــه بعينه يشوف النور

لكن ناقصه إرادة قويـــــــــــة ... بيهــــا يشب يعدى الســـور

أصل الشعب الحــــر لا يمكن ... يــــرضى الظلم لابد يثــــور

ويقول لأ عالية مدويــــــــــة ... فوق سلطان الضيم والجور

***

ماهو مش معقولة يا خلق نعيش ... عبيد وأسرى للقمة عيش

يوم بتيجى ويوم ما تجيـــــــــش ... ومستكترنها علينا كمــان

***

حقوقنا منهوبة وساكتيـــــــن ... كاتمين على نفسنا وصابرين

عايشين فى غلب بقى لنا سنين ... فى حالة صعبة ووضع مشين

هو احنا إيه مش بنى أدمين ... خلقنـــــا ربنــــا متســـــاويين

طب ليه بنسكت للظالمين .... و الخوف يكون له علينا سلطان

***

لكن لابد هييجى اليـــــــوم ... يتـــــرد فيه حق المظلـــــوم

ويرجع الحق المهضــــوم ... وتغور بقى سنين الطغيان

[Howayda Ismail]

الطبيب الشاعر / د. محمد رزق

.................................

أنا هايم فى دُنيا الآه

ومِش عار ِف لِـفين مَرساىْ

وبَاسأل نـَفسِى مِن يأسِى ؛!

وياأفكارى لـَو تِنسِى ؟

ونِفصِل يومِى عَن أمسِى ؟

تقول نِفسِى ؛

وبَس ازَّاى ؟!

وتِـتـمَرجَح خـَطاوى السِّـير ؛

وتِـتباعِـد ؛ سِكـَك وبلاد

وتِـتلـَخبَط خطوط م ِالخِير ؛

وتِـتشابـِك ؛ خيوط الحُزن جُوَّايا

وباتكَعبـِل ؛

فى كِلمَة خـَبـِيثـَة تِحدِفنِى

يقوم الشـَرِّ يـِلقـُفنِى ؛!

أهِـمِّ عَـشان ؛

أسايـِر شـَرِّ دُنيـِتنا

ألاقِى الخِير يكـَتـِّفنِى ؛!

يقولـِّلى سِكِّتـَك عَلـَى طول ،

بَلاش تِحو ِد عَنِّ السََّـكـَّة ؛

أقولـُّه سِكّـِتـَك بـِتطول ،

وأفكارَك فِلوس فـَكـَّة

ومِش بـِتجيب رغيف لـَو حاف ،

ولاتغـَطـِّى بـِرُبع لحاف ،

ولـَو حَ ادِّيها لِـلدُنيا ؛

حَ تِكرَهنِى ؛ ومِنـِّى تخاف ؛

يقولـِّى مَبدَأك أغلـَى

عَـلِيه حافِـظ وبـيه تِـعلا

وحَ يعود الزَّمَـن تانِى

تِروق الدُّنـيا أو تِحلا

أقولـُه تعِـبت م المَوعود ؛

ومااحـسِـبش الزَمَن بـِيعود ..،!

يغـَنـِّيلى الكَلام عَ العود ،

ويفرشلِى الطَريق بـِورود ..،!

واعود تانى ،

لنفس السِّكَّـة هِـيَّـاها

ونـَفس الضـَّلمَـة جوَّاها

وادَوَّر بين قلوب الناس

على الأنوار وماالقاها

واتوه تانى ،

وتِـتكَسَّـر مجاديفى

واكون تانِى ،

شـَباب أخضـَر ؛ تـُراب ريفِى ؛!

وباكتِم آهة جُـوَّايا

واحاول إنـِّى أنساها

وباصبُر عَ اللى مَكتوبلى

وإيه فِ أدِيـنا غير نِـصـبُر ؟

ونِـتحَمِّـل عَـشان نِـعـبُر ؟

سـنـين التـوهَـة والغـُربَة ؛

ونِـنفـُخ تانِى فى القِـربَة ؛

نِسِـد الفـَـتـق بأديـنا ،

ونِـتلـَفـِّت حَـوالـينا ؛

نشوف مَركِب تِعَـدِّينا ،

تعود بينا لأرض النور

نِـلـَملِم حِـلمِـنا المَـبدور ،

ونِجـبُر قـَلبـِنا المَكسور

ويمكِن وَقتـَها نِشـعـُر

بـِطـَعم الفـَرح أو بـِسرور

ويسعِدنا القـَدَر وَيَّـاه ؛

ينـَسِّـينا الأنـين والآه ....

***

**

*

[Howayda Ismail]

الصمت صوت ...

صوت الأنين اللى اتكتم....جوًه البيوت

صوت اللى يترجى الألم....علشان يموت

صوت السكوت اللى اتخنق....ورا ضل سوط!!!

الصمت صوت...

صوت العذاب من غير سبب....ولا رحمة فيه

صوت القمر ....لمًا السحاب طرفت عنيه

صوت البريق اللى اتكسر....صوت الشجر

لمًا الخريف قرًب عليه

صوت كبرياء....الخوف بيقتل عِزها

صوت أبرياء....بتخاف لتنطق إسمها

صوت اللى عاش....يحلم بشوق موصلش ليه

صوت الوداع....احباب تفارق بعضها

صوت الخداع....صوت الخيانة وطبعها

صوت مانتهاش....دايما نهايته بتبتديه

الصمت صوت....لسه القلوب مبتسمعوش

لسه الكلام مبيعرفوش....لسه الحروف متكوَنوش

لسه العقول..مِختلفه على معانيه

صوت النجوم ....ساعة ماروحها بتنقبض

من قٌرب فجر بيتولد....ويا النهار

صوت السحاب....لما فى مكانها بتتنفض

وسط الشتا....صوت المطر فى سقوطه منها والإنتحار

صوت الحقيقة المؤلمة....صوت الضمير المستعار

الصمت صوت عالى وحزين....ومع الأسف ملهوش قرار

صوت ابتسامة فى العيون....مكسورة خوًافه

وقلب دايب م الظنون....مقدرش يتعافى

وحٌزن خافى ملهش لون ...

وازاى يكون للحٌزن لون....والدمعه شفافه؟؟!!

***

**

*

مصطفى عابدين امين

[Howayda Ismail]

عايش غربة..قصيدة عامية..محمد الخطيرى

-------------------------------------------------------------------

عايــــش غربــــــة مــــا بيـــن الأهـــــــل

وده احســــاس صعــب ماهـــوش سهـــــــل

عارف لما تحس كأنك

فكرك دايما سابق سنــــك

فاهم كل الناس ومفيش

حد من البشرية دى فهمك

***

يومها تحس انك وحدانى

كأنك جاى من عالم تانـــى

تسأل نفسك مين الجانى

وليه الأحزان دى ملزمانى

***

أنا نفسى اعرف العيب منى

والا العيب ع الناس اكمنى

بصرخ بالحرية فى فنى

والناس كلها مش سمعانى

***

ماهى حاجة تضايق حاجة تغيظ

لما السلطة تكون توريـث

يمشى رئيس ييجى ابنه رئيـس

و الشعب المسكين بيعانى

***

جوع وبطالة وفقر وخنقة

وحياة صعبة و فيها مشقة

ذل وقهر وكبت وسرقة

ومش قادرين نستحمل تانى

***

واما الشعب يفكر يــوم

يطلب حقه فى مرة يقـــــوم

أمن الدولة طحنه بشوم

فى تصرف همجى وعدوانى

***

قالوا هيعدلوا فى الدستور

قولنا خلاص هنشوف النور

طلعت حركة نصب و زور

و دى حركة بجد مضيقانى

***

دى عصابة اللى حميها حراميها

من فوقها لأصغر من فيها

جوعنا اتذلينا على إيديها

و اشهدى يا حقوق الإنسان

وعشان كده

أنا عايش بين الأهل وحيد

مش لاقى صاحب والا حبيب

فى زمن مادى وعصر عجيب

فيه الإنسان طماع وأنانـــــى

***

[المهندسه]

بالراحه عليا شويه يا هند واحمد انا مش ملاحقه اقرأ ال انتوا بتكتبوه علشان اضيف جديد

اما انت يا احمد قول الحمدلله ان لا عندك عيل و لا تيل لانك هتتقفش هتتقفش القصائد الجامده اوى دى...بس احنا وراك متخافش ...وراك رجاله اطمن هنحمل الرايه من بعدك ...بس انت اتقفش الاول و شوف هنعمل ايه انا وهند cr((: cr((: cr((: ( يا عينى عليك يا احمد ماكنش يومك يا اخويا ياللى اتخدت غدر يورينا فيهم يوم..يعنى هو عمل ايه يعنى..كتب حبه قصايد سياسيه وايه يعنى ..اعتبره يا سياده القاضى اخوك الصغير و مش هيعمل كده تانى..انا اخته المهندسه قولتله بلاش يا احمد وراك ولايه يا اخويا انا وهند وهو برضه ما سمعش الكلام ..اقفشوه هو وسيبونى انا وهند نربى العيال..ما تخافش يا اخويا العيش و الحلاوه والسجاير هبعتهملك مع الشاويش الكمل ده..:اسمك ايه يا اخ عقبال ما اشوفك صول قد الدنيا ..الشاويش:اسكتى يا ست لاحبسك جنبه..انا:وعلى ايه يا اخويا الطيب احسن سلام عليكم وبلاها سجاير كمان )

هدور على حبه قصائد تانيه ولنا عوده ما تخفش احنا وراك .

تم تعديل 13 أكتوبر 2010 بواسطة المهندسه

[اغابي]

بالراحه عليا شويه يا هند واحمد انا مش ملاحقه اقرأ ال انتوا بتكتبوه علشان اضيف جديد

اما انت يا احمد قول الحمدلله ان لا عندك عيل و لا تيل لانك هتتقفش هتتقفش القصائد الجامده اوى دى...بس احنا وراك متخافش ...وراك رجاله اطمن هنحمل الرايه من بعدك ...بس انت اتقفش الاول و شوف هنعمل ايه انا وهند cr((: cr((: cr((: ( يا عينى عليك يا احمد ماكنش يومك يا اخويا ياللى اتخدت غدر يورينا فيهم يوم..يعنى هو عمل ايه يعنى..كتب حبه قصايد سياسيه وايه يعنى ..اعتبره يا سياده القاضى اخوك الصغير و مش هيعمل كده تانى..انا اخته المهندسه قولتله بلاش يا احمد وراك ولايه يا اخويا انا وهند وهو برضه ما سمعش الكلام ..اقفشوه هو وسيبونى انا وهند نربى العيال..ما تخافش يا اخويا العيش و الحلاوه والسجاير هبعتهملك مع الشاويش الكمل ده..:اسمك ايه يا اخ عقبال ما اشوفك صول قد الدنيا ..الشاويش:اسكتى يا ست لاحبسك جنبه..انا:وعلى ايه يا اخويا الطيب احسن سلام عليكم وبلاها سجاير كمان )

هدور على حبه قصائد تانيه ولنا عوده ما تخفش احنا وراك .

برافو عليكم يا جماعة الموضوع جميل اوى

انا متابعة ومشجعة اهو يا هند

شوفى يا مهندستى

كويس انك عرفتى ان فى ناس لسة بتكتب قصايد وطنية وسياسية - اصل انا كنت فاكرة ان الحاجات دى اختفت من زمان

واخر حدودها كانت ايام جمال عبد الناصر وعبد الرحمن الابنودي

مع الاختلاف طبعا حسب الساحة السياسة

:roseop:

اغابي

[Howayda Ismail]

بالراحه عليا شويه يا هند واحمد انا مش ملاحقه اقرأ ال انتوا بتكتبوه علشان اضيف جديد

اما انت يا احمد قول الحمدلله ان لا عندك عيل و لا تيل لانك هتتقفش هتتقفش القصائد الجامده اوى دى...بس احنا وراك متخافش ...وراك رجاله اطمن هنحمل الرايه من بعدك ...بس انت اتقفش الاول و شوف هنعمل ايه انا وهند cr((: cr((: cr((: ( يا عينى عليك يا احمد ماكنش يومك يا اخويا ياللى اتخدت غدر يورينا فيهم يوم..يعنى هو عمل ايه يعنى..كتب حبه قصايد سياسيه وايه يعنى ..اعتبره يا سياده القاضى اخوك الصغير و مش هيعمل كده تانى..انا اخته المهندسه قولتله بلاش يا احمد وراك ولايه يا اخويا انا وهند وهو برضه ما سمعش الكلام ..اقفشوه هو وسيبونى انا وهند نربى العيال..ما تخافش يا اخويا العيش و الحلاوه والسجاير هبعتهملك مع الشاويش الكمل ده..:اسمك ايه يا اخ عقبال ما اشوفك صول قد الدنيا ..الشاويش:اسكتى يا ست لاحبسك جنبه..انا:وعلى ايه يا اخويا الطيب احسن سلام عليكم وبلاها سجاير كمان )

هدور على حبه قصائد تانيه ولنا عوده ما تخفش احنا وراك .

ايه الغيبة الطويلة دى افتكرتهم افشوكى ولا حاجة واحمد بلغ فرار وقلت حابقى بطولى ولا ايه

يعنى فكرك ماقدروش على الكاتبين الحاجات حيمسكونا احنا

على العموم انا عملت حسابى واشتريت علبتين حلاوة اهم ينفعوا وقت الزنقة

انا مستنية الجديد منك لحسن الساقية كده حتنشف

[Howayda Ismail]

بالراحه عليا شويه يا هند واحمد انا مش ملاحقه اقرأ ال انتوا بتكتبوه علشان اضيف جديد

اما انت يا احمد قول الحمدلله ان لا عندك عيل و لا تيل لانك هتتقفش هتتقفش القصائد الجامده اوى دى...بس احنا وراك متخافش ...وراك رجاله اطمن هنحمل الرايه من بعدك ...بس انت اتقفش الاول و شوف هنعمل ايه انا وهند cr((: cr((: cr((: ( يا عينى عليك يا احمد ماكنش يومك يا اخويا ياللى اتخدت غدر يورينا فيهم يوم..يعنى هو عمل ايه يعنى..كتب حبه قصايد سياسيه وايه يعنى ..اعتبره يا سياده القاضى اخوك الصغير و مش هيعمل كده تانى..انا اخته المهندسه قولتله بلاش يا احمد وراك ولايه يا اخويا انا وهند وهو برضه ما سمعش الكلام ..اقفشوه هو وسيبونى انا وهند نربى العيال..ما تخافش يا اخويا العيش و الحلاوه والسجاير هبعتهملك مع الشاويش الكمل ده..:اسمك ايه يا اخ عقبال ما اشوفك صول قد الدنيا ..الشاويش:اسكتى يا ست لاحبسك جنبه..انا:وعلى ايه يا اخويا الطيب احسن سلام عليكم وبلاها سجاير كمان )

هدور على حبه قصائد تانيه ولنا عوده ما تخفش احنا وراك .

برافو عليكم يا جماعة الموضوع جميل اوى

انا متابعة ومشجعة اهو يا هند

شوفى يا مهندستى

كويس انك عرفتى ان فى ناس لسة بتكتب قصايد وطنية وسياسية - اصل انا كنت فاكرة ان الحاجات دى اختفت من زمان

واخر حدودها كانت ايام جمال عبد الناصر وعبد الرحمن الابنودي

مع الاختلاف طبعا حسب الساحة السياسة

:roseop:

اغابي

طيب يااغابى يااختى اشطرى وهات لنا كام قصيدة كده حلوين زى كلامك

لو مش ممكن خلاص عليك الحلاوة لى وللمهندسة والسجاير لعمك احمد

وابقوا تعالوا زرونا ...............باى باى

[nightmare]

بالراحه عليا شويه يا هند واحمد انا مش ملاحقه اقرأ ال انتوا بتكتبوه علشان اضيف جديد

اما انت يا احمد قول الحمدلله ان لا عندك عيل و لا تيل لانك هتتقفش هتتقفش القصائد الجامده اوى دى...بس احنا وراك متخافش ...وراك رجاله اطمن هنحمل الرايه من بعدك ...

حامده وشاكر فضله , هنبهدل بنات الناس معانا ليه,الطيب احسن, ورايا فين بقي انتوا سبتونى بقالى يومين لحد ما الخوف دب في قلبي وقلت اه من كيد النساء يعملوها ونقع احنا كالعادة.

بس انت اتقفش الاول و شوف هنعمل ايه انا وهند cr((: cr((: cr((: ( يا عينى عليك يا احمد ماكنش يومك يا اخويا ياللى اتخدت غدر يورينا فيهم يوم..يعنى هو عمل ايه يعنى..كتب حبه قصايد سياسيه وايه يعنى ..اعتبره يا سياده القاضى اخوك الصغير و مش هيعمل كده تانى..انا اخته المهندسه قولتله بلاش يا احمد وراك ولايه يا اخويا انا وهند وهو برضه ما سمعش الكلام ..اقفشوه هو وسيبونى انا وهند نربى العيال..ما تخافش يا اخويا العيش و الحلاوه والسجاير هبعتهملك مع الشاويش الكمل ده..:اسمك ايه يا اخ عقبال ما اشوفك صول قد الدنيا ..الشاويش:اسكتى يا ست لاحبسك جنبه..انا:وعلى ايه يا اخويا الطيب احسن سلام عليكم وبلاها سجاير كمان )

هدور على حبه قصائد تانيه ولنا عوده ما تخفش احنا وراك .

يا خوفي يا بدران من بيع وندالة الأصحاب دي , وحتى كمان عاوز تاخدي السجاير معاكى smk:, وراك ايه بقي ما كله انكشف وبان :ninja:

برافو عليكم يا جماعة الموضوع جميل اوى

انا متابعة ومشجعة اهو يا هند

وكله كوم وأغابي كوم تانى , تدخل تسخن وتمشي , قالتلى استفزنا يالا في موضوع التصريحات المستفزة وانا سخت وقعدت الم من هنا وهنا ولا شفتها تاني , تعاطفك وحده مو كفاية يا أغابي ووصيتك الكبسة ام رز ولحمة والبيبسي الكانز يا أختىpps:

ايه الغيبة الطويلة دى افتكرتهم افشوكى ولا حاجة واحمد بلغ فرار وقلت حابقى بطولى ولا ايه

يعنى فكرك ماقدروش على الكاتبين الحاجات حيمسكونا احنا

على العموم انا عملت حسابى واشتريت علبتين حلاوة اهم ينفعوا وقت الزنقة

انا مستنية الجديد منك لحسن الساقية كده حتنشف

احمد برضه اللى بلغ فرار , ماشي يا أ.هند , وبالله عليكي خليها مربة فراولة بدل الحلاوة, مش هيبقي سجن وتعذيب واكل ما بحبوش كمان:D

الساقية دي شكلها احنا اللى هنتربط فيها لحد ما تطلع بترول , ربنا يستر, يالا بقي علشان انا :scooter:

مع تحياتي

[Howayda Ismail]

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

و غمض عيونك و ربى العيال

بلاش المناكفة و لايم و عيش

هتتعب معانا و سهمك يطيش

نلفق لاهلك قضية حشيش

و تصبح حكاية و نكتة و مثال:

تعالى و هاودنا و عدى الامور

و عيش فى الطراوة و خش الطابور

لكن لو هتزعل و دمك يفور

هنشهد نهايتك فى بحر الرمال

هتصبح حرامى هتصبح امير

هتصبح حرامى و ندل و اجير

و نقدر نلخبط فى اصلك كتيير

و جدك شحاتة هيصبح شحال

هنحلف ان الحبايب شافوك

بتقبض يا خاين و تقتل اخوك

ساعتها مراتك هتلعن ابوك

و تلطم و تنعى احط الرجال

مالكش انت دعوة بى ايه اللى ضاع

و مين اللى شارى و مين اللى باع

و مين اللى كيل و مين اللى شال

فحب الحكومة و حب السلام

و علم ولادك يشدوا الحزام

علشان بكرة هياكلو حمام

و ينسوا الاسية و ينسوا الهزال

فلازم يا صاحبى تغمض عيونك

و طنش علينا نطنش عليك

و اياك تشاور نقطع ايديك

و تصبح مواطن ما يسواش ريال

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

و غمض عيونك و ربى العيال