قصائد سياسية

[Howayda Ismail]

ابليس يهاجر من مصر

.....................

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

&&&

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

&&&

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمسري ف اتوبيس..

&&&

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

&&&

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده.

..

[Howayda Ismail]

اغنيه (حلوه يا بلدى )المعدله

.......................................

لقمه حلوه ولقمتين.................غاليه يا بلدى

مش صف واحد دول صفين ..........عالعيش البلدى

املى دايما كان ..............يا بلدى

أخرج م الطابور ..........يا بلدى

واجيب العيش لولادى............عالطووول

واوا

وزكرايات كل اللى فات...........فاكره يا بلدى

بيتى كان مليان بالخيرات.............فاكره يا بلدى

اول قبض كان ............يا بلدى

مش ممكن انساه..............يا بلدى

فين ايام زمان...................قبل الخداااااع

كنا بنقول ان الفساد دا ................مستحييييل

وكل ثانيه وثانيتين كانت .............بتفوووووت

مليانه بأمل ان احنا نبقى ..............مستوريييين

سنه الفييين.................واضمن منيييين

واوا واوا

بلوزه قديمه وأيشاربين .................أرضى يا بنتى

بنتى عايزه كمان جيبتين................مقدرش يا بنتى

فين ابوكى الأن .............يا بنتى

سافر بعيد عنى .............يا بنتى

وغرق هو كمان .............مع الغرقانييين

قول يا حبيبى انت سايبنى ورايح ............فيييين

قاللى مهاجر يمكن اجييبلى...............قرشييين

كنت عايزاه يقعد ف بلدى ولو ..........يوميين

يا عينى عليه ................كان ذنبه ايه

ليلى ليلى ليلى لي

اسمعى يا بلدى دول كلمتين...........كفرنا يا بلدى

هنلاحق بس منين ومنين..............طهئنا يا بلدى

كل ما اقولك...لا...يا بلدى

بحس انك كرهانى ..........يا بلدى

وتفضلى دايماضدى ..........عالطووول

واواواوااا.............قاسيه يا بلدى

عليا يا بلدى............واواواوااااا

[Howayda Ismail]

إبقوا معنا

كي لا يأتي الحجاج ويقمعُنا

كي لا يبقي شرطي يصفعنا

كي لا يطغي طاغوت

ويسفك دمنا

إبقوا معنا

بدونكم

نضالنا بلا معني

إبقوا معنا

في نفس الميدان

أو في أي مكان

يحمل نفس المعني

هل يوجد في بلدي

من يُعطي النصرة

أو من يسمعنا

مرابعكم مرابعنا

منافعكم منافعنا

كنائسكم كنائسنا

جوامعكم جوامعنا

حتي فواجعكم

نفسها فواجعنا

من يصرعكم

هو من يصرعُنا

من يخدعكم

هو من يخدعنا

من يقتل ألمعنا

من يذبح أورعنا

لماذا إذن

أصابعكم ليست أصابعنا

ولم أري مظلوماً

يتبعُنا

ولم أري شعباً يدفعنا

مازال الزاني يضاجعنا

ويزعزع فينا مرجعنا

لا شيء يفعل

ينفعُِنا

إبقوا معنا

ضجت بالأفكار جماجمنا

وضاقت بالكلمات مواسعنا

الجدل يشُقُنا يقطعنا

نريد فعل شيء

ينفعنا

إبقوا معنا

كي نصبح زلرالاً

وترقبو توابعنا

[المهندسه]

قصيده سياسيه نادره لاحمد شوقى

الثعلب ُ والدّ ْيك

لأمير الشعراء /أحمد شوقي

بَرَزَ الثعـْلبُ يومـا ً

في ثياب ِالواعظينا

ومشى في الأرض ِيهدي

ويسُبّ ُ الماكرينا

ويقولُ:الحمدُ لله

إلـه ِالعالـميـنـا

يا عبادَ الله ِتوبوا

فهوَ كهفُ التائبينا

وازهدوا في الديكِ

إنّ َ العيشَ عيشُ الزاهدينا

واطلبوا الديكَ يؤذّ ِنْ

لصلاة ِالفجر ِفينا

فأتى الديكَ رسولٌ

من إمام ِالناسكينا

عرض َألأمرَ عليهِ

وهو يرجو أن يلينا

فأجاب الديكُ:عُذرا ً

يا أضلَّ المهتدينا

بلـِّغ الثعلبَ عني

عن جدودي الصالحينا

عن ذوي التيجان ِممنْ

دخلَ البطْنَ اللعينا

إنَّـهم قالوا وخيرُالقول ِ

قول ِ العارفـينـا

مُخْطـِئٌ من ظَنَّ يوما ً

أنَّ للثْعلَبِ دينا !!

(ملاحظة:كذلك العدو الماكر المخادع كالثعلب ليس له دين ولا ملة

ولا تأمنوا له أبدا ً.)

[المهندسه]

قصيده على باب سفاره كندا ل على سلامه...انا حطيتها قبل كده يا هند بس يوتيوب ارجعيلها واسمعيها بصوته..حلوه

وانتى يااخت اغابى قصدى يا سوكيننه يا اختى...ما تشاركينا كده بقصيدتين على ذوقك.يرضيكى اتقفش لوحدى ده احنا دافنينهم سوا.

تم تعديل 13 أكتوبر 2010 بواسطة المهندسه

[المهندسه]

الوصية

الشاعر نزار قباني(عن الحال العربى)

أفتحُ صندوقَ أبي

أمزِّقُ الوصيّهْ

أبيعُ في المزادِ ما ورثتُهُ :

مجموعةَ المسابحِ العاجيّهْ

طربوشُهُ التركيُّ ، والجواربُ الصوفيَّهْ

وعلبةُ النشوقِ، السماورُ العتيقُ، والشمسيَّهْ

أسحبُ سيفي غاضباً

وأقطعُ الرؤوسَ ، والمفاصل المرخيَّهْ

وأهدمُ الشرقَ على أصحابِهِ

تكيَّةً .. تكيَّهْ ..

أفتحُ صندوقَ أبي

فلا أرى ..

إلا دراويشَ ومولويَّهْ

والعودَ، والقانونَ، والبشارفَ الشرقيَّهْ

وقصَّةَ الزيرِ على حصانِهِ ..

وعاطلينَ يشربونَ القهوةَ التركيَّهْ

أسحبُ سيفي غاضباً

وأقتلُ المعلّقاتِ العشرَ .. والألفيَّهْ

وأقتلُ الكهوفَ، والدفوفَ،

والأضرحةَ الغبيَّهْ ..

أفتحُ تاريخَ أبي

أفتحُ أيّامَ أبي

أرى الذي ليسَ يُرى :

أدعيةٌ . مدائحٌ دينيَّهْ

أوعيةٌ . حشائشٌ طبيَّهْ

أدويةٌ للقُدرةِ الجنسيَّهْ

أبحثُ عن معرفةٍ تنفعُني

أبحثُ عن كتابةٍ

تَخُصُّ هذا العصرَ .. أو تخصُّني

فلا أرى حولي سوى ..

رملٍ وجاهليَّهْ ..

أرفضُ ميراثَ أبي ..

وأرفضُ الثوبَ الذي ألبَسَني

وأرفضُ العلمَ الذي علَّمَني

وكلَّ ما أورَثَني ..

من عُقَدٍ جنسيَّهْ

أرفضُ ألفَ ليلةٍِ ..

والقمقمَ العجيبَ، والماردَ،

والسجّادةَ السحريَّهْ

أرفضُ سيفَ الدولةِ المغرورَ

والقصائدَ الذليلةَ الغبيَّهْ

أحرقُ رسمَ أُسرتي

أحرقُ أبجديّتي

ومن فلسطينَ ومن صمودِها ..

من طلقاتِ النارِ في جرودِها ..

من قمحِها المغموسِ بالدمع ،

ومن ورودها

أصنعُ أبجديَّهْ ..

أدخلُ مثلَ البرقِ من نافذةِ الخليفَهْ

أراهُ لا يزالُ مثلما تركتُهُ

منذُ قرونٍ سبعةٍ

مضاجعاً جاريةً روميَّهْ

أقرأُ آياتٍ من القرآنِ فوقَ رأسِهِ

مكتوبةً بأحرفٍ كوفيَّهْ

عن الجهادِ في سبيلِ الله ، والرسولِ ،

والشريعةِ الحنفيَّهْ

أقولُ في سريرَتي

" تباركَ الجهادُ في النُحُورِ، والأثداءِ

والمعاصمِ الطريَّهْ ..

يا حضرةَ الخليفَهْ

أعبرُ من سراديقِ الحريم كالمنيَّهْ

أمشي على الأبدانِ ، والغلمانِ ،

والأساورِ المرميَّهْ

أمشي على ..

توجُّعِ الحريرِ والقطيفَهْ

أدخلُ مثلَ الموتِ من نافذةِ الخليفَهْ

يحسبُني مُرتزقاً

دَبَّجتُ في مديحِهِ قصيدةً همزيَّهْ

يأمرُ لي

من بيتِ مالِ المؤمنينَ كلَّ ما أطلبُهُ

عباءةً من قَصَبٍ

وساعةً من ذَهَبٍ

ومن نساءِ قصرهِ محظيَّهْ

أبصقُ فوقَ وجهِهِ

وفوقَ وجه الدولةِ العليَّهْ

من أنتَ ؟

يا سيَّافُ .. إقطعْ رأسَهُ

وهاتِ لي الرأسَ على صينيَّهْ

يا مَلِكَ الزمانِ .. إنْ قتلتَني

فمستحيلٌ تقتلُ الحريَّهْ .

قُم يا طويلَ العُمرِ ..

من حُجرَتِكَ الورديَّهْ

وافتحْ شبابيكَكَ ..

للشمسِ ، وللعدلِ ، وللرعيَّهْ

فما رآكَ الشعبُ منذُ آخرِ أيّامِ بني أميَّهْ

هل أنتَ حقاً من بني أميَّهْ ؟

أخرجْ إلى الشارعِ يا أميرَنا

واقرأْ ..

ولو صحيفةً يوميَّهْ

إقرأْ ..

عن السويسِ ، والأردنِّ ، والجولانِ

والمدائنِ السبيَّهْ

عن الذين يعبرونَ النهرَ ..

نحوَ الضفَّةِ الغربيَّهْ

هل يا طويلَ العُمرِ .. في بلاطِكمْ

خريطةٌ صغيرةٌ ..

للضفَّةِ الغربيَّهْ ؟

تم تعديل 13 أكتوبر 2010 بواسطة المهندسه

[nightmare]

ماشي يا باشمهندسة , راجعة بعد يومين بال "الثعلب" , مش بقولكم ناويين على حبسي انا بس, خدوا دي كمان

http://www.youtube.com/watch?v=yXKgTeMJ5CU&feature=related

مع خالص تحياتي

[Howayda Ismail]

دى مش قصيدة بس حكاية قرأتها حبيت احطها هنا( النكتة التى ابكت عبد الناصر)

"النكتة السياسية" لها دورها في التعبير عن المشاعر الحقيقية للشعوب،و النكت السياسية أزعجت

زعيماً كبيراً كالراحل جمال عبد الناصر..

كان مدير مكتب رئيس الجمهورية يدخل كل يوم على الزعيم الراحل «جمال عبد الناصر» قائلا له..

«ملف النكت.. يا ريس»! ،و هى حقيقة أكدها عبد الناصر بنفسه خلال خطاب جماهيري عقب شهور من نكسة

عام 1967 حين طالب الشعب المصري بـ «تخفيف النكات» لأنها كانت مؤلمة ومؤثرة بقدر ماكانت مضحكة،

تطبيقا للقول العربي المأثور.. «شر البلية.. ما يضحك»!! .

فقد أطلق احدى المونولوجست المصرين نكتة أثناء إحدى حفلات «أضواء المدينة» التي ينقلها التلفزيون

على الهواء مباشرة - في الستينات - جعلت «عبد الناصر» ينتفض من مقعده داخل منزله ويجري اتصالا

هاتفيا يطلب فيه استدعاء ثلاثة وزراء في حكومته ليحضروا على الفور وزير المالية، ووزير التموين

ووزير التجارة الخارجية !! ..

ما هي نكتة ذلك « المونولوجست» التي قلبت كيان رئيس الجمهورية ؟! توجه رجل إلى البقالة لشراء

كيس رز خلال أزمة اختفى فيها الرز من السوق فأخبره البقال ان الرز موجود فقط في الاسكندرية،

ركب الرجل القطار وأخبر «الكمسري» بانه يريد الذهاب إلى الاسكندرية لشراء كيس رز، وعندما

وصل القطار إلى محطة «بنها» - والتي تبعد من الاسكندرية حوالي 50 كيلومترا، قال له الكمسري.

. «انزل هنا، لأن طابور الرز اللي بيتباع فيالاسكندرية يبدأ من.. هنا» !!

... عبد الناصر التقط الاشارة المرعبة واستدعى الوزراء الثلاثة وطلب منهم استيراد عشرات الآلاف

من الاطنان من الرز فورا ومن اي بلد.. في العالم! خلال أسابيع، كان الرز يغمر الأسواق في كل

البقالات، واستطاعت نكتة واحدة ان تحقق ما عجزت عنه الصحافة «الرسمية» ومجلس الشعب والاتحاد

الاشتراكي وكل أعضاءمجلس قيادة الثورة من بقايا.. الضباط الأحرار!

لكن.. نكتة أخرى أحزنت «عبد الناصر»كثيرا، بل.. وأبكته أيضا حين ورد ذكرها في أحد هذه الملفات

التي يسلمها إليه مدير..مكتبه!!

ما هي هذه النكتة ؟! تقول ان رجلا اعتاد على النزول من شقته صباح كل يوم ليذهب إلى الحلاق ويستلف

منه جريدة الأهرام، ثم ينظر في الصفحة الأولى ويقرأ كل ما فيها و.. يتأفف وينفخ ويلقيها جانبا ويعود

إلى منزله، تكرر هذا الأمر عدة مرات على عدة أيام فسأل الحلاق الرجل.. «أنت بتدور على ايه كل يوم

في الجورنال»؟! فجاءجوابه.. «أصلي بأفتش في صفحة الوفيات»، فاستغرب الحلاق الإجابة، وقال له..

«بس صفحة الوفيات داخل الجورنال وأنت بتفتش في الصفحة الأولى، فقال الرجل: » أصل اللي مستني وفاته

لا يمكن ينشروا اسمه وصورته إلا على.. الصفحة الأولى»

! كانت الرسالة واضحة..الرجل - وهي هنا تعني الشعب - ينتظر - وبلهفة - نهاية مرحلة عبدالناصر بوفاته !!

و«من هنا، كانت أوامر الرئيس عبد الناصر لطاقم مكتبه بأن يجمعوا له - كل صباح - كل النكات السياسية

والاجتماعية وحتى العسكرية ويقدموها له في ملف خاص ليقرأها ويعرف منها حال شعبه وحال أمته العربية.. كلها!

يعنى عبد الناصر لو كان سمع نكتة من بتوع دلوقت كان الراجل راح فيهامن شدة حزنه

يادى النيلة امال كل النكت اللى مالية البلد دى مش بتأثر ليه اليومين دول مع انها

افظع من الاول تفتكروا ايه اللى اتغير ؟!

[nightmare]

التغيير ان فيه فرق كبير بين واحد خايف على البلد وعلى الشعب وبيضحي بحياته من اجله , وواحد بيضحي بالشعب والبلد من اجل نفسه وكرسيه وفقط.

شفت النهارده فيديو, الفرق بين السادات ومبارك

http://www.youtube.com/watch?v=tR-_XM0pBzk

رحم الله عبد الناصر والسادات , كانوا رجالا.

وصاحبنا ده النكت عليه عملوا منها مجلدات دلوقتى وللاسف التناحة ليها ناسها , اخر ما سمعت "واحد راكب عربيته فى الشارع والمرور واقف . واحد خبط على الازاز وقاله" الريس مبارك خطفوه وطالبين فديه 5مليون دولار والا هيولعوا فيه ....وانت لازم تتبرع "سأله الراجل "طب والتبرع للفرد من كام لكام"رد الراجل " من 5 الى 10 لتر بنزين"

والنكت دي ممكن يتفتحلها توبيكات لوحدها, فنسيب ده للقصائد ونفتح توبك "نكت سياسية" علشان نبقي رسمى روحنا في ابو نكلة, وعليه العوض ومنه العوض بقي.:sad:

مع تحياتي

[nightmare]

احنا ناسيين القصيدة دي ازاى , ده انا بموت فيها , "قصيدة أزرق" آداء احمد حلمي من مسلسل "الجماعة"

http://www.youtube.com/watch?v=UnmCYeipyos&feature=related

مع تحياتي

تم تعديل 16 أكتوبر 2010 بواسطة nightmare

[أبوعمار]

التغيير ان فيه فرق كبير بين واحد خايف على البلد وعلى الشعب وبيضحي بحياته من اجله , وواحد بيضحي بالشعب والبلد من اجل نفسه وكرسيه وفقط.

شفت النهارده فيديو, الفرق بين السادات ومبارك

http://www.youtube.com/watch?v=tR-_XM0pBzk

رحم الله عبد الناصر والسادات , كانوا رجالا.

وصاحبنا ده النكت عليه عملوا منها مجلدات دلوقتى وللاسف التناحة ليها ناسها , اخر ما سمعت "واحد راكب عربيته فى الشارع والمرور واقف . واحد خبط على الازاز وقاله" الريس مبارك خطفوه وطالبين فديه 5مليون دولار والا هيولعوا فيه ....وانت لازم تتبرع "سأله الراجل "طب والتبرع للفرد من كام لكام"رد الراجل " من 5 الى 10 لتر بنزين"

والنكت دي ممكن يتفتحلها توبيكات لوحدها, فنسيب ده للقصائد ونفتح توبك "نكت سياسية" علشان نبقي رسمى روحنا في ابو نكلة, وعليه العوض ومنه العوض بقي.:sad:

مع تحياتي

معاك نفتح توبيك للنكت السياسية

وانا عن نفسي متبرع بخمسين لتر بنزين (الحسنة بعشر أمثالها)

والأجر على الله

[المهندسه]

فنسيب ده للقصائد ونفتح توبك "نكت سياسية" علشان نبقي رسمى روحنا في ابو نكلة, وعليه العوض ومنه العوض بقي.:sad:

ده كنت بلاقى القصائد بالعافيه ..تقولى نكت ..ماشى يا سيدى..علشان خاطر الصحبه الحلوه دى (احمد..المهندسه..هند ..ابو عمار) قصدى الفرقه الحلوه دى bnd5:: نتعب و ندور

[nightmare]

معاك نفتح توبيك للنكت السياسية

وانا عن نفسي متبرع بخمسين لتر بنزين (الحسنة بعشر أمثالها)

والأجر على الله

ماشي بس نهدي شوية بقي على ما الانتخابات تخلص , الجو ملغم اليومين دول وبيقفلوا في الفيس بوك والجرايد والقنوات , نقوم احنا نعمله من هنا نصحي الصبح نلاقي المحاورات اتصادر هو وأعضائه.:lol:

ثم ان فتح التوبك ده يا باشمهندسة هيبقي عندك انتى ان شاء الله , "تمام يا أفندم" , ويا بخت من كان الضابط .......؟ :rolleyes: , فهمانى طبعاً, تقدمى ونحن ورائك , وان كان على النكت انا عندي منها مجلدات:lol:

مع تحياتي

تم تعديل 16 أكتوبر 2010 بواسطة nightmare

[المهندسه]

ثم ان فتح التوبك ده يا باشمهندسة هيبقي عندك انتى ان شاء الله , "تمام يا أفندم" , ويا بخت من كان الضابط .......؟ :rolleyes: , فهمانى طبعاً, تقدمى ونحن ورائك , وان كان على النكت انا عندي منها مجلدات:lol:

يا سلام لما الناس تبيعك كده فى اول محطه و يمسكوا عليك حاجه..مش هتسلم من ايديهم..ويا سلام لما الناس تشك فى وطنيتك لهم واخلاصك بعد كل ده

ماشى يا سيدى ولا بنخاف...بس وصيتك العيال والنبى :cry1:

خد يا سيدى دول منقولين وقعوا فى ايدى بالصدفه ده اثبات حسن النيه وحسن التعاون

بيقولوا للريس قبل الانتخابات "انت مش هاتودع الشعب وللا ايه؟"

قاللهم "ليه هو الشعب رايح فين؟

موظف راح يدى صوته فى الانتخابات فاختار لا

وهو مروح قابل واحد صاحبه فسألو عملت ايه ؟

قاله علمت على لا

لطم صاحبه وقاله روحت فى شربة ميه

فسأله الموظف ايه الحل ؟

قاله ارجع بسرعه وصلح اللى كتبته واكتب نعم

رجع الموظف لرئيس اللجنة وقاله :-

جيت اعلم على نعم غصب عنى علمت على لا

مسكه رئيس اللجنة من ودنه وقاله

احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟

قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

سأل الرئيس وزيره : كيف حال الشعب بعد ما

غلّينا العيش ؟

فقال : يا سيدي بياكل زفت

فقاله : طيب غلي الزفت

في مدرس يدرس في المرحلة الابتدائية سأل أحد الطلاب

طير بيتكلم وأول حرف منه الباء ؟

فرد عليه الطالب وبسرعه : الببغاء

فقال : ممتاز . اسمك اية؟

فرد : أحمد

سأله المدرس: أبوك بيشتغل اية؟

رد الطالب : دكتور

فقال المدرس : شايفين ولاد الدكاتره ؟

راح المدرس سأل سؤال ثاني : حيوان بطيء وأول حرف في اسمه السين ؟

فرد أحد الطلاب : سلحفاة

يرد المدرس : ممتاز .. اسمك أية؟

فقال : وائل

أبوك بيشتغل اية؟

رد الطالب : مهندس

فقال المدرس : شايفين ولاد المهندسين

بعدها سأل المدرس السؤال الثالث : طائر له جناحين ... ما هو ؟

فرد أحد الطلاب و بسرعه : تمساح

فيقول المدرس : شايفين الغبي دة

اسمك أية ياغبي؟

ردالطالب : خلف

أبوك يشتغل أية ياغبي؟

رد الطالب : لواء امن دولة

ردالمدرس : بص يا حبيبي هو التمساح بيطير بس مش كتير ولو شد حيله

حيطير أعلى

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت

100دولار من الطيارة ... يحصل إيه ؟

رد واحد و قاله : حيلاقيها واحد من الشعب و يفرح بيها

قاله : و لو رميت ألف دولار من الطيارة ... يحصل إيه ؟

رد واحد تاني و قاله : حيلاقيها مجموعة من الشعب و يفرح بيها

قام واحد ثالث قاله : و لو رميت نفسك من الطيارة كل الشعب حيفرح

مره توني بلير و بوش و حسني مبارك عمله ماتش كوره

و همه بيلعبوا الكره وقعت في بحيره مليانه تماسح مفترسه

توني بلير امر واحد من الحرس بتوعوه انه ينزل يجيب الكره من البحيره..

الحرس قال له ماينفعش انزل علشان انا عندي ولاد و عايز اعيش و اربيهم

قام بوش امر واحد من الحرس بتوعه انه ينزل يجيب الكره من البحيره

برده اعترض و قاله ماينفعش انزل علشان عندي ولاد وعايز اعيش و اربيهم

قام حسني مبارك امر واحد من الحرس بتوعه انه ينزل يجيب الكره من البحيره....

العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره

فبيسألوه انت ليه نزلت مع انك عارف ان البحيره مليانه تماسيح مفترسه

قلهم انا برضه عندي عيال و عايز اعيش و اربيهم

[Howayda Ismail]

ايه الجمال ده يابشمهندسة بس عندك تأخير النهاردة على الساقية

[المهندسه]

ايه الجمال ده يابشمهندسة بس عندك تأخير النهاردة على الساقية

معلش بقه اصل ليلى مغلبانى شويه لسه داخله الkg جديد ومش عاوزه لاتكتب ولا اى حاجه ربنا يقوينى...الظاهر ان nightmareعنده حق لما بيقول لاجواز ولا عيال ولا هم.

[Howayda Ismail]

ايه الجمال ده يابشمهندسة بس عندك تأخير النهاردة على الساقية

معلش بقه اصل ليلى مغلبانى شويه لسه داخله الkg جديد ومش عاوزه لاتكتب ولا اى حاجه ربنا يقوينى...الظاهر ان nightmareعنده حق لما بيقول لاجواز ولا عيال ولا هم.

لسة بدرى على الكلام ده اسألينى انا 20 سنة خدمة

كلهم كده والله بس خديها بالمحايلة والسياسة عشان ماتكرهش التعليم بدرى

انا زهقت من موضوع اكتب وذاكر لكن ساعة الزرجونة لما تقوم بيكرهوا اليوم

اللى شافونى فيه ربنا يعينك ويساعدك

[المهندسه]

ايه الجمال ده يابشمهندسة بس عندك تأخير النهاردة على الساقية

معلش بقه اصل ليلى مغلبانى شويه لسه داخله الkg جديد ومش عاوزه لاتكتب ولا اى حاجه ربنا يقوينى...الظاهر ان nightmareعنده حق لما بيقول لاجواز ولا عيال ولا هم.

لسة بدرى على الكلام ده اسألينى انا 20 سنة خدمة

كلهم كده والله بس خديها بالمحايلة والسياسة عشان ماتكرهش التعليم بدرى

انا زهقت من موضوع اكتب وذاكر لكن ساعة الزرجونة لما تقوم بيكرهوا اليوم

اللى شافونى فيه ربنا يعينك ويساعدك

شكرا يا هند يارب يباركلك فى ولادك يارب

اقولك على سر عارفه انا بعزك ليه علشان دى

بحبها حب مش عادى بحس انها اجمل بلد فى الدنيا ...جوزى خيرنى السنه ال فاتت قالى تروحى شرم الشيخ ولا الغردقه قولتله اسكندريه ما اقدرش تعدى سنه من غير ما اروحها ,,,وفعلا روحنا اسكندريه بس ونفسى اعيش فيها ...مره كان عندنا بحث فى الكليه عن العماره الاغريقيه و كان لازم اى حد من مجموعه البحث يسافر اسكندريه لتصوير الاثار الاغريقيه هناك ...وطبعا كان لازم اليسافر ولد مش بنت ...فضلت شبطانه اروح معاهم نصور ونرجع علشان نفسى اشوف اسكندريه فى الشتاء و فى الاخر انا والبنات ال روحنا نصور والولاد قعدوا زى البشوات علشان يخلصوا من زنى و كان لازم نروح الصبح بدرى ونرجع قبل العصر

فى ميعاد كويس يعنى علشان احنا بنات و فعلا روحنا ورجعنا بسرعه فى القطار من غير ما نرتاح خدنا السكه رايح جاى بسرعه..بس كنت فى قمه سعادتى وانا شايفه اسكندريه فاضيه و رايقه كنت حاسه انها بتاعتى انا بس ملكى انا بس...يوم عمرى مانستيه ابدا..سلميلى على اسكندريه(محطه الرمل والمنشيه والمنتزه والمعموره وابو قير يااااه كلها حلوه) عقبال ما اروحها السنه الجايه بأذن الله

[Howayda Ismail]

هتاخد ايه…؟؟؟

_________

هتاخد ايه يا ريس لما تندفن

هتاخد ايه معاك غير الكفـن

***

تاخد نفوذك سلطتك

يوم الحساب

تاخد وزارة ترشدك

ايه الجواب

تاخد حراسة تحرسك

تمنع عذاب

هتاخد ايه غير متر بس

من الوطن

هتاخد ايه يا ريس لما تندفن

هتاخد ايه معاك غير الكفـن

***

تاخد ملابس تُستُرَك

أحدث موديل

ومكيفاتك تنعشك

اليوم طويل

وكرسي فخم يريحك

مالهوش مثيل

وعطور باريس تعطرك

بدل العفن

هتاخد ايه يا ريس لما تندفن

هتاخد ايه معاك غير الكفـن

***

تاخد طباخ يأكلك

أحلى الأكلات

وبنت حلوة تقدملك

فاكهة وشربات

طيارة جامبو تمررك

فوق الصراط

حاجات عليه تخطفك

إن ربي أذن

هتاخد ايه يا ريس لما تندفن

هتاخد ايه معاك غير الكفـن

***

وتلاقي هناك أصحابك

قديم جديد

وتلاقي كل أتباعك

لازم أكيد

وبص شوف أولادك

عنك بعيد

والكل يومها أعداءك

وبينطحن

هتاخد ايه يا ريس لما تندفن

هتاخد ايه معاك غير الكفـن

***

تاخد ذنب شعب بدلت حاله

وافتقر

تاخد ذنب أب موت عياله

وانتحر

[Alshiekh]

السادة العضوات والأعضاء الأفاضل

السلام عليكم

برجاء الإلتزام بالمادة الخامسة من قواعد المشاركة فى محاورات المصريين

وبالنسبة لحقوق الملكية الفكرية ، يجب ذكر اسم كاتب المقال او الشعر.

5. الألتزام بعدم نقل أي موضوع أو مقالة دون إضافة تحليل أو تعقيب وافي مع مراعاة أن يكون مصدر الموضوع المنقول موثوقآ به وأن يتم ذكر مصدر الخبر مع رابطه إن أمكن ، مع ملاحظة أن الموضوعات المحتوية على رابط فقط لموقع آخر أو التى يكون الغرض منها مجرد الاعلان عن موقع آخر سيكون مصيرها الحذف.

شكرا