قصائد سياسية

[Howayda Ismail]

هتاخد ايه…؟؟؟

_________

هتاخد ايه يا ريس لما تندفن

هتاخد ايه معاك غير الكفـن

***

تاخد نفوذك سلطتك

يوم الحساب

تاخد وزارة ترشدك

ايه الجواب

تاخد حراسة تحرسك

تمنع عذاب

هتاخد ايه غير متر بس

من الوطن

هتاخد ايه يا ريس لما تندفن

هتاخد ايه معاك غير الكفـن

***

تاخد ملابس تُستُرَك

أحدث موديل

ومكيفاتك تنعشك

اليوم طويل

وكرسي فخم يريحك

مالهوش مثيل

وعطور باريس تعطرك

بدل العفن

هتاخد ايه يا ريس لما تندفن

هتاخد ايه معاك غير الكفـن

***

تاخد طباخ يأكلك

أحلى الأكلات

وبنت حلوة تقدملك

فاكهة وشربات

طيارة جامبو تمررك

فوق الصراط

حاجات عليه تخطفك

إن ربي أذن

هتاخد ايه يا ريس لما تندفن

هتاخد ايه معاك غير الكفـن

***

وتلاقي هناك أصحابك

قديم جديد

وتلاقي كل أتباعك

لازم أكيد

وبص شوف أولادك

عنك بعيد

والكل يومها أعداءك

وبينطحن

هتاخد ايه يا ريس لما تندفن

هتاخد ايه معاك غير الكفـن

***

تاخد ذنب شعب بدلت حاله

وافتقر

تاخد ذنب أب موت عياله

وانتحر

شعر محمد عدلى

[Howayda Ismail]

قصيدة للشاعر الكبير جمال بخيت ... مش باقي مني

..................................................

مش باقي مني غير شوية ضي ف عينيا

أنا هاديهوملك

وامشي بصبري ف الملكوت

يمكن ف نورهم تلمحي خطوة

تفرق معاكي

بين الحياة والموت

مش باقي مني غير شوية نبض ف عروقي

خُدي.. وعيشي..

وافتحي لي تابوت

أفرح بريحة ورد فرعوني

وربنا ف عوني

إذا دخلت الجنة ولاّ النار

هاشتاق إلي ضحكتك

وقعدتي ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي ف دنيتي لما خلص فرحي

مش باقي مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدي اللي باقي من الأمل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم.. ماأقدرشي

أسقيكي.. مواجعهم

وبرضه ما أقدرشي

أرميكي..

وأبيعهم

يمكن ف مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة ف إرادتي

علي شوية شِعر من خطي

حاسبي عليهم وانتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة مافيهاش

ولاطيارات ولاجيش

وانتي ف طابور العيش

بتبوسي إيد الزمن

ينولك لقمة

من حقك المشروع

مش باقي مني.. غير

شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وأنا تحت حجر «المقطم»

ف الدويقة باموت

أنا.. والعطش.. والجوع..

يئن تحتي التراب

وانا صوتي مش مسموع..

ياحلمنا الموجوع..

من المرور ممنوع..

مستني لما يمر

موكب سلاطينك..

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غُنا تايهين

ف الضلمة مش لاقيين

حس الفواعلية..

ولا صوت مراكبي عَفي

فوق المعدية..

ولا صوت بناتي العذاري

في كل صبحية..

والغنوة.. أمنية

«ياما نفسي أقابل حبيبي..

وانا ع الزراعية»..

صوتك وصوتهم غاب..

وانا تحت حجر المقطم.. باموت لوحديّا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغُنا الغلبان..

رجعت لي توصف هبوب الموت

علي الألوان..

رجعت لي توصف..

.. خيال الذل..

ف موائد الرحمن..

مش باقي مني غير شوية كُفر بشروقك

وأنا..

منبع الايمان..

مش باقي مني..

غير شوية ضي..

وعينيا

مش قادرة تلمحني..

في وحدتي محني..

خايف أموت م الخوف

والضعف يفضحني..

...

السجن عشش ف قلبي

وماشي ف شوارعك..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ماعدت أملك شيء..

فيكي.. ولا فيّا

ولا قيراط ولا بيت..

ولا نسمة صافية تلاغي النيل بحرية..

مش باقي مني

غير شوية حب جارحّني

ولا باقي مني

غير شوية ضي ف عينيا

[nightmare]

قصيدة "مواطنون بلا وطن" -- نزار قباني

مواطنون دونما وطن

مطاردون كالعصافير على خرائط الزمن

مسافرون دون أوراق ..وموتى دونما كفن

نحن بغايا العصر

كل حاكم يبيعنا ويقبض الثمن

نحن جوارى القصر

يرسلوننا من حجرة لحجرة

من قبضة لقبضة

من مالك لمالك ومن وثن الى وثن

نركض كالكلاب كل ليلة

من عدن لطنجة

ومن طنجة الى عدن

نبحث عن قبيلة تقبلنا

نبحث عن ستارة تسترنا

وعن سكن.......

وحولنا أولادنا

احدودبت ظهورهم وشاخوا

وهم يفتشون في المعاجم القديمة

عن جنة نظيرة

عن كذبة كبيرة ... كبيرة

تدعى الوطن

مواطنون نحن فى مدائن البكاء

قهوتنا مصنوعة من دم كربلاء

حنطتنا معجونة بلحم كربلاء

طعامنا ..شرابنا

عاداتنا ..راياتنا

زهورنا ..قبورنا

جلودنا مختومة بختم كربلاء

لا أحد يعرفنا فى هذه الصحراء

لا نخلة.. ولا ناقة

لا وتد ..ولا حجر

لا هند ..لا عفراء

أوراقنا مريبة

أفكارنا غريبة

أسماؤنا لا تشبه الأسماء

فلا الذين يشربون النفط يعرفوننا

ولا الذين يشربون الدمع والشقاء

معتقلون داخل النص الذى يكتبه حكامنا

معتقلون داخل الدين كما فسره إمامنا

معتقلون داخل الحزن ..وأحلى ما بنا أحزاننا

مراقبون نحن فى المقهى ..وفى البيت

وفى أرحام أمهاتنا

حيث تلفتنا وجدنا المخبر السرى فى انتظارنا

يشرب من قهوتنا

ينام فى فراشنا

يعبث فى بريدنا

ينكش فى أوراقنا

يدخل فى أنوفنا

يخرج من سعالنا

لساننا ..مقطوع

ورأسنا ..مقطوع

وخبزنا مبلل بالخوف والدموع

إذا تظلمنا إلى حامى الحمى

قيل لنا : ممنوع

وإذا تضرعنا إلى رب السما

قيل لنا : ممنوع

وإن هتفنا ..يا رسول الله كن فى عوننا

يعطوننا تأشيرة من غير ما رجوع

وإن طلبنا قلما لنكتب القصيدة الأخيرة

أو نكتب الوصية الأخيرة

قبيل أن نموت شنقا

غيروا الموضوع

يا وطنى المصلوب فوق حائط الكراهية

يا كرة النار التى تسير نحو الهاوية

لا أحد من مضر ..أو من بنى ثقيف

أعطى لهذا الوطن الغارق بالنزيف

زجاجة من دمه

أو بوله الشريف

لا أحد على امتداد هذه العباءة المرقعة

أهداك يوما معطفا أو قبعة

يا وطنى المكسور مثل عشبة الخريف

مقتلعون نحن كالأشجار من مكاننا

مهجرون من أمانينا وذكرياتنا

عيوننا تخاف من أصواتنا

حكامنا آلهة يجرى الدم لأزرق فى عروقهم

ونحن نسل الجارية

لا سادة الحجاز يعرفوننا ..ولا رعاع البادية

ولا أبو الطيب يستضيفنا ..ولا أبو العتاهية

إذا مضى طاغية

سلمنا لطاغية

مهاجرون نحن من مرافئ التعب

لا أحد يريدنا

من بحر بيروت إلى بحر العرب

لا الفاطميون ..ولا القرامطة

ولا المماليك …ولا البرامكة

ولا الشياطين ..ولا الملائكة

لا أحد يريدنا

لا أحد يقرؤنا

فى مدن الملح التى تذبح فى

العام ملايين الكتب

لا أحد يقرؤنا

فى مدن صارت بها مباحث

الدولة عراب الأدب

مسافرون نحن فى سفينة الأحزان

قائدنا مرتزق

وشيخنا قرصان

مكومون داخل الأقفاص كالجرذان

لا مرفأ يقبلنا

لا حانة تقبلنا

كل الجوازات التى نحملها

أصدرها الشيطان

كل الكتابات التى نكتبها

لا تعجب السلطان

مسافرون خارج الزمان والمكان

مسافرون ضيعوا

نقودهم ..وضيعوا متاعهم

ضيعوا أبناءهم ..وضيعوا

أسماءهم..وضيعوا إنتماءهم..

وضيعوا الإحساس بالأمان

فلا بنو هاشم يعرفوننا ..ولا بنو قحطان

ولا بنو ربيعة ..ولا بنو شيبان

ولا بنو لينين يعرفوننا ..ولا بنو ريجان

يا وطنى ..كل العصافير لها منازل

إلا العصافير التى تحترف الحرية

فهى تموت خارج الأوطان

مع تحياتي

تم تعديل 17 أكتوبر 2010 بواسطة nightmare

[nightmare]

الساقية مالها نامت ليه كده, هيا الناس تعبت من اللف والا ايه

قصيدة "شعبك يا حكومتنا" بقلم سامي النويهي

شعبك ياحكومتنا

عايـــــز منك إيه

تبقى فاتحة بيتنا

ويقول طالع عينيه

ولاعاجبه اللى باعد

ولاعاجبه اللى قاعد

ولاشغال بيـــــــاخد

فوق الـ100 جنيه

شعب ايديه خفيفة

وانت طاهره وعفيفة

واللى يقولك كفيفة

ينشك ف نور عينيه

شعب بياخد وينسى

تديه يهتف ولسه

فى الذوق يديكى حصة

بس مايعملش بيه

شعب صحيح أنانى

سيبيه أحسن يعانى

شوفيلك شعب تانى

النعمة تبان عليه

مبسوط والبليه عاليه

ودماغه تملى خاليه

ويقول اللحمة غاليه

طب ياكل لحمة ليه

بيمر بأحلى طفره

والخير موجود بوفره

واكمن عيونه صفرا

على طول مادد ايديه

ايدك عليه ماكلت

ولاليله بات مغلت

حقه تالت متلت

ديليفرى بتبعتيه

رجالك دول خلاصته

دليه غلبت فراسته

ع اللى فقع أوناصته

لوكنتى بتعرفيه

مع تحياتي

[المهندسه]

كل القصائد الحطيناها فيها لامؤخذه(شتيمه) طيب نحط حاجه فيها ثناء...ما هى برضه ام الدنيا و بنحبها مهما عملت فينا

http://www.youtube.com/watch?v=rw-T1SFQXTQ&feature=related

[أبوعمار]

كل القصائد الحطيناها فيها لامؤخذه(شتيمه) طيب نحط حاجه فيها ثناء...ما هى برضه ام الدنيا و بنحبها مهما عملت فينا

http://www.youtube.com/watch?v=rw-T1SFQXTQ&feature=related

عود أحمد

افتقدت الساقية في الأيام اللي فاتت

بقالي فترة ما شوفتش جديد

وبصراحة أجمل عودة يا مهندسة

حلوة جرعة التفاؤل دي في وسط الجو الغامق ده

تسلم ايدك

ولي عودة إن شاء الله

[Howayda Ismail]

http://www.youtube.com/watch?v=_cHUlR4B37Y

زى بعضه حبة امل

[مصطفى يونس]

حسبى الله ونعم الوكيل فيهم

[Howayda Ismail]

http://www.youtube.com/watch?v=uu5BebGhLqs

[المهندسه]

تحفه يا هند يانهار ابيض

[ayat mohamed]

http://www.youtube.com/watch?v=lUb3fuCZDPk&feature=related

[المهندسه]

ابجديه سيد ابو حفيظه

http://www.youtube.com/watch?v=KYiOYxQYv-E

[Howayda Ismail]

الفرصة الكبيرة

http://www.youtube.com/watch?v=l5U4zIbFxeQ

[Howayda Ismail]

للشاعر الكبير أحمد مطر

مفقــودات

زارَ الرّئيسُ المؤتَمَـنْ

بعضَ ولاياتِ الوَطـنْ

وحينَ زارَ حَيَّنا

قالَ لنا :

هاتوا شكاواكـم بصِـدقٍ في العَلَـنْ

ولا تَخافـوا أَحَـداً..

فقَـدْ مضى ذاكَ الزّمَـنْ .

فقالَ صاحِـبي ( حَسَـنْ ) :

يا سيّـدي

أينَ الرّغيفُ والَلّبَـنْ ؟

وأينَ تأمينُ السّكَـنْ ؟

وأيـنَ توفيرُ المِهَـنْ ؟

وأينَ مَـنْ

يُوفّـرُ الدّواءَ للفقيرِ دونمـا ثَمَـنْ ؟

يا سـيّدي

لـمْ نَـرَ مِن ذلكَ شيئاً أبداً .

قالَ الرئيسُ في حَـزَنْ :

أحْـرَقَ ربّـي جَسَـدي

أَكُـلُّ هذا حاصِـلٌ في بَلَـدي ؟!

شُكراً على صِـدْقِكَ في تنبيهِنا يا وَلَـدي

سـوفَ ترى الخيرَ غَـداً .

**

وَبَعـْـدَ عـامٍ زارَنـا

ومَـرّةً ثانيَـةً قالَ لنا :

هاتـوا شكاواكُـمْ بِصـدْقٍ في العَلَـنْ

ولا تَخافـوا أحَـداً

فقـد مَضى ذاكَ الزّمَـنْ .

لم يَشتكِ النّاسُ !

فقُمتُ مُعْلِنـاً :

أينَ الرّغيفُ واللّبَـنْ ؟

وأينَ تأمينُ السّكَـنْ ؟

وأينَ توفيـرُ المِهَـنْ ؟

وأينَ مَـنْ

يوفِّـر الدّواءَ للفقيرِ دونمَا ثمَنْ ؟

مَعْـذِرَةً يا سيّـدي

.. وَأيـنَ صاحـبي ( حَسَـنْ ) ؟!

[Alshiekh]

الشاعر أحمد فؤاد نجم

قصيدة : راجل ابن راجل

الجحش قال للحمار *** يابا اديني الحنطور ياباإنت سنّك كبر *** و وَجَب عليّا الدور كَـحّ الحمار كَـحة *** فزعِت لها الركاب مش يابني بالصحة *** ده كل شئ بحساب و سواقة الحنطور *** محتاجة حدّ حكيم و إنت عينيك فارغة *** همّك على البرسيم قوللي تسوق إزاي *** و التبن مالي عينيك ده حتى حبل اللجام *** واسع يا إبني عليك إعقل و بطّل طمع *** لا تسخّن الركاب ماتجيش يا واد جنبهم *** لا تبقى ليلة هباب دول صنف ناس جبّار *** قادر مالوهش أمان يبان عليهم وَهَن *** لكنهم فرسان يابا دا نومهم تِقِل *** و بقالُه يابا سنين كل البشر صحصحوا *** و لسه دول نايمين يا جحش بطّل هبل *** و بلاش تعيش مغرور رُكابنا مش أغبيا *** ولا عضمهم مكسور بُكرة حيصحولك *** و يزلزلوا الحنطور و تلاقي في قفاك *** تمانين خازوق محشور

[Howayda Ismail]

http://www.youtube.com/watch?v=fOVOWckV9zQ&feature=related

[Alshiekh]

السلام عليكم

إسمحوا لى اضع لكم هذا الكليب ، ربما يلخص قصيدة كبيرة يعيشها المصريون

http://www.youtube.com/watch?v=CFbRUAwgndo&feature=player_embedded

http://www.youtube.com/watch?v=jiF6cdOqteY&feature=player_embedded#!

[Howayda Ismail]

http://www.youtube.com/watch?v=sF7ZqcWw6IA&feature=related

[أبوعمار]

قصيدة الميدان

***

للشاعر عبد الرحمن الأبنودى

أيادى مصرية سمرا ليها فى التمييز

ممدودة وسط الزئير بتكسر البراويز

سطوع لصوت الجموع

شوف مصر تحت الشمس

آن الأوان ترحلى يادولة العواجيز

عواجيز شداد مسعورين أكلوا بلادنا أكل

ويشبهوا بعضهم نهم وخسة وشكل

طلع الشباب البديع قلبوا الخريطة ربيع

وحققوا المعجزة صحوا القتيل من القتل

أقتلنى .. قتلى ما حايعيد دولتك تانى

بأكتب بدمى حياة تانية لأوطاتى

دمى ده ولا الربيع..الأتنين بلون أخضر

وبأبتسم من سعادتى ولا أحزانى

تحاولوا ما تحاولوا .. ما تشوفوا وطن غيره

سلبتوا دم الوطن وبشمتوا من خيره

أحلامنا .. بكرانا.. أصغر ضحكة على شفة

شفتوش صياد يا خلق بيقتله طيره

السوس بينخر وسارح تحت إشرافك

فرحان بهم كنت وشايلهم على كتافك

وأما أهالينا من زرعوا وبنوا وصنعوا

كانوا مداس ليك ولولادك وأحلافك

ويا مصر .. يا مصر قام العليل رجعت له أنفاسه

وباس جبين الوطن.. مال الوطن باسه

من قبل موته بيوم صحوه أولاده..

من كان سبب علته محبته لناسه

الثورة فيضان قديم محبوس ما شقوش دول

الثورة لوجت ما تبانش فى كلام أو قول

تقلب وتعدل فى سرية .. تفور فى القلب

وتتغزل فتلة فتلة فى ضمير النول

ما تخافش على مصر يابا.. مصر محروسة

حتى من الطغمة دية اللى فينا مدسوسة

ولو إنت أبوها بصحيح وخايف عليها قوى

تركتها ليه بدن بتنخره السوسة

وبيسرقوك يا الوطن قدامنا عينى عينك

ينده بقوة الوطن ويقول لى قوم فينك؟

ضحكت علينا الكتب بعدت بنا عنك

لولا ولادنا اللى قاموا يسددوا دينك

لكن خلاص يا وطن صحيت جموع الخلق

قبضوا على الشمس بإسدسهم وقالوا لأ

من المستحيل يفرطوا عقد الوطن تانى

والكدب تانى .. محال يلبس قناع الحق

بكل حب الحياة خوّض فى دم أخوك

قول : إنت مين للى باعوا حلمنا وبا عوك

وأهانوك وذلوك ولعبوا قمار بأحلامك

نيران هتافك تحرر صحبك الممسوك

يرجع لها صوتها مصر .. تعود ملامحها

تاخد مكانها القديم والكون يصالحها

عشرات سنين تسكونوا بالكدب فى عروقنا

والدنيا متقدمة .. ومصر مطرحها

كتبتوا أول سطور فى صفحة الثورة

وهما علما وخبرا مداورة و مناورة

وقعتوا فرعوت هرب من قلب تمثاله

لكن جيوشه ما زالوا يحلموا ببكرة

صباح حقيقى ودرس جديد قوى فى الرفض

أتارى للشمس صوت .. وأتارى للأرض نبض

تانى معاكم .. رجعنا نحب كلمة مصر

تانى معاكم.. رجعنا نحب ضحكة بعض

مين كان يقول إبننا يطلع بنا من النفق؟

دى صرخة ولا غنا .. ده دم ولا شفق ؟

أتاريها حاجة بسيطة الثورة يا إخوانا ..

مين شافها كده .. مين أول اللى بدأ

موش دول شبابنا اللى قالوا كرهوا أوطانهم؟

ولبسنا توب الحداد وبعدنا قوى عنهم

هم اللى قامواالنهاردة يشعلوا الثورة

ويصنفوا الخلق .. مين عانهم ومين خانهم

يادى الميدان اللى حضن الفكرة وسهرها

يادى الميدان اللى فتن الخلق وسحرها

يادى الميدان اللى غاب إسمه كتير عنه

وصبرها ما بين عباد عاشقة وعباد كارهة

شباب كأن الميدان أهله وعنوانه

ولا فى الميدان نس كافيه ولا كابتشينو

خدوده عرفوا جمال النوم ع الأسفلت

والموت عارفهم قوى وهم عارفينه

لا الظلم هين يا ناس ولا الشباب قاصر

مهما حاصرتوا الميدان عمره ما يتحاصر

فكرتنى يا الميدان بزمان وسحر زمان

فكرتنى بأغلى أيام ..فى زمن ناصر

شايل حياتك على كفك صغير السن

ليه بعد يوم المعاناة وإنت موش بتأن؟

جمل المحامل وإنت غض ..بتعجب

إمتى عرفت النضال .. إسمح لى .. حاجة تجن

أتاريك جميل يا وطن .. مازلت وحا تبقى

زال الضباب وإنفجرت بأعلى صوت ..لأه

حرضتنا نبتسم ودفعت إنت الحساب ..

وبنبتسم بس بسمة طالعة بمشقة

فينك يا صبح الكرامة اللى البشر هانوا

وأهل مصر الأصيلة إتهانوا وإتخانوا ..

بنشترى العزة تانى والثمن غالى ..

فتح الوطن للجميع قلبه وأحضانه

الثورة فيض الأمل وغنوة الثوار ..

والليل إذا خانوا لونه يتقلب لنهار

ضج الضجيج بالندا إصحى يا فجر الناس

فينك ياصوت الغلابة وضحكت الأنفار

وإحنا وراهم أساتذة خايبة ..

تتعلم إزاى نحب الوطن وإمتى نتكلم

لما طال الصدا قلبنا ويأسنا من فتحه

قلب الوطن قبلكم كان خاوى ومضلم

أولنا فى الجولة .. جولة ورا جولة

ده سوس بينخر يابويا فى جسد دولة

أيوه صحيح الملك صار كتابة

إنما أبدا لو غفلت عينا لحظة حايقلبوا العملة

لكن خوفى مازال جوه الفؤاد يكبش

خوفى اللى ساكن شقوق القلب ومعشش

يقولى موش راح يسيبوا ولسه حايقبوا

حايلاقولهم سكك وبيبان ماتتردش

وحاسبوا اوي من الديابة اللي في وسطيكم..

والا تبقي الخيانة منك وفيكم..

الضحك علي البق بس الرك علي النيات..

فيهم عدوين اشد من اللي حواليكم

[أبوعمار]

مشهد رأسي من ميدان التحرير

هشام الخج

خبيء قصائدك القديمه كلها

مزق دفاترك القديمه كلها

و اكتب لمصر اليوم شعرا مثلها

خبيء قصائدك القديمه كلها

مزق دفاترك القديمه كلها

و اكتب لمصر اليوم شعرا مثلها

لا صمت بعد اليوم يفرض خوفه

فاكتب سلاما نيل مصر و أهلها

عيناكي أجمل طفلتين تقرران

بأن هذا الخوف ماض و انتهي

كانت تداعبنا الشوارع بالبروده و السقيع

و لم نفسر وقتها

و كنا ندفء بعضنا في بعضنا

و نراكي تبتسمين ننسي بردها

و اذا غضبتي كشفت عن وجهها

و حيائنا يأبي يدنس وجهها

لا تتركيهم يخبروكي بأنني متمرد

خان الأمانه أو سهي

لا تتركيهم يخبروكي

بأنني أصبحت شيء تافها و موجها

فأنا ابن بطنك و ابن بطنك

من أراد و من أقال ومن أقر ومن نهي

صمتت فلول الخائفين بجبنهم

و جموع من عشقوكي قالت قولها

تم تعديل 13 فبراير 2011 بواسطة أبوعمار