الزواج من المطلقه

[ssamir]

المطلــــــــــــــــــــــــــــــقة

مسمى قد يخيف معظم الشباب

لفظ نبذه المجتمع

وقبل كل شي ظلمه

ونظر الى المطلقة نظرة

غير صالحة

ادانه المجتمع دونما جريمة

وحكم عليها من غير دليل

لم جعلت المطلقة شخص مرفوض دون سبب؟؟

لم دفنت تلكم المسكينة وهي حية وكان حالها حال المؤدة!!!

امراءة بترها المجتع كمرض خبيث وان لم يكن المجتمع ككل الفئة العظمى منه؟؟!!

انت اياه الشاب

اذا وجدت امراءة صالحة وحسنة الخلق لكنها"مطلقة"اشبه بالمنطقة المحظورة

قف وقفة صدق مع نفسك هل ستتزوجها؟؟

وهل ستكون حياتك كنهر سائر تعترض طريقه الصخور فيلتف حولها وتمخر عبابه السفن فيتطامن لها؟؟

ام ستكون حياة حقيقية كل مافي الحياة من لذة وبؤس وشقاء والم؟؟!!

واذا لايمكنك الارتباط بها ماهو سببك

واتمنى ان يكون السبب مقنع تقتنع به انت قبل ان تقنعنا به..!!!

الســــــــــــــــــــــــــــــــؤال موجه للشباب

لكن رائي الفتيات مطلوب..

[shiko]

....بص هو حاليا انا شايفة النظرة الدونية للمطلقة بدءت فى التلاشى ....

وده لان الطلاق بقى ظاهرة ....منتشرة جدا ....وده موضوع يستحق الدراسة ...

بس الحقيقة ...الحالة الاجتماعية للفرد سواء انثى او رجل ...لا تعنينى ...

وضرورى نعيد تقييم تلك النظرة السودوية للمرأة المطلقة ...

وانا مع حضرتك مستنية اسمع معاك راى الاخوة الافاضل من الاعضاء ....

[nightmare]

تحياتي لك في البداية على هذا الموضوع أخي ssamir

بالفعل مجتمعنا ينظر للمطلقة نظرة دونية وبعيده كل البعد عن الدين والإنسانية , فمعيار إختيار الزوجة الذي شرعه الإسلام ومعيار التفاضل الذي أوصي به النبي صلي الله عليه وسلم هو الدين فقط.

في الحديث الوارد في صحيح مسلم تحت عنوان( نكاح ذات الدين) عن جابر بن عبد الله.قال تزوجت امرأة في عهد رسول الله صلى الله عليه و سلم. فلقيت النبي صلى الله عليه و سلم فقال ( يا جابر!تزوجت) قلت:نعم.قال بكر أم ثيب؟)قلت:ثيب.قال (فهلا بكراً تلاعبها؟)قلت:يا رسول الله!إن لي أخوات.فخشيت أن تدخل بيني و بينهن.قال فذاك إذن إن المرأة تنكح على دينها, ومالها , وجمالها . فعليك بذات الدين تربت يداك )

فذات الدين يمكن أن تكون ثيب أو بكر وهذا هو الأساس, ولنا في رسول الله صلي الله عليه وسلم العبرة والقدوة الحسنة فهو عليه الصلاة والسلام لم يتزوج بكراً إلا السيدة عائشة فقط , وكل زوجاته الأخريات كانوا ثيبات.

وعندما عاتب الله عز وجل نساء النبي في القرآن الكريم فقال

{عَسَى رَبُّهُ إِن طَلَّقَكُنَّ أَن يُبْدِلَهُ أَزْوَاجاً خَيْراً مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَاراً }

فبدأ الله عز وجل صفات المرأة بالدين والإيمان الذي هو معيار الإختيار الحقيقي.

أما بخصوص الزواج من مطلقة فأنا شخصياً ليس عندي أى مشكلة طالما ذات دين وخلق , لكن لن اتحدي أهلى مثلاً أو أقاربي وأقاطعهم من أجل الزواج منها إذا إعترضوا على ذلك, وإذا تساوت إمرأتين في الخلق والدين فالبكر عندي أولى.

وأعتقد أن عزوف كثير من الشباب من الإرتباط بالمطلقة يرجع في المقام الأول "للعامل النفسي" , فهو لا يقبل أن يتزوج من إنسانه مسها غيره وجالسها وعاشرها , والعامل الثاني أن هناك فكراً مترسخاً لدي كل الشباب أن الزوجة لا تنسي أبداً أول يد لمستها أو ضمتها حتى لو تزوجت الف بعده ( ولا اعرف هل هذا صحيح أم لا ) , العامل الثالث خوف الشباب من المقارنة , وأن تبدأ الزوجة في المقارنه بينه وبين من سبقه إليها في المعاشرة والأخلاق والكرم وغير ذلك.

مع تحياتي

تم تعديل 7 أكتوبر 2010 بواسطة nightmare

[م تيمور المراغي]

رأي ان الاساس هو الانسانه نفسها طبعها ومقوماتها الشخصيه

لان الماضي ده يخص الطرف الآخر فقط ,,

ورسول الله صلى الله عليه وسلم لم يتزوج بكرا غير عائشه ,,

والصحابه الكرام كانوا يتزوجون م نالثيب بدون اي حرج ,, هو يعني ايه ذنبها

والمجتمع الان زي ماقال شيكو مابقاش الكلام ده بيفرق معاه كثير

[لماضة مصرية جدا]

السلام عليكم و رحمة الله و بركاته

استاذي الفاضل

طب لو البنت البنوتة اتقدم لها مطلق مثلا.....ايه راي حضرتك....ينفع و لا برضه هياخد التصنيف المصري جدا جدا بتاع "الساكند هاند"

نفسي اعرف مين اللي اخترع المصطلحات دي....و حط البني آدمين في قوالب....و ابتدي يصنف كل البشر...كلهم....اختزل كل تجاربهم في شوية مصطلحات ما اقدرشي اوصفها غير انها تنتمي لقاموس التعاسة

هكلم حضرتك عن علاقة انسانية بتبتدي بين اتنين....كلاهما من خلفيات مختلفة....كل علاقة انسانية ليها تحدياتها....بس لما بتبقي معطيات العلاقة فيها حاجة مخالفة شوية عن العرف و عن القالب اللي اتعودنا نتحرك جواه.....بنفضل حيرانين...و خايفين

من تحديات اي علاقة....

لما البنت بتبقي اكبر- اغني- اكثر تعليما(اوي اي صفة تفضيل حطوها من عندكم) من الولد....

لما الولد او البنت بيرتبط بشريك عنده تجربة زواج سابقة.....

لما الولد او البنت من جنسيات مختلفة...

سلسلة طويلة من التحديات

لو حضرتك بتحب تمشي جوه الصندوق....و ده مش عيب ع فكرة و لا تريقة....ده بس تكون فاهم نفسك كويس و عارف انت تقدر تعمل ايه و متقدرشي تتحمل ايه.....يبقي بتختار العلاقة الامنة....يعني العلاقة اللي تحقق اكبر قدر ممكن من راحة الدمااااااااااااغ و بتعفيك من اي مقاوحة او اي صدام

بس برضه خليني انبه حضرتك موضوع تجربة سابقة للشريك مش بيبان فجأة مثلا.....يعني مش بعد ما تكون عرفت الشخصية ...تفاجا انه مثلا مطلق....انت من البداية تبقي معلق يافطة كده و حاطط فيها ملامح الصندوق اللي انت بتتحرك جواه.....عايز واحدة بنت بنوت....عايز واحدة بيضاء البشرة...عايز واحدة ست بيت....و بقيت ملامح الصندوق....قصدي ملامح الزوجة اللي بترتاح او فاكر انك هترتاح معاها

ع الناحية التانية بقي

لو حضرتك برضه فاهم نفسك...و عارف انك لقيت راحة بالك و سعادتك مع البني آدماية دي اللي عندها تجربة زواج سابقة.....يبقي ده قرار حضرتك مش حد تاني

بلاش حد يقولي مجتمعي.....و بلاش نعملها بالونة مجتمع بتفرقع في وشنا احنا بس و محدش هيحلنا مشاكلنا

لما اتجوز....مطلق....او لما تتجوز مطلقة....دي مش قضية مجتمعية استاذي...

دي قضية مصيرية تتعلق بشخصين فقط انا و زوجي

مش معني كده اني بضرب بعرض الحائط مجتمعي اللي بعيش فيه

لكن انا برفض العرف المجتمعي اللي بيبقي اقوي من مفهومي عن الحلال و الحرام

و برفض ان حد يحاسبني علي صفحة انتهت من حياة شخصين وصلوا في نقطة ما في طريقهم مع بعض انهم مش هيكملوا و قرروا هما الاتنين يقلبوا الصفحة

برفض ان الناس اللي بتعيش بره بيوتنا و بتيجي تتصور معانا في الافراح...و بنفضل نسال نفسنا...مين دول....برفض اني احشرهم في كل صفحة في حياتي

ليه احرم نفسي من سعادة....واخداها بعقلي و قلبي و مستخيرة ربي قبل كل شيء عشان خاطر ناس بنركب مع بعض الاتوبيس الصبح...مش اكتر

لو حضرتك هتتكلم عن مجتمعي...بمعني اسرتي

ااقدر اقول لحضرتك...مهما الاهل بيعترضوا و بيعلنوا الويل و الثبور و عظائم الامور....في النهاية بيوافقوا....مش لوي دراع...هم اكرم عندي من اني احطهم في هذا الموقف....لكن ببساطة لانهم بيدوروا علي سعادابنهم او بنتهم....و اللي بدوره لازم يقنعهم بان ده طريق سعادته

لكن لو هو اصلا متردد...و هيرمي الليلة ع المجتمع يبقي من حق المجتمع مليون الف مرة يركبه و يقوله لا يا ابني...و لا يا بنتي انتي تستاهلي سيد سيده

طب هو كل رجال الدنيا بالنسبة لي....

و هي من النساء تكفيني جدا و تفيض

ايه مشكلتكم بقي؟؟؟

المشكلة ببساطة....ان صاحب المشكلة(اي حد في هذا الموقف و معلق استمراره في الارتباط بالحكاية دي)....عنده مشكلة....و مش عارف ان عنده مشكلة

التردد جاي من جوه البني آدم....و اللي حواليه بيلعبوا ع التردد ده.....يا صاب و سمع الكلام......يا كمل و هو كمان عرف هو عايز ايه بالظبط

في كلا الحالتين

مترفضشي بني ادم او بني ادماية عشان صفحة اتقطعت....و حتي لو رفضته....اعتذر و ارحل في صمت....لكن مافيش داعي تنكأ جراح قد تؤلم البعض كثيرا

سؤال علي الهامش:

لواخت اي حد فينا....وردة بتتفتح قدام عينيك....فرحة بترويها باحساس ابوتك و اخويتك ليها في نفس الوقت....كان قدرها انها تمر بالتجربة دي....يا تري هتفكر ازاي؟؟؟؟

ع جنب بقي

انتو تعرفوا ان من الرجال بيتمنوا....بيحملوا.....بيعدوا النجوم......اه و ربنا....عشان يتجوزوا سيدة مطلقة....(ده في موريتانيا ع فكرة)

سبحان الله....مجتمع قبلي...و تحكمه اعراف القبيلة في كل شيء و من اهمها ان المراة التي سبق لها الزواج هي المرغوبة لانه امر هام جدا للقبائل ان تتالف فيما بينها

دي وجهة نظري الشخصية....و دي صفحة حياتي...الي بحب اكتبها بحروف ابجديتي أنا مش حروف حد تاني

السعادة لما تخبط بابك....استخير......و افتح الباب ع الاخر

بس خلاص

[مروان]

تلك احد الثقافات الموروثة والاعراف المتنقلة عبر جينات الاجداد ورضعناها ضمن ما رضعنا من افكار وثقافات وعادات

لكن لا العقل يمنع ولا الدين ان يرتبط الشاب بمطلقة لم يسعفها حظها العاثر في تجربتها السابقة

لدرجة ان الارتياب من المطلقة والتحفظ عليها قد ينتقل الى اخواتها البنات مما قد يؤخر زواجهن وهن انسات بسبب ان لهن اخت مطلققة

لكن ظني ان كل زلك سينتهي في الاعوام المقبلة مع ظهور مستجدات جديدة واعراف جديدة

وليس كل ما هو ات سيئ

تحياتي

[لماضة مصرية جدا]

لكن ظني ان كل زلك سينتهي في الاعوام المقبلة مع ظهور مستجدات جديدة واعراف جديدة

وليس كل ما هو ات سيئ

استاذي ...تحياتي

بس سؤال....هو التغيير القادم....و الاعراف القادمة....مين بيعملها

مش احنا برضه

مش احنا اللي بنختار مصايرنا....

بعض الناس ممكن بتحب تكون في الصف الاول...و بتتحمل ما يكيل لها من صفعات...دول قادة التغيير الحقيقين...اللي بيؤمنوا بحاجةو بيصدقوها و بيسعوا في الارض محققين لمراد الله

و البعض الاخر....هينتظر....و ينتظر....و ينتظر

و كلاهما له حرية الاختيار

اي الفريقين بتحب تكون؟؟؟

ده اختيارك

تحياتي

[ozoozo]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

smk:

الزواج من المطلقه يكون في حاله ان الرجل معيوب هو كمان ومطلق مثلا وعنده طفل وليس مطلق فقط

لان نفسيه المرأه تتحمل ان يكون زوجها متزوج عليها وهي في عصمته وليس ان يكون مطلق فقط

اما نفسيه الرجل فلا تتحمل ان يكون لزوجته شريك سابق وان تحملته يكون اكثر صعوبه من الزوجه

[شريف مان]

انا شخصيا مستحيل اتزوج من مطلقة

واكيد كل حاجة وليها زبونها :lol:

يعنى واحد مطلق بردوا ويعيشوا مع بعض انما ان اتزوج واحدة كانت عايش مع واحد غيرى دا مستحيل حتى لو كانت ساندرا بولوك :P

ونظرتى للمطلقة عادية زيها زى غيرها يعنى مش هيفرق معايا مطلقة يهودية برجل واحدة أى حاجة مش هتفرق المهم انها تكون محترمة وبتفهم ومش خنيقة

اتعامل معاها عادى جدا انما جواز . لالالالالالا

وأعتقد أن عزوف كثير من الشباب من الإرتباط بالمطلقة يرجع في المقام الأول "للعامل النفسي" , فهو لا يقبل أن يتزوج من إنسانه مسها غيره وجالسها وعاشرها , والعامل الثاني أن هناك فكراً مترسخاً لدي كل الشباب أن الزوجة لا تنسي أبداً أول يد لمستها أو ضمتها حتى لو تزوجت الف بعده ( ولا اعرف هل هذا صحيح أم لا ) , العامل الثالث خوف الشباب من المقارنة , وأن تبدأ الزوجة في المقارنه بينه وبين من سبقه إليها في المعاشرة والأخلاق والكرم وغير ذلك.

معلم

تم تعديل 7 أكتوبر 2010 بواسطة شريف مان

[شريف مان]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

هههههههههههههههههههههههههه

تشبيه بليغ

:lol:

[ssamir]

....بص هو حاليا انا شايفة النظرة الدونية للمطلقة بدءت فى التلاشى ....

وده لان الطلاق بقى ظاهرة ....منتشرة جدا ....وده موضوع يستحق الدراسة ...

بس الحقيقة ...الحالة الاجتماعية للفرد سواء انثى او رجل ...لا تعنينى ...

وضرورى نعيد تقييم تلك النظرة السودوية للمرأة المطلقة ...

وانا مع حضرتك مستنية اسمع معاك راى الاخوة الافاضل من الاعضاء ....

طب لية النظرة دي

هو هو خوف علي الشرف يعني عدم ثقة في المطلقة و لا انتقام من مجتمع الرجال للي اتجرأت و اطلقت او خلعت جوزها؟

تحياتي لك في البداية على هذا الموضوع أخي ssamir

بالفعل مجتمعنا ينظر للمطلقة نظرة دونية وبعيده كل البعد عن الدين والإنسانية , فمعيار إختيار الزوجة الذي شرعه الإسلام ومعيار التفاضل الذي أوصي به النبي صلي الله عليه وسلم هو الدين فقط.

في الحديث الوارد في صحيح مسلم تحت عنوان( نكاح ذات الدين) عن جابر بن عبد الله.قال تزوجت امرأة في عهد رسول الله صلى الله عليه و سلم. فلقيت النبي صلى الله عليه و سلم فقال ( يا جابر!تزوجت) قلت:نعم.قال بكر أم ثيب؟)قلت:ثيب.قال (فهلا بكراً تلاعبها؟)قلت:يا رسول الله!إن لي أخوات.فخشيت أن تدخل بيني و بينهن.قال فذاك إذن إن المرأة تنكح على دينها, ومالها , وجمالها . فعليك بذات الدين تربت يداك )

فذات الدين يمكن أن تكون ثيب أو بكر وهذا هو الأساس, ولنا في رسول الله صلي الله عليه وسلم العبرة والقدوة الحسنة فهو عليه الصلاة والسلام لم يتزوج بكراً إلا السيدة عائشة فقط , وكل زوجاته الأخريات كانوا ثيبات.

وعندما عاتب الله عز وجل نساء النبي في القرآن الكريم فقال

{عَسَى رَبُّهُ إِن طَلَّقَكُنَّ أَن يُبْدِلَهُ أَزْوَاجاً خَيْراً مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَاراً }

فبدأ الله عز وجل صفات المرأة بالدين والإيمان الذي هو معيار الإختيار الحقيقي.

أما بخصوص الزواج من مطلقة فأنا شخصياً ليس عندي أى مشكلة طالما ذات دين وخلق , لكن لن اتحدي أهلى مثلاً أو أقاربي وأقاطعهم من أجل الزواج منها إذا إعترضوا على ذلك, وإذا تساوت إمرأتين في الخلق والدين فالبكر عندي أولى.

وأعتقد أن عزوف كثير من الشباب من الإرتباط بالمطلقة يرجع في المقام الأول "للعامل النفسي" , فهو لا يقبل أن يتزوج من إنسانه مسها غيره وجالسها وعاشرها , والعامل الثاني أن هناك فكراً مترسخاً لدي كل الشباب أن الزوجة لا تنسي أبداً أول يد لمستها أو ضمتها حتى لو تزوجت الف بعده ( ولا اعرف هل هذا صحيح أم لا ) , العامل الثالث خوف الشباب من المقارنة , وأن تبدأ الزوجة في المقارنه بينه وبين من سبقه إليها في المعاشرة والأخلاق والكرم وغير ذلك.

مع تحياتي

لو قسمنا ردك الى شقين فانا اتفق معاك فى الجزء الخاص بالدين

فالدين معاملات ثم معاملات و بعدها معاملات ايضا

و من ترك كتاب اللة و سنه نبية محمد (ص) فلن يستطيع ان يفهم و يعي معنى العطف و الحنان المطلوبين لنجاح الزواج

اما بالنسبة للشق التانى و حضرتك عرضت و جهة نظر مجتمع فدة ممكن يرجع لشخصية الراجل نفسة و مدة قدرته على ملاء حياة الانسانة اللى اختارها شريكة له

رأي ان الاساس هو الانسانه نفسها طبعها ومقوماتها الشخصيه

لان الماضي ده يخص الطرف الآخر فقط ,,

ورسول الله صلى الله عليه وسلم لم يتزوج بكرا غير عائشه ,,

والصحابه الكرام كانوا يتزوجون م نالثيب بدون اي حرج ,, هو يعني ايه ذنبها

والمجتمع الان زي ماقال شيكو مابقاش الكلام ده بيفرق معاه كثير

متفق معاك

[عادل أبو عمر]

المطلقة

قبل الطلاق ... يظلمها واحد من إثنان لا ثالث لهما إما زوجها و إما نفسها و لا اقتنع بدور الظروف لأنها شماعة كل شيء يفشل في الدنيا فالظروف لا تقل ( إنتي طالق) و لا ( طلقني)

بعد الطلاق ... المجتمع كله يظلمها حتى أقرب المقربين ليها ..... ممكن بنظرة لا تدرك كم هي مكسورة نفس المطلقة حتى و لو عملت حفلة طلاق

لا اختلاف على أن البكر أفضل .... لكن من للمطلقة التي حافظت على دينها و نفسها و اولادها من ظلم شخص لا يراعي الله فيها

تغيير الصورة مسئولية الجميع حتى و لو بدعوة الناس للتفكير قليلا قبل الحكم على المطلقة فهي إما أخت أو ابنة أو أم

تحياتي للجميع

أبو عمر

[Howayda Ismail]

ربما جوهرة ثمينة وضعت فى الطين فاكتسبت خاصيته ولايبرئها سوى الخروج منه

وهذه مايحدث لبعض المطلقات لاننا ليس مع التعميم فالصلاح موجود فى الطرفين

والعكس كذلك ولكن ماذنب انسانة كويسة ومن عيلة تزوجت بانسان معقد ولديه

مركبات نقص بيحاول يعوضها فى سيطرته عليها لان كل جريرتها انهالاتستطيع

الانجاب فالعقاب حرمانها من زيارة اهلها ومقابلتهم بنفور وخروجه

لاوقات كثيرة بعيد عن المنزل وحرمانها من اللالتحاق باى عمل وتضييق الانفاق

عليها لعلمه بيسر حالتها المادية والاكتر رفض محاولة العلاج او المتابعة

ولما ضاق بها الحال واتتها فرصة عمل تشعر فيه بامومتهاوتوفير متطلباتها

زادت الخلافات كاى زوجين ولكن تصل ان يغير كالون الشقة وهى بالخارج

دون سابق انذار ومنعها من دخول الشقة فى نية لطلاقها والاستيلاء على

اثاثها بعد فترة زواج 15 سنة وتزوج من مطلقة لديها طفل ولمدة عامين

بين المحامين للحصول على عفشها وحقوقها عنده ده ماحدث

بالضبط لصديقة لى والطريف الان انها هى التى ترفض الزواج رغم العديدين

تقدموا لهاانسانة زى دى مظلومة ممكن احنا كمان نظلمها ونقول مطلقة ووو

ورغم الموضوع ده تفتكروا ممكن اقبل لابنى انسانة مطلقة مش سهل على

بعقلية قديمة اتربينا عليها نوافق بسهولة وليس معنى كلامى قلة تقدير

او احترام للمطلقة لا بالعكس ولكن لها مايناسبها بعيدا عن شاب لم يسبق

له الزواج ستساوره الشكوك من ناحيتها على كل كبيرة وصغيرة يعنى الرفض فى

مصلحتها اولا وعموما لكل انسان ظروفه الان الشباب بيقبل يتزوج بسيدة

تكبره فى السن لمجرده يسارها ماديا فالاولى قبوله بفتاه فى سنه لم يحالفها

الحظ فى زواجها يعنى هى وجهات نظر مربوطة بالشخص نفسه و باراء اسرته

[masraweya]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

هههههههههههههههههههههههههه

تشبيه بليغ

:lol:

السلام عليكم

ليه التعميم و التشبيه الذي لا ترضاه لمن تعرف؟؟

و مييييين يقدر يحكم مين الأحسن (دينا و خلقا ) بمجرد انها تزوجت من قبل أو لا؟

الموضوع فردي .. المهم أن تجد من ترتاح معه

[لماضة مصرية جدا]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

smk:

الزواج من المطلقه يكون في حاله ان الرجل معيوب هو كمان ومطلق مثلا وعنده طفل وليس مطلق فقط

لان نفسيه المرأه تتحمل ان يكون زوجها متزوج عليها وهي في عصمته وليس ان يكون مطلق فقط

اما نفسيه الرجل فلا تتحمل ان يكون لزوجته شريك سابق وان تحملته يكون اكثر صعوبه من الزوجه

السلام عليكم و رحمة الله و بركاته

فريب اوي منطق تقفيصة العنب....و الاغرب ان احنا في الاخر بنتكلم ع النفسية....معترضة بشكل عنيف جدا جدا جدا جدا من هنا لحد بيتنا في الصعيد....علي كل كلمة جت في مداخلة حضرتك

مذهولة من وجهة النظر...اللي بتفعص في البني آدمين

مصدومة في المعيار بتاع سوق الفاكهة و احنا بنبني علاقة انسانية فيها مودة و رحمة

متاكدة حد اليقين....انا بتكلم في وادي و الناس عايشة في وادي تاني.....يمكن انا اللي عايشة في واد غير ذي زرع؟؟؟

كنت عايزة اعبر عن وجهة نظري اني احط تقييم سالب لكني فضل اني احنا نسمع افكار بعض.....بس من غير التشبيهات الصادمة

تحياتي استاذي

ريهام

[noname]

المطلــــــــــــــــــــــــــــــقة

مسمى قد يخيف معظم الشباب

لفظ نبذه المجتمع

وقبل كل شي ظلمه

ونظر الى المطلقة نظرة

غير صالحة

ادانه المجتمع دونما جريمة

وحكم عليها من غير دليل

لم جعلت المطلقة شخص مرفوض دون سبب؟؟

لم دفنت تلكم المسكينة وهي حية وكان حالها حال المؤدة!!!

امراءة بترها المجتع كمرض خبيث وان لم يكن المجتمع ككل الفئة العظمى منه؟؟!!

انت اياه الشاب

اذا وجدت امراءة صالحة وحسنة الخلق لكنها"مطلقة"اشبه بالمنطقة المحظورة

قف وقفة صدق مع نفسك هل ستتزوجها؟؟

وهل ستكون حياتك كنهر سائر تعترض طريقه الصخور فيلتف حولها وتمخر عبابه السفن فيتطامن لها؟؟

ام ستكون حياة حقيقية كل مافي الحياة من لذة وبؤس وشقاء والم؟؟!!

واذا لايمكنك الارتباط بها ماهو سببك

واتمنى ان يكون السبب مقنع تقتنع به انت قبل ان تقنعنا به..!!!

الســــــــــــــــــــــــــــــــؤال موجه للشباب

لكن رائي الفتيات مطلوب..

[noname]

يا جماعة اياكم والمطلقات واسألوا اخوكم المجرب اللى اتكوى بنارهم

كنت باقول كدة برضة يعنى ذنبها اية لكن للاسف اتضح انها دايما السبب

وانتظروا التفيد بعدين لانى دلوقتى مظطر اقوم

اخويا ابو عمر والله مبسوط اوى لسؤال عنى ورسالتك الجميلة يارب دايما الود موصول

[shiko]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

smk:

الزواج من المطلقه يكون في حاله ان الرجل معيوب هو كمان ومطلق مثلا وعنده طفل وليس مطلق فقط

لان نفسيه المرأه تتحمل ان يكون زوجها متزوج عليها وهي في عصمته وليس ان يكون مطلق فقط

اما نفسيه الرجل فلا تتحمل ان يكون لزوجته شريك سابق وان تحملته يكون اكثر صعوبه من الزوجه

الفاضل/

اسفة جدا حضرتك تعرف جيد انى ما كثيرا اتفق معك فى الراى ....الا انى هذه المرة

مصدوووووووووووومة ....

بجد وجعتنى ....

بجد كنت غير موفق لاختيار الفاظك ....وتشبيهك ....

المطلقة دى اختى واختك ...بنتك ...لا قدر الله ....

منقدرش ابدا ...اننا نقول عليها صاحبة ادمية مفعصة ....

والعشرة جنيه دى تكفى كيلو طماطم ما تزغللش بيها عين بنى ادمة ....غالبا لا يد لها فى ما حدث لها ...

ياريت ماننساش ....ان الطلاق ده شرع الله ...الذى هو حق مشروع للطرفين ...

تم تعديل 7 أكتوبر 2010 بواسطة shiko

[ozoozo]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

smk:

الزواج من المطلقه يكون في حاله ان الرجل معيوب هو كمان ومطلق مثلا وعنده طفل وليس مطلق فقط

لان نفسيه المرأه تتحمل ان يكون زوجها متزوج عليها وهي في عصمته وليس ان يكون مطلق فقط

اما نفسيه الرجل فلا تتحمل ان يكون لزوجته شريك سابق وان تحملته يكون اكثر صعوبه من الزوجه

الفاضل/

اسفة جدا حضرتك تعرف جيد انى ما كثيرا اتفق معك فى الراى ....الا انى هذه المرة

مصدوووووووووووومة ....

بجد وجعتنى ....

بجد كنت غير موفق لاختيار الفاظك ....وتشبيهك ....

المطلقة دى اختى واختك ...بنتك ...لا قدر الله ....

منقدرش ابدا ...اننا نقول عليها صاحبة ادمية مفعصة ....

والعشرة جنيه دى تكفى كيلو طماطم ما تزغللش بيها عين بنى ادمة ....غالبا لا يد لها فى ما حدث لها ...

ياريت ماننساش ....ان الطلاق ده شرع الله ...الذى هو حق مشروع للطرفين ...

عشان نبقي واقعيين هي دي النظره الواقعيه السائده

والكلام غير الواقع ولو حد اتحط في الموقف ده هايفكر الف مره

يعني فعلا ليه اتجوز واحده مطلقه لما ممكن اتجوز واحده مش مطلقه بنفس التكاليف

وبعدين المطلقه اخذت حظها من الدنيا ......واختها الانسه اللي ماتجوزتش خالص من حقها تتجوز لان المطلقه هاتأثر علي فرص الانسه في الجواز

يبقي الصح لما كل الانسات اللي ماتجوزوش خالص ومجربوش حظهم يخلصوا نبدأ التفكير بالمطلقات .

انا بتكلم عن الجواز لما يكون لمجرد الجواز-صالونات يعني-

فاكيد لو حد بيدور علي عروسه من غير مايكون عارفها من الاول وبيدور علي عروسه عشان يتجوز مش بيتجوز عشان هو عارف العروسه وعايز يتجوزها .......حد فاهم حاجه:blink:

واتذكر حديث الرسول عن فضل البكر عن الثيب- هلا تزوجت بكرا تلاعبها وتلاعبك ؟ -

وبعدين دي وجهه نظركم الانثويه صح؟

طيب تعالوا نعكس الموضوع لو اخوكي لسه ماتجوزش وجه يتجوز واحده مطلقه هاتقبلي ؟ طيب باقي الاهل هايقبلوا طيب جيرانكم مش هايستنكروا؟

انا بتكلم عن الواقع وعن المنطق بعيدا عن المثاليه والزائده واليوتوبيات

تم تعديل 7 أكتوبر 2010 بواسطة ozoozo

[ssamir]

السلام عليكم و رحمة الله و بركاته

استاذي الفاضل

طب لو البنت البنوتة اتقدم لها مطلق مثلا.....ايه راي حضرتك....ينفع و لا برضه هياخد التصنيف المصري جدا جدا بتاع "الساكند هاند"

نفسي اعرف مين اللي اخترع المصطلحات دي....و حط البني آدمين في قوالب....و ابتدي يصنف كل البشر...كلهم....اختزل كل تجاربهم في شوية مصطلحات ما اقدرشي اوصفها غير انها تنتمي لقاموس التعاسة

هكلم حضرتك عن علاقة انسانية بتبتدي بين اتنين....كلاهما من خلفيات مختلفة....كل علاقة انسانية ليها تحدياتها....بس لما بتبقي معطيات العلاقة فيها حاجة مخالفة شوية عن العرف و عن القالب اللي اتعودنا نتحرك جواه.....بنفضل حيرانين...و خايفين

من تحديات اي علاقة....

لما البنت بتبقي اكبر- اغني- اكثر تعليما(اوي اي صفة تفضيل حطوها من عندكم) من الولد....

لما الولد او البنت بيرتبط بشريك عنده تجربة زواج سابقة.....

لما الولد او البنت من جنسيات مختلفة...

سلسلة طويلة من التحديات

لو حضرتك بتحب تمشي جوه الصندوق....و ده مش عيب ع فكرة و لا تريقة....ده بس تكون فاهم نفسك كويس و عارف انت تقدر تعمل ايه و متقدرشي تتحمل ايه.....يبقي بتختار العلاقة الامنة....يعني العلاقة اللي تحقق اكبر قدر ممكن من راحة الدمااااااااااااغ و بتعفيك من اي مقاوحة او اي صدام

بس برضه خليني انبه حضرتك موضوع تجربة سابقة للشريك مش بيبان فجأة مثلا.....يعني مش بعد ما تكون عرفت الشخصية ...تفاجا انه مثلا مطلق....انت من البداية تبقي معلق يافطة كده و حاطط فيها ملامح الصندوق اللي انت بتتحرك جواه.....عايز واحدة بنت بنوت....عايز واحدة بيضاء البشرة...عايز واحدة ست بيت....و بقيت ملامح الصندوق....قصدي ملامح الزوجة اللي بترتاح او فاكر انك هترتاح معاها

ع الناحية التانية بقي

لو حضرتك برضه فاهم نفسك...و عارف انك لقيت راحة بالك و سعادتك مع البني آدماية دي اللي عندها تجربة زواج سابقة.....يبقي ده قرار حضرتك مش حد تاني

بلاش حد يقولي مجتمعي.....و بلاش نعملها بالونة مجتمع بتفرقع في وشنا احنا بس و محدش هيحلنا مشاكلنا

لما اتجوز....مطلق....او لما تتجوز مطلقة....دي مش قضية مجتمعية استاذي...

دي قضية مصيرية تتعلق بشخصين فقط انا و زوجي

مش معني كده اني بضرب بعرض الحائط مجتمعي اللي بعيش فيه

لكن انا برفض العرف المجتمعي اللي بيبقي اقوي من مفهومي عن الحلال و الحرام

و برفض ان حد يحاسبني علي صفحة انتهت من حياة شخصين وصلوا في نقطة ما في طريقهم مع بعض انهم مش هيكملوا و قرروا هما الاتنين يقلبوا الصفحة

برفض ان الناس اللي بتعيش بره بيوتنا و بتيجي تتصور معانا في الافراح...و بنفضل نسال نفسنا...مين دول....برفض اني احشرهم في كل صفحة في حياتي

ليه احرم نفسي من سعادة....واخداها بعقلي و قلبي و مستخيرة ربي قبل كل شيء عشان خاطر ناس بنركب مع بعض الاتوبيس الصبح...مش اكتر

لو حضرتك هتتكلم عن مجتمعي...بمعني اسرتي

ااقدر اقول لحضرتك...مهما الاهل بيعترضوا و بيعلنوا الويل و الثبور و عظائم الامور....في النهاية بيوافقوا....مش لوي دراع...هم اكرم عندي من اني احطهم في هذا الموقف....لكن ببساطة لانهم بيدوروا علي سعادابنهم او بنتهم....و اللي بدوره لازم يقنعهم بان ده طريق سعادته

لكن لو هو اصلا متردد...و هيرمي الليلة ع المجتمع يبقي من حق المجتمع مليون الف مرة يركبه و يقوله لا يا ابني...و لا يا بنتي انتي تستاهلي سيد سيده

طب هو كل رجال الدنيا بالنسبة لي....

و هي من النساء تكفيني جدا و تفيض

ايه مشكلتكم بقي؟؟؟

المشكلة ببساطة....ان صاحب المشكلة(اي حد في هذا الموقف و معلق استمراره في الارتباط بالحكاية دي)....عنده مشكلة....و مش عارف ان عنده مشكلة

التردد جاي من جوه البني آدم....و اللي حواليه بيلعبوا ع التردد ده.....يا صاب و سمع الكلام......يا كمل و هو كمان عرف هو عايز ايه بالظبط

في كلا الحالتين

مترفضشي بني ادم او بني ادماية عشان صفحة اتقطعت....و حتي لو رفضته....اعتذر و ارحل في صمت....لكن مافيش داعي تنكأ جراح قد تؤلم البعض كثيرا

سؤال علي الهامش:

لواخت اي حد فينا....وردة بتتفتح قدام عينيك....فرحة بترويها باحساس ابوتك و اخويتك ليها في نفس الوقت....كان قدرها انها تمر بالتجربة دي....يا تري هتفكر ازاي؟؟؟؟

ع جنب بقي

انتو تعرفوا ان من الرجال بيتمنوا....بيحملوا.....بيعدوا النجوم......اه و ربنا....عشان يتجوزوا سيدة مطلقة....(ده في موريتانيا ع فكرة)

سبحان الله....مجتمع قبلي...و تحكمه اعراف القبيلة في كل شيء و من اهمها ان المراة التي سبق لها الزواج هي المرغوبة لانه امر هام جدا للقبائل ان تتالف فيما بينها

دي وجهة نظري الشخصية....و دي صفحة حياتي...الي بحب اكتبها بحروف ابجديتي أنا مش حروف حد تاني

السعادة لما تخبط بابك....استخير......و افتح الباب ع الاخر

بس خلاص

هو الصندوق ده لازم يبقي صندوق صغير قوي كده مش ممكن نكبره شويه لحد ما يسع افكارنا احنا مع اعراف المجتمع

متهيقلي ده في ايدينا احنا بس و مننتضرش المعجزه لما تحصل

(يعني مش بعد ما تكون عرفت الشخصية ...تفاجا انه مثلا مطلق) ....بس ممكن يحصل برده

(لو حضرتك برضه فاهم نفسك...و عارف انك لقيت راحة بالك و سعادتك مع البني آدماية دي اللي عندها تجربة زواج سابقة.....يبقي ده قرار حضرتك مش حد تاني)

مهو الناس بتجوز ليه مش علشان تبقي سعدا و السعاده مش مربوطه بشروط و بعدين ندور علي اللي يستوفي الشروط و ممكن احنا منستوفيش شروطه هو كمان و نرجع ندور تاني و العمر بيضيع في البحث عن الرابح الاكبر

طب انا مهندس و كنت بقول بس مش هرتبط الا بباشمهندسه زيي هي دي الدماغ اللي هتظبط معايا و رغم كده محصلش رغم وجود مهندسات في الشغل و الماجستير ليه ...مش عارف

(مترفضشي بني ادم او بني ادماية عشان صفحة اتقطعت....و حتي لو رفضته....اعتذر و ارحل في صمت....لكن مافيش داعي تنكأ جراح قد تؤلم البعض كثيرا)

مهو هو ده اللي بيخوف هل الاهتمام اصبح شفقه ساعتها الانسحاب احسن بس لو الاهتمام للشخص نفسه ليه لا

لكن ظني ان كل زلك سينتهي في الاعوام المقبلة مع ظهور مستجدات جديدة واعراف جديدة

وليس كل ما هو ات سيئ

استاذي ...تحياتي

بس سؤال....هو التغيير القادم....و الاعراف القادمة....مين بيعملها

مش احنا برضه

مش احنا اللي بنختار مصايرنا....

بعض الناس ممكن بتحب تكون في الصف الاول...و بتتحمل ما يكيل لها من صفعات...دول قادة التغيير الحقيقين...اللي بيؤمنوا بحاجةو بيصدقوها و بيسعوا في الارض محققين لمراد الله

و البعض الاخر....هينتظر....و ينتظر....و ينتظر

و كلاهما له حرية الاختيار

اي الفريقين بتحب تكون؟؟؟

ده اختيارك

تحياتي

كلامك قريب من افكاري يا اخت ريهام

المجتمع الشرقي بتاعنا كنت هشيله فوق راسي لو بيطبق كتاب الله في كل اموره