الزواج من المطلقه

[لماضة مصرية جدا]

بس هو تعليق صغنن كده

معظم الرجالة قبل الجواز بربند وبعد الجواز بيتحولوا لابو الهول طيب ليه

الحمد لله حياتنا مش كده بس دى شكوى عامة من معظم الستات

يا نهار أبيض يا أ. هند هو موضوع أبو الهول حتى في الغربة .... يبئى مش مصر السبب بئى :)

شكوى الستات من موضوع أبو الهول دي بئت عاملة لنا شبهة في كل حتة حتى برة مصر حرام عليكم :rolleyes: حتى لو الراجل بيتكلم يطلع موضوع تاني هو معدشي بيقول كلام حلو ليه ...

معلشي فاصل و نواصل عشان نهدي الجو خدوا شوفوا الفيديو القديم ده عن احوال المخطوبين و المتزوجين ( إبدأ من نص الفيديو ) و بعدين نرجع تاني للمناقشة

http://www.youtube.com/watch?v=Qb1FkXcipXc

تحياتي للجميع

أبو عمر

السلام عليكم و رحمة الله و بركاته

استاذتي هند

ليه الراجل بيبقي ابو الهول.....مش يمكن المودام هي "أم الهول"....

سمعت حاجة في التلفزيون بتقولك

الراجل بجد بيبقي مش عارف

حقيقي بيتكلم مع اصحابه

بس لما بيجي البيت بيبقي مش عارف يتكلم في ايه

مش عارف يقضي وقته مع مراته و وولاده في البيت إزاي

هو بجد مش عارف

لكنه اكيد مش متعمد انه ياخد لقب ابو الهول

بجد....المتجوزين...الدور اللي مبيعرفوش يلعبوه مع بعض هو دور انهم يكونوا اصحاب بعض

بيلعبوا دور الزوج و الزوجة....و بيجربوا في عيالهم دور الاب و الام...لكن محدش فيهم بيحاول يخلي جوزه صاحبه او جوزته صاحبته

استااااااااااذي ابو عمر

عجبتني انا اوي بئي....الكلمتين اللي بلاحمر دولم(وش عمر لما بيشاكس فيك اوي.... :lol: )

سؤال ع هامش المؤتمر...هو المنولوجست اللي ف الفيديون دوت هو حمادة سلطان بس مركب حتة موكيت علي ام دماغه.....و لا ايه.... :blink:

دلوقتي بئي...(علي راي ابو عمر :lol: )...نرجع نتخانق...قصدي نرجع نقرطف في ادمغة بعض wst::

مساااكم وجهات نظر....و ع فكرة...مافيش حاجة اسمها جواز....بس فيه اتنين متجوزين....يعني االاتنين اللي بيختاروا بعض بارادة الله بيعملوا كتاااااااب خاص بيهم....مالوش دعوة باللي قبلهم....و اللي هيقراه من بعدهم...يمكن يمصمص شفايفه و يمشي....بس دي حياة

و دي برضه وجهة نظر

فوتكم بعافية

[عبير يونس]

لما يكون معاك عشره جنيه

وفي كيلو عنب مفعص بعشره جنيه

وكيلو عنب لسه بنضارته وعليه لسه تغليفه وبعشره جنيه برضه تجيب ايه

smk:

الزواج من المطلقه يكون في حاله ان الرجل معيوب هو كمان ومطلق مثلا وعنده طفل وليس مطلق فقط

لان نفسيه المرأه تتحمل ان يكون زوجها متزوج عليها وهي في عصمته وليس ان يكون مطلق فقط

اما نفسيه الرجل فلا تتحمل ان يكون لزوجته شريك سابق وان تحملته يكون اكثر صعوبه من الزوجه

يا أخي الفاضل اتق الله

العنب المفعص ده تشبيه يصلح لإمرأ ساقطة أو عاهرة عند مقارنتها بأخرى شريفة عفيفة

و لا يجوز ان تصف به مطلقة تزوجت بشرع الله

و تطلقت أيضا بشرع الله

[Howayda Ismail]

هههههههههههههههههههههههه

جامدة دى يانيت انت بقيت زعيم المتمردين ولا ايه

نفسنا نفرح فيك زى عنبو

والله يا أ.هند الواحد اتصدم في حياته كثير وربنا يستر من الصدمة الكبري , لان ساعتها الواحد ممكن hypr:

أكيد هتفرحى ان شاء الله عن قريب , الحاج والحاجة واقفين على باب المطار نفسهم يلمحونى بس علشان يخطفونى على الزفة عدل , وانا عمال أتلكع في النزول وأقولهم والله ما انا نازل , ههههههههه:ninja:

وربنا يفرح عنبو ويسعدوا يارب :flr1:

ان شاء الله مافيش صدمة ولاحاجة الطيبون للطيبات بس عشان الجواز ينجح بينجح بالاتنين

مش بواحد بس وربنا يوفقك وتلاقى بنت الحلال عشان تفرح الحاج والحاجة

[Howayda Ismail]

بس هو تعليق صغنن كده

معظم الرجالة قبل الجواز بربند وبعد الجواز بيتحولوا لابو الهول طيب ليه

الحمد لله حياتنا مش كده بس دى شكوى عامة من معظم الستات

يا نهار أبيض يا أ. هند هو موضوع أبو الهول حتى في الغربة .... يبئى مش مصر السبب بئى :)

شكوى الستات من موضوع أبو الهول دي بئت عاملة لنا شبهة في كل حتة حتى برة مصر حرام عليكم :rolleyes: حتى لو الراجل بيتكلم يطلع موضوع تاني هو معدشي بيقول كلام حلو ليه ...

معلشي فاصل و نواصل عشان نهدي الجو خدوا شوفوا الفيديو القديم ده عن احوال المخطوبين و المتزوجين ( إبدأ من نص الفيديو ) و بعدين نرجع تاني للمناقشة

http://www.youtube.com/watch?v=Qb1FkXcipXc

تحياتي للجميع

أبو عمر

بص العبء الاساسى كله على الزوجة انها تخليه ابوالهول لما من اول مايدخل من الباب

تعبان تحكى عن الجيران وفلانة وعلانة وشوية وتدخل عيالك عملوا وسوا وغير عاوزة وعاوزين

من غير حتى مايلقط نفسه وغير كده فى ستات عاوزة جوزها محبوس فى البيت ولاالحبس

الانفرادى يتطلع فى طلعتها البهية ماهى حاجة تزهق برضه وده اللى بقوله لاى واحدة

بتشتكى تشوف الخلل فين وتصلحه يرتاح الاول وياخد نفسه يشكى عن مشاكله فى الشغل

او يومه قضاه ازاى ملوش دعوة بام محمد ولام فلان ومشاكل الاولاد لما حتى يتغدى او لما يقوم

من نوم الضهرية لما دماغه يفرغ من شحنة اليوم اكيد حيهرب للجرنان والنت

لازم كل واحد من الاتنين ياخد مساحة بعيد عن تانى مع اصحابه او هواياته

عشان ميبقاش سجن على الاقل بالنسبة للراجل على شرط بلاش تحقيق كنت فين ومع مين

وتقرير مفصل واتصال كل 5 دقايق خصوصا مع وجود الموبايل دلوقت غير زمان

[Howayda Ismail]

السلام عليكم و رحمة الله و بركاته

استاذتي هند

ليه الراجل بيبقي ابو الهول.....مش يمكن المودام هي "أم الهول"....

سمعت حاجة في التلفزيون بتقولك

الراجل بجد بيبقي مش عارف

حقيقي بيتكلم مع اصحابه

بس لما بيجي البيت بيبقي مش عارف يتكلم في ايه

مش عارف يقضي وقته مع مراته و وولاده في البيت إزاي

هو بجد مش عارف

لكنه اكيد مش متعمد انه ياخد لقب ابو الهول

بجد....المتجوزين...الدور اللي مبيعرفوش يلعبوه مع بعض هو دور انهم يكونوا اصحاب بعض

بيلعبوا دور الزوج و الزوجة....و بيجربوا في عيالهم دور الاب و الام...لكن محدش فيهم بيحاول يخلي جوزه صاحبه او جوزته صاحبته

بصى ياريهام كلامك صح 100% بس الشكوى عامة لان مش كل الازواج اصحاب فى سى السيد

وفى عطية المفترية وكتير مافيش قاعدة مشتركة للحوار بينهم وساعات يسمى

لاقدر الله الطلاق النفسى او المعنوى تحت سقف واحد مع ولادهم لكن كل واحد فى وادى

يمكن بيرجع لاختلاف الثقافات او الاهتمامات او التكافئ مش عارفة بالضبط

وكلام فى سرك على مدار اكتر من عشرين سنة زواج غير فترة الخطوبة واحنا الحمد لله اصحاب

لدرجة فعلا ناس بتحسدنا سواء اهل او اصدقاء وبقيت اخبى دلوقت وادعى المشاكل

كل ست عارفة مفاتيح زوجها فلازم تعرف امتى تتكلم وامتى تسكت وتتكلم فى الوقت

المناسب وخصوصا طغوت الحياة صعبة جدا خارج البيت على الرجل من زحمة وظروف العمل

واخلاق الناس وووووو يرجع عاوز يرتاح مش يلاقى هم قدامه

[جويرية]

عن جابر بن عبد الله رضي الله عنهما قال هلك أبي وترك سبع بنات أو تسع بنات فتزوجت امرأة ثيبا فقال لي رسول الله صلى الله عليه وسلم تزوجت يا جابر فقلت نعم فقال بكرا أم ثيبا قلت بل ثيبا قال فهلا جارية تلاعبها وتلاعبك وتضاحكها وتضاحكك قال فقلت له إن عبد الله هلك وترك بنات وإني كرهت أن أجيئهن بمثلهن فتزوجت امرأة تقوم عليهن وتصلحهن فقال بارك الله لك أو قال خيرا . رواه البخاري ( 5052 )

الأولي للأعزب ان ان يتزوج من بكر الا اذا كان هناك مصلحة لذلك

زي قصة سيدنا جابر ان ابوه مات و ترك له 9 اخوات

او لأي سبب اخر ، كأن وجد الشخص مطلقة علي خلق ودين ،

او بسبب ظروف العمل المختلط ، و ان المطلقة معه في العمل

او ظروف مادية

ناخد بالنا

ان الرسول صلي الله عليه و سلم دعا لسيدنا جابر بالبركة في نهاية الحديث علي زواجه بالثيب

تم تعديل 10 أكتوبر 2010 بواسطة جويرية

[جويرية]

كمان الرسول صلي الله عليه و سلم هل يأمر بشئ و يأتي بعكسه

الرسول صلي الله عليه و سلم بدا حياته بالزواج بالسيدة خديجة رضي له عنها

الأولي بالتزويج هي البكر ، دي ليها مميزاتها ودي ليها مميزاتها

حديث الرسول صلي اللع عليه و سلم ، اللي الأن الناس بيستخدموه عشان يقولوا ان المطلقة في مرتبة اقل ، مش معناه كدة

اللي كان بيحصل زمان ، ان الناس بتفضل الزواج من المطلقة

ممكن يكون عندها مال او منزل او اطفال

في عهد كان الأنسان ثروة بشرية ، مش في عهد تنظيم الأسرة و قتل الأجنة

العمل كان يدوي ، و ان لو مطلقة معها اطفال ، حيكسب ثواب انه يربي الأطفال دول ، في نفس الوقت هما حيساعدوه ، في عمله

كان بيعتبروا ان الرجال عزوة ، ده زمان بأة الكلام ده

الرسول صلي الله عليه و سلم بقلبه الرحيم ، لا ينسي الضعفاء

و ذكر سيدنا جابر بمميزات البكر ، و هيا انها طفلة

ما زمان البكر كان بيبقي سنها 9 سنوات او 10 سنوات

مش بكر في سن ال 25 و ال 30

،

تم تعديل 10 أكتوبر 2010 بواسطة جويرية

[جويرية]

سؤال الأخ صاحب الموضوع

لو اتعرفت علي بنت وطلعت مطلقة ، ها انسحب ولا أكمل

في رأيي اكيد يكمل

المقارنة بين البكر و المطلقة

ده لما يكون مفيش صلة بينه و بين الأتنين

يعني هوه بيختار عروسة ، و بيختار ايهما افضل

لكن هوه بالفعل علي صلة بواحدة ، و فيه تفاهم بينهم

يبقي يسبها ليه

[اغابي]

اسمحولى اشارك فى الموضوع

من وجهة نظر تحليلية شخصيه

بالنسبة للمطلقة انا باعتبرها بتمتلك احساس اعلى من اى زوجة عادية وشخصية اقوى بكثير من اى امراه اخرى

- بسبب التجربة الاليمة والصعبة اللى مرت بيها

والمطلقة بتبقى خبرتها فى التعامل مع الزوج الثاني حتكون افضل من اى زوجة عادية

لانها بتضيف فى معاملاتها للزوج التانى خبرتها الشخصية فى التجربة الاولى واللى طبعا هى اول الكل حريصة على الا يتكرر الخطأ مرتيني

- فتبدأ فى التللين ومراعاه مشاعر الزوج الثاني بطريقة منظمة

المطلقة افضل فى التعامل مع الاخرين عن الزوجة العادية وتبدأ الحرص الشديد

فى التعامل مع الاخرين بسبب تجربتها التى عرفت من خلالها انتقادات الكل او اشياء اخرى قد تتعرض لها المطلقة من مضايقات مختلفة

اخيرا انا فى راى اتجوز مطلقة افضل من ان تتزوج امرة انت اول رجل بحياتها ومش حتندم ابدا

اغابي

[جويرية]

غالبا اللي بيرفض زواج ابنه من مطلقة بيبقي الأم مش الأب

و منطق الأمهات غريب في الموضوع ده

تقولو يا بني ده اليوم اللي انا بستناه طول عمري و نفسي اشوفك في الكوشة و الفرح و المعازيم

وكأن المفروض الواحد ياخد كل حاجة في الدنيا دي

ناس اتحرمت من نعمة الأطفال اصلا

و هيا الأم فرحت بابنها من اول ما بيمشي لغاية نجاحه كل كل سنة

و عدت عليها مناسبات حلوة كتير

ضحي بموضوع يوم الفرح ده

و فلوس الفرح ممكن تتصدقوا بيها

[se_ Elsyed]

الغريب بقى إن العنب المفعص ده ممكن تكون اخت الواحد أو قريبته وحدث أي ظروف أدت إلى الطلاق ... فهل يقبل الإنسان إن يتقال على أخته كده ؟

المُطلقة في مجتمعاتنا الشرقية الرجعية هي إنسانة مُذنبة خربت بيتيها بنفسها .. لكن في نفس الوقت جوزها زي الفل وهي اللي لازم تبقى مُخطئة .. مش مهم نعرف الأساب التي أدت إلى الطلاق .. هي اللي غلطانه وخلاص عشان نقفل الموضوع ...

كمان ما فيش مانع إن المطلقة تقبل المنخنقة والموقوزة والمتردية والنطيحة وما أكل السبع من الرجال طبعاً ... يعني تبقى زوجة تانية ومُحظيه ما فيش مانع ... نضرب ورقتين عرفي ما فيش مانع .... تقبل واحد أرمل أو مُطللق وعنده كوم عيال وهي تربي فقط أرخص من الشغالة .. شغال برضوا ما يضرش ....

بإختصار : أنا ضد القولبة . وخلق نماذج يُمكن تطبيقها على جميع الحالات .... فما أقبله أنا قد لا يقبله غيري .. لإن لكل شخص ظروفه ....

على سبيل المثال ... الشاب اللي عاوز جوازه والسلام ومش مهم الحب ييجي بعدين مع العِشرة ... بالتأكيد مش هايبحث عن مطلقة ..

والشخص الذي يختار بعقله وقلبة ويُركز على الحب والرومانسية والراحة النفسية من جميع النواحي .. مش هاتفرق معاه إذا كانت مُطلقة أو غيره ...

أما حكاية إن واحده تبقى مطلقة وبعدين تتزوج وفي مره الزوج الثاني يقابل الأول في الشارع وما إلى ذلك ....

فده شيء عادي بالتأكيد ... لإن قس على ذلك لو تقدمت لبنت وكانت مخطوبة قبل كده ... بل بالعكس . في أحياناً بنات بيتكتب كتابها وبتطلق قبل الزواج ... فيها إيه دي ؟

لا يضرها شيء ... ولا يعيبها شيء .....

دي ست كانت متجوزه على سُنة الله ورسولة مش ممسوكه تلبس في قضية !!!!!!

[shiko]

الغريب بقى إن العنب المفعص ده ممكن تكون اخت الواحد أو قريبته وحدث أي ظروف أدت إلى الطلاق ... فهل يقبل الإنسان إن يتقال على أخته كده ؟

المُطلقة في مجتمعاتنا الشرقية الرجعية هي إنسانة مُذنبة خربت بيتيها بنفسها .. لكن في نفس الوقت جوزها زي الفل وهي اللي لازم تبقى مُخطئة .. مش مهم نعرف الأساب التي أدت إلى الطلاق .. هي اللي غلطانه وخلاص عشان نقفل الموضوع ...

كمان ما فيش مانع إن المطلقة تقبل المنخنقة والموقوزة والمتردية والنطيحة وما أكل السبع من الرجال طبعاً ... يعني تبقى زوجة تانية ومُحظيه ما فيش مانع ... نضرب ورقتين عرفي ما فيش مانع .... تقبل واحد أرمل أو مُطللق وعنده كوم عيال وهي تربي فقط أرخص من الشغالة .. شغال برضوا ما يضرش ....

بإختصار : أنا ضد القولبة . وخلق نماذج يُمكن تطبيقها على جميع الحالات .... فما أقبله أنا قد لا يقبله غيري .. لإن لكل شخص ظروفه ....

على سبيل المثال ... الشاب اللي عاوز جوازه والسلام ومش مهم الحب ييجي بعدين مع العِشرة ... بالتأكيد مش هايبحث عن مطلقة ..

والشخص الذي يختار بعقله وقلبة ويُركز على الحب والرومانسية والراحة النفسية من جميع النواحي .. مش هاتفرق معاه إذا كانت مُطلقة أو غيره ...

أما حكاية إن واحده تبقى مطلقة وبعدين تتزوج وفي مره الزوج الثاني يقابل الأول في الشارع وما إلى ذلك ....

فده شيء عادي بالتأكيد ... لإن قس على ذلك لو تقدمت لبنت وكانت مخطوبة قبل كده ... بل بالعكس . في أحياناً بنات بيتكتب كتابها وبتطلق قبل الزواج ... فيها إيه دي ؟

لا يضرها شيء ... ولا يعيبها شيء .....

دي ست كانت متجوزه على سُنة الله ورسولة مش ممسوكه تلبس في قضية !!!!!!

ينصر دينكم يا استاذ ...نفيسة (وش عادل امام فى شاهد ماشفش حاجة )

تم تعديل 10 أكتوبر 2010 بواسطة shiko

[جويرية]

يا جماعة اياكم والمطلقات واسألوا اخوكم المجرب اللى اتكوى بنارهم

كنت باقول كدة برضة يعنى ذنبها اية لكن للاسف اتضح انها دايما السبب

غالبا الزوج هوه السبب ، اي ست عربية مش بتضحي ببيتها بسهولة

و لو قلنا جايز تكون هيا السبب

لازم الواحد يسأل كويس عن اللي حيتقدملها

دي غلطته انه مسألش عنها

تم تعديل 10 أكتوبر 2010 بواسطة جويرية

[جويرية]

وبعدين المطلقه دي لما جوزها الاولاني يقابلها في الشارع وتتلاقي العيون ساعتها اعمل ايه انا ابتدي العب دور قفص الجوافه-اهو كل الفاكهه اهو عشان ماحدش يقول اني متحيز للعنب- ولا لما تقعد الهانم تقارن بيني وبين جوزها الاولاني وقد ايه كان حنين انما انا مفتري

عيون ايه اللي تتلاقي ، ده واحد اهانها و طلقها ، يعني غالبا بتكرهه ، او علي الأقل لا يوجد له عندها اي مشاعر ، زيه زي اي واحد ماشي في الشارع

و بعدين حسن الخلق في الميزان لا يعادله اي شئ في الدنيا

لو انسانة اخلاقها كويسة ، ممكن يتغاضي عن كونها مطلقة

و يعتبر ان ده عيب محتمل

ما ممكن يتجوز واحدة تحول البيت الي جحيم من المشاكل

يبقي ايهما افضل

[engmido]

عموما كل فولة ولها كيال

بالبدى كده

انما لا يجوز ان نتهم المطلقة اتهامات باطلة

ولا ننفى حق الاعزب فى الزواج من شابة وانسة زيه

وهو ده اللى كان بيقوله اوزوز اوزو..ةولكن خانه التعبير :rolleyes:

بس كده.....انما كل فولة ولها كيال...و

واوعى حد يفهم غلط ويقولى احنا خلصنا من العنب المفعص دخلنا فى الفول...ههههه

[عادل أبو عمر]

الفاضلة لماضة هانم

ردا على سؤالك عن المنولوجست هو مش حمادة سلطان ده واحد اسمه عصام بركات كنا بنشوفه زمان أيام حفلات أضواء المدينة في التلفزيون المصري من عشرتاشر سنة كدة و لا حاجة أيام مكنش فيه دش و لا بانيو :)

بخصوص الاتنين المتجوزين في رأيي مفيش حد ملاك و لازم الأمور تمشي بين الزوجين على كدة ... يعني كل واحد يفهم طبيعة التاني ..

في رأيي أن الرجل مطلوب منه يسمع اكثر ما يتكلم ... ليه بئى ؟؟ لأنه بطيعته بيحدف كلام :sad: آااااه و بيقطم أي موضوع ما هو طول النهار يا عيني في غلب في شغله يا مع مديره يا مع الناس اللي شغالين معاه .. يا مع الطماطم المجنونة و حساباتها .. ورغم إنه يبدو عليه تكبير الدماغ و مطنشاتي كبير .. و ده ظن فئة محدودة من الزوجات ... و بكرر تاني اهو فئة محدودة لا تزيد نسبتها عن 99.9999999 % و هي نسبة غير كبيرة مقارنة ببعض الزوجات في المريخ :) تنظر للزوج على إنه شايل هم بيته و عياله أكتر من سنين عمره و عارفين إن الزوج ميقدرشي يبوح بهمومه ... إنها مسئوليتك أيها الزوج المحترم و هتشيل يعني هتشيل

الغريب إن الزوج ممكن في لحظة صفا مزاجه يروووووء و يحب يقعد مع زوجته ... إذ يفوجئ بعد أول كلمة يا الموضوع اتقلب سوبر ماركت يا مشاكل الولاد والتعليم يا وساوس نضافة ياحاجات عايزة تتصلح يا مشاريع استثمارية عظيمة ... الراجل بيحس إن كل شكوى من المرأة هو أمر توريد معتمد من رئيس القطاع و مدة التوريد فيمتو ثانية و ده مش عيب في الراجل لإن دماغه كدة .. فاهم أي طلب تطلبه المودام يعني حاجة ناقصة في البيت وواجبة التنفيذ فيئعد يعد الحاجات المطلوبة يلائي إنه ورط نفسه في القعدة دي .. أووووم دوغري ماسك الريموت و جايب قناة الجزيرة الوثائقية smk:

بجد بجد هي المراة بطبيعتها شكاية ... ممكن دي رؤية بعض الرجالة ... مش كتير.. يعنيييييييييييييي تقريبا 99 % B) لكن نسبة كبيرة 1 % من الرجالة يفهمون انها ليست شكاية و لكنها زوجة تحتاج الاهتمام من زوجها مش عاوزة منه غير الاهتمام و المودة و الرحمة .. مش عاوزة غير بس حد يسمعها بعد تعب طول اليوم مع العيال وتجهيز الأكل و التنضيف و الغسيل و ممكن الشغل كمان .. هي عايزة تكلم جوزها ... عايزاه يسمعها بس مش ضروري يعمل الحاجات اللي يسمعها و لا حتى ربعها بس يسمع ... ومسموح له أحيانا أن يعارضها بكلمات محددة .. زي إييييه ؟ زي إييييييه ؟ ... آه مثلا ممكن يقول .... فعلانننننننننننن أو وده رأيي انا كمان .. عمرك أطول من عمري ... وكدة يعني .... هتلاقي كوباية الشاي نازلة لك زي الباشا و يمكن تووووسعد و يجيلك مج ميسكوفيه كأنك حكيم الزمان bv:-

لا تستعجل سيدي حكيم الزمان بعد قعدتين تلاتة من دول يتاخد لقب تانييييييييي أهم و هو أبو الهووووول بعظمته و حكمته و صبره و سكوووووووووته

كلمات .. الرجل يحب بـ عينيه غالباًُ &المرأة تحب بـ أذنها و قلبها غالبا

ربنا يراضينا جميعا و يحفظ بيوتنا لأن بجد موضوع الطلاق ده متعب لأقصى درجة .. ممكن الزوجين بعد الطلاق يستريحوا أو يتعبوا لكن الأولاد أكيييد بيتعذبوا

أسيبكم بئى زهئتكوا md2:

تحياتي للجميع

أبو عمر

[ozoozo]

شكرا ياجماعه

بعد كلامكم ده وتعديدكم مزايا المطلقه عن البكر

انا فعلا اقتنعت ومش عارف ازاي ماتجوزتش مطلقه من زمان

وهاعمل جروب علي الفيس بوك اسميه خدها مطلقه وسيبك من الانسه دي المطلقه حلوه وملبسه

[nightmare]

شكرا ياجماعه

بعد كلامكم ده وتعديدكم مزايا المطلقه عن البكر

انا فعلا اقتنعت ومش عارف ازاي ماتجوزتش مطلقه من زمان

وهاعمل جروب علي الفيس بوك اسميه خدها مطلقه وسيبك من الانسه دي المطلقه حلوه وملبسه

هههههههههههه

فكرة جامد يا ozoozo , واسم جروب رائع

بس ابقي شوف مين بقي يشترك معاك :unsure:

[جويرية]

شكرا ياجماعه

بعد كلامكم ده وتعديدكم مزايا المطلقه عن البكر

انا فعلا اقتنعت ومش عارف ازاي ماتجوزتش مطلقه من زمان

وهاعمل جروب علي الفيس بوك اسميه خدها مطلقه وسيبك من الانسه دي المطلقه حلوه وملبسه

أنا بشكر كل الأخوة اللي تعاطفوا مع موضوع العنب المفعص قصدي المطلقات يعني

أنا قلت دي يمكن زلة لسان للأخ أوزو

بس واضح انه مصر علي كلامه

دي جريمة مع سبق الأصرار و الترصد :)

تم تعديل 10 أكتوبر 2010 بواسطة جويرية

[جويرية]

ببنوصف عصرنا دلوقتي بعصر التقدم و الحضارة و ، و زمان عصور التخلف

وناس تقول هوه احنا حنلرجع لأيام العيشة في الصحرا و ركوب الجمال

اهم الناس دول كانوا اكثر حضارة و رقي مننا

حقوق الأنسان اللي الناس كانت عارفها بالفطرة من غير شعارات كتير

احترام النفس البشرية اللي خلقها الله عز وجل مهما كانت ظروفها

الرسول صلي الله عليه و سلم لما المرأة الخاطبة عرضت عليه السيدة خديجة ، قال ( من لي بمهر خديجة ) ان السيدة خديجة دي مهرها غالي ميقدرش عليه ، ده مهر سيدة متزوجة مرتين قبل كدة

دلوقتي يستخسر يجيب شبكة لواحدة مطلقة ، و الناس يقولوا ما كفاية جبلها اي هدية مش هيا مطلقة

في حديث أم زرع ، واحد بيوصف واحدة جميلة ، بيقول ان معاها ولدان كالفهدان ، يعني عندها طفلين كأنهم نمور

طبعا دلوقتي لو واحد فكر يتجوز واحدة مطلقة و عندها اطفال ، اول حاجة يقولها مشوفش ولادك خالص

السيدة زينب بنت جحش أكبر وليمة عملها الرسول صلي الله عليه و سلم في عرسها و كانت شاه ، حتي السيدة عائشة كانت بكر و ليمتها كانت شعير

أما دلوقتي لو واحد اتجوز واحدة مطلقة و عمل حفلة علي الضيق ، الناس يبقي مش عاجبهم و يقولوه مش كفاية عليها ما هيا عملت فرح قبل كدة