هل ستشرب ... !!!!!

[nightmare]

هل ستشرب....!!!!

يحكى أن طاعون الجنون نزل في نهر يسري في مدينة ..

فصار الناس كلما شرب منهم أحد من النهر يصاب بالجنون ..

وكان المجانين يجتمعون ويتحدثون بلغة لا يفهمها العقلاء ..

واجه الملك الطاعون وحارب الجنون ..

حتى إذا ما أتى صباح يوم استيقظ الملك وإذا الملكة قد جنت ..

وصارت الملكة تجتمع مع ثلة من المجانين تشتكي من جنون الملك !!

نادى الملك بالوزير : يا وزير الملكة جنت أين كان الحرس ..

الوزير : قد جن الحرس يا مولاي

الملك : إذن اطلب الطبيب فوراً

الوزير : قد جن الطبيب يا مولاي

الملك: ما هذا ، من بقي في هذه المدينة لم يجن ؟

رد الوزير : للأسف يا مولاي لم يبقى في هذه المدينة لم يجن سوى أنت وأنا

الملك : يا الله أأحكم مدينة من المجانين

الوزير : عذراً يا مولاي ، فان المجانين يدعون أنهم هم العقلاء ..

ويدعون بأنه لا يوجد في هذه المدينة مجنون سوى أنت وأنا

الملك : ما هذا الهراء ! هم من شرب من النهر وبالتالي هم من أصابهم الجنون !

الوزير : الحقيقة يا مولاي أنهم يقولون إنهم شربوا من النهر لكي يتجنبوا الجنون!!

لذا فإننا مجنونان لأننا لم نشرب..

ما نحن يا مولاي إلا حبتا رمل الآن ..

هم الأغلبية .. هم من يملكون الحق والعدل والفضيلة ..

هم الآن من يضعون الحد الفاصل بين العقل والجنون

هنا قال الملك : يا وزير أغدق علي بكأس من نهر الجنون ... إن الجنون أن تظل عاقلا في دنيا المجانين !!

بالتأكيد الخيار صعب .. عندما تنفرد بقناعة تختلف عن كل قناعات الآخرين .. عندما يكون سقف طموحك مرتفع جداً عن الواقع المحيط .. هل ستسلم للآخرين.. تخضع للواقع ... وتشرب الكأس ؟* هل قال لك أحدهم : معقولة فلان وفلان وفلان كلهم على خطأ وأنت وحدك الصح !.. إذا وجه إليك هذا الكلام فاعلم أنه عرض عليك لتشرب من الكأس

عندما تدخل مجال العمل بكل طموح وطاقة وإنجاز .. وتجد زميلك الذي يأتي متأخرا وانجازه متواضع يتقدم ويترقى وأنت في محلك .. هل يتوقف طموحك .. وتقلل انجازك ... وتشرب الكأس؟

أحياناً يجري الله الحق على لسان شخص غير متوقع .. مرت طفلة صغيرة مع أمها على شاحنه محشورة في نفق .. ورجال الإطفاء والشرطة حولها يحاولون عاجزين إخراجها من النفق .. قالت الطفلة لأمها .. أنا اعرف كيف تخرج الشاحنة من النفق ! استنكرت الأم وردت معقولة كل الاطفائيين والشرطة غير قادرين وأنت قادرة ! ولم تعط أي اهتمام ولم تكلف نفسها بسماع فكرة طفلتها .. تقدمت الطفلة لضابط المطافئ : سيدي افرغوا بعض الهواء من عجلات الشاحنة وستمر ! وفعلا مرت الشاحنة وحلت المشكلة .. وعندما استدعى عمدة المدينة البنت لتكريمها .. كانت الأم بجانبها وقت التكريم والتصوير !..!

وأحيانا لا يكتشف الناس الحق إلا بعد مرور سنوات طويلة على صاحب الرأي المنفرد ..

غاليلوا الذي أثبت أن الأرض كروية لم يصدقه أحد ..

وسجن حتى مات !

وبعد 350 سنة من موته اكتشف العالم أن الأرض كروية بالفعل ..

وأن غاليليو كان العاقل الوحيد في هذا العالم في ذلك الوقت ...

الأمر كله يعتمد على إيمانك بالقضية وثقتك في نفسك وثقتك في الاخرين من حولك ..

والآن السؤال موجه لك أنت ..

إذا عرض عليك الكأس ..

هل تفضل أن تكون مجنونا مع الناس !

أو تكون عاقلا وحدك

تم تعديل 9 أكتوبر 2010 بواسطة nightmare

[ozoozo]

عندما تكون في روما تصرف كما يتصرف اهل روما

حتي لو كان هذا التصرف هو الجنون

القصه دي بتفكرني بروايه ارض العميان لهربرت جورج ويلز

عندما سقط شخص مبصر في ارض كلها من العميان فصار هو الشاذ الوحيد

[nightmare]

انا بقالى شهر يا ozoozo يا أخويا عاوز أكتب الموضوع ده ومش عارف أكتبه إزاى , فكرت أكتب موضوع بعنوان "طب اعاملكم إزاى" , انا حاسس فعلاً إنى شاذ وسط الناس هنا في الشغل جداً وأنا ليا تفكير والناس كلها تفكير تانى خالص , وبسأل نفسي دائماً مش معني انا اللى شاذ عن الناس , هو مين فينا صح , أقولكم موقفين اثنين بس وأحكموا انتوا.

من اسبوعين واحد صاحبنا عمل حادثة بالسيارة والحمد لله جت سليمة لكن الشركة مأمنة ضد الغير فقط , طلعت تكاليف إصلاح السيارة حوالى 1800 ريال , والسيارة دي على فكرة هي الملطشة بتاعتنا يعني اى واحد عاوز يروح مشوار ياخدها والواد صراحة غلبان ولسه جاى من مصر واول شهر ليه شغل وكمان اللى بيطلب منه حاجة ما بيتأخرش عليه , المهم , الواد صعب على بجد وقلت طب ما احنا بتاع 10 في الشغل ما نلم من بعض كل واحد 100 ريال يبقي 1000 وهو يدفع 800 , بس نص العمي ولا العمي كله.

عرضت الفكرة على الناس , تسمع كلام غريب , اللى يقولك واحنا مالنا , واللى يقولك طب خليها أخر الشهر واللى يقولك ما الشركة تدفعله ويقسطوهم عليه , بقيت خارج من الإجتماع أضرب كف على كف وأقول هو فيه ايه , ايه اللى جرا للناس هيا 100 ريال دي فلوس , سبحان الله:sad:

أنا من الناس اللى بتسمع أكثر ما بتتكلم , فأول ما جيت هنا كل واحد ييجي يقعد معايا في المكتب بالساعة والإثنين شفت فلان عمل ايه وعلان عمل ايه وهكذا , وكنت خجول في الأول ما بحبش أكسف حد , يعني اسمع من ودن وأنفض من الثانية وخلاص لكن الموضوع زاد عن حده قوي كل الناس هنا بلا إستثناء تلاقي كل واحد جايلك يتكلم عن الثاني وينم فيه , فإتخذت قرار انى ما اسمعش لحد خالص , فأي حد ييجي يقولى شفت فلان , أرد أقوله لأ ما شفتش ومش عاوز أشوف وبعد إذنك بقي علشان عندي شغل , وفي خلال شهر واحد لقيت الناس كلها زعلانه منى وبيتهمونى بالتعالى وعدم الإهتمام بيهم , سبحان الله , هو لازم أجيب في سيرة الناس وأنم فيهم علشان أعجب :sad:

عاوز رأيكم بصراحة , أنا الغلطان والا الناس اللى غلط والا اشرب من نفس الكأس وخلاص !!!

[masraweya]

لأ متشربش

إن الله مع الصابرين

موضوع انهم ييجوا يحكوا معاك .. إذا عندك وقت اسمع بس اشترط من غير أسماء و استغل الفرصة تصلح على قد ما تقدر

ربنا يصلح حالنا و يهدينا و يهدي بينا

[المهندسه]

تصدق بالله يا احمد انا والله بقالى كام يوم بتكلم انا وجوزى فى الموضوع ده لان حصل كام موقف صدام كده مع ناس وكنت عاوزه اكتبه بس انت سبقتنى و ماكنتش هكتبه اروع منك...

بقالى كام يوم بسأل نفسى فعلا هو انا المجنونه ولا الناس ال اجننت.علشان مختلفين عن بعض.فى الاراء و التصرفات والناس مش بتتقبل كده لاء دول يتهموك انك ما بتفهمش و مجنون ..وان اكيد هم ال صح...بس بعد تفكير عميق لقيت نفسى مش قادره اشرب من الكاس علشان اكون زى باقى الناس ال انا اختلفت معاهم..مش هقدر اقنع نفسى بالعاوزه الناس علشان يرضوا عنى و يقولوا عنى ست العاقلين..مش هقدر اتخلى عن ارائى و معتقداتى علشان الناس ترضى عنى .. مش هقدر اهاود الناس و اقولهم اه صح برافو .

انا افضل اكون مجنونه ولا اكون عاقله مع ناس فاكرين نفسهم عاقلين.

ان تكون فردا فى جماعه الاسود خيرا من ان تكون قائدا للنعاج

تم تعديل 9 أكتوبر 2010 بواسطة المهندسه

[Howayda Ismail]

انا بقالى شهر يا ozoozo يا أخويا عاوز أكتب الموضوع ده ومش عارف أكتبه إزاى , فكرت أكتب موضوع بعنوان "طب اعاملكم إزاى" , انا حاسس فعلاً إنى شاذ وسط الناس هنا في الشغل جداً وأنا ليا تفكير والناس كلها تفكير تانى خالص , وبسأل نفسي دائماً مش معني انا اللى شاذ عن الناس , هو مين فينا صح , أقولكم موقفين اثنين بس وأحكموا انتوا.

من اسبوعين واحد صاحبنا عمل حادثة بالسيارة والحمد لله جت سليمة لكن الشركة مأمنة ضد الغير فقط , طلعت تكاليف إصلاح السيارة حوالى 1800 ريال , والسيارة دي على فكرة هي الملطشة بتاعتنا يعني اى واحد عاوز يروح مشوار ياخدها والواد صراحة غلبان ولسه جاى من مصر واول شهر ليه شغل وكمان اللى بيطلب منه حاجة ما بيتأخرش عليه , المهم , الواد صعب على بجد وقلت طب ما احنا بتاع 10 في الشغل ما نلم من بعض كل واحد 100 ريال يبقي 1000 وهو يدفع 800 , بس نص العمي ولا العمي كله.

عرضت الفكرة على الناس , تسمع كلام غريب , اللى يقولك واحنا مالنا , واللى يقولك طب خليها أخر الشهر واللى يقولك ما الشركة تدفعله ويقسطوهم عليه , بقيت خارج من الإجتماع أضرب كف على كف وأقول هو فيه ايه , ايه اللى جرا للناس هيا 100 ريال دي فلوس , سبحان الله:sad:

أنا من الناس اللى بتسمع أكثر ما بتتكلم , فأول ما جيت هنا كل واحد ييجي يقعد معايا في المكتب بالساعة والإثنين شفت فلان عمل ايه وعلان عمل ايه وهكذا , وكنت خجول في الأول ما بحبش أكسف حد , يعني اسمع من ودن وأنفض من الثانية وخلاص لكن الموضوع زاد عن حده قوي كل الناس هنا بلا إستثناء تلاقي كل واحد جايلك يتكلم عن الثاني وينم فيه , فإتخذت قرار انى ما اسمعش لحد خالص , فأي حد ييجي يقولى شفت فلان , أرد أقوله لأ ما شفتش ومش عاوز أشوف وبعد إذنك بقي علشان عندي شغل , وفي خلال شهر واحد لقيت الناس كلها زعلانه منى وبيتهمونى بالتعالى وعدم الإهتمام بيهم , سبحان الله , هو لازم أجيب في سيرة الناس وأنم فيهم علشان أعجب :sad:

عاوز رأيكم بصراحة , أنا الغلطان والا الناس اللى غلط والا اشرب من نفس الكأس وخلاص !!!

انت اكيد مش غلطان بس للاسف لازم تتحمل تبعات ذلك

اكيد انت اللى صح بس الموازيين اتقلبت اليومين دول والسئ بقى القاعدة والكويس هو

الشاذ عن هذه القاعدة لكن للاسف عليك تحمل تبعات ذلك

كلامك ده ينطبق بالضبط وبالملى على ابن اختى فى كلية هندسة ويلاقى اللى انت بتقول

عليه من زمايله لدرجة بتاثر على نفسيته لدرجة انى قلت لامه ابنك مش حينفع فى شغلة

لو استمر على الطيبة دى والمثالية الزايدة لاتى عارفة الاشغال بيحصل فيها ايه من

غيرة واحقاد ومؤامرات فى بعض الاحيان واتعب واشقى وناس تيجى تقص الشريط وهى اللى

فى الصورة ده غير مسلسل النميمة اللى مش بيخلص يا كده يتبقى وحش وده اللى ضيع البل

د وخلى ناس كتيرة محترمة تتنازل عن مبادئها عشان لقمة عيشها اصبحت المبادئ والاخلاق

اشياء مستهلكة لاتتماشى مع متطلبات العصر.

ويمكن الصورة دى زادت مع دخول الاستثمار الاجنبى البلاد لان سياستهم زرع الشك والفرقة

بين الموظفين غير تجنيد خباثين لنقل صورة مايحدث وكلما خبثت اكتر تترقى اكتر

وزى ماروى فيلم اجنبى وصل التصنت لدورات المياه لانه كواليس العمل اللى ممكن ينفس

فيه العامل بكلمة لزميله عن غضبه من رئيسه فى العمل او درجة تقبله اوضاع الشغل

لو عندك استعداد تتحمل استمر على مبادئك وان لم يكن عاملهم بمعاملتهم دون التخلى

عن مبادئك اللى اتربيت عليها ولكن بالحيلة وشئ من المكر عشان ماتخسرش كل حاجة

ربنا معاك ومع كل جيلكم فى ايام مايعلم بها الا ربنا

[masraweya]

إِنَّهُ مَن يَتَّقِ وَيَصْبِرْ فَإِنَّ اللَّـهَ لَا يُضِيعُ أَجْرَ الْمُحْسِنِينَ ﴿٩٠﴾ سورة يوسف

اعرض حالك على كتاب ربنا سبحانه و تعالى و منهج نبيه صلى الله عليه و سلم تعرف تمشي مع التيار و لا لأ

لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا وإن أساءوا فلا تظلموا

عن ابن مسعود أنه قال اغد عالما أو متعلما ، ولا تكونن إمعة

تم تعديل 9 أكتوبر 2010 بواسطة masraweya

[shiko]

رحم الله امرةء عرف ثدر نفسه

...

هاشرب ....

موش معقول هافضل لوحدى

اكيدهاييجى يوم...واتأكد تماما ...

انى الوحيد الذى لم يتجرع من كأس العاقلين ...ممن هم حولى ...

وياخذنى الخوف من البقاء وحيدا ...

سأنجرع من نهر الجنون ...

========================================

على جنب انا عاوز العنوان عشان انا عاوزة اشرب من النهر ده من دلوقتى

[Howayda Ismail]

تصدق بالله يا احمد انا والله بقالى كام يوم بتكلم انا وجوزى فى الموضوع ده لان حصل كام موقف صدام كده مع ناس وكنت عاوزه اكتبه بس انت سبقتنى و ماكنتش هكتبه اروع منك...

بقالى كام يوم بسأل نفسى فعلا هو انا المجنونه ولا الناس ال اجننت.علشان مختلفين عن بعض.فى الاراء و التصرفات والناس مش بتتقبل كده لاء دول يتهموك انك ما بتفهمش و مجنون ..وان اكيد هم ال صح...بس بعد تفكير عميق لقيت نفسى مش قادره اشرب من الكاس علشان اكون زى باقى الناس ال انا اختلفت معاهم..مش هقدر اقنع نفسى بالعاوزه الناس علشان يرضوا عنى و يقولوا عنى ست العاقلين..مش هقدر اتخلى عن ارائى و معتقداتى علشان الناس ترضى عنى .. مش هقدر اهاود الناس و اقولهم اه صح برافو .

انا افضل اكون مجنونه ولا اكون عاقله مع ناس فاكرين نفسهم عاقلين.

ان تكون فردا فى جماعه الاسود خيرا من ان تكون قائدا للنعاج

انا عملت زى حضرتك ومردتش اشرب من الكاس برضه وكان عندى استعداد اضحى بكل شئ فى سبيل

انى اكون نفسى مش زى ماغيرى عاوز صحيح تعبت كتير لكن نجحت فى الاخر وانا اللى كسبت

احسن حاجة مع الناس دى تتجهليها ولاتتركيها تاثر على شغلك او حياتك اه حتتعبى يمكن

كتير لكن حتكونى راضية عن نفسك حاسة بقيمتك لذاتك وقيمتك قدامهم حتى لو بينوا لك عكس

كده صدقينى هم بينكروا ظاهريالانهم فشلوا يكونوا زيك وبيحترموك من جواهم من غير مايبينوا

[nightmare]

تصدق بالله يا احمد انا والله بقالى كام يوم بتكلم انا وجوزى فى الموضوع ده لان حصل كام موقف صدام كده مع ناس وكنت عاوزه اكتبه بس انت سبقتنى و ماكنتش هكتبه اروع منك...

بقالى كام يوم بسأل نفسى فعلا هو انا المجنونه ولا الناس ال اجننت.علشان مختلفين عن بعض.فى الاراء و التصرفات والناس مش بتتقبل كده لاء دول يتهموك انك ما بتفهمش و مجنون ..وان اكيد هم ال صح...بس بعد تفكير عميق لقيت نفسى مش قادره اشرب من الكاس علشان اكون زى باقى الناس ال انا اختلفت معاهم..مش هقدر اقنع نفسى بالعاوزه الناس علشان يرضوا عنى و يقولوا عنى ست العاقلين..مش هقدر اتخلى عن ارائى و معتقداتى علشان الناس ترضى عنى .. مش هقدر اهاود الناس و اقولهم اه صح برافو .

انا افضل اكون مجنونه ولا اكون عاقله مع ناس فاكرين نفسهم عاقلين.

ان تكون فردا فى جماعه الاسود خيرا من ان تكون قائدا للنعاج

حضرتك جبتى المفيد يا باشمهندسة , خلينا كده مجانيين أحسن.

الواحد يسمع لهم وينفض مش عاجب يقولولى انت بتاخدنا على قد عقلنا , يقول مش عاوز اسمع يبقي بيتعالى وبيتكبر علينا , ما يتكلمش ويحط لسانه في بقه يبقي مقاطعنا . حاجة تجنن

الواحد مش ملاك وكل واحد فينا ليه سلبياته بس فيه تقاليد الواحد اتربي عليها ومش قادر يغيرها ولا يساير الناس فيها , يعني ما ينفعش ابقي كاره حد مثلاً وقاعد عمال اشتم فيه بالأب والأم وألعن في اللى جابوه وأول ما يعدي قدامي اقوم ابوسه واخده بالحضن وازيك يا حبي استني علشان نروح سوا . تيجي ازاى دي طيب.:blink:

والمشاركة بينا وبين بعضنا ليه ملهاش وجود , هو الواحد لما يحصله ظرف سعيد أو حزين زي حادثة او ولادة او عملية او فرح , ليه ما نلمش من بعضنا ونشاركه فرحته أو حزنه , الفلوس مش هي الهدف لكن لما يحس انه مش لوحده وفيه اخوان ليه حواليه بيديله على الأقل شعور بالأمان.

ده حصل موقف ليا أول ما استلمت الشغل هنا في جدة , فيه تقرير كتبته بالخطأ والمفترض اني مش المسئول المباشر عنه , المسئول المباشر مدير الفرع , والراجل مضاه على عماه وبعته الفرع الرئيسي في الرياض , وطبعاً سمع كلام من المدير العام يسم البدن وخد 5 ايام خصم فجه قالى حصل كذا كذا وانت اخطأت وانا مضيت وخلاص واتدبست انا فيها , بكل أدب كتبت مذكرة للمدير العام ووضحت انى انا اللى كاتب التقرير وان انا المخطيء وليس مدير الفرع وانى بطلب خصم المبلغ ده من مرتبي انا. دي حاجة طبيعية وبديهية جداً ان اى حد المفترض يعملها وان الواحد لما يخطيء يقول انه أخطأ مش عيب . تخيلي حضرتك ان معظم الناس كانوا مستغربين الموضوع جداً حتى المدير العام في الرياض , واتصل بيا وقالى دي اول مرة تحصل من ساعة ما فتحت الشركة دي كله بيرمي الأخطاء على ناس ثانية وبيحاول يبعد اى خطأ عن نفسه, مكالمة المدير حسستنى اني عملت حاجة غريبة وشاذة مع انها طبيعية جداً.

مع تحياتي

[nightmare]

رحم الله امرةء عرف ثدر نفسه

...

هاشرب ....

موش معقول هافضل لوحدى

اكيدهاييجى يوم...واتأكد تماما ...

انى الوحيد الذى لم يتجرع من كأس العاقلين ...ممن هم حولى ...

وياخذنى الخوف من البقاء وحيدا ...

سأنجرع من نهر الجنون ...

========================================

على جنب انا عاوز العنوان عشان انا عاوزة اشرب من النهر ده من دلوقتى

:blink:

ليه كده بس يا شيكو

آخر واحدة أتوقع منها كده

مبارك عليكي ال

مع تحياتي

[nightmare]

انا عملت زى حضرتك ومردتش اشرب من الكاس برضه وكان عندى استعداد اضحى بكل شئ فى سبيل

انى اكون نفسى مش زى ماغيرى عاوز صحيح تعبت كتير لكن نجحت فى الاخر وانا اللى كسبت

احسن حاجة مع الناس دى تتجهليها ولاتتركيها تاثر على شغلك او حياتك اه حتتعبى يمكن

كتير لكن حتكونى راضية عن نفسك حاسة بقيمتك لذاتك وقيمتك قدامهم حتى لو بينوا لك عكس

كده صدقينى هم بينكروا ظاهريالانهم فشلوا يكونوا زيك وبيحترموك من جواهم من غير مايبينوا

دي أهم حاجة يا أ.هند , رضا الواحد عن ذاته وعن قيمته وعاداته التى تربي عليها

مع تحياتي

[أبوعمار]

أحييك يا nightmare على موضوعك اللي عجبني أول ما عيني وقعت عليه

لأنه بيعبر عن طريقة تفكيري كأني أنا الي كاتبه

وأسلوبك كمان تحفة

نيجي لموضوع " أشرب ولا ما أشربش؟"

يمكن ناس كتير تقول: لا أنا ثابت على موقفي. وما يهمنيش لو مليار واحد

قالوا انت غلط وأنا متأكد إني صح.

فيه مثل بيقول: اللي ع الشط عوّام

بس عموما أنا عن رأيي جه على بالي الحديث الشريف:

قال صلى الله عليه وسلم _بمعنى الحديث_ لا يكن احدكم امعّة يقول ان أحسن الناس أحسنت وإن أساؤوا أسات ولكن وطنوا أنفسكم ان أحسن الناس ان تحسنوا وان اساؤوا

اجتنبوا اساءتهم

يعني لو أنا مش مقتنع بحاجة وعملتها زي الناس وخلاص يبقى اسمي - رجل إمعّة- ما افتكرش اني أرضى أكون إمعّة خالص

وفي حياتي اليومية والعملية مرت عليا مواقف ولله الحمد أثبت لنفسي إني مش إمعّة

بالعكس حلو إن الواحد يكون مختلف وله نمط في حياته جديد المهم بدون ما يغلط

ولا يخرج عن الدين والتقاليد

وعموما أنا دايما أحب أستفتي قلبي

تقبل تحياتي على موضوعك الحلو ودماغك الجامدة

[Diab]

لقيت كتاب في مكتبة جرير اسمه كيف تستمتع بحياتك لمحمد العريفي جامد

هتلاقي في اجابات عن حاجات كتير في دماغك

ثمنه 22 ريال

الغريبة اني لقيته اصلا مطبوع في المنصورة -مصر :unsure:

[nightmare]

بس عموما أنا عن رأيي جه على بالي الحديث الشريف:

قال صلى الله عليه وسلم _بمعنى الحديث_ لا يكن احدكم امعّة يقول ان أحسن الناس أحسنت وإن أساؤوا أسات ولكن وطنوا أنفسكم ان أحسن الناس ان تحسنوا وان اساؤوا

اجتنبوا اساءتهم

صدق رسول الله , المشكلة يا أبو عمار ان اليومين دول إجتناب الإساءة كمان مش نافع ومش راضي الناس ومابيعجبش , هو لإما تشاركهم لإما تبقي انتا كذا وكذا.

وأحسن عصفورة هو اللى تلاقيه بقي مدير وكإننا شغالين في قفص طيور .

من يومين كده حصلت محادثة بينى وبين دكتور كان بيدرسلنا أيام الجامعة وكان وكيل الكلية وقتها , الدكتور ده ظلم على الأقل 10 أشخاص وأنا واحد منهم في عدم التعيين "كمعيدين" علشان بنته في السنة اللى بعدنا ولو عين 10 او 15 واحد من دفعتنا مش هيعرف يعين نفس العدد السنة الجاية واللى فيها بنته, وحصل ما اراد عين من دفعتنا 2 بس وعين من دفعة بنته 15 واحد وبنته كانت ال 14 على الدفعة . تخيل .. وبعد 8 سنين لقيته موجود على الفيس بوك , قلت ابعتله اصحي ضميره وأذكره باللى عمله في 10 شباب ضيع أحلامهم , تخيل يرد على يقولى ايه " انت مثالى زيادة عن اللزوم واللى انا عملته ده هو الطبيعي وانت لو مكانى وقتها كنت هتعمل كده , ومش انا لوحدي اللى بعمل كده , ادخل الجامعة وشوف هتلاقي كل أولاد الدكاترة الا نادراً معيدين ودكاترة برضه , فدي مش حاجة غريبة ده حقي " , رديت عليه قولتله " لأ , انا لو مكانك مش هعمل كده وابنى حرام ياخد حق مش حقه" , رد وقالى "بكره نشوف وابقي إفتكرني" ..... وكإنه متأكد إنى لو مكانه كنت هعمل كده:sad:

لقيت كتاب في مكتبة جرير اسمه كيف تستمتع بحياتك لمحمد العريفي جامد

هتلاقي في اجابات عن حاجات كتير في دماغك

ثمنه 22 ريال

الغريبة اني لقيته اصلا مطبوع في المنصورة -مصر

أخي diab

شكراً على هذا الكتاب

للتحميل

كيف تستمتع بحياتك

مع خالص تحياتي وشرفنى مروركم العطر

تم تعديل 10 أكتوبر 2010 بواسطة nightmare

[akramgroup]

اولا احب اقولك موضوع جميل جدا ياابو حميد

ثانيا

الظاهر ان الموضوع ده بقى منتشر كتير وبقينا مش عارفين الصح من الغلط

وعلى فكرة مش انت بس اللى كده ولا بس الاخوة والاخوات اللى شاركوا وقالو اّرائهم

الظاهر الموضوع ده منتشر وخصوصا فى الغربة زى ماتقول كده الناس بتتحول لما تسافر وبيقلبوا....عاقلين

المصيبة بقى لما تقرر انك تشرب الكاس ومتبقاش عارف تبلعه

يعنى يكون قرارك انك تبقى زيهم ومتعرفش تنفذ

عاوز اقولك متقلقش على نفسك وتخاف لتكون زيهم عشان حتى لو قررت تكون زيهم اعتقد صعب انك تعرف

ياسيدى اللى اتربينا عليه واهالينا ربونا عليه هايفضل زى ماهو ومش هايتغير مهما الزمن اتغير

ويارب ديمها علينا نعمة واحفظها من الزوال

تحياتى للجميع

أكرم,,

[المهندسه]

ده حصل موقف ليا أول ما استلمت الشغل هنا في جدة , فيه تقرير كتبته بالخطأ والمفترض اني مش المسئول المباشر عنه , المسئول المباشر مدير الفرع , والراجل مضاه على عماه وبعته الفرع الرئيسي في الرياض , وطبعاً سمع كلام من المدير العام يسم البدن وخد 5 ايام خصم فجه قالى حصل كذا كذا وانت اخطأت وانا مضيت وخلاص واتدبست انا فيها , بكل أدب كتبت مذكرة للمدير العام ووضحت انى انا اللى كاتب التقرير وان انا المخطيء وليس مدير الفرع وانى بطلب خصم المبلغ ده من مرتبي انا. دي حاجة طبيعية وبديهية جداً ان اى حد المفترض يعملها وان الواحد لما يخطيء يقول انه أخطأ مش عيب . تخيلي حضرتك ان معظم الناس كانوا مستغربين الموضوع جداً حتى المدير العام في الرياض , واتصل بيا وقالى دي اول مرة تحصل من ساعة ما فتحت الشركة دي كله بيرمي الأخطاء على ناس ثانية وبيحاول يبعد اى خطأ عن نفسه, مكالمة المدير حسستنى اني عملت حاجة غريبة وشاذة مع انها طبيعية جداً.

طبعا احييك على انت عملته...ده رقى فى التعامل مش موجود فى الدنيا دى الا نادراوانا لو مكانك هعمل كده...ده اسمه تعامل راقى ...كنت متقبل الخصم علشان الفلوس تحت رجليك مش فوق راسك...بس مع ان نادرا وجود ناس زيك بس موجودين وطالما موجودين تبقى انت مش مجنون ولا ايه؟؟؟

اما بالنسبه لموقف التعيين فى الجامعه ..فده الحصل بالظبط مع جوزى وعارف المعيد الخد مكانه حصله ايه ...استقال من الجامعه لانه لقى انها مش جايبه همها مرتب زهيد و حروب بين المعيدين والدكاتره وكانت الوظيفه غير ما احنا متخيليين خال ...ده طبعا ما نهاش حزن جوزى على الظلم لكن خفف عليه شويه...يا احمد ربنا ما بيعملش حاجه فى غير مصلحتنا يعنى اكيد حالك دلوقت افضل بكتير لو كنت بقيت معيد

صدق الله العظيم حين قال"لكى لا تأسوا على ما فاتكم ولا تفرحوا بما أتاكم"..يعنى كله مكتوب عند ربنا و قدر محتوم علينا نشوفه..ال يفوته حاجه ما يزعلش عليها و ال يكسب حاجه ما يتغرش فى نفسه و يقول مجهودى و ينسى يشكر ربناكله مكتوب عليك تشوفه مهما حاولت.

تم تعديل 10 أكتوبر 2010 بواسطة المهندسه

[المهندسه]

انا قرأت جزء من الكتاب "استمتع بحياتك" وبكمله حاليا ..قيم جدا و اسلوبه رائع ياريت تحاولوا تقرأوه.

شكراا لك ياnightmareوللاخ diabعلى هذا الكتاب

[nightmare]

اولا احب اقولك موضوع جميل جدا ياابو حميد

ثانيا

الظاهر ان الموضوع ده بقى منتشر كتير وبقينا مش عارفين الصح من الغلط

وعلى فكرة مش انت بس اللى كده ولا بس الاخوة والاخوات اللى شاركوا وقالو اّرائهم

الظاهر الموضوع ده منتشر وخصوصا فى الغربة زى ماتقول كده الناس بتتحول لما تسافر وبيقلبوا....عاقلين

المصيبة بقى لما تقرر انك تشرب الكاس ومتبقاش عارف تبلعه

يعنى يكون قرارك انك تبقى زيهم ومتعرفش تنفذ

عاوز اقولك متقلقش على نفسك وتخاف لتكون زيهم عشان حتى لو قررت تكون زيهم اعتقد صعب انك تعرف

ياسيدى اللى اتربينا عليه واهالينا ربونا عليه هايفضل زى ماهو ومش هايتغير مهما الزمن اتغير

ويارب ديمها علينا نعمة واحفظها من الزوال

تحياتى للجميع

أكرم,,

ما هو ده اللى مخلى الواحد يا كيمو شاذ وسط الناس , يعني انت لا عارف تكون زيهم ولا عارف ترضيهم ولا عارف تغير منهم.

ويارب يديم علينا نعمة العقل دي , الغربة غيرت الواحد فعلاً خلته أكثر رقة وإنسانية عن ذي قبل , أكثر إحساس بالمسئولية والحمد لله ان الواحد لسه لحد دلوقتى "مش ميت على الفلوس" زي ناس كثير بقوا كده للأسف يبيعك علشان نص يوم زيادة.

اما بالنسبه لموقف التعيين فى الجامعه ..فده الحصل بالظبط مع جوزى وعارف المعيد الخد مكانه حصله ايه ...استقال من الجامعه لانه لقى انها مش جايبه همها مرتب زهيد و حروب بين المعيدين والدكاتره وكانت الوظيفه غير ما احنا متخيليين خال ...ده طبعا ما نهاش حزن جوزى على الظلم لكن خفف عليه شويه...يا احمد ربنا ما بيعملش حاجه فى غير مصلحتنا يعنى اكيد حالك دلوقت افضل بكتير لو كنت بقيت معيد

صدق الله العظيم حين قال"لكى لا تأسوا على ما فاتكم ولا تفرحوا بما أتاكم"..يعنى كله مكتوب عند ربنا و قدر محتوم علينا نشوفه..ال يفوته حاجه ما يزعلش عليها و ال يكسب حاجه ما يتغرش فى نفسه و يقول مجهودى و ينسى يشكر ربناكله مكتوب عليك تشوفه مهما حاولت.

والله يا باشمهندسة انا عندي أخد حقي وأتنازل عنه بمزاجي, إنما إحساس صعب جداً إنك تلاقي حقك بيضيع قدام عنيكي والأصعب إنك تبقي عاجزة ومش عارفه تعملى حاجة.

وصدقينى زوج حضرتك أكيد لسه الموضوع ده مأثر فيه نفسياً زيي كده ما تتخيلش أنا أول ما شفت صورته على الفيس بوك كنت عاوز أعمل إيه وفرحان إن السنين لفت وقدرت أقوله اللى ما اقدرتش اقوله زمان, والحمد لله ربنا عوضني كثير عن اللى فات , احنا في نعمة لا ينكرها إلا جاحد , فلله الحمد والشكر.

مع تحياتي

[Simba]

لكل فئة كأسها فأسقني وأشرب