تصريحات مستفزة

[nightmare]

كل يوم بنسمع تصريحات مختلفة من المسئولين حبايبنا , وفيه منها العادي والطبيعي بتاع كل يوم , لكن فيه منها المستفز والمقرف واللى بيخلى الواحد يسأل نفسه ميت مرة

"هما الناس دول عايشين معانا في مصر"

واللي يسأل

"هما دول مصريين بجد"

واللي يسأل

"الناس دول ازاى مسئولين عننا وبيتحكموا في أمورنا"

ومن مطالعتي اليومية للجرائد المصرية الوطنية والمعارضة

لقيت انى واجب على بجد انى أدون أي تصريح مستفز من أي مسئول

ومفيش أحسن من "محاورات المصريين"

أدون فيها التصريحات دي

وأي واحد فينا يقرأ تصريح مستفز ييجي ويكتبه هنا

وبعد كام سنة أكيد هيبقي عندنا من الكلمات ما يكفي لطباعة كتاب أو كتيب

"التصريحات المستفزة لأصحاب العزة"

وعلي بركة الله نبدأ

[شريف مان]

أمين أباظة: الاكتفاء الذاتى من القمح.. مستحيل

شريف : انت حرامى وزعيم مافيا القمح

[اغابي]

ايوه يا نايت

اطربنى بالاستفزاز انا اهو مستعدة تماما

متابعة وكلى اذان صاغية

اغابي

[nightmare]

أمين أباظة: الاكتفاء الذاتى من القمح.. مستحيل

شريف : انت حرامى وزعيم مافيا القمح

طب نصدق ده يا شريف والا نصدق الدكتورة زينب الديب اللى أكدت ان مصر كان من الممكن أن تحقق الإكتفاء الذاتي عام 2000 وبتكلفة 7.9 مليون جنيه !

ايوه يا نايت

اطربنى بالاستفزاز انا اهو مستعدة تماما

متابعة وكلى اذان صاغية

اغابي

المشاركة القادمة , بس حباية ضغط الأول قبل ما تقرأي أى حاجة .:lol:

مع تحياتي

[nightmare]

" من أجلك أنت "

حملة الحزب الوطني اللي محدش عارف يفسرها لحد دلوقتى , مين ده؟

" يا عم كبر مخك "

الرئيس حسنى مبارك في خطابه عندما سأل عن كيفية متابعته لأحوال مصر.

" المصريون لم ينضجوا سياسياً بعد "

رئيس وزراء مصر, ومش عارف هيا النار هادية والا إيه علشان لسه لم ننضج ؟ والباشا تبع المصريين والا من كوكب تانى ؟

"تحقيق الاكتفاء الذاتي في القمح والمحاصيل الرئيسية غير عملي"

جمال مبارك أمين السياسات في الحزب الوطني , بجد والعملي إن المصريين يقتلوا بعضهم في طوابير العيش والا إن سعر كيلو الطماطم يبقي ب 15 جنيه!

"الشعب المصري يعيش حالةً من الرفاهية غير المسبوقة، الدليل على ذلك زيادة أعداد السيارات الفارهة والتليفونات المحمولة، أشيد بدور الحكومة في انخفاض معدَّل البطالة، وإحداث تطور ملحوظ في مجالات الصحة والتعليم"

أحمد عز أمين تنظيم الحزب الوطني ومحتكر الحديد, وهو الباشا ما بيروحش يقعد على قهوة

"تراكم القمامة في الشوارع دليل علي رفاهية المصريين "

أحمد عز تانى , ومش عارفين إيه حكاية الرفاهية معاه ؟ وعلى كده الباشا فقير لان مفيش قدام قصره زبالة والا ايه؟

"ستة ملايين مصري خرجوا من خط الفقر في نهاية عام 2009"

أحمد درويش وزير التنمية الإدارية , عنده حق 6 مليون خرجوا و80 مليون دخلوا.

"السفير الجزائري يجب أن يرحل وعدم اعتذاره تلامة وتناحة والجزيرة تدعم جهات دولية معروفة"

علاء مبارك بعد أحداث الجزائر , بتقولنا ليه كده ما تقول لأبوك اللى راح حضن بوتفليقه وباسه بعدها .

"الحديث عن إرجاعي فلوس علاج زوجتي على نفقة الدولة إلي وزارة المالية عار تماماً من الصحة "

حاتم الجبلي وزير الصحة , طب ما تسيب الناس مخدوعة فيك انك رجعت الفلوس "غباء سياسي"

"نعوض الذين اشتروا العمارات المخالفة بعد أن نزيلها ثم نلاحق الملاك ونجرى وراء المالك المخالف ونطلع *** اللى خلفوه"

وزير المالية يوسف بطرس غالي , تحت قبة مجلس الشعب , سب دين علنى لما انتا تبقي وزير أنا المفروض أكون إيه ؟

"يجب ضرب حماس و حزب الله بيد من حديد بعد مقتل الجندي المصري على الحدود"

مفيد شهاب وأسامة سرايا بعد مقتل جندي مصري على الحدود , طب وفين الشهامة دي لما أكثر من 35 واحد قتلوا برصاص جنود الاحتلال وإلا دول مش مصريين؟

يتبع

v

v

v

v

:roseop:

تم تعديل 10 أكتوبر 2010 بواسطة nightmare

[nightmare]

"شبعت من كلمة معالي الوزير ومرتبي 3000 جنيه فقط"

وزير الثقافة فاروق حسني بعد سرقة لوحة زهرة الخشخاش, طب ما تسبها ياعم الحاج هو حد ماسك فيك , ومرتبك ده الأساسي والا بالبدلات؟

"الرئيس اتصل بي وقال لى ولا يهمك إرمي ورا ظهرك"

وزير الثقافة فاروق حسني بعد سقوطه في إنتخابات اليونسكو , طبعاً ولا يهمك هو الفشل والخيبة جديدة عليكم , متعودة دايماً

"لا وقت لتنظيف القطارات بسبب كثافة الرحلات"

وزير النقل علاء فهمي , ياعم سبها الزبالة دليل الرفاهية واهي تنفع في زيادة اشتعال القطار لو حصلت حريقة واهو تخلص من الناس بدري بدري.

"اضربوا المتظاهرين والخارجين علي القانون بالنار"

نائب الشعب نشأت القصاص , ما هما مش فارقين معاك ما انتا جاي بالتزوير , ولو انتا جاي بأصواتهم لن تجرؤا ان تقول هكذا

"الغاز الطبيعي أصبح المحور الرئيسي للطاقة في مصر"

وزير البترول سامح فهمي , وعلشان كده قررت تصدره لإسرائيل بسعر التكلفة وحرمتنا اهم محور الطاقة , على اساس اننا عندنا محور 26 يوليو.

"أسعار الكهرباء إنخفضت بعد ضخ الغاز المصري"

وزير الطاقة الإسرائيلي , انتوا اسعار الكهرباء انخفضت واحنا اتقطعت من عندنا خالص , ربنا يبارك في أتباعكم.

يتبع

v

v

v

v

:roseop:

تم تعديل 10 أكتوبر 2010 بواسطة nightmare

[أبوعمار]

أنا عايز أربي عيالي

أنا ايه اللي دخلني الموضوع ده

كان ضغطي بيعلى من اللي بأقراه عن العصابة اللي ماسكة البلد

دلوقت حاسس اني هايجيلي شلل نصفي ولا جلطة من الأخبار النقاوة اللي انت جايبها دي

الله يسامحك

انا عايز أعرف بجد بجد

الناس دي بتستهبل ولا فاكرانا احنا اللي هبل؟

هما كده كده بيبرطعوا ولا هاممهم

طب لزومه إيه الكلام اللي يحرق الدم ده؟

اللَّهُمَّ! إِنَّا نَجْعَلُكَ فِي نُحُورِهِمْ، وَنَعُوذُ بِكَ مِنْ شُرُورِهِم

[nightmare]

أنا عايز أربي عيالي

أنا ايه اللي دخلني الموضوع ده

كان ضغطي بيعلى من اللي بأقراه عن العصابة اللي ماسكة البلد

دلوقت حاسس اني هايجيلي شلل نصفي ولا جلطة من الأخبار النقاوة اللي انت جايبها دي

الله يسامحك

انا عايز أعرف بجد بجد

الناس دي بتستهبل ولا فاكرانا احنا اللي هبل؟

هما كده كده بيبرطعوا ولا هاممهم

طب لزومه إيه الكلام اللي يحرق الدم ده؟

اللَّهُمَّ! إِنَّا نَجْعَلُكَ فِي نُحُورِهِمْ، وَنَعُوذُ بِكَ مِنْ شُرُورِهِم

يا أبو عمار , انت علشان تربي العيال دلوقتى مفيش قدامك غير حل من اثنين

لتخليك بيهم في الغربة سواء في الخليج أو كندا أو استراليا.

لإما مصر تتغير وساعتها تقدر ترجع تربي عيالك في بلدك بأمان.

وعلشان تتغير لازم كلنا نبقي مشاركين في كده , ثم ان احنا بنعمل حاجة الا الكلام والا هو عليه "ضرائب" كمان

الناس دي فاكرينا لسه سذج والعيب على اللى سايبهم طالقين ايديهم فساداً وظلماً.

انتظر سلسلة التصريحات القادمة.

مع تحياتي

[nightmare]

" الرئيس يعد بإجراء إنتخابات نزيهه "

مثقفي مصر بعد لقائهم بالرئيس مبارك , يعني الإنتخابات السابقة كانت غير نزيهه والا ايه؟

" مبارك يتابع إختيار مرشحي الوطني "للشعب" وأرسلنا رؤيتنا لنزاهة الإنتخابات ل "نظيف" ورئيس اللجنة العليا لتفعيلها"

صفوت الشريف رئيس مجلس الشوري, كويس انك لسه عندك رؤية وفاكر ان فيه حاجة اسمها شعب بس ياتري نظرك كام على كام

"الحزب الوطني أصدر وثيقة لضمان إنتخابات برلمانية نزيهه ومشاركة الأحزاب الأربعة خير دليل علي جدية الوطني في الوصول لبرلمان أفضل"

د.مفيد شهاب , كلكم لابد أن تحاسبوا بتهمئة الغباء السياسي لإصراركم على هذه الكلمة التي تؤكد وصولكم إلي السلطة بطرق غير شريعة وغير نزيهه.

"عام 2005 شهد أعظم إنتخابات في تاريخ مصر"

المستشار هاني عبد الواحد , طب نصدقك والا نصدق الرئيس وصفوت الشريف ومفيد شهاب!!

"لو تقدم مرشح لمجلس الشعب بصفته إخوانياً سيطبق عليه القانون لأنها جماعة "منحلة" ومحظورة"

حبيب العادلي وزير الداخلية , طب محظورة وعرفناها طب ليه منحلة شايفهم مشيين مشي بطال لا سمح الله.

"مرشح الحزب ليس الأفضل إنما الأحق"

احمد عز أمين تنظيم الحزب الوطني , مش فاهم ازاى واحد مش الأفضل ويبقي أحق , لا تعليق !!!

" لعل البرادعى يتذكر سنوات خدمته القليلة فى مصر عندما دخل الخارجية عام1964، وكان ترتيبه فى دفعته الأخير، أو قبل الأخير وذهب مباشرة إلى نيويورك للحصول على بعثة للدكتوراه، والتحق بوظيفة فى وكالة الطاقة الذرية وعمل مديراً لمكتبها فى نيويورك، ثم أصبح مديرا لها"

اسامة سرايا رئيس تحرير الأهرام , بعد أقل من 4 سنوات على مقالات المدح فى الحاصل على جائزة نوبل, فجأة و بدون مقدمات اكتشفت أن البرادعى الفاشل كان أخير دفعته و بقى مدير وكالة الطاقة الذرية بالصدفة!!.

"الأهرام لم تفبرك الصورة ولن أعتذر لأحد "

اسامة سرايا رئيس تحرير الأهرام , ما طبعاً تعتذر ليه يا فضحنا ده انت مش عارف الفرق بين الفبركة والتكوين الفني !

يتبع

v

v

v

:roseop:

[herohero]

عارف ان ردي مستفز بس ايه رايكم ان الناس ف مصر عايشه عادي جدا وبتشتكي وكل حاجه بس عادي

ع فكرة احنا اللي برعه مصر اللي شاغلين بالنا الي جوا كله مروق دماغه سموها لامبالاة او سموها اي حاجه

نصيحه كبروا دماغكم اللي يعرف يعيش ف الخليج يعيش او يهاجر يهاجر

ووقت ماتتعدل الاحوال هيبقوا يتصلوا بينا

هتقولوا سلبية ماشي بكملة السلبية ع الاقل نحافظ ع حبة السلوك اللي مضربتش من اللي الواحد بيشوفه

[shawshank]

nightmare باشا ... أحييك على الموضوع bv:-

من موضوع أرشيف وعود المسئولين اخترت لك المتسلسلة دي للفذ مفيد شهاب ...

أغسطس 2007 - شهاب: "إلغاء قانون الطوارئ نهاية يونيو 2008"

مايو 2008 - مجلس الشعب يمد الطوارئ لمدة عامين

مايو 2010 - شهاب: "مد العمل بقانون الطوارئ لمواجهة أخطار الإرهاب والمخدرات"

ومؤخرًا، فيه المجموعة دي:

"عقوبات صارمة ضد المسئولين عن قطع الكهرباء لأكثر من ساعة يوميا"

وزير الكهرباء والطاقة حسن يونس، طب القطع أقل من ساعة عادي؟ طب كل كام دقيقة تتقطع ساعة؟

"اللي مش عاجبه التعليم مايتعلمش"

وزير التعليم أحمد زكي بدر، عمالين تتكلموا عن الشفافية، أهو مفيش أشفشف من كده

"نعم نحن من أفشلنا قمة قطر"

وزير الخارجية أحمد أبو الغيط، قمة الدبلوماسية تصريحات الراجل ده

دي بقى قول مأثور مش تصريح ...

"لف وارجع تاني"

مبارك للسائق أثناء محاولة اغتياله في أديس أبابا

في انتظار المزيد يا باشا

تم تعديل 10 أكتوبر 2010 بواسطة shawshank

[nightmare]

عارف ان ردي مستفز بس ايه رايكم ان الناس ف مصر عايشه عادي جدا وبتشتكي وكل حاجه بس عادي

ع فكرة احنا اللي برعه مصر اللي شاغلين بالنا الي جوا كله مروق دماغه سموها لامبالاة او سموها اي حاجه

نصيحه كبروا دماغكم اللي يعرف يعيش ف الخليج يعيش او يهاجر يهاجر

ووقت ماتتعدل الاحوال هيبقوا يتصلوا بينا

هتقولوا سلبية ماشي بكملة السلبية ع الاقل نحافظ ع حبة السلوك اللي مضربتش من اللي الواحد بيشوفه

طب الناس في مصر مكبرين دماغهم وعايشين , واحنا نعيش في الخليج او نهاجر

طب مين اللى هيصلح الحال ده , ليه دائماً عندنا حتة التواكل دي , ومستنيين حد من كوكب تانى ييجي يغيرلنا بلدنا ويخليها افضل وبعد كده نرجع نعيش على الجاهز

زي بالضبط ما الدول العربية كلها سايبه فلسطين وكل اللى بنعمله اننا نقعد ندعي واحنا تحت التكييف ونقول "اللهم اهلكهم " وبس , لو الصحابة رضوان الله عليهم عملوا كده ما كنتش انتا ولا انا وصلنا الإسلام.

اقل ما يمكننا عمله اننا نتكلم ونعبر عن راينا ونصرخ وننادي مرة واثنين والف , الزن على الودان أمر من السحر ويكفي اننا نحسسهم ان فيه حد لسه خايف على البلد وعاوزها تبقي أفضل.

nightmare باشا ... أحييك على الموضوع bv:-

ربنا يكرمك يا shawshank , وبحييك انك نبهتني للموضوع ده , وشكراً على إثرائك للموضوع بهذه الإضافة المميزة

مع تحياتي

[nightmare]

استلم يا shawshank يا أخويا , قمة التضارب في التصريحات

مع تحياتي

[أبوعمار]

بما انك قاعد تستفز فينا من الصبح

خد شوية استفزاز على ما قسم

لقيتهم ع الفيس بوك لواحد ما أعرفوش

من أجلك انت".. جملة الحزب الوطنى

محدش عارف لسه يفسرها, مين انت ده؟؟

"اللى مش هيصوت فى التعديلات الدستورية يعتبر كاتم للشهادة".. على جمعة مفتى الديار المصرية

نسى يقول ذنب التصويت ب"لا

ستة ملايين مصرى خرجوا من خط الفقر فى نهاية عام 2009" أحمد درويش وزير التنمية

مقلش هما دخلو فين دلوقتى؟؟

إن رئيس الوزراء المصري أحمد نظيف سيتزوج السيدة زينب زكي التي كانت تعمل تحت رئاسته اثناء توليه منصب وزير الاتصالات"

بعد بيان عبد الناصر 67(قررت أنا أتنحى رسميا) و بيان السادات 73 (لقد قامت قواتنا المسلحة).. نظيف يقرر دخول التاريخ بالبيان الحاسم.

[أبوعمار]

استلم يا shawshank يا أخويا , قمة التضارب في التصريحات

مع تحياتي

تسلم ايد اللي جمعهم

وتسلم ايد اللي نقلهم لنا هنا

تشكرات واحترامات أفندينا NIGHTMARE

[shawshank]

استلم يا shawshank يا أخويا , قمة التضارب في التصريحات

يا باشا ده مش تضارب ولا حاجة، لكن كل مرحلة وليها معطياتها اللي بتفرض نفسها ومابتديش مجال للرئيس خالص إنه يتحرك بحرية. وبعدين ماتنساش برضه إن مصر ليها خصوصيتها، على رأي عمرو أديب.

استلم انت بقى ...

"

مصر ليس لديها بطالة ولا تعانى منها"

وزيرة القوى العاملة عائشة عبد الهادي، خد بالك مفيش بطالة ولا بنعاني منها أصلا ... دي لو كانت قالت مفيش مصر كان بقى أرحم

"

مفيش تعيينات وكل واحد يشوف مصلحته"

وزير التنمية الإدارية أحمد درويش، نفس مدرسة الشفافية بتاعة أحمد زكي بدر

"

تدريب الموظفين على الابتسام في وجه طالب الخدمة"

وزير التنمية الإدارية أحمد درويش، التعليق من أحمد رجب ومصطفى حسين

هي مبارك 92، كام سي سي؟

[nightmare]

والله ضحكتني يا shawshank يا أخويا وفكرتني بموضوع الإبتسام بتاع الموظفين ده , الحمد لله ان الواحد كان خلع منها قبل ما يطبقوه .. هههههههه

خد عندك بقي

"تحميل عقد مدينتي مبالغ إضافية يضر بالاقتصاد المصرى والمستثمرين"

أحمد المغربي وزير الإسكان بعد حكم إلغاء عقد مدينتي , الراجل صعبان عليه المستثمرين ومش صعبان عليه المليارات اللى راحت على الشعب

" قرار بطلان عقد مدينتي لا يرجع لخطأ إداري في تحرير العقد وإنما في إختلاف تفسير القانون"

أحمد المغربي وزير الإسكان , يعني حضرتك انت الأصدق والا القضاء !!

"فرض تسعيرة جبرية علي الخضروات والفاكهة سيرفع الأسعار"

أمين أباظة وزير الزراعة , عندك حق علشان الحملات اللى هتقوم تتأكد من الأسعار هيقبضوا المعلوم وهيضطر التاجر يحملها على الزبون, سيبه كده سايبه أحسن.

طماطم إيه اللي بتسألوا عليها، وباذنجان إيه ما علاقة رئيس الوزراء بالطماطم والباذنجان، ثم أين هو ارتفاع الأسعار وفي أي مكان تباع الطماطم بـ 7 أو 8 جنيه.. بلاش شائعات أمامنا أهداف أهم من الطماطم والكوسة"!!.

دكتور مجدي راضي المتحدث بإسم مجلس الوزراء , عندك حق بيع المصانع والشركات أهم من أي شيء.

"أغلب الاتهامات بالتعذيب داخل أقسام الشرطة..فبركة"..

حبيب العادلي وزير الداخلية , بأمارة قتل خالد سعيد والا بامارة سجن الضباط في قضية عماد الكبير!!

" الغاز الطبيعي المصري المورد لإسرائيل غاز مدعم يصل سعر المتر المكعب منه إلى ثلاثة دولارات، بينما يصل السعر العالمي إلى اثني عشر دولارا لكن تصدير الغاز لإسرائيل مازال في مرحلة تجارب التشغيل "

الرئيس التنفيذى لهيئة البترول , سكت دهراً ونطقت كفراً ياريتك ما اتكلمت سعره العالمي 12 دولار وانت بتبيعه ب 3 دولار , وهي اسرائيل دي جوز امنا علشان ندعملها الغاز, ومرحلة تشغيل ايه اللي بقالها كام سنة.

أكثر التصريحات المستفزة

"مواطن يقطع إصبعه للتوقيع (بالدم) على بيان تأييد جمال مبارك"

مع تحياتي

يتبع

v

v

v

v

تم تعديل 11 أكتوبر 2010 بواسطة nightmare

[Rock]

عودة السحابة السوداء.....و قش الارز هو المتهم الاول-المصري اليوم

و كأنة دي حاجة اول مرة تحصل امبارح بس...طيب دي ليها سنين يا فندي ..يعني لو كل سنة عملت خطة للمواحهة .كنا اكيد وصلنا لبرنامج مكافحة محترم و بعدين عمري ماشفت برنامج توعية مكثف للفلاح بهذا الشأن لا في تلفزيون و لا في الجمعيات الزراعية و لا في القري و كان البية الوزير اتكلم عن الوقود العضوي و ازاي ممكن يتعمل من قش الارز ..طيب هل فهمت الفلاح الغلبان انة دة ممكن يبقي مصدر رزق لة ؟؟؟؟؟؟؟؟ و بلد زي المانيا بتعمل عشرات من مصانع انتاج الوقود العضوي

حاخام يبيح لليهوديات ممارسة الجنس مع العدو من اجل معلومات استخباراتية-المصري اليوم

علي الاقل في مقابل احسن من الدعارة السياسية اللي حاصلة في مصر من غير مقابل او فايدة يلتمسها الشعب الكادح الرازح

الخارجية المصرية تبلغ سفراء اوروبا استياءها من سوء معاملة المصريين في السفارات-المصري اليوم

اسمحولي اضحك ربع قرن من الزمان و اجيلكم تاني ..طيب انتم اللي رخصتونا و بعتونا و معملتوش حاجة في اكتر من موقف سابق ...انا ليا واحد قريبي كان في ليبيا الشقيقة -معلش لازم احط الشقيقة دي في كل حتة زي ما عودونا في الاذاعة و في الجرايد-و بعد ماتش من ماتشات الكورة الليبية المصرية و التي تحدد مصير المصريين الساكنين بليبيا واااااااااااااااااا هدف هدف و كسبت مصر و قابل بقي اضربوا المصريين هناك و قريبي اتكسرت شقتة وراح للسفارة سفارة وطنة الاشم و كان الرد ملناش دعوة روح للبوليس

[Howayda Ismail]

استلم يا shawshank يا أخويا , قمة التضارب في التصريحات

مع تحياتي

هو بس انا كنت عاوزة اعرف ايه اللى وقع منه وكان بيدور عليه

[Rock]

استلم يا shawshank يا أخويا , قمة التضارب في التصريحات

مع تحياتي

هو بس انا كنت عاوزة اعرف ايه اللى وقع منه وكان بيدور عليه

الاخت هند ...... مصر اللي وقعت منة ... بس