استئصال اللوزتين بتقنية coblation

[pink rose]

السلام عليكم

بصوا يا ماعة الله يكرمكم عاوزة حد يفهمني موضوع استئصال اللوز بتقنية موجات اراديو دي

مريم تعبانة جدا بقالها شهر و نص كده تسخن اوي و ما تقدرش تمشي على رجلها و اللي زاد بقى و غطى السمع عندها قل بشكل ملحوظ

طبعا واحنا في مصر اول ما تعبت ودتيها دكتور قالي لتهاب في الاذن الوسطى و طبعا كتبلها على مضاد حيوي

ما فيش 10 ايام و سخنت خالص و مش قادرة لا تاكل و لا تشرب و بتصوت من ودنها

ودتيها لدكتور تاني استشاري برضو قالي اللوز ملتهبة جدا و التهاب جامد في الاذن الوسطى و نفس الحوار كتبلها مضاد حيوي

و خلاص بقت كويسة نوعا ما

من اسبوع بقى نفس الامر بيتكرر وجع فظيع في ودنها و سخونية اخناها وديناها لدكتور استشاري بريطاني في مستشفى سليمان الحبيب

دا بقى قال معلومة جديدة ان في مايا ورا ودنها و لازم تتعملها عملية تركيب انانبيب لتهوية الودن بس قال نجرب العلاج الاول لو ما جابش نتيجة في تصريف المايا لازم العملية

بقالها اسبوع ماشية على الدوا لكن امبارح سخنت جدا و ودنها واجعاها اوي و مش سامعة خالص بقى

اخدناها دلوقتي لدكتور استشاري مصري في المستشفى الوطني اسمه مجدي سلامة هو فتح بؤها من هنا و صوت فينا

ازاي سايبين البنت دي كده بتاكل ازاي دي حرام عليكم و خلانا نبص في زورها ايه دااااااااااا اللي انا شوفته دا كورتين يا جماعة حمر بشكل عجيب و فعلا سادين زورها خالص

الدكتور بقى قال دي لازم تشيل اللوز و اللحمية لانهم متضخمين جدا و هاتفضل طبعا مش سامعة لان اللوز عاملة انسداد في قناة استاكيوس و طبيعي انها تفضل في مايا ورا ودنها

طبعا انا اجبن ام في الدنيا دا انا كنت منهارة اول يوم راحت فيه المدرسة النهاردة بقى عيطت عند الدكتور

قعد يطمني و قالي في طريقة جديدة لشيل اللوز غير جراحية اسمها coblation و دي طريقة متطورة حتى عن استخدام الليزر

فا ربنا يخليكوا حد يفهمني الموضوع دا بيتم ازاي

و يا ترى المستشفى الوطني دي كويسة و هل حد سمع عن الدكتور مجدي سلامة دا

انا بقالي كام يوم دايخة على المستشفيات

السعودي الالماني الدكتور الاستشاري هناك في اجازته في مصر

في مستشفيات مغربي كل ما اتصل الاستشاري يا اما ما فيش مواعيد او اجازة

سليمان الحبيب اللي في خريص اغلبهم سعوديين ما فيش غير البريطاني اللي روحتله دا بس ما ارتحتلوش

في مستشفى رعاية الرياض في دكتور استشاري مصري كنت هاروحله النهاردة بس دا كان يوم الراحة بتاعته فا ان شاء الله هاروحله بكرة عشان اتأكد من كلام الدكتور بتاع النهاردة

افيدوني افادكم الله

[shiko]

الف سلامة عليها يا ريمو ....

اسأل الله رب العرش العظيم ان يشفيها شفاء لا يغادر سقما

وان شاء الله بالشفا بصى انا الحقيقة اول مرة اسمع عن التكنيك ده ...

بس ممكن تبصى على الفيديو ده يمكن يفيدك

وياريت تطمنينى عليها ياريم

http://www.youtube.com/watch?v=KizSZuqkyBc

تم تعديل 10 أكتوبر 2010 بواسطة shiko

[nightmare]

ألف سلامة على بنت حضرتك وربنا يشفيها يارب وتقوم بألف مليون سلامة

ومنتظرين أي دكتور يطمنك , وطمنينا عليها أول بأول

مع تحياتي

[Om Zayd]

أسأل الله العظيم رب العرش العظيم أن يشفيها

ربنا يشفيها و يبارك فيها

[pink rose]

الف سلامة عليها يا ريمو ....

اسأل الله رب العرش العظيم ان يشفيها شفاء لا يغادر سقما

وان شاء الله بالشفا بصى انا الحقيقة اول مرة اسمع عن التكنيك ده ...

بس ممكن تبصى على الفيديو ده يمكن يفيدك

وياريت تطمنينى عليها ياريم

http://www.youtube.com/watch?v=KizSZuqkyBc

ربنا يخليكي يا شيكو يا رب

انا شوفت الفيديو دا من شوية و قلبي وجعني اصلا بس اعتقد انه دا كده جراحي لكن التاني اللي باتكلم عليه بيعتمد على تأين الخلايا ( طبعا مش فاهمة يعني ايه لكن قريته كده على النت)

ألف سلامة على بنت حضرتك وربنا يشفيها يارب وتقوم بألف مليون سلامة

ومنتظرين أي دكتور يطمنك , وطمنينا عليها أول بأول

مع تحياتي

ربنا يكرمك يا nightmare

انا كمان في انتظار اي دكتور يفهمني و يطمني

انا قريت ان بالتقنية دي ما بتاخدش في العمليات اكتر من 10 دقايق مش عارفه المعلومة دي صحيحة و لا ايه

و انا طبعا من صدمتي عند الدكتور ما سألتش اي سؤال خالص جاتلي سكته كده

أسأل الله العظيم رب العرش العظيم أن يشفيها

ربنا يشفيها و يبارك فيها

شكرا يا Om Zaydالله يباركلك

دعواتك

دا اللي وصلتله من معلومات عن العملية دي

Coblation is a method used by otolaryngologists, also known as ENT (ear, nose and throat) specialists, to perform tonsillectomy, adenoidectomy, and other surgical procedures, including turbinate reduction and the treatment of snoring. Unlike traditional electrocautery methods, Coblation methods use radiofrequency ablation (RFA) to remove tissue. RF is a form of energy like radio waves, but with a higher frequency. Coblation-based surgical procedures use RF energy in a precise and controlled manner to remove affected tissue while causing very little harm to healthy tissue.

[doha]

الف سلامة عليها .. انا حاسة بيكي وحاسة بالتوتر والقلق الي ممكن يسببه موضوع زي ده لك فعشان كده بقولك خليكي ريلاكس خالص هي اللوز في حد ذاتها وعمليتها مش قضية ابدا لكن خوفك على مريم هو ده الي مشكلة تستحق القلق عليها ..

بصي ياستي .. بالنسبة لموضوع المية خلف الطبلة ده جالي زمان من عشر سنين كده على مااذكر.. وفاكرة وقتها الدكتور قالي هنديلك علاج ولو منفعش هنركب انابيب في ودنك تصرف المية حاجه زي كده ومش فاكره كانت دي العملية ولا لو منفعتش الانابيب بعدين هيبقى في عملية تانية اكبر .. المهم يومها الدكتور عمل لي شغل وهم وتخطيط سمع وقياس مش عارف ايه واجهزة مرعبة كده ركبهالي .. المهم طلعت من عنده رحت اشتريت الدوا ومن كتر مانا قرفانه من ( الفيلم ) ده كله واني شكلي مقبلة على دخول ( دوامة ) مش عارفه اولها من آخرها كل ده خلاني بعت القضية وقلت حتى الدوا مش هاخذه .. ورميته في الكومودينو .. ومش عاوزه اقولك بس بجد الحمد والشكر لله خفيت ولا عملت عمليات ولا حتى الدوا اخذته من اساسه ..

الخلاصة مما سبق الي عند مريم في ودنها سهل جدا باذن الله يتعالج يعني اذا كان خف عندي لوحده يبقى وارد جدا يخف من عندها بابسط علاج .. وفي نفس الوقت اسم العملية نفسه يخض لكن هي شائعة جدا وبتتعمل في حالات كتير لان اصلا تجمع الماء في الاذن شائع جدا هو كمان ..

طيب نيجي لموضوع اللوز ..

القاعده الطبية ان الطفل الي بيجي له لوز مرة على الاقل كل شهر وكان في ضعف عام في جسمه يبقى ده لازم يشيلها فورا .. اما لو بتيجي له مرة كل سنة او بتيجي له كتير لكن نموه كويس وبيكبر عادي ووزنه طبيعي او فوق الطبيعي يبقى ده مش شرط يعمل عمليات..

طيب نيجي لمريم ..

على كلامك اللوز بقالها معاها فترة .. وعلى حسب مااعتقد فانتي ذكرتي قبل كده في اكتر من مناسبة ان اكلها ضعيف جدا .. طيب يبقى مستنية ايه ؟ لابد من العملية دي مفيهاش كلام .

طيب نتكلم بقى عن عملية اللوز ..

معظم الاطفال الي اعرفهم شايلين لوزهم بل اكاد اقولك بثقة ان الاطفال الي مش شايلين اللوز هم الاستثناء من القاعده ..

عملية اللوز من اقدم العمليات الجراحية وبتتعمل من سنين طويلة وباقل الامكانيات نستنتج من كده انها عملية بسيطه واذا كانت بتنجح في عيادات تحت بير السلم فمن باب اولى هتنجح باذن الله باي طريقة جديده او اي تقنية حديثة .. فهماني ؟

يعني اللوز مش العملية الي تخافي منها او تدوري على احسن دكتور بيعملها والكلام ده لانها من الف باء الجراحة ..

فبصي بقى انتي هتعملي ايه ..

اولا هتصلي استخاره انتي ووالدها على مسألة اجراء الجراحة من اساسها وطبعا على الدكتور الي هيعملها لها مين.. بعدين هتطلعي على اول مستشفى نظيف يكون في الامكانيات ويكون دكتوره مصري وتتوكلوا على الله وتحجزوا عنده عملية .. والله لو فيه الخير هيتيسر الموضوع لو مفيش ومع الاستخاره باذن الله هتلاقوا ربنا وجهكم لمكان تاني خالص .. لقيتي كل حاجه ماشية في طريقها مفيش معوقات خلاص يبقى العملية في المكان ده هي الخير اعمليها وتوكلي على الله وسيبي الباقي عليه ..

يعملهالها بجراحة او اي تقنية تانية مش فارقة ساعتها خالص ..

وبالمناسبة في اجسام لا تستجيب للمضادات الحيوية الشائعة ومبتجيبش معاها اي نتيجه .. من خبرتي الزيسروماكس هو احسن مضاد حيوي للاطفال قوي شوية لكن نتائجه مضمونه.. واحلى مافيه انه ثلاث جرعات على ثلاث ايام كل يوم جرعه مرة واحده يوميا فلا بتنسي موعده ولا بيلخبط لك الدنيا .. من هنا على ماتقرري موضوع العملية ثلاث ايام مش قضية لو المضاد الي بتاخذه ضعيف ( كفلكس او اموكسيل ) غيري فورا لزسروماكس وبتحسبي الجرعه بناء على وزنها ومين عارف يمكن تخف عليه ومتحتاجش عمليات بس خلي بالك من بعد كده تنتبهي عليها من التهاب اللوز طالما الموضوع متكرر لان هيبقى امر الجراحه في الحالة دي لا مفر منه ..

[Alshiekh]

الفاضلة ريمو

الف سلامة على بنتك

ليتك ان تسرعى بعرضها على أخصائى أنف وأذن وحنجرة وان تركزى مع الدكتور على العلاقة بين التهاب اللوزتين وآلام الأذن ( قناة استاكيوس )

ومؤقتا الى ان يتفم اتخاذ القرار فى شأن استئصال اللوزتين من عدمه ، يمكن استعمال نقط معالجة التهابات الأنف بالطريقة التالية:

اجعلى بنتك ترقد على جنبها بحيث تكون الأذن الموجوعة هى التى تنام عليها مع ميل الرأس خفيفا للخلف ، ثم تقطرى القطرة فى انفها .

هذه الطريقة ستجعل سائل التنقيط يصل لقناة استاكيوس لحمايتها من الالتهاب وايضا لازالة السدد فيسمح للهواء بالتحرك مايمنع الألم

ملحوظة : قناة استاكيوس تصل بين الزور والاذن الوسطى ، واهمال معالجة الالتهاب له آثار ليست حميدة ، اسؤها هو " التهاب السحايا "

احكى من واقع ماعلمته من الدكتور الذى كان يعالج ابنتى عندما كانت صغيرة وكان لها دائما مشاكل مع اللوز وآلام الأذن بسبب قناة استاكيوس.

والف سلامة لبنتك مرة أخرى.

[pink rose]

الف سلامة عليها .. انا حاسة بيكي وحاسة بالتوتر والقلق الي ممكن يسببه موضوع زي ده لك فعشان كده بقولك خليكي ريلاكس خالص هي اللوز في حد ذاتها وعمليتها مش قضية ابدا لكن خوفك على مريم هو ده الي مشكلة تستحق القلق عليها ..

بصي ياستي .. بالنسبة لموضوع المية خلف الطبلة ده جالي زمان من عشر سنين كده على مااذكر.. وفاكرة وقتها الدكتور قالي هنديلك علاج ولو منفعش هنركب انابيب في ودنك تصرف المية حاجه زي كده ومش فاكره كانت دي العملية ولا لو منفعتش الانابيب بعدين هيبقى في عملية تانية اكبر .. المهم يومها الدكتور عمل لي شغل وهم وتخطيط سمع وقياس مش عارف ايه واجهزة مرعبة كده ركبهالي .. المهم طلعت من عنده رحت اشتريت الدوا ومن كتر مانا قرفانه من ( الفيلم ) ده كله واني شكلي مقبلة على دخول ( دوامة ) مش عارفه اولها من آخرها كل ده خلاني بعت القضية وقلت حتى الدوا مش هاخذه .. ورميته في الكومودينو .. ومش عاوزه اقولك بس بجد الحمد والشكر لله خفيت ولا عملت عمليات ولا حتى الدوا اخذته من اساسه ..

الخلاصة مما سبق الي عند مريم في ودنها سهل جدا باذن الله يتعالج يعني اذا كان خف عندي لوحده يبقى وارد جدا يخف من عندها بابسط علاج .. وفي نفس الوقت اسم العملية نفسه يخض لكن هي شائعة جدا وبتتعمل في حالات كتير لان اصلا تجمع الماء في الاذن شائع جدا هو كمان ..

طيب نيجي لموضوع اللوز ..

القاعده الطبية ان الطفل الي بيجي له لوز مرة على الاقل كل شهر وكان في ضعف عام في جسمه يبقى ده لازم يشيلها فورا .. اما لو بتيجي له مرة كل سنة او بتيجي له كتير لكن نموه كويس وبيكبر عادي ووزنه طبيعي او فوق الطبيعي يبقى ده مش شرط يعمل عمليات..

طيب نيجي لمريم ..

على كلامك اللوز بقالها معاها فترة .. وعلى حسب مااعتقد فانتي ذكرتي قبل كده في اكتر من مناسبة ان اكلها ضعيف جدا .. طيب يبقى مستنية ايه ؟ لابد من العملية دي مفيهاش كلام .

طيب نتكلم بقى عن عملية اللوز ..

معظم الاطفال الي اعرفهم شايلين لوزهم بل اكاد اقولك بثقة ان الاطفال الي مش شايلين اللوز هم الاستثناء من القاعده ..

عملية اللوز من اقدم العمليات الجراحية وبتتعمل من سنين طويلة وباقل الامكانيات نستنتج من كده انها عملية بسيطه واذا كانت بتنجح في عيادات تحت بير السلم فمن باب اولى هتنجح باذن الله باي طريقة جديده او اي تقنية حديثة .. فهماني ؟

يعني اللوز مش العملية الي تخافي منها او تدوري على احسن دكتور بيعملها والكلام ده لانها من الف باء الجراحة ..

فبصي بقى انتي هتعملي ايه ..

اولا هتصلي استخاره انتي ووالدها على مسألة اجراء الجراحة من اساسها وطبعا على الدكتور الي هيعملها لها مين.. بعدين هتطلعي على اول مستشفى نظيف يكون في الامكانيات ويكون دكتوره مصري وتتوكلوا على الله وتحجزوا عنده عملية .. والله لو فيه الخير هيتيسر الموضوع لو مفيش ومع الاستخاره باذن الله هتلاقوا ربنا وجهكم لمكان تاني خالص .. لقيتي كل حاجه ماشية في طريقها مفيش معوقات خلاص يبقى العملية في المكان ده هي الخير اعمليها وتوكلي على الله وسيبي الباقي عليه ..

يعملهالها بجراحة او اي تقنية تانية مش فارقة ساعتها خالص ..

وبالمناسبة في اجسام لا تستجيب للمضادات الحيوية الشائعة ومبتجيبش معاها اي نتيجه .. من خبرتي الزيسروماكس هو احسن مضاد حيوي للاطفال قوي شوية لكن نتائجه مضمونه.. واحلى مافيه انه ثلاث جرعات على ثلاث ايام كل يوم جرعه مرة واحده يوميا فلا بتنسي موعده ولا بيلخبط لك الدنيا .. من هنا على ماتقرري موضوع العملية ثلاث ايام مش قضية لو المضاد الي بتاخذه ضعيف ( كفلكس او اموكسيل ) غيري فورا لزسروماكس وبتحسبي الجرعه بناء على وزنها ومين عارف يمكن تخف عليه ومتحتاجش عمليات بس خلي بالك من بعد كده تنتبهي عليها من التهاب اللوز طالما الموضوع متكرر لان هيبقى امر الجراحه في الحالة دي لا مفر منه ..

الله يسلمك يا ضحى

هو فعلا اللوز من اسهل العلميات و اصلا مش بيطلق عليها حاليا عملية لانها سهلة جدا

انا عاملة اللوز و اللحمية و انا في نفس سنها كده على فكرة

هو بس خوفي عليها لانها ضعيفة اكلها عبيط و مش عارفه تستحمل بقى بنج و عمليات و لا ايه

موضوع الاستخارة طبعا دا شئ مفروغ منه و ربنا يكتب الخير

لكن لازم اشوف و اعرف مين افضل دكتور في المجال دا و كمان لازم اختار مستشفى نضيفة عشان كده سألت يمكن حد يكون عنده معلومة او يعرف دكتور ثقة

ناس اصحابنا قالولي على طارق هلال استشاري في السعودي الالماني بس الدكتور في مصر حاليا و بصراحة انا عمري ما رحت السعودي الالماني و ما اعرفش شكلها ايه

اللي روحتها رعاية و شايفاها مستشفى نضيفة

كمان سليمان الحبيب حاجه محترمة جدا بس للاسف الدكاترة كلهم سعوديين او بريطاني و في كمان و احد الماني

و انا عاوزة دكتور يكون مصري برضو بيكونوا ثقة عن اي حد تاني

اما موضوع زيسروماكس دا فا هي لسا مخلصاه ما فيش اسبوع و ما فيش فايدة

الالتهاب اتكرر تاني

الدكتور كتب امبارح على مضاد حيوي مرة واحدة لمدة اسبوع و كمان دوا تاني للبرد و الاحتقان و السخونية و دوا تالت للكحة لانه بيقول لازم وقت العملية ما يكونش في اي اعراض لاي مرض

و قال انه بيعمل العمليات يوم الاتنين و الخميس و عليه يعني ممكن يكون معاد العملية الخميس اللي بعد اللي جي

على ما تكون خلصت المضاد و خفت و راح الالتهاب و البرد ان شاء الله

ربنا ييسر الامور و يهدينا للخير

ان شاء الله النهاردة رايحين للدكتور اللي في رعاية الرياض و اشوفه هايقول ايه لو كرر نفس الكلام يبقى هاتوكل على الله و اعملهالها

عارفه المشكلة في ايه حوار المايا اللي ورا الودن دي لو اتسابت بتكون خطيرة جدا بعد الشر الطفل ممكن يفضل عايش بسماعة طول عمره لانها بتؤدي لخرم طبلة الودن

ربنا يستر على ولادنا و يحفظهم و يحميهم و يخليهم لينا و يباركلنا فيهم

اللهم آمين

تم تعديل 11 أكتوبر 2010 بواسطة remo

[pink rose]

الفاضلة ريمو

الف سلامة على بنتك

ليتك ان تسرعى بعرضها على أخصائى أنف وأذن وحنجرة وان تركزى مع الدكتور على العلاقة بين التهاب اللوزتين وآلام الأذن ( قناة استاكيوس )

ومؤقتا الى ان يتفم اتخاذ القرار فى شأن استئصال اللوزتين من عدمه ، يمكن استعمال نقط معالجة التهابات الأنف بالطريقة التالية:

اجعلى بنتك ترقد على جنبها بحيث تكون الأذن الموجوعة هى التى تنام عليها مع ميل الرأس خفيفا للخلف ، ثم تقطرى القطرة فى انفها .

هذه الطريقة ستجعل سائل التنقيط يصل لقناة استاكيوس لحمايتها من الالتهاب وايضا لازالة السدد فيسمح للهواء بالتحرك مايمنع الألم

ملحوظة : قناة استاكيوس تصل بين الزور والاذن الوسطى ، واهمال معالجة الالتهاب له آثار ليست حميدة ، اسؤها هو " التهاب السحايا "

احكى من واقع ماعلمته من الدكتور الذى كان يعالج ابنتى عندما كانت صغيرة وكان لها دائما مشاكل مع اللوز وآلام الأذن بسبب قناة استاكيوس.

والف سلامة لبنتك مرة أخرى.

الله يسلم حضرتك يا استاذ محمد

هو فعلا الدكتور شرحلنا امبارح الوضع

قناة استاكيوس اخرها مسدود من تضخم اللوز و اللحمية فا دا عامل انسداد في القناة و ما فيش تصريف للمايا اللي ورا الاذن الوسطى

فا هو قال لازم تتعمل اللوز و اللحمية فورا لان لو المايا دي فضلت موجودة هاتبقى مشكلة جامدة

انا فعلا باحطلها نقط في مناخيرها عشان تهوي القناة لكن مع تضخم اللوز و اللحمية النقط مش جايبة نتيجة

لاني بانقطلها اوتريفين بقالي 10 ايام و ما اتحسنتش غير يومين كده و رد عليها الوجع تاني

شكرا مرة تانية لاهتمام حضرتك

[اغابي]

الف سلامة يا ريمو على بنتك

وربنا يطمنك عليها -

انا عندى نفس المشكلة مع ابني عمره 9 سنين

مع دخول الشتا بنبدأ مشكلة اللوزتين

وكتير نصحونى انى اعمله عملية فى مصر

لكن انا مرعوبة عليه مع ان عمليه اللوز دى ابسط عملية

لكن كل ما افكر فيها اتهرب من انى اعمله العملية

لان دايما يجينى احساس انى مش حاشوفه تانى لو دخل اوضة العمليات

انا حاسة بيكي اوى يا ريمو - لانى فى نفس مشكلتك

اغابي

[pink rose]

الف سلامة يا ريمو على بنتك

وربنا يطمنك عليها -

انا عندى نفس المشكلة مع ابني عمره 9 سنين

مع دخول الشتا بنبدأ مشكلة اللوزتين

وكتير نصحونى انى اعمله عملية فى مصر

لكن انا مرعوبة عليه مع ان عمليه اللوز دى ابسط عملية

لكن كل ما افكر فيها اتهرب من انى اعمله العملية

لان دايما يجينى احساس انى مش حاشوفه تانى لو دخل اوضة العمليات

انا حاسة بيكي اوى يا ريمو - لانى فى نفس مشكلتك

اغابي

الف سلامة على ابنك و ربنا يخليهولك و يباركلك فيه

انتي جيبتي اللي فيها يا اغابي

انا بس باتهرب اني اقول اللي حاسة بيه

امبارح كنت لسا باقول لجوزي نفس الكلمة لو راحت مني بقى هاعمل ايه ساعتها

ربنا يستر

[abaomar]

السلام عليكم

الاخت الفاضله ريمو جزاك الله خيرا

.

بصراحه اللى محتاج وقفه و رعايه هو انتى فى الحاله القلقه دى :)

و ما تخليش الشيطان يلعب فى دماغك بوساوس من نوعيه لو دخلت خايفه ما تطلعش

و ضعى امام عينك قاعده مؤكده ..ما شاء الله كان ..و ما لم يشأ لم يكن ..

ليه الرعب و القلق ده كله خصوصا انه و الحمد الله التشخيص السليم موجود و معروف

و افضل علاج فى هذه الحاله هو التدخل الجراحى و هو هنا فى عمليه اللوز من ابسط ما يمكن

حتى انه يتم اجرائها و بنجاح فى العيادات الخاصه فى مصر فما بالك

بالامكانيات المتاحه بفضل الله فيها مستشفيات الرياض التى ذكرتيها اعلاه و كل منها لا

تقل عن الاخرى و إن كان لى ان ازكى فانصحك بمستشفى الوطنى التى لى فى تجارب عديده

منها ولاده ابنى عمر و كانت قيصريه فضلا عن العيادات الخارجيه هناك ممتازه .

بالمناسبه انا كنت من نوعيه ابنتك الغاليه التى تصاب كل اسبوع او اثنين باللوز مع المضاعفات

الى ان تم إجراء العمليه لى فى اولى اعدادى عام 80 فى عياده دكتور شهير اسمه محسن النمر

فى شارع المطراوى بالقاهره و يشاء الله ان اجرى لابنى نفس العمليه عند نفس الدكتور بعد 27 عام

فى نفس الغرفه و بفضل الله الولد زى الفل دلوقتى

.

توكلى على الله و استخيرى و لا تضيعى الوقت بالتنقيه بين الاطباء

و هاتلاقى فى الوطنى دكاتره مصريين كويسين و ربنا يشفيلك ابنتك .أمين

تم تعديل 11 أكتوبر 2010 بواسطة abaomar

[se_ Elsyed]

يا أم مريم ما تقلقيش وتنقلي قلقك للبيت كله ...

أعتقد إن مريم عدت الـ 4 سنين ... وبالتالي هي عدت العُمر اللي الدكاترة لا يُفضلوا عمل عملية إستئصال اللوز للطفل قبلها لإنها فترة تكوين المناعة على حسب ما سمعت منهم ...

وبالتالي إذا كانت المشاكل هاتنتقل كمان للسمع والأُذن يبقى الله يكرمك إتصرفي بسرعة ... ومش غلط اللي إنتي عملتيه إنك تستشيري طبيب وإتنين بس إنوي بقى وإتوكلي على الله

للأسف إبناي عُمر وعلي تعرضوا لبهدلة أطباء هنا ربنا يسامحهم وهما صغيرين كانوا بيصرفوا لنا المضاد الحيوي ده زي الملبس ... وبالتالي مناعتهم إتأثرت وبقوا زي السبكوته ..

وبالتالي الأتنين عملوا عملية اللوز قبل سن عامين لإن الإلتهابات تكررت عندهم كثيراً وخلال فترات بسيطة ... بالإضافة كمان لشيء خطير قد يغفل عنه الأباء ويحسبونه هيناً وهو " الشخير " الذي قد يعاني منه بعض الأطفال وبيبقى من أكتر أسبابة هو تضخم اللوزتين واللحمية في الأنف ... ولا قدر الله في بعض الاحيان بيؤدي إلى حالات إختناق أثناء النوم .. كما إن النوم المتقطع وغير الهاديء للطفل بيؤثر على نموه الجسدي والعقلي ... ودايماً الأطفال اللي بيعانوا من ده بتلاقي هالات سوداء تحت عينهم ...

أنا شخصياً إتعاملت مع طبيب محترم ومحترف في مستشفى المركز التخصصي SMC اللي عند تقطاع طريق الملك فهد مع طريق مكه .... وهو الدكتور " حسام طعمه " هو لبناني لكن ما شاء الله عليه ..

إبني عبد الرحمن كانت اللوز التهبت عنده كذا مره ... وكذا طبيب نصحنا بإنه يعمل العملية مع إن عُمره سنتين بالظبط ... لكن الدكتور حسام هو الوحيد اللي نصحنا إننا نصبر شويه .. تقريباً الكلام ده من 5 شهور والحمد لله الحالة مستقر ..

روحي له يا ريمو وخير بإذن الله

[Howayda Ismail]

الف سلامة على بنتك حضرتك

ماتخافيش موضوع المية ده منتشر بس الاهم التشخيص الصح وكذلك العلاج الصح

ربنا يشفيها لك

ابن اختى كان عنده نفس المشكلة وهو فى سنها ولكن بالعلاج الحمد لله شفى تماما

وهو دلوقت فى الجامعة وعقبال يارب ماتشوفيها زيه.... جمدى قلبك شوية

تربية العيال مواله كبير وعايز صبر

[المهندسه]

الف مليون سلامه يا ريمو على مريم

ما تقلقيش خالص ان شاء الله هتكون كويسه و عمليه اللوز دى بسيطه جدا وكل ال بيعملها بتتحسن صحته بشكل واضح والغريبه انه بيتحسن فى الاكل كمان...لان وجعها بيكون مانع الاطفال انهم ياكلوا و مخوفهم من الاكل...ربنا يطمنك عليها

انا سمعت ان العمليات فى مستشفى رعايه الرياض كويسه جدا... انا ساكنه جنبها على طول و دايما بنروحها هى ممتازه.

ياريت تطمنينه على مريم او بأول وربنا يخليهالك و يطمنك عليها

[Alrefaey]

الف سلامة على مريم يا ام مريم وربنا يشفها لكى وتكون فى احسن الاحوال

الاخوة والاخوات قالوا على نصايح وخبرات جيدة بس احب اركز على نقطة

اولا طالما التهاب اللوز اصبح بشكل مزمن (هو الان حاد وليس مزمن ) ولكن طالما تكرر على مريم اكثر من مرة وبدأ يؤثر على الانسجة المحيطة زى الانف والاذن

كما لاحظت من كلامك ان البنت لاتقدر على المشى اثناء التهاب اللوز ده يجعلنى ارجح وبقوة استأصال اللوز فى اسرع وقت ممكن (بعد استكمال المضاد الحيوى المناسب وزوال الالتهاب ) لان مضار اللوز فى تلك الحالة اكثر من نفعها بكثير وخوفا لا قدر الله ان يؤدى تكرار العدوى والالتهاب الى حمى روماتومية مستقبلا عفا الله مريم عن ذلك

توكلى على الله استشير طبيبك فى استأصال اللوز ولا تخافى فالعملية بسيطة ومضمونه ان شاء الله

[مغتربة]

الف سلام لمريومه الاموره ربنا يشفيها و يعافيها و يبعد عنها كل هم او حزن او نصب

اللهم امين

[pink rose]

السلام عليكم

الاخت الفاضله ريمو جزاك الله خيرا

.

بصراحه اللى محتاج وقفه و رعايه هو انتى فى الحاله القلقه دى :)

و ما تخليش الشيطان يلعب فى دماغك بوساوس من نوعيه لو دخلت خايفه ما تطلعش

و ضعى امام عينك قاعده مؤكده ..ما شاء الله كان ..و ما لم يشأ لم يكن ..

ليه الرعب و القلق ده كله خصوصا انه و الحمد الله التشخيص السليم موجود و معروف

و افضل علاج فى هذه الحاله هو التدخل الجراحى و هو هنا فى عمليه اللوز من ابسط ما يمكن

حتى انه يتم اجرائها و بنجاح فى العيادات الخاصه فى مصر فما بالك

بالامكانيات المتاحه بفضل الله فيها مستشفيات الرياض التى ذكرتيها اعلاه و كل منها لا

تقل عن الاخرى و إن كان لى ان ازكى فانصحك بمستشفى الوطنى التى لى فى تجارب عديده

منها ولاده ابنى عمر و كانت قيصريه فضلا عن العيادات الخارجيه هناك ممتازه .

بالمناسبه انا كنت من نوعيه ابنتك الغاليه التى تصاب كل اسبوع او اثنين باللوز مع المضاعفات

الى ان تم إجراء العمليه لى فى اولى اعدادى عام 80 فى عياده دكتور شهير اسمه محسن النمر

فى شارع المطراوى بالقاهره و يشاء الله ان اجرى لابنى نفس العمليه عند نفس الدكتور بعد 27 عام

فى نفس الغرفه و بفضل الله الولد زى الفل دلوقتى

.

توكلى على الله و استخيرى و لا تضيعى الوقت بالتنقيه بين الاطباء

و هاتلاقى فى الوطنى دكاتره مصريين كويسين و ربنا يشفيلك ابنتك .أمين

الاخ الفاضل ابو عمر

و نعم بالله الحكاية كلها بس قلق الام على ولادها لكن في نفسي بادعي ربنا انه يشفيها و عارفه و متأكده ان الامر من قبل و من بعد لله عز وجل

و هو قادر على شفائها

ان شاء الله بس هاوديها لدكتور كمان عشان يبقى اتنين اكدوا على موضوع العملية و لو دا حصل

ان شاء الله هاتوكل عليه سبحانه و تعالى و نعملهالها و ان شاء الله تتحسن و تكون كويسة

جزاك الله خير

تم تعديل 12 أكتوبر 2010 بواسطة remo

[pink rose]

يا أم مريم ما تقلقيش وتنقلي قلقك للبيت كله ...

أعتقد إن مريم عدت الـ 4 سنين ... وبالتالي هي عدت العُمر اللي الدكاترة لا يُفضلوا عمل عملية إستئصال اللوز للطفل قبلها لإنها فترة تكوين المناعة على حسب ما سمعت منهم ...

وبالتالي إذا كانت المشاكل هاتنتقل كمان للسمع والأُذن يبقى الله يكرمك إتصرفي بسرعة ... ومش غلط اللي إنتي عملتيه إنك تستشيري طبيب وإتنين بس إنوي بقى وإتوكلي على الله

للأسف إبناي عُمر وعلي تعرضوا لبهدلة أطباء هنا ربنا يسامحهم وهما صغيرين كانوا بيصرفوا لنا المضاد الحيوي ده زي الملبس ... وبالتالي مناعتهم إتأثرت وبقوا زي السبكوته ..

وبالتالي الأتنين عملوا عملية اللوز قبل سن عامين لإن الإلتهابات تكررت عندهم كثيراً وخلال فترات بسيطة ... بالإضافة كمان لشيء خطير قد يغفل عنه الأباء ويحسبونه هيناً وهو " الشخير " الذي قد يعاني منه بعض الأطفال وبيبقى من أكتر أسبابة هو تضخم اللوزتين واللحمية في الأنف ... ولا قدر الله في بعض الاحيان بيؤدي إلى حالات إختناق أثناء النوم .. كما إن النوم المتقطع وغير الهاديء للطفل بيؤثر على نموه الجسدي والعقلي ... ودايماً الأطفال اللي بيعانوا من ده بتلاقي هالات سوداء تحت عينهم ...

أنا شخصياً إتعاملت مع طبيب محترم ومحترف في مستشفى المركز التخصصي SMC اللي عند تقطاع طريق الملك فهد مع طريق مكه .... وهو الدكتور " حسام طعمه " هو لبناني لكن ما شاء الله عليه ..

إبني عبد الرحمن كانت اللوز التهبت عنده كذا مره ... وكذا طبيب نصحنا بإنه يعمل العملية مع إن عُمره سنتين بالظبط ... لكن الدكتور حسام هو الوحيد اللي نصحنا إننا نصبر شويه .. تقريباً الكلام ده من 5 شهور والحمد لله الحالة مستقر ..

روحي له يا ريمو وخير بإذن الله

حاضر يا س س هاحط اعصابي في تلاجة هاحاول بس ما اوعدكش

هو طبعا من ساعة موضوع ان السمع عندها قل بالشكل دا هو دا اللي مخليني مش عارفه افلفص خالص

بس مستنية دكتور كمان يأكدلي ان الحالة دي الاحسن في العملية مش ادوية ان شاء الله هانتوكل على الله و نعمل العملية

و ربنا يعافي عبدالرحمن يا رب بس فعلا استنوا شوية لانه سنتين لسا كوكو صغنن ما يستحملش

ربنا يعافيه و يشفيه و يباركلك فيه هو و اخواته

[pink rose]

الف سلامة على بنتك حضرتك

ماتخافيش موضوع المية ده منتشر بس الاهم التشخيص الصح وكذلك العلاج الصح

ربنا يشفيها لك

ابن اختى كان عنده نفس المشكلة وهو فى سنها ولكن بالعلاج الحمد لله شفى تماما

وهو دلوقت فى الجامعة وعقبال يارب ماتشوفيها زيه.... جمدى قلبك شوية

تربية العيال مواله كبير وعايز صبر

الله يسلمك يا مدام هند

اه فعلا انا اكتشفت ان موضوع المايا دا منتشر

ربنا يعافي كل الاطفال يا رب

هاحاول اجمد قلبي شوية بس انتي عارفه الام اللي بيبقى عندها طفل واحد بس بيبقى عندها الدنيا و ما فيها

ربنا يسلم ان شاء الله

الف مليون سلامه يا ريمو على مريم

ما تقلقيش خالص ان شاء الله هتكون كويسه و عمليه اللوز دى بسيطه جدا وكل ال بيعملها بتتحسن صحته بشكل واضح والغريبه انه بيتحسن فى الاكل كمان...لان وجعها بيكون مانع الاطفال انهم ياكلوا و مخوفهم من الاكل...ربنا يطمنك عليها

انا سمعت ان العمليات فى مستشفى رعايه الرياض كويسه جدا... انا ساكنه جنبها على طول و دايما بنروحها هى ممتازه.

ياريت تطمنينه على مريم او بأول وربنا يخليهالك و يطمنك عليها

الله يسلمك يا باشمهندسة

انا عارفه و الله انها بسيطة بس كان نفسي حد يفهمني ايه الطريقه الجديدة اللي بيعملوها بيها دي عشان ابقى فاهمة الليلة ماشية ازاي

يسمع منك ربنا انها بعد ما تعملها اكلها يتحسن و الله الدكتور في مصر قالي وزنها اقل من المعدل اللي المفروض تكون عليه في السن دا هي اكلها ضعيف و بتدوخني عاوزة تفضل عايشة بس على اللبن الفراولة و مكتفية بكده بالعافية بقى على ما تفتح نفسي انا و تاكلها اكله عدلة شوية

انا عارفه ان رعاية نضيفة ما شاء الله احنا ساكنين قريب منها جدا احنا كمان

المهم بس الاقي فيها دكتور اطمنله يعني المفروض عندنا معاد الصبح مع الاستشاري هناك و ربنا يسهل

و ان شاء الله هابقى اقولكم لما ارجع ايه الاخبار

تم تعديل 12 أكتوبر 2010 بواسطة remo