يادي الفضيحة أم جلاجل ...

[أبوعمار]

مصر تقترب من "الكارثة" .. بطل إفريقيا يخسر من النيجر وفرص تأهله باتت ضعيفة

أضعف المنتخب المصري من فرص تأهله لنهائيات كأس الأمم الإفريقية 2012 بغينيا الإستوائية والجابون، وذلك بعدما تلقى خسارة "مهينة" أمام مضيفه النيجر بهدف مقابل لاشيء في الجولة الثانية للمجموعة السابعة.

سجل الهدف الوحيد لأصحاب الأرض موسى أمادو في الدقيقة 34، بعد استغلاله خطأ فادح لمحمد عبد الشافي في اليسار، حيث إنفرد بعصام الحضري حارس مرمى ووضعها في شباكه.

وتقرب هذه النتيجة منتخب مصر بطل القارة في النسخ الثلاث الماضية من "الكارثة"، وهي عدم التأهل لنهائيات كأس الأمم التي تحتاج المشاركة فيها لإحتلال صدارة المجموعة أو الصعود كأفضل تواني من بين منتخبين فقط يحصلان على تلك البطاقة.

وحتى هذه اللحظة، يتذيل المنتخب المجموعة السابعة برصيد نقطة وحيدة تحصل عليها من التعادل مع سيراليون في استاد القاهرة، فيما تحل جنوب إفريقيا في الصدارة بثلاث نقاط من مباراة واحدة، يليها النيجر بنفس الرصيد، ثم سيراليون بنقطة وحيدة.

تم تعديل 10 أكتوبر 2010 بواسطة أبوعمار

[nightmare]

والله العظيم انت انتيمي

اظاهر كل بتوع الكمبيوتر ليهم نفس التفكير , اول ما الماتش خلص من اربع ساعات كنت هكتب نفس الموضوع بنفس الإسم ده

بس قلت الناس هنا معظهم ما بيهتمش بالرياضة قوي .

فضيحة بجد ومش مصر بس دي كل المنتخبات العربية معرضة للخروج من كأس الامم

ربنا يستر مفيش مرة نتأهل كده من غير حسبة برمة ولا مسك دفاتر وكتابة أرقام وعمل حسابات.:sad:

مع تحياتي

[engmido]

يادى الجرسة ام حناجل...بتعطيش الجيم

[Om Zayd]

السلام عليكم و رحمة الله و بركاته

ممكن أسأل سؤال؟

ليه التأهل و ماتشات الكورة بتستحوذ على كل الاهتمام ده؟ ليه الناس بتحرق دمها عشانها؟ و تبقى الماتشات "موقعة" و فرصة أو إنجاز "تاريخي"؟

[أبوعمار]

صادق من غير ماتحلف

انت فعلا أنتيمي

واللي أثبت لي كده الكام موضع بتوعك اللي فاتوا

ربنا يستر من الفضايح

من قمة الفرحة والانتصارات

للخروج المخزي؟

دي تدخل مواقف وطرائف

ويا فرحة الجزائريين فينا

[Mr MAGED]

متخفش يابو عمار .. الجزائر شالت 2 هيا كمان .. الحال من بعضه

بتهيألي المفروض يكون فيه حد عنده شوية دم ويستقيل

ويكون فيه حد تاني عنده دم برضه .. ويضرب اللعيبة دي بالنار

حاجة تحرق الدم

[nightmare]

مش عارف ايه اللى بيحصل للمنتخبات العربية

مصر الحاصلة على البطولة الافريقية ثلاث مرات متتالية تنهزم من فريق اسمه النيجر , ويعتبر هذا فوز تاريخي له فلن يستطيع ان يفعلها مرة أخري مع اى فريق تانى , ده في تصفيات كأس العالم لم يفز الا مباراة واحدة في كل التصفيات :blink:

والجزائر تتغلب بهدفين من فريق اسمه افريقيا الوسطي , وحياتك انتا عندي انا معرفها فين على الخريطة:lol:

اختنا om zayd

كل واحد فينا ليه اهتماماته وهواياته , زي كده والدتى الله يمسيها بالخير لما كانت تيجي الساعة 7 تمسك الريموت وعلى المسلسل على طول.

اللى بيحب مشاهدة الأفلام واللى بيحب الأغاني والموسيقي واللى عاشق للمسلسلات واللى مجنون زي حالاتنا ومالوش الا في الكورة

مع تحياتي

تم تعديل 10 أكتوبر 2010 بواسطة nightmare

[شريف مان]

يادى الجرسة ام حناجل...بتعطيش الجيم

ههههههههههههههههههههههههه

مش للدرجة دى

جنوب افريقيا 4 نقاط واحنا نقطة يعنى لو كسبناها الماتش اللى جاى نبقا أول

mfb:

تم تعديل 10 أكتوبر 2010 بواسطة شريف مان

[Om Zayd]

اختنا om zayd

كل واحد فينا ليه اهتماماته وهواياته , زي كده والدتى الله يمسيها بالخير لما كانت تيجي الساعة 7 تمسك الريموت وعلى المسلسل على طول.

اللى بيحب مشاهدة الأفلام واللى بيحب الأغاني والموسيقي واللى عاشق للمسلسلات واللى مجنون زي حالاتنا ومالوش الا في الكورة

مع تحياتي

أنا قصدي حالة التوتر و الشحن الزايد

مش مجرد الاهتمام العادي

[أبوعمار]

متخفش يابو عمار .. الجزائر شالت 2 هيا كمان .. الحال من بعضه

بتهيألي المفروض يكون فيه حد عنده شوية دم ويستقيل

ويكون فيه حد تاني عنده دم برضه .. ويضرب اللعيبة دي بالنار

حاجة تحرق الدم

ونكون عندنا احنا دم ونبطل نحرق دمنا ع الكورة

كل ما أحلف يا أخي ع الكورة وحرقة الأعصاب

مفيش فايدة

ومابناخدش حاجة

واللعيبة تاخد ملايين

وبرضو بنشجع ونقول

"مصر bv:-

[nightmare]

أنا قصدي حالة التوتر و الشحن الزايد

مش مجرد الاهتمام العادي

مش مع كل الناس ولا في كل الأوقات , يعني كرة القدم فيها المتعة للى عاوز يستمتع وفيها الإثارة لو اللعب على بطولة تكتب في التاريخ, انما الشحن الزائد غير موجود الا عند مقابلات بعض الفرق ذات الشعبية الكبري مثل الأهلى والزمالك , الهلال والإتحاد .... وهكذا وده بيرجع للشعبية الكبري لهذه الأندية أو المنتخبات فقط

كرة القدم أصبحت صناعة حالياً واستثمارات بملايين ومنها تعرفنا علي دول لم نكن نعرفها ( اول مرة اعرف النهاردة ان فيه دولة اسمها افريقيا الوسطي ) , وهناك دول تكتب تاريخها من خلال انجازاتها الكروية مثل البرازيل.

انما العنف ده مرفوض , فالرياضة أخلاق ومكسب وخسارة وهذا لابد أن نتقبله.

مع تحياتي

[Ahmed Anwer]

أنا مش عارفني

أنا مش شايفني

أنا مش أنا ،،،،،،،،،،

أنا بطل افريقيا ،،، التاسع في ترتيب الفيفا

اللي كأس العالم افتقدتني

مش هأعرف أتأهل كأس الأمم الأفريقية

يا خيبتي !!!!!!!

الكارثة دي التصفيات المؤهلة لكأسين أمم أفريقية 2012 ،،، 2013

و إحتمال كبير جدا لضيق الوقت بين 2013 ،،، و كأس العالم 2014 بالبرازيل

تكون كأس الأمم 2013 المؤهلة لكأس العالم 2014

قريبا مجرد سيرة كأس العالم دي بتقلب معانا بفقر

[أبوعمار]

أنا مش عارفني

أنا مش شايفني

أنا مش أنا ،،،،،،،،،،

أنا بطل افريقيا ،،، التاسع في ترتيب الفيفا

اللي كأس العالم افتقدتني

مش هأعرف أتأهل كأس الأمم الأفريقية

يا خيبتي !!!!!!!

الكارثة دي التصفيات المؤهلة لكأسين أمم أفريقية 2012 ،،، 2013

و إحتمال كبير جدا لضيق الوقت بين 2013 ،،، و كأس العالم 2014 بالبرازيل

تكون كأس الأمم 2013 المؤهلة لكأس العالم 2014

قريبا مجرد سيرة كأس العالم دي بتقلب معانا بفقر

طب أقوم أنتحر أنا ولا أعمل ايه؟

يعني مش هانقعد كام سنة نحلم بالتأهل لكأس العالم اللي جاي

قبل ما نفوق من الحلم؟

صحيتنا من الحلم بدري يا أحمد الله يسامحك

[جسار]

بصراحة كده كفاية على المعلم حسن شحاته ولا هو عايز يعمل زى غيره

ويتبت فى أم الكرسى ، عايز فلوس بياخد 200.000 جنيه فى الشهر ده

غير المكافئات والبدلات والمعسكرات والسفريات والبلح أمهات

وجاب أبنه كريم - زى واحد مش صاحبنا - وعمله شركة تسويق بتاخد

من الباطن مباريات المنتخب الودية وفلوس بالهبل ومصدره فى كل

معسكرات المنتخب وأصبح وجوده الغير رسمى عادى جدا - زى واحد

أبن واحد مش صاحبنا - والمنتخب مصروف عليه 33 مليون جنيه

ده غير 13 مليون اخرى عن طريق الريس وحسن صقر ، يعنى مصاريف

و أموال بدون رقيب وهى دى الفلوس اللى بتعمل دعاية كويسة للنظام

تغطى على كل مشاكل البلد .

طيب ومن الناحية الفنية معروف للكل أن محمود الجوهرى نقل تفاصيل خطته

3-5-2 من مدرب الاهلى فايتسا الألمانى وجاب لاعبى الاهلى اللى بيجيدوها

وصعد بهم لكأس العالم سنة 90 ، نفس السيناريو وبالضبط حصل مع حسن

شحاته ولكن النقل المرة دى جاء عن طريق مانويل جوزيه أول من ادخل

طريقة 4-3-3 الى مصر واجادها لاعبو الاهلى وحصدوا بها 19 بطولة محلية

وقارية وهو ده نفس التوقيت اللى حصلنا فيه على بطولات افريقيا 2006

2008 - 2010 ، وترك جوزيه الأهلى فى نهاية 2009 ، وكمل الأهلى بالبدرى

الموسمين الماضى والحالى بأداء متذبذب ، وهذا ما حدث مع المنتخب

القومى فى تصفيات كأس العالم الماضية وخروجنا على يد فريق الجزائر

متوسط المستوى وتاهت البوصلة من المعلم كما حدث مع البدرى لانه مفيش

أبداع شخصى يواجه به متغيرات المباراة سواء على صعيد تغيير تكتيك

اللعب او اللاعبين ومراكزهم فى الملعب ، ومن يشاهد مباريات المنتخب

فى التصفيات الماضية لايجد سوى طريقة عقيمة للعب وهى أرسال كرات طويلة

فى عمق دفاعات المنافس تكون عادة سهلة المنال للمدافعين ولايوجد دور

واضح المعالم للاعبى خط الوسط من نواحى التحركات والتمركز ، ونأتى

لشئ آخر وهو فقدان السيطرة على اللا عبين فى الملعب كل واحد بيتحرك

زى ماهو عايز ومفيش تغطية غلى الزميل واللى بيتقدم من الطرفين

مابيرجعش يغطى مكانه فى حالة الهجوم المعاكس ، والمهاجمين لايتعاونون

مع بعضهم وكلهم اصيبوا بالنرجسية والأنانية والمدرب خارج الخطوط فاقد

التركيز والتوجيه ...وطبعا فان اية محاولة لنقد الاداء الفنى للمعلم

تواجه بعاصفة من الهجوم الأعلامى المستفيد من هذا المناخ الفاسد وتكال

التهم للمنتقدين ويطلعوهم خونة وعملاء ولايعملوا لصالح مصر وبيعرقلوا

مسيرة البطولات والأنجازات ، وبالوضع ده مش حنوصل نهائيات أفريقيا 2012

وأنسى أن حسن شحاته يتغير لانه راجل واصل للرياسة مباشرة ..وزى ماقالت

مارى منيب لعادل خيرى : خط البرج ماشى مع خط العمر شيل ده يقع ده

يبقى لازم البرج يقعد !!!

[ozoozo]

يارب

مش كفايه الزمالك عليا هايبقي المنتخب كمان

وبعدين اصلا عبد الشافي بيعمل ايه سواء في الزمالك ولا المنتخب ده كبيره يلم الكور من ورا الجون وان قدر علي دي كمان

[nightmare]

يارب

مش كفايه الزمالك عليا هايبقي المنتخب كمان

حبيبي يا ozoozo انت زي حالاتى أنا وشريف

طب خد الدواء ده انا بستعمله قبل أي ماتش للزمالك , قدرنا بقي , شكلنا هندور على واحد زيه للمنتخب قريب :lol:

[Mr MAGED]

يارب

مش كفايه الزمالك عليا هايبقي المنتخب كمان

حبيبي يا ozoozo انت زي حالاتى أنا وشريف

طب خد الدواء ده انا بستعمله قبل أي ماتش للزمالك , قدرنا بقي , شكلنا هندور على واحد زيه للمنتخب قريب :lol:

والله هم يبكي وهم يضحك

مش كفاية المنتخب .. كمان زملكاوية

الله يكون فعونكم

[Mr MAGED]

متخفش يابو عمار .. الجزائر شالت 2 هيا كمان .. الحال من بعضه

بتهيألي المفروض يكون فيه حد عنده شوية دم ويستقيل

ويكون فيه حد تاني عنده دم برضه .. ويضرب اللعيبة دي بالنار

حاجة تحرق الدم

ونكون عندنا احنا دم ونبطل نحرق دمنا ع الكورة

كل ما أحلف يا أخي ع الكورة وحرقة الأعصاب

مفيش فايدة

ومابناخدش حاجة

واللعيبة تاخد ملايين

وبرضو بنشجع ونقول

"مصر bv:-

طب نعملها ازاي دي

والله لو لقيت علاج للموضوع ده

الحكومة هنا هتعملك تمثال

يا أخي تحس ان كان عامل منتخب للمكسحين

وتحس انهم اول مرة يلعبوا كورة ويشوفوا بعض في الملعب

حاجة تغيظ

[engmido]

يادى الجرسة ام حناجل...بتعطيش الجيم

ههههههههههههههههههههههههه

مش للدرجة دى

جنوب افريقيا 4 نقاط واحنا نقطة يعنى لو كسبناها الماتش اللى جاى نبقا أول

mfb:

متشكرين يا شريف

اهو انت دايما كده...تخش ويعجبك المداخلة وعمرك ما نقطت ولو ببوزيتيتف ريبوتيشن واحدة

ننور بها الزيرو المتين ده

مع انى عامل معاك واجب قبل كده

الناس وصلت 40 ات 50ات

ههههه

[شريف مان]

والله يا عمنا كان بودى

لكن العين بصيرة وخاصية التقييم قصيرة

انا محروم من خاصية التقييم :sad:

أتوسطلى عن السيد عادل يمكن قلبه يحن :D

تم تعديل 11 أكتوبر 2010 بواسطة شريف مان